أي والله ان شوفتهـ تستاهل عنادي ..!!
اللي عشانه تركت .... [ الدار والتربه ]
مااقولك شوفته.... نستني بلادي ..
لكنها يافهد نستني " الغـربـــــــه" ..!!
وش عاد لو قلت عني ضايع وغادي ..
وش ابركه من ضياعـ(ن) دلني دربه !!
تبغاني أرجع وانا ياصعب ... معوادي
مادام همي (( نسانـــي)) وانقلع سربه ..
الهم هااللي تشوف انه علي بادي ..!!
ياليتك تشوف كيف يصير في قربـه ..؟!!
الله يحرم عيونــي...... لذة رقاااادي
إني معه مااعرف حزنـي ولا أشعربه ..
هرجك في وادي ... وانا ياخوك في وادي ..!!
الله يخليك حالي ...// لا تعـذر به // ..!!
راضــي بحالي كذا ... واللي يجي عادي ...
لعيون منهو ركز في قلبــي .... الحربه
بصوته .. شقاوته .. مزحه .. طبعه الهادي
يملى علي الفضا ... من شرقه لغربه ..!!
يكفيني أنه غدى هو شربي وزادي ..
أو تقدر تقول ... أنا اللي زاده وشربه
ياخي اذا الحب عيب ... فـ شفني أنادي .. !!
سجل أنا من عرف عيبه ... [ وجاهر به ]
وسجل هنااااا كلمة تستاهل ... عنادي
بقولها قبل أسافر وأترك التربــه ....
والله ماأقسـى ... من الغربهـ عن بلادي !!
[ إلا شعوري وأنا في بلادي بالغربـــه ] ..!!
وسلامتكم
![[ ڪبــَـَـآر آڷشخصيآإٺ ~ ]](https://2img.net/i/itest/ranks/default/default5.gif "[ ڪبــَـَـآر آڷشخصيآإٺ ~ ]")
الأربعاء سبتمبر 10, 2008 4:41 pm
فهد المسااااااااااااعد 