ترى ما يذبح العاشق سوى لاكثرة أوجاعه

طلبتــك يا بعـد كل الخــلايق روف و اسمعــني
ترى ما يذبح العاشق سوى لاكثرة أوجاعه

أمانــه لا بغيـت تـروح !تـكفى لا تـوادعني..
تراك انت الوحيد اللي عجزت اتخيل وداعه

اليـا منه نزل دمـعي أمامـك قول وش يعني
يا إما .. إني احبـك أو إن النـفس ملتـاعه

و أنـا في الحالتيـن أصبـح أنا المقصود والمـعني
و تصبح حضرتك جاني وأنا المجني على أوضاعه

ياهيه اسمع ! ياهيه افهم كلامي لا تقاطعني
ترى الرجّال دمعاته تساوي! لويـة ذراعه

(و أنا عن بعض الاشياء..عزتي والله تمنعني
مع أن نفسي على حبك قسم بالله منصاعه)

يا ليتك من قبل لا تقتنع في البعد تقنعني
سقيم الحب بعد الله من اللي يقدر اقناعه


و يا ليت انك سقيم العقل! قبل انك تولعني
ما كنت اشتاق للمجنون و اعشق طبع بطباعه

ترى عادي !يوم إنك كل ساعه كنت تخدعني
لكنّ اللي ماهو عادي احبك موت كل ساعه


احبك كثر ! مالك في الحشا طعنات توجعني
و احبك كثر! مايجرح خفوقي خافق ٍ باعه

احبك كثر! ما حاولت للهجــران تدفعني
و احبك كثر ! ما املك من بيوت الشعر و اتباعه

و لكن دمعي لو ينزل.. نزل في شي ينفعني
نزل للخالق الواحد و ابي و امي و للطاعه






تحياتي.. الراحل