تخيلني كذا وحدي حزين وخاطري مكسور
انادي لكـ..وانادي لكـ..ولافكرت تسمعني!!
ابد ماجا على بالي تعاملني بدون شعور
اذا انك صدق ماتقدر..وصرت بهل جفا مجبور
امانه لاتعودني وصالك..ثم تقطعني
صحيح انه معي..جمله تلف بخاطري وتدور
وربي ودي انطقها..وقلبي مايطاوعني
وعشان ارتاح بتكلم بلا احم ولادستور
تجي سمحه ..تجي عوجا..على الله يامولعني
اذا كنت متضايق..وصرت بدنيتكـ محشور
تبي الفرقا..ولاودكـ تواجهني وتوجعني
دخيل الله..دخيل الحب..دخيلكـ اكشف المستور
وقول ابعد عن دروبي..ولاهو شرط تقنعني
ابكتب فوق قلبي<<مات هالطيب وهو معذور>>
ويكفيني رضا ربي علي من الخطا والزور
ويكفيني غلا ناس برمش العين ترفعني
ويكفيني بريق اسمي وتصفيقه من الجمهور
ودعوة اخو كل ماجيته قام يدلعني
ويكفيني من الحب والحزن والخاطر المكسور
"وقسوة صاحب"ن"لاصحت له ماعاد يسمعني