my coffee
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 يا دنيا علمتينا الحــــــب...<< جنااااااان لا تفوتكم !

اذهب الى الأسفل 
2 مشترك
كاتب الموضوعرسالة
سفاحة المقابر
آمـيـَـَـيز مـمـيز ~
آمـيـَـَـيز مـمـيز ~
سفاحة المقابر


عدد الرسائل : 280
نقاط : 0
تاريخ التسجيل : 14/02/2008

يا دنيا علمتينا الحــــــب...<< جنااااااان لا تفوتكم ! Empty
مُساهمةموضوع: يا دنيا علمتينا الحــــــب...<< جنااااااان لا تفوتكم !   يا دنيا علمتينا الحــــــب...<< جنااااااان لا تفوتكم ! Emptyالخميس فبراير 21, 2008 9:03 am

<<...يا دنيااا علميتنا الحـــــب...>>
الجزء الأول
اول يوم دراسة ... ثالث ثانوي الكل كاره عمره ... كانوا البنات جالسين برا المدرسة يستنون سياراتهم .. راحت لميس ما بقى الا ريما وشوق وسلمى صديقة رهف ورهف .. فجأة جت سيارة سلمى
سلمى: يلا بنات هاذي سيارتي جات يلا باي ..
الكل:بااي ..
رهف بصوت عالي: يااا دباا لا تنسين تدقين علي اليوم !
سلمى: اوكي اوكي ....
والكل كان يسولف ما عدا رهف اللي كانت تفكر في عبدالعزيز أخو ريم و ريما و سرحاانة ومرة تعباانة تبي تنام .. تفكر مين راح يجي اليوم ياخذهم وتدعي ربها انه عبدالعزيز هو اللي يجي ياخذهم مع السواق((خلونا نتكلم عن رهف شوي .. رهف بنت نعووومة لدرجة مو طبيعية لكنها فلة ووناسة .. خبلة و تضحك شعرها قصير لين كتفها لونة أحمر غامق كانه بني ... جسمها حلو و عيونها مايلة للخضار بيضا و بنوتة مرة)) فجأة جت سيارة كامري فيها ولدين .. وبصراحة مو مرة حلوين . .شافوا البنات وقربوا السيارة منهم و نزلوا الدريشة..
الولد يكلم البنات: مين تبي كتكات؟؟؟
البنات:............
الولد رمى الكتكات : اللي ماسكة الجاكيت الاحمر تاخذه (يقصد رهف) .. و مشوا ... ورا السيارة الكامري كانت سيارة فيصل اخو شوق (خلنا نتكلم شوي عن فيصل ثالث ثانوي .. فيصل وسيم لابعد درجة جسمه رياضي و كله يسوي شعره سبايكي توأم شوق مررة غالية عليه بس يحبون يتهاوشون يموت بريما بنت عمه بس يسوي نفسه ما يحبها او بالاحرى ما يطيقها لانه ما يبي يبين لاحد انه يحبها وهو مقنع نفسه انها ما تحبه ..عيووونه خيااال نظرة منه تخلي الحجر يذوب) قرب السيارة من البنات .. ريما على طول قالت : بناااات زين شكلي؟!
البنات: أي زين ...
يوم شافت شوق فيصل طالعت ريما من طرف عينها:عشان كذا تسألين!!
جلسوا البنات يضحكون عليها وريما بقلبها ((ياربي حركاتي فاضحتني بس لاا تلوموني احبهـ))
ريم:يااا شوق تروحين وتخليناا واقفين؟؟!
شوق:طيب وش اسوي؟؟ اجيب جوال فيصل تكلمون ها يا ريما تبين؟؟
ريما وهي مستحية: لا شكرا ما ابي ..
ريم وهي معصبة:اجل بننلطع هنا؟!! اقول شوق جيبي الجوال وما عليك منها انا بدق ..!
راحت شوق عند فيصل... فيصل كان يفكر بريما ومتنح...
شوي الا يسمع صوت شوق تصارخ: فييييصل!!
فيصل:هاااه وش تقولين ..؟؟
شوق: اقوول لا ولا شي بس مين سعيدة الحظ اللي سرحان فيها؟
فيصل: يا شييين اللقافة ..!
شوق وهي تبي تحرج ريما: طيب عطيني جوالك ريما تبي تكلم و هي تناظر ريما وتبتسم ...
فيصل((الجوال وصاحبه فداهاا)):ومين بتكلم انشالله ؟؟؟؟
شوق: السواق عشان اذا بيطولون حنا بنوصلهم ...
فيصل بقلبه((ياليته يطووول))
شوق: ها تبي تعطيني الجوال ولا لآ؟؟
فيصل: انا مو فاضي اوصل خلق الله ..
شوق:حرام عليك يعني نخليهم هنا لحالهم ؟؟؟
فيصل وهو يعطيها الجوال:هاه خذي غثيتيني ..!
شوق وهي تضحك:مشكوور ما قصرت ..
راحت شوق عند ريما:ها ريما خذي دقي على عزوز
(رهف طيرت عيونها اول ما سمعت اسم عزوز حبيب القلب)
ريما مرة استحت: انا ما كنت ابيه اعطيه ريم ..
ريم:هاتي هاتي انا بكلم ...
دقت ريم ورد عبدالعزيز على طول
ريم:الوووووو
عبدالعزيز:هلا فيصل ..
ريم:انااا ريم مو فيصل
عبدالعزيز:هلا وش تبين ؟؟
ريم:اقووووول وين السواق ..؟
عبدالعزيز:مدري شكله بيطول .. اقول اقول شجيب جوال فيصل عندك وانتي وينك؟؟؟؟
ريم: انا بالمدرسة ويني يعني ؟؟ بس الحين حنا بنرووح مع مين؟؟؟
عبدالعزيز:روحوا مع فيصل وشوق الله لا يهينهم ...
ريم:طيب يلا باااي ..
عبدالعزيز:باااي ...
سكرت ريم الجوال
شوق: هاه وينه ؟؟؟
ريم: يقوول عزوز انه بيطول ...
شوق: خلاص اجل تعالوا معانا ...
ريم: طيب يلا ريما ورهف ...
رهف اللي ما كانت معاهم:ليش ليش وش قااال عزوز؟؟
ريم:يقول بيطول و ما راح ننتظر الين ما يجي ...وانا ما عندي استعداد انتظر ..
شوق:يلا طيب فيصل بيعصب ..
ريما: اوكي يلا ...
ركبوا كلهم وركبت شوق قدام جنب فيصل ووراها ريما وجنب ريما رهف وورا فيصل ريم ...والكل كان يسولف الا ريما اللي كانت ذايبة((مستحية))
شوق:اقووول ريوووم ليه ما تتكلمين؟؟
فيصل داخل عرض: من جد مالها حس!
ريما وهي مستحية: لا بس تعبانة شوي ..
فيصل((ليته فيني ولا فيك))
شوق وهي خايفة:وش فيك ريما في شي يعورك؟؟؟تبين نمر على الصيدليه تبين شي؟؟؟؟؟
فيصل بمزح:انا ما عندي شغلة الا انتي وريما ؟!..
استغربت ريما اول مرة يصير لها هالموقف ..
ردت وهي معصبة: لا شكرا مابي شي لا ياكلني اخوووك ..
وبعد هالموقف محد تكلم .. ووصلوا ريم وريما البيت ... وشوق وفيصل وصلوا رهف وراحوا بيتهم ....
أول ما وصلت شوق كان فهد (اخو شوق الكبير رابع جامعة انسان جدي ومنظم حلو كلهم ينادونه الاماراتي لانه يشبه للامراتيين حتى ستايله و احيانا كلامه بس قلبه مرة طيب ويحب اخته شوق مرررة)
شوق وهي مستعجلة:سلااام ..
فهد وهو مستغرب:وعليكم السلام ...
وعلى طول راحت شوق غرفتها ودخل بعدها فيصل ..
فيصل:سلاام ...
فهد:وعليكم السلاام ....
فهد وهو يكلم فيصل:شفيها هذي المرجوجة؟؟
فيصل وهو يفكر بعصبية ريما:ماادري اسألها هي...
...............
ريما كانت جالسة بالصاالة وبالها بعيييد عبدالعزيز اخوها كان جالس معها (خل نتكلم عن عبدالعزيز .. مرررة حلووو .. و يموووت بالتراب اللي تمشي عليه رهف. شخصية مرحة مرة و خفيف دم واذا غنى الكل يسكت صوووته يذووب .. حلم حياته ان رهف تحبه)
فجأة رن التلفون
ترررررررررن
ترررررررررررررررن
تررررررررررررررررررررن
نقز عبدالعزيز ع التلفون:الوووووو
.............:الوووو ..
عبدالعزيز((اخ اخ اعرف هالصوت)):هلا والله مين؟؟
........: انا رهف ممكن اكلم ريما؟
عبدالعزيز(آآه مشتاق لها مووت):هلا والله برهف شخبااارك ما عرفتيني؟
رهف وهي مستحية ومرتبكة:تمااام الا عرفتك وشخبارك انت؟؟
عبدالعزيز:تمام تبين ريم ولا ريما؟؟؟؟
رهف:لا ابي ريما ...
عبدالعزيز وهو وده يقول(من عيوووني الثنتين): انشالله لحظة شوي ...
عبدالعزيز:شوق رهف تبيك على التلفون
شوق كانت تركب الدرج: حوله على غرفتي
حول عبدالعزيز الخط على غرفة شوق
شوق:هلا هلا
رهف:اهليييين شخباارك؟؟
شوق:تمام انتي كيفك؟
رهف:تمام اقوووول
شوق:هلا
رهف:كيف كان اول يوم
شوق:يااااا ربي ام الطففش
رهف: ههههه تصدقين اولى ثانوي مواده كثيرر
شوق:ايه بس تراه يبي له تركيز
رهف: اجل شكلي برسب انا سرحانة طول الوقت
شوق:ايييه اللي ماخذ عقلك يتهنى به
رهف:ههههههههههه أي عقل أي خرابيط
شوق:هههههههه ليه ما عندك عقل انتي
رهف ما استوعبت: شلون ما عندي عقل؟
شوق و هي ميتة ضحك على غباء بنت خالتها:هههههههه والله انك خبلة
رهف:أي ادري من زمان
شوق: هههههههههه اقوول انا بذاكر بس ترا اليوم العزيمة ببيتنا وبنعزم البنات ...
رهف:أي صح ام الفلة خلاص استنينا اليوم ..
شوق:طيب ابي اقضي المذاكرة و اكلمك
رهف: لا ما يحتاج حتى انا بذاكر وبجيك على طول
شوق:خلاص استناك بااي
رهف:بااي
....................
اجتمعت العوايل ببيت ابو فهد
العيال والبنات كانوا قاعدين مع بعض يلعبون لعبة ((الجرأة أو الحقيقة)) للي ما يعرف اللعبة هذي ياخذون قارورة او أي شي يدور والشخص يسأل الانسان الثااني ...أو يطلب منه طلب ....
جا الدور على مهند ولد خال ريما وريم يسأل فيصل
مهند: فيصل مين تبي تتزوج لما تكبر من العيلة؟؟؟
فيصل بكل فخر: مين قال اني بتزوج من العيلة ..؟
صرخت هنادي بنت خالهم: يعني ما بتتزوجون انت و ريما
ريما انحرجت حدهاا اما هو قال: هه من زينها لو بتزوج لي وحدة بتزوج وحدة من برا امريكية و حلوة مو انتوا .. و كش عليهم ..
ريما عصبت حدها((تفشلني يا فيصل هااه تشووف سخيف وربي))
قامت ريما من اللعبة معصبة ((خلنا نتكلم عن ريما ((ريما ثالث ثانوي عليها جمااال بنووتي وانووووثة مو طبيعية وسمارها يهبل هذا غير الدلع اللي محليها عيونها بنية و شعرها بني كيرلي يوصل لين كتفها جسمها حلووو. ثقتها بنفسها عااالية مرة واحيانا تمصخها خخخخ لكن روحها مرحة و تحب الوناسة وطيبة لابعد درجة زي شوق ودايم يسوون مقالب في اهلهم لدرجة اذا مر يوم بدون مقالب يعرفون ان ريما وشوق متزاعلين لوول )) كل ما سألوها شفيها قالت تعبانة او مصدعة .. الكل رحل بيته و دقت رهف على ريما ..
ريما: الو ...
رهف: هلا هلا ريما ..
ريما: أي هلا ....
رهف: ريووم اليوم الموقف مرة يفشل
ريما بلعت ريقها وتنهدت: لا ما يفشل اقول رهف انا تعبانة اكلمك بعدين اوكي
رهف:لاااا يكون زعلتي
ريما: لالا اكلمك بعدين مصدعة يلا باي
رهف وهي مو مصدقة:اوكي باي
وش تتوقعون بيصير بين فيصل وريما؟؟
ورهف بتدري عبدالعزيز يحبها ولا لا؟؟
مين الشخصيات الجديدة اللي بتطلع بالقصة و تغير كل شي؟؟؟؟
ابي توقعااااتكم واذا عجبتكم القصة قولوا لي عشان انزل الجزء الثاااني .. انتظر ردودكم!!!!

................................
حقوق النشرررر محفوووظة واللي يبي ينقلها الى اي منتدى ثاني يرسل لي ع الخاص
اول

يا دنيا علمتينا الحــــــب...<< جنااااااان لا تفوتكم ! 104344
يا دنيا علمتينا الحــــــب...<< جنااااااان لا تفوتكم ! 697256 يا دنيا علمتينا الحــــــب...<< جنااااااان لا تفوتكم ! 697256 يا دنيا علمتينا الحــــــب...<< جنااااااان لا تفوتكم ! 697256 يا دنيا علمتينا الحــــــب...<< جنااااااان لا تفوتكم ! 930566 يا دنيا علمتينا الحــــــب...<< جنااااااان لا تفوتكم ! 930566
الرجوع الى أعلى الصفحة اذهب الى الأسفل
جنون
عضۈٍ טּـشيط ~
جنون


عدد الرسائل : 58
يا دنيا علمتينا الحــــــب...<< جنااااااان لا تفوتكم ! 4210
نقاط : 0
تاريخ التسجيل : 20/02/2008

يا دنيا علمتينا الحــــــب...<< جنااااااان لا تفوتكم ! Empty
مُساهمةموضوع: رد: يا دنيا علمتينا الحــــــب...<< جنااااااان لا تفوتكم !   يا دنيا علمتينا الحــــــب...<< جنااااااان لا تفوتكم ! Emptyالأربعاء أبريل 30, 2008 7:55 pm

يلللللله يا سفااحه نزلي الجزء الجديد <<بدري يا دنيا علمتينا الحــــــب...<< جنااااااان لا تفوتكم ! 828686 <<تحمست lol!
الرجوع الى أعلى الصفحة اذهب الى الأسفل
 
يا دنيا علمتينا الحــــــب...<< جنااااااان لا تفوتكم !
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
my coffee :: . :: يـפــَـڪْى أَنـْ ~!-
انتقل الى: