الرئيسيةس .و .جبحـثالتسجيلقائمة الاعضاءالمجموعاتدخول

شاطر | 
 

 [وربي أحبــك يا سخيــــــف ...!!]

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ظميآنتك!!
[ ڪبــَـَـآر آڷشخصيآإٺ ~ ]
[ ڪبــَـَـآر آڷشخصيآإٺ ~ ]


عدد الرسائل : 1237
المزاج : :)
احوبكم
نقاط : 1266
تاريخ التسجيل : 01/07/2009

مُساهمةموضوع: [وربي أحبــك يا سخيــــــف ...!!]   الأحد سبتمبر 27, 2009 9:37 pm

[وربي أحبــك يا سخيــــــف ...!!]



ولا كلمة ... ولا حرف ...
ما ابي اسمع عذر ...
لا تكلمني ابد ...
إكتشفت إنك سخيف
وينك البارح ...؟!
وربي إنك سخيف ...!!
ماتدري إن الجفى بشرع الهوى عيب ... وحرام ...!!
يعني ماتدري وش احساسي تجاهك ...؟!
ياسلام...!!
مابي اعذار ... المهم إنك جفيت ...!! وهذا طبعك
وانا من طبعي وفيت
وما اجبرك ...
كيفك ...
إنت حُر ...
سو اللي تبيه ...!!
بس انا بـ اسهر غلا غصبٍ عليك
وانا حرة في عيوني
واموت شوق
واعشق
واحب
واعلم الناس
بقول إني هويت ...!!
وبعد غصبٍ عليك ... و وش تبي تسويه سوه
وبذووووب فيك ...!!
وما راح استئذنك ... بـ اعشق وبس
كيفي...!!
وانا حُرة ... وإنت حر ...!!
بـ اكتب اسمك فوق كفي
واتغنى فيك قدام البنات
واسهر الليل آتقلب لجل عينك
وادعي الله ما انحرم منك ابد ... ومو بكيفك ...
غصبٍ عليك
وكل واحد يسوي إللي يبيه
وانا ابيك ... ياسخيف ...!!
انا ما اكذب ... ولا اتسلى
انا هويتك غصب عني ... وغصب عنك ...!!
والقدر من يقوى عليه ...؟!
بس ربي
خل اقول لك شيء...
تدري البارح وش اللي صار ...؟!
ياااااه
يا ناعشت اجمل عمر ...
تخيلتك معي ... والهوى حلم ... وخيال
بس مو اية خيال
وربي عسوووول الهوى
سكر
يشبه الكتكات في ريق البنات ...!!
تدري البارح ضحكت
ثم رديت وبكيت
ثم رديت وضحكت
ثم رديت وبكيت
كني مجنونة ... صح...؟!
ادري إنك قلت " صح " ...!!
بس وربي ماني مجنونة عقل
انا مجنونة عليك
يا سخيف ...
ميت احساسك وإلا تتغلى علي...؟!
إذا تتغلى يااااااااااااااه ... وربي ما اغلى منك احد
تدري وش كثر الغلا اللي يحتويك بوسط عيني ...؟!!
كثر أُمي ... وأبوي
أنت انا ...
وأنت أُمي ... وأنت ابوي ...
وأنت اختي ... وأنت اخوي ...
وأنت روح بـ وسط روحي
وأنت قلب بوسط قلبي
وأنت شمسي بالصباح ... وبالمساء بعيني بدر
ياشموخي بين كل الناس
يا جموحي عن غلا غيرك فديتك
يا اعتزازي
وتاج راسي
وأنت نجمي في طريقي وأنت نبراسي
وطعم كاسي
وكل ناسي
ياعزاي إن صار في عمري مآسي
أنت في عيني كحل
وأنت في خصري حزام
وأنت في صدري شعاع
وأنت في خدي قمر
وأنت بـ كفوفي ذهب
وفي جيدي غلاي ... وقلادة الماسي ...!!
ياسخيف ...!!
يعني ما تدري بغلاك ...؟!
وربي اغلي تراب بابك لاوطت رجلك عليه
ولو يبيعونه لعينك اشتريه
وربي احسد انفاسك إذا تدخل لصدرك
وأحسد الخاتم إذا يسكن بكفك
واحسد اصحابك إذا نادوك بـ إسمك
وأحسد ... اخوانك وابوك ...!!
وحتى جيرانك بعد
وكل حيك
والشوارع ... والمدينة ...!!
والعيون اللي على شانك حزينة
والمطر لو مس راسك
وحتى لو تدمع عيونك احسد الدمعة إذا نامت بخدك
واتلوى ...
وآتصبر
وانتظر ساعة فرج من عقب عامين ضيق ...!!
كل هذا مو غلا...؟!!
يا خي رح ... والله ماتدري بإحساسي تجاهك ياغلاي ...!!
والغلا قسمة ونصيب ... وراضية بحكم القدر ...!!
يا بعد كل الجروح
وأنت جرح ينزف أشواق وعطر
قل يارب ...
جعل جرحك فيني عمره ما يطيب
وانت في عمري صديق
وأنت بـ احساسي حبيب
وأنت شمعة
احترق من ضحكتك
وانت دمعة
انزفك في غيبتك
وأنت سلطاني
وتحناني
وأفراحي
واحزاني
ياقصيدي ... وفرحتي في يوم عيدي
ونبضي اللي وسط صدري
وعطري اللي في وريدي
وارتعاشي
والدفى بحافة فراشي
اشربك بالصيف
ياااااااااه ... يابردك
واتظلل في غلاك لحتمى صيف الهوى ...
وبالشتاء انفاسك جمر ...
وكفوفك لهيب
وانت بعيوني سوالف ماسمعها انسان ثاني
من صباحي لين ليلي
وانت بعيوني عمر ما كتب لانسان ثاني
والله ما يتهنى فيه إنسان غيرك
وحتى لو إنك سخيف
وما تقدر لي هواي
وربي عادي
ومو مهم
المهم إن كل شيء بـ عيوني متساوي ومو مهم
وأنت بلحالك مهم ...!!
وخلهم يدرون ... عادي
وخلهم يحكون ... عادي
كلها قصة هوى
وعشقٍ نظيف
ما يعرفونه ولا يدرون وش معناه ...
أنا ما اهتم منهم ... يكفي إن عشقي شريف
يكفي إن قلبي عفيف
يكفي إن عرضي نظيف
وكلهم يدرون ...
بس وش تقول ...؟!
الحسد بقلوبهم ينبت نبات ...!!
بس يا الله الثبات ...!!
وربي احبك ياسخيف ...
يا الله روووح ...!!
وربي إنك املح من خلق ربي ولو إنك سخيف ...!!
ربي لا يحرمني منك ...!!
ولا من سخفك وشينك
ولا من نظرات عينك
وقل يارب
قلها تكفى يا سخيف
ربي لا يبين غلاك ...!!

ـــــــــــــــــــــــــ

منقوله لعيونكم..

أتمنى تحوز على رضاكم وإستحسانكم...

مع ودي ::

ظمظومهـ
الرجوع الى أعلى الصفحة اذهب الى الأسفل
ملكة النعومة
عضۈٍ טּـشيط ~


عدد الرسائل : 38
المزاج : لاتسأل عن شغافتي آعذرني فآنأ آنثى لأتشبه نساء الكون
نقاط : 76
تاريخ التسجيل : 29/04/2009

مُساهمةموضوع: رد: [وربي أحبــك يا سخيــــــف ...!!]   الثلاثاء أكتوبر 06, 2009 5:08 pm

يسلموووووووووووو ظمظومتي على الموضوع الاكثر من رااااائع





أنت انا ...
وأنت أُمي ... وأنت ابوي ...
وأنت اختي ... وأنت اخوي ...
وأنت روح بـ وسط روحي
وأنت قلب بوسط قلبي
وأنت شمسي بالصباح ... وبالمساء بعيني بدر
ـــــــــــــــــــــــــــــــــــــــــــــــــــــــــ
وهذا اكثر شي اعجبني 63 63

تقبلي مروري
الرجوع الى أعلى الصفحة اذهب الى الأسفل
ظميآنتك!!
[ ڪبــَـَـآر آڷشخصيآإٺ ~ ]
[ ڪبــَـَـآر آڷشخصيآإٺ ~ ]


عدد الرسائل : 1237
المزاج : :)
احوبكم
نقاط : 1266
تاريخ التسجيل : 01/07/2009

مُساهمةموضوع: رد: [وربي أحبــك يا سخيــــــف ...!!]   الثلاثاء أكتوبر 06, 2009 6:26 pm

ملكة النعومهـ 65 65



أسعدني مرورك بصفحتي 88 88


مع ودي::

ظمظومهـ 63
الرجوع الى أعلى الصفحة اذهب الى الأسفل
 
[وربي أحبــك يا سخيــــــف ...!!]
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
my coffee :: . :: خفَقَـآتُ ۉَرَق ~-
انتقل الى: