أجي مِسْرع إلى ذاك المطار ,، ويرتبك نصفي ،،
ونصفي الثاني يتسائل عَن اللِّي صار و أخطائي ..!
تروح شلون عَنْ عيني .. وتبدِّل قوِّتي ب ضعفي !!
ولا به شي يستاهل عشانه .. تبدي إيذائي !..
{ مسافر} دُونْ ما أدري وحِزني داخِلي مخفي ،،
أبيـگ الحين مو باگر تِحلِّقْ فوق أجوائي ..!
مطار القلب يتحرى رجوعِـگ ,، غيبتِـگ تگفـي ،،
أبگتب لِكْ ولا أقدر على التعبير وإملائي ..!
غيابـگ ما رحَم حالي وحرفـي آآآهـ يـا حرفي ،،
تلعثمت , وعجزت آخذ في وقت البُعـد إجرائي ..!
أنا گلِّي عَطَـشْ ضامي أعيـش بغيبتِـگ حتفي ،،
لأنك ساعة الضيقه هواي ,، وبالعَطَش مائي ..!
أحبـگ يا { وَطَنْ } غالي عَليْ وحَضْرتِي " منفي " ..!
گفايه لا تِشتِّتْنِي تعال .. وجَمِّـعْ أشيائي ..!
وَطَنْ شنهو وَِطَنْ .. إلاَّ عُيونِكْ في لُغة وصفي ..؟
غريبه شلونْ تترگْني .. وإنت بداخلْ { أحشائي }
{ ثلاثْ أيَّـامْ } تهجرني ولا بيَّنتْ لِكْ نزفي ،،
ودُواي اللِّي تِگاثرْتَه عَليْ وصِرتْ لِي دائي ..!
{ ثلاثْ أيَّامْ } ما نامَت عيوني وما قِدَرتْ أغفي ،،
لي الله گلْ ما حُولي غريبْ وعَالَمِي نائي ..!
{ ثلاثْ أيَّامْ } وأنوار المدينه يـا الغلا تطفي ،،
وتِعِمْ الظَّلمَه في قلب الشوارع وأفقِدْ أضوائي ..!
تِصَدِّق حتَّى بسماتي أهَلِّـي فِيهـا وتِقفِّـي ،،
تعال ولَمْلِمْ جُروحي ورَتِّـبْ فُوضَة أجزائي ..!
يجيني الجَرَحْ مِنْ إيدكْ .. وأصْفِـقْ گفِّـي بگفِّـي ،،
أعَزْ أحبابي يطعَنِّي ويـداوي الطَّعْنَـه أعدائي ..!
{ ثلاثْ أيَّامْ } تِطْعَنِّي وأنا أشِيلِگ على گتفي ،،
كأنْهَا طَعنِتِـگْ " ضِيفٍ " وقلبي ..... حَاتِمْ الطائي ..!