خسارة كيف حبيتك

كتبت الشعر مو لجلك ولكن فاض بي بركـان
واما انتي فلا تسوين قصيده في نظـر عينـي

حلفتي لي تصونيني إذا صار الزمـن خـوان
وأول ما عثر حظـي علـى دربـك خذتينـي

كسر رمح الزمن صدري وجيتك اشتكي حيران
نزعتي الرمح من صدري وفي ظهري طعنتيني

خسااااره كييف حبيـت! نعـم والله ندمـان
غبي أدري نعم ادري ما دام انـك سكنتينـي

سنه من عمري وانـا فـي لعبتـك غرقـان
أشيل الشوك من دربك وجرحي كان يدمينـي

وكنت أبكي إذا تبكي وأكون لبسمتك فرحـان
وكنت اقرب من رموشك لعينك يـوم تبغينـي

عرفتك للآسف صحراء وحولتك إلـى بستـان
وشلتيني غصن أخضر وفي صخرك زرعتيني

حفرتك داخلي وظني تصوني عشرتي أزمـان
وكنت أحفر قبر موتي على ساحـل شرايينـي

على كف الشقا نامت جروحي والألم سهـران
يحطمني .. يبعثرني .. وفي صحراك يرمينـي

ولكن عزتي تفرض أكـون بدنيتـي سلطـان
وإن ظنك أجي أركع لجلـك... مـا عرفتينـي

انا ما عادتي اشحذ من أمثالك رضا وإحسـان
امـوت بعزتـي ارحـم ولا ذلـك يغطيـنـي

وما دام الوفا عندك يدور لـه علـى عنـوان
بدور لي على قلب يصـون الحـب وسنينـي

ولو قلبي رجع حَبـك بولـع فيـه بالنيـران
وبكسرها أنـا رجلـي إذا صوبـك تودينـي

ولو دار الزمن ضدك وجيتي تطلبي الغفـران
وجبتي الشمس في كفك لـعندي..ما بتلقينـي

تقول الناس في وصفك جميله مثل عود البـان
وإنك أجمل وأحلى بشر مخلـوق مـن طنـي

وإنك غالية وأثمن مـن الياقـوت والمرجـان
تقوم أكوان من أجلـك وتقعـد لـك بلادينـي

حساااااافه غرهم شكلك ويا ما تخدع الألـوان
عموماً .. بقت كلمة أخيـرة لـك واسمعينـي

إذا كنتي بنظر غيري ملاك على هيئة إنسـان
قسم بالله ما تسوي شعره من رمـش عينـي

حلفتي لي تصونيني إذا صار الزمـن خـوان
وأول ما عثر حظـي علـى دربـك خذتينـي

يعطيك العافيه أختي فزولها ابيات رائعه جدا جدا ومب غريب عليك التميز

تقبلي مروري,, الراحل

اسعدني مرورك اخوي منور

من جد روووووووووووووووووووعه ....

انا عني .... اعشششششششششششششششق هالقصيده ... عشق جنووووووووووني

تسلم الانااااااااااااااامل ... فزفوزه

داااااااااايم مبدعه لاهنتي

تقبلي مروري:
حنووووووووووووووووووووووووووووونه

\\
//
\\
//

قوووووووووووووووووووويهـ

ولو قلبي رجع حَبـك بولـع فيـه بالنيـران
وبكسرها أنـا رجلـي إذا صوبـك تودينـي

عصبيه تخووف خخخخخخ

يسلموو لا هنتي

احلى مرور <== يؤ2

قمولتـ / ـك

اسعدني مرورك يالغلا