ابطيـت ياقلبـي تغامـر وتـرقـا ..

ابطيـت ياقلبـي تغامـر وتـرقـا
ضربه تصيب وضربةٍ توجع الراس

مادام مالك بيـن الأجـواد مرقـا
لاتبني احلامٍ ضعيفـة بـلا سـاس

هذي سنـة عـدت ولا لاح برقـا
رجيت طيب الحظ والحظ منحـاس

ومن عقب حلوات السواليف فرقـا
لاباس ياقلبي على الحـظ لا بـاس

رحيله اللي يحـرق القلـب حرقـا
اقفى وقلبي بين صمتٍ وهوجـاس

مدري شمـال الـدار والا بشرقـا
بس الوكاد اني على حروة اليـاس

يوم ان عيني بسيل الادماع غرقـا
اكفها بأطراف كمي عـن النـاس

قصة وفا ماهـي بحبـكٍ وسرقـا
موثقـة مابيـن حبـرٍ وكــرّاس

تحياتي .. الراحل

مبدع كما عودتنا

خيووووووووووووو

الراحل

يعطيك العافيه

الله يعافيك ومشكوره على المرور

..

روعه اخوي

يسلمو

تقبل مروري
طعومه

الله سلمك ومشكوره على مرورك

..

يعطيييييييييييييييك الف عاافيه

دااائما مبدددع

ويعجبناااا ذوووقك الشعري

الله لا يحرم المنتدى من ابداااعك

تقبل مررروري

عقوووله

الله يعافيك ويسلمك ومشكوره على المرور أختي

..