my coffee
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 حجـــــــازي يقـــــص قصــــة الزيــــر سالـــــــــم!!!!!!!

اذهب الى الأسفل 
3 مشترك
كاتب الموضوعرسالة
اعقل مجنونه
[ ڪبــَـَـآر آڷشخصيآإٺ ~ ]
[ ڪبــَـَـآر آڷشخصيآإٺ ~ ]
اعقل مجنونه


عدد الرسائل : 3226
المزاج : مًزاجٍي قهوُهـ مالقتٌ من يحْليَها~ღ
دروس
نقاط : 121
تاريخ التسجيل : 21/12/2007

حجـــــــازي يقـــــص قصــــة الزيــــر سالـــــــــم!!!!!!! Empty
مُساهمةموضوع: حجـــــــازي يقـــــص قصــــة الزيــــر سالـــــــــم!!!!!!!   حجـــــــازي يقـــــص قصــــة الزيــــر سالـــــــــم!!!!!!! Emptyالجمعة يوليو 04, 2008 4:31 am

لا أطول عليكم أتركم مع القصة
77
77
77
77
77
77
77
77
77
77
77
777777
77777
7777
777
77
7

واحد حجازي يحكّي اولاده قصة الزير سالم ) اقروا القصة واضحكوا(

يااولادي دحين بقلّكم لمن ألتقى الواد جساس داك الي شايف نفسو

مرة الي اسمو كليب..

خدو الرواية:

كليب كان ماشي في برحة مرة كبيرة ومافي ناس ولا في احد جنبو .

والواد جساس بصراحة خلبوص شويه وجبان ..لأنو استغل وجود

كليب لوحدو..

المهم عمنا كليب ماشي بامان الله وقاعد يشم شوية هوا وبعيد عن

رجةالبزورة والبيت ومشاكل عيال عمو وقلق الناس الي عندو...

المهم جا الواد جساس وقلّو: انت يا كليب

طبعا كليب ادالو اشكل مارد عليه ولا ادالو وجه

قال جساس: انت يا كليب رد اشبك انا قاعد اهرجك ياهووه

وداك مديه اشكل وربي ولا هو معبرو

جساس: شوف ياكليب..انتا كسرة الماصورة حقتنا ولا خليتنا نشرب

مويه

لا نحنا ولا غنماتنا ولاجملاتنا ... وكل هادا ونحنا ساكتين

وقلنا عيب مو مشكلة دا برضو ولد عمنا ومن لحمنا ودمنا... وكبير

العيلة

لكن انك تفرد عدلاتك( عضلاتك )علي الجمل حقت خالتي

(البسبوسة)وتقتلها كمان؟

لا حبيبي دا مو كلام رجاجيل وألّي انتا سويتو غلط في غلط

مو عشان سكتنالك تحسبنا خايفين منك..نحنا احترمنا صلة القرابةالي

بيننا

وقلنا هذا( بو رحم )ومننا و فينا بس انتا بالمرة خبصت أم الشغلة.

ومع كل دا الكلام و عمنا كليب مديلو اشكل بقوة ، ولا كأنو في احد

بالمرة.

جساس صرخة بصوت عالي مرةانت يا

كلـــــــــــــــيب ياخي رد عليّا ايشبك ،اتبكمت والا ايش؟

انا عارف انو ما تطالع وراك الا ازا كان فيه بشكة اقل شي اربعين

راجل...

كليب طبعا رد وهو لاوي بوزو ، ويعني اٍنو قوي مرة.. وقال:لا ي

ا بويا غلطان ،أنا ما ارد إلا لمن تكون البشكة 50 راجل.

ساعتها الواد جساس جسمو تكهرب شويه بس سوى فيها انو ولا

همو

وداك عمنا طنش وكمّل مشيو مع الحصان حقو المهم الواد جساس

طرطع وقفلت معاه وركبو 100 عفريت..

وفي لحظة غضب الواد جساس طلّع الرمح حقو..ورماه علي عمنا

كليب وغرزو في ظهرو ..

قام يتألم ويتبكبك ا كليب وقعد يصرخ بصوت عالي كأنو بعبع(وحش ) ...
الواد جساس قال: ياواد ما يبغالهاالا افركلهاواشرد لا يجي احد دحين

والا يجي الزير ويسويلنا قلق محنا فاضيلو دحينا، وهاتك يا فكيك دق

سلف بالحصان حقو ونمر لها..

اما عمنا كليب حالتو صارت حاله ، قام يزحف علي بطنو شوية لمن

وقف علي رجولو ويمشي والرمح معلق بظهرو ، لمن التقى بواحد

بدوي حق غنمات ... لمن شافو البدوي انفجع

وقلّو: مو انتا عمّنا كليب ،اشبك كدا؟ ... ايش صار فيك ياعمنا ..

رد عمنا كليب على البدوي وقلّو: روقنا ياخي ، مو وقتو ، ما تشوفني

مغرق بالدم وانتا لسه تسال؟

.ياخي جيب لي شوية مويه ابغى اشرب ياواد...

البدوي صاحبنا جبلو مويه وشرّبو .

كليب: اسمع ياواد انا غدر بي الواد جساس واكلني الرمح حقو

بظهري من ورى ...

والي خلق امك لو انو كان من قدامي كان عرفت اتصرف معاه ...

لكن هو رمه وجبان وخيخة وجايني من ورى لكن مو مشكلة انا

اعرف اجيب حقي...

حتي وانا ميت ورايا رجاجيل ما تترك حقي يابويا.

وقال كليب للبدوي: حكتب لك وصية تخليها حلقه بودنك وحكتبها علي

الجدار دا بدمي

( لانو ماكان معاه قلم ولاورقة ولا حاجة يمكن نسيها في البيت )...

ولازم اخوي سالم الداشر يقراها...

وبعدين الله يخليك تسوي معايا معروف انك تقتلني بعد ما اغلق من

القصيدة ...

قبل ما يعفن ظهري وتصيبني الغرغرينة ( سلام وقول من رب رحيم(

قلّو البدوي طيب.

وبدا ابو الشباب يكتب الوصية:

وهي كالاتي:

اول بيت يقول: استغفر الله اله العرش لا يعبد سواه ...

وتاني بيت يقول: الملك لله رفع السماء وبسط الارض ...

وتالت بيت يقول: لاتنسى اليتاما وتخون العهد يادب ...

ورابع بيت يقول الله اكبر علي الظالم المفتري الغدار اصحك تسيبو او

تسامحو

وخامس بيت يقول: جساس خمني وغدربي وطالع على الجرح

بظهري وتعرف ...

وسادس بيت يقول: الزير اخويا اعرفو قوي وشديد يمرمط العدوين

ويشلفطهم شلفطه...

وسابع بيت يقول: يا سلومي يا ابو السلالم خليك راجل وبطلك حركات

البزورة

والبيت الثامين يقول فيه: شوف ياسالم لا تخلي ولا احد منهم لاراجل

ولا شيخ ولا عجوزة ولا حريم واقتلهم

وتاسع بيت يقول فيه: لا تصالح اي واحد منهم وربي لو تصالح احد

حأشتكيك لربي

وعاشر بيت يقول فيه: لو ما سمعت كلامي دا ولا سويت الي وصيتك

عليه نتقابل عند قاضي القضاة رب السموات والارض.

المهم بعد الهرجة هذي صاحبنا البدوي راعي الغنمات كمل علي عمنا

كليب حسب طلبو

المهم الهرجة دحين وصلت لحارة كليب واهلوا عرفوا بالهرجة كلها

وطبعا

اخوانوا سووا فيها كيف وما كيف ومن الكلام دا...

ونحن نفعل ونحنا نسوي وحقنا مايروح لو علي شواربنا ومن الخراط

هادا.

المهم

راحوا عند بيت عيال عمهم وتقابلوا مع ابوهم يعني قلك يسون

مفاوضات...

وهادا بدال هادا وما ادري ايش المهم مااتفقوا وقالوا خلينا نشوف

الدب الداشر سالم ايش يقول؟.

وبعدين صاحبنا سالم كان سكران مع ولد عمو همام (ابو رحم) يعني

رحيمو ... تعرفون كانو داشرين حقين شراب وبنات وكباين

وشاليهات ومخلينها خل وطرشي

المهم ارسلو واحد يقول لهم الهرجة وجا الراجل الي بيقولهم الهرجة

، وكان الدب الداشر(الزير)

سكران مقربع مزبوط ومأجر السقف العلوي بالملحق كمان ... وطل

همام وعرف الهرجة,

وفجأه طلع لهم الدب الداشر وقال:ايشبكم ياهووه ايش الهرجة قاعدين

تتوشوشو علي ايش؟ ...

احس انو في شي بس ما تبغو تتكلمو ...بنت يا ضباع ايش الهرجة؟

المهم العالم خافت وقامت تنفض من الخوف... سحبو همام وقالو

ادخل جو ونتفاهم ...

مسكو من صدرو قلّو ياهو ايش الهرجة قلبت راسي وفكفكتها معايه

وانت عارف انو مرووقين وشاربين

قلّّو همام شوف: لو قتلوا اخوك كليب... ايش تسوي؟

قام ضحك الدب الداشر(الزير (الا شوي كشر بوجهو وقلب قارورة

العرق وخلها تقطر شويه شويه...قلّو شايف هدا العرق كيف يقطر؟

طالع همام مستغرب

قلّو لا تستغرب ياواد ... لو قتلوا اخويه انا اخلي دم اخوي وكل قطره

من دمو براس رجال من قبيلتهم

وانتا شوف اخوي قد ايش عندو دم( بكاش الواد هادا الزير) المهم.

همام قال:ياهوووووه ما بدها خليني اديلو الهرجة والي يصير يصير:

وقلّو الهرجة .... والدب الداشر(الزير) سوا مناحة ديك الليلة

وهاتك يابكى وصراخ زي البزوره ..تعرف مع السكار والخبر الي

مزفت ..

نكب الدنيا ...المهم قاعد يقول اشعار وتهديد وتخاريف ومدري ايش

من الكلام دا حق السكرانين..لمن طلع الصبح وصاحبنا نايم علي الدكة

وحالتو حاله ...

ولد اختو من جد نذل قال لابوه:هيا نقتلو وهو سكران وفكنا من شرو

ابوه طرطع قلّو ايشبك انتا مجنون ؟ ياواد عيب دا خالك ... وسدحو

بكلمتين وروق الواد.

المهم صبح الصبح وكل واحد يبغى يسري عند اهلو عشان يشوفون

ايش الهرجة وكيف راح يدور البوكس بينهم( يعني المعركة ) وقبل

مايمشون ...

سوا فلم هندي الدب الداشر وقرينو همام ...

قلك ماراح اقتلك وما ادري ايش وما ابغاك تكون خصمي يا همام ...

وقلك همام يقول لا ياهووووه كيف دولا أهلي وبرضو مااعتقد اني

بسكت ... ومن الخرابيط هادي.

المهم كل واحد سرى عند اهلو...وقالوا بيننا البرحة ونشوف مين يغلب.

وباقي القصة يااولادي راح احكيكم هيه لما تنجحوا وتجيبوا الشهادة

واقلكم ايش سوا ابو ليلى فيهم

تعبتو من القراءة هههههههههههههههه
[/size][/b][/center]
الرجوع الى أعلى الصفحة اذهب الى الأسفل
BOY GIRL
ع‘ـضۈٍ نآۈٍي يٺمـير =)
BOY GIRL


عدد الرسائل : 96
بشتاق لك
نقاط : 11
تاريخ التسجيل : 18/06/2008

حجـــــــازي يقـــــص قصــــة الزيــــر سالـــــــــم!!!!!!! Empty
مُساهمةموضوع: رد: حجـــــــازي يقـــــص قصــــة الزيــــر سالـــــــــم!!!!!!!   حجـــــــازي يقـــــص قصــــة الزيــــر سالـــــــــم!!!!!!! Emptyالجمعة يوليو 04, 2008 6:31 pm

لا الله يعافيك لا عاد تحكيها لنا انت وهاللهجه مانبي نجيب الشهاده



حجـــــــازي يقـــــص قصــــة الزيــــر سالـــــــــم!!!!!!! 471299 حجـــــــازي يقـــــص قصــــة الزيــــر سالـــــــــم!!!!!!! 471299 حجـــــــازي يقـــــص قصــــة الزيــــر سالـــــــــم!!!!!!! 471299



أختي أعقل مجنونه تسلمين ع الموضووع خطير بس /اكررررررة هاللهجه تنرفز




اذا كملتيها عقلقل برجع اقراها


63
الرجوع الى أعلى الصفحة اذهب الى الأسفل
اعقل مجنونه
[ ڪبــَـَـآر آڷشخصيآإٺ ~ ]
[ ڪبــَـَـآر آڷشخصيآإٺ ~ ]
اعقل مجنونه


عدد الرسائل : 3226
المزاج : مًزاجٍي قهوُهـ مالقتٌ من يحْليَها~ღ
دروس
نقاط : 121
تاريخ التسجيل : 21/12/2007

حجـــــــازي يقـــــص قصــــة الزيــــر سالـــــــــم!!!!!!! Empty
مُساهمةموضوع: رد: حجـــــــازي يقـــــص قصــــة الزيــــر سالـــــــــم!!!!!!!   حجـــــــازي يقـــــص قصــــة الزيــــر سالـــــــــم!!!!!!! Emptyالسبت يوليو 05, 2008 3:24 am

هههههههههههههههههههههههههههههه

حتى انا تجنني هاللهجه
خخخخخخخخ

اكيييد اول ما اكملها برسل لك
عاد الله يعينك


يسلموووووو على المرور الحلووووووو

والله لا يحرمني طلتك
الرجوع الى أعلى الصفحة اذهب الى الأسفل
كراميلا بالتوفي
[ ڪبــَـَـآر آڷشخصيآإٺ ~ ]
[ ڪبــَـَـآر آڷشخصيآإٺ ~ ]
كراميلا بالتوفي


عدد الرسائل : 1615
العمر : 35
الموقع : بين احلى اعضاء فى مقبرتنا
المزاج : لم يحدد بعد
مشتاق
نقاط : 144
تاريخ التسجيل : 23/05/2008

حجـــــــازي يقـــــص قصــــة الزيــــر سالـــــــــم!!!!!!! Empty
مُساهمةموضوع: رد: حجـــــــازي يقـــــص قصــــة الزيــــر سالـــــــــم!!!!!!!   حجـــــــازي يقـــــص قصــــة الزيــــر سالـــــــــم!!!!!!! Emptyالسبت يوليو 05, 2008 7:20 am

اعقل مجنونه


الحكايه هادى

مرررررررررره

جوناااااااااااااااااااان


هيا كمليها بسرعه

وبعدين بسم الله

على مزاجك

ايش بك مريضه

من جد

بسم الله عليكى

قلبوووووووووووو

مرررررررره
روووووعه

القصه






lol!
الرجوع الى أعلى الصفحة اذهب الى الأسفل
http://www.wafanet.com
اعقل مجنونه
[ ڪبــَـَـآر آڷشخصيآإٺ ~ ]
[ ڪبــَـَـآر آڷشخصيآإٺ ~ ]
اعقل مجنونه


عدد الرسائل : 3226
المزاج : مًزاجٍي قهوُهـ مالقتٌ من يحْليَها~ღ
دروس
نقاط : 121
تاريخ التسجيل : 21/12/2007

حجـــــــازي يقـــــص قصــــة الزيــــر سالـــــــــم!!!!!!! Empty
مُساهمةموضوع: رد: حجـــــــازي يقـــــص قصــــة الزيــــر سالـــــــــم!!!!!!!   حجـــــــازي يقـــــص قصــــة الزيــــر سالـــــــــم!!!!!!! Emptyالأحد يوليو 06, 2008 2:34 am

فديييت قلبك حبيبتي كارميلا

الله لا يحرمني طلتك

حليتي اللهجه والله يوم تكلمتي فيها
فديتك

ابشري اول ما اكملها بقولك

اي والله حبيبتي تعبانه شوي

ادعي الله يفك ضيقتي
الرجوع الى أعلى الصفحة اذهب الى الأسفل
 
حجـــــــازي يقـــــص قصــــة الزيــــر سالـــــــــم!!!!!!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
my coffee :: . :: آﭮــڷبهآ فــــــڷـ? =) ~-
انتقل الى: