my coffee
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 انكســـــاااري....}لـــ { دلوعــ ــ ــ ـة اهلها }..((كامله)

اذهب الى الأسفل 
+3
اوركيدا
أنسًس? جمجُمـ?
.. DARK ..
7 مشترك
انتقل الى الصفحة : الصفحة السابقة  1, 2, 3, 4, 5, 6, 7
كاتب الموضوعرسالة
روحــي بـريـئــهـ
آمـيـَـَـيز مـمـيز ~
آمـيـَـَـيز مـمـيز ~
روحــي بـريـئــهـ


عدد الرسائل : 266
انكســـــاااري....}لـــ { دلوعــ ــ ــ ـة اهلها }..((كامله) - صفحة 7 4310
نقاط : 34
تاريخ التسجيل : 21/02/2008

انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Empty
مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Emptyالسبت سبتمبر 27, 2008 2:29 am

نزل وهو ماسك ايدها والسعاده تشع من عيونه..وهي ساكته ومنزله عيونها بالارض..

راحو للجهه اللي فيها غرفة الجده..وبالممر..وقفته

فيصل:شفيك؟؟؟

عبير:تنحنح..ميساء اكيد فيه..

شد على ايدها وكأنه يقول انا لك .. وسحبها وهو يتنحنح...





لبست جلالها بسرعه..وهي تسمع الجده تحيي فيهم قبل لايدخلون..
دخل وقال بصوت جهوري
فيصل:صبحهم بالخــير...
ام فيصل:الله يصبحك بالنور وبالسروور..ودمعت عيونها..
راح لها بسرعه بعد ماحرر يده من عبير..وباس راسها وضمها..
فيصل:الحين بدل ماتفرحين تبكين...
مسحت دموعها بسرعه
ام فيصل:دمووع فرح ياولدي ..يالله يارب يسعدكم ويوفقكم..
فيصل:ايه هذي الدعاوي الزينه...
الجده:تعااال تعااااال خل عنك امك..تعاال خلني اباركلك
راح لها وحب راسها وسط دعاويها وتبريكاتها..وتلفت حوالينه ولا لقاها..استغرب..
فيصل:وين عبير؟؟؟

سلمى:مادخلت معك ماشفناها

ميساء:لادخلت بس رجعت بسرعه..



خاف لايكون صار فيها شيء ورجعلها الالم...بسرعه طلع..



سلمى:هههههه ياحليلك يافيصل..مايقدر على فراقها..اثري محمد صادق..ماعنده وقت
ام فيصل:سلمى شهالكلام عيب
سلمى:وانا صادقه يمه..اجل امس رامي شنطته بالدرج وباب جناحه مفتوح..وفضح نفسه مو بس عند محمد حتى عند سديم..والحين لحقها..
الجده:الله يكفيهم شرتتس..
سلمى:مشااااء الله تبــــــارك الله..يعني الواحد ماتبونه يعلق...






بالممر..
رفع حاجب
فيصل:وشو
قالت وجهها احمر من الحياء
عبير:والله ماااقدر..استحي شيبي يقولون عني..خلنا نطلع الله يخليك..
فيصل:بيقولون مبروك..
عبير:لا لا..حتى بدون مايدرون رجعتلك..الله يخليك خلنا نروح للموعد..مالي وجه اقابلهم..
ابتسم بمكر..
فيصل:طيب خلاص..امشي قدامي..
ردتله ابتسامته وهي مرتاحه انه قدر حياها وانها ماتقدر تدخل لهم...ومشت قدامه







ضحكو كلهم وهم يشوفون منظر عبير...
دافنه وجهها بصدر فيصل ويدينها متعلقه برقبته..
كان شايلها يد تحت ركبها ويد ورى ظهرها...
وجلس بجنب جدته على السرير وهي بحضنه..


فيصل:تقول انها مستحيتن تدخل عليكم..عاد جبته بطريقتي الخاصه..شرايتس ياجدتي
الجده:ايه عفيه على ولدي...
سلمى:عز الله ماتت عبير..
قال بانفعال
فيصل:بسم الله عليها عدوينها ان شاء الله..
سلمى:عبيرووووه انتي شمسويه بخوي؟؟؟؟؟
فيصل:عبووره..عبوووره..
ماردت عليه..
الجده:عبييير شبلاتس كل هذا حيا..تقل انتس غريبتن عنه..
ام فيصل:عبوره عاادي مافيها شيء..انتي زوجته..ماله داعي هالحياء..
حس بتيشرته تبلل..عرف انها تبكي بصمت...لام نفسه وكرهها..هو ماقصده يحرجها..
مسك يدينها اللي تحاوط رقبته بقوه وابعدها عنه..حاول يرفع وجهها بس ماقدر..

وقف وهو شايلها وقال قبل لايطلع
فيصل:حنا رايحين نتمشى برى..والغدى بنتغدى برى...مع السلامه....


ضاق صدر ام فيصل...
ام فيصل:الله يهديه..شكلها بكت من الاحراج..

سلمى:عاد فيصل ماعنده يسوي اللي يبيه قدام اي احد..وهي تستحي..
الجده:والله من الدلع اللي فيها...

ميساء:انا بروح البس قبل لاتجي ليلى..عن اذنكم..وطلعت...


وبآخر الممر اللي يودي للصاله وقفت..

كان جالس على كنبه منفرده وهي لازالت بحضنه..بس رافعه وجهها له وهو يمسح دموعها..
فيصل:يابعد قلبي والله ماقصدت..كنت ابيك ماتستحين..سامحيني
عبير:قلتلك مابي ادخل بس انت تعاااند..الحين شلون بقابلهم
باس راسها
فيصل:اللي تامرين فيه انا حاضر..بس تكفيين لاتبكين دموعك غاليه..
عبير:خلاص مارح ابكي..
ضمها وهو يقول بصوت واضح
فيصل:فدييييييييييت الزيييييييين ياناااس...
ابعدت عنه وهي تضحك..
عبير:هههه يلا خلنا نطلع..
خلاها توقف ووقف معها وساعدها تلبس عبايتها..وهمس بأذنها قبل لايمسك ايدها..
فيصل:احبك..
وطلعو...






كانت تحس بنااااار تغلي بجووفها..شلوون حبها..شلوون سامحها..واناااا..نساااني؟؟؟؟


طلعت لجناحها بسرعه وقفلت على نفسها..رمت نفسها على السرير..وحاولت تبكي بس ماقدرت...ليه دموعي مو راضيه تنزل..ليييه؟؟؟

رن جوالها ونقزت..وبسرعه ردت..

ميساء:هلا ليلى
ليلى:ترى انا عند الاشاره..دقايق واجيك..

ميساء:خلاص انا جاهزه..اذا وصلتي عند الباب دقي علي وبطلعلك..
ليلى :اوكيه...


سكرت الجوال وبسرعه راحت لغرفة الملابس تلبس...راحت لدورة المياه علشان تتوضى..واول ماغسلت وجهها..


اجهشت بالبكاء... وكأنها توها تصحى..شلون كنت افكر ؟؟؟انا كذا معقووله..؟؟وانا شدخلي فيه شلون سمحت لنفسي اغار عليه..؟؟؟


ليه لييييه..انا زووووجة خااااااااالد واحب خااااااااااااااالد وبس احب خاااااااااااااااااالد وبس...ارتاحت شوي..ورجعت عادت وضوئها..






****************************
















في مستشفى التخصصي للاورام..

وقف وقبل لاتوقف اشرلها تجلس..
فيصل:لحظه انا بدخل قبلك..
عبير:ليش؟؟؟
فيصل:ابي الدكتوره بموضوع..ثواني بس..ودخل بسرعه قبل لاتفتح معاه تحقيق..
عدلت نقابها ..وهي تفكر..بحياتها..وش ممكن تقول الدكتوره..
قطع تفكيرها صوت فيصل..
قال وهو ماد ايده لها
فيصل:يلا..
مسكت ايده وقامت..كان شاد عليها وكأنه يطمنها...















***************












طلّعت الجوال من شنطتها قوتشي وقالت قبل لاتضغط على رقم خالد..
ميساء:ليش ماخليتينا نروح بسيارتك؟؟؟
كانت تتفرج على بيوت حارتهم..وتتذكر كل ايامها السعيده..قبل لاتدخل عالم الزواج..
ميساء:ياهوووو ليلى وين سرحتي؟؟؟


التفتت عليها


ليلى:معاك..تدرين اشتقت لايام الطفوله..ليتني ماكبرت..
ميساء:محد وده يكبر..اقول ماجاوبتيني..ليه مارحنا بسيارتك
ليلى:مو سيارتي..سيارة حمولتي..وبصراحه مستحيه اخذه لحالي..لو معي وحده منهم كان عادي..وبعدين شلنا فيهم الحمد الله سياراتنا موجوده ..على مين تدقين
ميساء:على خالد..افف شفيه ماايرد؟؟


ابتسمت من تحت غطاها ومسكت ايد ميساء
ليلى:ميساء حبيتي خالد؟؟؟
طالعت بأيد ليلى..ورفعت عيونها لها..

ميساء:ايه..احبه..هو صحيح دفش وماله بالرومانسيه..بس يحبني و هالشيء متأكده منه..وهذا المهم..
صابر شغل اغنيه..
ليلى:ميساء من متى تسمعين اغاني؟؟؟

ميساء:استغفر الله العظيم خلاص خلاص لاتشغل نسيت انك ماتسمعين


ليلى:ميساء انتي بعد ماكنتي تسمعين؟؟؟


ميساء:اخوك هو السبب..بالغصب يخليني اسمع..وبعدين هو يقول ان العلماء اختلفو فيه..


ليلى:ايه هذي اخر الدنيا يحلون المعازف..شيء واضح انه حرام لاتتفلسفين وتدورينلك اعذار..

ميساء:طيب انا شسوي..هو يغصبني

ليلى:حاولي معاه واسحبيه معاك مو هو يسحبك معاه..



رن جوالها وردت على طول..
ميساء:هلا حبيبي
خالد:هلا قلبي..شخبارك
ابتسمت وهي تتخيل شكله كيف يقولّها ياقلبي..لا فيه تحسّن..
ميساء:مو زينه وانت مو عندي..
خالد:لاتخليني اجيك الحين..
ميساء:والله؟؟؟
خالد:على طول انتي تصدقين..نمزح يابنت الحلال..اقول وين انتي طالعه؟؟؟
ميساء:وش دراك اني طالعه؟؟؟
خالد:كل شيء ادري فيه..يلا قوليلي وين رايحه انتي وليلى؟؟؟
التفتت على ليلى اللي تتفرج على الطريق..

ميساء:وش دراك ان ليلى معاااي؟؟؟؟

خالد:العصفوره قالتلي..
ميساء:لا جد من قالك؟؟؟
خالد:سر..وين بتروحون؟؟؟
ميساء:بنروح للصالون..واكيد ماعندك مانع


خالد:بعد ماطلعتي من البيت تقولين اكيد ماعندك مانع..ليه شايفتني طرطوووور..يلااا ارجعي ارجعي

قالت بدلع يحبه..
ميساء:خاااااااالد..بليييييييز

خالد:خلاص روحي بس علشان بليزك..بس اسمعي ان دريت انك قاصه شعرك ياويلك..سامعه
ميساء:اوكيه..انتبه لنفسك حبيبي..ولاتزعل مني ترى والله كنت مستعجله وتوقعت انك مارح ترفض اني اطلع..
خالد:خلاص اخر مره..سلمي على ليلى..الا اقول فيصل بالبيت ولا مداوم..
طرى على بالها مشهد فيصل وعبير..عقدت حواجبها
ميساء:ماظنيت انه مداوم لانه طلع مع عبير..
خالد:غريبه..ادق عليه مقفل..خلاص اجل تامرين على شيء
ميساء:سلامتك ياقلبي..
قال بصوت خافت..
خالد:الله يسلمك يا كلي..
همست وهي تحاول ان ليلى ماتسمع
ميساء:احبك..
خالد:وانا اعشقك..
زادت نبضات قلبها..وسكتت ماتعرف وش ترد..خايفه تتكلم ويقول خلاص اسكتي..
خالد:الوووو
ميساء:هلا معاك معاك..
خالد:باين معاي..ليه سكتّي؟؟؟ماعندك رد..
ميساء:ردي تعرفه..
قال بجديه وهو يحاول يقهرها..
خالد:خلاص بس مره ثانيه لاتحشين فيني وتقولين اني دفش ومالي بالرومانسيه ..الظاهر الحين عرفتي منهو اللي ماله بالرومانسيه...مع السلااامه..



سكر بوجهها وهي مستغربه..شلووون عرف؟؟؟



ليلى:فيصل طلع مع عبير؟؟؟
انتبهت لليلى..وردت وبالها مع خالد..
ميساء:انتي مادريتي..امس رجعو لبعض

ليلى:احلفـــــي..وشلوووون؟؟؟؟
ميساء:كذا بدون مقدمات..جتنا سديم وهي تبكي مقهوره تقول انها شافت عبير وفيصل مع بعض..ماصدقناها..
بس بعدين جانا محمد وهو يباركلنا برجعتهم..واستغرب اننا ماندري..وبس..اما شلون وكيف محد يدري ولا احد يبي يسأل...
المهم انهم رجعو...
ليلى:الحمد الله الحمد الله...











*************************
















وش تحسين فيه بالضبط ومن متى؟؟؟اسأله طرحتها الدكتوره بعد ماكشفت عليها..
رفعت نفسها عن السرير وساعدها فيصل تنزل..وقالت وهي تشوف الدكتوره تجلس على مكتبها..
عبير:الاعراض تقريبا صارلي من شهر ونص الى شهرين..والورم ماطلع الا قبل اسبوع..
ومشت وهي ماسكه ايد فيصل وجلست على الكرسي ..وجلس فيصل قبالها..

الدكتوره:وشهي الاعراض اللي حسيتي فيها بالضبط..

عبير:احس راسي ثقيل..ومااقدر الف بسرعه..احيانا افقد التوازن واشوف الدنيا سواد..مااقدر آكل..كل شيء آكله ارجعه..
وشعري تساقط..

الدكتوره:اوكيه..مبدئيا بنسوي شوية تحاليل..بس مو اليوم..لاني قبل بتأكد من شيء معين..تقدرون تتفضلون..فيصل لوسمحت ابيك بموضوع..

فيصل:الحين اجي..بس اساعدها تجلس برى بالانتظار...

غطت وجهها زين وهي مقهوره وتردد بداخلها كلام الدكتوره..فيصل لو سمحت..تمون عمتي عمى بعيونها كل وقتها وهي تقزه قز..

طلعت من الغرفة وهو بجنبها وماسك ايدها..وصلو لغرفة الانتظار

فيصل:انتظريني بس بشوف وش تبي..انتبهي لنفسك
عبير:ايه روح روح لاتموت علينا
رفع حاجبه مستغرب
فيصل:وش تقولين؟؟
عبير:والله كلام الشيوخ ماينعاااد..
فيصل:طيب ياالشيخه ممكن تدخلين لاني تأخرت..
دارت بظهرها ودخلت...وراح بسرعه...











***********************











في الصالون
فصخت عبايتها وشنطتها وعطتهم المسؤوله
والتفتت على ليلى
ميساء:اثريني دقيت عليه وانا اسولف معك ورد بدون ماادري وسمع كلامي عنه...الله يعيني على مراضاته..انا غبيه مادري شلون خليته يمسك علي شيء..
ومشو لداخل المركز
ليلى:لا تخافين بكم تسبيله من عيونك الحلوه وتنحل كل مشاكلك...
ميساء:الله يعين...
ليلى:اقول ماله داعي نسوي سبا..اصلا هالعزيمه كلها مو داخلتلي مزاج..
ميساء:علشان تزعل عليك خالتي..وبعدين انا ابيك الليله تصيرين النجمه..
ليلى:عز الله بتأخر على البيت
ميساء:لا تخافين ..











****************














ابتسم وبانت شوي من سنونه ..وقال وهو يتمنى اللي سمعه صحيح..
فيصل:متأكده..لا تأمليني يادكتوره
الدكتوره:فيصل انا اقول 90 % وهم..انا خبره واعرف الاورام..صحيح اني ماسويت التحاليل..بس وااضح انه كيس دهني..ومو مأثر عليها..
فيصل:اجل هالاعراض لايش؟؟؟
الدكتوره:الله اعلم..عموما افضّل تروح لمستشفى خاص وتسوي تحاليل مستعجله..يمكن عندها شيء ثاني..
فيصل:يعني اكيد مافيها ورم
الدكتوره:اللي فيها كيس دهني ..روح اكشف عليها بمستشفى $$$ وان شاء الله مايطلع شيء خطير...
فيصل:شكرا دكتوره..ازعجناك..
الدكتوره:لا شكر على واجب...













ركبو السياره وهي مستغربه حاله..لايكون بس عاجبته الدكتوره؟؟؟
علشان اذبحه..لا مستحيل يسويها..وليه مايسويها..تلقينه قال شيبي بوحده مريضه..
اففف..طلعت منها بدون ماتحس..
فيصل:شفيك تتأففين؟؟؟
انتبهت انه مو مشغل التكييف..ولقتها حجه
عبير:لانك مطفي التكييف..مادري قالولك بباريس حنا..بس ماعليك شرهه اكيد سرحان والله اعلم بمين؟؟؟
مد ايده وشغّل التكييف..
فيصل:وكل هالجمله علشان تكييف..
التفتت عليه
عبير:شكنت تسوي معها طول الوقت؟؟؟
شال نظارته الكلاسيكيه السوداء وحطها على التكييف تبردها..
فيصل:مين هي؟؟؟
عبير:الدكتوره..وقالت بسخريه..عزيزه..
لبس النظاره وكانت بارده..
فيصل:انتبهي لالفاظك..
قهرها بروده..تبيه يصرخ يعصب..هي مقهووره وبس..
عبير:اففففف..
ابتسم على جنب
فيصل:اليوم يوم الاف العالمي..
عبير:باااااااايخه..
فيصل:شكرا..يجي منك اكثر..
قالت بغيض..
عبير:فيــــــــصل..
فيصل:عيوونه..
ماقدرت تستحمل..خنقتها العبره..وسكتت..لانها لو تكلمت بكت..وبدت تفرك يدينها ببعض..
انتبه لها وحس فيها..مد يده وهو يشوف الطريق ومسك يدينها وضغط عليهم..
فيصل:ليه متوتره..مافيه شيء يخوف..الدكتوره طمنتني..ماتشوفيني مبسوط..بس شوية تحاليل وان شاء الله مايطلع شيء خطير...
قالت ودمعه تحررت غصبا عنها
عبير:تواسيني وشفقان علي..عاجبتك الدكتوره صح؟؟
فيصل:ياقلبي انتي تدرين ومتأكده بعد اني مو بس احبك..انا امووت فيك..بس انتي تقولين هالكلام تتدلعين علي..وتدلعي يحقلك..
ياروح فيصل انتي..
سكتت وهدت روحها..هي محتاجه لهالكلاام...









وقف عند مستشفى خاص معروف..
عبير:ليه جينا هنا؟؟؟
فيصل:الحين بتعرفين ليش...












********************
الرجوع الى أعلى الصفحة اذهب الى الأسفل
روحــي بـريـئــهـ
آمـيـَـَـيز مـمـيز ~
آمـيـَـَـيز مـمـيز ~
روحــي بـريـئــهـ


عدد الرسائل : 266
انكســـــاااري....}لـــ { دلوعــ ــ ــ ـة اهلها }..((كامله) - صفحة 7 4310
نقاط : 34
تاريخ التسجيل : 21/02/2008

انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Empty
مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Emptyالسبت سبتمبر 27, 2008 2:31 am

وااااااو وااااااااو جنااااان يانواااال مررره
ابتسمت الكوفيره
:نوال تحلّي الشيء..كل شيء يلبقلها..
ابتسمت وقالت بقلبها((كل شيء يلبقلي..ياربي من البكااشه..اتمنى اشوف كوفيره صادقه..))
مررت اصابعها على شعرها الاشقر الفاتح اللي ابرز جمال بشرتها وعطاها لون ذهبي رائع..
نوال:طيب ابيك تموجينه..
شموخ:لااا خليه كذا يجنن
نوال:لا مابي ..يلا ابدي شغلك..
شموخ:اوكيه انا بروح اسوي مني كير وبدي كير..
نوال:شموخ تدرين طالع شكلك بزززززرررر
التفتت عليها وهي معصبه
شموخ:انتي اللي قلتيلي اقص شعري كذا..((صبغت شعرها اسود بانعكاس بنفسجي وقصت كاريه قصييير وغره..))
نوال:هههههه امززح بالعكس طاالع شكلك كيووووت..وغمزتلها..لو شافوك بعض ناس اليوم بيتخبلوون..
حمرت اخدودها وراحت..














*******************












بعد مــرور ساعه..
جلس قبال الدكتوره اللي حولوه عليها بعد ماسوّوْ التحاليل وقال بلهفه..
فيصل:طمنيني عسى مو شيء خطيير..
عدّلت نظارتها الطبيّه وقالت وهي تفتح غطاء القلم الازرق الجاف..
الدكتوره:زوجتك نفسيتها سيئه..وهالشيء طبيعي بهالفتره لكن تحتاج لرعايه خاصه..وهي مالقت هالشيء..حسب كلامي معها..انت كنت مسافر..ومهملها..لانك لوتدري عنها ماكان توّك تجيبها..اقصد بعد مرور شهرين ونص..والاغلب هي فاقده شخص وهالشيء اثر عليها..علشان كذا توهمت هالمرض لانها كارهه هالحياه ..
فرك يدينه ببعض وقال
فيصل:اعترف اني اهملتها..بس انا ماجيت الا قبل يومين..وهي ماقالتلي من قبل..
الدكتوره:مو مهم..المهم انك تهتم فيها بهالفتره..هالفتره حرجه..وخصوصا ان وحامها شديد..وتغذيتها سيئه..لازم تنتبه على اكلها وتعرف الاكل اللي يناسبها..واهم شيء النفسيه..مايحتاج اقولك انت شايف بنفسك كيف حالتها...
ارمش بعيونه وبعدها قال قبل لايفتح فمه
فيصل:مو فاهم؟؟ هي شعندها بالضبط؟؟


ابتسمت الدكتوره
الدكتوره:زوجتك حامل بالاسبوع العاشر...مبروووك




هههههههه ههههههههههههههههه ههههههههههههههههه
ضحكات تخللها اسأله
يعني مافيها ورم
ههههههههههههه
مافيها مرض خطيير
ههههههههههههههههههه
ضحكت الدكتوره معاه غصب عنها..شكله كان يضحّك..


انتهت نوبة الضحك وهو يمسح وجهه بيدينه والتفت على الدكتوره وابتسامته مافارقته

فيصل:حامل..طيب هي درت؟؟ هي شلونها وليه حطيتي فيها محلول..وولدي شلونه..

الدكتوره:الحمد الله زينين..هي طول هالفتره مهمله نفسها ولا تاكل..غصب عنها..بس الحمدالله جيتو بالوقت المناسب..عطيتها مغذي لانه لازمها..وبعد ماينتهي بنسوي تصوير للجنين وبتتطمن عليه..وراح اكتبلكم على ادويه ضروريه لازم تاخذها..واذا تبون تراجعون عندي وحبيت
انها تولد عندنا فراح اكتبلكم على مواعيد المراجعات...
فيصل:اكيد عندك يادكتوره..وابشري بالبشااره..الله يجزاك خيير...والحين ممكن اشوفها
الدكتوره:تفضل تقدر تشوفها..















مسحت دموعها وهي تتحاشا نظرات الممرضه..
ليتني ماطعته..هذي من بدايتها مستشفيات ..اكيد المرض انتشر بكل جسمي..
وغمّضت عيونها..علشان توقف هالدموع..بس مافي امل ..
اندق الباب وفتحت عيونها..
الممرضه:ادخل...
دخل واشر للمرضه تطلع..

صدّت بوجهها عنّه..ماتبي تشوفه..

جلس على السرير
فيصل:ام راشد زعلانه علينا..



التفتت عليه وقالت بوسط دموعها..
عبير:ماارح اسااامحك..انت كذاااب ..ليه تقولي مارح يسوون لي شيء..ليه تخليهم يرقدووني..قلتلك ماااابي مستشفى ابي امووت وانا مرتاااحه..مااابي اتعذب حررراام علييك



مسح دموعها برقه..
فيصل:ومن قال انهم مرقدينك..علشان مغذي صارو مرقدينك وخليتيني كذااب..وضغط على الزر بجانب السرير علشان يرتفع..

عبير:خلاااااص يكفي كسرت ظهري


ترك الزر وهو يقول
فيصل:ياويلي على الاخلااق...

عبير:تبيني ازيّن اخلاقي وانت كذّبت علي...والله العالم اكيد بعد قايل لابوي عن مرضي..


ابتسم وهو مطير عيونه
فيصل:لا مو لهالدرجه..وبعدين لاتخافين اول مايخلص المغذي تطلعين..
تنفست بعمق..وقالت بجديه
عبير:شصار؟؟


مسك ايدها اليمين وشد عليها..وركز بعيونها وقال بابتسامه
فيصل:طلعتي سليمه 100% ..واللي فيك كيس دهني..
زادت نبضات قلبها واختلاجات ملامح وجهها..وقالت بشفايف ترجف
عبير:ت..تتم..تتمززح
خاف عليها وضمها..وهمس بأذنها وهي على صدره..
فيصل:مافيك شيء..لا فيك واحد من الحين شكلي بغار منه..لانك بتهتمين فيه وبتنسيني..
قلبي..انتي حامل..واللي صارلك بسبب الوحام..سمعتيني..حاااامل..ياام راشد..
حس بأصابعها تنغرس بظهره..وراسها بيخترق صدره..ثواني حتى شهقت واجهشت بالبكاء..
ضمها اكثر وهو يحب راسها ويسمي عليها..

















**************************













طلعو من المشغل ..بالسياره رن جوالها..
طلّعته من الشنطه واستغربت الرقم...
شموخ:شفيك ماتردين...سوماهير علّي التكييف
نوال:هذي فاديه بنت خالتي..شتبي؟؟؟ماعمرها دقّت علي..
شموخ:طيب ردي وشوفي شتبي..يلاا ردي
نوال:طيب....وردت...الوو
فاديه:السلام عليكم..
نوال:وعليكم..
فاديه:شخبارك نوال..
نوال:بخيير الحمد الله...شبغيتي؟؟؟
فاديه:هههه وليه على طول هالسؤال قولي قبل شلونك
نوال:ماله داعي..وانتي مو متصله الا لك حاجه فاختصري الموضوع..
فاديه:بصراحه مسوين عزيمه الليله وودنا تجين...
نوال:اها..لا اعذريني مااقدر..
فاديه:نوال ضروري تجين..
نوال:كان بودي..بس معزومه الليله..
فاديه:طيب ..اذا قلتلك الموضوع يخصك ويخص حسين..
رجف قلبها اول مانذكر اسمه..الم وانكسار وذل ..وحب عذبها وتركها ندمانه..
فاديه:شقلتي..موضوع ضروري
نوال:مابينا مواضيع..ولا فيه بلوه تبون تبلوني فيها
فاديه:نوال بليز...حسين تعبان..انتي مو شايفه حالته..الولد يحبك ويبيك..
حسّت بروحها تنتشي..نشوة انتصار..واحساس بالانوثه وانها محبوبه...
نوال:طيب ..اقصد والمطلوب..
فاديه:بنرجع نخطبك بس من عمك..
نوال:ههههه اسمعي ياقلبي..انا مو فضله..ولا استبنه ..ولا لاعب احتياط..اكيد خطبتوله مليوون وحده قبلي ورفضوه..وقلتو يلا مافيه غير نوال..ياقلبي حطي ببالك..اني كنت مراااهقه وغبيه لما حبيته..والحين هو ولا شيء..ثانيا اذا جيت ابي اخذ باخذ واحد من مستواااااي وحنا مابينا اي تكافؤ..وشكرا على الاتصال..وسكرت بوجهها..نفخت هوى من فمها والتفتت على شموخ اللي تسألها
شموخ:شتبغى؟؟؟
نوال:مافي شيء مهم...انسي..سوماهير وين رايح؟؟؟؟
سوماهير:روح بيت
نوال:ومن قالك تروح البيت يالغبـــــي..بسرعه روح لمحل ### اخذ هدية ليلى..

















***************************















الساعـــه الخامسه عصرا...

رمى ايده بالهواء وقال بعصبيه..
مورااااايح يعنيي مو رااااااااايح ابعد عن طريقي خلني اركب السياره
كان واقف بينه وبين باب السياره
جلال:زياااد وش اللي مخوفك ترووح معاي للشيخ...زياد امش معاي انا خذت موعد منه وانت اللي قايلّي
زياد:افففف خلاص قلتلك ماابي..بعدين بعديين
جلال:لا الحيين
زفر
زياد:جلال ترى والله مو ناااقص..وخر وبعدين نتفاهم
جلال:خلاص براحتك..بس انت الخسرااان...وراح
زياد:افف مابغى...وركب سيارته وحرك للبيت...



*************************



















الشرقيه...

فيصل ليه ماجاء..
خالد:انصدم يوم قالو انك بتطلع ...هج من الشرقيه..
ناصر:ها ها ها..لا صدق وينه
خالد:شبلاك مانت مصدق..
ناصر:ياثقالة الدم..انت وش جايبك ابفهم
خالد:غصبوني على الجيه..يقولون ان نفسيتك تعبانه وانك على حافة الجنون..وحط رجل على رجل وغنى..ياهلي الروووح تعبانه جيبولي دكتور نفسيه جيبولي دكتور نفسيه
قاطعه
ناصر:بسس الله يقطع هالصووت..انت لو تغني تكسب اجر لانك بتكره الناس بالاغاني..
خالد:مشكله الغيره..انا قلت بعد السجن بتتغير
ناصر:ايه تغيرت صرت ماطيق اشوف كشرتك...افف
عدّل جلسته وحط ايده على ركبة ناصر..
خالد:وشفيك ..خلاص بتطلع السبت ليه ضيقة الخلق..
ناصر:ملييت..احس الوقت مو راضي يتحرك..خايف..
خالد:من ايش
ناصر:من الطلعه..خايف من الناس..مادري شلون بقابل جدتي وعبير..
خالد:اذا طلعت بيتغير كل شيء...
دخل العسكري وطلب من خالد يطلع..
ناصر:مع السلامه..
خالد:بحاول اكون موجود...اذا ماقدرت اعذرني الدوام وانت خابره..
ناصر:معذور...وسلمو على بعض وطلع خالد...
















*****************






مسك بطنها وهو يقول..
سالم:وينه بطنك ماني شايفه..؟؟؟
شدّت جلابيتها الناعمه على بطنها
عهود:ها شفت وااضح..
ام مؤيد:سالم انت ماتعرف حركات البنات..تبي تكون توب..
سالم:ايه ماعليه بس ماعمري سمعت عن حمل بدون بطن..
عهود:ياربي شفيكم ماتفهموون..الحين شيدريهم اني حامل..مايدري الا الاقارب والحفله بيجيها ناس واجد ومابي احد يقول جسمي مو حلو
ام مؤيد:انا اذا جلست دقيقه زياده بذبحك..وقامت..
سالم:الحين انا وياك ماشرينا فستان واسع بناءًا على طلبك لانك ماتبين على قولتك هالكرشه تطلع..شلون الحين تقولين يبين؟؟؟؟؟
مطت بوزها وتنهدت..
عهود:ادري..بس خايفه ماكون حلوه..يااربي محد فاهمني..
رتّب الخداديات وتمدد ..
سالم:بالعكس انتي مازنتي الا بعد الحمل...
طارت عيونها ومسكت شعره بيدها
عهود:وش قلـــــت؟؟؟؟
سالم:اقول صرتي متوحشه..قعد وهي حررت ايدها من شعره..وقال بملل من كثر مايعيد الكلام..ياقلبي والله والله انك تهبلين وتجنننين وبعد الحمل صرتي تهبلين اكثر..وبعدين انتي ماعليك الا من رايي لايهمك كلام الناس...
عهود:شفت يعني بيتكلمون
سالم:لا حول ولاقوة الا بالله..انا كل ماجيت بكحلها اعميها...تدرين اروح اتمدد بغرفتي احسن..وتركها
ابتسمت بمكر..
عهود:ايه لازم اسوي تحطيم علشان اذا شفت شكلي تنهبل غصب عليك...




















*********************






















الساعه السادسه الا ربع...

الصاله العلويه..منزل ابو فراس..
التلفزيون مشغّل بس مقصرينه شوي..
وش فيك؟؟ اذا الموضوع مهم لهالدرجه دقي عليه ..
طالعت بساعتها وقالت بملل
شموخ:افف انا ابي اكلمه قبل لاتجي ليلى..ياربي شفيه تأخر..
سوّت نفسها لاهيه بأظافرها وقالت وكأنها مو مهتمه
نوال:ليه شصاير؟؟؟عن ايش بتكلمينه
شموخ:بكلمه عن ليلى...انتي ماشفتي كيف يعاملها..
نوال:عادي..يعني تبينه يدلعها قدامنا
شموخ:انا مااتكلم عن معاملته لها قدامنا..هي اشتكت لي..حياتها جحيم..تقول كل يوم هواش وعلى اتفه شيء..غير كلامه اللي مثل السم..تخيلي مايبيها تنام معاه بنفس الغرفه..وغير كذا يخليها تسهر غصبا عنها لين ينام ..ومايبيها تجلس معاه ولا يبيها تتكلم..حاولت تفهم منه بس هو مايعطيها مجال..مسكينه والله قطّعت قلبي يوم اشتكتلي..المشكله انه تحبه..وتقول اكيد فيه شيء غيره علي..لازم اكلمه وافهم منه..



هي قالت كذا؟؟



التفتو مع بعض لزياد..


شموخ:زياد متى جييت؟؟؟؟
تقدم منها ووقف قبالها بالضبط لدرجة مايخليها تقدر توقف..وهي رفعت راسها له بقوه..
زياد:انا اسأل هي قالت كذا؟؟؟
شموخ:ايه...انت ليه تسوي كذا معها
نفخ من فمه هوى..بدت تشتكي..ماعادت تتحملني..
شموخ:زياد شفيك؟؟؟
زياد:مادري..وقبل لايجلس ويكمل كلامه


السلاام عليكم..


التفت عليها و
جن جنونه لما شافها وهرول لها بسرعه ومسك ذراعها بقوه وبدى يهزها..


زياد:تتشكييين من ورااااااي يا###

وقفو نوال وشموخ بسرعه وحاولو يمسكونه

نوال:زياااد اهدى شفيك عوورت البنت

شموخ:زياااد اتركها هي ماقالت لاحد غرييب


ضغط على ذراعها بقوه اكثر
زياد:مو عاااااجبــــــتك هالعيييشه ..انتي اساسا من يتحملك..


قالت وهي تحاول تحرر ذراعها منه
ليلى:انت اللي حديتني لهالشيء..انت ليه تغييرت شسووويتلك قووول


لفّها بقوه للجهه الثانيه ول***ا بالجدار..
وشموخ ونوال مصدومين وشالتهم الصدمه..

زياد:تبيني اقولك شسويييتي...ماسويتتتي شيء بس كذا مزااااااااااج اكرررهـــــــك تسمعيــــــن اكرررررررررهك
مااداااانيك..ترفعيـــن الضغط تنرفزيييين تقرفيييييييييني سااامعه..تقرفييييييييني...



كلامه وقدامهم جرحها..كابرت..حاولت تبعده عنها بس هو ماسكها زين..
ركزت بعيونه الحمراء علّ وعسى يرحمها..


ليلى:تكرهني كذا بدون سبب ..مستحييل


ارخى قبضته شوي .. ودفها على الارض خلى طرحتها وشنطتها يطيرون..
شهقت شموخ ونوال..

شموخ:زيااااد
ركضت نوال لليلى

نوال:مجنووووون..وسكتت واجتاحتها رجفه اول ماشافته جاهم وعيونه يتطاير الشرر منهم صرخت غصب عنها
نوال:يمااااااااااه ..وتراجعت ورى الكنبات..


جثى على رُكَبَه و
مسك ليلى الجامده مع كتوفها وصرخ بوجهها..
زياد:اكررررهك..اكرررهك..اكرررررهك...



مسكت يدينه اللي على كتوفه وضغطت عليهم



ليلى:انت مو زيااااد مو زياااااد..شفيييك؟؟؟؟


ضغط على كتوفها وكأنه يبي يكسرهم وقال من بين سنونه



زياد:وتسألين...انتي لوفيك خير ماطلقك ولد عمك..
0
0
0
0


سبحان الله وبحمده سبحان الله العظيم...
((سبحانك اللهم وبحمدك اشهد ان لا اله الا انت استغفرك واتوب اليك))
الرجوع الى أعلى الصفحة اذهب الى الأسفل
روحــي بـريـئــهـ
آمـيـَـَـيز مـمـيز ~
آمـيـَـَـيز مـمـيز ~
روحــي بـريـئــهـ


عدد الرسائل : 266
انكســـــاااري....}لـــ { دلوعــ ــ ــ ـة اهلها }..((كامله) - صفحة 7 4310
نقاط : 34
تاريخ التسجيل : 21/02/2008

انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Empty
مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Emptyالسبت سبتمبر 27, 2008 2:43 am

بسم الله الرحمن الرحيم
اولا وقبل كل شيء احـــــــب اذكّر وانبه لاخطاء اقترفتها لجهل مني...
واتمنى من اللي ينقــــل القصه ينتبه لهالاخطاء....

كتــــاب مفاتيـــح الفرج..اللي ذكرت منه ايات الشفاء واسم الله الاعظم..
هو كتاب صوفي..اللهم اني بلّغت اللهم فاشهد....
وقول الله ورسوله اعلم..لاتقال الا بالامور الشرعيه...
وانتبهو لكتابة ان شاء الله....
اللهم اني بلّغت اللهم فاشهد
اللهم اني بلّغت اللهم فاشهد
اللهم اني بلغت اللهم فاشهد
...
الجــــــــــــزء الثلاثون
(الاخير)


((انكســــار رجــل...))





إذا دَقّت ساعَةُ الرّحيــلِ التــي لَطَالَما ترقَّـبْت

نبضاتِها؛ فاعلم أنّي لسْتُ ممّنْ يهْوى

الـ بُكاء على أطلالِ مافات؛ولسْتُ

من عُشّاقِ إيقاد شُموع ُ الذّكرى.

لا ؛لا[يامَـنْ كُنْتَ أنا] لسْت بــ ماكرةٍ

أو مُتَوحّدةٍ بــ صَقيعِ الأنانية والــ مشاعر.

>>><<< لا ؛لا؛لا>>><<<

بـــل لأني ؛ وبِكُل بســاطةٍ لا أشتــري من بـاع..
ولا أُساوِمُ [قـطّ] عليْه.

على لسان أنثى شرقية النبض والكبرياء والهويه..

بقلم نسمة الفجر...










انتي لو فيك خير ماطلقك ولد عمك...
انتي لو فيك خير ماطلقك ولد عمك...


رنّت هالكلمات بأذنها...نزّلت عيونها بالارض والالم النفسي يعذبها اكثر من ظغطه على كتوفها..
حسّت بحراره تلفح وجهها..رفعت عيونها وكان قريب ..قريب لحد اختلاط النفس..
مو هو..هذا مو زياد..هذي نسخة حقيره..قالتها بنفسها ..
زياد:ليش ماتنطقين..ولا ماعندك رد؟؟؟
بلعت ريقها بصعوبه...
ليلى:ممكن تتركني..
دفعها لورى بيدينه قبل لايتركها..ووقف وملامح وجهه خليط بين القرف والكره
تنفست بعمق وكأنه كاتم نفسها قبل شوي..
طالعت حوالينها..
شموخ حاطّه يدها على فمها وعيونها تلمع معلنة هطول الدموع..وواقفه قريب من الدرج..
والتفتت على وراها وشافت نوال..اللي وجهها خالي من اي تعبير..
وقفت بصعوبه وهي رافعه اطراف عبايتها حتى ماتطيح...
ومشت اربع خطوات وسحبت طرحتها من الارض...
لفتها بسرعه على وجهها وهي تنزل مع الدرج ..ناسيه شنطتها...








فتحت باب السيّاره وبأذنها الجوّال تكلم وحده من صاحباتها..
ام فراس:اوكيه ياقلبي..الجمعه الجايه بتكون عندك..
تناولت شنطتها لويس فويتون ونزلت..
حسّت بسواد يتعدّاها واول مالتفتت تتأكد منّه..اتسكّر باب السياره وتحركت..
سكّرت جوالها من غير ماتنهيها..خافت..من يكون...بسرعه دخلت البيت..
شافت الشغالات مجتمعين بالصاله ويتناقشون..الحديث حار..
ام فراس:شفيه..ليش مجتمعين شصاير ومين اللي طلع..
الشغاله:مستر زياد سوي مشكله مدام ليلى..واشرت على فوق ..
ام فراس:وش قلتي؟؟؟مشكله ..وبسرعه تخطتهم ورقت الدرجات..







كان جاثي على ركبتيه..وحاضن راسه بين يدينه ويشد عليه..
وجهه احمر..ويرجف..

طالعو ببعض..وكأنهم توهم يستوعبون اللي صار..
خافت عليه..شكله مو طبيعي..
تقدّمت منه..وصار مايفصلهم الا مسافة خطوه..
نوال:زياد..زياااد..زيااااد تسمعني..انت تعبان..فيك شيء؟؟؟

مارد عليها..

وصلت وهي تلهث من الدرج..قالت وهي ترمي شنطتها على اقرب طاوله..
ام فراس:شصاير شفيكم؟؟؟؟
ركضت لامها وضمتها...
شموخ:ماما وينك..ماشفتي شسوى زياد بليلى تخيلي ..ضربها ..ماما ضربها..






وكأنه ينتظر الاشاره..
كوّر ايده وضرب فيها الارض بقوه...وصرخ
زياد:موووو انااااااااااااااااااا...مو انااااااااااااااااااااا....ووقف بسرعه..وطلع متجاهل الضرر اللي صار بأيده....














دخل للبيت وبيده كيس...
البيت هادي وكأنه مافي احد...طلع فوق..
طق باب جناح سلمى..وجاه صوتها ادخل..

كانت ترضع ولدها الصغير..وسديم نايمه..
ابتسم لها..وراح لسديم وباسها بشويش..



سلمى:شخبار المعرس..؟؟
ترك سديم وجلس جنب سلمى على الكنبه المتوسطه
فيصل:الحمد الله زين...وين امي وجدتي؟؟؟
سلمى:راحو للقاعه ..لحظه...عطته الرضاعه ورفعت ولدها وحطته على صدرها وراسه على كتفها..وبدت تطق ظهره برقه...
اخذت دقيقه وبعدها شالته وودته للسرير...
نزل الرضاعه على طاوله بجنبه وهو يتخيل شكله يرضع ولده...وابتسم وخياله يتمادى ويرسمله شكل عبير وبحضنها الولد..طفله جابت طفل...قطعت خيالاته وهي تجلس بجنبه وتستجوبه..
سلمى:يلا حبيبي فيصل قولي اخبارك..
فيصل:سلمى كم مره تسألين قلتلك زين..
سلمى:افف مادري شفيكم اغبياء..اجيبها على بلاطه..انت وعبير اشكالكم مو طبيعيه..طلعتو بشكل ورجعتو بشكل ثاني ..حتى امي لاحظت..بس استحت تسألكم...
تذكّر هو شقايل لامه..عقد حواجبه وقال..
فيصل:ياليتك بس طالعه مثلها تستحين
سلمى:يلا قوول..مو معقوله طلعة غدى تسوي فيكم كذا..يلا قووول انا اختك..
فيصل:مافي شيء..بس استانسنا مع بعض..
قالت باستهزاء وهي رافعه حاجب...
سلمى:يعني اول مره تعرفون بعض؟؟؟؟
فيصل:تبين الصراحه..ايه..تدرين وش اكثر شيء ندمت عليه..
سلمى:ايش؟؟؟
فيصل:اني قعدت من دون عبير طول هالفتره...
سلمى:هههههههه ابفهم هي شمسويتلك؟؟؟؟
قال وهو يتذكر شكلها
فيصل:اكلت بعقلي حلاوه....وطلع..


سلمى:الله يهنيكم يااارب ويرزقكم بالذريه الصالحه...رن جوالها.. وردت بسرعه قبل لايقومون عيالها...
هلا حبيبي..
سليمان:هلا بك ياقلبي..شخبارك
سلمى:لاتسألني عن اخباري وانت مو فيه..لانك تعرفها...شفيك اليوم مادقيت علي..وانا دقيت عليك ومارديت؟؟؟
سليمان:انشغلنا اليوم بالمحكمه ..وابشرك السبت بيطلع ناصر..
سلمى:صددددق...الحمد الله الله يبشررررك بالخييييييييير...
سليمان:ها شخبار العيال..ناصر داوم اليوم؟؟؟
ابتسمت ابتسامه مسرحيه..
سلمى:العيال كللهم بخير ومبسوطين...وو..وو
سليمان:يعني ناصر مارح للمدرسه؟؟؟؟
سلمى:ورب البيت عجزت عنه حاولت فيه بس هو عيّا..شسوي
سليمان:اكيد بكى ورحمتيه عارفك انا...سلمى ترى الولد بيتدلع بسبتك..
سلمى:الحين كل هذا علشان يوم واحد غابه
سليمان:لا مو علشان كذا...بس مره ثانيه اذا سافرت بيظل بالي مشغول لاني عارفك ماتسنعين شيء..
سلمى:سليمان شفيك؟؟؟
سليمان:مافيني شيء..بس اعتمدت عليك وطلعتي مو قد الثقه..
سلمى:افا ياسليمان..والله لو اني داريه انك بتزعل كذا كان خليته يدرس غصب..
سليمان:طيب وينه خليني اكلمه..
سلمى:راح للكارتيه..اقصد للنادي..
سليمان:زين..سديم وينهي؟؟؟
سلمى:نايمه..وبندر نايم بعد..سليمااان
سليمان:نعم
سلمى:اسفه
قال بجديه
سليمان:اسفك مو مقبول..ولا تحاولين..انتي كيفك
مطت بوزها
سلمى:سليمان لاتغير الموضوع
سليمان:سلمى اسفك قلت مو مقبووول وسكري على الموضوع...قوليلي شخباركم وشخبار عبير
سلمى:كلللهم بخير ومستانسين...سليمان بسكر ضاق خلقي
سليمان:اوكيه مع السلامه ياقلبي..
سلمى:سليمااااااان
سليمان:عيونه
سلمى:سامحتني
سليمان:سلمى قلتلك مو مساااااامحك..تدرين الحين انتي ضيقتي خلقي...مع السلامه..وسكر..
كوّرت ايده وضربت فيها رجلها
سلمى:يااااارببي..












كان متمدد على السرير بلبسه ينتظرعبير تخلص من الكوافيره...
رن جواله ورد بياهلا
زياد:فيصل الحين بشوفك
خاف من نبرته ومن طريقة كلامه..عدّل جلسته
فيصل:زياد..شفيك؟؟
زياد:فيييصل اقووولك بشوووفك الحيييييين
فيصل:طيب طيب..بس طمني شصايرلك؟؟؟؟
زياد:بتفهم بتفهم ..بس تعااااال الحيييييين الحيييين سامع
فيصل:خلاص خلاص..وين اجيك انت وييين
زياد:انا بالسياره واقف عند د .كيف...بسرررعه الله يخلليك..
فيصل:مسافة الطريق وانا عندك...سكر الجوال ووقف وهو يتفقد مفاتيحه بجيبه..ونادى بصوت عالي..
حبيبتي تراني طاااااااالع....
طلعت من غرفة الملابس وشعرها ملفوف بفوطه ونص وجهها مكياج...
مامكنته..طلع بسرعه..
دخلت لغرفة الملابس وجلست على الكرسي وسلمت وجهها للكوافيره...












دخلت وهو بيطلع..وقف ثواني يطالعها وبعدها قال باستعجال
فيصل:ليلى من جابك؟؟؟؟
قالت ببرود
ليلى:السواق..ليه
فيصل:ها..لامافي شيء..ادخلي البنات كلهم فوق ومافي احد تحت...وطلع..
مشت للمرايه اللي عند المدخل ..فصخت طرحتها..وطالعت بشكلها...
كل شيء مضبوط..مكياجها وتسريحتها..وتذكرت هي ليه مسويه كل هذا
ليلى:صح شلون راح عن بالي..اليوم معزومين على حفلة..جات بوقتها..خليني افرفش شوي..وانسى..
ورسمت ابتسامه..ولبست قناع البرود..قبل لاتطلع فوق..













ضحكت بعذوبه وهي تشوفه كيف يطالعها..ودارت حوالين نفسها بفستانها البرتقالي اللي ماسك مع الصدر ومزمزم من تحته وواسع..ومسويه بشعرها القصير الاسود اللي يوصل لفوق الكتف بشوي بف خفيفه ولابسه طوق من نفس الفستان..وطقم ذهب من مجموعة مس لازوردي..
سالم:تبارك الله تبارك الله..كل هالزين وتقولين شينه؟؟؟؟
عهود:بس بعيونك..
سالم:وعيوني مو مهمه؟؟؟
عهود:تكفيني وتوفيني فديت عيونك انا..
تقدم منها ومسح على بطنها..
سالم:مافي رقص اليوم..مابي ولدي يطلع رقاص
حطت ايدها فوق ايده..
عهود:اولا اللي ببطني بنت..ثانيا لاتخاف برقص رقصه وحده بس..وثالثا خلنا ننزل مؤيد تحت..
سالم:يلا امشي قدامي..بشوووويش مو تناقزين
تناولت عبايتها وشنطتها وطلعت قدامه..يسولفون شوي مع الاهل قبل لايطلعون...

0
0
0
0
الرجوع الى أعلى الصفحة اذهب الى الأسفل
روحــي بـريـئــهـ
آمـيـَـَـيز مـمـيز ~
آمـيـَـَـيز مـمـيز ~
روحــي بـريـئــهـ


عدد الرسائل : 266
انكســـــاااري....}لـــ { دلوعــ ــ ــ ـة اهلها }..((كامله) - صفحة 7 4310
نقاط : 34
تاريخ التسجيل : 21/02/2008

انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Empty
مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Emptyالسبت سبتمبر 27, 2008 2:45 am

قصر الرياض..

طلعت مع سلمى وعبير وميساء اللي ماقالو لها اي شيء..لبست فستان مالبسته من قبل موجود بدولابها..
وهي مقرره تستانس الليله...دخلت للقاعه والمساجد تصلي صلاة العشاء...عقلها مو معاها ولا استغربت انهم رايحين بدري...
دخلت لغرفة مجهزه لها.. وفيها امها وجدتها...والقاعه مافيها الا العاملات...
كانت المفاجئه اكبر منها..ماتوقعتهم يفاجئونها بهالشكل...صحيح باركولها من قبل والكل اهدالها ..بس الليله غير..
فرحتهم غير..وهي غير..
فتحت صندوق كبير وطلّعت فستان من تصميم زهير مراد..وهو اللي اخّر الحفله..لان شغله استغرق 40 يوم..
كان معه التاج والصندل..
لبسته وطلعت قدامهم..وكانت آيه بالجماااال..






الساعة 11 مســـاءًا..
اعلنت موضي الشمراني دخول ليلى...
اظلمت القاعه واشتغلت النوافير ..
الكل سمّى عليها وذكر الله...
شعرها مستشورته على طوله..والتاج من شوارفسكي اعطاه شكل غير ..
فستانها دانتيل بيج ماسك على جسمها ويتوسع بقصه فرنسيه..ومن تحت نجوم فضيه تخف كل مارتفعت الى ان تتلاشى مع الخصر..
فتحة الرقبه على شكل V متصل مع الاكمام الواسعه الطويله وتنتهي بسوار عليها نجوم فضيه..
كان شكلها ملكه..ومو اي ملكه..
جمالها الشرس وحدة ملامحها ..ماتخلي اي احد يقرى وش داخلها..
تخطت النوافير الناريه..على صوت قصيده مخصوصه لها...
وصلت للمنصه وفلاشات التصوير تشتغل...
طلبت الطقاقه من الكل يجتمع حول المنصه..
حتى يشهدو تقطيع كيكه طولها مترين بمتر وعليها صورة ليلى ....
واول مامسكت السكينه الكبيره وغرستها بالكيكه...
اشتغلت الانوار والكل صفق...













صارله اربع ساعات وهو يدور بالسياره...
راح للموعد المتفقين عليه ولا لقاه..وين راح...ويدق عليه يعطيه مقفل...
خاف لان مكالمته غامضه..والحين مقفل..لايكون صاير شيء...بيت اهله مايقدر يروح..أهله اكيد بالحفله وابوه اكيد نايم...لايكون ابوه فيه شيء؟؟؟..ليلى مايقدر يسألها..بتخاف اكثر...راح لكل الكوفيات القريبه ولا لقاه او حتى لمح سيارته...




رجع للبيت..
ولقى محمد وناصر تحت التلفزيون الكبييييير...عاده مايخلونها..
ومتفاعلين مع اللعبه...
واول ماشافه ترك اللعبه
محمد:اخيرا جيت..تعال تعال بكلمك بموضوع
فيصل:محمد مو فاضي...ولا تدري قول قول
محمد:امش معاي لغرفتي...والتفت على ناصر..طف اللعبه وروح نااام مو فاضي مشاكل مع امك وابوك...
ناصر:مابي انام
محمد:نصووووور بعد لثلاثه...واااحد..اثنييييييييييييييييييين...ث..ث..ث ــــــــــ....
طير عيونه ورص على سنونه..ثـــــ يانصووووور.....
ناصر مطنشه ويكمل لعب...
ثلااااااااااااااااثه...وبسرعه طف التلفزيون وشال الفيش
ناصر:لييييييييييييييييييييه
محمد:لانك حمااااااار ماتفهم...يلاااا على فراشك بسررررعه
طلع لغرفته زعلان...


جلس على الكنب السكري وتركى على خداديه موف..
فيصل:محمد اخلص وش موضوعك؟؟؟؟
جلس بجنبه على الكنب..وقال
محمد:زياد اتصل علي..وتقابلنا..
فيصل:وش قلت..ويينه وشفيه ومتى؟؟؟
محمد:قبل ساعتين..
فيصل:هو بخير؟؟؟
محمد:نص نص
فيصل:محمد تكلم زي النااااس
محمد:هو ماكلمك لانه مستحي..يقول ماله وجه..فيصل زياد تعبان ومحتاج لك..انت صديقه قبل لايكون نسيبك..
فيصل:محمد شصاير..
محمد:شوف انا اول ماقالي ..انفعلت وعصبت...بس بعد ماترجاني اسمعه..اشفقت عليه..انت لو شايف شكله..الله يعينه
حذف الخداديه بعصبيه عليه
فيصل:انت متى تتكلم؟؟؟؟بسرررررعه
محمد:طيب طيب...اسمع..زياد من فتره..كل مايرجع للبيت يضيق خلقه..مو للبيت..لا اذا شاف ليلى تحديدا...مايدري شيصيرله..يحس نفسه وده يخنقها يكرها..واول مايطلع من البيت يشتاقلها..
عقد حواجبه وكأنه يحثّه على الاستمرار..
محمد:هو لاحظ نفسه..وظن ان فيه مرض نفسي...راح لدكتور عندكم اسمه جلال..وشرحله حالته ..واكدله ان مافيه شيء..
كل يوم علاقته مع ليلى تسوء..وانت عارف ليلى..تكتم بقلبها وماتشكي...يقول ان جلال يتوقع فيه بينهم حسد..اوعين...
وكان بيروح للشيخ..بس صار شيء ماتوقعه..تهاوش مع ليلى اليوم..وضربها غصب عنه...
فيصل:ضربها!!!!!!!!
محمد:انا اللي مستغربه اني كنت بالبيت وليلى فيه..ولا قالتلي شيء...بالعكس مبسوطه..والله اني شكيت..وقلتله مستحيل يكون صاير بينهم شيء وخصوصا بعد ماشفت ليلى......
فيصل:ابن #### انا اورررييييييييييه
محمد:فيصل وش انا اقول من اليوم..قلتلك غصصب عنه...ولا تنسى ان ليلى للحين ماقالت لنا شيء...وكأنه الوضع طبيعي
فيصل:لانها بتكتم بقلبها وبتنفجر علينا مثل كل مره..انت ماتعرف اختك يعني؟؟؟
محمد:طيب الحين وش الحل..جرحها بالكلام غصب عنه...وهو يبيها
فيصل:يحلم فيها التعباااان...انا اوررريه النذل..هين هين يازياااااد
محمد:ياخي عرق الخبال منين جايبه انت واخوك...احيانا اشك اني اخوكم...يااااخي يقوووولك فيه بينهم بلىىىىىى
افهم افهم...ولاتنسى ان ليلى تحبه...ولاتنسى انه خويك...ولا تتصرف قبل لانسمع ليلى...
فيصل:وانت مصدقه..هذا خايف مننا..خايف لااذبحه قام الّف هالسالفه
محمد:ماظنيت زياد تافه..وبعدين انا عارف زياااد زين..وعارف قدر ليلى عنده..
فيصل:انت عمرك مارح تتأدب...ناصر شسوى فيها؟؟؟؟قول ولا ماعندك رد
محمد:مادري..بس زياد شكله صاادق..احسن شيء روح كلمه بنفسك وبتعرف انه صادق...
فيصل لاتتهور..تعوّذ من ابليس وصل ركعتين يهدى بالك...
فيصل:اعوذ بالله منك يابليس...
محمد:زياد يتعذب..مافي اصعب من التناقض..فكر بالموضوع زين ...بروح انام شوي قبل لااجيب اهلي من القاعه
فيصل :انا بجيبهم...
وقف وهو يرفع يدينه فوق يتمغط..
محمد:سويت فيني خير...تصبح على خير...
فيصل:لحظه..
محمد:خير؟؟غيرت رايك؟؟؟
فيصل:انت منين تجيب هالبرود؟؟؟
محمد:بروود!!!انا بارد؟؟؟
فيصل:اختك انضربت..وماتدري شلون حالها..وماتدري وش مصيرها..وزوج اختك ماندري شفيه..وتنام؟؟؟؟
ابتسم وانكشفت اسنانه البيضاء..قال وهو يتناول قبعة قميصه المغربي اللي يتدلى بنهايته خيوط رماديه..ويحطها فوق راسه..
محمد:مافي شيء يستاهل اني اعصب عليه...ضربها وهو مو بوعيه...لكل شيء بالعالم سبب..وسببه اقنعني..ليه اعصب وانفعل ..
فيصل:هالسبب مو مقنعني...انا صديقه الروح بالروح..ماقالي الا يوم ضربها..شمعنى..ليه تأخر كل هالوقت؟؟؟
محمد:شوف هو خويك وانت ادرابه..تصبح على خيييييير...










*******************












سكّر باب الغرفه اللي أخذها..
رمى نفسه على السرير الابيض الصافي..ودفن وجهه فيه..
تذكّر نظراتها له..
أسئلتها..حيرتها..ردودها..عصبيتها..
زفر وانقلب على ظهره..مسح وجهه بيدينه..
وبدى يسأل نفسه..
أنا ليه سويت كذا..؟؟
وش فيني؟؟؟
هي الحين تبكي؟؟
كرهتني؟؟
تنهد بتعب..رفع نفسه..وتسحّب على السرير لين وصل للكومندينه..اخذ سماعة التلفون..وضغط صفر..
وضغط رقم بيتهم...
بعد رابع رنه..جاه صوت امه..
زياد:يمه انا بفندق ابي ارتاح وجوالي نسيته..مع السلامه..وسكّر من غير مايسمع اي شيء منها...
ارخى راسه على الوساده المريحه..وراح بالنوم..


*****************

في مكان ثاني..

وقفت تستعد للرقص..وتسمع موّال الطقاقه..أشرت لعبير من بعيد تجي ترقص معها..
ورفضت..
وبدت الاغنيه
أشــب جمري على جمره...
وأذوب كلي على كلي..
الحب ماصار من نظره...
وصار من لمحه مع خلّي...

ترقص وتتمايل مع اصوات الدف..وقلبها ينزف..توزع ابتسامات على الكل...
لمحت جميله(البنت اللي تهاوشت معها بليلة القرش)...وزادت من ابتسامتها..
وكأنها خايفه احد يكشفها..اللي يشوفها يقول هي أسعد مخلوقه على وجه الارض...




رن جوالها سوني اريكسون الذهبي مع الوردي..ودق قلبها وهي تشوف اسمه ينوّر الشاشه..
ردت..بلحظه شوي...ومشت بسرعه...لين وصلت للرسبشن..
جلست على كنبه وصوت الطقاقه مو واضح...
عبير:هلا حبيبي أسمعك ..
مسّد جبهته بتوتر وقال بصوت راكز
فيصل:هلا قلبي..لايكون تعبتي
عبير:لا لا..الحمد الله..انت وينك وين رحت وخليتني..
فيصل:دقو علي المستشفى فيه حاله طارئه..ها شلون الحفل
عبير:وووواااااو يجنننن احسسسن من حفلة سلمى..
فيصل:وليلى..مستانسه
عبير:ههههه ياحليلها ماخلّت اغنيه مارقصت عليها..الحين هي ترقص..من قدها.. انت لو شفت شكلها يوم عرفت ان حفلتها الليله..تفطس من الضحك..
فيصل:اشواا..زين..انتبهي لنفسك ولا ترقصين..
عبير:ايه لاتخاف انا احرص منك على ولدي فلذة كبدي..
نسى كل شيء وركّز بكلمتها..حس فعلا بالابوّه..
فيصل:ههه طالعه من فمّك عسسل..
عبير:مشكور..ياعسسل
فيصل:لا شكر على واجب ياقشطه..اقول..ولا بلاش
عبير:لا قول
فيصل:خلاص خلاص
قالت برجاء
عبير:حبييييبي
فيصل:كنت ابيك تغنيلي..
حمحمت تسلك صوتها وتلفتت حوالينها..مافي احد يقدر يسمعها..
وبدت تغني..بعذوبه
عبير:متى اشوفك نظر عيني..
تنور عمري وسنيني..
انا مالي سواك..
تعبني الشوق واضناني..
وخلاني مع احزاني..
تعب قلبي معااااك ...
تعب قلبي معاااااك..

كان يسمع لبحة صوتها ويتخيلها قدامه...كانت هموم على قلبه..وانزاحت اول ماسمع صوتها..
غمض عيونه وهو مصغي تماما لحروفها..ويردد بداخله..أحبك..

عبير:حبيبي وين رحت..الوو
انتبه
فيصل:معك ياروحي...من اسمع صوتك اروح بعالم ثاني..
عبير:هههه اخاف بس تجاملني..
فيصل:عبير..
عبير:هلا
فيصل:احبك..
اعتلت خدودها حمرة خجل..وهمست
عبير:وانا بعد..ومشكور على الهديه..ولبستها الليله
فيصل:تستاهلينها..كنت ابي البسك اياها بنفسي..مره ثانيه ان شاء الله...مع السلامه
عبير:الله يسلمك...ضمت الجوال لصدرها وهي تردد بالله يخليه لي..والتفتت للي تصوتلها
سلمى:قوومي قوومي الناس يتعشون وانتي هنا؟؟؟شتسوين؟؟؟اعترفي
عبير:مو مشتهيه العشاء
تقدمت منها بسرعه وجلست بجنبها
سلمى:اكيد مكلمه بعض ناس؟؟؟
عبير:لا ماكلمت احد..
سلمى:اجل ضامه الجوال ليه..
عبير:ههههه يمه منك قسم انك كونان..اقول سلمى
سلمى:نعم
عبير:ابوي وسليمان للحين مادرو..مستحيه منهم..شلون بقابلهم..اخاف يزعلون
سلمى:لا مو زعلانين..هو صحيح انك قليلة ادب ومالك خاتمه جحدتي اهلك وتبعتي زوجك بس لاتخافين مو زعلانين
عبير:صدق الحين بيعتبروني مالي خاتمه؟؟؟
سلمى:ايه..بس لاتخافين انتي فراقك عيد...وهربت قبل لاتضربها عبير اللي مايهمها احد..
عبير:طايل لسانها العجوز المخرفه..









مسكت الحجاب بيدين ترجف..
غمّضت عيونها ..وانسابت عليها الذكريات...


نوال اختي...
ههههه تخيّلي اشكالنا متزوجين..
لاتخافين يانوال..مارح نتزوج..
اسف يانوال..ماقدرت امنع هالزواج..
نوال انتي اختي...تطمني مارح المسك..
انتي ليه تعامليني بهالطريقه..انا اخووووك
وش تستفيدين اذا تطلقتي
طيب انا شاريك
شوفي يابنت عمي..الزواج كان غصب..بالنسبه لي ماكان لي اعتراض عليك..كنت معترض على الزواج كله..ومارح اغصبك على شيء
اذا تبين الطلاق بطلق..واذا تبين تستمرين معي ماعندي مانع..انتي فكري ولا تستعجلين..ترى الطلاق للبنت صعب..
خايف تندمين..صدقيني حسين مارح يتزوجك وش يحده ياخذ وحده مطلقه وهو بعده ماتزوج..وعلى فرض انه موافق اهله مو موافقين..
شوفي انا ماقصرت معك بشيء وطول الفتره ماجرحتك بكلمه..ولا قلت مابيك او اني مغصوب عليك..لاني مابي احد يلومني ويقول انت ماحاولت..تقدرين تاخذين اغراضك وانتي طالق..وورقتك بتوصلك..
عندي بشاره لك بس مؤقته..
اقنعت ابوي يزوجني غيرك..
نوال حنا من زمان اخواان وانا ماغيرت تعاملي معك بعد ماتزوجنا بس انتي اللي انقلبتي علي..شكلك خفتي اتزوجك صدق...
هذانا عندك ..وحولك..اهدي اهدي
انا ابي اعرف كل شيء..بس بعد ماترتاحين..
لاتخافين مو تاركك...




تنهدّت بصوت مسموع..وضغطت على الحجاب بقوه..طالعت فيه..
نوال:حرام يانوال...هو ماسوالك شيء..حسين نذل خدعني وتخلى عني بسهوله..ويستاهل اللي جاه..بس زياد..دايما واقف معي..عمره ماتخلّى عني..انا اللي تركته..انا اللي جرحته..انا اللي خليته يقتل..انا اللي عذبته بحياته...هو مايستاهل ..ليه يانوال..هو مرتاح وسعيد بحياته..وليلى عمرها ماضرتني بشيء..ليه..لييه يانوال...لازم انهي كل شيء..لا لا لا لاتستسلمين يانوال..اصبري وبيصير زياد لك..خلاص حياته مع ليلى انتهت..مستحيل ترجعله..اصبري وصدقيني بيرجعلك وبيتزوجك..لا تخربين كل شيء بلحظة ضعف....وبعدين اللي سويتيه مو سحر مو سحر لاتصدقينهم..


انفزعت من دق الباب..وبسرعه فتحت الدرج ودخّلت الحجاب وقفلت عليه وراحت تفتح الباب..



واول مافتحته دخلت شموخ
نوال:هاطمنيني رد؟؟؟
شموخ:ايه ماخذ غرفة يقول يبي يرتاح...
نوال:افف ارتحت..يلا تصبحين على خير..
دخلت لداخل وجلست على السرير ووراها نوال..
شموخ:ياربي يانوال خايفه عليه..احسه انجن..مايبيها وضربها ويبكي يقول مو انا و يبيها..
نوال:مادري ..شموخ فيني نوووم قوومي
شموخ:طيب يالدجاجه...وطلعت..
فتحت لحافها البااارد واندست فيه..
نوال:والحين لازم زياد يرجعلي..







******************
الرجوع الى أعلى الصفحة اذهب الى الأسفل
روحــي بـريـئــهـ
آمـيـَـَـيز مـمـيز ~
آمـيـَـَـيز مـمـيز ~
روحــي بـريـئــهـ


عدد الرسائل : 266
انكســـــاااري....}لـــ { دلوعــ ــ ــ ـة اهلها }..((كامله) - صفحة 7 4310
نقاط : 34
تاريخ التسجيل : 21/02/2008

انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Empty
مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Emptyالسبت سبتمبر 27, 2008 2:49 am

الساعه الثالثه مســاءًا..


بالكاديلاك اسكاليد اللؤلؤي..
جدته قدام..بجنبه
وامّه وسلمى وعبير بالمرتبه اللي وراه
وليلى وميساء بالمرتبه الاخيره...
الكل يسمع للقران بصوت ماهر المعيقلي...



رفع عينه على المرايه وهو يسوق..ومالمحها زين..الظلام مو مخليه يشوف..حتى صوتها ماسمعه..
أكيد زعلانه..بس عبير تقول انها فرحانه...تكابر كالعاده...
رجع يشوف الطريق..
الجده:فيصل مادق عليك ابوك؟؟؟
طفى المسجل..وقال
فيصل:جدتي الله يهديتس ماهو كل ساعه يصير شيء...الخميس والجمعه مامن شي..والسبت ان شاء الله بتشوفينه...
عبير:يااارب متى يجي السبت..
ام فيصل:اميين...اقول يمه قبل لاترجع للبيت روح لمطعم جب لعبير عشاء تراها ماتعشت..
فيصل:عبوره وش مشتهيه؟؟
عبير:مو مشتهيه شيء..
فيصل:ليه؟؟
عبير:شبعانه..
الجده:ايه ذابحتس الريجيم..وش شبعانته وانتي ماكلتي شيء...كل يومه ماحطت بفمه لقمه
نرفزت من كلام جدتها وقالت وهي كاتمه عصبيتها
عبير:من قال اسوي ريجيم..بس والله شبعانه..اذا رجعت البيت باكل..خلاص
ابتسم ..يدري انها معصبه...الاخلاق عال العال..
قال يغير الموضوع
فيصل:كونان شفيه ماله حس؟؟؟
ام فيصل:نايمه..
فيصل:بيّن..بالعاده قبل لااحرك السياره تسأل..وين كنت..ليه جيت..
رن جوالها بيدها وضغطت على الرفض..حقيييير ااااه بس لو قدامي ذبحته..والتفتت على ليلى اللي تهمس لها
ليلى:ميساء ردي عليه شفيك؟؟؟خمس مرات يدق وانتي ترفضينه
وبنفس الهمس
ميساء:بلاك ماتدرين..تخيّلي داق علي مو يسأل او يتطمن..داق يبيني اسمعه صوت الطقاقه...افففف
ليلى:ميساء يمزززح
ميساء:مثل وجهه مزحه
ليلى:يعني حلوو
ميساء:عاد مالقيت اشكي الا لاخته...وقطعهم صوت المسج..
فتحته
((مادموزيل ميسااء..مو انا اللي ادق وماتردين عليه وتسكرين بوجهه..الحركه بأدبك عليها...وراسك اصقعيه بالسقف..))
استرخت..او بمعنى اصح تخدرت..تحس مافيها اعصاب..كل شيء فيها اتلفه..
دخّلت الجوال بالشنطه..وانشغلت بالسيارات اللي بجنبها....







*****************













من خذاها من القاعه وهو ساكت...حتى السلام الواجب مارد عليها...حاولت تفتح معه موضوع..تكلمه عن الحفله
ماعطاها وجه..سكتت طول الطريق وهي مستغربه حاله..

وصلو للبيت..ووقف السياره بالشارع عند باب البيت..
عهود:ليه ماتدخّل السياره؟؟؟بتروح لمكان
سالم:انزلي ..اخلصي علي..
عهود:سالم شفيك؟؟؟شك
قاطعها


سالم:عهوووووود انقللعي لاذبحك بالسياااره مو فاضي لكلامك..
خافت منّه..فتحت الباب ونزلت بسرعه..
وحرّك السياره..
دخلت البيت وهو مصدومه فيه..حتى ماتأكد اذا دخلت البيت او لأ...على طول مشى...











*******************











المطبخ..

جالسه على الكرسي وتطقطق بأصابعها على الطاوله الخشبيه...تراقبه بعيونها..
بثوبه الابيض..ومفسر اكمامه..
وهو يروح يمين ويسار ومحتاس..
عبير:حبيبي جاني النووم
فيصل:مابقى شيء على الفجر..والحين اخلّص..
عبير:حشى ماصارت سلطه..والشوربا انتبه لها
فيصل:انا مسيطر على الوضع تمام....
عبير:طيب بروح اغيّر لبسي...
فيصل:لا كذا حلوو..خليك مثل ماانتي..
عقدت حواجبها..شلون نسيت اني طول هالوقت وانا شكلي مبهذل..البس من لبسه..حتى لبسي ماجبته من البيت..شوفو الغبااااء..الظاهر عاجبتني بيجاماته..والا تيوري الحلوو...مالومه لوقال خليك مثل مانتي...ماصدّق على الله اتزيّن..
عبير:حبيبي..بكره بروح السوق..ابي اشتري اغراض..
اخذ طبق مستدير وحط السلطه فيه...وعصر عليها ليمون مثل ماتحبّه..وحط فيه ملعقتين زيت زيتون..
فيصل:وهذي المقبلات ..ونزلها على الطاوله...باقي الشوربا..
غرفت لها وله ..على مايجيب الشوربا...
حط صحن شوربا تسبح فيه الخضروات قدامها..وجلس بجنبها..
عبير:ليش ماجبت لنفسك
فيصل:مو مشتهي ..اخذ ملعقه وبدى يحرك فيها الشوربا يبردها..
عبير:فيصل..
فيصل:هلا
عبير:كلمت سليمان
فيصل:ايه ..ليه
عبير:قلتله عن رجعتي
فيصل:لا...اذا جاء بيدرون..يلا ياقلبي افتحي فمك...



آذان الفجـــر...
الله اكبر الله اكبر
الله اكبر الله اكبر
اشهد ان لا اله الا الله
اشهد ان لا اله الاالله
اشهد ان محمدا رسول الله
اشهد ان محمدا رسول الله
حي على الصلاة
حي على الصلاة
حي على الفلاح
حي على الفلاح
الصـــــلاة خير من النـــوم
الصـــــلاة خير من النـــوم
الله اكبر الله اكبر..
لا اله الا الله...











فتح عيونه واخذ الجوال وضغط على ايقاف..تعوّذ من ابليس وقام...


بعد ماتوضى كشخ بثوب ابيض ونسف الشماغ على ورى..واخذ المدخنه الكهربائيه اللي فيها العود..تدخن منها..

سحب فيش المدخنه..وتركها على تسريحته..واخذ المسواك..وطلع من غرفته وهو يتسوك...
مر على جناح فيصل وطق الباب..حاول ثلاث مرات وماسمع رد..نزل..






صحه وهناء محل مايسري يمري...خلاص من اليوم محد بيطبخلك غيري...ووقف
ابتسمت وهي تحط الطرحه على كتوفها وترجّع الكرسي على ورى
عبير:والله لو ادري ان طبخك كذا..كاان من زماااان خليتك تطبخلي...يامال العافيه ووقفت
حط ايده على بطنها ومسح عليه بحنان
فيصل:حبيبتي..تحسين فيه؟؟
عبير:اكيد مو فلذة كبدي..
باس جبهتها
فيصل:الله لايحرمنياك انتي وفلذة كبدي..
عبير:ويخليك لي يارب...
حط ايده على كتفها ومشو مع بعض...





كان نازل مع الدرج..


تغطّت بسرعه..
محمد:مشاء الله سهرانين
فيصل:اصلا تونا جينا من القاعه..انتظرني نروح مع بعض للمسجد..
محمد:مايمديك توضى بالمسجد..يلا..
عبير:توه مذّن..يمديه
محمد:تكلمت الملقوفه..
قلدت صوته
عبير:ملقوفه...
محمد:وبعد لك وجه..خلن ارجع من المسجد وبتولاااتس يالحماره
فيصل:محمد شهالالفاظ استح
عبير:مالقيت الا حمووووووده تكلمه
محمد:عبيروه لاتحسبين اذا تغطيتي ابسكتلتس..
عبير:مااااااالت مصدق نفسك يالمراااهق..هي ترى تغطيت علشان جدتي حلفت ولا مالي نيه..
محمد:اعنبو اصلتس منين تجيبين هالعوابه..وبعدين من سمحلتس تفتشين باغراضي؟؟؟؟؟؟
التفتت على فيصل اللي يطالعهم بصمت..ورجعت تطالع بمحمد
عبير: من زين غرفتك ولا من زين اغراضك ولا من زينك كلك على بعضك يالكحتوت
محمد:عب
قاطعه
فيصل:عبير اطلعي..وانت امش قدامي...الظاهر ان قضية فلسطين تنحل وقضيتكم للحين...يلا امش قدامي...















سفطت سجادتها بعد ماخلصت من اذكار الصباح...
تمددت على السرير ..اخذت خصله من شعرها وسوت فيه جديله...
وكأنها تحاول تصيغ حياتها..
تنهدت...



ميساء: فيصل..احلام ورديه..رومانسيه..
محبه..غرام..عشق...
ورود حمراء..هدايا..سفر..شوق..
اولاد وبنات..أسره مثاليه...
حياة تماديت فيها..وتغير كــل شيء..
خالد..الجديه..المزح..هدايا..سفر..
واولاد وبنات...أسره واقعيه..وبس..
فكّت جديلتها ودلكت فروة راسها..
تغطت زين ونامت..












كان يتنفس بعمق..ويستنشق اكبر قدر من الهواء...
الاكسجين بهالوقت كثير...لازم يعبي رئتيه..
فيصل:شفيك
محمد:اتنفس وش فيني بعد..
فيصل:زياد مايرد..مقفل جواله
محمد:مسكين الله يعينه
فيصل:محمد تراك بتجنني
محمد:ياخوي سهّلها ..كلمت ليلى؟؟؟
فيصل:مالي وجه احط عيني بعينها
محمد:الله يشفيك..وانت شدخلك؟؟؟
فيصل:ناسي انه خويي
محمد:وماغصبتها عليه...وبعدين بيرجعون لبعض..مشكله تافهه..وبتنحل...ياحبكم لتضخيم الامور...
فيصل:محمد حبيبي..امش بسرعه قدامي لاتوطى ببطنك هنا
محمد:فكر زين يالمجنون....وسرّع بخطواته...














****************************

0
0
0
0














العصـــــــر...


اووووف اجل ارجعي لبيتك مالك داعي...قووومي نبي نسولف
غطّت وجهها بالحاف
ليلى:ميساء فيني نوووم ماشبعت
ميساء:ليلى قوومي ..مارح نجتمع بدون ازواجنا غير هالمره قووومي..يلاااا
ليلى:مابي اقووم...ميساء سكري الستاير واطلعي
ميساء:افف من امس وانتي نايمه ولاشبعتي.....وطلعت بدون ماتسكر الستاير...


نزلت دموعها بشويش..وانسابت على شكل خطوط متقطعه...
كتمت شهقتها...وهي تردد..
ارجعي لبيتك...
اي بيت ياميساء..اي بيت؟؟؟..
زياد خذلني..خذلني..خذلــــني...
من فيه العيب؟؟؟انا ..او هم...
ليه حظي كذا...ليه يعاملوني بهالطريقه...
ليه يعلقوني قلبي فيهم ويجرحووني...
ليه يازياد ليييه...
هالمره شالسبب؟؟؟
سامع عني شيء...؟؟؟
انا مافيني خير يازياد؟؟
أنا!!!



قامت من السرير تبي تسكر الستاير وتسكر الباب...ماتبي تشوف الا الظلام..
ماتبي تقوم ابدا...تبي حياتها كلها نوم....

خااااااااااااااااااالتي
هذا اللي ناقصني..مسحت دموعها بسرعه و
التفتت عليهم وهي ترسم ابتسامه بالغصب
ليلى:حبايبي اطلعو ابي انام
ضمتها سديم ومسك ايدها ناصر يترجاها..
ناصر:الله يوفقك ياخالتي نبي الملاهي..الله يخليك
سديم:لولي خلينا نرووح..
راقتلها الفكره..وينهي عنها من زمان..هو المكان الوحيد اللي تقدر تفضي فيه كل شيء بدون حساب وأسئله..
ليلى:اوكيه..ناصر نادلي جوني من غير مايحس احد سامع...ترى اذا احد درى مارح نروح...
ابتسم وخصوصا ان فيها سريه ومجازفه..وهذا اللي يستهوي الاطفال...
ناصر:الحين اخليها تجي...
سديم:وانا اروح البس
ليلى:لا خلي لين تجي جوني تلبسكم....
















*******************
أخيرا رد عليه..واخيرا بيشوفه..
لبس بنطلون جنز على رمادي وتيشرت سماوي نص كم عليه كتابات بالاصفر
ترك شعره بدون تسريح..متبعثر ومعطيه شكل حلو..
دخّل الجوال والبوك بجيب بنطلونه الخلفي..
وطلع بدون مايتعطر...




لقاها بالغرفه متمدده على السرير..
فيصل:تبين شيء اذا رجعت..
عبير:لا..بس تراني بروح للسوق لازمتني اغراض..
مشى لين وصل عندها..
فيصل:مع مين بتروحين
عبير:لحالي
فيصل:لا لا..خوذي سلمى او امي..لحالك ماتطمن..
عبير:بس انا ابي لحالي
فيصل:وانا مارتاح اذا كنتي لحالك..افرضي دختي او تعبتي..لا لا..اذا ماتبينهم اصبري لين ارجع ونروح مع بعض
عبير:خلاص خلاص باخذ سلمى..انت متى بتقولهم اني حامل؟؟؟
نفخ هوى من فمه ووقف..
فيصل:مو الحين..انا بقول لامي ..انتبهي لايزل لسانك..وباس جبهتها..وتذكّر..اوو ماعطيتك فلوس
عبير:معي فلوس
فيصل:فلوسك خليها لك...طلّع بوكه وعطاها بطاقته...امسكي
عبير:يمكن تحتاجها
فيصل:لا مو محتاجها معي فلوس...انتبهي لنفسك ولا تشيلين شيء خوذي وحده من الشغالات سامعه..وانا بتصل اتطمن
مع السلامه
عبير:بحفظ الله...




















ستــار ستي..

طالعت بالالعاب بشكل سريع...
واستقرت عينها على وحده من الالعاب...
مامعها جوّال..
التفتت على الشغالتين اللي ماسكين ناصر وسديم..
ليلى:جوني خليكم مع بعض...نسيت جوالي..اسمعو اول مايذن المغرب القاكم هنا علشان اخذ عبايتي منكم واصلي..اوكي
جوني:مدام خوذي جوال انا
ليلى:لا لا مابي..انتبهو زين...وانطلقت للعب....















ليش مايردد..ليييش..
الله يستر شكله امس مو طبيعي...لايكون صارله شيء...ياااربي...
طلعت من جناحها ونزلت تحت..علّ وعسى يكون عندهم خبر

لقت امها ومؤيد مجتمعين بالمجلس العائلي...
جلست جنب مؤيد
مؤيد:وشفيك مبرطمه
عهود:مافي شيء...الا في شيء
مؤيد:وشو
عهود:سالم من امس ماجاء ولايرد علي
طالع بأمه مستغرب..
ام مؤيد:يمكن ماسمعه..هو قبل شوي رد على مؤيد وقال بيجي قبل المغرب
عهود:رد عليييك..وانا لييه؟؟؟؟
مؤيد:يمكن ماسمعه ..حاطه على السايلنت...الحين يجي واسأليه..لاتدقين
عهود:على الاقل يطمني..مو يخليني قلقانه ومادري هو حي ولا ميت...اوريه
ام مؤيد:عهود عيب..
عهود:يمه قاااهرني..خلاص خلاص سكرو على الموضوع صبولي قهوه..واخذت صينية الحلا وبدت تاكل بدون شعور..
الرجوع الى أعلى الصفحة اذهب الى الأسفل
روحــي بـريـئــهـ
آمـيـَـَـيز مـمـيز ~
آمـيـَـَـيز مـمـيز ~
روحــي بـريـئــهـ


عدد الرسائل : 266
انكســـــاااري....}لـــ { دلوعــ ــ ــ ـة اهلها }..((كامله) - صفحة 7 4310
نقاط : 34
تاريخ التسجيل : 21/02/2008

انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Empty
مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Emptyالسبت سبتمبر 27, 2008 2:52 am

واااااااااااااااااااااااااااااااااااااااو...يماااا ااااااااااااااااااااااااااااااااااااه
يماااااااااااااااااااااااااااااااااااااااااااااااا اااااه وااااااااااااااااااااااااااااااااااااااااااااو
وو وو وو
يماااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااه..
بدت تهدى اللعبه..لين وقفت..
جلست بمقعدها لين تتوازن شوي....هذي ثالث لعبه مخيفه تركبها...
تحس ان احبالها الصوتيه خلاص انقطعت..بس للحين فيها حره وقهر ماطلعو..
نزلت من المقعد...وراحت تدوّر لعبه خطيره...


















طاح على السرير بقوه ومد ايده يتحسس خشمه..
مسح الدم اللي بدى ينزل..ووقف بسرعه يرد الضربه لفيصل..
تجاوزها فيصل..ومسك ياقته..ورفعه فوق وضربه بقس بقوه ..
وبسرعه مد ايده ورد البقس لفيصل..ولوى ذراعه بقوه يحاول يثبته..


وقال وهو يلهث وانفاسه تقطع كلامه
زياد:خـ ـلـ ـ ـنـ ـا نـ ـتـ ـ فـ ـ اهـ ـ م
فيصل:عـ ـ ـلـ ـ ـى ايـ ـ ـش يـ ـالـ حـ قـ يـ ر
التقط انفاسه شوي وبلع ريقه
زياد:فيصل..اسمعني..واحكم..
فيصل:ماابي اسمع شيء..
صرخ فيه
زياد:غصب بتسمعـــــني...اناااا مو اناااااا...اللي انضربت اختك..بس انا لأ...اللي انضربت رووحي..
على باااالك سهل علي اشوفها تنضرب...غــصب عنننني...اقولها تكلمي..تطلع انطمي...ابتسم...تطلع تكشيره..
انت فاااهم..حاااس باللي احس فيه..وتركه..وجلس على السرير وهو ضام راسه بيديه..انا تعبااااان تعبااااان يافيصل..
صلاة ماصليها..قران ماسمعه..ضيقة وكآبه..احس شيء على صدري..حاس اني انسان ثاني..معها..معها هي بس...ليييه ماادري..مااادري..















طلعت وراه على طول قبل لايروح لصلاة المغرب..
سكرت باب الجناح ولحقته لغرفة الملابس

عهود:ممكن افهم وين كنت؟؟؟
سالم:كنت ببيتي
عهود:ليش؟؟
سالم:حر...
عهود:حر..طيب ليش ماطمنتني..ليه ماترد علي؟؟؟
سالم:كنت متضايق..
عهود:وترد على مؤيد وانا لأ...وعلشان متضايق تطنشني وماتخليني انام من كثر خوفي عليك..ماتبي تسمع صوتي ارسل مسج
سالم:نسيت..
عهود:وليه متضايق؟؟؟
سالم:روحي شبكيلي المدخنه على ماتوضى
عهود:رحت للاستراحه امس؟؟؟
تعلّقت عيونه بعيونها وسكت..
هزّت راسها بملل
عهود:سالم من جد ترى ملّيت..هذي مو حياااة..كل ماقال لك واحد من هالتافهين كلمه حطيت الحره فيني..خلاااص انسى
سالم:انسى!!..حطي نفسك بمكاني..استراحه مليانه شباب..ويجي واحد يقول..للحين زوجتك على ذمتك..او شلون تتعامل معاك وهي مغصوبه عليك..او الرجال مايفرض نفسه بالغصب على زوجته...او الرجال بلا كرامه مو رجاال...او
قاطعته
عهود:حااااااسه والله حاااااااااسه ومقدره..بس انت شعليك منهم..انت مو مرتاح معي..مو سعيد..
سالم:الا
عهود:خلاص كلامهم مااايهم..هذولي بيخربون حياتنا..سالم حنا بيجينا ولد او بنت..لازم يجون وحنا مستقرين..اقطع الاستراحه..او طنش كلامهم...انا شذنبي تعاقبني..
سالم:حقك علي..خلاص بلاها الاستراحه..
تنهدت
عهود:واخيرا اقتنعت...يلا روح توضى مابقى شيء على الاقامه..
0
0
0
0
0
0
0
















بعــــــد مرور يوميــــــن..

ألأحـــــــــــد


ناصر ماطلع من السجن..لازم يقضي فترة عقوبه (الحق العام)..وبيطلع بعيد الفطر..
والكل رجع للرياض وهو متضايق...بس لما شافو عبير وفيصل مع بعض فرحو...
فيصل بعد يوم من هوشته مع زياد وبعد ماكلّم جلال..اقتنع وخصوصا بعد مازارو الشيخ مع بعض..
اللي صدمهم من اول قرايه انه مسحور..ويحتاج علاج طويل...اتفق فيصل مع زياد انه يقول لاهله انه مسافر عنده دوره..ومايقدر ياخذ ليلى معه...
واخذ اغراض ليلى كلها..ليلى درت بالسحر..وردة فعلها الصمت...
وميساء وخالد رجعو للبيت..وسليمان وسلمى والعيال رجعو للبيت..
وابوسليمان جلس ببيت ابو فيصل..













العصـــر..

فتحت المسج اللي وصلها وكان من نوال..ابتسمت وهي تقراه..
نزّلت الجوال بجنبها..وكمّلت فنجانها..
قاطعتها الجده بسؤالها المعتاد..
الجده:علامه رجلتس ماخذاتس معه..
شربت فنجانها بتوتر..
ليلى:انا مابي...اجلس عندكم احسن..
الجده:وحمولتس ليه ماتزورينه...؟؟؟؟
ليلى:ازورهم ان شاء الله بالليل
الجده:وشلون بنيتهم المنكسره..
تذكرت عذرها لهم لانهم ماجو للحفله..
ليلى:احم..الحمد الله..ماطلع كسر التواء بس
دخلت ام فيصل على اخر كلمه
ام فيصل:اكيد عين ماصلت على النبي..عاد شموخ تهبل
الجده:مامن زين بالحيل..بس انتي تبينه لمحمد هاليودعتس(علشان كذا)
ليلى:يماه قلتلك ماتناسبه..اذا مصرين اخطبيله بنت ابو عبدالرحمن..مها حلوه وفاهمه وعاقله
الجده:اي والله..حنا الغريبات مانبيهن
ام فيصل:حتى ابو فيصل يبي مها..خلاص بشاور محمد
وصلها مسج وفتحته
((لا تحسب اللي مايشوفك بينساك...
روحه وقلبه وكل مافيه..يفدااك..
المرسل..حبيبي))
نزّلت الجوال وهي تحس بقلبها يعتصر...











*****************















بجناحها
لبست فستان قصير اصفر ..يلتقي بحبلين مع الرقبه..
ماسك ويتوسع من تحت الخصر..شعرها البني الشوكلاته مسويته تمويج ناعم ...سوّت مكياج برونزي...ونثرت ظلال سماويه على جفونها..وقفلتها باللون البرونزي..
كحلت عيونها بالتركواز..ووزعت بلاشر وردي وخمري على خدودها..وانتهت بوضع قلوس باللون الباربي(الوردي على فوشي فاقع)..وقفت بشويشلين حست نفسها متوازنه...وطلعت لغرفتها..تمددت على السرير تريح شوي..



مسحت على بطنها وبدت تتكلم..
عبير:حبيبي او حبييبتي..امس المفروض خالكم ناصر يطلع..بس رفضو قالو لازم يكمل فترة العقوبه..وخالكم سليمان زعل علي شوي..لاني رجعت لابوكم من غير مااقوله..بس رضى..هو قلبه كبير..وجدكم لو وش ماسوي راضي عني..جعل عيني ماتبكيه..جعل يومي قبل يومه..وخالكم خالد رجعنا زي قبل تقريبا..امس تكلمنا بدون مشاكل..
حبايبي..محد يدري انكم ببطني..ابوكم مو راضي..يقول لين اصير بالثالث..
رفعت عيونها للسقف وتنهدت..
يماه..دريتي اني حامل..فرحانه..بتصيرين جده..يماه بصير ام..بس من بيهتم فيهم؟؟؟
اروح للمستشفى لحالي..محد بيشيل همي..محد بيخفف عني..يماااه خايفه امووت..يقولون الولاده صعبه..
اخاف يصيرلي شيء..من بيربي عيالي..لو انتي موجوده كان مااخفت..
ومسحت دموعها وهي تستغفر..
اللهم اغفرلي زللي..اللهم اغفرلي زللي..اللهم اغفرلي زللي...


















خاااااااااااااااااااالد حرااااام عليك كسرتني...شوي شوي
شات الكوره بقوه على الجدار ورجعتله
خالد:عاد هذا لعبي
ميساء:مابي العب..طلّعت فيني كدمات..بدخل
خالد:حتى انا مليت..
اوو الحين بيجيبلي النشبه عبدالله...ابتسمت بمكر
ميساء:حبيبي..شرايك نجلس بالدكه ونجيب القهوه والحلا والشاهي والفطاير ونلعب ورقه ونسولف ونوسع صدورنا..صح فكره..
رمى الكوره وراه
خالد:فكره مش بطاله..بروح اجيب المكيف الصحراوي..وافرش وانتي جيبي القهوه
ميساء:هوى...وبسرعه دخلت...






















دخل ولقاها نايمه بدون غطاء والتكييف عالي...
هرول لها..وغطاها بالحاف..ونزل باقة الورد على الكومندينه
حست بالدفء..فتحت عيونها..وكان واقف معطيها ظهره..

عبير:فيصل جيت
التفت عليها
فيصل:توني جيت..ورجع جلس بجنبها ومسح على شعرها...تعبانه
عبير:لا..وتنفست بعمق...
اخذ الباقه وعطاها
شمّت الورد الاحمر وحطته بجنبها وكأنه ولدها
فيصل:عيونك متنفخين..كنتي تبكين؟؟؟
عبير:لا..
فيصل:عبووره
عبير:بكيت شوي..مو بكاء دموع بس..تذكرت ناصر..
فيصل:ان شاء الله بيطلع..كلها كم شهر وتعدي بسرعه..وتشوفينه قدامك..
وقرص خدها ..هالوجه مابيه يتكدر..شلون راشد..
عبير:وافرض طلع بنت
فيصل:اذا طلعت حلوه على امها ماعندي مانع..
تذكرت كشختها..ابتسمت وهي تسوي نفسها بتقوم تغسل وجهها..
عبير:ساعدني..بروح اغسل وجهي..
ساعدها توقف..
عدّلت فستانها تبيه ينتبه...ونفضت شعرها ..وكأنها حركات طبيعيه مالها قصد..
قال ونظرات الاعجاب تحرقها..
فيصل:اوووووه شهالزييين ..الاصفر يلبقلك..
سوّت نفسها مستغربه
عبير:وش زينه..الحين شكلي وانا قايمه من النوم زين..
فيصل:بعيوني ازين من الزين..لحظه..
ورجع للباقه واخذ ورده وقطعها ..وقف قبالها وحط الورده على جنب فوق اذنها..
جمعت شعرها على جنب وهي تبتسم
عبير:كذا احلى..
فيصل:تدرين..بنظلم الورده..
حمرت خدودها..
عبير:انا اذا جلست معك دقيقه بروح فيها..














*******************
















بعد المغرب..
اتفقت مع شموخ ونوال يطلعون للسوق...وقالت لجدتها انها بتروح لحمولتها..




يلااا شمووخ تأخرنا...
شموخ:لحظه شوي...سكرت عبايتها اللي على الكتف..واخذت شنطتها كواتش وتنقبت ومشت..
قالت وهي تنزل مع الدرج..
نوال:بنروح لمطعم بعد السوق..
شموخ:مادري ماقلتلها..اذا وصلنا نتفق....
نوال:لايدري زياد..مثل ماتفقنا
شموخ:من غير ماتقولين..هذي رغبة ليلى..نوال تهقين يرجعون لبعض
نوال:لأ..انا بمكانها ماارجع..
شموخ:بس هم يحبون بعض
نوال:اللي يحب مايضرب..تلثمت وطلعو..






















غشااااش انا شفتك وانت تحط الورق تحتك..قوووم قووم
خالد:ايه هذا عذر الفاشل..تقبلي اني فزت عليك...صبيلي قهوه..
اخذت فنجانه وصبتله..
خالد:ترى بكره عندنا عشى..واخذ الفنجان
ميساء:من عازم؟؟؟
خالد:اهلنا بس..واصدقاي
ميساء:اصدقاك معهم حريم
خالد:عزابيه
ميساء:وانت للحين تماشيهم..امش مع المتزوجين..
خالد:والله بكيفي..بعد العشاء نروح نتقضى جهزي نفسك
ميساء:شرايك بعد مانتقضى نتعشى بمطعم..
خالد:اي مطعم تبين؟؟؟
ميساء:اللي يعجبك..
سمعو اذان العشاء..ووقف..
خالد:تجهزي اول مارجع القاتس عند الباب..
وقفت وبيدها قطعة حلا..وقربتها من فمه وبلعها
ميساء:اوكيه..

راح ونزلت عيونها للارض..وشافت الورق بمكانه
ميساء:غشاش محترف...واخذت صينية الحلا والفطاير ودخلتهم..ونادت الشغاله تدخل باقي الاغراض...وراحت تتجهز...























كانو بمصلى النساء يصلون العشاء..
هي اول من خلص..وطلعت تنتظرهم برى...




جلست على وحده من كراسي الانتظار ومافيه الا حرمتين قبالها ووحده واقفه عند الباب..
جلست بجنبها وحده متغطيه غطاء كامل وعبايتها راس وواسعه وبيدينها قفازات ورجلينها شرّاب..

همست لميساء
:السلام عليكم..

طالعت فيها ميساء وردت السلام..ورجعت تطالع بباب المصلى تنتظر ليلى وشموخ يطلعون..
:اختي بالله ممكن اكلمك بموضوع
التفتت عليها
ميساء:نعم؟؟؟
:مشاء الله تبارك الله عليك..والله من خوفي عليك..انتي وحده جميله وعيون الناس ماترحم..
حسّت بالغرور..
ميساء:شكرا من ذوقك
:طيب هالجمال لازم تصونينه..ومسكت يدينها..وهالنعومه حرام يصيرلها شيء..والله الدنيا زائله..وجمالك المفروض مايطلع الا للي يستحقه..تسمحيلي..
ميساء:تفضلي
وطلّعت قفازات مغلفه..فتحتها بسرعه..
:خليني البسك اياها..واذا ماعجبتك افصخيها..اعتبريها هديه والرسول وصانا بقبول الهدايا..
مدّت يدينها ولبستهم...











طلعت ليلى وشموخ مع بعض..وتلفتو حوالينهم..وشافو ميساء تمشي لحالها..


ليلى:خلينا نلحقها
شموخ:بدق عليها توقفلنا..ومشو وراها...
الجوال يرن..ولا ترد..حاولت اكثر من مره ولا ترد...
السوق هادي ومو معقوله ماتسمعه..
شموخ:شفيها صايره صقها..شوفي تمشي بسرعه..ليلى مو نوال

ليلى:الا نوال ماتعرفين زولها

شموخ:شوفيها لابسه قفازات..

ليلى:اي والله..بس نفس شنطتها..هي نوال متأكده

شموخ:هي نوال..بس لابسه قفازات هذي..ورجعت تحاول تدق عليها..

ليلى:شموخ شكلها بتطلع..راحت للبوابه..اسرعي خلينا نلحقها..



سرعو بالمشي..


ولما صارو قريبين منها نادوها
ليلى:نواااال نوااال وقفي
شموخ:ليلى شكلنا غلطانين يمكن وحده تشبهلها..


شكّت ليلى بالمره اللي تمشي قدامها..من يوم ماشافو نوال وهي تمشي قدامها..
مسكت ايد شموخ واسرعت بالمشي...صارت ورى نوال بالضبط..


طلعو مع البوابه الرئيسيه وكانت فيه سياره تنتظر..ركبت فيها الحرمه..
وقبل لاتركب نوال مسكتها ليلى ولفتها بقوه


ليلى:نوااااااااال..
حركت السياره بسرعه..ونوال تدف ليلى تبي تمشي ورى السياره..

مسكتها شموخ بقوه


شموخ:نوال من هذولي ؟؟؟ليش تبين معهم؟؟؟



ماكانت ترد..بس تدفهم وتحاول تحرر نفسها..



جاهم السكيورتي مستغرب..


:عفوا فيه شيء
ليلى:القفااااازااااااات!!!!وسحبتها بقوه من يدين نوال ورمتهم..
بكت اول مانشالو من يدينها وضمت ليلى
نوال:يماااااااه...اااااا..يماااااااه ...
كانت ترجف وتبكي..
ليلى:شموخ بسرعه خلي السواق يجي...
لمعت عيونها خافت على بنت عمها
شموخ:ليلى شفيها
ليلى:تعبانه شوي..بسررعه
السكيورتي:اختي شفيكم؟؟؟
ليلى:اللي قبل شوي كانو بيخطفونها
السكيوتي:ليش ماقلتيلنا علشان نمسكهم
ليلى:مادريت...كنت اناديها وماترد علي...كانت معطوفه ..حسبي الله عليهم..
السكيورتي:اكيد سجلتهم الكاميرا..بروح ابلغ..تحتاجون شيء
ليلى:مشكور..
شموخ:ليلى جاء السواق...
ساعدتها تركب وهي تسمي عليها..
ليلى:انتبهيلها ياشموخ..
شموخ:ليلى تعالي معنا..انا خايفه
ليلى:هذا السواق والشغاله جو...انا بمشي وراكم..









وبالسياره
ضامه بنت عمها وتهديها
شموخ:كم مره قلتلك لاتنسين الاذكااار..ربي ستر ولحقناك...بعد قلبي خفتي
نوال:كنت اصرخ ولا احد يسمعني..كنت متجمده...يماااااه يمااااه...اخر مره اروح السوق..ورجعت تبكي
شموخ:تحصني وروحي للمكان اللي تبينه...
وقبل البوابه..
فتحت ليلى شباكها..وودعتهم...
الساعه الثانيه ليلا...


ماقدرت تنام..كل شوي تتذكر الموقف اللي صار..لو مانتبهولي ليلى وشموخ
كان الحين انا باستراحه او شقة او مرميه بشارع...كنت بروح فيها ويضيع مستقبلي..
نزلت دموعها تلقائيا وهي تتذكر كيف كانت مجبوره تتبع الحرمه..
كذا يحسون المسحورين؟؟؟
يصارخون ومحد يسمعهم...ينجبرون على اشياء غصب عنهم..
أجهشت بالبكااء..وبكائها تحوّل الى نحيب..
اللي فيني عقوبه...
هذا جزاك يازياد...صنت عرضي من قبل..وخربت حياتك..
وانت ياحسين..لانك بس رفضتني..انتقمت منك وكرهتك بالحريم...
وقفت بسرعه ووجها متنفخ من كثر البكاء...
راحت لدولابها..وفتحت الدرج المقفل بوسطه..طلّعت الحجابين ..
وبسرعه طلعت برى الغرفه...


متدهن كله بزيت زيتون مقري عليه...
ومسترخي على السرير ويحاول يستغفر..يحاول يشغل نفسه عن الالم اللي يحس فيه..
يحس بضيقه واحد يخنقه..بس رغبته وارادته القويه..مخليته يستحمل..
يشوف أشياء قدامه..ويسمى بالرحمن...
اندق الباب..واستغرب..من يكون..وبهالوقت..
قام من السرير بصعوبه..ومشى بثقل وراسه يترنح يمين وشمال..
فتح الباب..وانرمى جسم عليه..
زياد:نوال شفيك؟؟؟؟
ضمته اكثر وهي تنتحب..وتتلفظ بألفاظ مو مفهومه
نوال:سسا مح ني ..ا ن ا ..م ا د ر ي ...اااااااااااااا
سحبها لداخل وهو يهدي فيها ...جلّسها على الكنب وهو بجنبها..
أبعد راسها عن صدره وقال بخوف
زياد:نوال احد مسويلك شيء..سامعه شيء..صايرلك شيء..تراك خوفتيني
مدّت ايدها المقبوضه..وفتحتها...شاف لفافتين وحده من جلد والثانيه ملفوفه بقصدير..
أستغرب..يدينها ترجف وهي تبكي..وهالشيء مجهول بالنسبه له..على الاقل هالجهل نابع من ان بنت عمه ماسكتهم بيدينها..
زياد:هذا ايش؟؟ماني فاهم يانوال؟؟؟
قالت بصوت يقطع القلب
نوال:ادري اني سخيفه..حقيره..جاحده..ماكنت اعرف اتصرف...لا ام لا اب..حتى اخت...انتم عوضوتوني عن كل شيء..بس احس نفسي ناقصه..مو انتم السبب...هالاحساس يجيني من داخل...انا قاعده اتخبط..مااعرف اتصرف...
تزوجتك ليش؟؟؟ لان عمي شفقان علي..يدري ان ماعندي ابو سنع..خاف يصيرلي مثل شيخه..ويتسلط زوجي علي لان ماعندي سند...
حسين يحبني واحبه..بس تركني لاني مطلقه..
حياتي انقلبت فوق تحت...حياتي كانت عذااااب..ابو مجهول وام مجهول..كل يوم سفر..أشغلت نفسي بحسين..
وفجأه اختفى حسين...حسيت بالفراغ بالقهر..اول مره احس اني فعلا يائسه بهالحياة..اول مره احس بالمشاكل بين امي وابوي..
تعلّقت فيك..وأشغلت نفسي فيك..كنت املي بهالحياة..ماشوف غيرك..حبيتك لانك مجدي الضائع..حبيتك لانك بتعوضني عن كل شيء..حبيتك لاني بسكن معكم من غير مااسمع اني عاله من حريم اخوانك...بس انت حطمت كل شيء وتزوجت غيري...
اعترف زعلت..بس ماستسلمت...انا جبانه..تافهه ادري..بس هذا اللي صار..كنت ابيها هي..بس ماقدرت عليها..
ماكان عندي خيار ثاني..وسحرتك..
تحولت ملامح وجهه من الشفقه والعطف للصدمه والمفاجأه..كرر كلامها ببلاهه
زياد:سحرتك
حطت ايدها على فمها تكتم شهقتها..ولما حست انها انبلعت
نوال:ايه سحرتك..كنت جاهله..ماكان عندي حدود لتنفيذ رغباتي..ورمت الحجابين بحضنه...ووقفت...انا مستعده لاي شيء تطلبه..بس سامحني..مابي شيء غير انك تسامحني...مستعده اسوي اي شيء..لو تبيني اروح لليلى واعتذر لها واقولها كل شيء..
زياد سامحني سامحني..
ضغط على الحجابين بيده..وشد عليهم..وتكلّم بصوت جامد..قاسي..
زياد:طحتي من عيني..ماتوقعتك تمشين بهالطريق
قاطعته
نوال:زياد انا..
قاطعها
زياد:بسس مابي اسمع شيء..خليني اكمل كلامي....اللي ينكسر عمره مايتصلح...كانت بينا اخوه وثقه..والحين ولا شيء..
كل اللي قلتيه مايبررلك..اللي سويتيه شيء مايغتفر...مو علشانك ضريتيني وبس..لا علشانك خنتي ربك..واشركتي فيه..
وش خليتي للجهله..وحده معها بكالوريوس..وهذا تفكيرها...توبي لله..وهالموضوع بيكون سر بينا...مو لشيء..بس خايف يعايروني فيك..ولا انتي ماتهميني..برى..برررررررررررررىىىىىى
طلعت وهي تجر اذيال الخيبه...فعلا اللي سوته شيء عظيم...بأي عين بطالعك فيها يازياد...












********************





*****************
*****************
*****************
الرجوع الى أعلى الصفحة اذهب الى الأسفل
روحــي بـريـئــهـ
آمـيـَـَـيز مـمـيز ~
آمـيـَـَـيز مـمـيز ~
روحــي بـريـئــهـ


عدد الرسائل : 266
انكســـــاااري....}لـــ { دلوعــ ــ ــ ـة اهلها }..((كامله) - صفحة 7 4310
نقاط : 34
تاريخ التسجيل : 21/02/2008

انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Empty
مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Emptyالسبت سبتمبر 27, 2008 2:54 am

بعد مرور شهر..



حالتها كانت تسوء..كوابيس..وتأنيب ضمير...اعتزلت بغرفتها..وكل وقتها صلاة واستغفار ودعاء...وتوبه الى الله...
حاول يرجّع ليلى من اول يوم انفك فيها سحره..بس هي رفضت..كلمها فيصل ومحمد..وماقدرو يقنعونها..وصار له شهر على الحاله...
طلب زياد من فيصل يكلم ابوه ويشرحله كل شيء...
وعصّب ابوفيصل لانهم ماقالوله..وعصّب زياده لما عرف برفض ليلى..
حاول وحاااااول بشتى الطرق..بس كانت ماتجاوبهم..تكتفي بالصمت...
فيصل بلّغ امه بحمل عبير واعتذر عن كذبته..وبسرعه سامحته..وطارت من الفرح...
&&&&&&&










إنـــــيــــ
أغــرق
أغـرق
أغرق





الليــــل...

لابسه بلوزه للركبه وواسعه..وبنطلون سترتش طويل..
قفزت ببراعه وكأن لها بااااع طويل بالسباحه...
انقلبت على ظهرها وبدت تسبح على طول المسبح...




جاء ومعه كوب عصير كوكتيل واللابتوب...
ماتملّين من السباحه..قالها وهو يجلس على كرسي بلاستيك مايل
ليلى:نو براذر..انت ماتمل من اللابتوب
محمد:انا اشتغل..ماامارس رياضه يالذكيه..اقول مارضيتي عن زياد
ليلى:مابي اتكلّم يامحمد..خلني مستانسه
محمد:تستانسين وانت ظالمته..
ليلى:محمد
محمد:طيب طيب لاتنجنين علي...خلني ابعد عنّك واشتغل براحتي....وراح لركن يطل على الحديقه...




مجرّد ماينذكر اسمه..يصير زلازل داخلها..
وبحركه سريعه..غاصت..وغاصت..لين لامست ارضية المسبح
المرسوم عليها دولفين ازرق وبرتقالي كبيير...
حسّت انفاسها تنقطع وخصوصا انها ماستعدّت ..
راودتها نفسها الاماره بالسوء تبقى..
شلها بحياة مليانه ظلم وقسى..
شلها بحياة مافيها زياد...
رفعت راسهاوشافت السطح..والاناره معطيه له شكل حلو...
تعوّذت من ابليس واستغفرت ربها على الافكار الشيطانيه..
وسبحت للسطح...
شهقت اول ماتنفست..وصارت تلهث بقوه وتحس قواها خارت..
سبحت لين وصلت للدرج..ورقت بصعوبه...جلست على اخر درجه ورجلينها بالمويه..تسترد شوي من قوتها..
ولما حست براحه شوي..طلعت من المسبح..ولفّت الروب عليها لان ملابسها لا*** على جسمها..
وطلعت من البدروم..








زفر وهو يحط جواله بجنبه...اربعين مكالمه يوميا...ولا ترد..
ليه ماتسمعني..قالها وهو يطالع المخده اللي بجنبه..
مرر اصابعه على شعره الاسود..
انا مسحور..وهي تدري..
شفيها؟؟
ليه مو راضيه تسامحني؟؟
رن جوّاله ..طالع بالرقم ورد
زياد:هلا شموخ..
شموخ:زياد علشان خاطري انزل..
زياد:مالي خلق
شموخ:زياد بليييز..كل مشكله ولها حل..انت انزل غير جو..
زياد:مو محتاج هالجو
شموخ:يعني هذي حياة..ترجع من الدوام وتقفل على نفسك الغرفه..حتى اكل ماتاكل معنا...مايكفي نوال اللي يادوب نشوفها على الغدى او العشاء...
انكمشت ملامحه وهو يسمع اسمها
زياد:تصبحين على خير...وسكر بوجهها...
دق على فيصل..ورجع دق مره ثانيه لانه مارد..و
فيصل:خيير
زياد:نايم؟؟؟
فيصل:ايه واللي يرد عليك الشبح..اخلص شتبي
زياد:ياشينك وانت نايم..اسمعني بعدين كمّل نومك..
فيصل:همم
زياد:بكره ابي اجيكم..
فيصل:حياك الله يعني محتاج تدق علشان تجي
زياد:انا قلت من قبل ياشينك...انا اقصد ابي اشوف ليلى
فيصل:طيب تعال..يمكن ترضى تقابلك
زياد:واذا مارضت انا ابي اروح لها بغرفتها
فيصل:اوكيه..شيء ثاني يازياده
زياد:مشكور يافصيله..















من بكـــره..
العصــــر..



في مجلس ابو فيصل..
ابو فيصل:سامحنا ياولدي..غثيناك..
هز فنجانه وعطاه القهوجي الاسمر
زياد:الغلط كان مني..انا اللي مفروض اعتذر..وليلى يحقلها تزعل..
فيصل:الحين اكلمها اخليها تنزل..

بقميص قطني ابيض مورد..
متربعه على السرير وتقرى قرآن..
رن التلفون وردت
ليلى:هلا
فيصل:هلا ليلى..ممكن تنزلين
ليلى:ليش؟؟
فيصل:زياد هنا..علشان تتناقشون
ليلى:لو ابي اقابله قابلته قبل
فيصل:لا تصعبينها..اسمعيه بس..
ليلى:ماابي..مع السلامه...

طالع فيه وهو يهز راسه...
كتم قهره والتفت على عمّه..
زياد:ممكن اطلع لغرفتها
ابو فيصل:انت من اهل البيت..روح معه يافيصل..


طلعت من غرفتها ووقفت عند الدرج كالعاده..تترقب فيصل..واذا جاء جلست بالصاله وسوّت نفسها منشغله..
علشان يجيها فيصل ويعلمها بأخبار زياد وردّه فعله..ماتبي تسأل عنّه بس تحب تسمع أخباره...
انتظرت عشر دقايق...
سمعت صوت خطوات..كانت بتروح للصاله بس وقفت لما سمعت صوته
فيصل:طوّل بالك عليها
زياد:مطوّل بالي..بس ياليت تخلينا لحالنا
فيصل:ماني ملقوف..

ماكانت مستوعبه..هو هنا..قرريب..قرييب اسمع صوته واااضح..
وصحت من غيبوبتها لماسمعت فيصل يناديها
فيصل:ليلى تستقبلينا انتي
اول مالمحته هربت...كانت تركض وتحس ان غرفتها بعيده وانه بيمسكها..
قفلت على نفسها..ووقفت عند الباب


وش تقصد بهالحركه؟؟؟
ماتبيني عايفتني..ماتبي تشوف وجهي حتى..
قاطع افكاره فيصل
فيصل: استحت اكيد
حس بطعنة بقلبه..لو هو لحاله عادي..بس عند اهلها..وتسوي هالحركه..
فيصل:روح لغرفتها..وطق عليها يمكن تفتحلك..وانا هنا..وأشر على الصاله..وراح

مشى بخطوات ثقيله..متردد..خايف تصدّه..معقوله تسويها..
دق الباب..
زياد:ليلى
رجع دق مره ثانيه..
زياد:ليلى
رجع دق مره ثالثه
زياد:ليلى افتحي خلينا نتكلم...
ماسمع ردها..
التفت على جنب وشاف ام فيصل..اللي تقدمت منه وهي تبتسم
ام فيصل:حيا الله زياد..
حب راسها وطاح عقاله..رجع لبسه وهو يقول
زياد:كيف حالك عمتي
ام فيصل:بخير الله يسلمك...وطالعت بالغرفه وهي تقول..الله يهديكم ..انا اتركّم على راحتكم..بس طوّل بالك عليها ياولدي
زياد:تامرين ياخالتي..

فرقع اصابعه ببعضها وهو يشوف خالته تروح...قرّب من زاوية الباب وقال
زياد:ليلى افتحيلي..لاتفشليني..جيّتي ماتسوى شيء عندك؟؟؟
ماجاه رد..
زياد:مشكوور حبيبتي..يجي منّك اكثر..وراح..

جلست على الارض وظهرها مسنود على الباب ودموعها منسابه
تدري انها جرحته بحركتها وفشلته..بيّنتله ان ماله قدر عندها..
مسحت دموعها وهي تقول
ليلى:غصب عنّي يازياد..ماابي اكرهك..ماااابي...



&&&&&&&&&&&&&&











بعد مرور ثلاث اشهر...
فراس خطب نوال ووافقت...وتزوجو زواج عائلي...
ميساء حملت بالشهر الاول...
وزياد على حافة الجنون...مستغرب رفضها وهي عارفه بكل شيء..جاهم بالبيت ثلاث مرات وقفلت على نفسها رفضت تشوفه..
وخالد حاول معها وبغى يضربها..بس مافي فايده..
محمد قرر مايتدخل بالموضوع...
وفيصل:يحاول يقنعها...ويحاول يهدّي ابوه...
والجده قررت ماتدخل..لان هالزواج كله ماكان برضاها...






جت الاجازه الصيفيه...
وقررت العايله كلها يصيفون بباريس..عدا خالد وميساء راحو للندن عند ابو فهد وام فهد...



مرت الاجازه الصيفيه..ودخلو على رمضان..
والجده وابوفيصل وابو سليمان وام فيصل وليلى راحو لمكه..
وقعدو فيها كل رمضان....
وبيوم العيد رجعو للرياض...وعيدو مع بعض...













وبعد مرور أسبوع....

الصبـــــــاح...


المحكمه
ضم اخوه وباركله..
مؤيد:مبرووووك مبروووك
حسام:الله يبارك فيك...بس شيفيد اذا عاليه ببتنازل
مؤيد"بتتنازل..ليش
حسام:تقول ربي يحاسبه...المهم انها طلعت من وصايته...
مؤيد:خلنا نرجع للبيت نبشر امك وعاليه وابوي...والمحامي يكمل الاجراءات..استعجل لاني بروح اخذ امي ونروح لناصر الليله بيجي...
حسام:اليوم يوم الافراااح








العصــــر..
ببجامتها الحرير جالسه على السرير وتتفرج على المواقع...
رن جوالها وابتسمت وهي تشوف المتصل...
ياهي مشتاقتله...ضمّت الجوال لصدرها ومع كل رنه يدق قلبها...
وقف ثواني..وعبست..
رجع دق مره ثانيه وابتسمت...طالعت بشاشة الجوال اللي تنور باسمه وبصورته...
خانتها ايدها ..تبي تسمع صوته بس...ضغطت على رد...
كانت تسمعه وهو يقول..
يلا ليلى ردي
ردي ياليلى..
ردي...
انتبه ان الخط انرفع...طالع بالشاشه ولقى 7 ثواني...
زياد:الووووو...ليلى تسمعيييني..الووووووو..
ليلى:000000
زياد:حبيتي ردي علي..بس اسمع صوتك...ليلى ليلى
نزلت دموعها غصب عنها وهي تسمع رجاءه..خافت تتمادى معاه..
سكّرت وقفلت جوالها..وضمت المخده ودفنت راسها فيها وانتحبت...
رجع يدق مره ثانيه..ولقاها مقفل...
زياد:الى متى ياربي...والله حراام ياليلى حرااام اللي تسوينه فيني....






****************

مسحت على بطنها الكبير وقالت لجدتها
عبير:بينصدم اول مايشوفه....ياااربي متى يجي الليل..
الجده:ياالله انك ترجعه لي سالم غانم...ام فيصل وينهي؟؟؟
عبير:هي وسلمى بالمطبخ يطبخون ..الله يهديهم يحبون الشقا..فيه طباخين
الجده:ناصر يحب اكل ام فيصل...قومي دقي على مرزوقه( السمراء اللي مربيتها ) قوليها حجزت والا للحين
عبير:خالتي تقول انها داقه عليها وتقول بهاليومين بتجي..المفروض من زمان جايبينها
الجده:ماكنت محتاجتها..الحين بسكن عند ابو سليمان واحتاجها
عبير:شكرا شكرا..يعني انا اللي كنت مدبرتكم هناك
الجده:انتي ماوراتس سنع بس ونيس..وانا الحين مافيني حيل وابي مرزوقه..
عبير:كبريائك مايسمحلك..ادري
الجده:قومي قومي بس شوفي ليلى وميساء وين خليهن يجن يتقهون معي..
عبير:ميساء نايمه..وليلى بغرفتها..الحين بتنزل...
الجده:هالمقرووده مامن حظ...
عبير:جدتي ماهي مقروده..هو يبيها
الجده:حسبي الله على من سحره..كود انها مسحوره والا ليه ماتبي ترجعله..
عبير:جدتي وداها فيصل والشيخ يقول مابه بلا..
الجده:اجل وش بلاه..كدّرت ابْوَهْ و أمّهْ
عبير:مادري..ان سألناه بكت..انا صرت ماافتح الموضوع معه..




بعد صلاة العشاء...











بعد ماهدت شوي..قامت من مكانها...سكرت اللابتوب ونزلته على الارض..
وراحت تتوضى...شافت وجهها بالمرايه...ولا خافت..لانه صار شيء اعتيادي..
متنفخ وجفونها متورمه..وانفها محمر وشفايفها متوهجه..
فتحت المويه البارده وهي تسمي...وتوضت..
صلّت العشاء واوترت...
اندسّت بالحاف وشدته عليها...الوقت بدري..بس تبي تنام..

فتحت الباب بشويش...ودخلت وهي تنادي ليلى
ميساء:لولي..لوووولي...
كانت تسمعها بس ماردت عليها...
اقتربت من السرير...وحاولت تستشف اذا هي نايمه او قايمه..
ميساء:ليلى..نايمه..
ماردت عليها..
ميساء:غريبه نمتي بدري...وطلعت..

















الصبـــــــــــاح...
الساعه الثامنه ..

قامت من النوم واخذت شور دافي لانها تحس ببرود بجسمها..
لبست جلابيه ناعمه وسوت شعرها جديله بعد مانشفته..
نزلت تفطر مع جدتها وبالمرّه تاخذ علوم ناصر ...
مرّت المطبخ قبل..وشافت الطباخه تسوي رغيف
سمعت صوت بطنها ..وراحت للحافظه واخذت رغيفه وبلعتها..
ليلى :بسرعه جيبو الفطور تراني فاطسسسه جوووووووع


دخلت على جدتها ولقت القهوه والشاهي..وجدتها نايمه..
جلست على الارض وصبت لنفسها القهوه..واخذت حبت رطب وبلعتها..


سهرو كلهم لين بعد صلاة الفجر..وبعدها كل واحد راح لبيته...
اول مادخل غرفته نام...
كل شيء بغرفته نظيف ومرتب...لبس ثوب ابيض وغتره..وطالع بشكله باللوك الجديد..
مربيله ذقن...زادته حده ورجوله..
شاف عطوره..كلها مثل ماهي..اكيد خربت..يبيلي اروح السوق...
راح للمكتب وهو مشتاق...فتحه وبسرعه جلس على الكرسي وبدى يفتح الادراج...
دوّر ودوّر..ولا لقاها...هو متأكد انها هنا...قبل لاروح تركتها هنا...جن جنونه...هو مشتاق لها.. الصوره وين تكون راحت..
معقوله الشغالات رتبوها..بس انا محذرهم محد يدخل غرفتي..
طلع بسرعه من غرفته وقابل اول شغاله..وسألها مين اللي يدخل غرفته...وجاوبته محد يدخلها الا عبير...
ناصر:اورريك ياعبيير..ورفع عينه اول ماسمع اصوات خطوات
ابو سليمان:صباح الخير
هرول لابوه وحب راسه..
ناصر:صبحك بالخير والسرور..وشبك ايده بأيد ابوه..ومشو
ابو سليمان:سليمان مسوي غدى اليوم..عقب الشركه نطلع على طول له..
جلسو على الطاول البيضاويه علشان يفطرون
ناصر:انا بسافر مع محمد لمكه..
ابو سليمان:متى نويتو
ناصر:اليوم ان شاء الله...
ابو سليمان:كان رحت مع خالد..محمد معتمدين عليه بكل شيء..
رشف من كوب عصير البرتقال..وقال قبل لاياكل ساندويتش الجبنه
ناصر:صار رجال..مشاء الله عليه...
ابو سليمان:والله ماتوقعناه..مخه تجاري..طلع احسن منك ومن سليمان..
ناصر:هو وده يسافر..مافيها شيء نقضي يومين..ونرجع
ابو سليمان:بكيفكم الله يسهل عليكم...انت صمت اللي عليك
ناصر:ايه صمتها بالسجن..
ابو سليمان:بسرعه تأخرنا على الشركه..وحنا للحين مامرينا جدتك...
ناصر:خلصت..يلا ..












******************
الرجوع الى أعلى الصفحة اذهب الى الأسفل
روحــي بـريـئــهـ
آمـيـَـَـيز مـمـيز ~
آمـيـَـَـيز مـمـيز ~
روحــي بـريـئــهـ


عدد الرسائل : 266
انكســـــاااري....}لـــ { دلوعــ ــ ــ ـة اهلها }..((كامله) - صفحة 7 4310
نقاط : 34
تاريخ التسجيل : 21/02/2008

انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Empty
مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Emptyالسبت سبتمبر 27, 2008 2:57 am

ياحليله..ليتني مسلمه عليه امس..بس راحت علي نومه..
قالت الحمد الله بعد ماشبعت من الرغيف ومسكت بيالة شاهي بالحليب
الجده:مالتس وجه تسلمين عليه..وش استفدتي تزوجتي الغريب وتركتس..
نزّلت قطعة الرغيف اللي كلت نصها على السفره..
ليلى:جدتي شهالكلام..زياد مو غريب..وبعدين انا مو سبب اللي صار..
الجده:اجل وش سببه؟؟؟
ليلى:انتي ليه تنبشين بالمااضي..انا ماقلتله روح اذبحه..
الجده:قلبتس اسود..وربي مايخلي احد..هذا انتي مرميتن عند اهلتس..
عصّبت
ليلى:تتشمتين فيني..مشكووره ...وطلعت قبل لاتبكي...













كان النقاش حاد..جالسين بالصاله وخالد يقط كلمه وفيصل يرد عليه..
وابوها ساكت...
خالد:ماحنا ناقصييين فضااايح..انت ماتفكر بسمعتنا...
فيصل:والله اللي بيتكلم بكيفه..ماني ضاغط على اختي علشان الناس
خالد:يبه عاجبك كلامه...عاجبك يادكتور فيصل لما ينادونك بأخو المطلقه..
فيصل:للحين ماتطلقت
خالد:ببتطلق..كم صارلها للحين..6 شهور..الى متى بيتحمل زياد دلعها..مصيرها الطلاق
فيصل:وانا شدخلني
خالد:لاتدخل وخلني اتفاهم معها
فيصل:تبيني اخليك توديها له غصب عنها..هذا التفاهم عندك؟؟؟؟



ماتحمّلت اكثر...هرولت لهم بسرعه ووقفت قبال خالد...
هي متضايقه من كلام جدتها..والحين خالد...
ليلى:انت شتبييي؟؟؟شدخلك فيني؟؟؟؟؟ انا قلتلك شيء شكيتلك...تبي تتبرى مني تبرى انا عايف اخوووتك..
فيصل:ليلى اهدي..
التفتت عليه وعلى ابوها...قالت وهي تبكي

ليلى:على بالكم اني طايره من الفرح..مستانسه اني بتطلق..انا اللي النااااس بيتكلمون عني...
انتم كل واحد عايش حياته..ومستانس...انا اللي مااااالي حظ...انا اللي قلت لزياد يضربني ..
انا اللي قلتله يقول لو فيك خير ماطلقك ولد عمك...جااااااوبني



وقف وهو يرمي طاقيته العسكريه.. ومسك ذراعها وهو شاد عليه..
خالد:كااااااااان مسحوووووووور...


عصّب من اخوه..وبسرعه سحب ليلى منّه وصار بين خالد وليلى

فيصل:خالد لاتغلط...
قالت بصوت عالي وهي ترفع سبابتها بوجه خالد...
ليلى:وانا مستحيل ارجعله واسمعها منه وهوبوعيه...انااا ابيه احبه..بس ماابي ارجعله...مابي ارجعله واخسر نفسي قبل ماااخسره..
انت معتبرها سهله انك تحب شخص وفجأه تكرهه وتحقد عليه...حط نفسك مكاني..تخيل يجي يوم وتكره ميساء..شلون بيكون احساسك؟؟؟..
خالد:وش هالتفكير الغبي؟؟؟ وش حبه وش كراهيته انتي شتخربطين...
التفتت لابوها
ليلى:الله يخليك يبه لاتغصبني على شيء ماابيه
رحمها..بس ماقتنع بكلامها...ولايبيها تتطلّق...
سكت مارد عليها...
حسّت بأيده على كتفها..رفعت عينها له..
فيصل:ليلى محد بيغصبك على شيء طول ماانا عاايش...روحي ارتاحي بغرفتك..
تطمنت..اذا فيصل معاها مستحيل احد يتعرضلها...
اكتفت بهز راسها..وراحت...




طلعت الدرجات بسرعه..
وصقعت فيه..
ليلى:ااي..
محمد:انتبهي لخطواتك يابنيتي..وشفيك؟؟؟
ليلى:تهاوشت مع خالد..ومسحت دموعها
قال وهو يضحك
محمد:ههه..هو مطالع وجهه على الصبح يغث..شلون لا تكلّم..
ليلى:هو وش يبي ناشب فيني..وبيسكن عندنا بعد
محمد:من قال
ليلى:ميساء قالتلي..
محمد:تزو تزو تزو..شهالخبر المزعج..الله يعينا..على الاقل انا بسافر اليوم..
ليلى:وين؟؟؟
محمد:مكه
ليلى:الله يخليك الله يوفقك بروووح ...محمد طلبتك تكفى تكفى
محمد:تكفى تهز رجال..ماعندي مانع..بس ناصر معي..
ليلى:عادي..انا صرت مااكرهه..
ابتسم
محمد:شاوري رجلتس وابوي وعلميني
ليلى:طيب...ورقت فوق...









دخلت غرفتها وسحبت جوالها من الكومندينه وكتبتله مسج..
((صباح الخير...محمد يبي يسافر لمكه..ودي اروح معه..ممكن))
سمع صوت المسج وهو توه قايم ..اخذ جواله وفتحه...
دق عليها..ولا ردت..
كتبلها مسج..
((ردي علي ولا مافي رووحه))
ودق عليها ثلاث مرات ولا ردت..
مسح وجهه بيدينه وهو يستغفر..
الى متى ياليلى..الى متىىىى..
راح ياخذله شور بارد يهدّي اعصابه...وبعد مالبس..مسك جوالها وارسل لها...
((سافري لمكه..وبحوّل بحسابك فلوس..وادعي الله يفرج همك وترجعيلي...احبك))
تنهد وطلع...


















بعد الغدى عند سليمان...
كانت تلبس عبايتها وجوالها يرن..
ليلى:عبير ردي..ماتشوفيني البس..
ردت عبير
محمد:ليلى بسرعه تأخرنا على الطياره
عبير:طيب طيب الحين تطلعلك
محمد:او انتي الملقوووفه..وسكر
طالعت بالجوال وهي تتحلطم
سحبت الجوال منها
ليلى:يلا مع السلااااامه
عبير:والله مالها داعي روحتك..
ليلى:بالعكس مشتهيه اقعد لحالي شوي..
وطلعت من الغرفه وراحت لمجلس الحريم..وودعتهم وطلعت...








شافت محمد وناصر داخل البنتلي ويسولفون..
فتحت الباب وسلّمت..
ليلى:هلا ناصر الحمد الله على سلامتك..
وحركت السياره..
حس بقلبه يعيش مره ثانيه..ياهو مشتاق لصوتها...رد بشوق
ناصر:الله يسلمك يارب..انتي شلونتس
ليلى:الحمد الله
محمد:ابو خشم معصب..مادق عليتس
ليلى:و شيبي بعد
محمد:يقول ماتسافرين معنا..بس فيصل شكمه
ليلى:ملقوف
محمد:اللقافه سمه بالعايله..
كان يبي يتأكد..ويبي يفرح قلبه واحساسه
ناصر:هو عصب علشان ..ونطقها بثقل..زياد..مو موافق
ليلى:من قال انا كلمته ووافق..وطلعت جوالها
التهى بالشارع يتفرج عليه..شلون تكلمه..وخالد يقول انها بتتطلق...

((انا بروح للمطار..والفلوس ماكان لها داعي ..قبل يومين كنت محولي..عموما كثر الله خيرك..))وضغطت على ارسال..ودخلت الجوال بشنطتها...











****************


















يوم ثانـــي...
مكـــه..



قامت من النوم على اذان العصر...
تنفست بعمق..وطالعت بأركان الغرفه..نفس الغرفه اللي سكنت فيها مع زياد..345 ...
امس قضتها بالبكاء...واليوم بتقضيها بالابتسام...مدّت ايدها واخذت جوالها..
وطالعت بصورته اللي خلتها خلفيه..باسته..وشافت فيه 3 مكالمات..


فتحتهم..لقت 2 من محمد..وحده من زياد..
ضغطت على رقمه..وجاها صوته
محمد:هلا ..صح النووم
ليلى:صح بدنك..شدراك اني نايمه
محمد:احساسي..
ليلى:اوو يابو الاحساس...بروح اصلي بالحرم..الحين بيقيم
محمد:اوكيه انتبهي لنفسك وتغدّي...مع السلامه
ليلى:الله يسلمك...سكرت منه وراحت تتوضى...












الســاعه الخامسه عصرا...







حوالين الصحن...جالسين ثلاثتهم على السجاد الاحمر..مجرد رؤية الكعبه..تريح الاعصاب..
كانو يحسون انهم بعالم ثاني...وخصوصا وهم يستنشقون ريحة العود...اللي تهفهف عليهم..
ناصر:السنه هذي زحمه..يمكن اللي اعتمرو برمضان للحين ماراحو
محمد:فاتحين باب العمره..وغير التوسعات اللي يسوونها..علشان كذا مزحزمه
ليلى:الله يخلي حكومتنا..ماقصرت..لو على ريحة العود بس..
محمد:الحين بيوسعون المسعى ..وبيوسعون بعد من ورى جهة المسعى حوالي اربع الاف متر..
ناصر:جزاهم الله الف خير..يلقونها بميزان حسناتهم...
ليلى:بس الناس ماتتساعد مع بعضها...شوف الحين يصلون بأي مكان ويسببون زحمه وحوسه واذا كلمتهم قالو دا بيت الله مش ليكو لوحدكو..الحين شدخل هذا بهذا..فعلا ناس تفكيرهم محدود..
محمد:حاقده بقوه
ليلى:بعذري مايخلون الواحد يصلي بخشوع..احسهم يتعمدون يخالفون الانظمه..وبعدين شوف تلقى ثلاثة ارباعهم عايشين بالحرم ويشحدون..لو انا رئيسة البلديه كان سفرت كل واحد لديرته..
محمد:ضعوف مايملكون قوت يومهم
ليلى:ياخي الحكومه تسفرهم على حسابها..بس استغفر الله احسهم يترزقون الله بالشحاده...
محمد:انتي حشيتو بالناس وخربتي عمرتتس..بروح اطوف
ليلى:وشوله تضيق على المعتمرين
محمد:بكيفي ..وراح...









بعد مرور نص ساعه...
مد لها كوب بلاستيك فيه موية زمزم البارده..
وهمست بجزاك الله خير...
جلس قريب منها..شرب جغمه وبدى يفرفر بالكوب بين يدينه..
قال بعد تردد
ناصر:احم..ليلى مشكور على اللي سويتيه معي
نزلت الكوب بجنبها بعد ماشربته كله
ليلى:شسويت
ناصر:قالي ولد اخت ام محمد..انك انتي اللي خليتيها تتنازل..
ليلى:انا ابي الاجر..ومابي احد يدري بالموضوع خلها سر بينا
ناصر:ليه
ليلى:وشو
ناصر:خليتيها تتنازل..؟؟؟
ليلى:قلتلك الاجر
ناصر:مو علشانك تحبيني..
هذا هو اذا شافها يتلخبط..مايدري وش يحكي..يقول كل اللي يجول بخاطره..شين او زين..بس قدامها..
ناصر:اسف..
ليلى:انا سويت كذا لانك ولد عم..واخو فقط لاغير..
طالع بالكعبه..
ناصر:ليه بتتطلقين؟؟؟
التفتت عليه متفاجئه
ليلى:اتطلق!!!
ناصر:خالد يقول
ليلى:يمكن..مادري..
ناصر:مارتحتي معاه..
ليلى:بالعكس..ماحسيت بالسعاده الا معاه..
عوره قلبه وحس بالغيره..
ناصر:اجل شالسبب؟؟؟


حست براحه عجيبه وهي تطالع بالكعبه ..ودار نظرها بكل انحاء المسجد..

ليلى:الخوف
ناصر:من ايش
ليلى:خايفه اكرهه...ناصر اصعب شيء ان مشاعرك الايجابيه تتحول لسلبيه...انا اعترف اني كنت احبك..بس كرهتك وحقدت عليك عقب اللي صار...واخذت وقت لين قدرت اتوازن واعتبرك اخ...كل شيء بحياتي احسه مكرر..
حنا تهاوشنا..وتصالحنا..ونحب بعض..بعدها تطلقنا وانا اكرهك...
حياتي مع زياد احسها نفس الشيء...هو ماله ذنب باللي صار له..انسحر وكرهني..كنت من داخلي متأكده انه مو زياد..واحساسي ماكذب...ونفس هالاحساس..يقولي اذا رجعتله بتصير مشكله وبنفترق..وبصير اكرهه...
انا تعبت من هالحياه..احب واعشق..وانخذل..واكره...انتم على بالكم سهله علي اكره اللي حبيته...
مابي اذوق المرار اللي عشته معك مره ثانيه...انا الحين اتألم ببعده..حاسه نفسي ضايعه من دونه..واحبه واموت فيه..
...بتقولي الناس ماترحم اذا تطلقت..تعودت على كلام الناس..وكلامهم اهون من اني اكره زياد...
فهمت..
حس بحقارته..حس بأحساسها..حس انه بسببه هي تتعذب..
بسببه صارت خايفه..
ناصر:ليلى لاتخربين حياتك علشان شيء يصير او مايصير...عيشي حياتك..
ليلى:بتقول عني جبانه..ادري..بس هذي انا..مااقدر اجازف بحبي لزياد..


*********************
دخلت البيت وهو يسحبها بالعربيه..
راجعين من العلاج الفيزيائي...

عاليه:حسام
حسام:نعم
عاليه:شصار على موضوع غيوض...

قالتها وهم يدخلون للصاله وتستقبلهم ام حسام وساره..
جلس على الكنب جنب ساره

ام حسام:ها حسيتي بشيء يمه...وراحت لها تشربها فنجان قهوه
عاليه:لاماحسيت بشي..وشربت القهوه..بس يماه
ام حسام:بذوقك حلا مصلحته ساره
حسام:اذا ساره مصلحته ماحد له حق ياكل منه غيري
ام حسام:ماني خابرتك حسود...وعطت بنتها تاكل ..
لحست شفايفها وعليها بقايا التوفي وهي تقول
عاليه:تسلم يدك ياساره...ها يالحسود ليه ماتاكل منه

وقف واخذ الصينيه ورجع مكانه وحطها بحضنه..

حسام:باكل براحتي...
عاليه:حسام ماقلتلي شصار على غيوض
حسام:عيسى تنازل وزياد تنازل..
عاليه:طيب ليش ماطلعت من السجن..ماحكمو عليها بس بشهرين بعد ماتعالجت؟؟؟؟
حسام:هي تعالجت..وخلصت فترة العقوبه..بس ماحد استلمها..وحولوها لدار الرعايه
عاليه:ايييييش؟؟؟وعيسى وامها وخوالها.. سلطان الحقير وييينه
حسام:عيسى تبرى منها..سلطان مسجون..طلع هو اساس القضيه..ومتهمينه بتهريب المخدرات...وخوالها وامها رفضو يستلمونها
عاليه:انا استلمها
حسام:انت مو ولية امرها
عاليه:عارفه..انت روح كلم خوالها..خليهم بس يطلعونها وانا استلمها...
حسام:صعبه ياعاليه..انتي اختها..بس حنا ايش؟؟؟
عاليه:انا مستحيييل اترك اختي..حسام انت ناسي مواقفها معانا..الله يخليك ياحسام اذا تركناها هناك بتضيع...
ام حسام:حسام لاتضيق خلق اختك..
حسام:خلاص خلاص..بحاول بخوالها..وان شاء الله يوافقون...














*******************
الرجوع الى أعلى الصفحة اذهب الى الأسفل
روحــي بـريـئــهـ
آمـيـَـَـيز مـمـيز ~
آمـيـَـَـيز مـمـيز ~
روحــي بـريـئــهـ


عدد الرسائل : 266
انكســـــاااري....}لـــ { دلوعــ ــ ــ ـة اهلها }..((كامله) - صفحة 7 4310
نقاط : 34
تاريخ التسجيل : 21/02/2008

انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Empty
مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Emptyالسبت سبتمبر 27, 2008 3:00 am


الساعه العاشره مســاءًا..
متمدد على جنبه ومركي راسه على ايده وضاغط على كوعه
محمد:مسكينه هالبنت..مالها حظ
نايم على ظهره ورافع راسه بالمخده..وشابك يدينه تحت راسه..
ناصر:مشكور على المجامله
محمد:عاد لاتصير حساس..
ناصر:بتضيع حياتها بسبتي..
محمد:شنسوي فيها...حتى خالد مقاطعها..وابوي حاول فيها..وفيصل كلمها..محد قدر عليها...هو بعد مسكين..
شوف حالته يكسر خاطرك..اكثر من مره يجينا ونخليه يطلع لغرفتها وترفض تقابله...زين متحمّل صدها
ناصر:اقول محمد..
محمد:همم
ناصر:شرايك تدق عليه وتفهمه
محمد:علشان تشنقنا..وبعدين ليلى صعبه..اخاف تفضحنا بالفندق
ناصر:انت مو قلت انها رافضه تقابله...يمكن لو شافو بعض تتصلح الامور..
محمد:وشلون بيشوفها
ناصر:يجي
محمد:انا قررت ماتدخل..وبعدين اخاف ليلى تزعل علي...اذا رجعنا للرياض يصير خير...





















************************



فتحت عيونها بشويش وهي تسمع تشويش بأذنها...
تحس ببروده..
ام مؤيد:الحمد الله على السلامه..
توها تحس انها بالحياة..غرقت عيونها وهي تفتح يدينها تضم امها
عهود:يماااه بغيت امووووت...انتي شلون استحملتي...الله يخليك لي ياارب نذر علي مااخليك تزعلين مني ابد...
ام مؤيد:هههههه تراك نذرتي...وحررت نفسها من بنتها..بردانه
عهود:متجمده..
غطتها بالحاف جابته معها
عهود:وين ولدي؟؟؟
ام مؤيد:بالحضانه..فيه صفار..بكره بتطلعين وهو بيلحقنا بعد 3 ايام
عهود:وين سالم
ام مؤيد:توه طلع..فرحااااان بالولد..راح هو وابوك ومؤيد يشوفونه...والله وكبرت وصرت جده..
عهود:واحلى جده بالكووون...























********************


يوم ثالث....
العصـــر...
رجعت بعد من الحرم...دق عليها محمد وقال انه بيدخل غرفتها علشان يتروش..ناصر يتروش بغرفتهم..
شافت الباب مفتوح شوي..دخلت وسكرت الباب وراها...
شافت شنطه سوداء متوسطه على السرير..شنطة محمد..
علقت عبايتها...وطلّعت شنطتها من الدولاب..
طالعت بالساعه...الطياره الساعه سبعه..وهم بيتمشون شوي بجده..متى يمديهم...
راحت للحمام(الله يكرمكم) وطقت الباب
ليلى:محمد استعججل الساعه خمس الا ربع...بسررعه...



اوّل ماسمع صوتها..وقف المويه وبسرعه لبس الروب وشده عليه..
فتح باب الحمام وشعره يقطر مويه...


كانت واقفه على الشرفه اللي تطل على الحرم..وتتفرج ..
شافت انعكاس صورته على الزجاج..وقلبها يخفق بشده..
تعوذت من ابليس..الظاهر من كثر ماافكر فيه صرت اتخيل شكله..
زياد:احم احم..
عقدت حواجبها..هذا مو محمد..هذا طويل..هذا

وقطع افكارها لمسة يدينه لكتوفها
زياد:اشتقتلك..

لفّت عليه بسرعه وكأنها خايفه انه خيال ويروح..

وتعلقت عيونهم ببعض...
هو نحفان وباين الحزن من وجهه..وكأنه مريض..

مدت ايدها ومسحت على خده..وقالت بخوف
ليلى:انت تعبان؟؟؟
باس ايدها
زياد:انت دواي..وحشتيني يابعد الدنيا..

قالت وهي تحس براكين تتفجر قدامها..
ليلى:انت شلون جيت..انا بسافر..طلقني

طالعها بنظرات ماقدرت تفسرها
زياد:ليلى ليه قاسيه..
ودها تصد عنه وتهرب من نظراته...بس ماقدرت..مشتاقه له..كم صارلها ماشافته..ودها تهرب بس هي ضعيفه..
زياد:ليلى حرراام اللي تسوينه..انتي تظلميني معااك..انتي تعاقبيني على شيء مالي دخل فيه..
ليلى حسي فيني..انا مو عاااايش..مااحس بطعم اي شيء..كل شيء عندي سيااان..
مايفرق عندي شيء...
ليلى:وانا لاني احبك ابي نفترق..ونزلت دموعها...زياد مااابي اكرهك افهمني..
زياد:فاهمك وحاس فيك..بس انا شذنبي ..شذنبي
ومسك ايدها ووقف بجنبها...
هالغرفه ماتذكرينها..تذكرين شسوينا هنا...تذكرين يوم ضحكنا هنا....تذكرين يوم وعدتيني هنا انك ماتتركيني ومايفرقنا الا المووت...كل هالكلام كذذب..كله كان بوقته وراح بوقته...تحاسبيني وتهدمين كل شيء بينا وماترضين ترجعيلي علشان كلام قلته وانا مو بوعييي.. ليش ماتبين ترجعيلي..انا مو فاااهم
جثت على ركبتها ويدها للحين بيده..وبكت..
جلس بجنبها
التفتت عليه ووجهها متغطي بالدموع..
ليلى:اذا رجعتلك خايفه ينهدم كل شيء..زياااد خااايفه خااايفه اكرهك..
ووقفت مسك يدها يمنعها
زياد:ارجعي علشاني...ليلى ارحميني...

أنكسرت من الفراق وشوف عيني

شوف عيني وأنت تـدري بـ أنكســــــاري

كل ما مدّيت لوصالك يميني

رحت تتجاهل يميني .. مع يســـــــــاري

حتّى صرت آشوف جرحك في يديني

في يديني لـ جور صدّاتك .. مـــــــواري

حس فيها .. لا.. بلاها .. حس فيني

لاتعبرها .. لكن .. رد أعتــــــــــبـــــــاري

وين مقفي؟ جعل منت .. بمنتويني

بالجفا . والخوف . وأنواع العــــــــزاري

ياهلي . يانصف ربعي . ياخديني

يا مواني غربتي . يـــــــــاروح داري

ياشموخي . يا أنكشافي . يا دفيني

ياعلوّي . يابقائي . يا أنحـــــــــداري

يا بداياتي . يا مائي . يا أكسجيني

يا أندثاري . يا أعتدالي . يا أزدهـــــــــاري

يا بلادة حسّي . وقمّة حنيني

يا أختياري ..لا .. يا عشواء .. أختيــــــاري

أعشقك من عادني فوّل سنيني

لين صرت آخذ مع نفسي قــــــــــــــراري

من عرفتك وأنت ثالث والديني

واللّجوء أليك .. يعني لك فــــــــــــراري

ضمّني خل الضرر بينك وبيني

الضرر من ضمّتك .. شي أضطراري

خل يدّينك من الجور تحميني

من جمودي عيشني .. لين أنصهــــاري

كل ماضاقت بعيني .. يا معيني

أبتسمت وصار لي ليلي نهــــــــــــــــاري

فلا سكتت .. تروح بالطيش اتحكيني

رجعي بطبعك وبسلوبك حضـــــــــــاري

ماذبحني فيك الاّ أنّك تبيني

وماسحرني؟ الاّ حكاك الأستعــــــــاري

لا حكيت آحس بشيا .. تعتريني

ويخشع قلبي وتطريلي طــــــــــــــوااري

آعشق حكيك وأحفظه يا ضنيني

حفظ أبن تيميّه لـ حكي البخـــــــــــــــــــــاري

ولا سرحت آآحط يدّي في جبيني

وأرجي الله مايطوّل بـ أنتــــــــــــــظاري

أدري أنّي عندك وأسألك ويني؟

داري(ن) لاكن ماكنّي بــــــــــــــــداري

لين شيطاني تلفّظ كلمتيني

ورحت منّي ماتبي سمع أعتــــــــــــــذاري

لا تبكّيني وتفرح عاذليني

لاتخسّرني بعد كبـــــــــــــر أنتصـــــــــــــــــــاري

لاتخلّيني بعد فيضة كنيني

وأنت خابرني على الوصل .. أنتحـــــــــــــــــــــاري

لاتروح بروحتك؟ كلّن يجيني

ماني مكااابر .. ولا حتّى مــــــــــــــــــــــدااري

أنكسرت من الفراق وشوف عيني

شوف عيني وأنت تدري ...... بنــــــــــــــــــــكــــــــــساري


ماتحمّلت اكثر..نظراته رجائه انكساره..
ضمته وهي تصرخ
ليلى:والله احبــك...


وصلو لمطار الرياض ومحمد يكلم
محمد:تونا وصلنا..الله يسلمك انتبهي لنفسك..
ناصر:هذي ليلى
محمد:ايه تسلم عليك هي وزياد...
ناصر:اشوا انك سمعت كلامي وكلمت زياد...
محمد:ماكلمته ..هو جاء من نفسه..يوم وصل دق علي واتفق معاي ان ليلى لاتدري بجيته...
تنفس بعمق يحاول يخمد النار اللي بقلبه...غيره وحب ضيعه بغبائه...
ناصر:الله يوفقهم ياارب..
محمد:اميين...
الرجوع الى أعلى الصفحة اذهب الى الأسفل
روحــي بـريـئــهـ
آمـيـَـَـيز مـمـيز ~
آمـيـَـَـيز مـمـيز ~
روحــي بـريـئــهـ


عدد الرسائل : 266
انكســـــاااري....}لـــ { دلوعــ ــ ــ ـة اهلها }..((كامله) - صفحة 7 4310
نقاط : 34
تاريخ التسجيل : 21/02/2008

انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Empty
مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Emptyالسبت سبتمبر 27, 2008 3:04 am

مابعـــد النهـــايه....


بعــد مرور سنه ونصف...




طلعت من المستشفى وتحديدا من الدكتوره النفسيه...اليوم اخر علاج نفسي لها...
وبتقدر تعيش مع زوجها حياة طبيعيه..ضغطت على رقمه تشوفه وين..
شموخ:هلا حبيبي وينك؟؟؟
عبد الكريم(زوجها):لا تخافين الليله ليلتك (تزوج عليها بعد مرور 6 شهور على زواجهم..)
ابتسمت
شموخ:انتظرك..مع السلامه....


****************


فراس:وبعدين الى متى المشاكل..انتي ببيت وهي ببيت ليه المشاكل
وهي ترضّع ولدها اللي عمره شهرين
نوال:هي كل شوي تتصل وتسب..تحمد ربها اني مروقه..فراس ترى ماعدت استحمل..مره ثانيه بهجم عليها البيت واذبحها...
فراس:بس زهوه تقول انك انتي الل دقيتي
نوال:شوف الكاشف واحكم...

***********************


لحقت ولدها وبطنها بارز شوي
عهود:اصبر ياماما تعال كل وجبتك..حبيبي يكفي لعب
حضن جده
ابو عهود:عطيني انا اوكله بيدي...هذا ولدي
دخل وبيده شنطه دبلوماسيه توه جاي من السفر..
انا مو مخرب ولدي الا عمي
التفتت عليه
عهود:ساااااااالم...وراحت تسلم عليه..الحمد الله على السلامه ليش ماقلتلي انك جاي..
سالم:علشان تصير مفاجئه..ومسح على بطنها..شلون ولي عهد اخوه
عهود:لا هالمره ان شاء الله ولية عهد
سالم:الموعد الجاي نشوف...


*********************

المزرعه..
ركبت عربية الحشيش..وهو يدفها بسرعه..
ليلى:واااااو يجنن يازيااااد ..اسرع بعد
زود سرعته وصار يركض فيها..ولما وصل للتبن ركض اسرع من قبل ورماها فيه..
زياد:ههههههه
ضيقت عيونها وهي تنفض عن نفسها اعواد التبن..
ليلى:اوريييك...وراحت تلحقه....



بناحية ثانيه من المزرعه...لابس لبس الفروسيه وبحضنه بنوته عمرها 9 شهور..دبدوبه وبيضاء وعيونها واسعه وانفها دقيق وصغير وشفايفها صغيره مليانه مورده.. وشعرها اسود كثيف ..تنذر بقدوم ليلى ثانيه..
وضامّها بحرص بيد وحده واليد الثانيه ماسكه سياج الفرس دانه..
ناصر:هالفرس هديه مني لك يادندونتي..اذا كبرتي ابيك تطلعين على امك تحبين الخيل وتسابقيني..



ناحيه ثانيه من المزرعه..
على بساط احمرقريب من النخل
ارسل ولده راشد مع الخدامه توديه لجدته..
عبير:كان خليته معنا
فيصل:طول الوقت هو ناشب فينا...خليه يعطينا شوية تفس..
عبير:والله خايفه عليه..
طلّع من جيب بنطلونه علبة صغيره مخمل احمر..
فيصل:هديه لاحلى وحده بالعالم..
ابتسمت واخذته منه..فتحتها وشافت خاتم ذهب ابيض عليه فص الماس..
عبير:تسلم حبيبي...
اخذ العلبه منها
فيصل:عطيني يدك...
مدتله ايدها..ولبسها الخاتم وباسها..
فيصل:توه يطلع حلو يوم لبستيه...
طالعت حوالينها وشافت زهره بيضاء وحيده...قطفتها وقدمتها له..
عبير:احبك..
فيصل:وانا اموت فيك...




داخل الفيلا
بتنزل..
باس ولده النايم بسلام
خالد:ايه...وابتسم بمكر..خلاص الولد نام
ميساء:يعني انت ماتجلس معي الا علشان الولد...
خالد:ايه..ولعب بحواجبه..واصقعي راستتس بالجدار..
ميساء:سخيف من زين الجلسه معك..حتى انا بنزل
خالد:والولد لحاله
ميساء:الشغاله عنده
خالد:لا ولدي مايجلس عنده شغالات...
مشت قدامه وهي تغني بغرور
ميساء:لا تحاول معي...صرت متعوده على حركاتك..
عندي مناعه من نرفزتك....
ضحك بصوت عالي
ههههههه
خالد:وصايره تألفين اغاني بعد...اغنيتتس غير مجازه...ولحقها ونزلو مع بعض...


************************


بالصاله..
الجده:احلى الوغدان(العيال)راشد..مزيوون خلوقه مثل ابوه وناصر..
ام فيصل:انا اشهد
سلمى:سليمان خلينا نطلع هذولي باعونا..صارو عيالنا قبيحين
سليمان:ماعليك منهم..اصلا منين بيجيهم الشين..انا ابوهم وانتي امهم..
دخل وهو يكلم..وجلس جنب امه..
محمد:بسرعه..سلام...
سليمان:وين ابوي وعمي
محمد:راحو للاسطبل..قضينا من التمر والحين وديناه للمصنع يغلفونه...نبي نوزع الحين والدفعه الثانيه برمضان ان شاء الله..
سليمان :ليه الحين
محمد:جدتي تقول الحريم ازعجنه يقلن يبن تمر...السنه هذي الحمد الله الخير واجد..
ام فيصل:محمد شقررت اخطبلك
محمد:تو الناس انا مو متزوج لين يتزوج ناصر
سليمان:عز الله اعرست...
خالد وميساء
السلااااام عليكم...






ضمّت بنتها وهي تبكي
عاليه:يماه ترى كلها حركه بسيطه
شيماء(ام حسام):نعمه ربي لك الحمد والشكر عقبال ماشوفك تمشين...
عاليه:حسام شفيه تأخر..
شيماء:راح يستقبل مؤيد وزوجته..
عاليه:بروح ازور غيوض..
شيماء:حسبي الله على ابوها وخوالها..وش فيها لو خلونا ناخذها
عاليه:مايبون فضايح ثانيه..هي عار بالنسبه لهم*********************





هاهي انكساااري تنتهي بعدما تعرض ابطال روايتي للحضات انكسار بحياتهم...
بدأتهابــ
(



(انكسار أنثى))


وأنهيتها بــ

((انكسار رجل))






((سبحانك اللهــم وبحمدك أشهد ان لا اله الا انت استغفرك اللهم واتوب اليك))
سبحان الله وبحمده سبحان الله العظيم...








تمّت بحمد الله....
بتاريخ:
1429/8/27
الساعه 3 تماما...
المكان حول النخيل بالمنتجع الصيفي..لوووووول

***************


دلووعة أهلها
الرجوع الى أعلى الصفحة اذهب الى الأسفل
طعومة
[ ڪبــَـَـآر آڷشخصيآإٺ ~ ]
[ ڪبــَـَـآر آڷشخصيآإٺ ~ ]
طعومة


عدد الرسائل : 2582
الموقع : فــوق السح‘ــاب
المزاج : ~انثى مـــازالت بح‘ـــلم ~
احبك
الاوســمــه : انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Empty
نقاط : 271
تاريخ التسجيل : 20/03/2008

انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Empty
مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Emptyالسبت سبتمبر 27, 2008 8:09 pm

وااااااااااااااااااااااااااااااااو


وااااااااااااااااااااااااااااو


واااااااااااااااااااااااااااااااااااااو



روايه ولا اروع


من البدايه الى النهايه وهي روعه



كل بارت احلى من الثاني


والنهايه رائعه بمعنى الكلمه


يسلمو دروكتي ع الروايه الرائعه


روحي بريئه 88



يسلمو قلبتي لانك نقلتيها لي


وهـ وهـ

ياملح اللي يسمعون الكلام بالمسن ورحموني ونزلوها


وربي الروايه ابداع


يسلملي يدين الكاتبه واللي نقلوها


ربي يعطيهم الف عافيه


وشكرا يالغلا



ترى انا برمضان مخططه ماراح اقرا روايات

بس من نزلتها روحي


ماقدرت اتحمل واصبر


وقريتها



الف الف الف شكر لكم حبايبي


دوكتي

اي روايه تنزلها دلوعه اهلها


بلييييييييييييييييييييييييييييييز



انقليها هنا




نبي نقرا ابداعها



وشكرا


ويسلمو على هيك روايه


محبتكم
طعومه
الرجوع الى أعلى الصفحة اذهب الى الأسفل
.. DARK ..
مـشـرفــ? سَــآبـقــ? متـألقــ? ~
.. DARK ..


عدد الرسائل : 1508
العمر : 36
الموقع : ...
انكســـــاااري....}لـــ { دلوعــ ــ ــ ـة اهلها }..((كامله) - صفحة 7 M5rbha12
الاوســمــه : انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Empty
نقاط : 118
تاريخ التسجيل : 18/12/2007

انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Empty
مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Emptyالإثنين سبتمبر 29, 2008 8:40 pm

88 88 88 88 88 88 88 88






يعطيك الف عافيه روحي بريئه 88




ياقلبي النقل مرررررررررررره يبهذل اكيد تعبتي 88






تسلمين ياعمري والله اني شايله همها






يعطيك العافيه وابشري طعومه بنزل اللي بتكتبه على اني اشك انها بتكتب شي ثاني






ياحبيلك ومتابعتك للروايه 88


ومره شووكرن روحي بريئه
الرجوع الى أعلى الصفحة اذهب الى الأسفل
ش’ـغّ ـف ~
[ ڪبــَـَـآر آڷشخصيآإٺ ~ ]
[ ڪبــَـَـآر آڷشخصيآإٺ ~ ]
ش’ـغّ ـف ~


عدد الرسائل : 1472
العمر : 33
الموقع : بقلب شوقتي
انكســـــاااري....}لـــ { دلوعــ ــ ــ ـة اهلها }..((كامله) - صفحة 7 4310
الاوســمــه : انكســـــاااري....}لـــ { دلوعــ ــ ــ ـة اهلها }..((كامله) - صفحة 7 3547_1180476192
نقاط : 3
تاريخ التسجيل : 18/07/2008

انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Empty
مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   انكســـــاااري....}لـــ { دلوعــ ــ ــ ـة اهلها }..((كامله) - صفحة 7 Emptyالخميس أكتوبر 02, 2008 9:42 am

\\
//
\\
//






*اللـــــــــــهـ درووكتتتتتتــــــــــــــــــــــــــــــي



شكل الروايه خقااااااااااااااااااااااااااق


لاهنتي ياعسسسسسسسسسسسسسسسسسسسسسسسسسسسسسسسسسل







ان شششششششششششااااااءاللللللللللهـ اقراهااااااااااااااا




ودي اقراهاا بس ان ششششششششششااااء الله اذا كملتهـــــــــآآآآآ

بعد رواية ( انت لي ) ماصرت اقرا روايه الا لما اتأكد ان النهايه فيه


عششاااان ماا اتبهذل مثل انت لي6سنوات الله يصلحهااااااا




60 لي باك
الرجوع الى أعلى الصفحة اذهب الى الأسفل
 
انكســـــاااري....}لـــ { دلوعــ ــ ــ ـة اهلها }..((كامله)
الرجوع الى أعلى الصفحة 
صفحة 7 من اصل 7انتقل الى الصفحة : الصفحة السابقة  1, 2, 3, 4, 5, 6, 7
 مواضيع مماثلة
-
» "صدى صوتي" لـــ (فـهـد العشيوي )

صلاحيات هذا المنتدى:لاتستطيع الرد على المواضيع في هذا المنتدى
my coffee :: . :: يـפــَـڪْى أَنـْ ~!-
انتقل الى: