الرئيسيةس .و .جبحـثالتسجيلقائمة الاعضاءالمجموعاتدخول

شاطر | 
 

 انكســـــاااري....}لـــ { دلوعــ ــ ــ ـة اهلها }..((كامله)

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5, 6, 7  الصفحة التالية
كاتب الموضوعرسالة
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 6:46 pm

الجزء العاشــــر

(انتقام عاشق..)

تدري بطبعي حبيبي حيل وتعرفه
العين بالعين والبادي هو الظالم
ماني ورا العاطفه بالحيل منجرفه
طبعي على صد ردات الفعل والم

سليمان:
ركب سيارته والدنيا سوداء بعيونه..
حط راسه على الدركسون ..تفكيره كله محصور بسلمى..
رفع راسه وطلع جواله..تردد..ادق ولا ماادق..
ضغط اتصال...جاري الاتصال..
عفوا ان الهاتف المطلوب لايمكن الاتصال به الان..

رمى الجوال بقوه وضرب راسه بالدراكسون..ليه ياسلمى ليه..
انا استاهل كل شيء ..انا اللي جنيت على نفسي..رفع راسه وحرك السياره..
وين اروح؟؟البيت ومستحيل ادخله وسلمى مو موجوده..يااارب رحمتك..
بعد نص ساعه وقف السياره ببيت ابوه ونزل..
دخل البيت..مالقى احد طلع لغرفته..فتح النور ..وترك الباب مفتوح..
جلس على سريره..ويفكر..
رن جواله..اكيد هي..طلع الجوال من مخباه ورد بدون ماينتبه للاسم
الووووو
:سليمان سامحني الله يخلييييك..والله ماكان قصدي
سليمان:تنهد..الحين انتي وش تبين ؟؟مايكفي اللي صارلي باسبابك..
نها:بحياتي ماغلطت معك غلطه..سامحني ياسليمان..انا احبك..وبدت تبكي
سليمان:اللي بينا انتهى..وانا خلاص طلقت..
نها:بكل بساااااطه هانت العشره ياسليمان وين الحب اللي تقولي عليه ويييينه..
سليمان:باللي سويتيه هدمتي كل شييء..نها ورقة طلاقك بتوصلك ولا عاد تتصلين علي..
نها:مو على كيييييفك..انا احببببك انت ماتفهم
سليمان:نها واللي يسلمك سكري على الموضووع..
نها:انت ماتحبني؟؟
سليمان:اللي احبها تركتني..وانسدح على ظهره..وانتي السبب
نها:انجرحت من كلامه..طيب ياسليمان مو نها اللي تسكت عن حقها
سليمان:نها ..اسمعيني انا مابي اضرك بشيء..بس لاتحديني..انتبهي تغلطيين معي لانك ماتدرين شممكن اسوي..وانتي عارفتني..
نها:تهددني
سليمان:رفع نفسه..لأ انا احذرر..ومن هاللحظه انسي ان فيه بالعالم واحد اسمه سليمان..قفل بوجهها..رمى الجوال..ودخل يتوضى مابقى شيء لصلاة الفجر


بعد صلاة الفجر..


قصر ابو سليمان
الساعه6 ونص صباحا
بغرفة خالد..
منسدح على السرير..ويفكر بكلام عبير له..طول الليل ماغفت عينه..
عبير تقول انها تسرعت..لو ميساء ماتحبه ليش قطعت العلاقه..وبنفس الوقت مستحيه من امي..تحس نفسها السبب بالقطيعه..
حاس نفسه ظالم لاخته ولاخوه ..بس انا مالي دخل ..ماغصبت احد..
انا ماقلت لفيصل اخطب عبير..بس مامنعته يترك ميساء..قام من السرير ..مايبي يفكر..
طالع بالساعه اللي معلقه بالجدران..اروح البس وافطر واشغل نفسي على مايجي وقت الدوام احسن من التفكير...
بعد نص ساعه..
طلع من غرفة الملابس وهو يسمع طق خفيف على الباب..ابتسم لانه عارف من اللي يطق..
خالد:ليلى ادخلي
ليلى:لابسه جلابية بيت زيتيه ورافعه شعرها بكلبس..فتحت الباب..صباح الخير..كنت بقومك
خالد:صباح النوور ..مسك المشط بايده..الفطور خالص
ليلى:رفعت حاجبها الايسر..فيك شيء؟؟
خالد:وهو يمشط شعره..لا مافيني شيء..ليش؟؟..نزل المشط..وخذى البوك من التسريحه والجوال واتجه لها بيطلع..
ليلى:قايم بدري..واول مره تفطر؟؟
خالد:مسك يدها وطلعو من الغرفه بعد ماسكرها..بعد الفطور لي معك كلام..
ليلى:شفت انا قايله ان فيك شيء..
خالد:وهو ينزل معها بالدرج..اصبري وتعرفين...
دخلو المطبخ وسحب لليلى كرسي وجلست ..وسحب كرسي قبالها وجلس..
ليلى:تبي اصبلك حليب ولا عصير
خالد:يوووه ياليلى حركات البزران للحين..اكيد عصير
ليلى:وش دخل الحليب بالبزران..صبتله حليب..امسك امسك بكره يجيك هشاشة عظام وشوف من اللي بيفطنلك(ينتبهلك)
خالد:يفطنولي عيالي مايبيله كلام
ليلى:انت تعرف بيض الصعو اللي يذكرون..ترى هم عيالك..وتصب لنفسها حليب..
خالد:اييه هين بكره ياجو ماخليتس تشوفينهم..بس اصبري
ليلى:يجيب الله مطر..لوت فمها..والله ياليتن رايحتن لامي اودعه قبل ماتسافر
خالد:ترى كلها يومين وترجع مو مستاهله..
ليلى:وبيتنا ترى مو من بعده
خالد:رجع راسه على ورى وصار يضحك..هههههه
ليلى:حمر وجهها
خالد:اثريك مقومتني والاخلاق تجاريه كل هذا علشان اودييتس..حررر مافي روحه انا ماحب الانسان المصلحجي..ويبلع من الساندوتشات اللي قدامه
ليلى:خالد الله يخليييك
خالد:ترجي بعد
ليلى:خالد الله يرزقك انشاء الله
خالد:بعد بعد..ابي رجا زياده
ليلى:والله انت ماينفعلك الا عبير..ممشيتك على الصراط المستقيم..
خالد:الا على طاري هالخبله هي مضايقتتس البارحه؟؟
ليلى:لأ ..ليش
خالد:اجل ليه معصبه؟؟
ليلى:بانت ملامح الحزن على وجهها..بس سرعان ماختفت لما سمعت تنحنح سليمان
خالد:ورااك ياولد
سليمان:والله متشيخ ياخويلد..ويقلد صوته ..وراك ياولد..ماولد غيرك يالتعبان.
ليلى:ههه ايه دونك ياه غاثن من الصبح فقع مرارتي
سليمان:افا ياذا العلم ..وش مسويلتس علميني؟؟
ليلى:ابيه يوديني لامي ابي اسلم عليها قبل لا تسافر ومعيي..
سليمان:ليلى روحي البسي وانا انتظرتس بالسياره..
ليلى:طارت من الفرحه..والله..ثواني وانا برى
خالد:مسك يدها:اقول انثبري وانطقي مامن روحه
سليمان:عسى ماشر يالاخو؟؟
خالد:ابد طال عمرك..بس امي الحين تلقاه بوسط مكه
ليلى:هييء يالدب ليه ماقلتلي ..خليتن اذل نفسي لك
خالد:استمتع وانا اذل احد ..الله خالقن كذا..
سليمان:وانتم مطولين تسولفون ترى فطست جوع
ليلى:ادخل هذا انا طلعت..وطلعت من الباب الثاني اللي يودي على الصاله..وطلعت على غرفتها
خالد:اقلط اقلط..حيالله الشيخ سليمان..
سليمان:الله يحييك ياشليويح..سحب كرسي وصب لروحه شاهي..
خالد:الشرهه مو عليك على اللي مخليك شيخ..استغرب من لبس سليمان..لابس بجامه..انت نايم عندنا
سليمان:الله يشفيك مو طلعنا من المسجد مع بعض..صبلي شاهي..
خالد:حسبتك بتلت لبيتك اثريك داخلن وراي ..ويصبله شاهي ويمدله..وش عندك؟؟
سليمان:ليه فيه مانع..وبدى يفطر بعد ماسمى...
خالد:لا فيه دواس..ابتسم بمكر..سليمان طاردتك سلمى من البيت
سليمان:مايخسى الا انت..خويلد ابعد عني ترى مالي خلقك..
خالد:طيب لا تنافخ ..بعذرها يوم تطردك..وحط رجله قبل مايمسكه سليمان..




قصر ابو فيصل..
الساعه تسعه
قامت على صوت سديم وهي تقومها
سديم:ماما..ماما دووومي
سلمى:هممم
سديم:ماما..ماما...
سلمى:قامت متململه من صوت بنتها..خير ماما شتبين؟؟
سديم:ابي اليب..
سلمى:طيب ياماما روحي لجوني خليها تسويلك حليب..وغطت وجهها بالحاف
سديم:عادي
سلمى:ايه عادي ..(سلمى مستحيل تخلي احد يطبخ لزوجها او يسوي اكل لعيالها غيرها)..
سديم:ماتدعلين
سلمى:افف ..حبيبتي انا تعبانه..انزلي وسكري الباب وراك..

نزلت للدور الارضي..ونادت الشغاله تسويلها حليب..

سمعت طق الباب مره ثانيه
سلمى:يالييييل...رمت الحاف عن وجهها..مييييين
فيصل:سلمى ماتبين فطور قومي افطري معنا
سلمى:طيب طيب الحين نازله..رفعت الحاف عنها ودخلت دورة المياه وغسلت وجهها بمويه بارده ..

جالس بالمطبخ ويلعب مع حياته..
فيصل:من اكثر واحد تحبينه..
سديم:فييييييسل
فيصل:يازينووو يانااااس..وانتي احلى بنت بالعالم..
سديم:ابي الوح معاك
فيصل:وهو يحطها بحضنه..تدرين انا وين بروح؟؟
سديم:لأ..بس بلوح معاك
فيصل:انا بروح للمستشفى..
سديم:رفعت راسها له ..لانها بحضنه وشوي وتنكسر رقبتها..ليش تأبان
فيصل:حب جبهتها..لأ ..بس بزور واحد بيعطونه ابره..
سديم:حلاااام..
فيصل:كملي حليبك علشان ماتصيرين زيه..
دخلت عليهم وهي لابسه جلابية بيت لونها رمادي نااعمه مره
السلام عليكم..
فيصل:وعليكم السلام حيالله سلمى تو مانور البيت
سلمى:بابتسامه صفرا..ايه منور بوجودي ولا بوجود سديم؟؟
فيصل:كلكم منورين..ويضم سديم اكثر..بس هذي غييييير
سلمى:جوني..جووووني..سحبت كرسي وجلست..
جوني:جت بسرعه..يس مدام
سلمى:ناصر وينه؟؟
جوني:فيه روح مع مستر ابو فيصل..
سلمى:وش لبستيه؟؟
جوني:مستر ابو فيصل كلام البس توب ..
سلمى:اوكي روحي..تنهدت وشربت عصير
فيصل:ابوي رايح الدوام بدري علشان نصوور..يازينه وهو لابس الثوب..
سلمى:صارت تضغط على جبهتها باصابعها..
فيصل:سلمى تعبانه
سلمى:لا بس مانمت زين..
فيصل:ليه ؟؟
سلمى:لا بس علشان المكان تغير..اتعود لا تخاف..
فيصل:تعودين!!..نزل سديم من حضنه..حبيبتي روحي لجوني تمشط شعرك..
سديم:تيب..وراحت تركض
فيصل:سلمى متهاوشه مع سليمان؟؟
سلمى:لأ..ليش
فيصل:مادري وجهك مو طبيعي..بعدين شفت سليمان بالمسجد وشكله متضايق..
سلمى:لا مافي شيء..
فيصل:طالع بساعته الجلديه..تأخرت على الدوام ..مع السلامه
سلمى:الله يسلمك..نزلت راسها على الطاوله وغمضت عيونها..واخرتها ياسلمى..الى وين بتوصلين..انتي اكثر وحده تدرين انك ماتقدرين تعيشين من دونه..هذا سليمان ابو عيالك..قطع افكارها صوت سديم
سلمى:نعم حبيبتي..
سديم:بابا على التلفوون
سلمى:قوليله ماما نايمه..ومسكت يد بنتها وراحت لتلفون الصاله وعطت بنتها السماعه..سمعتها تقول ماما نايمه..وبعد ماسكر..
سلمى:حبيتي انا بروح انام..جوني انتبهي لها..واذا جاء ناصر خليهم يتغدون لحد يصحيني..وطلعت لغرفتها وافكارها متلخبطه..ومشاعرها متناقضه..




الساعه 11 ونص الظهر


قصر ابو شيخه..
دخلت على اختها النايمه ..
شيخه:يووووه نوال قوووومي قووووومي وراحت للستاير تفتحها..
نوال:عقدت حواجبها من نور الشمس..وحطت ايدها على عيونها..اففف شيخوه يالزفته ليه تقوميني شتبين؟؟
شيخه:استحي على وجهك انا متزوجه وتقولين لي يازفته..قووومي متى يمديك تتجهزين ناسيه ان اليوم زواج حبيب القلب
نوال:الله ياخذ بليسك هذا طاري من الصبح..وقامت من السرير بعد مارمت لحافها على الارض..قالت بنرفزه..هذا انا قمت استانستي
شيخه:خوذيلك حمام بارد يروقك وانا وامي ننتظرك تحت نفطر ونطلع لمركز التجميل..
نوال:طيب طيب..ودخلت للحمام(الله يكرمكم)
شيخه:طلعت من غرفتها وهي مو عارفه وش سبب هالتغير..معقوله نوال تحضر زواج حسين..

فتحت الدش على البارد..ياما تمنت هاليوم ..بس هي اللي تكون عروس..ياليت ابوي وافق وش كان بيخسر؟؟بس كسر بقلبي وانا الخسرااانه..كله من عمي ومن ولده هم السبب لو ماخطبوني كان الحين انا زوجة حسين..اااه ياقلبي..انا لازم ماحسسهم بشيء لازم اكون طبيعيه..اخذت شور جل بنكهة اللفندر يمكن يهدي اعصابها شوي..


طلعو من فندق الفورسيزون
واتجهو للشركه..اشكالهم ماتدل على خير..
وقفو قدام الشركه..
محمد:يبه وصلنا..
ابو محمد:مارد عليه..فتح الباب ونزل
سألو السكيورتي وقالهم ان ابو سليمان مسافر ومافيه الا ابو فيصل وسليمان..
محمد:وهو يضغط على زر المصعد..يبه شناوي عليه؟؟
ابو محمد:اشر لولده يسكت..
وصلو للدور المطلوب وللغايه المنشوده..
دخلو على السكرتير..
محمد:بنقابل ابو فيصل
السكرتير:من معي؟؟
محمد:انا..وطالع بأبوه..انا محمد ال___
السكرتير:هلا والله ماعرفتك..عطني دقيقه ابلغ فيها طويل العمر..ودخل للمكتب..
محمد:يبه قولي شناوي عليه؟؟
ابومحمد:ابتسم لولده ابتسامه ماكره ,,ودخل للمكتب بعد مااذن لهم ابو فيصل..




منزل نها..
راح كل الليل وهي تبكي ..وطلع الصبح وهي على حالها..متكومه على نفسها بالسرير وضامه رجولها لها..تبكي بألم على حظها ..
نها:ليه ياسليمان تسوي فيني كذا وين كلام الحب اللي تقولي عليه..طااار بالهواء ..علشان غلطه وماهي مقصوده ترميني ..بس بتشوووف بتشووف ياسليمان بدفعك الثمن غالي..مددت رجلينها وحطت راسها على مخدتها مسحت دمعه حاره احرقت خدها..وتلحفت بالحاف وشدت عليه وكأنها بردانه..سمعت طق الباب..
نها:وبصوت مهزوز..مييين
الشغاله:مدام يبي انتي..
نها:طيب الحين بنزل..تنهدت وقامت من السرير ونزلت لامها..
ام نها:نها!! نمتي بلبسك؟؟
نها:ماتحملت ورمت نفسها على حضن امها وتبكي..
ام نها:خافت على بنتها..مسحت على شعرها..حبيبتي شفيك خوفتيني؟؟
نها:يمه طلقني طلقني..
ام نها:عورها قلبها بس ماتبي تزيد على بنتها..اكيد بيطلقك انتي زوجه بالسر..
نها:بس انا ابيييه ..رفعت راسها لامها..يمه مو راضي يصدقني..
ام نها:على ايش يصدقك؟؟
نها:مسحت دموعها..يقول اني انا قلت لزوجته انه متزوج..
ام نها:ابتسمت بحنان لبنتها..يابنتي وش تبينه يقول ..تبينه يقول مابيك مليت منك..زين ابن الحلال عنده ذوق..وانا قلتلك قبل لا تتزوجين بهالطريقه لانك بتندمين..
نها:هو على كيفي الزواج شفتي احد طق بابي ورفضت..بس بيشوف والله ماخليه وبخرب حياته صدق..
ام نها:لأ يابنتي لا تصيرين حقود وناكره للجميل
نها:قالت بقهر..الحين انا اللي ناكره ولا هو.
ام نها:يابنتي تذكري وقفاته معنا ومع ابوك..عمره ماقصر معنا ويعتبرنا مثل اهله..وبعدين هو ماغصبك تتزوجينه والرجال رايته بيضاء..واذا خربتي حياته مو راجعلك وش بتستفيدين..
نها:لا يرجعلي بس مايعيش متهني
ام نها:ومن قال مو متهني..بيلقاله مره ثانيه وتسعده..وزوجته هي اللي بتخسر وعياله بيضيعون..يابنيتي والله سليمان مافي منه ولا جاء منه الا كل شيء زين..فكري بعقلك يابنتي
وخلاص الله يوفقك بابن الحلال اللي يسعدك..
نها:مابي الا هو
ام نها:هو ماهو لك خلاص ارضي..واذا صدق تحبينه تمنيله الخير علشان الله يوفقك..
نها:ضمت امها..ورجعت تبكي..




قصر ابو صالح..
طلعت من غرفتها وهي تتثاوب..مواصله مانامت..
فتحت الغرفه بدون استئذان..واتجهت لسرير اختها وانقزت عليه..
عاليه:فتحت عين وحده..انتي متى تعقلين؟؟
غيوض:اذا الله اراد..وشلون راسك؟؟
عاليه:اسكتي مانمت زي خلق الله..ماقدرت حتى ارفع راسي..صلاة ربي ماصليت الا وانا منسدحه..ااه بس شقول..
غيوض:طيب اجيبلك فطور
عاليه:لاوالله ابيك تنقلعين عن وجهي ابي انام..وغطت وجهها بالحاف
غيوض:ماطرت..وانسدحت بجنبها..بنام عندك..وغطت بنوم عمييييق..
عاليه:انسدحت على الجهه الثانيه وصارت مقابله لاختها..تأملتها..لو علاقتها معي شينه شلون بتكون حياتي..مين بيخفف عني..نزلت دموعها غصب عنها..ااه يادموعي كل مااقول انها جفت ترجع من جديد..مكتوب علي العذاب طول العمر..انسدحت على ظهرها..لوماكنت موجوده بهالحياه..استغفر الله استغفر الله..بديت اخربط بالكلام..غمضت عيونها كمحاوله للنوم..بس سرعان ماطار لان جوال غيوض رن..بس غيوض باين عليها انها بسابع نومه..
سحبت الجوال من جيب بجامة غيوض بخفه..وطالعت بالشاشه بعد ماحطت على الصامت..سكت..حطته على الكومندينه اللي بجنبها..ومره ثانيه رجع دق..افف وبعدين يعني..طالعت بالاسم..نونو..ارد ؟؟قررت ترد..
عاليه:الو
نوال:اففف ساعة على شان تردين
عاليه:نوااااال!!
نوال:هههه انتي عاليه..وين اختك المصون؟؟
عاليه:والله نايمه
نوال:طيب قوميها ابيها ضروووري
عاليه:وشتبين فيها؟؟
نوال:اليوم زواج هالعله..وبصراحه ودي تروح معي
عاليه:انسي الفكره..جدها تعبان ومااتوقع تروح
نوال:طيب وانتي ليش ماتروحين؟؟
عاليه:ابتسمت بمراره..انسي الموضوع..اصلا انا تعبانه
نوال:لا تقولين علشان الحروق..انا عندي فستان كااااامل ورووووعه
عاليه:تنهدت..لا راسي يعورني
نوال:عاليه حبيبتي شفيك؟؟هالعقرب سوالك شيء؟؟
عاليه:نوال والله زهقت طلعت روووحي..كل شيء صار ماله طعم..حتى الضرب ماصرت احس فيه..ماصار يأثر فيني..هو لو يذبحني ويفكني
قاطعتها..
نوال:عاليه شهالكلام خابرتك قويه..تدرين شلون روحي معي اليوم وغيري جو وشوفي شبسوي فيهم ..واذا هالعقرب تكلم والله لاوريه
عاليه:ههههه
نوال:ايه سمعينا هالضحكه..
عاليه:تصدقين الى يومك هذا اضحك كل ماتذكرت هوشتك معه..انتي من جد رهييبه
نوال:ايه حبيبتي انا محد يدوسلي على طرف..ها شقلتي تروحين؟؟
عاليه:لا مو رايحه...
نوال:طيب انا تأخرت على شيخه تنتظرني ..سي يو
عاليه:سي يو..طالعت بالجوال وابتسمت..هذي هي نوال مجنونه وعنيده تطلعلهم بأفكار غريبه..الله يهديها..ويسعدها..دائما متسرعه بس حنونه وتندم بسرعه..نزلت الجوال على الكومندينه ونامت..




الشركه..
دخل عليه السكرتير وبلغه باللي صاير..رمى الاوراق اللي بيده وهرول لمكتب عمه..
دخل وسكر الباب وراه بعد ماقال للسكرتير لحد يقرب من المكتب..وطلب من السكرتير ياخذ ناصر الصغير معه..
النقاش كان حامي والفاظ عمه محد يتحملها..وطلباته اغرب..
سليمان:شفيكم اصواتكم واصله لبرى..
ابوفيصل:جلس على الكرسي بعد مافتح ازاريره...اعوذبالله منك ياابليس..
ابو محمد:ابوك وينه ولا مستحي من سواد وجهه..
سليمان:عقد حواجبه..سواد وجهه!!..شسالفه؟؟
ابومحمد:هي كلمه وحده..عبير ماتاخذ الا محمد..
سليمان:ليه ماعندك خبر انا زوجناها لفيصل
ابومحمد:ومستانس انك مزوج اختك واحد خسيس ابوه اردى منه..
سليمان:طالع بعمه بنظرة رجاء..يعني امسحها بوجهي..والله البنت تبيه..ثانيا على علمي الرديين اللي على قولتكم كنتم تبون تناسبونهم..والا شرايك يامحمد
محمد:مسح جبهته بيدينه المرتجفه لمجرد ذكر طاريها..
ابومحمد:انت ماتستحي تقول هالكلام..البنت تبيه..هذا كلام رجال..
سليمان:عمي رجاء ماابي اغلط عليك..
محمد:لا تغلط ولا نغلط..عبير ماتاخذ الا انا..وهالخسيس فصيل يدور وحده غيرها..
سليمان:والله كانك رجال امنع هالزواج..واعلى مابخيلك اركبه..
ابومحمد:هين ياسليمان هالعرس مايتم وبتشوف..لو على جثتي..
ابوفيصل:يابومحمد شهالكلام تعوذ من ابليس وانا ماخطبتها الا بعد مارفضتكم..
ابومحمد:وبنتك يوم جاكم ولدي يخطبها بعد كانت ماتبيه!!هذاني اقولك يابو فيصل قول لولدك يترك عبير ولا ورب البيت مااخلي هالعرس يتم..
سليمان:لحووول زواج بالاكراه يعني..وبعدين ليلى شلون يتزوجها محمد وهي كانت مملكه على ناصر..ياخي خلاص مافيه نصيب ..وماله داعي المشاكل على شيء تافه..
ابومحمد:والله انا براسي حب مانطحن ..وبتشوف يابوفصيل..وطلع هو وولده
ركب السياره وهو مقهور..
ابومحمد:انتبه لولده..شفيك
محمد:مافيني شيء وحرك السياره
ابومحمد:ياولدي لاتزعل وبتشوف شلون باخذ حقك منهم
محمد:يبه انت السبب لو انك موافق كان خطبت ليلى قبل نويصر..
ابومحمد:هم مايبون يزوجونا وشفت شلون ردونا بعبير..بس لا تخاف باخذ حقك منهم..


سليمان حب راس عمه..
سليمان:هونها وتهون ياعمي..تراهم قول بليا فعل
ابوفيصل:الا ابومحمد..انا اعرفه زييين..من يومه وهو مايدانيني..تقل اني ماكل حلال ابوه..
سليمان:ياعمي مايقدر يسوي شيء..يعني بيغصبنا علىشيء مانبيه..ولا مو شايفنا رجال ياعمي
ابوفيصل:انا خايف على فيصل..ياولدي افتح الدرج وتلقى حبوب الضغط احس بدوخه..
سليمان:على طول فتح الدرج وطلع الحبوب وعطاها عمه مع كاس مويه..عمي برجعك للبيت انت تعبان
ابوفيصل:نزل الكاس..ومد يده لسليمان يساعده على الوقوف..اي والله تعبان..ناصر وينه..
سليمان:وديته لمكتبي..ارجعك للبيت
ابوفيصل:وصلني ياوليدي للبيت..
مسك يد عمه ورجعه مع ولده للبيت..




الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 6:48 pm



قصر ابوعهود..
دخل البيت بعد مااعطى الشغاله شنطته علشان تطلعها غرفته..
راح للمجلس العائلي اللي دايما يجلسون فيه..ومالقى احد..طلع الدرج..
وراح لغرفة بنته..فتحها ولقاها نايمه..قرب منها وحب جبهتها بهدوء..اشتاقلها مره..
وانشاء الله بتسامحه اذا درت هو وش سوى..بس هي ماتعرف مصلحتها..غطاها زين ..وراح لغرفته..دخل واتفاجأمن شكلها..تقدم منها..
ابوعهود:سلامات..وطالع بالكومندينه اللي بجنبها مليانه ادويه..عسى ماشر
ام مؤيد:سوت نفسها زعلانه..تسألني وانا دخلت المستشفى باسبابك..
ابوعهود:رفع حاجب متعجب..باسبابي..وجلس على السرير..
ام مؤيد:حتى سماعة التلفون يالظالم مارفعتها تسأل عني وتتطمن..
ابوعهود:يابنت الحلال علميني شصار ..
ام مؤيد:ماتدري انك بعد ماهاوشتني دخلت المستشفى؟؟
ابوعهود:لاوالله محد قالي..افا كل هذا زعل..وحب راسها..ماهقيت ان هوشه صغيره تدخلك المستشفى..
ام مؤيد:كل اللي صار وتقول هوشه صغيره..
ابوعهود:الحين جاي من السفر ومسوي روحي زعلان ابيتس تراضيني طلعتي انتي تبين مين يراضيتيس..ماتشوفين شر يالغاليه..ومد يده على احد هالعلاجات اللي بالكومندينه..
كل هالادويه ليه؟؟
ام مؤيد:مابغت تخوفه..عادي بس انت تعرف مستشفياتنا..
ابوعهود:رجع العلاج مكانه..بروح اخذلي شور بعد هالسفره اللي ماقلتيلي حتى الحمدالله على السلامه
ام مؤيد:ابتسمت..مايحتاج انت تدري باللي بالقلب..
ابوعهود:رد لها الابتسامه..وانا مو ذابحني الا اللي بالقلب..ودخل ياخذ شور..
(ابوعهود عمره 47 سنه كان متزوج قبل ام مؤيد بس للاسف ماجاه عيال والاطباء قالوله انه مايجيب..تزوج ام مؤيد وحبها من كل قلبه وربى مؤيد واعتبره مثل ولده..اقنعته ام مؤيد يتعالج بره وفعلا الله رزقه بعهود..وحب ام مؤيد اكثر وأكثر..الخلاف اللي بينه وبين مؤيد خلاف بالرأي..ابوعهود ربى مؤيد وتعلق فيه واجد بس مؤيد كبر وطبيعي بيزور ابوه وينام عنده وينفذ اوامره..ومن هنا بدت الخلافات ..حس ابوعهود انه ماله اي قيمه عند مؤيد..)






قصر ابو سليمان..
نايمه بس تسمع صوت..افف..انقلبت على الجهه الثانيه..بس الصوت مستمر..
فتحت عيونها بصعوبه ..ركزت بالصوت..هذا صوت التلفون..رفعت نفسها ..وسحبت السماعه..
الووو..صوتها فيه بحه من النوم
:والله خفت عليييك مادريت انك نايمه..اسف
ليلى:ابتسمت..خفت علي ولا اشتقت لصووتي..ورجعت خصله طايحه على وجهها ورى اذنها..
ناصر:هههه دايما كاشفتني..
ليلى:ايوه دايما كاشفتك فلا تلعب بذيلك من هنا ولا من هنا..
ناصر:اجل كلامنا امس ماجاب نتيجه..
ليلى:طالعت بساعتها..يوووه ماصليت الظهر..ورفعت نفسها
ناصر:تتهربين
ليلى:صارت تحرك رقبتها يمين ويسار لانها تعورها..انا بحياتي ماتهربت..ايه كلامك ماجاب نتيجه..وقالت بدلع..لاتحاول قلبي مو متطمن وانت مو تحت نظري..
ناصر:تدرين حلو التواضع..
ليلى:استغربت كلامه..تواضع؟؟وش دخل هذا بكلامنا؟؟
ناصر:انتي الحين من كل عقلك اطالع غيرك..انتي فووق انتي مو بشر اللي يطالعك مستحيل يطالع غييييرك..لاتقارنين نفسك بغيييرك..حبيبتي والله مايسكن القلب غيرك..انا احبك..
ليلى:تدري اني اموووت على كلامك..
ناصر:بسس..
ليلى:ايه بسس..
ناصر:متأكده؟؟
ليلى:لالا مومتأكده..
ناصر:ايه اعقلي..
ليلى:تعال علشان اعقل..ناصر والله اشتقتلك
ناصر:وانا مكلمك علشان....
ليلى:شفيك سكت..علشان ايش؟؟
ناصر:علشان اشتقتلك..ليلى ماقلتي تبين تصلين
ليلى:طيب لا تقاطع..
ناصر:مجنون اقاطعك ناوي على عمري ..حبيبتي مع السلامه
ليلى:الله يسلمك..سكرت السماعه..استودعت الله عيونك ياناصر ..
نزلت من السرير ورفعت شعرها بكلبس..دخلت دورة المياه وخذت شور سريع وتوضت..اطلعت وطلعتلها جلابية بيت ناااعمه لونها ارجواني مع تطريز ناعم بالذهبي..لبستها وفرشت سجادتها وصلت الظهر..


الشركه..
رجع للشركه بعد ماوصل عمه وولده لبيتهم..
دخل المكتب..وضايق خلقه..
شدراها اني بجي ولا احساسها بعد..ااه ياسلمى..
اشتقتلك..اخخخ يالقهر لو ماقفلت غرفتها كان قدرت اشوفها وهي نايمه..
بس معاليش اليوم وانا راجع امرها واشوف اخرتها ياسلمى..
قطع تفكيره صوت السكرتير وهو يدخل..
السكرتير:طال عمرك هذي الملفات اللي المفروض يوقعها ابو فيصل اليوم ارسلها لي سكرتيره
سليمان:خلاص نزلها..واطلبلي الاستاذ علي




المستشفى
مافي مواعيد كثيره اليوم..
دق عليه زياد وكان باين من صوته انه متضايق..
فاقترح عليه يجيه بمكتبه اريح له..
دخل عليه بعد ماستأذن وجلس على الكنب بقوه وزفر
فيصل:اوووه الاخلاق مقفله اليوم..
زياد:وليه ماتقفل وعرس الحبيب الليله..
فيصل:الله يهنيه
زياد:الا الله ياخذه..وش كان بيضره لو خذاها
فيصل:زياد ماني خابرك حقود؟؟
زياد:انا مقهووور..مرر اصابعه على شعره الاسود واللي طوله مقبول..الحين دبرني شالسواة؟؟عمي بعد يومين بيجي من السفر واكيد بيرجعونها لي..انا ماادري شلون يفكرون..وحده ماتبيني ولا ابيها وش يبون يغثونا..
فيصل:طيب حاول تقنع نفسك فيها
زياد:اي اقنع اي خرابيط..اقووولك ماعتبرها الا اخت..ياخي غصب عني
فيصل:زياد ترى والله ماعرفتلك..اقولك لا تاخذها تقول بيغصبوني اقولك اقنع نفسك فيها تقول ماتبيها شسويلك؟؟
زياد:فيصل افهمني..انا مستحييل ارجعلها مستحييل..بس انا ابي حل شلون مايكون فيه مشاكل..
فيصل:عقد حواجبه..وتذكر اللي صارله مع ميساء..يعني عمك بيقطع علاقته فيكم..
زياد:كله يهون بس الخوف من ابوي يقطع علاقته فيني..
فيصل:واذا قطع..بتاخذها؟؟
زياد:لأ..راسي بينفجر..
فيصل:طيب شرايك تسافر
زياد:يعني اتهرب..المشكله مو منحله اذا رجعت بلقاها
فيصل:لا انا اقصد تاخذ اجازه وتفكر بروقان..واكيد بتوصل لحل..
زياد:والله فكره ماهي شينه..وشرايك تخاويني
فيصل:افكر واردلك خبر




قصر ابو صالح
قامت مفزوعه من النوم..وبسرعه صارت تهز اختهااللي تئن بصوت مسموع وتضرب وجهها على خفيف
غيوض:عاليه عاليه..تسمعيني عاااليه
عاليه:اااه..ااه
غيوض بسرعه راحت لغرفتها وبثواني لبست عبايتها ونادت الشغاله..
اخذت عباية عاليه ولبستها بسرعه وراحت فيها للمستشفى بمساعدة الشغاله..

وبعد مده..
غيوض:بشريني؟؟
الدكتوره:وتسألي كمان؟؟دي البنت تعرضت لضربه اويه كانت حتروح فيها وبتسألي..وبعدين ايه الحروق اللي بكل قسمها..انا مزتره ابلغ البوليس
غيوض:بلغي اللي تبيين بس اهم شيء هي كيفها؟؟
الدكتوره:دلوأتي كويسه وكلها ساعتين وبتفوأ..عن ازنك..
راحت لاختها وضمتها..الحمدالله انشاءالله ربي بياخذ حقك الشرطه اكيد بتحقق ,,عاليه اذا تسمعيني حركي اصبعك..
عاليه:__
غيوض:رمت نفسها على الكرسي..ورجعت راسها على ورى وتفكر باللي ممكن يصير..
طلعت جوالها من الشنطه..يووه مافي ارسال..طالعت حوالينها وشافت التلفون..
قامت ورفعت السماعه ..تفكر تدق ولا تطنش؟؟خليني ادق احسن..ضغطت رقم البيت وبسرعه سكرت..
غيوض:اصلا مادرو عني اذا انا موجوده ولا لأ..نزلت السماعه..واتجهت للشباك تشوف اللي رايح واللي جاي..

**********************************
**********************************
ذذذذذذذذذذذذذذذذالعصر..

بعد ماخلص من شغله قرر يروح لبيت عمه..
ويحط النقط على الحروف..
رن جواله ورد

سليمان:هلايالطيب..
خالد:هلا بحبيب قلبي والله..اشتقتلك
سليمان:وععع ياشينها من حلقك..
خالد:يسوي روحه يبكي..لألأ ارجوك انا احبك
سليمان:وقف عند الاشاره..حبتك القراده يالماصخ
خالد:طيب حبيبي ممكن تجي ابي اتفاهم معك..
سليمان:على وشو نتفاهم
خالد:كل الحب اللي بينا وتسألني على ايش؟؟ماهقيتها والله
سليمان:ضرب بوري للي قدامه علشان يمشي..انت وينك؟؟
خالد:والله ياحليل نويصر يعطي وجه..بس انت مادري على منهو طالع..انا بفهم شلون سلمى متحملتك؟؟
سليمان:والله مالك دخل..وبعدين انا مع سلمى غير...
خالد:والله ماظنيت..المهم تعال عندنا جالس انا وابوي بالدكه والجو حلوووو
سليمان:ايه بالحيييل حلو
خالد:لا تخاف مدام فيه المكيف الصحراوي بيطلع يهبل..هاشقلت ابوي يقول مرنا
سليمان:اصلا انا كنت بمر قبل لاتدق
خالد:صح شلون نسيت ان المحقق كونان عندنا..
سليمان:منهو كونان؟؟
خالد:مرتك بعد منهي
سليمان:ههههه والله لقيتها
خالد:طيب اعلمها وبتشوف شتسوي فيك
سليمان:خالد طلبتك لاتقول تراها زعلانه..
خالد:والله اني حاس..يابن الحلال لا تعطيها وجه وبتشوفها تركض وراك
سليمان:انت الظاهر بتضيع مستقبلي
خالد:بكيفك..المهم وانت جاي جب لنصوري باسكن وحت انا جبلي ولا ترى بقول لسلمى
سليمان:انا وشلون ازل عندك..خلاص بجيبلك..مع السلامه
خالد:الله يسلمك..سكر من عند سليمان واخذ الترمس وصب لنفسه قهوه
ابوفيصل:بيجي؟؟
خالد:ايه الحين بيجي..
ابوفيصل:دق على فيصل خله يجي بعد الدوام على طول لايروح يفرفر مع اخوياه
خالد:يبه سامع شيء عن فيصل؟؟
ابوفيصل:لا ابيه بموضوع..وشاف ولده بيتكلم ..سكر حلقك لين يجي سليمان..
خالد:سند ظهره على المركى ومدد رجلينه..

بالداخل
جالسات بالمجلس العائلي ويسولفون عن الموديلات والزواجات
ليلى:اشوا الموديلات الحين كلها الواسعه يعني مايبين بطني
عبير:يووه ياسلمى ماشفتي فستان صديقتي بزواج اخوها يهبببل..
سلمى:شلون موديلها؟؟
رن جوالها وابتسمت لما شافت المتصل..
قامت من عندهم وراحة للصاله..وردت..
الوووو
غدير:هلا بالقاطعه
ليلى:هههه..هلا بام لسان
غدير:حرااام عليك وهذا انا داقه واسأل عن اخبارك
ليلى:لافيك الخير..حقك علينا..طمنينا شخبارك شمسويه..
غدير:والله الحمدالله وبخير وانتي كيفك
ليلى:انا عال العال..مشتاقه لك ولسواليفك
غدير:احم احم..ماادري شقول والله مستحيه
ليلى:لا تستحين قولي
غدير:ملكتي بكره وودي تحضرين ..
ليلى:مبرووووووك الف مبرووك مابغيتي ترضين وتوافقين ياراويه
غدير:شفتي شلون النصيب اخر شيء توقعته اني اخذ ولد خالي..
ليلى:الله يوفقك انشاءالله..شفتيه عجبك
غدير:بصراحه بصراحه..على قدماكنت كارهته لأ مو كارهته بس مو متقبلته زوج..على قد مارتحتله يوم شفته حسيته..مادري شلون اوصفلك
ليلى:الله البنت طايحه بدباديبه..
غدير:ليلوه شهالكلام استحي..المهم بكره ضروري تجييييين
ليلى:طيب..ميساء بتجي؟؟
غدير:ايه عزمتها وتقول يمكن علشان عيال اخوها جو..ليلى ترى ميساء قالتلي كل شيء..وبراضيكم بالملكه شرايك
ليلى:خلاص انشاءالله بجي..بس وين ؟؟
غدير:ببيت جدي بعطيك الوصف
ليلى:لأ..بكره بكلمك وباخذه تراني نسايه
غدير:وانتي بشريني عنك ..ماحملتي؟؟
ليلى:مسحت على بطنها وابتسمت..ابشرك حامل
غدير:من جدك..مبرووووك..هههههههه
ليلى:شفيك تضحكين؟؟
غدير:اتخيل شكلك وانتي حامل
ليلى:اشوف فيك يوم..
غدير:طيب طولت عليك ..مع السلامه
ليلى:الله يسلمك..
ورجعت للبنات..


المغرب
المستشفى..
ساعدتها تقوم من السرير..لبستها العبايه ..ومسكت يدها وطلعو..
شافوه ينتظرهم بالسياره البنتلي السوداء..
ركبو كلهم ورى..
ابوصالح:التفت وهو معصب..شايفيني سواق وحده تركب قدام
غيوض:نزلت وركبت قدام..
حرك السياره..ورجعو للبيت..
نزلت من السياره بمساعدة اختها ..دخلو واتجهو للمصعد..وقفهم صوته..
ابوصالح:تعااالي هنا
عاليه:طالعت باختها وبعدين طالعت بعيون ابوها..ابتسمت ابتسامه سخريه..حررت يدها من غيوض واتجهت للمكان اللي أشر عليه..رفع ايده عليها..حست بحراره بوجهها وسائل دافئ ينزل على فمها..حطت ايدها على وجهها تبي تمسح الدم..
ابوصالح:انتي رايحه لامك امس؟؟
عاليه:....
ابوصالح:عطاها كف ثاني خلاها تطيح..على بالك اذا رحتي المستشفى او اشتكيتي بترجعين لامك..انتي مو راجعه الا مكفنه فاااااهمه..ركلها برجله..وطلع
ركضت لها غيوض وساعدتها على المشي..طلعت غرفتها..
ودخلت دورة المياه تمسح الدم..
غيوض:عاليه بروح اخذلي شور واجيب اكل اوكيه..وطلعت قبل ماتسمع رد اختها..
دخلت غرفتها الفخمه جدا..هديه من جدها اللي صممت خصيصا لها بايطاليا..
دخلت تاخذ شور سريع..طلعت وهي تنفض شعرها..طلعت الاستشوار ونشفته بسرعه لبست بيجامه حرير وفوقه روب وقبل لاتطلع اخذت التلفون ودقت على المطبخ يجيبون لهم عشاء..وراحت لغرفة عاليه..
غيوض:علووشه..علوووشه
عاليه:تعالي انا بالبرنده..
غيوض:فتحت الستاره..وطلعت لاختها اللي جالسه بالارض..
عاليه:قلتيلهم يجيبون عشاء
غيوض:ايه..جلست بجنبها..طلعت الباكيت وسحبة سيجاره..ولعتها وصارت تنفخ بقوه
عاليه:مدت ايدها واخذت سيجاره وحطتها بفمها
غيوض:ههههههه
عاليه:بدون ماتلتفت لها..شاللي يضحك
غيوض:نفخت..وصارت تطالع بالسيجاره..تصدقين انا تعرفت على وحده تدخن..كنت انصحها وشوي شوي صرت انا ادخن..وانتي صجيتيني حرام وحرام ومضر واخرتها تدخنين
عاليه:انا ماسوي شي حرام..انا بس ابي اشوف هي تولع ولا لأ
غيوض:وشلون تولع وانتي ماولعتيها يالذكيه
عاليه:من النار اللي بداخلي..عفطت السيجاره بايدها ورمتها
غيوض:سحبت نفس..انقهرتي علشان طلعوك بدون مايسووله شيء..
عاليه:ههه ضحكتيني انتي على بالك يسوون له شيء..يماما انا بنته وله الحق يسوي فيني اللي يبي..
غيوض:فعلا شيء يقهر..طيب ليش ماتهربين وتروحين لامك
عاليه:امي...تصدقين بديت احقد عليها ..دامها ناويه الطلاق ليش جابتني..بتحس بالامومه..وتعذبني
غيوض:سحبت دخان ونفخت..ابوي ليه يسوي كذا؟؟
عاليه:التفتت عليها..من حبه لامي..
غيوض:طفت السيجاره بالارض..يحب امك!!
عاليه:ايه يحبها وينتقم منها فيني..على باله اني اكبر همها ونسى انها انشغلت بعيالها..
اللي تسمينه ابو يموت على امي وانا اللي دايما اذكره فيها فيفضي شحنة الغضب فيني..حتى امك بالبدايه علاقتي معها عاديه ماتحبني ولا تكرهني..بس يوم اكتشفت ان زوجها العزيز الى الان يحب زوجته الاولى صارت تكرهني ..
غيوض:طيب ليه طلقها؟؟
عاليه:ماادري بس اللي اعرفه انها طلبت الطلاق و غصبن عليه طلق..وانا الضحيه..
غيوض:مددت رجلينها بالارض..ياخي اللي مو مستعد يصير ابو لا يتزوج..تدرين انتي لو جدي يحبك بتنحل كل مشاكلك..
عاليه:يحبني وانا مصدر تعاسة بنته..يووه شلون نسينا نوال
غيوض:ليه شفيها بعد؟؟
عاليه:اليوم زواج حبيب القلب..
غيوض:بالله..بروح ادق اشوف شسوت..
عاليه:قامت مع اختها مو راده عليك تلقينها مشغوله..
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 6:49 pm


قصر ابو فيصل
بعد مارجعو من صلاة المغرب
مجتمعين بالدكه ويتناقشون بمواضيع عامه..
خالد:لابس بنطلون جنز وتيشرت ابيض نص كم..وناصر بحضنه..انا مادري شمعجبك فيه يبه..والله احسن مافيه انه جاب هالبطل..ويحب راس ناصر
ابوفيصل:ليتك بس تجي ربعه..
خالد:بسمالله علي لا تفاول يبه
ابوفيصل:خاالد اعقل
سليمان:عمي ماعليك منه..فيصل شكلك دايخ
فيصل:فرك عينه بيده..ايه والله بس احتري صلاة العشاء..
ابوفيصل:والعشاء؟؟نبي نتعشى جميع..
فيصل:عجلو فيه والله يبه ان راسي صاكن ويدور الفراش
خالد:اقول طال عمرك جدتي مهي ناويه تزورنا؟؟
ابوفيصل:الاسبوع الجاي انشاءالله بروح واجيبها..هي ماتجي الا بطلبات وترجي
خالد:طق على صدره..خلاص ازهله يبه انا اجيبه
سليمان:كل هذا علشان تسافر ترانا عارفين حركاتك..
خالد:وهو يتوعد سليمان بقلبه..ماقصدي بس مابي اتعب ابوي ياكونان
سليمان:طير عيونه على خالد
خالد:هههههه ونزل ناصر من حضنه..والله اللي يدق الباب وش يسوي ياناصر
ناصر:بصوت عالي..يسمع الجوااااااااب
خالد:عفيه على البطل..سمعو المؤذن يذن لصلاة العشاء
الله اكبر الله اكبر
الله اكبر الله اكبر
اشهد ان لا اله الا الله
اشهد ان لا اله الا الله
اشهد ان محمد رسول الله
اشهد ان محمد رسول الله
حي على الصلاة حي على الصلاة
حي على الفلاح حي على الفلاح
الله اكبر الله اكبر
لا اله الا الله
وبعد مارددو وراه
اللهم رب هذه الدعوة التامه والصلاة القائمه ات محمدالوسيلة والفضيله
وابعثه اللهم مقاما محمودا..انك لا تخلف الميعاد..
ابو فيصل:انا سابقكم على المسجد..اخذ شماغه اللي على المركى وراح
فيصل:تمغط وهو يتثاوب
خالد:سد حلقك
سليمان:والله انت يالتعبان اللي تسد حلقك..اثرك مو رجال ولا عند كلمتك
خالد:ههههههه
سليمان:ضحكت بليا سنون..ولا بس فاضي تبلع وتنسى العهود..وياخذ علبة الباسكن اللي اكلها خالد ويرميها على وجهه
خالد:هههه والله امززززح بس شسوي فيك رفعت ضغطي
فيصل:شفيك عليه<<يكلم سليمان
سليمان:والله ياخويلد ان جبت طاري والله لاوريك
خالد:لحوول شكل السالفه اللي بينكم قويه..علمنا يمكن افزع معك..تراني ضد المرأه وقانوني للرجال فقط
سليمان:قام ومد يده لناصر..قوم يابطل..
خالد:افا سليمان من كل عقلك زعلان..وقام مسك ناصر ..اترك ولدي
سليمان:ياخي تبي ولد اعرس
خالد:علشان اصير زيك..انا يكفيني ناصر..وسبقهم على المسجد ومعه ناصر


بالمطبخ..
سلمى تطبخ العشاء..مسويه مرقوق ومحشي كوسه وسلطه يونانيه وسلطة جرجير
وورق عنب..
عبير:واقفه عند طاولة التحضير ولابسه تنوره جنز وتيشرت وردي ناعم من زارا..امممم اااه يازين طبخك ياسلووومتي
ليلى:لابسه طقم كامل شيفون انيق..اي والله فنانه سلمى وتاخذ ورقة عنب وتبلعها
عبير:تقلد صوت ليلى..اي والله فنانه..ليه ماطلعتي عليها
ليلى:والله كل انسان وله هوايه..رن جوالها وحمر وجهها وطلعت
عبير:والله مو مخربها الا هالناصر
سلمى:حاسدتها ..بدى شغل الحماوات..
عبير:ايه بدى لازم اسنعكم مابي حريم اخواني رفل..
سلمى:نشوفك بكره اذا تزوجتي
عبير:تنكدت من الطاري...بترجعين اليوم لبيتك ولا تنامين هنا
سلمى:لا بنام هنا..تعبانه شوي
عبير:ماحبت تدخل..احسن اصلا خالتي مو موجوده والمفروض انتي او ليلى تجلسون بالبيت
ليلى:رجعت وهي مبسوطه..لايكون حشيتو فيني..وتاخذ ورق عنب وتبلعه
عبير:هي انتي خلصتيه ..متوحمه فييه؟؟
ليلى:شكلي..ناصر يسلم عليك..
عبير:الله يسلمك ويسلمه..باين هالفرحه وش قايلك هالمره؟؟
ليلى:يقول مسويلي مفاجئه..
عبير:تراه يخرع هو ومفاجئاته..وضربت يد ليلى ..يكفي بلع
ليلى:عبيرووه وخري عني..وتاخذ حبه وتبلع..


*****************************************
****************************8


بعد ماخلصو صلاه
بطريقهم راجعين..ابو فيصل وخالد وناصر قدامهم يمشون
وسليمان وفيصل وراهم بمسافه..
فيصل:ايه باين عليها انها زعلانه..الله يهديك
سليمان:عاد انا ابيك تفزع معي اذا تأزمت الامور
فيصل:ماعليك بقنعها ترجع معك...انا اعرف سلمى
سليمان:الله كريم..ماقلتلك شصار اليوم..
فيصل:شصار؟؟
سليمان:قال كل شيء لفيصل عن ابو محمد..
فيصل:وانا اقول شفيه ابوي كل خمس دقايق متصل يتطمن علي..
سليمان:ترى ماقلت لحد ولاحنا بقايلين ..بس انت اللي قلتله علشان تاخذ الحرص
فيصل:مايقدر يسوي شيء وعناد فيه بتزوج بهالعطله
سليمان:تراه متهور ويسوي اي شيء..انت احتاط..ودخلو للبيت

رجعو جلسو بالدكه اللي محاوطها الياسمين وملكة الليل..
روائح منعشه تريح اعصابهم وتحلي الجلسه..
ابوفيصل:ناصر قل لامك تحط العشاء
ناصر:طيب جدي
سليمان:وشو طيب..قول تامر جدي
ناصر:تامر جدي..ودخل للبيت
فيصل:انا ابي منك شغله ياسليمان..وغمز له..قوم معي
خالد:وين رايحين
سليمان:تسمعه يقول يبيني بموضوع خاص ..انت ليه ملقوف..وقام مع فيصل..دخلو داخل
وعند باب المطبخ
فيصل:يااولد
سلمى:مشغوله تحط العشاء..حيااك مافي احد
فيصل:دخل..واشر لسليمان يدخل لان ليلى مو فيه..
سلمى:لابسه جلابيه ليمونيه نااعمه ورافعه شعرها الاسود بكلبس ومو حاطه اي شيء على وجهها..معطيتهم ظهرها..هافيصل سمعت انك جوعان
فيصل:تقدم واخذ ورق عنب وبلعها..الا فاطس هلكان جوع..الله يازين طبختس ياسلمى هذي المره ولا بلاش
سلمى:وتاخذ ملعقه سلطه وتأكلها فيصل..ها حلوو
فيصل:يمي يمي..ليلى وينهي
سلمى:هههه ليلى حاشرتها عبير تقول خلصت ورق العنب..
فيصل:طيب عجلو بالعشى ترى فطست جوع
سلمى:التفتت على ورى تبي تشوف اللي على النار وطاحت عيونها عليه..
سليمان:ابتسم..شلون حلوتي اليوم
سلمى:طالعت بفيصل..ماحبت تبين له انهم زعلانين..بخير وانت شلونك
سليمان:ابتسم لها ..وغمز لها انتي تدرين وشلوني..
سلمى:ارتبكت وخصوصا ان فيصل موجود صحيح لاهي يبلع بس يسمع وهي تبي تأدب سليمان بطريقتها..علشان مره ثانيه مايفكر يغلط معها..سوت نفسها مشغوله بالتحضير وطنشته
فيصل:طلع بدون ماتنتبه..
سليمان:قرب منها وحط يدينه على كتوفها..زعلانه
سلمى:التفتت عليه ..طالعت حواليها مالقت فيصل..رمت ملعقة الغرف على الطاوله واشرت للشغاله تكمل شغلها..وطلعت برى المطبخ..
سليمان:زفر..ورجع للدكه..
دخلت على البنات ووجهها احمر..
عبير:جتنا الثانيه..شفتي سليمان
سلمى:لأ ماشفته شفت فيصل..قالتها وهي معصبه
عبير:حمر وجهها
ليلى:هههههه..
عبير:استانست ليلوه..
ليلى:وليه مااستانس..واشرت لها تسكت لان سلمى باين عليها معصبه واحتمال كبير تتهور وتذبحهم..



بعد العشاء
ابوفيصل وفيصل نامو
وخالد وسليمان سهرانين بالدكه
سليمان:طالع بساعته..خالد ماوراك دوام؟؟
خالد:الا..بس تونا
سليمان:اي تونا الله يهديك يالله خل نرجع للبيت
خالد:بتنام عندنا؟؟
سليمان:ايه وش يوديني للبيت وسلمى هنا
خالد:شرايك اجل دامك زعلان علي ننام هنا وبالمره تراضي الزعلانه
سليمان:والله جبتها..وحب راس خالد..يسلم هالراس
خالد:علشان تعرف اني ابي مصلحتك..قوووم داخل
خالد دخل على طول ومالقى احد تحت..
خالد:سليمان اددخل مافيه احد
سليمان:غريبه ام لسان وينهي
خالد:تلقاها مع ظلها ليلى..امش فوق
طلعو للدور الثاني..
خالد:لحضه بدخل اشوف اذا فيه احد معها
دخل ومالقى الا سلمى منسدحه على السرير وحاطه يدها على عيونها ومو متغطيه
اشرله يدخل وطلع..

سليمان:دخل وسكر الباب بشويش..مشى بهدوء سحب الحاف وغطاها وراح للمعلاق وفصخ ثوبه وعلق شماغه..
سلمى:تشوفه بس سوت نفسها نايمه..
سليمان:دخل يتوضى ويصلي ركعتين زي ماهو متعود قبل لا ينام..



كان بيدخل غرفته بس سمع اصوات ضحك وقرر يدخل
شتسووون
عبير:بسم الله مره ثانيه استأذن
خالد:وش مخوفك مامن احد غريب انا اخوك وفيصل زوجك وابوي عمك..
عبير:كشرت بوجهه..تصدق انك ثقيل دم
ليلى:خالد متى نروح ترى جانا النوم
خالد:نامو هنا
عبير:لاوالله
خالد:اي والله ..وطلع
ليلى:تصدقين عاد راسي معوورني وابي انام..
عبير:اوماي قاد انا وين اروح ابي انام ومستحيل انام عندك انتي تكفخين الواحد
ليلى:انزلي ونامي بغرفة الضيوف..ولا روحي لغرفة محمد..
عبير:تثاوبت ..لابروح لغرفة محمد ,,تصبحين على خير..وطلعت..دخلت غرفة محمد..وقفت لين تتعود على الظلام..مشت لين وصلت الاباجوره اللي بجنب السرير وشغلتها..هههه ياحليلك يامحمد والله لو تدري اني نمت بسريرك لايطير عقلك..رجعت وقفلت الباب..كانت بتنام بس متضايقه من لبسها راحت لغرفة ملابس محمد..فتحته ودورتلها بجامه ولبستها..هههه لا محمد اذا درى مو يطير عقله الا تجيه جلطه ويمكن تودي بحياته..رجعت للغرفه وحبت تستكشف المكان..عبير تدخل غرفة وماتفتش مستحييل..صارت تدور بالادراج وطلعت البوم صور ..تفرجت على صورهم وهم صغار وكل صوره تضحك من قلب..سكرته واتجهت لمكتبه فتحت الادراج ولقت كتب المدرسه..ياحليلك ياحميدان مايرمي كتبه..الله يخلف علي اول مايخلص الاختبار ارميه ولا يهمني..وش عندك بعد ياحميدان..اووو شهالدفتر الكشخه..شكله دفتر خواطر او مذكرات..وافتحت اول صفحه..وبدت تقرى.


-----------


في قاعة متوسطه من قاعات الرياض
ترقص ومستمتعه بالرقص..
وتوزع ابتسامات..اللي يعرفها بس هو اللي يدري انه ناويه على شيء..
جلست على الطاوله المخصصه لهم واشربت كاس المويه..
شيخه:اليوم شعندك ماخليتي اغنيه مارقصتي عليها..
نوال:حراام؟؟..ودي اروح للمرايه بعدل مكياجي وشعري..
شيخه:مايحتاج كلوه حلوووو..
نوال لابسه فستان ذهبي مطرز بتطريزهندي باللون الذهبي ورافعه شعرها البني...نوال حلووه عيونها بنيه بس صغيره خشمها صغير وشفايفها صغيره ملامحها اجنبيه..شعرها متوسط الطول ولونه بني..ماتحضر زواج الا تكون النجمه...)
نوال:لا بروح...اخذت شنطتها الذهبيه وراحت للمكان اللي تبيه..شافت الكل منشغل استغلت الوضع..راحت لدفتر ذكريات العروس وابتسمت وهي تكتب..ودقايق خلصت..كانت تبي الصوره(صورة العروس اللي بالاستقبال) بس ماقدرت المشرفه موجوده... وراحت للمرايه وعلى وجهها ابتسامه خبيثه...جلست على الكراسي اللي عند الاستقبال..شافت ام العروس تتفاهم مع المشرفه وبعدين نزلو الستار ودخلت ام العروس للقاعه والمشرفه طلعت للعروس...هذا الوقت المناسب..مسكت شنطتها وطلعت على الدرج بخفه..فتحت شنطتها وطلعت سبلاش(بخاخ للعطر)..فكتها وبدت من ثالث درجه من فوق وكبت الزيت.."(كانت حاطه بدل العطر زيت)لين وصلت لاخر درجه..دخلت زجاجة العطر بالشنطه..ورجعت للكراسي اللي عند الاستقبال..مع اني اتمنى حسين هو اللي يتكسر..بس يالله العوض ولا القطيعه..سمعت نداء الطقاقه ان الزفه بتبدى..راحت تاخذ عبايتها..وقبل لا تدخل القاعه..الله يستر ماتنزل من الدرج الثاني ويروح شغلي على الفاضي...ليتني حطيت فيه...دخلت للقاعه وجلست جنب اختها..
وتنتظر الاحداث...
ثواني وبدت الزفه..وطلعت العروس والكل يدعي لها بالتوفيق..
نوال:يوووه نزلت مع الدرج الثاني شوفو القهرررر...
جلست العروس بالمكان المخصص وسلمو عليها اقاربها..وبعد مده اعلنو ان العريس بيدخل..انتظرو وانتظروو بس مادخل..وشوي شافو فاديه تتجه لام العروس وبدت الطقاقه تغني استعدادا لوداع العروس...
الحضور استغرب وين العريس اللي بيدخل..وبدى الكلام..
شيخه:وشفيه مادخل لا يكون هون؟؟
نوال:انشاء الله اللي ببالي تحقق..
شيخه:انتي ماقلتي انك ماتبينه؟؟؟
نوال:مو معها كانت تفكر باللي صاير فيه..

وبنفس المكان

منصور اخو حسين)وشلون انزلق؟؟
فاديه:ماادري نزل مع الدرج ويمكن مانتبه..
منصور:روحي تأكدي اذا عنده احد..
فاديه:ماعنده احد بس انت عجل..وصلو له ولقوه جالس على الدرج ولا يقدر يتحرك..
منصور:سلامات ويمسك ايده..
حسين:شوي شوي احس اني منكسر...
منصور:نزل شماغه وعطاه اخته..وشال اخوه بعد ماساعده يفصخ البشت..فاديه دقي على وليد(اخوهم)خليه يجيب السياره بسررعه..
فاديه:دقيت وهو برى ينتظركم..طمني اول ماتوصلون..وراحو للمستشفى....رجعت للدرج..ولمسته..زييييت!!!!
------------------------------



الساعة ثلاث ونص اخر الليل..

قصر ابو فيصل
غرفة سلمى
جاه اتصال من ناصر واستغرب..رد عليه وهو يحاول يفتح عيونه
لانه كان بنوم عمييق ..
سليمان:الوو
ناصر:سليمان هو سؤال واحد وابيك ترد علي
سليمان:رفع نفسه من السرير ..ناصر شفيك؟؟
ناصر:قبل ابيك تحلف تقول الصدق
سليمان:عصب..خابرن اكذب؟؟وهنا قامت سلمى
ناصر:محمد جاكم اليوم وتهاوشت معه
سليمان:ايه..شدراك؟؟؟
ناصر:وليه؟؟
سليمان:سالفه اذا جيت اقولك؟؟بس انت شدراك؟؟
ناصر:الحين تقوولي علشان ايش تهاوشتو..كان باين عليه انه معصب..
سليمان:تنهد..علشان عبير..الوووو..ناصر..الووووووو
ونزل الجوال وهو مستغرب
سلمى:نست الزعل من الخوف..شصاير؟؟
سليمان:طالع فيها..مااادري..هز راسه...غريبه شدراه بسالفة محمد؟؟
سلمى:سليمان شكل المكالمه اقلقتك..من مين؟؟ووش فيها عبير؟؟
سليمان:من ناصر..اتركك من ناصر الحين بكره اعرف شيبي..خلينا بالمهم..سلومه انا اسف..
سلمى:صدت عنه..تصبح على خير..
سليمان:سلمى
سلمى:____
سليمان:سلمى تدرين اني اكره هالحركه فلا تنرفزيني..
سلمى:وهي مغمضه عيونها..والله انا وحده ماغصبتك تتكلم معي ولا ابي اساسا اسمع منك شيء..
سليمان:الى متى يعني؟؟
سلمى:والله منت مجبور تنتظر..طلقني وافتك مني وعيش حيااتك..
سليمان:من قلبك هالكلام..
سلمى:ايه..
سليمان:طيب ليه تقولينها وانتي صاده عني..طالعيني وقوليها..
سلمى:فتحت عيونها والتفتت عليه بعد مارفعت نفسها ..منت مجبور تنتظر..
سليمان:الا مجبوور..
سلمى:وش اللي حادك؟؟صدقني مو زعلانه..وبنكون اصدقاء ..وانت تزوج اللي تسعدك ..
سليمان:تنهد..انتي تدرين انك تعذبيني بهالكلام..
سلمى:انت اللي طلبت مني اتكلم..طلقني ومابتسمع هالكلام
سليمان:عصب ومسك ايدها وضغط عليها..طلاااق مو مطلق لو تحبيين رجووولي فاهمه
سلمى:سحبت ايدها منه بقوه وصدت للجهه الثانيه وسكرت عيونها..وتحس بالانتصار..توك ماشفت شيء ياسليمان..
سليمان:وانتي من اهله..بس بكره بنتفااااهم ..وحط راسه ونام..


في غرفة ليلى..

رن جوالهاالي حاطته على الكومندينه اللي بجنبها..مدت يدها من تحت الحاف وخذته وردت
الووووو
ناصر:الووووو
ليلى:بعدت الحاف عن وجهها..حبيبي نايمه ادق عليك اذا قمت
ناصر:عمرك ماقمتي..شيلي قشك واطلعي برى البيت
ليلى:صحصحت من النوم..هلا ناصر ماسمعتك ..شتقول
ناصر:اقووول انقلعي برى البيت وانتي طااااااالق
ليلى:بدى صدرها يعلو ويهبط..ايش ..قالتها وهي ترجف
ناصر:طاااااااااااالق طااالق طالق ..

قراءه ممتعه
(سبحانك اللهم وبحمدك اشهد ان لا اله انت استغفرك اللهم واتوب اليك
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 6:51 pm

(الجزء الحادي عشر)

(فلسفات انثويه...)




في غرفة ليلى..

رن جوالهاالي حاطته على الكومندينه اللي بجنبها..مدت يدها من تحت الحاف وخذته وردت
الووووو
ناصر:الووووو
ليلى:بعدت الحاف عن وجهها..حبيبي نايمه ادق عليك اذا قمت
ناصر:عمرك ماقمتي..شيلي قشك واطلعي برى البيت
ليلى:صحصحت من النوم..هلا ناصر ماسمعتك ..شتقول
ناصر:اقووول انقلعي برى البيت وانتي طااااااالق
ليلى:بدى صدرها يعلو ويهبط..ايش ..قالتها وهي ترجف
ناصر:طاااااااااااالق طااالق طالق ..وبدى تدريجيا يختفي صوته..
ليلى:بتردد..انت ن..نا..ناصر..قالتها بصعوبه
ناصر:وبدى يتكلم بالم..يعني تعرفين غيري..تطمني.. انا الغبي انا المغفل صح؟؟
ليلى:انت صاحي ولا سكران؟؟؟
ناصر:انا اصحى منك ياحقييييييره..وتوك ماشفتي شيء هي كلها يومين يالوصخه وبتعرفين شبسوي...طووووووووووووووط
ليلى:الوووو..الوووووووووو..طالعت بالجوال..انا بحلم ولا علم..ناصر طلقني.
قامت وهي تحس انها بأي لحضه ممكن تطيح..تماسكت لين وصلت دورة المياه..فتحت المغسله وبدت تغسل وجهها..مره ومرتين وثلاث..سكرت المويه ورفعت راسها تطالع المرايه..ناصر طلقني..
تناولت فوطه وبدت تنشف وجهها..طلعت ورمت الفوطه بالارض..جلست على الاريكه وتحاول تستوعب الموقف..بدت انفاسها تتسارع..حطت يدها على صدرها وكأنها تهدي نفسها..
وبعد دقايق..قامت توضت ..لبست شرشف الصلاة وفرشت سجادتها..
وصلت ركعتين..سلمت ورفعت يدينها لله

اللهم اني امتك ابنةعبدك ابنة امتك ناصيتي بيدك
ماض في حكمك عدل في قضاؤك
اسالك بكل اسم هو لك سميت به نفسك
او انزلته في كتابك او علمته احدا من خلقك
او استأثرت به في علم الغيب عندك
ان تجعل القران نور صدري
وربيع قلبي وجلاء حزني وذهاب همي..
<<فضله:الا اذهب الله همه وابدله مكان حزنه فرحا..قالو يارسول الله
ينبغي لنا ان تعلم هؤلاءالكلمات قال((اجل ينبغي لمن سمعهن ان يتعلمهن))

ياحي ياقيوم برحمتك استغيث لا تكلني الى نفسي طرفة عين واصلح لي شأني كله..

اللهم اني اسألك الخير كله عاجله واجله ماعلمت منه ومالم اعلم واعوذ بك من الشر كله عاجله واجله ظاهره وباطنه ماعلمت منه ومالم اعلم..

تنهدت..حاسه ان اللي صار حلم..ليش لأ اكيد كنت احلم..لمعت براسها فكره..
قامت من سجادتها واتجهت للسرير واجلست عليه وهي لابسه الشرشف..مسكت الجوال وتمت تطالع فيه..قررت تدق..انتظرت وانتظرت لين جاها صوته..تبي تتكلم تبي تقول الو..بس ماقدرت حلقها نشف ويدينها ترجف..
ليلى:....
ناصر:.....
ليلى:خافت انه يسكر..وبصوت مخنوق ويااالله ينسمع..ناصر
ناصر:....زفر انتي لك وجه تتصلين؟؟
ليلى:تبي تبكي..بس دموعها مو راضيه..تحس بالاختناق..وبكل صعوبه قدرت تتكلم..ليش.؟
ناصر:وتسألين يا___تسأليييين
ليلى:انا اسأل ليش؟؟من حقي اعرف..
ناصر:انا ماارد على وحده زيك..وسكر بوجهها
ليلى:رمت الجوال..وجهها ويدينها بدو يعرقون..فصخت الشرشف..وطلعت للبلكونه..تبي تتنفس ..ياناس ابي هواااا...ابي ابكي بس ليييش مو قادره لييش..


في نفس الوقت بغرفة محمد
سكرت دفتر مذكراته ورجعته لمكانه..انسدحت على السرير ..وتحررت دمعه حاره على خدها..
عبير:هذي معالم حياتي معك يافيصل انرسمت..تحب ميساء وتنتقم منها فيني..ليش انا بالذات..ضايق خلقك لانك الى الان مو قادر تنساها..والكل عارف الا انا..خالد ليش كذب ..ليش قال ان فيصل مايبي ميساء؟؟..رفعت راسها وضمت رجولها..ودفنت راسها فيهم..كله منك يامؤيد لو خطبتني قبله كان الحين انا لك..فيصل خرب حياته وخرب حياتي معه..
وفيصل وش سوتله ميساء ؟؟ياربي وش اسوي اقولهم خلاص ماابيه..ياربي ساعدني..



اذان الفجر

الله اكبر الله اكبر
الله اكبر الله اكبر
اشهد ان لا اله الا الله
اشهد ان لا اله الا الله
اشهد ان محمد رسول الله
اشهد ان محمد رسول الله
حي على الصلاة حي على الصلاة
حي على الفلاح حي على الفلاح
الله اكبر الله اكبر
لا اله الا الله
وبعد مارددو وراه



ليلى..
سمعت اصوات المؤذنين وبدت تردد وراهم ..وبدت ترتاح شوي..ضمت يدينها لها وتحس برجفه غريبه..دخلت داخل علشان تصلي..صلت ركعتين قبل الفجر وبعدين صلاة الفجر..قرت الاذكار اليوميه..انسدحت على سجادتها ومادرت الا وهي نايمه..




الصباح
الساعه ثمان

غرفة سلمى..
رفعت نفسها من السرير وهي تتثاوب..لفت لجهته وكتمت ضحكتها على شكله..مسكين ماقدر ينام الا بعد مارجع من المسجد..ونايم وباين على وجهه انه متضايق ومعصب..
قامت من السرير بهدوء ودخلت تاخذ شور بارد ينعشها..لبست جلابيه بيت بالوان صيفيه منعشه..رفعت شعرها بكلبس وحطت قلوس مشمشي..بخت عطرها مس ديور ونزلت تشوف الفطور..
جهزت الفطور لعيالها وفطرتهم..وبدت تجهز الفطور لابوها واخوانها وزوجها..حطت ابريق الحليب وهي تسمع صوت ابوها وهو نازل من الدرج وينادي على ناصر..
سلمى:بصوت عالي..صباح الخير يبه..
دخل عليها بالمطبخ..
ابوفيصل:صباح النور يانورالبيت..عسى انتي اللي مجهزه الفطور
سلمى:ايه وثواني وهو جاهز..
ابوفيصل:ونصوري وينه؟؟ انادي عليه مايرد
سلمى:نصوري برى يلعب مع سديم بالحديقه..
ابوفيصل:اباخذه معي للشركه..وطلع للحديقه..
قالت للشغالات يحطون الفطور بالحديقه تغيير جو..
وطلعت تقوم اخوانها..
اول ماطلعت للدور الثاني قابلها فيصل
سلمى:ياعيني على النشاط ياحظ اللي بتاخذك عزالله مو غاثها بالقعده
فيصل:وياحظها بس علشان كذا..وغمز لها بالله انا مو حلو..
سلمى:الا تاخذ العقل..انزل تحت للحديقه نبي نفطر فيها جمييعا..
فيصل:ولو اني مستعجل بس ولا يهمك نتأخر علشان سلومتنا ومسك خدها وقرصه..
سلمى:انشاء بس يعجبك فطوري ..قالتها وهي تمشي لغرفة خالد..
فتحت الغرفه على طول ودرعمت على الستاير وفتحتها فجأه وطفت التكييف وسحبت الحاف..
وصرخت..خاااااااااالد
خالد:نقز على طول..شصاير منهو مين؟؟
سلمى:هههههههههه وجلست بالارض من الضحك
خالد:رمى المخده عليها...عز الله مايسوي هالحركات البايخه الا انتي..وقام يقرى على نفسه
سلمى:مسحت دموعها..انت ماتقوم الا كذا..
خالد:والله لو مانتي حامل كان شلتتس ورميتتس مع هالدريشه بس ماابي احط بذمتي روحين..
جاهم صوته..
والله اللي بايعن عمره يقرب من سلومتي..
خالد:التفت عليه..والله مااردى منها الا انت..قام ودخل ياخذ له شور
قامت من مكانها تبي تطلع وهو واقف عند الباب..
سليمان:سد الباب بيده..ابتسم..صباح الخير..
سلمى:ببرود..صباح النور..بروح اقوم عبير وليلى..واشرتله بعينها يعني وخر
سليمان:مسك ايدها..ليش ماقومتيني؟؟
سلمى:ابيك تتعود تقوم لحالك..وطالعت فيه بتحدي..مصيرنا بنفترق..وابتسمت..
سليمان:ترك ايدها ونزل
سلمى:وهي تشوفه ينزل..ياحليلك ياقلبي انت اصبر وبتشوف شبسوي فيك..
راحت لغرفة ليلى..طقت الباب بس مافتحت ولا ردت..تركتها ونزلت..



قصر ابوشيخه..
من امس مانامت ..تتفرج على التلفزيون شكليا بس عقلها مو معاها..
عقلها عند حسين..تتخيل شكله مع عروسته..
نوال:هي حلوه بس انا احلى..وش فيها زود عني ياحسين؟؟علشاني مطلقه يعني..طيب انا مطلقه بالورق مثل مازواجي كان عالورق بس..ادري انك ماقصرت وخطبتني واهلي رفضوك بس بعد انا ضحيت وحافظت على نفسي وتطلقت علشانك..بس خذلتني..الحين بتستانس مع زوجتك وبتنسى ان فيه وحده بالدنيا اسمها نوال..تذكرت اشكال الحريم اللي يسألون عنها ولما تقولهم اني مطلقه يهربون..هههه ياحليلي عمري 23 سنه ومطلقه..هذا اللي تبينه يمه وهذا اللي تبيه يايبه..الحين بقعد طول عمري عندكم..اففف لوماعندي عيال عم كان الحين حياتي غير..كله من هالزفت زيادوه الشايب لومعرس وانا بالثانوي كان افتكيت منه..
مددت رجلينها على الكنب ونامت وهي تتابع التلفزيون..




قصر ابو جاسم..

طلعت من دورة المياه وتحس ببروده فضيعه..يافضيحتك ياغادة..الله يستر معقوله اكون حامل..ارتمت على السرير..وصارت تطقطق باصابعها بتوتر..لو طلعت حامل ابوي بيموت هذا اذا ماذبحني..نزلت دموعها تلقائيا..حاولت توقفها بس ماقدرت..ياربي سامحني يارب استر علي..تناولت الجوال بيدين مرتجفه ووجهها مليان دموع..ضغطت الرقم..مافي رد..
دقت مره ثانيه..رد ياعمادالكلب ردد رد الله يقلعك الله ينتقم منك..ومارد
رمت الجوال..غطت وجهها بيدينها وراحت بنوبة بكاء..





الظهر..
الشرقيه..
عند قلوب امتلأت بالحقد وتربت عليه..عند السنه ظلمت اناسا لمجرد الكره..
في قصر ابو محمد..
مجتمعين بعد الوليمه الدسمه اللي اقامها ابومحمد لاخته فضه..في مجلس كلاسيكي..
حطت الشغاله الشاي على الطاوله وطلعت..قامت ام محمد واخذت كاستين وصبتهم لابومحمد وفضه وقدمتها لهم..
ابومحمد:تناول الكاسه منها..انتي وشفيتج ماده البوز
فضة:طول عمرها وهذا شكلها..لو تطيعني اعرس عليها اللي تبتسم لك بكل وقت..
ام محمد:فضه رجاء مابي اسمع صوتج مايكفي اللي سويتيه حسبي الله عليج من مره..انتي ماتخافين ربج..ماعندج بنات..قاطعها
ام محمد:بس بس سكتي وخلينا الطيبه لج نشوف شنفعتج فيه..
ام محمد:بس يابو محمد والله اللي سويتوه حرااام حراام
ابومحمد:ام محمد ياتنقطينا بسكوتج ولا فااارقي..
فضه:ويفضل تفارقين..
ام محمد:اكيد بفارق انا مااقعد مع وحده حقود وظالمه..وتركتهم
ابومحمد:لاتزعلين منها تراها طيبه
فضة:الا حيه من تحت التبن..وتشرب كاستها..



قصر ابو فيصل
قامت على صوت جوالها يرن..تمغطت..
ليلى:اخخخ ياظهري شفيني نمت على السجاده..قامت وهي تحس بدوخه بسيطه..اخذت الجوال وردت..الو
غدير:هلا ليلى..نايمه
ليلى:لا صاحيه خير شبغيتي
غدير:وتقلد صوتها..خير شبغيتي..مالت على العدو عليك اسلوب..المهم تعالي بعد صلاة العصر ميساء بتجيني وبصراحه ابيكم معاي خاايفه..
ليلى:بتطلعيله..وجلست على السرير
غدير:لا بتفرج عليه..شرايك يعني اقولك ملكه يعني طبيعي اطلعله
ليلى:مو شرط هذا حنا نملك ونتزوج وبدون مانشوف بعض..يعني مثل اللي مدخل ايده بحفره مايدري شيطلعله..
غدير:طيب مدام فلسفه لا تتأخرين..
ليلى:خلاص قبل المغرب بجي..
غدير:مع السلامه
ليلى:حطت جوالها على الكومندينه..وانا دخلت ايدي ياغدير وطلعلي ناصر..الله يوفقك ولايرزقك بواحد مثل ناصر..حست باختناق تبي تبكي بس دموعها مو راضيه تنزل..قامت من سريرها وصارت تمشي بشويش فصخت شرشف الصلاة وحطته مع السجاده بالصندوق ودخلت تاخذ شور..




قصرابو فهد..
جالسين بغرفة ريم وقاعدين يلعبون مع التوأم..
ريم:ميساء شتلبسين اليوم؟؟
ميساء:سرررر..اذا خلصت كل شيء اجيك واخذ رايك..
ام فهد:دخلت وبيدها رضاعه..مسكت احد هالتوأم وحطته بحضنها ورضعته..
ميساء:اقول ريم شرايك اقص شعري..
ام فهد:خليه يطول انتي دايما تقصينه..
ميساء:يمه مو حلو علي الطوييل شوفي اطرافه تتقصف وقلييل..
ريم:طيب قصيه كوكتيل بيطلع عليك حلوو
ميساء:وشو بعد هذي؟؟منين جبتيها؟؟
ريم:ههه اول مره تسمعينها..
ميساء:ايوا بحياتي ماسمعت فيها..طيب حلوه ولا تبين تخربين شكلي..
ريم:وليه اخربه؟؟
ميساء:من الغيره اكيد
ريم:عشتو انا اغار ..يممممه
ام فهد:خافت عليها..شفيييك؟؟
ريم:لا لا بس حسبت بطني انفتح..كله من ميساء تعصبني والتعصيب مو زين
ميساء:انااااا
ام فهد:ميساء قومي شوفي الكوفيره ليش تأخرت الحين بيذن العصر قووومي
ميساء:طيب انشاء الله يمه..قامت وهي تتوعد ريم..





قصر ابو مؤيد..
حطت الدله على الطاوله وبدت تقهوي زوجها وولدها حسام بعد مارجعو من صلاة العصر
ابومؤيد:تسلمين واخذ الفنجال..اجلسي وخلي حسام يقهوينا..
ام حسام:مدت الدله لولدها..وجلست جنب زوجها..اقول مافاتحت مؤيد بالموضوع
حسام:صب لنفسه وجلس وبيده الدله واليد الثانيه يشرب القهوه..وش موضوعه يمه؟؟
ابومؤيد:نبي نزوج مؤيد..
حسام:ومشاءالله من تبون تناسبون؟؟وقام ياخذ الفنجال من ابوه
ام حسام:بخطبله بنتي عاليه..
حسام:طلعت عيونه..تمزحوون
ام حسام:وليه شفيها عاليه؟؟
حسام:مااقصد عاليه اقصد ابوها الحقيير..اكيد مو موافق..
ابومؤيد:حنا نحاول وامرنا لله..
ام حسام:ابومؤيد انا ابي بنتي تعيش عندي ومؤيد مولاقي احسن منها
ابومؤيد:داري يابنت الناس بس انتي تعرفين ابوها..
ام حسام:حاول معه..علشان خاطري سوي اللي يبيه..
حسام:يمه الله يهديك ابوي مو مقصر...
ام حسام:داريه بس والله من الحرقه اللي بقلبي..
حسام:فار دمه..نزل الدله وطلع..
ابومؤيد:شفيه عصب..
ام حسام:انا ادري عن ولدك المزاجي..

ركب سيارته وعرق بجبهته بيطلع من التعصيب..الى متى وحنا ساكتين لهالظاالم..والله لاخذها واعلى مابخيييله يركبه..
وقف عند باب بيتهم ونزل ودخله البواب للمجلس وفهمه ان ابو صالح مو موجود..
طلب منه يقابل اي احد ضروري..
رن تلفون البيت وردت الشغاله..
البواب:مدام ام صالح فيه
الشغاله:لأ
البواب:هنا فيه نفر كلام لازم فيه كلام احد
الشغاله:اوكيه انا كلام غيوض
سكرت من عنده وراحت لغيوض..طقت الباب..
غيوض:اففف..مييين كانت نايمه
الشغاله:فيه واحد نفر تحت كلام يبي كلام انتا..
غيوض:قامت خايفه لايكون صار لجدي شيء..فزت من السرير وفتحت الباب بسرعه..مين؟؟
الشغاله:مافي معلوم..
غيوض:طيب الحين نازله..غسلت وجهها بسرعه ولبست عبايتها على بجامتها مافيه وقت وخذت طرحتها وشنطتها..تحسبا لاي طارئ..نزلت الدرجه بثلاث وطلعت على طول للمجلس الخارجي..
تحجبت بسرعه وتلثمت..مين ؟؟كان باين على صوتها الخوف..
حسام:انا حسام انتي عاليه؟؟
غيوض:تنهدت براحه وطالعت بالشنطه اللي بيدها وضحكت على افكارها كيف تفاولت على جدي..قطع افكارها صوته..
حسام:وين رحتي؟؟
غيوض:معاك ..اسفه كيفك حسام انا غيوض
حسام:هلا غيوض انا بخير..عاليه موجوده؟؟
غيوض:الحين بقومها وتجيك..رجعت مو مثل ماجات رجعت بنفسيه عاليه وروح فرحه..دخلت المصعد ..وانفتح على الدور الثاني ..دخلت لغرفة اختها..ولقتها قايمه..
عاليه:على وين لابسه عباتك..
غيوض:مو لمكان انتي الحين انزلي اخوك حسام تحت يبيك
عاليه:ياويلي الحين يجي هالظالم ..وبسرعه نزلت ونست انها لابسه بجامه برموده والحروق اللي برجلينها طالعه...
اول مادخلت عليه..تجمدت رجولها..ياااه شكثر اشتقتلك ياخووي..
حسام:اشتقتلك يالدبا وفتح يدينه
عاليه:بسرعه ارتمت عليه وبدت تبكي بألم..وتشهق..وترجع تبكي
حسام:رفع راسه لها..ومسح دموعها بيده..تدرين انك ماغبتي عن بالي لحظه وحده..وتدرين اني اكره شيء اشوفه دموعك..تكسرني دموعك ياعاليه تكسرني..
عاليه:دفنت وجهها بصدره ورجعت تبكي..حساام احبك
حسام:وانا اموت فيك..تعالي اجلسي
عاليه:رفعت راسها..لا لا الحين بيجي العقرب حسام الله يخليك روح..
حسام:لأ مورايح الا معك وبشوف وش بيسوي..عاليه بسرعه روحي البسي عباتك مافي وقت..بسرررعه
عاليه:ماردت بسرعه راحت..
حسام:انتبه للحروق اللي برجلها..اذا طلعو بيسألها..

دخلت غرفتها واخذت عباتها ولانتبهت لاختها..
غيوض:عاليه وين بتروحين؟؟
عاليه:وهي تلبس عباتها..بروح مع حسام..ولاعطتها مجال لانها بسرعه نزلت..
غيوض:هذي ماتتوب مايكفي اللي سوالها ابوي قبل..هي تبي تذبح نفسها..انا لازم امنعها..نزلت مثل البرق ولحقتها لبرى وهم بيركبون السياره..مسكتها مع ايدها..عاليه لاتتهورين نسيتي وش سوالك قبل..
عاليه:مسكت يد اختها وكأنها تهديها..غيوض انا غلطت ولاماغلطت هومعذبني معذبني..لاتخافين علي وش بيسوي اكثر من اللي سواه..ضمت اختها الله لايحرمني منك..
حسام:غيوض لاتخافين..اهم شيء لايدري اني اخذتها..
غيوض:تطمن..تركت اختها..ودخلت لداخل البيت..

في السياره..
حسام:عاليه وين تبين نروح قبل لاوديك لامي..
عاليه:ابتسمت بمراره من تحت الغطا..انا ابي اشوفك انت بس..واذا بتوديني لامي رجعني احسن..
حسام:مسك ايدها وشد عليها..اللي تبينه يصير..والحين عازمك على احلى كوفي شوب نشرب ومنها اخذ علومك..
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 6:52 pm



في خارج ارض الوطن..
بريطانيا..
الفندق:
ابوسليمان:لاماصدق ..انا اعرف اخوي والاعيبه..وعارفن بنت اخوي وتربيتها..
ناصر:يبه صدق انا سألت سليمان وماانكر..
ابوسليمان:مستحيل اقولك اناعارفن اخوي وبناته وعارفن اخوي وولده..لاتضيق خلقك ياولدي هم بس بينكدون عليك..وشرب قهوته ..
ناصر:لا يبه انا مااقبلها على نفسي..
ابوسليمان:ههه ياحليلك ياولدي عنيييد الله يهديك..مسك جواله واتصل على سليمان بعد ماحطه على السبيكر..
الوو
سليمان:حي هالصوت شلونك يبه
ابوسليمان:بخير الله يسلمك ..انت بالشركه
سليمان:اي والله انضغطت بالشغل من روحة ناصر..وصار يقلب بالاوراق..بشر يبه
ابوسليمان:لا كل شيء تمام..واحتمال كبير نرجع عقب بكره
سليمان:اجل عجبتوهم..
ابوسليمان:اي والله..ربي لك الحمد..بس ودي اجلس اتريح شوي
سليمان:رجع راسه على ورى وصار يضحك..هههه..تتريح ولا شايفلك شوفه؟؟
ابوسليمان:تقدر تقول
سليمان:طيب الحين بوصل الخبر لعبير..
ابوسليمان:علشان تجيني بأول طياره..امزح لاتصدق
سليمان:لادام ناصر معك انا متطمن..
ابوسليمان:على طاري ناصر..بغيت اسأل وش سالفة عمك ابومحمد..
سليمان:انتم دريتم..من قالكم ؟؟
ابوسليمان:سمعنا بس قولي شالسالفه
سليمان:يبه لاتهتم..سالفه تافهه وماتنقال
ابوسليمان:قول وانا اسمعك
سليمان:جانا هو وولده وطاح سب بعمي ابوفيصل يقول ليش تخطب لعبير وانا خاطبها قبلك..
ابوسليمان:عسى ماتكدر عمك
سليمان:والله اول يوم تعب..بس الحين ابشرك بخير..
ابوسليمان:طيب وسالفة محمد مع ليلى..
سليمان:مافي سالفه..بعدين تذكر..ايه صح هو بعد زعلان يقول انتم متعمدين ماتناسبونا ..وانا قلتله اننا تكلمنا على ليلى قبل لايخطبها محمد ..وعبير ماحد غصبها هي ماتبي تتزوجه ومافي شيء بالغصب..عاد حلف انه مايتمم هالعرس..
ابوسليمان:هههه
سليمان:وشفيك يبه؟؟
ابوسليمان:لا انشاءالله بيتم وبيحضره هو..
سليمان:الله كريم..
ابوسليمان:تصدق ان ولده محمد دق على ناصر وقايله انه رايح لبيتنا واستقبلته ليلى وتهاوشت معاه وانها مو متغطيه وقايلتله انك مورجال ومايتغطى عنك ومن هالكلام وانك جيتهم وهم يتهاوشون وتهاوشت معاها ودخلتها بالغصب للبيت..هههه وانك طالبه مايعلم ناصر واذادرى ناصرو سألكم عن الهوشه يقول بسبة عبير...
سليمان:هههه وانا اقول ناصر معصب..قوله يبه لايعصب علشان واحد حقير مثله..
ابوسليمان:تعرف اخوك يفور دمه بسرعه وعنييد..طولت عليك سلم عليهم
سليمان:الله يسلمك..
ابوسليمان:نزل الجوال وهو يضحك..سمعت..
ناصر:مااصدق مااصدق..وطلع برى الفندق..
يمشي ولاهو حاس بالناس ..مستحيل يكذب مستحيل انا لازم اتأكد بنفسي..



قصر ابوفيصل..
بعد صلاة العصر..غرفة ليلى..
نزلت جوالها بعد مادقت على جسي(كوفيره) علشان تجيها..هي تحس بالاختناق وموقادره تبكي ولاقادره تتكلم فحبت تغير نفسيتها شوي تبي تلتهي بأي شيء..
جلست على الاريكه ومسكت المصحف وبدت تقرى وردها اليومي..
عبير بعد مالبست تنورتها وتيشرتها اخذت طرحتها وحطتها على اكتافها وهي متأكده انه مافي احد بالبيت..طقت الباب..
ليلى:خلصت وردها على الطق..نزلت المصحف على الكومندينه القريبه لها..ادخل
عبير:هلووو
ليلى:توك قايمه..
عبير:ايه وانتي
ليلى:لا انا منزمان..اكلتي شيء
عبير:الحين بنزل بس متى نروح لبيتنا
ليلى:ذكرتيني شلون نسيت فساتيني؟؟خلاص بناكل شيء خفيف ونروح للبيت بعدين برجع
عبير:وليه ترجعين
ليلى:اكيد برجع..اقصد اليوم ملكة غدير وقلت لجسي تجيني هنا..
عبير:اوكيه...نزلو مع بعض
سلمى:تشوفهم نازلين مع الدرج وهي جالسه بالصاله..صباح اقصد عصرالخير
عبير:عصرالنور..واتجهوللمطبخ بسرعه..
لحقتهم سلمى..
سلمى:سحبت كرسي وجلست قبالهم..شفي وجيهكم تقل مسوين مصيبه؟؟
عبير:مافيني شيء..
سلمى:انتي مافيك طيب وحرم ناصر
ليلى:عصبت ..انا ليلى مو حرم ناصر..
سلمى:هههه مزعلك
عبير:لاتخافين هي تتعمد تزعل علشان يراضيها هههه انا علمتها هالحركات
ليلى:عبير اخلصي ابلعي انا مستعجله
سلمى:لا اخلاقك اليوم..قطعت كلامها يوم شافت ليلى بدت تعصب..
عبير:ليلى خلاص امشي ناكل ببيتنا ترى مايمدي
ليلى:شربت كوب مويه..يلا...



قصر ابو فهد..
طالعت بشعرها اللي قصته كوكتيل على راي ريم وصبغته بني غاامق وصارت تحركه وتهز راسها..وااااو يجنن يابسكال فعلا انتي فنانه
باسكال:ولو ميساء هلأ اعرفتي اني فنانه
ميساء:ههه لا اقصد دايما انتي تعرفين اللي ابي..يلا نبدا بالمكياج
باسكال:اجلسي على الكرسي خليني ابدا..

رجع من دوامه بعد ماكلم امه واقترحت عليه يمر خالته ويباركلهم على التوأم ويمكن تهدى النفوس ..هوصحيح علاقته بفهد زينه وباركله بس خالته اللي مثل امه مايهون عليه انها ماتكلمهم..وبنفس الوقت في سبب ثاني يخليه يزورهم..
ضرب بوري للبواب اللي يعرفه وفتحله البوابه دخل السياره ورتب شكله
خالد:افف ياليتني رجعت البيت وكشخت بدل هالبدله(بدلته العسكريه) اللي لابسها..
ضبط شعره بيده..ونزل من السياره وتوجه للباب وضرب الجرس..
فتحتله الشغاله وقالتله يدخل على ماتنادي ام فهد..
جالسه مع العيال لان ريم نايمه..وقاعده تلاعبهم والدنيا مو سايعتها..
الشغاله:مدام مستر كالد موجود
ام فهد:خالد ماغيره؟؟
الشغاله:ايوا
ام فهد:قلتيله ان فهد مو موجود..
الشغاله:ايوه بس هوا كلام يبقى انتي..
ام فهد:روحي حطيله قهوه وحلا وانا جايه الحين..
غطت التوأم واستودعتهم الله ..وراحت لولد اختها..
كان جالس بالمجلس ومنزل راسه والقهوه قدامه على الطاوله الرخاميه..يفكر شلون بتستقبله..
ام فهد:نعم وش جايبك؟؟
خالد:رفع عيونه لعيونها المرتبكه..قام لها وهويبتسم..والله ياخالتي مو لايق علييييك ابد ماتعرفييين وحب راسها
ام فهد:وشو اللي ماعرفله انشاءالله..
خالد:الزعل ادري انك تمثلين..مسك ايدها وسحبها معه وجلسها وصار يقهويها..
ام فهد:مو شاربه..
خالد:افا ياذا العلم..اجل ماعجبتك؟؟ كخه..جلس جنبها..ورفع حاجبه..عاد تصدقين غريبه مره رحت لبنده وكنت لابس بدلتي ماتصدقين الحريم تجمعو علي كأنهم ماشافو وسيم وحلو قبلي..
ام فهد:ههههه..
خالد:فديت هالضحكه والله..بس نصيحتي ماتعرفين التمثيل انتي خليك على عرض الازياء احسن
ام فهد:ضربته مع كتفه بخفه..حسبي الله على الظالم ياخويلد محد يعرفلي الا انت..
خالد:غمز عينه..هذا غزل علني..
ام فهد:خويلد اعقل..تدري صب قهوه ..

فوق:
ميساء:نزلت الجوال بجنبها..افف باسكال عجلي البنت بتذبحني
باسكال:دقايق وبكون خالصه...

قصر ابوسليمان
دخلت جناحها ودارت عيونها على كل اركانها مشت لين وصلت لصورة ناصر وهو راكب الخيل ومبتسم..
ليلى:ابتسمت..هين يانويصر ان مادفعتك الثمن غااالي..ورمت الصوره بالارض..
دخلت لغرفة الملابس واخذت الفستان اللي بتلبسه وتركت كل شيء مكانه ماتبي تاخذ اي شيء هو جابه لها ماتبي تتذكره بأي شيء..حطت الفستان بكيس وقبل ماتطلع..طالعت شكلها بمراية التسريحه. وتذكرت صورها..رمت الكيس بالا رض وطلعت البومها اخذت كل الصور بس فيه صور مشتركه مع ناصر..راحت للتسريحه وفتحت احد الادراج وطلعت مقص..رجعت للصور وبدت تفصل صورتها عن صورته...
بعد ماخلصت حطت صورها بالكيس وصوره مرميه بالارض..رجعت المقص لمكانه وفتحت درج الارواج وطلعت روج احمر من شانيل وكتبت على المرايه..
انتهى.
رمت الروج وطلعت من هالجناح الكريه وانطلقت لبيتها..



في غرفة ميساء..
طالعت بمكياجها..
ميساء:وااااو يجنن..بروح البس فستاني
باسكال:وهي تلم اغراضها ميوسه انتي اللي بتجنني..

في المجلس
خالد:والله وصرتي عجوز
ام فهد:انا شباب استح على وجهك وبعدين فهد توه صغير
خالد:وهذا مربط الفرس فهد صغير لاتزعجوني وتقولون اعرس نبي نشوف عيالك
ام فهد:ياربي منك دايما تطلع منها..انا بفهم ليه ماتبي تتزوج
خالد:لا خلاص بتزوج
ام فهد:احلللف
خالد:قلت ابي يعني مستقبلا ..ويبي يصرف الموضوع..وين التوأم ابي اشوفهم
ام فهد:قوم داخل للصاله وانا بجيبهم لك لوتشوفهم بتنهبل عليهم
خالد:احسن من نصور وسدوم
ام فهد:فرررق تعال شوف

باسكااال شرايك..وتدور حوالين نفسها
لابسه فستان فوشي ناقع وماسك على جسمها ومطلعها ولا مليكان والاكمام مسويه فيهم حركه فمعطي الفستان شكل حلو وانيق..
باسكال:عرووسه الله يحرسك
ميساء:تضايقت من كلمة عروسه..طيب خلينا ننزل بوريهم شكلي النهائي وخذت معها عبايتها وشنطتها وسبقتها باسكال..
حاط ايده على الدربزاين وينتظر خالته..نزلت من عنده وحده وعرف انها كوفيره من الاغراض وطلعت بسرعه..
كانت تنزل وهي تنادي امها
ميساء:مااما .ماااااما كانت تنزل وهي تطالع بالدرج خايفه تنزلق
خالد:رفع عينه عليها وهو مو مصدق انا بحلم ولا بعلم..
ميساء:ماااما ما.. طيرت عيونها..وهمست خاالد
خالد:ابتسم لها..ونزل عيونه
ميساء:تذكرت العبايه اللي بيدها وسترت نفسها على طول..
خالد:شلون دلوعتنا
ميساء:وقلبها يرقع رقع..ب..بخير..
خالد:كل هالكشخه على وين؟؟
ميساء:.....
خالد:وين لسانك ياام لسانين ؟؟
ميساء:نزلت..موجود لا تخاف..ووقفت قباله..
خالد:يافرحه ماتمت..معاليش انا اقصهم لك بعدين
ميساء:ضحكتني..اذاقصيت لسانك قبل انا اقصهم..وبعدين شتسوي هنا
خالد:ابي اشوف خالتي وعيال فهيدان..وانتي علشان ماتزعلين
ميساء:مشكور كلك ذوق..وين امي
ام فهد:وماسكه التوأمين..وهذولا عيال فهد
خالد:اخذ واحد منهم وضمه..يازينو ياناس يهبل بس صغير..
ميساء:ايه لانهم جو قبل شهرهم..
خالد:رفع عينه عليها وابتسم..ورجع يشوف الولد الثاني
ميساء:انا بروح يمه تـأخرت
خالد:وين بتروحين
ميساء:ياربي انت ليه ماتترك اللقافه..
ام فهد:بتروح لصديقتها اليوم ملكتها..
خالد:اها..تبيني اوصلك تراني طالع الحين
ميساء:لا هي مو بطريقك..مع السلامه..
وطلعت وقلبها تحس انه بيطلع منها..


قبل المغرب بشوي..
قصر ابوفيصل..
طلعت من غرفتها ولابسه فستان اخضر دانتيل فخم ممسوك مع الصدر بفيونكه من التافتا وواسع من تحت الصدر..طالعه كأنها اميره وخصوصا بعد ماقصت شعرها الطويل الى تحت الاكتاف بشوي.. مستقيم وقصت غره تنزل غطت جبهتها(تقريبا مثل قصة البنت اللي بدعاية بانتين..تشعري وكأنك كليوبترا) لبست حلق طويل ذهبي من ديور واساور ذهبيه بعد من ديور..رسمت عيونها بكحل اسود بس وروج احمر صاارخ..طلع شكلها وكأنها من الستينيات..
طلعت من غرفتها وتركت جوالها..
نزلت ولبست عبايتها عند الباب..
سلمى:وهي توها جايه من الحديقه تلعب مع عيالها..ليلى!!
ليلى:التفتت عليها..وبوجه بدون تعابير..هلا..ولفت الطرحه عليها
سلمى:وين رايحه؟؟؟
ليلى:ماقلتلك؟؟
سلمى:وهي تقرب منها..لأ
ليلى:غريبه..على العموم بروح لملكة غدير..تبين شيء
سلمى:بشوف كشختك فصخي عباتك..
ليلى:فصخت عبايتها وطرحتها..حلوو
سلمى:هيييئ..قصيتي شعرك يالمجنووونه..انهبلتي
ليلى:والله شعري وبكيفي وبعدين ملييييت ابي اغير شكلي..
سلمى:وناصر شلون وافق؟؟
ليلى:تنرفزت ولبست عبايتها..تراك زهقتيني ناصر وناصر..وطلعت
سلمى:عزالله انهبلت..شفيها؟؟
انفتح الباب ودخل خالد وفيصل مع بعض..
كلهم..السلام عليكم وشلون كونان؟؟
سلمى:كشرت..وعليكم.
خالد:طالعها من فوق لتحت..انتي مطوله عندنا؟؟
سلمى:والله بيت ابوي وبكيفي
فيصل:تركهم ومشى بيطلع لغرفته..وقف..اقول سلمى ليه مارحتي مع ليلى؟؟
سلمى:مالي خلق وبصراحه اصلا توي دريت انها رايحه ماقالت لاحد..اسكتو مادريتو
خالد:لأ ياكونان
سلمى:علشان هالكلمه لوووتموت ياخويلد العانس اللي مالقيتلك وحده تتقماك مااقولك وسبقت فيصل على الدرج وطلعت غرفتها
خالد:مسكييييينه ماتدري اني بغمزة عين اطيح عشره..


دخلت بيت غدير على اذان المغرب..
وطلعتها ام جاسم لعند غدير وميساء..
طقت الباب..السلاااااااام
غدير:هلااااااا يالدبا..ضمتها..وحشتيني
ليلى:وانتي اكثر..طالعت باللي وراها..وسكتت
ميساء:ماتبين تسلمين علي..
ليلى:على طول ارتمت بحضنها تبي تبكي بس دموعها موراضيه تطيعها..صارت ترجف
غدير:كل هذا شوق
ميساء:ادرى وحده بطبع ليلى..صارت تمسح على شعرها وهمست..ليلى صاير شيء
ليلى:تمسكت بميساء اكثر..
غدير:وبعدييييين الحين انا ماسويتيلي كذا..وش معنى ميساء
ليلى:رفعت راسها وابتسمت..هذا اللي تعالي وتعالي خايفه اشوف هالخوف ماقصر من لسانك يالعوبا
غدير:خذت اقرب شيء لها وكان خداديه رمتها عليها..
ليلى:ليييش انقهرتي من جمالي وتبين تخربينه..وفصخت عبايتها وطرحتها..وهم فاتحين عيونهم بقوه
غدير:ياحمااااره قاااصه شعرك صدق بطراانه صاحيه انتي
ليلى:انتي معاليك شرهه والتفتت على ميساء..حلوو
ميساء:يجنن بس ليش قصيتي شعرك والله كان يهبل حرام
ليلى:اووه طفشت منه ..نيولوك حبيتي
غدير:اخاف وحام لوك هو اللي لاعب فيك
ليلى:وكأنها توها تتذكر اللي ببطنها..زاد اختناقها..
ميساء:يوه اقامو الصلاة وحنا نسولف خلونا نصلي..
ومع الصلاة والاذكار ارتاحت ليلى..



قصر ابو فيصل..
دقت على ابوها تسأله ليش تأخر..وقال انه بيجي بعد المغرب لانه طالع مع سليمان لمشروع وهم بالطريق..وبهذي الطريقه تعرف متى يجي سليمان من غير ماتدق عليه..
جهزت العشاء بدري علشان فيصل اللي فيه نوم وينتظر صلاة العشاء وقاعد يلهي نفسه مع ناصر وسديم..وخالد راح لبيت عمه لان عبير هناك لحالها..
طلعت غرفتها وخذت شور سريع ينشطها..لبست جلابية بيت ناعمه حطت قلوس وردي وبلاشر وردي وكحل نشفت شعرها بالاستشوار ورفعت بكلبس وخصل عشوائيه طايحه على وجهها..حطت من عطر ستيلا ونزلت بعد مارتبت الغرفه..
جلست مع فيصل بالمجلس العائلي
..تصميمه اقرب للمجالس الشاميه القديمه ..كل شيء فيه من اثاث وطاولات وتحف يوحي بذلك..الكنب اللي فيه وااطي ومريح بنفس الوقت..
كانت القهوه والقدوع على الطاوله الخشبيه المنقشه بفضي..
سلمى:اشوفك صحصحت..
فيصل:احد يشوف سدومه وناصر مايصحصح..الله يخليك لهم ويخليهم لك وعقبال ماتشوفين عيال عيال عيالهم..
سلمى:اميييين ومن قال يارب..دريت ان خالد صالح خالتي
فيصل:ايه قالي..الحمدالله الحين امي تجي وهي راضيه..
سلمى:خالد يقول كلم امي ومن الفرحه سكرت بوجهه واتصلت على خالتي..
فيصل:اهم شيء ان امي رضت علي
سلمى:انت تحسب امي زعلانه عليك..الا اقول فيصل متى تبي عرسك؟؟
فيصل:مادري.. ليش؟؟
سلمى:يابعد قلبي خله بعد مااولد..مايصير عرس اخوي حبيبي البس عليه لبس اي كلاام ولاتنسى ليلى بعد حامل الله يخليك
فيصل:خلاص مافي عرس الا بعد ماتولدون..انتي مابقالك شيء بسسس ليلى..
سلمى:اهم شيء انا وبكيف ليلى..
فيصل:عناد بخلي العرس يوم ولادتك
سلمى:سمعت صوت سياره..ابتسمت جو .
فيصل:مين؟؟
سلمى:ابوي وسليمان
فيصل:المفروض مااسأل لانه هالابتسامه خاصه بس بسليمان..
سمعو تنحنح سليمان..
فيصل:حياااك يابوناصر
دخل..السلااام عليكم
الكل وعليكم السلام..
سليمان:ابتسم لسلمى اللي ماردتله هالابتسامه وجلس جنبها..
فيصل:ابوي طلع لغرفته
سليمان:ايه..اقول محد بيقهويني..
فيصل:والله شف زوجتك قدامك
سليمان:لا كلش ولاتعب حبيبتي انا اصب لنفسي..
سلمى:قامت
فيصل:على وين؟؟
سلمى:بروح اشوف العشاء واتطمن على ابوي وطلعت..

بعد ماصلو العشاء ورجعو..
دخل عليها وهي بالمطبخ
سليمان:وش طابختلنا اليوم
سلمى:طابخه اذان الشايب(ششبرك) ومصقعه وصينية دجاج..
سليمان:امممم الريحه تجنن
سلمى:لهادرجه جوعان
سليمان:موووت..
سلمى:عطته صينية الدجاج..ودها على السفره
سليمان:اشر على عيونه وخذاها وطلع..
سلمى:تنهدت..مهما حاولت اعاقبه ارحمه..


بالملكه
نزلو علشان غدير تلبس..
جلسو جنب بعض..
ميساء:ليلى شفيك؟؟
ليلى:مخنوووقه..ابي ابكي بس دموعي مو راااضيه..
ميساء:ليييش؟؟
ليلى:من قرادتي من حظي..
ميساء:استغفري ربك وقوليلي شصاير
ليلى:طلقني السافل
ميساء:ماستوعبت..ماسمعت؟؟
ليلى:مسكت يدينها ببعض..وابتسمت بمراره..سافر ومادري يمكن عجبته ووحده هيناك ودق علي وقالي انتي طالق وبس..
ميساء:ناصر يطلقك!!! مستحييل..ابوك شسوى؟؟
ليلى:ماقلت لاحد..خاايفه ياميساء خايفه..
ميساء:مدت يدها ومسكت يدين ليلى اللي ترتجف..من ايش؟؟
ليلى:انتي اكثر وحده تدرين بابوي..هوصحيح يحبنا ومدلعنا وحنا عنده بالدنيا بس الطلاق عنده شيء مرفووض..انتي تدرين اني رجعت لناصر قبل علشان خاطر ابوي وخالد..
خايفه يصير فيه شيء..خايفه
ميساء:لاتخافين...صيري قويه..وانااقول قولي لابوك بهدوء اوقولي لاي احد يقوله هالخبر بدون مايزعجه
ليلى:ومن بقوله؟؟ اقول لفيصل اللي من يوم ماتركك وهو موطبيعي ولا لخالد اللي لودرى بينهبل ولا لامي ومحمد اللي مسافرين..وسلمى حساسه..ماتوقع تقدر تقول لابوي..
ميساء:ليلى الله بيدبرها لاتخافين..بس انا ابي اعرف السبب ماقال
ليلى:سكر السماعه بوجهي..الله ياخذه وافتك منه
ميساء:لاتدعين ياليلى لاتنسين انه ابو اللي ببطنك
ليلى:والله لاحرمه يشوفه..انا مابي ولدي يطلع حقير ونذل مثل ابوه..
ميساء:اهدي اهدي الناس بدت تلاحظ..
ليلى:اصلا غيري الموضوع لانه بينرفزني..وشلون خالتي؟؟
ميساء:بخير ..وابتسمت خصوصا بعد ماجاءخالد..
ليلى:اي خالد؟؟
ميساء:اخوك..جانا وصالح امي..وماطلع الا وقلوبنا راضيه
ليلى:والله زعلت منك..انا شدخلني يوم ماتكلميني
ميساء:خلاص انسي..انا ماكنت بعقلي وصدقيني الحين مبسووووطه..وفيصل الله يوفقه مع عبير..
ليلى:والله مادري شفيهم احسهم مايبون بعض بس يجاملون..مادري شاللي حادهم..
ميساء ماودك تقوليلي ليش فيصل سوى كيذا؟؟
ميساء:ابتسمت..ليلى سالفه ونسيتها وصدقيني اني مبسووطه وفرحانه..وعلشان ترتاحين فرحانه ان الله فكني من فيصل..
ليلى:طلع من قلبك بهالسهوله
ميساء:ويمكن ماكان بالقلب..
ليلى:ميساء انا اعرفك زين واعرف شكثر تحبينه
ميساء:اليوم بالذات اكتشفت انه مو حب..وقطعتهم القهوجيه..
ليلى:نست السالفه حالتها خلتها ماتتذكر شيء..اقول وين اخت غدير؟؟
ميساء:ماجت ولاهي جايه..اختها وبنت عمها مايكلمونهم..صارت بينهم مشكله..
ليلى:خساره وانا ابي اشوف نوره من كثرماتتكلم عنها غدير ابش اشوف وش هالانسانه اللي يطلع منها كل هالشر..
ميساء:الله يهديهم ياارب..
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 6:53 pm



بعد مارجعو من الكوفي ورفضها انها تشوف امها رجع لبيتهم واخذ بطاقة العائله وسافر هو واخته على مكه ..يبي يعتمر معها..وياخذولهم كم يوم بعدين يرجعون..
بطريق الرياض مكه السريع..
كاشفه وتشرب عصير<<الوقت ليل ومحد يشوف
حسام:عاليه..ابي اسألك..
عاليه:نزلت العصير..اسأل
حسام:تكرهين ابوك وماقلت شيء بس امي حرام..
عاليه:هههه
حسام:ههه وشفيك تضحكين
عاليه:وانت ليش تضحك؟؟
حسام:ضحكتك تضحك..بس انتي ليش؟؟
عاليه:حسام انا ماعندي لا اب ولا ام..انا عندي حسام وغيوض بس..
حسام:بس امي ماسوت شيء
عاليه:امك جابتني ..وهذي بنظري اكبر جريمه
حسام:عاليه شهالكلام استغفري الله ..
عاليه:استغفرالله..حسام لاتزعل علشان امك..
حسام:اولا انا ماازعل من روحي..وثانيا هذي امك بعد
عاليه:اوكي اوكي ..هالكلمات اذا كانت بدون احساس بدون مشاعر تطلع مالها اهميه..ايش يعني يكون عندي اخ وهو مايسأل عني..مسمى اخ فقط اذا تعب او مرض او حتى مات مارح اتأثر..
حسام:كلام الدم مهما كان يحن..
عاليه:لا صدقني مايحن..كل مايمر الوقت كل ماتحجرت مشاعرنا ويموت الاحساس فينا..الحين لوقلتلك انه عندك اخ بامريكاوبحياتك ماتدري عنه اصلا مادريت الا يوم مات بتبكي؟؟؟
حسام:وصايره فيلسوفه..
عاليه:انا واقعيه والفلسفه شيء خيالي وماحبه وطالعت بالشباك
حسام:عاليه تغيرتي كثير..
عاليه:فووووق ماتتصور..صرت احس نفسي كبرت مية سنه قدام..حسام مافي اصعب من انك تموت والناس تشوف وبيدهم يساعدونك بس يرفضون...
حسام:عاليه لاتحسبيني ساكت بس شسوي اذا الكل ضدي..انا حاس فيك وهالمره مستحيل ارجعك له..وترانا بنخطبك لمؤيد..
عاليه:ومن قال اني بتزوج..شيل هالفكره من راسك..
حسام:محد بيغصبك على شيء بس هذا من صالحك
عاليه:مصلحتي اعرفها والله يخليك قول لامك لاتخطبني..
حسام:طيب..وشرايك نصيف بالطايف ولا جده
عاليه:خلنا نروح لمكه ويصير خير..
حسام:تتوقعين درى
عاليه:هومايجيني الا اذا خسر صفقه او تهاوش مع مرته..وانشاء الله مايمرني مع اني اعرفه عقرب وقلبه يحس
حسام:بقلعته اعلى مابخيله يركبه كان هوصادق يدورك..وهذا وجهي ان لقاك..
عاليه:ابتسمت..حسام دمعت عيونها,,والله احبك..الله يخليك لي..ويكفيك شر هالعقرب خايفه يذبحك..تذكر اخر مره يوم جيتني وش سوى
حسام:ابتسم..كله يهوون علشانك يالغاليه لاتشيلين همي وبعدين انا اخوك واولى اني اخذك من هالسفيه..وبنسكن لحالنا بعد..


قصر ابوسليمان
الساعه 11
خالد:عبيييير عبييييير
عبير:جت..نعم
خالد:ليلى ماترد وانا بروح اجيبها شكلها ناسيه جوالها دقي على ميساء علشان اجيبها
عبير:يمكن ميساء ماراحت؟؟
خالد:لا راحت انا شفتها
عبير:رفعت حاجب..شفتها وين؟؟
خالد:وين يعني ببيتهم يلا دقي
عبير:انت متأكد انهم رضو يعني مابتسكرالسماعه او تهزئني
خالد:انا اكلمها بس عطيني رقمها
عبير:تعرف رقمك؟؟ تراها ماترد على رقم غريب..
خالد:برسلها مسج..يلا ولا عطيني جوالك ادق منه
عبير:لا لا خذ الرقم علشان تدق عليها اذا وصلت وتخلي ليلى تطلعلك
خالد:فتح جواله..يلا كم
عبير:******055
خالد:دق على طول..وماردت..ارسل مسج..انتظر لين صل تقرير انه انفتح المسج..دق على طول..وردت ليلى
الوو
خالد:هلا ليلى..وينك ادق على جوالك ماتردين
ليلى:نسيته..وش بغيت؟؟
خالد:ماتبين ترجعين
ليلى:لاخلاص برجع مع ميساء
خالد:مع فهد
ليلى:لحظه..وردت ..لأ ميساء تقول مع السواق والشغاله لان فهد نايم
خالد:لا مافي رووووحه انا اجيكم الحين هم وين بيتهم؟؟
اخذ الوصف وطلع يجيبهم..



غرفة سلمى

انا مدري وش احساسك
ومدري وش تظنيني
انا الصادق في عينك كنت
وصرت الكاذب الخوان
انا اخطيت ماانكر ولا فيه عذر يكفيني
سوا اني احبك حيل واني دايما انسان
انا ادري بمدى جرحك
وادري الحظ جافيني
يطول الوقت مااخطي
واذا اخطيت كل شيء بان
انا شفت الزهر مايل
وظنيته يناديني
قطفته..يوم ضميته..لقيته للاسف ذبلان
عرفت انك زهر عمري
عرفت انك بساتيني
وغيرك قيض مايروى..سراب يشقي العطشان
انا لو ماحصل ماكان وشهو اللي يدريني
بانك ماسواك انتي..سكنتي القلب والوجدان
انا اسف على اعذاري
عجزت القى عذر فيني
يليق بغلطتي في حقك ويرجع كل شيء كان
احبك كثر اخطائي
وادري انك تحبيني
وادري لو تفارقنا فلا نقدر على النسيان
اذا تقوى على فراقي وبعدي عنك..خليني
انا مليت من دور الكرامه
ولعبة الغفران
قليل العمر ياللي انتي دموعك ماتساويني
حرام انه يضيع فراق
هي من قلها الاحزان




جالس بجنبها على الكنب عجز يقنعها فبدى يلعب على الوتر الحساس..
سليمان:سلمى ترى ملييييت من اسلوبك
سلمى:----
سليمان:لف وجهها بيده ومسك ذقنها...الحين وش اللي مزعلك؟؟
سلمى:ماتعرف؟؟
سليمان:ادري اني قصرت والتهيت عنك بس كل هذا بسبة الشغل صدقيني..
سلمى:قلبي يقول غير كيذا
سليمان:وقلبك يقول عذبيني لانك تدرين اني احبك ومااقوى على زعلك ولا على فراقك ..نزل راسه..تعتبرين حبي لك ضعف ومستغله هالنقطه..
سلمى:عورها قلبها ورفعت وجهه بيدها..لاتقول هالكلام مابي اسمعك تقوله مره ثانيه
سليمان:الحين لو مت.. قاطعته
سلمى:بسم الله عليك سليمان لاتقول كيذا
سليمان:لا بقول اذا مت وانتي زعلانه ..حطت يدها على شفايفه تمنعه يتكلم
سلمى:اششش مابي اسمع ولا كلمه..هالطاري لاتجيبه على لسانك
سليمان:مسك ايده..سلمى ليه مو راضيه تريحيني
سلمى:وشو اللي يريحك؟؟
سليمان:طالع بعيونها..ترضين عني.
سلمى:ابتسمت..راضيه عنك..ولفت عنه ..بس انتبه تعيدها مره ثانيه..
سليمان:توبه مره ثانيه بجيب الشغل للبيت علشان ماتشكين اني اعرف غيرك..حب راسها الله لايحرمني منك
سلمى:ولا منك(وبقلبها..احبــك)




قصرابو جاسم
ضامه رجلينها وتكلم بالجوال وهي حاطه السماعات..
عماد:افف شهالورطه..انتي متأكده
غاده:متأكده..عماد تعال اخطبني والله بنفضح
عماد:اها على بالك اذا قلتي كيذا بتزوجك..مسكينه انا شيضمني انه مني
غاده:احلفلك ماعرفت غيرك..
عماد:وانا مومجبور اصدقك اوحتى اتزوجك انا ماغصبت احد ولاضربتك على ايدك ..بس ممكن اساعدك..بدبرلك دكتوره تطيحه بس بشروط طبعا اذا ماتبين تنفضحين
غاده:وانا مستعده
عماد:اذا قلتلك اطلعي معي تطلعين فاهمه..
غاده:اللي تبيه يصير بس ارحمني ارحمنـــــي..وشالت السماعات ورمت الجوال وصارت تبكي..


وبنفس المكان ولكن بغرفة ثانيه
نوره:
فاتحه الالبوم وتبكي بحرقه..ليييه تركتوووني لييه..كله منهم كله منهم..
طلعت صوره لابوها من الالبوم وكان مبتسم..يبه لاتخااف بنتقم منهم واحد ورى الثاني ..غدير صح قدرت تفلت من ايدي هالمره بس صدقني لانتقم منها..كلهم انتقمت منهم..ام جاسم وجاسم وعمي وغاده ...وغدير بالطريق ..مسحت دموعها ورجعت الصوره وقلبها يزيد سواد..


بالسياره..
ليلى:هههه ههههههه ياربي خلاص مااقدر شكلها يفطس من الضحك
ميساء:ههه اي والله..بس العريس حلوو
ليلى:اي والله الله يهنيهم
خالد:هذا اللي فالحين فيه الحش ..وبعدين ماتستحون تقولون العريس حلو
ليلى:وش فيها حنا نقول شيء واقعي ماكذبنا
خالد:هذي المتزوجه هذا كلامها اجل مااشره على ميساء
ليلى:بدت تختنق..
ميساء:حست بليلى من سكوتها..وليه ماتقول انك تغار؟؟
خالد:الحمدالله واثق من نفسي ..وسيم وجذاب وحلو ومركز ومال واخلاق كلن يتمناني..
ميساء:لا انت ماتغار انت مغروووووور
خالد:احسن من المدلعه..يلا وصلنا
ميساء:ليلى اذا وصلتي دقي علي
ليلى:بكره بدق..لاني بنام
خالد:سلمي على خالتي
ميساء قبل ماتسكر الباب..الله يسلمك..
خالد:بنمر دومينوز عبير موصيتني تبين شيء قبل لانرجع البيت
ليلى:اي بيت!! انا برجع لبيتنا
خالد:ليش؟؟
ليلى:تعبانه وابي سلمى معي
خالد:طيب عبير موجوده
ليلى:عصبت يااااخي كييفي ميزااااج ابي ارجع لبيتنا مو راجعه معك
خالد:طيب طيب ليه هالتعصيب مو مستاهله..
ليلى:هدت شوي..اسفه معك حق ..
خالد:طنش دومينوز ونزل ليلى ببيتهم ورجع لعبير..

دخلت غرفتها ورمت عبايتها راحت تغير وتتوضى علشان تصلي التهجد
لبست قميص قطني لونه زهر..تهجدت..ودعت ربها يفرج كربتها وينتقم من الظالم
حطت سجادتها بالصندوق وتوجهت للسرير..حطت المخد ورى ظهرها ومددت رجلينها..تناولت الجوال وشافت 10 مكالمات لم يرد عليها و5 مسجات..استغربت فتحتهم لقت 3 من خالد و7 من ناصر فتحت المسجات وكلها من ناصر يبغاها ترد عليه..رمت الجوال
ليلى:وهذا شيبي بعد..رن جوالها وشافت المتصل وقررت ترد..بصوت جامد الو
ناصر:لييييه ماتردين كم صارلي ادق انا هاه؟؟؟كان معصب
ليلى:عدل اسلوبك لا اسكر بوجهك..انت مالك حكم علي وثانيا من تكون علشان ارد عليك انت مجرد زوج سابق ومتحسفه اني تزوجته..
ناصر:هو سؤال ..انتي قابلتي محمد..
ليلى:وشو محمد؟؟
ناصر:محمد ولد عمك..
ليلى:اها..وليه تسأل؟؟يعني بصفتك ايش؟؟
ناصر:صر على اسنانه..ردددددي
ليلى:هههه غصب ..مو راااده وشتبي تسوي؟؟
ناصر:بصوت مكسور..احلفي انك ماقابلتيه..
ليلى:لحووول صدق انك نشبـــــه..انت ليش متخيل اني ممكن ارد عليك؟؟يماما انسـى ارد عليك مره ثانيه..تبي شيء ثاني قبل ماسكر
ناصر:عصب..يعني قابلتيه..ماتنكريين
ليلى:يعني ماعندك سالفه اوكيه ..اقلب وجهك.. وسكرت بوجهه..
رجع يدق مره ومرتين وثلاث وهي بقمة السعاده تدري انه يحترق..وبالرابعه قررت تقفل الجوال من اصله..
حطت راسها ونامت....


(سبحانك اللهم وبحمدك اشهد ان لااله الا انت استغفرك واتوب اليك)
قراءه ممتعه..
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 6:54 pm

الجزء الثاني عشر



(
بلا رحمــــــه
...)


العمر محسوب والجرح لامن فاق ..فاق
ماتغمضبه دكاتره وقرية مهتدي
ابشع اشياء الحياة الظليمه..والفراق..
والغباء... والمعصيه..والبناعم الردي
..


في قصر ابوسليمان..
رجع للبيت بعد ماوصل ميساء وليلى..راح لدومينوز واخذلهم بيتزا وبيبسي ..
نزل للقبو ولقاها جالسه قبال التلفزيون وشكلها سرحانه..
خالد:احم احم
عبير:التفتت..شفيك تأخرت..لهالدرجه بيتهم بعيد؟؟
خالد:لا بس رحت اجيب لنا بيتزا واليوم مادري شفيهم زحمه..نزل الاغراض بالارض..شكلهم درو اني بجيهم وتعرفين حركات المعجبين..يوه صح انتي شدراك اصلا بحركات المعجبين..
عبير:انا بفهم من اللي لاعب عليك وقايل انك مارح اقول مزيون لانه هالشيء الناس اتوقع متفقين على شينك..انك مملوح؟؟؟ورفعت يدينها وكأنها تدعي..يارب تاخذ حقنا من اللي لعب عليه يارب ارسل عليه واحد يلعب عليه..
خالد:اف من الغيره..طلعي الاغراض ولا تنتظريني عمتي
عبير:جلست بالارض وفتحت الاكياس وطلعت البيتزا..فتحت كيس ثاني ولقت بيبسي..
عبير:مشاءالله جايب بس حبه ليه؟؟
خالد:بعد مافصخ جزمته الرياضيه ..رجع وجلس جنبها وفتح علبة البيتزا..مو انتي تقولين ماتشترين منتجات امريكيه مادري يهوديه..ولا بوقت الجد تنسين؟؟
عبير:ايه قلت ولازلت على رأيي..بس المفروض تجيبلي مثلا عصير
خالد:اخذ قطعه وقبل لاياكل..وليه اجيب وفيه بالثلاجه ولا عاجزه ترقين
عبير:انا اشهد انك بخيل وزطي
خالد:الرسول عليه الصلاة والسلام يقول فيما معناه يكفرن العشير..فقولي اللي تبين عادي مقدر حالتك..بسم الله وبدى ياكل
عبير:بروح اجيبلي عصير وارجع لاتاكله كله..طلعت للمطبخ..
خالد:وهو ياكل رن جوال عبير..طنشه..وبعدين رجع رن مره ثانيه..طل بالشاشه..ابتسم ورد..هلاااا بنصوور
ناصر:خااالد!!
خالد:ايه شفيك ؟؟
ناصر:هاه..لأ مافي شيء وين عبير
خالد:افا يانويصر مافي شلونك ..على طول(قلد صوته)وين عبير؟؟
ناصر:ها!!ايه شلونكم؟؟
خالد:حنا كلــنا بخيــر..بس حبيبة القلب مادري شفيها
ناصر:استغرب معقوله مادرو باللي سويته..
خالد:يارجال وين رحت خفت عليها..لاتخاف بس على قولة عبير شكله من الوحام..وتراني وديتها لبيتنا لان سلمى هناك وبتهتم فيها..انت ماتصلت عليها
ناصر:ارتبك..الا..اقصد لأ ..خالد بسرعه عطني عبير
خالد:طيب لحظه..عبيــر عبيــر
عبير:نازله مع الدرج وتركض ورافعه طرف قميصها..نعـــــم..نعم
خالد:نعامة ترفسك..
عبير:انشاءالله قبلي .. لايكوون بلعته كله
خالد:لأ تطمني..خوذي ناصر يبيك
عبير:قالت بفرح..والله.. ونزلت العصير وخذت الجوال..هلا نصور
ناصر:عبير اطلعي برى عن خالد ابيك بموضوع خاص ولاابيه يدري
عبير ماتبي خالد يشك)..صدق بس انتظرني الرقم فوق الحين اجيبه سولف على ماارقى..هههه ...اول ماوصلت للدور الاول..دخلت وحده من الغرف وسكرتها..الحين انا لحالي
ناصر:اول شيء احلفي انك تقولين الصدق اول
عبير:والله العظيم اقول الصدق..ناصر خرعتني قوول
ناصر:محمد ولد عمي جاكم للبيت او لبيت عمي وقابلته ليلى وتهاوشت معاه..عبير تراك حلفتني واذا كذبتي مانتي بحل ليوم الدين
عبير:لبيتنا ماجاء يمكن جاء امس وحنا ببيت عمي ..وبيت عمي انا فيه امس ولا جانا هناك ويمكن جاهم قبل بس ليلى ماقابلته الا اذا توها بس مااعتقد لانها توها راجعه من ملكة صديقتها والوقت متأخر..بس ليه تسأل
ناصر:متأكده
عبير:متأكده
ناصر:طيب مع السلامه..رمى الجوال على الطاوله اللي قدامه وبدى يطقطق اصابعه بتوتر..دامه كذب بالسالفه هذي اجل اكيد كذب بالسالفه الثانيه..معقوله ياربي احترت احترت..

رجعت لخالد وهي مستغربه من سؤال ناصر..جلست بجنبه وخذت قطعه وبدت تاكل..
خالد:سمي يالمشفوحه
عبير:بسم الله اوله واخره..
خالد:شفيه ناصر شيبي؟؟كان يتكلم وهو ياكل
عبير:لا يبي رقم محل ..اقول خالد
خالد:همم
عبير:فيصل ليه ترك ميساء؟؟
خالد:كح كح ..شرب البيبسي
عبير:طقت ظهره..ليش خفت من سؤالي؟؟
خالد:خذا نفس..ماخفت..وش تقولين نسيت
عبير:اقول فيصل وميساء ليه تركو بعض
خالد:قلتلك قبل..مايناسبون بعض..
عبير:بس فيصل يحبها ..
خالد:طير عيونه..من قال؟؟
عبير:يعني يحبها
خالد:لأ..هو قال انه مايحبها
عبير:مو كل شيء نقوله يعني صح..يمكن هي ماتبيه؟؟
خالد:مادري..بس انتي ليه تسألين
عبير:بصراحه تحسفت اني وافقت..
خالد:وليه؟؟
عبير:فيصل للحين يحبها..وماتقدر تنكر..اللي قالي مصدر موثوق..وهو خذاني علشان يحاول ينساها..قالت بصوت مخنوق بعد مانزلت قطعة بيتزا ماكله نصها..انا ماطلب انه يحبني بس مابيه يظلمني انا مو لعبه ولاتسليه تنسيه ميساء..
خالد:تضايق اكثر واكثر..بس مو هذا كلامك قبل
عبير:ادري..بس الحين الصوره توضحت لي..خالد انا قاعده اشوف مصير حياتي معاه..مااقدر اعيش مع واحد قلبه مع غيري ..نفترق الحين احسن من بعدين..
خالد:كيف تحكمين وانتي ماجلستي معاه ولاتعرفتو على بعض..عبير يمكن يحبك مو يمكن الا اكيد..انسي ميساء وانسي ان فيصل حبها..وتذكري ان فيصل هو اللي تركها يعني بايعها ..وبعدين دام قال انه مايحبها يعني مايحبها انتي لاتدققين ..خلي اللي بالقلب بالقلب..عبير لاتنبشين بالماضي وصدقيني اي قرار تتخذينه انا بوقف معك بس فكري زين
عبير:مادري مادري..قامت
خالد:على وين؟؟ماكلتي شيء
عبير:جاني النوم..تصبح على خير






بعد يومين..

في اطهر بقاع الارض..مكة المكرمة..اجواء روحانيه تشرح الصدر وتنسي المهموم همه..
تشعر الانسان بسعاده غير عاديه..وتطمن قلبه..
العصر..
جالسه على الدرج الرخامي ومقابله الكعبة مباشره..تشوف الناس يطوفون..تحس انها بعالم ثاني ..
عاليه:لو اهرب من حسام واعيش هنا..ايه انا اشوف الاجانب ينامون هنا ومدبرين انفسهم..
حسام:رجع بعد ماشرب من زمزم<<اللي بالترامس<<
جلس جنبها..الله ودي اعيش هنا..
عاليه:ياحظ اهل مكه..سمعو صوت من وراهم..
حسام:امر
احد الكشافه:لو سمحت جلوسكم على الدرج بيسبب زحمه..
حسام:حنا على الطرف اخوي مو بالوسط..
احد الكشافه:طيب طال عمرك علشان التنظيم..
حسام:انشاءالله..بعد ماراح الكشاف..عاليه امشي خلينا نجلس هناك..واشر على مكان بعيد شوي عن اللي يطوفون..يجلسون بالارض .
عاليه:لأ حسام خلينا نرجع للفندق..ابي اتريح قبل صلاة المغرب..
حسام:اوكيه..رقو الدرج ومشو لين وصلو ترامس ماء زمزم..تشربين
عاليه:اكيد..خذت كوب بلاستيكي وصبت فيها المويه شربت ورجعت الكوب للمكان المخصص<<الاكواب المستعمله
اتجهو لباب الملك فهد..وعنده لبسو صنادلهم واطلعو لفندق الانتركونتيننتال(دار التوحيد) وعند البوابه شافو محمد ومعه امه
محمد:حساااام حسام
حسام:كانت عاليه وراه..هلااا..وسلمو على بعض.. انت يامحمد ياخالد صح<<كانو يجتمعون احيانا مع مؤيد ومؤيد ياخذ اخوه معه
محمد:لا انا محمد..جاي مع الاهل
حسام:جيت انا واختي ..انتم كلكم جايين
محمد:لا والله بس انا وامي واليوم بنرجع بس نصلي المغرب ومنها على المطار..
حسام:توصلون بالسلامه انشاء الله
محمد:عن اذنك وسلم على مؤيد..
بعد ماراح محمد
حسام:يلا عاليه..
عاليه:ماسكه ايد حسام..من هذا؟؟
حسام:هذا ياطويلة العمر يقرب لمؤيد..
عاليه:اها...

دخلو الجناح فصخت عبايتها على كرسي جانبي..
ورمت نفسها على السرير
حسام:كان بيغطيها..
عاليه:لا مايحتاج..
حسام:كيفك..انا بطلع بتصل على واحد وراجع تامرين على شيء
عاليه:سلامتك..واول ماسمعت صوت الباب يتسكر..قامت من سريرها وراحت للشباك..صارت تشوف اللي بالساحه الخارجيه اللي مجتمعين يسولفون او ياكلون..تنهدت..اهرب ولا لأ..






في قصر ابو عهود..
جالسين بالصاله ويسولفون بأمور عامه..
عهود:بابا..
ابوعهود:سمي..
عهود:قامت جلست جنبه بالضبط وحطت يدها ورى ظهر ابوها..شفيك ماطريت السفر..ترى العطله بتخلص وحنا للحين قاعدين بالرياض
ابوعهود:ومن قالك اني ناسي...بكره انشاء الله السفر..
عهود:بفرح..والله..طيب ليه ماقلت بدري علشان اتجهز
ام مؤيد:كان يبي يسويها مفاجئه..
عهود:طيب وين بنسافر
ابوعهود:مفاجئه..وبتنبسطين متأكد..
عهود:اوكيه ..بروح ارتب شنطتي..طيب بابا اخذ لبس ثقيل ولا خفيف؟؟
ابوعهود:فهم على بنته اللي بتستدرجه..خوذي الاثنين..وابتسم
عهود:هزت راسها وهي واقفه بمعنى مافي امل اعرف..وطلعت لغرفتها
ام مؤيد:ابوعهود شفيك؟؟
ابوعهود:خايف تزعل علي اذا درت
ام مؤيد:انت الله يهديك مادري شلون تفكر..هو خطبها ورفضت..
ابوعهود:ماتعرف مصلحتها..انا متأكد انه بيسعدها..ولد اخوي واعرفه
ام مؤيد:انا داريه..بس
ابوعهود:بس ايش
ام مؤيد:انت متأكد هو رجع يخطبها من نفسه..يعني الحركه اللي سوتها بنتك معه ماهي حلوه ابدا..واسمحلي اي رجال عنده كرامه
قاطعها
ابوعهود:سكري الموضوع..

دخلت غرفتها ورفعت سماعت التلفون ودقت على بنت خالتها..
الووو
عبير:هممم
عهود:ياالهي كل ماادق تطلعين نايمه؟؟
عبير:عهود اخلصي
عهود:خبر طاااازج
عبير:امدى يصير خبر طازج وانا الفجر داقه عليك؟؟
عهود:ياماما بالثواني تطلع اخبار..المهم اسمعي بنسافر بكره
عبير:متى حجزتو..؟؟
عهود:لا طلع ابوي حاجز من زمان بس مسويها مفاجئه ووين مادري..
عبير:يووه كذا بطفش..تدرين ابوي بيجي بكره بقوله يحجزلي وبسافر لكم..
عهود:مافي غير كذا..طيب تعالي الليله عندنا خلينا نستانس
عبير:خلاص انشاء الله..
عهود:كملي نومك مع السلامه..





في المستشفى..
بعد ماخلص الدوام يمشون بالممر ويسولفون..
زياد:انت لو تسمع كلامي وتخلينا بطياره
فيصل:لا السياره احسن..بكره نطلع جميع بسيارتي..
زياد:خلاص امرك العصير..ونطلع من بيتكم..
ووصلو للباركنج وكل واحد ركب سيارته وطلع..


----------



وبنفس الوقت بمكان ثاني..

مشغله الاستريو على الاخير..
لابسه برموده بني وبدي تركواز وفاكه شعرها..
وترقص بجنون..
ادللللع...
ادلع ياكايدهم وادلع ياكايدهم..
خليهم يشوفونك..
علمهم اصول الحسن علمهم اصول الحسن
عطهم درس بعيوونك..
دخلت وقصرت الصوت..
نوال:يوه شفيه..انتبهت لاختها..شوشـــو..وسلمت على اختها
شيخه:ياعيني ياعيني..وش عندك محتفله؟؟؟
نوال:بدلع..كييييفي..
شيخه:بخبث..علشانه انكسر صح؟؟
نوال:ابتسمت..ماتقدر تخبي الفرحه..صحححح..
شيخه:شكلك داعيه عليه من قلب..الله يستر ينخاف منك.
نوال:انتي لاتخافين لاني امووت فيك
شيخه:ههه هذا حسين كنت تعشقين الارض اللي يمشي عليها..
نوال:هذاك اول..مسكت ايد اختها وسحبتها معها وجلسو على كنبتين منفردتين ومقابلين لبعض..شـوشـو وجهك منور..وحاسه ان عندك خبر
شيخه:هزت راسها بايه
نوال:قولي
شيخه:اليوم رحت المستشفى..
نوال:حامــل!!
شيخه:ايوه
نوال:ضمت اختها وبكت..مـــبـــروك(شيخه متزوجه لها سنتين واهل زوجها غاثينها علشان الحمل ونفسيتها تعبت كثير)
شيخه:شدت على اختها اكثر..وهمست تخيلي بصير ام
نوال:مسحت دموعها..واحلى ام بعد..
قامت تبي ترفع على الاستريو
شيخه:لألأ..
نوال:نبي نحتفل
شيخه:انا ماقابل النعمه بالمعصيه..انا المفروض احتفالي يكون بصدقه بصلاة شكر لله اللي استجاب لدعائي..
نوال:اي والله صادقه..قلتي لامي
شيخه:مارح تهتم او حتى تفرح..وبعدين مو موجوده بالبيت
نوال:تعالي بوقت النوم وتلقينها..شيخوه اذا جبتي البيبي لاتصيرين زي امي..
شيخه:مستحيييل..امشي ننزل تحت
نوال:اوكيه اسبقيني انا بكلم غيوض ..
شيخه:لاتتأخرين..وطلعت
نوال:ههههههه...ياحبيلك ياشوشواي دعوه!!!كل شيء مخطط له وتوك ماشفتي شيء...مسكت جوالها واستغربت فيه مكالمتين من غيوض..دقت..
غيوض:بدري
نوال:سوري بس ماسمعته كنت مشغله الاستريو
غيوض:محتفله وانا الهم بيذبحني
نوال:عاليه فيها شيء؟؟
غيوض:ابوي درى انها مو فيه وقامت القيامه صارخ وانهبل علينا وتحلف فيها..وبدت تبكي
نوال:اهدي غيوض خليه بس يولي وش يقدر يسوي يعني؟؟
غيوض:اقولك مجنـــــــون مجنــــون خايفه عليها ودي اتطمن بس ماعرفلها رقم
نوال:كنت مبسوطه ونكدتي علي الله يهديك..انتي لو ابوك يموت ابرك..اخخخخخ بس لو انه ابوي كان ذبحته...
غيوض:ياربي اتركك منه الحين وفكري بعاليه
نوال:لاتخافين مايقدر يسويلها شيء..وبعدين لاتنسين انها مع حسام يعني ماينخاف عليها..تعالي عندي جات اختي شيخه..
غيوض:مالي خلق..تراجعت..تدرين الحين جايه...
رمت السيجاره من فمها..وهزت راسها تبعد صورة ابوها عنها..دخلت غرفة الملابس وطلعتلها جنز ازرق وبلوزه طويله توصل للركبه لونها بيج لبست صندل واطي وطلعت على طول بعد مالبست عباتها...
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 6:55 pm


بعد صلاة المغرب والناس بدت تطلع من الحرم..
طلعت من القسم المخصص للحريم وراحت للمكان اللي مواعده فيه حسام..شافته ينتظرها
عاليه:تأخرت عليك..
حسام:عادي..تبينا نطوف..ولا نجلس نتفرج؟؟
عاليه:لأ خلينا نطوف..كانت ماسكه ايده وهو شاد عليها..الطواف زحمه ويخاف تضيع منه..
وبعد اول شوط..حسـام
حسام:تعبتي؟؟
عاليه:ترددت ..اذا دعيت على ابوي او على امي يجوز؟؟
حسام:لجمته الصدمه ماتوقع هالسؤال..سكت مارد.
عاليه:ماكانت مستنيه جواب..وبالشوط الرابع..حسـام
حسام:هلا..
عاليه:تعبت..
حسام:اوكيه..ومشو بشويش لين طلعو من الزحمه..
عاليه:خلاص مابقى شيء على اذان العشاء بجلس هنا والقاك عند باب الملك فهد
حسام:باقي ساعه..ماجعتي خلينا نروح ناكل
عاليه:طيب بس اخاف ارجع مالقى مكان..الحين فاضي
حسام:بتلقين انا ادبرك..امشي تراني جوعان..
عاليه:طيب يالمشفوح دايما جوعان
حسام:مسك ايدها..لاتصكيني عين تراني ابيني..
عاليه:مسكت ضحكتها..وشو بعد ابيني؟؟منين جايبها..
حسام:من سوير بنت عمتي..انشاءالله بخطبها قريب وانتي اللي بتزفيني..
عاليه:الله يلحق على خير..وطلعو من الحرم واتجهو لابراج هيلتون وكانت المطاعم مره زحمه فقررو يرجعون للفندق ويطلبون بغرفتهم ..






جالس بغرفته بالفندق بكره رجعتهم..
جاه اتصال من رقم غريب..
ناصر:الوو
:ناصر الــ
ناصر:من معي؟؟
:مادري شقولك ياولدي..بس قبل كل شيء ابيك توعدني ماتجيب طاريي بالسالفه ولاتضر اولدي
ناصر:انتي مين؟؟
:قبل اوعدني
ناصر:وعد
:ترى وعد الحر دين..انا ام محمد مرت عمك..
ناصر:هلا خالتي
ام محمد:هلافيك..ياوليدي ابيك تسامح وليدي ولا تلومه ترى عقله مو معه..داريه ان اللي سواه غلط بس كله من ساس البلا عمتك فضه هي اللي خلته يفكر بهالطريقه..وانا والله مو راضيه عن اللي سووه هذا قذف ..
ناصر:وبدى يفقد اعصابه..ممكن تدخلين بالموضوع..
ام محمد:بدخل ياوليدي..السالفه اللي قالها عن مرتك كذب..هو لايعرفها ولا اخوياه يعرفونها الله ينتقم من اللي وزته..وانا ياوليدي مارضى بالظلم..وادري انك ماتصدق عليها..وانت وعدتني
ناصر:كـذب..همس.. تقولين كـذب..
ام محمد:ايه كذب..بس تراك وعدتني..
ناصر:كان يكلم نفسه..انا طلقتها
وسكر جواله..
ام محمد:سمعته قبل لايسكر..طلقها!!!
ضغط على راسه لحد ماصارت اصابعه من الضغط بيضاء..يحس بألم فضيع..انلعب علي..
انلعب علي...مرتين العبو علي..متفقين علي..بينكدون عيشتي..ليه مايبوني اعيش مبسوط معها..ونزلت دمعه حاره منه..طلقتها ياناصر خلاص طلقتها..
وضرب راسه بالطاوله من القهــر.

-------------------



يوم جديد..يحمل معه الكثير من المفاجئات..
ابوفيصل اضطر يسافر لحائل عند امه وبيجيبها معه
رجعت سلمى لبيتها ..ووصلت ام محمد ومحمد للبيت امس بالليل ..وليلى زي ماهي ماتكلمت ولاقالت ان ناصر طلقها..وابو عهود وعائلته سافرو..

----------



صحت على صراخ وهوشه..فزت من سريرها وراحت تشوف وش فيه..نزلت الدرج بسرعه
وشافت ابوها يهاوش امها..
ابوصالح:اللي ماتربت هجت(هربت)مع خويها,,وربي لاذبحها
ام صالح:تقرى مجله وحاطه رجل على رجل..يمكن يكذبون عليك
ابوصالح:فتشت بيتهم وهددتهم ويقولون ماجتهم..انا اعرف شلون اطلعها الحيوانه ببلغ الهيئه وخليهم هم يذبحونها
ام صالح:قالت بملل..افف تراك زهقتنا وترى مالومها يوم طفشت منك..
ابوصالح:ماتلومينها!!!هذا كلام جديد...صار يضرب يد بيد..قلبي حاس من زمان انها ماشيه غلط ياليتني ذبحتها..
ماتحملت الكلام اللي ينقال عن اختها وانفعلت..
غيوض:اختي اشرف من الشرف وينقطع لسان اللي يجيب سيرتها
ابوصالح:مشى لعندها ومسكها مع ايدها..عارفه انتي منهو معه هربت انطقي
غيوض:خلصت نفسها منه..ايه راحت مع اخوها حسام..
ابوصالح:حســـــــــام...يعني بيتحداني مايتوب..هين هين..وطلع من البيت بسرعه..
غيوض:طلعت لغرفتها بسرعه وقفلت على نفسها..ياربي سامحني بس والله ماارضى احد يتكلم عليها..ونزلت دموعها..سامحيني عاليه..




كل البيت متوتر..واولهم ام حسام..بنتها اختفت وماتدري وينها ..
ابومؤيد:اهدي يابنت الحلال
ام حسام:وين اهدى الله يستر الله يستر..انا خايفه ان حسام له يد بالموضوع..
ابومؤيد:واذا له يد..اخوها
ام حسام:انت مو خايف على ولدك..ابوصالح مايخاف الله ياخوفي يذبحه..دق عليه شوفه وينه
ابومؤيد:لاتخافين وبعدين ولدك مسافر مع اخوياه لجده..شلون تكون عاليه معه..
ام حسام:مادري مادري..انا خايفه عليه..قلبي مو متطمن..






الظــهر
جهزت الغدى لانها بتاخذه معها لبيت اختها..
تجهزت ولبست جلابيه وقبل ماتطلع مرت على بنتها..طقت الباب مرتين ودخلت..
لقتها نايمه ومومتغطيه زين..
ام فيصل:ليلى..ليلى
ليلى:همممم
ام فيصل:قوومي صلي الظهر وامشي معي لبيت خالتك مسويتلهم غدى وباخذه معي..
ليلى:انقلبت للجهه الثانيه..يمه روحي انتي واذا شبعت نوم لحقتكم..انا اصلا بجيهم العصر..
ام فيصل:بس انا ودي نتغدى جميع..حتى سلمى عندهم..قومي الله يهديك
ليلى:حبيبتي والله فيني نوم..اسبقيني وانا اجيكم
ام فيصل:طيب..بس اول قومي صلي بعدين كملي نومتك..وطلعت
ليلى:تمغطت..وقامت تصلي...






الشرقيه..
دقت على فضه تتحسب عليها وتهاوشها..
ام محمد:الله لايوفقك دنيا واخره بليتي ولدي هالبلوه..وبعدين وشهالكلام اللي قايلته
فضه:والله بكيفي وولدك يتمنى هاليوم..تصدقين الفرحه مو سايعتني واخيرا تطلقت
ام محمد:انتي من ايش مخلوقه ..ماتخافين على بناتك
فضه:انقلعي بس..وسكرت بوجهها..ورجعت تدق على الناس اللي مادرو تنشر الخبر السعيد..






بالطياره..

هذا اللي صار..
ابوسليمان:الله لايعطي العدو خير..انت انهبلت
ناصر:ايه انهبلت..يبه ماكنت بوعيي
ابوسليمان:ليه كنت شارب؟؟؟
ناصر:يبه ابيك عون تصير فرعون..
ابوسليمان:اعاونك على سواتك الشينه..تطلق البنت وهي مالها ذنب وتسوي سواتك بدون ماتسألني اوحتى تعطيني خبر..والحين تبي مساعدتي..
ناصر:يبه والله مادري شصار فيني..انت تعرف طبعي ماتحمل كلمه..وبعدين ماتوقعت محمد نذل لهالدرجه..ماجاء ببالي انه يتبلى عليها وهو ولد عمها..
ابوسليمان:انت ماسمعت البيت اللي يقول <نوبن من الادنين ياتي بلاها>..ولد عمها ويبيها من الله..وانت تدري انه يموت فيها..الله ياخذ بليسك على الاقل علمني عطني خبر ..وين اودي وجهي من اخوي وشلون اقابله حسبي الله حسبي الله
ناصر:الحين انا ابي ليلى وانت تفكر بخوك..
ابو سليمان:لااااه..ودامك تبيها ليه طلقتها..تدري هي مو مره ان رجعتلك انت ماتستاهلها..
ناصر:هذا انا اقولك ان مارجعتلي يمين بالله لارتكب جريمه بولد اخوك وانت حر
ابوسليمان:ولك عين تهدد..شين وقواية عين..اعنبو دارك مايكفي خسرت مرتك تبي تخسر حياتك..
ناصر:مالي حياه من غيرها..
ابوسليمان:لحول ولا قوة الا بالله..ستـــرك يارب..ستـــــرك..





العصـــر:

طلع لغرفته علشان يرتب شنطته..وزياد ينتظره بالملحق..

تحس بالم خفيف..وروحها ضايقه..ماتدري ليش..
لبست تنوره جنز وتيشرت اصفر حطت بلاشر يخفي صفار وجهها..وتركت شعرها مفلول لبست عبايتها وخذت نظارتها الشمسيه وطلعت..
نزلت وتلفون البيت يدق..ردت بعد ماجلست على الكرسي..
الو
ميساء:ليلى خوفتيني ليه ماتردي على تلفون غرفتك..
ليلى:فاصلته..شفيك صوتك مو عاجبني..
ميساء:بقولك لاني ابيك تكونين طبيعيه..
ليلى:اسمعك..
ميساء:ريم قبل شوي دقت عليها امها..وسألتها اذا كنتي مطلقه
قاطعتها
ليلى:شدراها؟؟؟
ميساء:تقول من عمتك فضه..
ليلى:امي درت..وتحس ان قلبها بيطلع من القفص الصدري
ميساء:لا ..هي سألتني وانا انكرت..بس فيه شيء ثاني..
ليلى:وشو بعد..
ميساء:الله لايوفقها تقول انه طلقك لانه شافك مع واحد..
ليلى:لمين قالت؟؟؟
ميساء:ريم تقول ان هالعجيز المخرفه ماخلت احد ماقالتله..وتقول ان امها هاوشتها وسكرت السماعه بوجهها بعد..اسمعيني اكشخي وسوي نفسك عادي اذا ريم جابتلك طاري..
ليلى:انتي شتقولين ..انا صدق مطلقه..مااقدر انكر.
ميساء: لين تهدى الامور
ليلى:اي امور اي امور..هي شدراها؟؟بستخف بستخف
ميساء:ليلى اهدي..اسمعي تعالي الحين انا انتظرك يلا
ليلى:خلاص هونت مو جايه..
ميساء:لا بتجين
ليلى:طيب..سكرت..مسكت شنطتها بيد مرتجفه..لبست النظاره وطلعت ولسانها يردد اللهم لاتكلني الى نفسي طرفة عين.. وقفت عند المدخل وطلعت جوالها تبي تدق على السواق يجيب السياره..بس قطعها صوت خالد..
خالد:هلووو..كان جاي من بيت عمه ويبي يسلم على امه..
ليلى:هلا..
خالد:امي فيه
ليلى:لأ عند خالتي
خالد:اها..وطالع فيها..اشوفك كاشخه بترجعين لبيتك
ليلى:لا بروح لخالتي هناك مجتمعين..
خالد:طيب مورايحه لبيتك!!انتي ماتدرين ان ناصر بيجي؟؟
ليلى:حست ببروده من قال اسمه..بيجي اليوم!!
ناصر:ماتدرين!!يوووه لايكون مسويها مفاجئه لك وانا خربت كل شيء..
تبي تهرب منه نزلت درجات المدخل وبسرعه راحت لقسم الرجال لان المواقف هناك..
خالد:ليلى وين رايحه..ومشى وراها
ليلى:تمشي وبدون ماتلتفت عليه..بروح للسياره
خالد:ليلى فيك شيء؟؟
ليلى:تنرفزت...لألألأ
خالد:مسك ايدها ولفها عليه بقوه..شفيك؟؟ وصار وجهها على الملحق اللي واجهته كل زجاج عاكس ولايدرون ان فيه احد..
ليلى:مافي شيء مااافي افف
خالد:لأ فيه..بينك وبين ناصر شيء ؟؟
ليلى:ايه فيه..
خالد:انا قلت..لايكون زعلان عليك علشان قصيتي شعرك؟؟
ليلى:هو..هو..
خالد:وشهو؟؟؟
ليلى:طلقني..
خالد:ههه..طيب فيه غيرها
ليلى:خالد انا ماامزح..ناصر طلقني
خالد:عقد حواجبه..ماسمعت..
ليلى:انفعلت..طلقنـــــي ناصر طلقني..
وفجاه حست بحراره بوجهها وصوت نظارتها اللي تكسرت بالارض يرن باذنها..حست ان رجولها موعلى الارض..رفعت راسها وانفاس خالد تحرق وجههاوتطير خصل شعرها اللي على وجهها
خالد:وبكل بساطه تقولين طلقك مستانسه..وش انتي مسويه انطــقي
ليلى:تبي تبكي بس دموعها مو راضيه والعبره خانقتها..وبصوت كسير..مو مسويــــــه شيء مو مسويــــــــــه
خالد:من الباب للطاقه يطلقك!!! انطقــــــــي لا اكسر راسك
ليلى:حررت نفسها منه وبصوت عالي..ايــــــه مسويه ارتحت..تدري شسويت..ذليـــت نفسي له ..اهنت كرامتي..بعدت خصل طايحه على وجهها لانها تضايقها..هو يطلق وانا اللي اسوي..ليه متسأل العاشق الولهان اللي شافله وحده وترك مرته وولده علشانها..كله منكم انتم اللي رجعتوني له..هو من اول يوم لي قالي وبالصوت العالي..مــــــو انتي البنت اللي اتمناها..ميــن اللي تقبل هالكلام قـــول من اللي بترضاه على نفسها..قعدت اترجاه علشان مايطلقنـي تدري ليــــش علشانكم ايــه علشانكم مافكرت الا فيكم تحملت صراخه وطقه وذله لي بس علشان يصبر علي شهر واحد بـــس..والحين تقولي الغلط مني..انتم السبب انتم اللي رجعتوني له..وبالاخير داس علي وذلني اكثر من اول..انا مالومه تدري ليش لاني بلا كرامه..رضيت بالذل على نفسي علشانكم والحين هو الصح وانا الغلط..مايكفي انه طلقني فضحني عند العالم والكل يتكلم بعرضي..
اذا اخوي ابن امي وابوي مارحمني وركبني الغلط..مالوم الناس اذا صدقته ..ولاهو اخوك وانا بنت الشارع..مشكور ياعزوتي ياسندي مشكـــــــــــور
خالد:هزته كلماتها..ضمها ..
ليلى:ضمته اكثر..شفت ياخالد هذا اللي قلتلي ارجعيله شفت وش سوا فيني..قهرني وذلني...وبدت ترجف..
خالد:ماعاش من يذلك..ونويصر دواه عندي..ترك اخته وطلع برى البيت بسرعه..
ليلى:انهارت على الارض..الالم فضيع وزاد عليها..حلقها جف تبي تنادي احد بس مو قادره..


زياد ماقدر ينزل عينه..منصدم باللي صار..معقوله..
شاف خالد طلع والبنت مرميه بالارض ..يبي يتدخل بس مو قادر..
فيصل: طلع من البيت وماسك شنطته..انصدم لما شاف ليلى طايحه..رمى شنطته ركض لها..وحاول يرفعها..ليـــــــلى..ليـــــــــــلى..
ليلى:كانت متمسكه بالعشب وفجاه حست انها تخدرت..وبدت تفقد الوعي
زياد:اضطر يتدخل..طلع من الملحق بسرعه وهو يتحاشى يشوفها..فيصل خلنا نلحق عليها بالمستشفى..
فيصل:كان مرتبك..شغل السياره بسرعه انا بشيلها..
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 6:56 pm


بالسياره..
فيصل:وكان راس ليلى على رجله..زياد وش صار؟؟
زياد:ماادري بالضبط بس سمعت صراخ ونقاش اتوقع بينها وبين خالد..وبعدين راح خالد ولا ادري شصار..(كان يدري بكل شيء بس منحرج)
فيصل:اكيد هالخايس عصبها وهي ماتحمل اوريه..بسررعه يازياد..
دخلو المستشفى وعلى الطوارئ ومعها فيصل...





بعد ساعتين
فيصل:طمنيني دكتوره
الدكتوره:لا هي بخير بس محتاجه وقت حتى ترتاح
فيصل:وش عندها
الدكتور:انت شتصير لها
فيصل:اخوها..شفيها دكتوره
الدكتوره:لا تخاف..هي كانت حامل واجهضت..وبصراحه اكتر حالتها النفسيه صعبه..
فيصل:اجهضت!!!
الدكتوره:الله يعوضها..بس زي ماقلت حالتها النفسيه لازم تراعوها..الحين بننقلها للجناح..عن اذنكم..
زياد:ماتشوف شر
فيصل:مشكور زياد..واسف تعبتك معي وضيعت سفرتك
زياد:افا حنا اخوان..وبعدين وشو سفرتي قول سفرتنا..بنعوضها انشاء الله..
فيصل:خلاص زياد خذ سيارتي وارجع لبيتكم ارتاح وانا بجلس معها
زياد:بس اذا احتجت شيء دق علي..وطلع
فيصل دخل للجناح اللي حطو ليلى فيه
كانت حاطين فيها المغذي وايدها مزرقه..ووجها مثل الليمونه..
ونايمه ولاتدري شاللي حصل لها..






بالمطار..
سليمان وخالد بيستقبلونهم..
اول ماشافوهم سلمو عليهم وتحمدولهم بالسلامه..
وبعد مااخذو شنطهم..
خالد:سليمان انت خذ عمي وانا ناصر..ياني مشتاقلك ياناصر مو مصدق عيوني..
ناصر:ابتسم ابتسامه صفرا..حتى انا ..بس انا تعبان ومالي خلق اتمشى
سليمان:يبه جبت هديه لعبير..ترى مو مدخلتنا للبيت
ابوسليمان:ايه جبتها..بعد قلبي عبير متى اشوفها بس..
خالد:همس باذن ناصر..ابيك بموضوع..ومو مطولين..دق جواله..ورد..
هلا فيصل
فيصل:هلا خالد انت وينك؟؟
خالد:انا بالمطار عمي وناصر جو
فيصل:لاتقول
خالد:ليش؟؟
فيصل:ليلى تعبت علي ووديتها للمستشفى وقالو انها سقطت..
خالد:وصار يضغط على الجوال بيده..طيب انت وينك
فيصل:انا عندها..ابيك تروح لامي وتقولها..بتقول لناصر؟؟
خالد:اشوف..طيب ..مع السلامه..دخل الجوال بجيبه..وابتسم لناصر...شقلت؟؟
ناصر:توقع ان خالد درى..وشو الموضوع؟؟
خالد:اقولك خاص ومابي سليمان يدري..نصور عمري طلبتك؟؟
ناصر:تطمن من كلامه..اوكيه
ركب ناصر مع خالد..وابوسليمان وسليمان رجعو للبيت..
بعد ربع ساعه..
وقف السياره بالاراضي الفاضيه اللي عند المطار..
ناصر:صدق انك مروق..اقولك دايخ تطلعني هنا
خالد:انت انزل علشان اقولك الموضوع واخلص..
نزلو..
ناصر مانتبه لخالد اللي جاه والشرر بعيونه وعطاه بقس على وجهه..
ناصر:عصب..صاحي؟؟؟
خالد:بعلمك الحين...وبدى يضربه..ان ماطلعت روحك مثل ماقهرتها...ان ماادبتك
ناصر:كان يقاومه..بس خالد ثاير..خالد ..خالـــــد..
خالد:انا اختي تسويلها كذا..ويضرب بقوه..
ناصر:استسلم لخالد..وكأنه يعاقب نفسه..
خالد:رفعه مع ياقة قميصه اللي ازاريرها تقطعت..ليه طلقت؟؟وبدى يصفق وجهه..ليــه
ناصر:زهق من خالد..واستجمع قوته..مسك يدين خالد ولفهم ورى ظهره..صرخ خـــــــــلاص يكفي..يكـــــــــــفي
خالد:هدى شوي..
ناصر:ترك يدين خالد وجلس على الارض..زفر بقوه..
لحظة صمت..

خالد:ماقدر الا يجلس جنبه..اخر شيء توقعته انك تطلقها
ناصر:خــــــــــالد واللي يرحم والديك اللي فيني مكفيــــــــــــني لاتزيد همي
خالد:ابي اعرف انت اكيد صاير معك شيء..
ناصر:صاير اني خسرت ليلى..وطالع بعيون خالد..فيه اكبر من هالخساره..
خالد:ناصر افتح لي قلبك..يمكن اساعدك
ناصر:----
خالد:سمع جواله يدق بالسياره..قام نفض جنزه وركب السياره ورد..
هلا محمد
محمد:خالد انت مو بالبيت؟؟
خالد:لأ..ليه تسأل
محمد:لان ندق على ليلى وماترد والشغاله تقول انها مو موجوده ..خلاص انا برجع للبيت واشوفها امي خايفه عليها
خالد:لا تتعب نفسك..ليلى بلمستشفى وهي بخير..بس اجهضت..
محمد:متى صار هالكلام؟؟؟
خالد:مادري دق على فيصل وهو يقولك..
محمد:فيصل مقفل جواله..طيب هي بأي مستشفى؟؟
خالد:مادري ماسألته...حاول تدق عليه مره ثانيه يمكن يمسك معك ..
محمد:طيب..
خالد:اسمع اذا مسك قولي..وانا بدور بمستشفى____لانه اقرب شيء لنا
محمد:خلاص..مع السلامه
خالد:ناصـر..ناصـــــــر
ناصر:مومعاه..
خالد:نزل..ناصـــــر
ناصر:انتبه..نعم
خالد:ماتبي ترجع..امش تأخرنا..
ناصر:هز راسه..ورجعو للبيت..


في مركز الشرطه..
رجعوهم من مكه بعد ماعممو الاسم على اساس انه خاطف بنت..
حسام:اقولك اخوهــــــــا كان منفعل
الضابط:حتى لو كنت اخوها مايحقلك تاخذها وبدون اذن ولي امرها..هذا يسمى خطف
حسام:فيه احد يخطف اخته..انت صاحي
الضابط :تأدب ياحسام...واسمحلي اقولك موقفك صعب..اذا ابوصالح ماتنازل عن حقه بنظطر نسجنك
حسام:الحين تسجنوني انا وهو لأ...انت ماتدري عن شيء..هذا انسان مو طبيعي انت شوف شمسوي ببنته
قاطعه..
الضابط:حسام هذي امور عائليه ..
حسام:طيب الحين اقدر ارجع
الضابط:للاسف..الليله بتبات عندنا...


بالسياره..
ماتسمع الا صوت انفاسه..
عاليه:تكلم نفسها..لو اني هربت بمكه كان افتكيت..بس ماتوقعته يدري..ااه ياعاليه لو نسوي حادث الحين واموت انا او هو ونرتاح..
ابوصالح:انـــــــــزلي
عاليه:انزلت..وقفها صوته..
ابوصالح:لحضه..تحسبين الطلعه مثل الدخله ياعاليوه..كان بيده كيس فيه علب كوكاكولا الزجاجيه..رماها بالارض وتكسرت..
غيوض كانت تطالعهم بالبرنده وحتى امها..
ابوصالح:فصخي جزمتك..وامشي عليه..يـــــــــلا
عاليه:فصخت جزمتها بهدوء وسكرت عيونها خذت نفس ومشت عليه وهي تغتصب ابتسامه من الالم علشان تقهره
غيوض وام صالح ماتحملو ودخلو..
ام صالح:ابوك مجنون وسكرت غرفتها
غيوض:تخيلت نفسها بدل اختها واقشعر جسمها..
نزلت مع المصعد ودخلت المطبخ تنتظر ابوها يطلع..
سمعت خطواته على الدرج..وطلعت بسرعه لاختها..
غيوض:عاليــــــه!! ...


كانت جالسه تقرى روايه على النت..وقطع قرايتها صوت جوالها
نوال:افف..شافت المتصل وردت
ها يالغثيثه
غيوض:نوال الحقي عاليه
نوال:خافت..شصار؟؟
غيوض:كل جسمها قزاز ومااقدر اشيله ولااقدر اوديها المستشفى
نوال:من ايش؟؟
غيوض:من ابوي..شسوي عجزت لاشيله وهي تتألم
نوال:يابقره بسرعه وديها لمستوصف قبل لاتتسمم
غيوض:ياشينك اذا قفل عقلك..اقـــــــول ابوي هنا ما اقدر..والله ان درى اني وديتها ذبحني..
نوال:اجل وشوله داقه علي انا مااعرف
غيوض:قولي لولد عمك مو دكتور خليه يجينا الله يخليك
نوال:صاحيه علشان ابوك يفضحنا..اسمعي ابوك نايم؟؟
غيوض:اكيد..
نوال:انشاء الله نومة اهل الكهف..المهم حاولي تجيبيها عندي وانا بكلم زياد يجي
غيوض:طيب تعالي انتي والله خايفه
نوال:طيب ..سكرت ولبست عبايتها بسرعه وهي تنزل الدرج بسرعه دقت على زياد..
زياد:كان نايم ورد يحسبه فيصل..الو
نوال:زياد الله يخليك تعال لبيتنا
زياد:من انتي؟؟
نوال:ترد وماتدري من انا..انا نوال..وطلعت للشارع
زياد:نوال!! شفيه ليه اجيكم؟؟
نوال:بنت جيرانا دخل برجلينها قزاز بسرعه الله يخليك..
زياد:طيب طيب..
سكرت منه وهي عند البوابه دخلت..وركضت لعاليه اللي تتألم عند المدخل ..
نوال:عاليه!! انصدمت لما شافت وجهها...الله لايعطيه عافيه هذا متخلف مجنون شلون يسوي كذا
عاليه:نوال وانهارت تبكي..
نوال:اهدي اهدي..الحين كلمت زياد وهو ببيتنا..فتحت الباب غيوض وكانت لابسه عبايتها..
نوال:ساعه
غيوض:كنت بتأكد اذا نايم..شالوها مع بعض وبما انهم بالصيف فأغلب حارتهم مسافرين..فالشارع فاضي..تناقلوها بشوي شوي..الى ان دخلو بيت نوال
زياد كان بالحديقه ومعه شنطته ولابس بجامته من العجله ماغير..
نوال:زياد انزلها هنا..قصدها على الكراسي اللي بالحديقه
زياد:جيبوها داخل احسن..
دخلو وجلسو بالصاله ونزلوها على الكنب..
زياد:فتح شنطته..وطلع ادواته..شاف رجلينها وانصدم..كل هذا!!!
نوال:لا توك ماشفت شيء..الله يخليك بسرعه ترى يعورها
زياد:طيب طيب..وبدى يطلع القزاز..وعاليه كاتمه صرختها ومتحمله..
غيوض:بسرعه قبل لايقوم ابوي..
زياد:ماقلتوله!!
نوال:عطت نظره لغيوض سكتتها..زياد خذ راحتك ماعليك منها
زياد:لا من جد ليه ماقلتوله؟؟
نوال:تقوله وهو سبب اللي فيه..
زياد:وشلون سبب؟؟
عاليه:تجرأت ..نــوال.
نوال:طيب خلاص بنطم..
زياد:سكت وكمل شغله...
بعد ساعه الاربع قدر ينظف رجلينها ..
زياد:انتهينا الحمدالله..
نوال:باقي وجهها
زياد:انتي شلون طحتي؟؟
عاليه:طحت وبس..ومشكور
زياد:واللي بوجهك
عاليه:لا مايحتاج
نوال:عاليوه اعرف حركاتك مستحيه منه ترى عادي ماياكل وبعدين هو مو جاي يتفرج جاي يعالجك
زياد:لو سمحتي خليني اكمل..ترى مو زين يبقى نظفيه وارتاحي
غيوض:عاليه يــلا اخلصي
عاليه:طيب.. فتشت وغمضت عيونها من الحيا..
زياد:طلعت عيونه برى..وكمل شغله وهو يفكر فيها..
بعد ربع ساعه
غيوض وعاليه رجعو وساعدتهم نوال..
وزياد اظطر يوقفلها عند الباب لان الوقت متأخر وهي تمشي لحالها بالشارع..
رجعت..
نوال:زياد شموقفك؟؟
زياد:واقف علشانك
نوال:مشكور زياد..قالتها وهي تدخل وزياد يسكر الباب
زياد:لا شكر على واجب..دخلت بيتهم وهو دخل بيته..






طول الطريق وهو يحاول بناصر يقوله ليه طلق ليلى..
وناصر ساكت مايرد..

وصلو للبيت وقبل لاينزل ناصر
خالد:مسك ايد ناصر..مونازل الا اذا قلت
ناصر:انفعل..شتبيني اقول ..اقول ان ولد عمك محمد(طبعا عيال ابو فيصل يقولون عمي ابو محمد من باب الاحترام فقط) جاء من الشرقيه علشان يقابل حبيبة القلب ويتفقون على الموعد ويتقابلون وينصدم انها ليلى..تبيني اقول انه جاب الرقم من خويه اللي قابلها اكثر من مره..تبيني اقول انه تهاوش معها وطردته من البيت وسليمان ترجاه مايجيب طاري بس هو ماقدر لانه ولــــد عمي ويخاف على عرضي...تبيني اقول انهم لعبوها صح..ونزل من السياره
خالد:كان فاتح فمه من الصدمه..نزل من سيارته بسرعه ونادى عليه..نـــــاصر
ناصر:التفت على خالد..ووقف
خالد:مشى لين صار مواجه له..وانت صدقته
ناصر:ـــ
خالد:تفــو علـــــــيك..وهذا الشنب مو على رجال اذا رجعتلك ليلى..ركب سيارته وحرك..وترك ناصر مصدوم.





تسللت من البيت حتى من غير ماتقول لنوره..
طلعت من البوابه وركبت السياره اللي منتظرتها..
غاده:حرررررك بسررعه
عماد:وش خايفه منه؟؟ابوك فيه
غاده:يمكن يجي بأي لحضه..انت قولي انت واثق من الدكتوره؟؟؟
عماد:تطمني...
وصلو عند عماره
عماد:انزلي وصلنا...
غاده:وانت مو نازل معي؟؟؟
عماد:انزل وش اسوي معك؟؟؟
غاده:اخاف انزل لحالي..
عماد:لا تخافين..انزلي بسرعه وهي تنتظرك اذا خلصتو دقي علي..
غاده:عماد خايفه اموووت
عماد:خلاص خليه ببطنك وانفضحي...احمدي ربك دبرتلك دكتوره تنزله لك وماسكتت الا لما دفعتلها دم قلبي..وكل هذا علشانك ياقلبي مابغاك تنفضحين...
غاده:صدق تخاف علي؟؟
عماد:غاده الوقت يمر بسرعه وحنا ماعندنا وقت..
غاده:طيب..سكرت الباب وطلعت للشقه ..رنت الجرس..
...:مييين
غاده:انا من طرف عماد...
...:انفتح الباب..ودخلت غاده
.

سبحانك اللهم وبحمدك اشهد ان لا اله الا انت استغفرك اللهم واتوب اليك)
(
قراءه ممتعه
..
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 6:58 pm

الجزء الثالث عشر..

(قلوب مشتته...)

تخيـــلت انك تخـــوني..
وخابـــت نظرة عيــووني..
خذانـــي بعيــد انا ظـني..
عســى الله يجازي ظنونـــي...



بعد مرور يومين على الاحداث السابقه..






الظهــــر:

المستشفى..

طلعت من الجناح ..هي اليوم مرافقه مع ليلى بعد مااقنعت خالتها البارح ترجع تتريح..
راحت للكافتريا تاخذ لها شيء خفيف تحس نفسها جوعانه ..
اخذت عصير وكلوب تونه..حطتها بالمكروييف ..دار نظرها بالموجودين بالمكان..طبيبات وممرضات..بعضهم محترمه نفسها والبعض كأنه رايح زواج وناسيه انها بمكان مختلط واللي تعمله لايرضي الله ولا رسوله ثانيا انتي بمستشفى يعني من له خلق يحط ميك اب..مادري اصلا شلون صارلهم وقت يحطون..لا والادهى والامر اللي تسولف وتنكت بمواضيع مالها دخل بالطب مع الاطباء او حتى الموظفين بالمستشفى..ناس على قد ماوصلو بالعلم تفكيرهم محدود..والله مالوم اهالينا يوم منعونا اننا نشتغل بالمستشفى..هيييء شلون نسيت فيصل؟؟؟اكيد هو يسوي هالحركات..لا لا فيصل محترم..قطع تفكيرها صفير المكروييف..اخذت الكلوب واطلعت للجناح..
فتحت بدون ماتطق الباب..شالت نقابها ..
ميساء اهتزت كتوفها بشكل غير ارادي)..ياربي شهالبرد..ولا انتبهت ان فيه شخص ..
حطت اكلها على الطاوله والتفتت وطاح وجهها..
ميساء:بســـــــم الله من متى هنا..تذكرت غطاها وتغطت بسرعه
خالد صر على سنونه )مره ثانيه تأكدي ان مافيه احد مو على طول تدرعمين
ميساء:هزت راسها بملل من كلامه وزفرت..
خالد:طنش حركتها...وطالع بليلى..ماقامت؟؟
ميساء:بتقوم ان شاءالله..طيب ممكن تلف وجهك ابي اكل
خالد رفع حاجبه..وتكلم بلهجه تقهر ميساء)..كولي وانتي متغطيه...
ميساء:خويلد لف وجهك لا الفه لك بالغصب
خالد:ميسوه طالعلك لسان ثالث اشوف؟؟
ميساء برجاء)..خالد بليـــــــز والله ميته جوع
خالد:رحمها..ليه ماقلتيلي اجيبلك شيء قبل لااجي
ميساء:مادريت..(وبقلبها..اكبر همي انك تجي..ماخذ بنفسه مقلب)
خالد:وش جبتي طيب
ميساء:كلوب تونه وعصير
خالد:انتي بتصرعين اختي بريحة التونه..قومي طلعيها عطيها اي احد وانا بروح اجيب غدى وش تبين
ميساء:ابي ماك رويال لحم مودجاج
خالد قام من مكانه وراح لها ..مد يده واخذ الكلوب)..انتي ماتحبين الدجاج؟؟
ميساء: لا بس خايفه من الانفلونزا..اترك العصير ابغاه..تصبيره لين يجي الغدى
خالد:قلد صوتها..تصبيره..وبعدين انتي لاتخافين الانفلونزا تهج منك..وطلع
ميساء:هههههه



بعد خمس دقايق سمعت صوت دق على الباب..
تغطت..ومشت تفتحله الباب..
ميساء:فتحته وصارت ورا الباب(حركه تلقائيه) ولا انتبهت..منت بهين ياخويلد طلعت سوبرمان على غفله
:احم احم
ميساء:فيـــصل!!
فيصل:السلام عليكم
ميساء:وعليكم السلام..اسفه حسبتك خالد..
فيصل:دخل....خالد جاكم..وجلس على الكرسي اللي بجنب ليلى
ميساء:ايه وراح يجيب غدى..(وجلست على الكنبه المنفرده بعيده شوي)
فيصل:ماقامت..(وبدى يمسح على راسها)
ميساء:لأ..
فيصل:حب راسها..وبدى يقرى عليها..
رن تلفون الجناح وردت لانها الاقرب..
الوو
ام فيصل:هلا ميساء..طمنيني
ميساء:لا الحمد الله الدكتوره تقول اليوم احسن من امس..
ام فيصل:الله كريم..اقول يمه برسلك غدى
ميساء:لا خالتي مايحتاج خالد راح يجيبلي..بس لاتنسوني على العشاء..
ام فيصل:ههه لاتخافين وبجيبلك العصر تشيز كيك
ميساء:اجل تعالي بدري..
ام فيصل:ان شاء الله..ماحد جاكم اليوم؟؟
ميساء:لا بس خالد وفيصل ..وعمي ابو فيصل دق يتطمن..
ام فيصل:زين يمه تبين اجيبلك شيء معي
ميساء:سلامتك
ام فيصل:مع السلامه
سكرت التلفون..
وانتبهت لفيصل اللي يطالعها..
فيصل:نزل عيونه لما حس انها انتبهتله..

سمعو طق الباب..
فيصل:قام علشان يفتح الباب..
خالد:تأخرت ياام ثلاث السانات..(كان مطلع جواله يشوف المكالمات اللي مارد عليها)
فيصل:ههههه
خالد:رفع راسه..فيصل!! متى جيت؟؟(دخل جواله بجيبه)
فيصل:قبل شوي..
خالد:زين اني جبت وجبتين زياده..دخل وشاف ميساء جالسه..(ابتسم)..اشوى حسبتك فطستي
ميساء:بسم الله علي..
خالد:نزل الاكياس بالطاوله اللي عندها..
ولف وحده من الكنبات على ورى يعني تعطيهم ظهرها..
فيصل:ليش؟؟
خالد:علشان ميسوه تجلس تاكل براحتها
فيصل:ماله داعي حنا نطلع
خالد:انا واحدن جوعان واباكل هنا..تبي تطلع بكيفك..
فيصل:لا بروح مابقى شيء ويخلص البريك..مع السلامه..
وطلع..
ميساء:هجمت على الكيس وطلعت وجبتها وجلست على الكنبه اللي لفها خالد كشفت وبدت تبلع..
بعد ماخلصو اكل..
خالد:شبعتي..
ميساء:وجبتين ولا اشبع اكيد بشبع..كثر الله خيرك
خالد:صحه وعافيه..
ميساء:قامت تنظف المكان وجمعتهم بالكيس..وحطتهم بالزباله
خالد:انا بروح للبيت اخذلي غطه واجي..تبين شيء
ميساء:سلامتك..ايه خويلد لاتنسى الله يعافيك جبلي بطانيه والله تجمدت من البرد..
خالد:اسمي خالد موخويلد..تبين شيء ثاني بعد..
ميساء:لا خلاص مشكور ياخويلد
خالد:ميسوه ميسوه ماتتغير..مع السلامه..






منسدحه بسريرها ماتقدر تتحرك الدكتوره محذرتها..صدمتها بطلاق اختها ماتحملته..
رن التلفون اللي بجنبها وردت..الوو
سليمان:حلوتي شلونها..
سلمى:بخير..
سليمان:متأكده
سلمى:ايه لاتخاف علي..
سليمان:كلتي علاجك
سلمى:ايه
سليمان:تغديتي
سلمى:ايه
سليمان:اشتقتيلي
سلمى:ايه
سليمان:تحبيني
سلمى:لأ
سليمان:افا زعلانه اليوم علي؟؟
سلمى:لأ
سليمان:اجل ماتحبيني!!
سلمى:اموت فيك..
سليمان:ايه قولي كذا من اول ماتصدميني وتقولين لأ..
سلمى:متى تجي
سليمان:اذا خلص الدوام
سلمى:ياربي مت طفش..
سليمان:يابعد قلبي حاس فيك بس شسوي الشغل واجد..تدرين مافيه الا انا وابوي.. عمي مسافر وناصر الله يرحم حاله
سلمى:ضيقت خلقك على الفاضي اسفه
سليمان:انتي تضيقين الخلق!!..الا تفتحين نفسي..بكلم عبير اخليها تجي هي والعيال
سلمى:لا خلاص مابي اتعبها معي..يكفي متحمله البزران..خلاص انا بنام
سليمان:على راحتك..الحين بسكر وبعد ساعه بدق اوكيه
سلمى:اوكيه..سكرت منه واخذت المصحف تقرى..

----------

اليوم ذكرى الفراق ومرت اول سنـــه
اليوم لي عام متغرب وحيد وحزيــــن
اليوم انا ضيف جرحي جيت بطمنــــه
اني جمعت الدموع وجبت امانة امـــين
مايجرح الصادق الا غدر من يامنــــه
لاجت من احبـــاب قلــبك لاتلوم السنـــينمليت من هالاماني دام هي مو ممكنــه
لاهي تحقق وانا يــاسي بوجهي يبــين
الوين انا وانت مثل الشمس والازمنه
مع كل صبح يجددني لشمسك حنـــين
لاقلت احبك احبك كنها دندنـــه
اوكنها وردة مابين اصابع جنـــين
يااجمل الناس لك بين الملا هيمـنه
كثير غيرك ولكن مين مثلك وويــن
ياعاذلي خذ عيوني يمكن تثمــنه
تشوف عيبه وانا اشوفه ملاك حســين
امس افترقنا وانا احسب مرت اول سنـــه
ياطولها ليلة الفرقا سنه للحزيــــن..(من روائع طلال الرشيد)


قام من نومه وشكله مبهذل ووجهه اصفر وهالات سوداء تحت عيونه ..لابس تيشرت اسود وجنز..هذا حاله من يوم هوشته مع خالد..ولادرى عن ليلى..نادى على الحارس ..
احمـــــــــــد..أحمـــــــــد
احمد:جاء مسرع وبيده ملعقه..سم(احمد جنسيته سودانيه)
ناصر:قام يحوس شعره بيده..شب النار وجهز القهوه
احمد:ان شاءالله ..ماتبي غداء
ناصر:لأ
احمد:عمي صارلك مده على هالحال وانت ماتاكل بس عايش على هالقهوه..
ناصر:طالع فيه بنظرات فارغه..احمد تهقى ترجعلي؟؟
احمد:اكيد ..(احمد اذا ماقال هالجواب كان ناصر يضربه ويفرغ شحنة الغضب فيه)
ناصر:بس انت ماتعرفها..
احمد:لا بترجع لاتشيل هم
ناصر:اصلا غصبا عنها مو برضاها..هي تقدر تعيش من دوني بس انا لألأ مااقدر..انا اموت من غيرها..بس والـــله يااحمد انا مالي شغل هم السبب هم مايبوني اعيش معها حاسديني عليها..مايبوني اتهنى..ماتوقعت ان القريب ممكن يغدر فيني...اثريها هي اللي تجرح القلب..
احمد:اللي مو فاهم اي شيء..ياعمي ربك فوق ..وطلع من الخيمه
ناصر:اعوذ بالله..قام يغسل وجهه ويتوضى لان ماباقي شيء على صلاة العصر..
وبعد صلاة العصر..قرر يدق على سليمان..ركب سيارته اللاندكروزر وراح لمنطقه فيها ارسال..




دق جواله وهو منشغل بالاوراق اللي قدامه..الشغل كله عليه..ان شاءالله محمد يمسك الشركات معنا..رمى القلم من ايده..
طالع بالشاشه ورد على طول
هلا ناصر وشلونك
ناصر:بخير..انتم شلونكم
سليمان:حنا بخير بس ابوي وعبير منشغل بالهم وانت الله يهداك ماتكلمهم..
ناصر:هذا انا كلمت..
سليمان:ناصر ارجع..ترى الشغل واجد وكله علي..
ناصر:اذا هديت برجع..أ..أقول
سليمان:قول..
ناصر:بصوت مرتجف..ليلى شمسويه..
سليمان ماكان يدري ان ناصر ماعنده خبر)..الحمدالله وفيصل يقول الاسبوع الجاي تطلع من المستشفى..
ناصر:مستشفـــى!!!ليــــــــش؟؟؟
سليمان:هذا كلام الدكتور
ناصر:توتر ..اقصد ليـــــــه دخلت المستشفى؟؟؟
سليمان:ناصر شبلاك علشان الحمل اللي طاح
ناصر: وش قلت..طـــــــــــــاح!!
سليمان:ناصر انت ماتدري!!!!!الووو الوووو ناصر رد علي
ناصرسكر جواله وضرب راسه بالدركسون..الامل اللي متمسك فيه راح









العصـــــر:

في مكتبه جالس قدامه المحامي..يفكر بالرقم اللي يطلبه..
المحامي محامي حسام)من حيث المبدأ متفقين
ابوصالح:اوكيه..طيب علشان التنازل..ابي
قاطعه المحامي..
المحامي:انا مابيك تبني احلام على المبلغ وترى هالخطوه انا اقنعت موكلي فيها ..القضيه ان شاءالله بنربحها..اسبوع بالكثير وحسام طالع..يعني المبلغ اللي بتطلبه خلني احدده انا..وانت مو ملزوم بالموافقه..
ابوصالح:طالع بالمحامي الشاطر..كم؟؟
المحامي:10 الاف ريال فقط لاغير
ابوصالح:ايـــــش؟؟لا مستحيل اوافق
المحامي:بابتسامه ماكره..اوكيه هذا من حقك..قام وقبل لايطلع..ابوصالح الفرصه لك اليوم فقط..وبعدها بابدأ بالاجراءات..خذها نصيحه مني انا ابيك تستفيد..القضيه ربحانه واسأل اي محامي وبيقولك نفس الكلام..فاستفيد احسن..عن اذنك..
ابوصالح:قلبها براسه..لحظـــــه
المحامي:التفت عليه وهو ساكت
ابوصالح:موافق
المحامي:ابتسم ابتسامة نصر..طيب خلنا نمشي للمركز توقع التنازل وتستلم المبلغ هناك..


وبنفس الوقت بس بالمستــــــشفى:

تسمع اصوات..حاولت تركز..بس ماعرفتهم..طلع منها صوت
ليلى:هممممم
كلهم اجتمعو عليها..
ام فيصل:ليلى تسمعيني..
ليلى:ــــ
ميساء:ليلى اذا تحسين فيني حركي يدك..
ليلى:ــــــ
محمد:ليلى حاولي..بس بنتطمن عليك..
ليلى:بصعوبه فتحت عيونها..وصارت تدور بانحاء الجناح وفجأة سكرتهم
ام فيصل:ليلـــــى ليلى ردي
محمد:بنادي الدكتور..وطلع
ميساء:خالتي اهدي..
جاء الدكتور المشرف عليها وكشف..
محمد:بشر يادكتور
الدكتور:لا الحمدالله صحتها تحسنت كثير..اليوم او بكره بالكثير بتقوم وتسولف معكم..تطمني ياخاله
ام فيصل:الله يطمن قلبك يادكتور..ويفرحك مثل مافرحتني
الدكتور:عن اذنكم..وطلع
ميساء:بدت تقرى على راس ليلى ايات الشفاء الست(الايه 14 من سورة التوبه_الايه 57 من يونس-ايه 69 من النحل-ايه 82 من الاسراء -ايه 80 من الشعراء-ايه 44 من فصلت)
للفائده:روى الشهاب عن القشيري انه مرض له ولد يئس من حياته فراى الرسول صلى الله عليه وسلم في المنام فشكا ذلك اليه فقال عليه الصلاة والسلام اقرأعليه ايات الشفاء اواكتبها في اناء واسقه مما محيت ففعل ذلك فعوفي الولد..
طق الباب..
ودخل..بعد ماتنحنح..تغطت ميساء
خالد:السلام عليكم..وبيده كيس كبير داخله البطانيه
الكل وعليكم السلام
خالد:تقدم لليلى وحب راسها..بشرو
محمد:قبل شوي فتحت عيونها ورجعت تنام..والدكتور طمنا..
خالد:الحمد الله..
محمد:طالع بالكيس ...ليه جايب بطانيه؟؟
خالد:جلس جنب امه..علشان الانسه ميساء بردانه
محمد:برد بهالحر
ميساء:انت ماجربت النومه هنا والله تموت من البرد مو تموت الا تناقز..
خالد:وبعدين انت شعليك هي قالتلك جبلي..اقول يمه ترى مريت سلمى
ام فيصل:وشلونها
خالد:لا الحمدالله..ومريت بيت عمي وشفت سدومه ونصور نايم..وعبير تسلم عليكم
ام فيصل:حسبي الله على من كان السبب
خالد:يمه الله يهديك..
محمد:يبي يغير الموضوع..خالد ترى فيه تشيز كيك اذا تبي
خالد:اذا انا ماابي منهو اللي يبي..
ام فيصل:طلعتله قطعه وصبتله قهوه..
خالد:تسلمين يالغاليه..وقبل لايبدا بالاكل..ميساء اكلتي
ميساء:لا تخاف علي تدري فيني مااقاوم تشيز خالتي
خالد:اكل لقمه..اممم ..يهبل يمه
محمد:كل طبخ امي يهبل..
خالد:تكلم الدلوع ترى شهادتك بامي مجروحه ..زين وجهك ماتمدحها وهي مدلعتك
ام فيصل:خويلد تراني امكم استح على وجهك
خالد:يـــــمه امزح..
ميساء:انت كل احد عندك دلوع..
خالد:لأ..بس الخاصين..
محمد:اقول خالد يازينك ساكت..يمه بطلع للنادي تبين شيء
خالد:لا ماتبي بس اقلب وجهك
محمد:انت من كلمك يالملقوف
ام فيصل:لا ماابي وانتي ياميساء ماتبين ترجعين للبيت
ميساء:الا بروح اشوف امي واتطمن عليها بس برجع مع العشاء انا اللي برافق وتراني حلفت
ام فيصل:براحتك يابنتي
خالد:بطرف عينه يناظرها..من غير ماتقولين اجل ليش جايب البطانيه انا..
ميساء:تراك ذليتنا على هالبطانيه..
محمد:يلا ميساء تأخرت..
وطلعو..





دخلت عليها بالمطبخ..
غدير:يمه ..شتسوييين؟؟؟
ام جاسم:اصنع طياره..يعني شسوي؟؟؟
غدير:طيب اعصابك يالغاليه..
ام جاسم لفت على بنتها)مشااااء الله..رووووحي البسي
غدير:وش البس..وتدور بجلا بيتها التركواز المطرزه بعنابي...مو حلوو..
ام جاسم:حلو ماقلنا شيء بس روحي البسي طقم تنوره وبلوزه مو جلابيه..
غدير:لييش؟؟من بيجينا غير مرت خالي؟؟؟
ام جاسم:عازمه صديقاتي بسرررعه روحي البسي..
غدير:طيب البس تنوره جنز عادي
ام جاسم:جنز بعينك..روحي البسي طقمك الشيفون الاخضر ..اللي من السواني..وحطي مكياج خفييييف فاهمه وفكي شعرك..
غدير:وووع افك شعري..بعدين اللي تقولين عنه هذا مايصلح لعشاء عادي..
ام جاسم:قسما بالله يغدغود اذا ماسمعتي كلامي لاذبحك..بسررررعه
غدير:طيب طيب..وقبل ماتطلع من المطبخ..يمه وانتي بتطلعين بجلابيتك؟؟؟
ام جاسم:غديييييييير..
غدير:طيب ..وتركض لغرفتها تغير...
ام جاسم:الله يستر من هالضيقه اللي بصدري..




توها راجعه من المستشفى ..تزور جدها اللي تحسنت حالته كثير..
رمت عبايتها ونفشت شعرها اللي بدى يضايقها وخصوصا انه حر..
طقت الباب بخفه ودخلت على طول..
غيوض:هــــــــاي
عاليه:اهلين.
غيوض:لما اقول هاي قولي هايين..مو اهلين
عاليه:والله انا عربيه مو اجنبيه وثانيا انا مسلمه اذا دخلتي قول السلام مو هاي
غيوض:يوه بدت محاضرة الشيخه..
عاليه:ياليتك بس تسمعين كلامي..اشوفك مبسوطه
غيوض:هزت راسها بايه..اليوم جدو بيطلعونه
عاليه:طنشت لان الموضوع مايهمها..دقت عليك نوال
غيوض:ايوه..جلست على كرسي التسريحه..تقول انها بتسافر
عاليه:وين؟؟
غيوض:لايطاليا..هههه
عاليه:شفيك تضحكين..ورفعت نفسها عن السرير وحطت المخده ورى ظهرها
غيوض:رهيبه هالنوال..تقول الشيء اللي يعجبها بأمها السفر..
عاليه:استغفر الله انا مادري شلون نسميهم اب وام وهم ولا شيء جايبينا علشان نتعذب..
غيوض:انتي حاله شاذه..وبعدين من قال انا نتعذب بالعكس فراقهم عيد..
عاليه:لا بالاذيه يتدخلون..زوجوها واحد ماتبيه وتطلقت وهي صغيره..
غيوض:لاتخافين بترجعله
عاليه:متـــــــــى؟؟
غيوض:خفتي؟؟
عاليه:من ايش
غيوض:انها بتاخذ حبيب القلب اللي داوى جروحنا..
عاليه:رمت خداديه صغيره على اختها..
غيوض تفادت الرميه)..لا يكون انحرجتي
عاليه:غيوض انتي تتخيلين اني بتزوج
غيوض:وليش لأ؟؟
عاليه:بعدت الحاف عن رجلينها..من اللي يبي وحده محرقه ومجرحه..من اللي يبي ياخذ وحده يتقرف منها..خليك واقعيه
غيوض:لا تخافين عمليات التجميل على افى من يشيل..
عاليه:حتى لو عالجت الجسد.. الروح من يعالجها..
غيوض:تبي تغير مود عاليه..صارت تطق بالتسريحه..
ياهلي الـــروح تعبــانه ..
جيبولي دكتـــور نفسيه
جيبولي دكتور نفسيه..
دخلت عليهم نوال فجأه وهي ترقص..
غيوض:عاشو ياهلا ورى ورى..
عاليه:واااااااااو
نوال:وهي تحرك شعرها يمين ويسار..حلوو(قصته قصير مره من ورى وطويل من قدام وغره متساويه)
غيوض:وقفت طق...ياحماره انا كنت بقص زي كذا..سبقتيني
نوال:طيب حلـــو
عاليه:روووعه مره لابق عليك
غيوض:من جد احلويتي..
نوال:حمرت خدودها..خلاص ترى استحي..يلا يلا البسو عباياتكم بنروح للسوق
عاليه:لا مااقدر امشي
غيوض:اوكيه انا بروح..
نوال:طيب نجيبلك عربيه تمشين
عاليه:لا ابي ارتاح روحي انتي وغيوض..وجيبولي شيء معكم..وياليت تغيرون لبسكم..
غيوض:علوش شفيك غثيثه اليوم؟؟
عاليه:اووه نسيت ان الحق يزعل..
نوال:خلاص غيوض امشي ..سي يو علوشه..وطلعت مع غيوض ومطنشين كلام عاليه..



بعد صـــــلاة المغرب:

جالس مع بنت اخوه ويتقهوى معها..
ابوجاسم هز الفنجال بيده..بس)
نوره:اصبلك شاهي
ابوجاسم:لا يابنيتي..ومد لها ورقه..
نوره: نزلت الدله من ايدها..خذت الورقه..وشي هذي؟؟..
ابوجاسم:افتحيها
نوره:فتحتها وقرتها..طالعت بعمها..ليش ياعمي والله كثير
ابوجاسم كتبلها بيت باسمها ومزرعه وعماره)ابي اتطمن عليك يابنتي
نوره:دمعت عيونها ..والله كثير وبعدين حلال ابوي كله لي وانا مو محتاجه
ابو جاسم:وانا ماتعتبريني مثل ابوك..وفتح يدينه لها
نوره:ضمته وبدت تبكي..
ابوجاسم:ليه هالدموع..رفع راسها ومسح دموعها..غاده وينهي صار لها يومين ماشفتها..
نوره:تقول تعبانه..
طلع من البيت..ونوره حست بتأنيب الضمير بس هالتأنيب ماطول لانها اقنعت نفسها انهم يستاهلون اللي يجيهم..


ؤ)
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 7:02 pm

طالعت شكلها بالمرايه..
ياربي..بصراحه مو حلو المكياج الخفيف..وبعدين لازم اكثر انا عروس..
مسكت علبة الشدو..وصارت تضبط عيونها..بعد ماخلصت..
ايه كذا مضبوط..مسكت علبة الاكسسوارات واخذت حلقها الذهبي الدائري ولبسته..اوو باقي شعري..كانت مموجته..مسكت طوق اخضر ولبسته..ايه كذا حلو..اوو باقي عطري..تعطرت.
سمعت طق الباب..ادخل
الشغاله:مدام يقول انزل ضيوف فيه
غدير:طيب الحين نازله...لبست صندلها الذهبي ونزلت..
دخلت المجلس وماكان فيه الا مرت خالها..
ام ركان:هلا هلا بمرت ولدي..وتسلم عليها بحراره
غدير:هلا خالتي..شلونك..
ام ركان:انا بخير..
سمعت صوت من وراها..السلام عليكم
تجمد الدم بعروقها..الصوت مو غريب..يارب مايكون هو وزادت تمسكها بام ركان ومعطيته ظهرها..
ام ركان:هلا ركان تعال عندي سلم على مرتك
غدير:بقلبها(او ماي قاد)صار وجهها احمررر
ام ركان:غديير..عيب معطيه ركان ظهرك لفيله..وتلفها
غدير:كانت ترجف..ومنزله راسها
ركان:هلا غدير شلونك..
غدير:....كانت تحس قلبها بيطلع
ام ركان:انا بروح اساعد ام جاسم وانتم خوذو راحتكم..طلعت
ركان جلس)..مطوله..اجلسي..
غدير:....
ركان:اوووه تبيني اشوف كشختك..بصراحه تجننننيين..بس اجلسي
غدير:طلعت عيونها قدام..لا والله ومن قال اصلا اني استعرض عندك؟؟؟
ركان:اجل ليش واقفه؟؟
غدير:مزااج..والحين بطلع بعد
ركان:اجلسي بكلمك بموضوع...اتكلم جد..
غدير:طيب..جلست..
ركان:شلونك شخبارك؟؟
غدير: زينه الحمدالله..
ركان:طيب متى تبين نطلع مع بعض
غدير:حطت رجل على رجل...ليش!!
ركان:ابتسم..علشان نختار الاثاث ..ولا تبين تسكنين بيت فاضي!!
غدير:خالتي ماقالتلك؟؟
ركان:عن ايش؟؟
غدير:عدلت جلستها..اننا بنسكن مع امي هنا
ركان:لا انا مو موافق
غدير:ليش؟؟
ركان:والله بكيفي انا واحد حر..فيه مانع
غدير:ايه فيه مانع اكيد..بعدين خلاص حنا اتفقنا
ركان:مشاء الله واتفقتي مع مين ياحلوه ؟؟
غدير:مع خالي وخالتي وامي وابوي..
ركان:قلتيها ..يعني ماتفقتي معي ولا ناقشتيني..
غدير:عصبت..بلا سخافه عاد
ركان:طالعها من فوق لتحت..وقام
غدير:مسكت ايده وحاولت تجلسه غصب بس هو سحبها بقوه..
ركان:كان بيطلع بس وقفه صوتها
غدير:لحظه فيه حريم(تكذب وبعدين المجلس اللي هم فيه بعيد عن مجلس الحريم)..وقامت عنده وصارت قباله...رفعت حاجب..تستهبل انت تدري ان فيه حريم لايكون متعمد؟؟
ركان:صبر جميل والله المستعان...غدير خوذيلي طريق بسرعه
غدير:هزت راسها بــ لأ
ركان:ترى والله اطلع احسن لك خوذيلي طريق
غدير:طلعه مافيه وان طلعت بقص رجولك قص هذا الناقص ببيتي وتغازل
ركان:مسح وجهه بيدينه..لاحول ولاقوة الا بالله..وبعديــن
غدير:تخصرت..ولاقبلين..اجلس بكمل معك الموضوع
ركان:الظاهر قلت اني مو موافق..
غدير:بس انا ماقلت رايي للحين
ركان:عصب..ورايك مو مهم
غدير تكلمت بالمصري) خش بعيني خش بعيني..اتحدى اذا رايي مو مهم..
ركان:سيطر على ضحكته لاتطلع ..واثقه بزياده
غدير:غمزتله..اعجبك..
ركان:حب يفشلها..ابدا..مادخلتيلي مزاج..
غدير:فصخت طوقها ورجعت تلبسه..طيب احلف ان كنت صادق..
ركان:مارح احلف شعندك
غدير:والله طفرانه ما معي ولا ريال..ههههه يحليلك تصدق بسرعه ماحد يمزح معك..وسحبته غصب عنه وجلسته..تصدق
ركان:وشوو
غدير:كل شيء فيك الى الان طبعا حسب اختباراتي اللي اجريها عليك ..عجبني الا شيء واحد
ركان:وشو
غدير:انك زعول..
ركان:وانتي تجرين علي اختباراتك!!
غدير:اجل اتزوجك على عماي لازم اعرف اطباعك..
ركان:يعني كل اللي قلتيه قبل شوي اختبار؟؟
غدير:افكورس حبيبي..(قالتها عفويه)
ركان:ابتسم..يعني انتي متعمده تطفرين فيني..اوكيه بس موضوع السكن عند عمتي انا جاد فيه..
غدير:ابتسمت..شوف الليله عندنا عزيمه ومو حلوه اطلعلهم وانا زعلانه..اجل النقاش لبكره..
ركان:لأ بنتناقش اليوم
غدير:بكره احسن..علشان يصير لك عذر تجي..
ركان:هههه..
غدير:اللي حست على كلمتها...مع السلامه وطلعت بسرعه..
ركان:هالبنت بتجيب اجلي..
طلع وهو مبسوط ومرتاح..وراحت للضيوف وهي مبسوطه ومرتاحه...(ارتاحو لبعض بشكل سريع..ودخلو بمرحلة الاعجاب..بس هل سيستمر؟؟؟)


جالسه لحالهابالحديقه تفكر بالاحداث اللي صارت..
عبير:يعني انربطت فيك يافيصل مافي امل نترك بعض..الله يهديك ياناصر شسويت فينا
..اه ياليلى ودي ازورك بس مستحيه..والله مالي وجه..الحين شالسواة مع فيصل؟؟يارب تهدى الامور وتفكني منه يارب..بدت تتذكر كلام محمد في دفتر مذكراته..
( تعلق بالهوى..
مسكين اخي..يصارع حبه ويحاول جاهدا ان يهزمه..
ولكن من يهزم الحب..تسرع بانتقامه واحسه نادما .. مالسر؟؟لما تركها..
مسكينة عبير..كانت ولازالت برأيي الانسب له..سيصبحان ثنائي رائع..
ولكن اخي تعلق بالهوى..)
قطع تفكيرها رميه من ناصر على راسها
عبير:ووووجع
ناصر:مادريت عمتي
عبير:خذت الكوره..اعلمك شلون مادريت..وراحت تلحقه..







بعد صلاة العشاء..



رجعت ميساء للمستشفى وام فيصل رجعت لبيتها..
قعدت تقرى قرآن على ليلى..
بعد مده..
ليلى:فتحت عيونها..آآه
ميساء:نزلت المصحف على الطاوله..ليلى الحمدالله على سلامتك..تحسين بشيء
ليلى:ابي ماء..
ميساء:ضغطت على الجرس وجت الممرضه..لوسمحتي تبي مويه
الممرضه:اوكيه..اخذت قطنه وحطتها بكوب مويه.. وبدت تقطر المويه بفم ليلى..لترطيب الحلق فقط..
ليلى:ابي مويه
الممرضه:لا ممنوع ..الحمدالله على سلامتك..تبون شيء ثاني
ميساء:مشكوره..مسحت على راس ليلى..ليلى اشتقنالك
ليلى:انا وين..
ميساء:انتي تعبتي علينا ووديناك للمستشفى
ليلى:همم..ورجعت للنوم..
ميساء:غطتها زين وراحت تتصل تبشر ام فيصل..




بعد مانومت عيال اخوها بدري..جلست على الكنب بتوتر..
رايح جاي رايح جاي..منشغل على ولده ..الحارس يقول من طلع الظهر مارجع للحين..
ابو سليمان:وين راح ويـــن؟؟
عبير:يبه الله يخليك لا تخوفني ..انشاءالله مافيه الا العافيه..يمكن سافر
ابوسليمان:وجواله ليه مقفل..ياربي هالولد مستخف
عبير:يبه استريح اللي تسويه مو مرجعه..
ابوسليمان:مـــــــااقدر..بروح ادوره..
عبير:يبه وين بتدوره وتتركني
ابوسليمان:طلع على طول ولا رد على بنته..




رن جوالها واستغربت..ابوي من زمان مادق علي او حتى سئل..تركت الضيوف وردت
هلا يبه..
ابوجاسم:هلا غدير وشلونك
غدير:بخير الحمدالله انت شلونك يبه
ابوجاسم:انا زين بس انتي ليه ماتزورينا
غدير:ان شاء الله ازوركم..يبه لاتحسبني مااتصل بس كل مااتصل عليك يكون جوالك مقفل وادق على مكتبك السكرتير يقول مشغول
ابوجاسم:ادري والله بس انا اللي انشغلت..انا قريب من عندكم اطلعيلي بالمجلس ابي اشوفك
غدير:حياك الله..وسكرت بسرعه وراحت تقول للشغالات يسوون قهوه ويودونها للمجلس..رجعت للضيوف واشرت لامها تجي
ام جاسم:خير؟؟
غدير:ابوي بيجي
ام جاسم بدى قلبها يرجف)وش صاير اختك فيها شيء
غدير:لا يمه بس يبي يسلم علي
ام جاسم اللي لون وجهها تغير)..غريبه اول مره يسويها
غدير:الله كريم يمه..يلا بروح استقبله..





بعد ماخلصو من التسوق ..قررو يتعشون بتشيليز..
غيوض:افف اكره هالمطعم كأننا داخلين غرفة تحقيق
نوال:وهذا اللي يعجبني احس اني بجو أكشن..دخلو وجلسو على طاوله وطلبو..

غيوض:اف حر ياناس حر..
نوال:كأنك اول مره تجربين الصيف بالرياض
غيوض:بس السنه هذي مـــوت حر احس اني بموت..
نوال:ههه شوفي شمكتوب وراك
غيوض:التفتت تقرى..الحمدالله ..ذكريات..صدق سخافه
نوال:فاضين..اخذت منديل وحطته على اللمبه النازله
غيوض:شالت المنديل بتحرقينا انتي
نوال:اعمى عيوني
غيوض:هذا اختيارك..اقول نسيت اسألك..شسالفتك مع زيود كأنك بديتي تميلين له؟؟
نوال:مادري..تقريبا..يمكن
غيوض:ترجمي مافهمت؟؟
نوال:يوم كلمته علشان عاليه..حنيت لصوته..ويوم جانا اول مره اركز فيه..زياد حلوو مره ووسيم..مادري شلون كنت عميا
غيوض:معميك حسين..الا هو شخباره مع زوجته
نوال:اخر همي اخبارهم..
غيوض:طيب متى الرجعه
نوال:اذا جينا من السفر..
غيوض:لاتنسين نبي حفله..وتغطو لان الطلب وصل.

-----------------


يكـــفي مافيني كــفى..
مل قلبي من العنـــى..
مل مابــه من ذنـوب..
مل مما قـد عصــــى..
قد بكى في ذلــــة..
نادما مما جــــنى..





الانوار مطفيه والستاير مسكره..جو الغرفه كئيب..
ماينسمع الا صوت نحيبها..وجوالها اللي رن..
مسكت الجوال بيد مرتجفه..وردت بتعب..الو
عماد:شسويتي؟؟
غاده:ـــــ
عماد:غادة مو وقت بكي..اهدي خلينا نشوف حل بهالمصيبه
غاده:تعال تزوجني وانا مستعده اصير خدامه و
قاطعها
عماد:هي انتي لاتحسبيني يوم اساعدك لاني خايف من الفضيحه..لا انتي ماتقدرين تسويلي شيء..بس انا خايف عليك ياقلبي..وبعدين انا مابي اتزوج الحين..اذا فكرت بالزواج ثقي انك انتي اول وحده افكر فيها..
غاده:ــــ
عماد:افف وبعدين متى توقفين بكي ابي اتكلم..
غاده مسحت دموعها)..قول
عماد:كلمت الدكتوره اليوم وقالتلي بتحاول وعساه ينزل
غاده:بس انا تعبت..اخاف اموت
عماد:الموت ولا تنفضحين يالغبيه..بمرك الليله
غاده:خلاص مرني..مافي غير هالحل..
سكرت منه..ودفنت راسها بالوساده..آآه والله مليـــت خلاص تعبت..
حتى الحمل مو راضي يطيح وكأنه مكتوب على الشقا طول عمري..



-----------

حط راسه يبي ينام بكره وراه دوام بدري.. بس التفكير مانعه..وتأنيب الضمير يعذبه..
خالد:معقوله انا نذل..ايه نذل انا شلون احب اللي يبيها فيصل ويوم تركها شجعته..
لا انا ماشجعته..انا احب ميساء من زمان بس عمري مالمحت لفيصل او حتى لها ..وبالعكس كنت دايما ادعيلهم بالتوفيق..بس مااقدر امنع نفسي عنها والفرصه قدامي..بس خايف فيصل يزعل..لا ماتوقع انا قلتله قبل وقال بكيفك ..وهي بتوافق؟؟ ياربي شلون اعرف..
اكلمها؟لأ اكيد ماترضى..افف من هالتفكير اللي صدع براسي..




الشرقيه..
الحمدالله على السلامه ماتشوف شر ياوليدي..
ارتاح على سريره..
محمد:الشر مايجيك يمه..
ام محمد:مكسسسر يكسر ايده اللي سوى فيك هالسواة..ماعرفتوه
ابو محمد:لا ماعرفوه..روحي سوي اكل لولدك بدل هالمداعي..
ام محمد:ثواني ويكون جاهز..
ابو محمد:متى قال الدكتور يفكون جبسك؟؟
محمد:بعد 6 شهور..
ابو محمد:الله يشفيك..





تبكي بدون صوت..كل شيء داخلها يبكي..
كانت تبيه وتنتظر اليوم اللي يطلع فيه ويقول ماما..
كان هو اللي مخفف عليها..على الاقل تطلع من تجربتها بشيء..
بس الحين..انا الخسرانه الوحيده..حست بحركه..غمضت عيونها ماتبي احد يشوف دموعها..ماتبي شفقه من احد..
سمعت باب دورة المياه يتسكر.وبعدين سمعته ينفتح اسمعت استغفار ميساء وحست انها تقترب منها..ماقدرت تقاوم فتحت عيونها..وانفجرت بالصياح..كان فيه صرخه داخلها وتبي تطلعها ..كان صياحها يقطع القلب..تركتها ميساء تطلع اللي بقلبها..ماتدري كم قعدت وهي تصيح..
ميساء:حست انها هدت شوي..ارتحتي..
ليلى:ليـــش ليش
ميساء:ليلى استغفري لا تعترضين..
ليلى:كل شيء خسرته..
ميساء:الله بيعوضك..
ليلى:ميساء..فيه احد درى..ابوي شقال..
ميساء:كلهم درو..بس المسكين ناصر مايدرون وينه
ليلى:بقلعته الحقيــر
ميساء:ليلى ترى ناصر مسكين ماله ذنب..لعب عليه ولد عمك محمد وقال انك تكلمينه ومن هالكلام..سامحيه هو بعد انظلم ناصر يحبك
ليلى:يعني انا اللي ظلمته..ماكفاه اللي سواه فيني قبل مايتوب..ميساء عهود قالتلي قبل انه كان شاك فيني يوم خذته..والحين رجع لنفس الموال..ليش مايثق فيني تبيني اسامح واحد ذلني وشمت الناس فيني وفضحني ليتني تطلقت منه من زمان ولاشفت اللي شفته..سمعتي اللي يتكلمون فيها وولدي اللي خسرته بسبب مـــــــين قوليلي..وتبيني اسامحه..
ميساء:ليلى ارتاحي بعدين بنتفاهم..الانفعال مو زين..اذكري الله علشان تهدين..
ليلى:لا اله الا الله..خذت نفس وسكرت عيونها..وصوت ميساء وهي تقرى عليها ريحها كثير..










رجع للمخيم والدنيا ضايقه فيه..
والحارس اول ماشافه راح لمكان فيه ارسال علشان يطمن ابوسليمان..
جالس لحاله ببيت الشعر..وصدى صوت سليمان يتكرر..الحمل طاح ..طاح..طاح..
اخذ الفنجال وحذفه من القهر بعمود بيت الشعر وانكسر..
ليش ليش ليش..الامل اللي متعلق فيه ..بح بحححححححححححححححح وصرخ بصوت عالي..بححححححححححححححححححححح...
وصار يبكي مثل الطفل...دافن راسه بالمركى ويبكي...






طلعت من الحمام(اعزكم الله)بعد ماخذت شور ينعشها ويروق اعصابها..
تذكرت كلام غيوض..
غيوض:كلميه واعتذري منه
رمت الفوطه اللي على راسها بعد ماتاكدت ان شعرها تقريبا نشف.. وراحت لشنطتها طلعت جوالها موتورلا الذهبي ..دقت عليه...
بعد مده..
الوو
نوال:مسكت خصله من شعرها تلعب فيها..هلا زياد
زياد:اهلين..صاير شيء
نوال:ههه يعني ماكلمك الا اذا فيه شيء
زياد:اجل ليه متصله؟؟
نوال:ابي..حمر وجهها..لابس حبيت اشكرك
زياد:العفو بس على ايش؟؟
نوال:انك عالجت بنت جيرانا ومافشلتني
زياد:هذا الواجب..
نوال:....
زياد:نوال تبين شيء
نوال:ايه..اقصدلأ..
زياد:نوال حنا اخوان لا تترددين..
نوال(اخوان طل)..لابس انا بسافر بكره توصي على شيء
زياد:لا مشكوره..اتركك الحين لاني مشغول
نوال:تصبح على خير..
زياد:وانتي من اهله..سكر وقلبه قابضه من مكالمتها..






كان الوقت متأخر..

ماتدري شتسوي ليلى انهارت فجأه والدكتوره عندها وهي خايفه..
راحت للرسبشن وطلعت رقم فيصل من جوالها ودقت عليه..
رد وبصوته النوم..الو
ميساء:هلا فيصل اسفه ازعجتك
فيصل:طار النوم من عينه..خير ميساء ليلى شفيها
ميساء:ماقدرت الا وتنزل دموعها..مادري فجأه قمت من النوم وهي تصارخ..فيصل خايفه
فيصل:لا تخافين الحين جاي..رمى لحافه على الارض وبسرعه لبس جنز وتيشرت واخذ المفتاح وقبل مايطلع تذكر انه ماغسل وجهه ..رجع بسرعه غسل وجهه وطلع..


-----



**********************************************
وبمكان ثاني بنفس الوقت...

تمشي باطراف اصابعها ماتبي احد يكشفها..لبست عبايتها على السريع
ولفت الطرحه على وجهها والدموع ماليته..تحس برجفه تسري بانحاء جسمها النحيل..
ولسانها يردد ياليتني مامشيت بهالطريق..بديت من نظره ووصلت للحاله هذي..لهالدرجه انا غبيه طول عمري اسمع بالمواعظ والمحاضرات الدينيه عن الذئاب البشريه وكنت اضحك على هالمحاضرات واقول شيء بالعقل مين بتتزوج بهالطريقه اصلا من بيرضى ياخذ وحده تعرفت عليه قبل..بس تغير كل شيء لما تعرفت على عماد..
غمضت عيونها تتذكر شلون تعرفت عليه..
في مكتبة جرير الدور الثاني في قسم الكتب العربيه..
غاده:تدور بين الرفوف عن الكتاب..يوووه...لو سمحت
المسؤل:نعم اي خدمه
غاده:ابي اسأل عن كتاب لا تحزن لعايض القرني..
المسئول:للاسف خلص الكتاب امس..
غاده:يوه علي حظ..
قاطعهم صوت..
عفوا..انا عندي كتاب لاتحزن اذا بغيتيه..
غاده:لا شكرا مو لازم ادوره بمكتبه ثانيه..
عماد:ابتسم..شكلك تحبين هالنوعيه من الكتب..على العموم انصحك تقرين كتاب محمد العريفي يدور حول الموضوع..
غاده:ببراءه..يعني حلو
عماد:انا ماانصح الا بالحلو والجيد واللي يستفاد منه..وتراني على كلمتي اذا تبين لاتحزن تراه موجود عندي..
غاده:لا خلاص بشتري كتاب العريفي..وبعدين لاتحزن يمكن تحتاجه
عماد:انا احب اقرا الكتب واحتفظ فيها..بس لاتحزن انا عندي نسختين..واعتبريها هديه مني
غاده:مااقبل هدايا ومشكور.. تركته وراحت تدور كتاب العريفي..
وعند الكاشير..
عماد:عفوا..الحساب مع بعض
غاده:نــــعم؟؟
عماد:مافيها شيء وبعدين سعره مو مستاهل التعصيب..ولاتنسين انا اللي نصحتك تشترينه اخاف مايعجبك وتتخسرين على الفاضي..
حاسب بدون مايناقشها..
مد لها الكيس...
عماد:لو سمحتي انا اعتبرك اخت لااكثر لاتفهميني غلط..
غاده:ــــ
عماد:طيب ابي اطلب منك خدمه لو سمحتي..شكلك جامعيه
غاده:ليه السؤال؟؟
عماد:ابد بس انا مسوي بحث وودي اوزع استبيانات وهي خاصه بالبنات وانا ماعندي الا اخت وحده كتكوته عمرها سنتين اسمها ريتاج..وودي تساعديني بالبحث..اذا ماعندك مانع
غاده:لا ابدا ماعندي مانع..بس وين الاستبانات ويين اقدر اسلمك اياها
عماد:بعطيكي الايميل واتمنى تراسليني..كتبلها ايميله..

فتحت عيونها على صوت تكرهه..واخر شخص تتمنى تشوفه
لابسه عباتك على وين ياانسه غويد
غاده:مالك دخل
نوره:لا لي دخل..تبين تطلعين مع عماد صح؟؟
غاده:انتي مااااالك دخل وفارقي عن وجهي احسن لك
نوره:لا مو مفارقه وطلعه مافي طلعه ووريني شتقدرين تسوين
غاده:بطلع وغصبن عنك وخـــــــري
نوره:قلتلك مافي طلعه ...
غاده:وخــــري ...وصارت تحاول تبعدها عن طريقها بس ماقدرت هي جسمها تعبان ومافيها حيل..
نوره:قلتلك مافي...حاولت تمنعها...وتشابكت الايدي ببعض..
غاده:اقولك وخري وخري ..حاولت تدف نوره بس نوره الاقوى ودفتها ..
غاده:اااااااااه.....عقدت حواجبها من الالم....طالعت بنوره بحقد...بس ماستمرت هالنظره لان الالم اعتصرها وصرخت بـ ااااااااااااااااااااااه
نوره:شفيــــــــــــــك؟؟؟ غاده ردي علي غاده..غـــــــــاده

في الشارع ينتظرها..تأخرت عليه..دق عليها..

نوره:غاده غاده ردي قوليلي شاللي يعورك وبدت دموعها تنزل..
غاده:ااااااخ يمــــــــــــــــه (وجهها مليان دموع) اااااي ااااي
نوره لحقيني بمووووت ااااااااخ
رن الجوال بشنطة غاده...
نوره:غاده غاده..
غاده:بدت تفقد الوعي...وصوت الجوال ماوقف..
نوره:مسحت دموعها بسرعه وطلعت تقوم عمها من النوم علشان يودونها للمستشفى..
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 7:03 pm



الصبــــــاح..

الساعه 6 ..

جالس بجنبها ويقرى القران عليها..وميساء نايمه وهي جالسه على الكنب..
رن تلفون الجناح ونقزت ميساء من الخوف..
فيصل:بسم الله عليك
ميساء:حطت يدها على قلبها..بسم الله بسم الله..وراحت ترد..الو
ام فيصل: هلا ميساء ..صاير شيء؟؟
ميساء:لا ليش تسألين
ام فيصل:فيصل مو فيه..متأكده ان ليلى بخير
ميساء:ايه بخير..وفيصل عندنا..
ام فيصل:عطيني اياه..
ميساء:فيصل خالتي تبيك..
قام من عند ليلى وبياخذ السماعه من ميساء بس يده لمست يدها..
ميساء:راحت لدورة المياه تغسل وجهها
فيصل:صارت يده ترجف..ضغط على السماعه يحاول يوقف هالاحساس..هلا يمه
ام فيصل:هلا فيصل وشفيها ليلى؟؟
فيصل:هو عارف طبع امه فاختصر الوقت..لا بس امس كانو يبون توقيع اوراق والذي منه ودقو علي جيتهم وتعيجزت ارجع للبيت قلت اجلس عند ليلى
ام فيصل:الله يصلحك خوفتني واكيد ميساء سهرانه
فيصل:ايه..
ام فيصل:طيب انا الحين بجي وقول لميساء تتجهز علشان ترجع للبيت وتريح
فيصل:خلاص انشاء الله..سكر من امه..وهو يطالع بايده
ميساء:تطمنت؟؟(تقصد خالتها)
فيصل:تنهد..ايه وتقول تجهزي الحين هي بتجي علشان ترجعين للبيت..
ميساء:اوكيه...فيصل ارجع للبيت او نام على السرير انا بجلس مع ليلى..انت سهران وباين عليك التعب..
فيصل:طالع بعيونها وسرح..


لا جيت انا بـ سامحك
تبكي الجراح ماودها..
مشتاق ودي اصافحك..
عيت يدي لامدها..
آه يالجراح ..راح اللي راح
وراحتي من ياترى بيردها
ياحب ياذكرى واسم
مادري انا ابكي عليك من العذاب او ابتسم
صدقني في يأسي..نفسي تبي نفسي تبيك
لا يادفا شمسي تبيك
ليه خنتني الله عليك
آه يالجراح ..راح اللي راح..
وراحتي من ياترى بيردها
لا تحاكي عيوني ..يمطر سحاب الملح
ولا تلمس شجوني..ينبت في قلبي جرح
ناظرني ياخلي..جــرح انا كلي
وشلون ابـ ارضى الصلح..
فصل الخريف حبي..حزن وورق اصفر
ودعني ياقلبي..وخل العذاب اقصر
آه يالجراح..راح اللي راح
وراحتي..من ياترى بيردها..

ميساء:ماقدرت تقاوم دمعتها تحس انه يلومها ويعاتبها بداخله..صدت عنه قبل لاتضعف وراحت تجلس عند ليلى..
فيصل:توجه للسرير ..وانسدح عليه..ونام




سود وجهه وملامحه انكمشت..
همس::شقلت يادكتور؟؟
الدكتور:الام بخير والجنين الله يعوضها
ابوجاسم:طالع بنوره..ورجع يطالع بالدكتور..دكتور انا اسألك عن غاده
الدكتور:عارف وانا قلتلك انها بخير بس الجنين طاح..تركهم
ابوجاسم:فتح ازارير ثوبه بصعوبه يبي يتنفس..الجنين طاح!!
دخل لبنته..
مرميه بالسرير والمغذيات على يدها وجهها اصفر والارهاق والتعب باين عليها..
ماقدر الا يبكي..ايه يبكي بنته اللي نزلت راسه بالارض يبكي بنته اللي عمره ماقصر معها يبكي بنته اللي خانت ربها قبل ابوها يبكي بنته اللي استغفلته...
صــــرخ..لــــــــــــيه ليه

جالسه بالممر تبكي انا السبب انا..

شافت الممرضات يركضون ويدخلون غرفة غاده..
خافت..خانتها رجولها تبي تتحرك بس ماهي قادره..خايفه من الخبر اللي تسمعه اكيد عمي صار له شيء..شافت الدكاتره يركضون...وبعدها طلع الدكتور وهو معصب على الممرضه
ماتدري شلون قدرت تتكلم..
نوره:دكتور فيه شيء؟؟؟
الدكتور:فيه مصيبه..البنت ذبحها ابوها
نوره:شهقت..ماتت
الدكتور:للاسف..
نوره:ماصدق مستحيل..
دخلت للغرفه وشافت صوت الجهاز يصفر وعمها جالس على الارض ووجهه اسود..شوي وطاح..
نوره:صرخت..عمــــــــــــي










عقد حواجبه فتح عينه ثانيه.. وبعدين رجع للنوم..
ابوسليمان:وش صار بالضبط؟؟
احمد السوداني:والله ماعارف..سمعته يصرخ ويقول بح بح..وبعدين صار يبكي الليل كله..فقدت صوته ورحت اتطمن عليه ولقيته فاقد وعيه..وعلى طول جبته للمستوصف..ودقيت عليك..
ابوسليمان:لا حول ولا قوة الا بالله...بروح اكلم الدكتور علشان ننقله للرياض احسن من المركز..انتبه له..




اخ ياظهري..
كان لا بس وبيطلع للشغل..بس انتبه لها وراح يمها..
خير حبيبتي تحسين بشيء؟؟كان ماسك ايدها..
سلمى:لا..مافيني شيء..حاولت ترفع نفسها بس ماقدرت..اخخخ
سليمان:وتقولين مابتس شيء ..قومي معي للمستشفى..
سلمى:لا مايحتاج انت ساعدني بس ارفع نفسي وعطني الحبوب..
سليمان:مد لها الحبوب...اكلت الحبوب وشربها المويه..رجعت سندت نفسها على الوساده..
سلمى:شفيك تطالعني؟؟
سليمان:مو متطمن عليك...اسمعي كلامي وخلينا نروح للمستشفى..
سلمى:صدقني مافيني شيء..(شافت الساعه اللي معلقه على الجدار 8 ونص )تطمن وبعدين ترى تأخرت على شغلك..
سليمان:انا وين وانتي وين؟؟
سلمى:ابتسمت واشرت على قلبها..انت هنا..
سليمان:ابتسم من كل قلبه..حتى وانتي تعبانه تتغزلين فيني؟؟؟
لا تضيعين الموضوع..اذا تبيني ارتاح قومي اوديك للمستشفى..
سلمى:طيب امري لله..ساعدها توقف وتبدل لبسها وراحو للمستشفى..




لحححححضضضضه انتظررررررررر يالدب
خالد بقلبه..بعذر امي يوم راحت وتركتك..)اففففف اخرتني على الشغل روح مع السايق..كان واقف عند باب غرفته
محمد:بغرفة الملابس..خلصت خلصت..وطلع وهو ماسك الجزمه بايده وباليد الثانيه الشراب..يالله امش البسهم بالسياره..
مر من عند خالد..مطوول؟؟
خالد:ويضربه مع راسه..امش وانت ساكت..ركبو سيارة خالد..وراحو للمستشفى
وصلو للمستشفى..
فتحو الباب بكل هدوء..لانهم متأكدين ان ميساء رجعت لان ام فيصل راحت الصباح بدري..
السلام عليكم..
ام فيصل وهي تأشرلهم يقصرون اصواتهم)..وعليكم السلام..
خالد وهو واقف فوق راس ليلى بالضبط)..ماصحت؟؟
ام فيصل:الا صحت قبل شوي بس بسرعه نامت..
خالد:الله يبشرك بالخير..وصار يمرر ايده على شعرها...الله يقومها بالسلامه..
محمد:طيب يمه ما تكلمت؟؟ماقالت وين محمد؟؟
خالد:ويضربه بخفه..ترى انت ماخذ بنفسك مقلب..
ام فيصل:بسسس لا تصحون فيصل مسكين مانام الا قبل شوي..
محمد:هو مرافق معها؟؟
ام فيصل:ايه رافق معها..افطرتو
محمد:انا ولله الحمد..(ويطالع بخالد بطرف عينه)..والقرد لاء..
خالد:ابو خشم شفيه؟؟
ام فيصل:لحووول رجعتو لمناقركم..خالد ماوراك دوام
خالد:الدوام لله...تامرين على شيء يالغاليه..
ام فيصل:انتبه لنفسك...
طلع خالد من هنا ودخلت الممرضه من هنا..



*********************
ساعدها تنزل من السرير..
سلمى:شفت سمعت وش قالت الدكتوره...(ونزلت نقابها)
سليمان وهو ماسك ايدها)..يعني حرام اتطمن؟؟
الدكتوره:اهم حاقه ياسلمى الفتره ديت ماتتحركيش من السرير الا لضرووره فاهمه والادويه تنتزمي عليها..
سلمى:انشاء الله دكتوره...
سليمان:تقدرين تمشين ولا اجيبلك كرسي؟؟
سلمى:لا اقدر امشي..طلعو من غرفة الدكتوره وهم يمشون مرت دكتوره وشكلها مستعجله وصقعت بسليمان..
الدكتوره:سوووري..ومطيره عيونها بسليمان..(سليمان طويل وجسمه حلوو حنطي وعيونه لوزيه وعدساته عسلي وحواجبه حاده مع خشم حاد وشارب اسوود يعني بالمختصر يصلح يكون عارض ازياء)
سليمان:لا عادي..
سلمى تنرفزت من مطالعها)..تبين شيء ثاني؟؟؟
الدكتوره انتبهت على نفسها)..لا..وراحت
سليمان:ليش كلمتيها كذا؟؟
سلمى:طالعت فيه..زعلان علشانها؟؟؟؟؟روح راضها ..ومشت بسرعه..
سليمان:لحقها..شوي شوي انتي تعبانه..وهي معطيته طاف..
ركبت السياره وسكرت الباب بقووه..
ركب السياره وحرك..
سليمان:وش فيك معصبه؟؟
سلمى:.....
سليمان:طيب على راحتك...وصلو للبيت..
فتحت باب السياره ونزلت وسكرته بقووه ودخلت للبيت..
ابتسم ...وراح للشركه وبالطريق ارسل لها مسج..



لبست بجامتها وتمددت على السرير..
تذكرت الموقف اللي صار وتنرفزت..سمعت صوت مسج ..قامت من السرير وجلست على الكنب وفتحت شنطتها طلعت الجوال وفتحت المسج..
فديييييت اللي يغااارون
احبك
حمرت خدودها..
سلمى:ياالله كشفني...


دخل لمكتبه..وطلب له قهوه ساده تروق اعصابه..
دخل عليه السكرتير..
سليمان:وهو يفتح الملف اللي قدامه..هلا فرحان(السكرتير) فيه شيء
فرحان:ايه طال عمرك الاجتماع باقيله عشر دقايق والعم ابو سليمان ماوصل وجواله مقفل..
سليمان:طيب الحين بشوف الموضوع..
فرحان:تامر على شيء
سليمان:لا مشكور...مسك تلفونه ودق على جوال ابوه وفعلا طلع مقفل..دق على البيت ورد من اول رنه..
عبير:هلا سليمان(الرقم طلع بالكاشف)
سليمان:هلا عبوره اشوفك قايمه من الصبح
عبير:انتظر ابوي وناصر
سليمان:ابوي راح له؟؟
عبير:ايه ..امس دق علينا الحارس وقال ان ناصر تعبان وراح له ابوي على طول
سليمان:تعبان!! وليه ماقلتولي وابوي راح لحاله والا السواق معه
عبير:لا السواق معه..
سليمان:طيب بحاول ادق على الحارس وانتي اذا دقو عليك علميني ضروري..
عبير:ان شاء الله..
سليمان:قفل من اخته ..يارب سترك..رن تلفون المكتب
سليمان:هلا فرحان
فرحان:الكل جاهز طال عمرك
سليمان:خلاص الحين جاي..طلع من مكتبه وهو حايس لحاله..شايل هم اخوه وهم ابوه وهم هالشركه..

---------------------------
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 7:03 pm



العــــــــصر..



بعد مانقلو ناصر للرياض..
طمنهم الدكتور وقال انها مسأله يوم بالكثير ويطلع..

سمع صوت يعرفه زين
ناصر:همم..
ابو سليمان:ناصر ياوليدي طمني عنك..افتح عيونك..
سليمان:يبه لا تخاف شوية ارهاق بس..
فتح عيونه..
ابو سليمان:الحمدالله على سلامتك..وشلونك الحين؟؟
ناصر:سكر عيونه وبعدين فتحها اشاره لنعم..
سليمان:اليوم تطلع من المستشفى ..بس لازم تنتبه على صحتك...
ناصر:ليلى..
سليمان:ناصر خلاص انساها الحين هذا مو وقته...ولا تخاف عليها هي بخير...
ابو سليمان:ياوليدي الحين القلوب شايله عليك..لا تفتح الموضوع الحين خل الجرح يبرى..
ناصر:غمض عيونه دلاله على اليأس








تبكي لحالها بالبيت..امها بالمستشفى وابوها بالمستشفى تحس نفسها وحيده..اه ياجاسم وينك تشوف حالنا من بعدك..ااااه ياغاده ليه سويتي فينا كيذا انا السبب لو علمت امي من زمان ماصار اللي صار..الله يرحمك نزلتي روسنا بالارض..
السلام عليكم..
غدير:وعليكم السلام..حاولت توقف دموعها بس ماقدرت
ركان:جلس جنبها..خابرك قويه..
غدير:منين تجيني القوه..ابوي وامي بالمستشفى واختي ماتت..
ركان:غدير لاتصيرين ضعيفه وبعدين هذا قضاءالله وقدره..كلمت جاسم وقلتله ان غاده توفت فجأه..اذا دق لاتخربطين بالكلام
غدير:ركان انا اللي ذبحتها مو ابوي..انا مره شفتها مع واحد وسكت ماقلت لامي لان امي كانت زعلانه عليها
ركان:غدير انتي مالك دخل...هي اللي مشت بهالطريق..الله يرحمها..
غدير:الناس مو راحمتنا ياركان بيقعدون يتكلمون علينا..وغطت وجهها بيدينها..
ركان:شعليك من الناس..مصيرهم بيطفشون وينسون
غدير:رفعت راسها وعيونها منزله بالارض..وانت تقبل تاخذ وحده اختها
قاطعها..
ركان:اي كلمه زياده ترى بزعل..روحي البسي عباتك بنروح نزور عمتي
غدير:ومتى بيدفنونها؟؟
ركان:الضابط يقول يومين بالكثير وتنتهي الاجراءات..
غدير:تنهدت..الله يرحمها..









اتصل على خالد يجي ياخذ امه لان جدته وابوه بيجون الليله ولازم احد يستقبلهم..
وبعد اقناع من فيصل وخالد رضت ام فيصل تترك بنتها..


واقف معه بالممر ويتناقش معه..
خالد:اقطع ايدي اذا مو انت..
فيصل:......
خالد:صدق انك داهيه..وطلعت مجرم وينخاف منك..
فيصل:بقول وامري لله..ايه انا ورى الموضوع..
خالد:والله ماشكيت الا فيك..بس وشلون رحت لمحمد انت ماطلعت برى الرياض؟؟؟
فيصل:خالد انا ماوصخ ايدي بهالاشكال...ارسلت له واحد ودفعتله المقسوم...
خالد:والله انك برردت حرررتي..كفو كفو..
فيصل:كان يتكلم وكأنه يهدد...خالد انا اللي يدووس على ليلى او بسسس يزعلها بوريه شغل الله حتى لو كاان اخووووي....
خالد:فيصل لاتقرب لناصر..انت تدري انه اكبر عذاب له فراق ليلى..
وتقطع كلامهم ام فيصل
ام فيصل:انا جاهزه وانت يافيصل انتبه لاختك...
فيصل:ليلى بعيوني..بس دقي على ميساء علشان ماتجي
ام فيصل:الحين اذا طلعت ادق عليها..مع السلامه
فيصل:الله يسلمك..

دخل عليها..الحين صارو لحالهم ويقدر ياخذ راحته معها..ناداها لانه متأكد انها قايمه..
فيصل:ليلى
ليلى:فتحت عيونها..وثواني نزلت دموعها...وهالدموع تحولت لبكاء..ماقدر يستحمل ضمها له وصار يمسح على شعرها..ويحاول يهديها...
فيصل:ليلى ..لا تضعفين صدقيني مايستاهل هالدموع..
ليلى:انا ماابكي على ناصر...انا ابكي على نفسي..ابكي على عمري اللي ضاع معه..ابكي على سمعتي اللي صارت بكل لسان ابكي على ولدي اللي راح..خلني ابكي ....
فيصل:صدقيني بدفعهم الثمن غالي...
ليلى:محد دفع الثمن الا انا...بس الثمن غالي غاااالي...
فيصل:بتشوفين اذا ماخليته يجي ويحب رجلك علشان ترضين..
ليلى:مابيه ولا ابي اشوفه....ومسكت ايد فيصل..اوعدني..
فيصل:اوعدك..بس على ايش
ليلى:ماتقرب لناصر ولا لمحمد..مابي يصيرلك شيء بسببي..
فيصل:اسمي اللي وعدتك..من حظ ناصر اللي الله فكه مني...


-----------




بعد مارضعت واحد من التوأم ونام بحضنها حبته ونومته بسريره بهدوء..
جمعت شعرها على جنب وجلست..
ريم:مو رايحه..
ميساء:لا فيصل بيرافق
ريم:قلتيلي فيــــصل وتغمز لها
ميساء:ايه فيصل ليه في شيء؟؟
ريم:هههه..يازينك وانتي مستحيه
ميساء:من ايش استحي..انتي ماتتركين الالغاز
ريم:قوليلي بس متى العرس
ميساء:من عرسه
ريم:انا كل مااسأل تسألين..بفترض انك عبيطه..عرسك
ميساء:ليه احد خطبني وانا مادريت..
ريم:هذي اللي بتجيب اخرتي..ميسوه تكلمي زين
ميساء:ههه اموت عليك وانتي معصبه..
ريم:وبعديـــــــن
دخل عليهم فهد..
الســــلام عليكم ياحلوين
الكل وعليكم السلام
فهد:جلس جنب ميساء وحط يده على كتفها..اليوم عندنا
ميساء:جيت يمكن على 6 ونص الصبح ونمت..اشتقتلك يابو كرش
فهد:وهو يحرك خشمها باصبعه..وانا بعد..طالع بريم..الريم شلونها؟؟
ريم:كانت متنرفزه من ميساء..بخير
فهد:تعبانه؟؟
ريم:لأ
فهد:اجل شفيك؟؟
ريم:مافيني الا العافيه
ميساء:خلك منها ترى عطيناها وجه وهي تتدلع علينا
فهد:ضربها مع راسها بخفة..حدك كلش ولا الريم..
ريم:ايه هاوشها ترى كل ماتشوفني لحالي استفردت فيني وقامت تعصبني وانت تدري التعصيب مو زين لي..
فهد:ميسوه مو امي هاوشتك انتي متى بتعقلين
ميساء:لحوول..قامت وحبت راس ريم
ريم:مسكتها..الحين مو رايحه الا اذا قلتيلي يــــلا اقري واعترفي
ميساء:فهد فكني منها
فهد:اعترفيلها خليها تريح قلبها
ميساء:افف..ريم حبيبتي مااافي عرس استانستي
ريم:وليه انشاء الله؟؟
ميساء:طالعت بفهد اللي مركز معهم..لاننا انهينا كل شيء..انا بطريق وهو من طريق
ريم:ليــــه والله ماعندك سالفه ترفضينه وهو يموت فيك
فهد:من متى هالكلام
ميساء:من زمان..وبعدين هو اللي تركني مو انا..مو مكتوبين لبعض
فهد:ميساء ابغاك شوي..
ميساء:ابتسمت..اذا قصدك على السبب ..تذكر سالفة السوق.
قاطعها..
فهد:خلاص فهمت..انا بحل الموضوع معه
ريم:تتكلمون بالالغاز ..افف ترى ماحب اكون مثل الاطرش بالزفه
ميساء:لا فهد لاتكلمه ولاشيء..انا خلاص مابيه..
فهد:براحتك..امي نايمه
ميساء:من زماان
ريم:جوعان حبيبي
فهد:لا ياقلبي ..تصبحون على خير..وطلع
ريم:تعالي احكيلي كل شيء ماادري عنه
ميساء:اوكيه اسمعي..



دخلت على اختها وهي طايره من الفرح..
علـــــــــو علـــــــــــو قومي
عاليه:قايمه شفيه
غيوض:واقفه عند راس عاليه..بشـــــــــــاره
عاليه:خير
غيوض:حجزنا حجـــــــزنا
عاليه:بنســـــــافر
غيوض:يس
عاليه:وجدك
غيوض:السفره علشان جدي...امي توها قايلتلي..كلنا بنسافر مع خوالي بنروح للتشيك علشان بالمره جدي يسوي فحوصات..
عاليه:يعني مابروح معكم
غيوض:من قال؟؟انا كلمت جدي قبل شوي وقلتله يحجزلك معنا ووافق..تدرين مايرفضلي طلب
عاليه:تعالي احبك على هالخبر الحلووو
وضمو بعض..




دخلت البيت وهي مزيج من المشاعر حزن غضب الم انكسار..طلعت الدرجات بخفه وفتحت الباب بقوه وانصدمت باللي تشوفه قاعده على السرير والصور حوالينها وتبكي..
هجمت عليها..ومسكتها مع كتوفها وتهزهاانــتي السبب انـــتي السبب
نوره:وهي بين يدين غدير..غدير عمي شلونه
غدير:تبين تتأكدين انه مات..تبين تحتفلين..حنا شسوينالك ماكفاك اللي سويتيه ناويه تذبحينا واحد واحد..جاسم وطردتيه من البيت وامي وابوي طلقتيهم من بعض وهذاهم بين الحيا والموت وغـــــاده ماتـــــــت شتبين قولي شتبين وتبكين بعد..تقتلين القتيل وتمشين بجنازته..وانهارت على الارض وتبكي بصوت مسموع
نوره:نزلت من السرير وضمتها..(وهي تبكي تتكلم)..ماادري ياغدير انا تعبانه تعبانه انا ابي اموت ابي اهلي..انتم اللي خليتوني احقد عليكم انتم اللي قلتولي نامي عندنا واقنعتو ابوي انام عندكم..وراحو ولا رجعو سوو حادث وكلهم ماتو..لو اني مانمت عندكم كان انا مت معهم بس انتو السبب انتم..والله انا مو شريره بس مادري شفيني غصب علي اسوي كيذا
غدير:رفعت راسها وضمتها(ضمت بنت عمها اللي ماتخطت محنة وفاة اهلها..ضمت بنت عمها اللي تغيرت من بعد اللي صار لاهلها..)
..الله يرحمهم يانوره الله يرحمهم
نوره:غدير والله غصب عنــــي سامحوني قولي لعمي ولخالتي يسامحوني..انا احبكم بس غصب عني(كانت ترجف وهي تتكلم)
غدير:خلاص يانوره مسامحينك..(حاولت تهديها..مسحت دموعها)والحين خلينا ندعي لابوي وامي ان الله يشفيهم..ويرحم غاده
نوره:بصوت يرجف...يعني هي الحين لحالها بالقبر...نزلت دموعها ماتت وهي حامل بالحرام..
غدير:تنهدت من قلب مجروح..مالها الا الدعاء ..
نوره:انــا السبب انا اللي شجعتها ..
غدير:خـــــلاص يانوره خلاص غاده ماتت ...وهي مو صغيره علشان احد يلعب عليها..هي اللي مشت بهالطريق ووطت روسنا بالارض..الله يسامحها ويرحمها..
نوره:همست بصوت مبحوح..ابي اشوف عمي
غدير:الحين مافي زياره..بكره ان شاء الله نزوره..
نوره:ضمتها..خايفه انا خايفه غدير لا تتركيني
غدير اللي تأكدت ان بنت عمها مو طبيعيه)..لا تخافين..انا بنام معك...قومي معاي نصلي وندعي وصدقيني بنرتاح..
نوره:قامت معها بدون تردد..




مــــاهو مصير أبطالنا؟؟


(سبحانك اللهم وبحمدك اشهد ان لا اله الا انت استغفرك اللهم واتوب اليك)



ان شاء اللــــه ماتملون من القراءه..
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 7:04 pm

الجزء الرابع عشر


(تمضي الايام...)

ماجا على بالي خطاك انت... بالذات
لاتعتذر... كافي يجي منك اكثر.



هاهي مرت العطله الصيفيه برياحها وعواصفها على ابطالنا..
قلوب تحجرت وقلوب لانت...احقاد تجددت واحقاد لازالت..
بسمة شقت طريقها في محياهم وحزن لم يبرح قط..
هاهم ابطالنا يترنحون يمنة ويسرة ..
يتخبطون في هذه الدنــيا..يبحرون في المجهـــول..ولكن
اين سترسو قواربهم..على موانئ يحبونها..او لاتزال قواربهم ضائعه تصارع الامواج..؟؟؟



ليـــلى:

اول الفتره اقولها بصراحه..ماتأقلمت مع وضعي تقدرون تقولون جاني اكتئاب..اللي صارلي مو سهل ..الكل غدر فيني ..عهود محمد فضه...وآآآه من نـــاصر.
قلبي انجرح منه..كل حبي له تحول لحقد ولكره..
قضيت العطله بالرياض..سافرت مع فيصل لمكه تغيير جو وعلشان تهدى نفسي..وفعلا ارتحــــت كثيـــر..اعتمرت ودعيت ربي يعوضني خير..ودعيت ربي ينصرني على اعدائي وكل من اراد فيني شر..ويحميني من الحاقدين..
طول العطله وانا رافضه اقابل ناصر او حتى اسمعه..ووقف معي اخواني فعلا الاخوان عزوه..وحتى انتم اشكر وقفتكم معاي وتعاطفكم..
بس اللي خذلني ابوي وجدتي..حاولو يرجعوني بس رفضت..والله يستر من الجاي..
قررت ارجع للجامعه واخلص الترم اللي باقيلي واتخرج..كنت مستصعبتها بالبدايه وخصوصا ان سالفتي انتشرت بشكل كبير يعني مثل ماتقولون صارت فضيحتي بجلاجل والفضل يعود لفضه..
بس ميساء وسلمى وحتى عبير اقنعوني وحمسوني اكمل وانه مايهمني كلام الناس..
ومن محاسن الصدف لقيت صديقتي تهاني ..وطلعت معاي بنفس المستوى والكلاسات..



عبيـــر:
بعد اللي صار لناصر وليلى ارتبط مصيري بفيصل..صرت كبش الفداء للمره الثانيه..
خوفا على مصالح العايله وحتى مانفترق ومانخلي المشكله اللي صارت لناصر وليلى تبعدنا عن بعض لازم اتزوج فيصل..علاقتي مع ميساء رجعت زي اول ..بس انا ماصرت زي اول..
ماادري مهما حاولت ترجع العلاقه زي ماكانت انا ابتعد ..صرت مااتقبلها..


ميـــساء:

سافرنا بالعطله مع التوأم الى بريطانيا عند بابا..وكانت هالسفره بوقتها.. قعدت مع نفسي ورتبت افكاري وسويت جلسة مصارحه..لازم انسى فيصل..اللي باعني ابيعه.



نـــاصر:
حالي مايسر عدو ولا صديـــق..كرهت كل شيء..الدنيا مالها طعم او لون..ليلى مو راضيه حتى تكلمني..على الاقل تسمعني..رافضه نهائيا تشوفني..جناحي من يوم ماتركته وانا ماتجرأت ادخله..صرت انام بغرفة الضيوف ...عندي امــــل انها ترجعلي..


فيصل:
افف هالعطله ازفت عطله...الهموم من كل مكان..ليــلى والحاله اللي وصلتلها تغيرت كثير تفكيرها تغير..
عبير واللي ماقدرت اتركها لسببين خايف اجرحها..وخايف ان عمي يتحسس من الموضوع ويحسبنا تركناها علشان اللي سواه ناصر بليلى..
ميـــساءوآه منها..كذبت على نفسي يوم قلت اقدر انساها..بالعكس اكتشفت اني مااقدر اعيش من دونها..وخصوصا بعد ماجاني فهد وعلمني بكـل شيء.. علمني من باب اني مااخذ فكره غلط عنها ..انا ادري عن اخلاقها ومتأكد بس الشيطان شاطر..كنت اظن اني بأدبها..واكتشفت اني اادب نفسي..
خالدوتلميحاته لي انه بياخذ ميساء..بس لا والف لا.. مستحــيل اخليه ياخذها..حتى لو ماتبيني.. تاخذ غيري بس اخوي لأ...


خالد:

صرت اكره فيصل..هو شدخله بميساء..يعني ياتكون له او مستحيل تاخذ غيره..
اناني ومايفكر الا بنفسه..بس امي موافقه وماعلي منه انا ماصدقت على الله انهم يتركون بعض وتصير ميساء حـــره..ادري بتقولون اني نذل..ايه نذل بس اخذ اللي تمنيتها..


محمد:

الوضــــع جدا كئيب..ويجيب الامراض..سافرت انا مع اخوياي ولاول مره يسمحلي ابوي..وهالشيء سبب ازمه بيني وبين خويلد ابو خشم..يحسبني بزر...بس الشيء اللي استجد ان ابوي قرر اني اداوم بالشركه واترك دراستي..لانه محتاجني..والى الان انا محتار..

سليمان وسلمى:

عصافير الحب..
العطله طبعا ماسافرنا بسبب سلمى حالتها ماتسمح..والحمد الله علاقتنا عال العال..




نوره:

بعد اللي صار لغاده الله يرحمها جتني صدمه..وحسيت بالعذاب وخصوصا بعد ماصار عمي مشلول وعينه منكسره..ماتحملت وقررت اروح لطبيب نفسي..وقلتله كل شيء صارلي..
وبديت اتعالج..عمي مشلول بالكامل وهالشيء خلى الشيخ يعفو عنه لان ظروفه ماتسمح ابدا والدكتور يقول رح يبقى طول عمره على هالحال..
غدير :

تزوجت ركان زواج عائلي لان ظروفنا ماتسمح..ابوي مشلول كليا..وامي اجزائها السفليه مشلوله وفيه امل تطيب..ركان خفف عني كثير واحمد ربي مليون مره باليوم ان الله رزقني فيه..صدق ان الرجل موقف..طبعا كلنا عشنا ببيت واحد اللي هو بيت جدي خصوصا بعد اللي صار لابوي مااقدر اخليه لحاله مع نوره ..وطبعا امي وابوي ماارجعو لبعض..
جاسم يقول قريب بيخلص من دراسته ويتخرج..يارب يرجع سالم..
ميساء وليلى انقطعت عنهم..بصراحه مالي وجه اشوفهم بعد اللي سوته غاده وفضيحتنا بين الناس..


عــاليه:

كانت السفره مره حلوه لولا خال غيوض الغبي..اكرررهه..على ايش شايف نفسه..
كنت كل مااطلع مع غيوض لحالنا يتلزق فينا..اشوف بعيونه نظرة الخبث بس على مين..
قبل لا نرجع بيوم هاوشته وغسلت شراعه قدام اهله..وعلمته ان الله حق
نوال:
سافرت واستانست..ورجعنا للرياض..وابوي قالي اتجهز لان برجع لزياد..
وانشاء الله ابدا حياتي من جديد..بس انا مبسووطه مو علشان هالشيء لأ..لان حسين طلق زوجته..وحاله مايسر وهذا جزاء اي احد يخون نوال..

غيوض:
الدكاتره قالو ان جدي بايامه الاخيره..المرض الخبيث انتشر بكل جسمه..نفسيتي زفت..
اصعب شعور انك تترقب وفاة شخص مو غالي وبس الا هو كل حياتك..يعني انا من لي غير جدي..
زياد:

انا طحت ولا حد سمى علي..هالبنت سيطرت علي..اقوم افكر فيها ..انام احلم فيها..
كل ملامحها اتذكرها..حافظها..اااه يوم حبيت حبيت المستحيــل..هي فتاة احلامي هي اللي دايما اتمناها..لو دريت انها قريبه مني لهالدرجه..كان تزوجتها من زمـــان..

الجــــده

:لا العيال وضعهم مو عاجبني...سكتلهم بما فيه الكفايه..وصار وقت اللي ينحط لهم حد..
-----------------
-----------------



الظهــــر:

وصلت البيت وهي هلكانه جوع..رمت عبايتها وشنطتها بالصاله..
وركضت للمطبخ..
عبير:خلص الغداء؟؟
الشغاله:ايوه..
عبير:يلا حطوه بسرعه...طلعت من المطبخ وهي تنادي جدتها...جدتي..تيته..جدووه..
اين ذهبتي يام والدي..جدتي ..قراند فاذر..استغربت..وينهي..راحت لغرفة جدتها وفتحت الباب..لقتها منسدحه على سريرها وتستمع للراديو..
الســــــــــــــلام عليكم..وباست راسها
الجده:هلا وعليكم السلام ..علامتس ابطيتي يابنيتي(ليش تأخرتي)
عبير:توي خلصت..يلا جدتي خلينا نتغدى تراني جوعانه..(مسكت يد جدتها تساعدها على الوقوف..)
الجده مسكت عصاها بيد واليد الثانيه ماسكه يد عبير)..ماشفتي ليلى؟؟
عبير:الا شفتها..
الجده:اجل ليه ماجت معتس؟؟
عبير:تقول عندها محاضراتن ماخلصن..
الجده:انا ادري ان ماعندها..هي ماتبي تجي..
عبير:ساعدت جدتها تجلس على السفره..وجلست ..مدة الملعقه لجدتها ..
الجده:عندي ماتشوفين
عبير طاح وجهها)..علامتس معصبه ..وبدت تاكل
الجده:سكتت ماردت على عبير..
وبعد مده..
الجده:عقب الغدى ابيتس تدقين على عمتس..
عبير بقلبها:لوتدري ليلى ذبحتنا) ان شاءالله.


**********



طلعو من محاضرتهم وهم بحالة ملل ..ولسان حالهم يقول..يارب الطف بنا..
ليلى لبست نظارتها الشميه)وطلعت من المبنى..التفتت على تهاني..اقول لايكون بتولدين؟؟
تهاني:تمشي بتعب وعاضه على شفتها السفليه..لا بس الظاهر تعودت على الراحه..

جلسو على الكراسي اللي بالممرات..

ليلى:شرايك اروح ولا مااروح..
تهاني:روحي..ليلى تعلمي تواجهين الناس ولاتنسين انك انتي على حق..
ليلى:مادري بس خايفه ..تدرين اروح واللي فيها فيها..
تهاني:كم باقي على عدتك..
ليلى:بنص رمضان اطلع الله لايعوق بشر..
تهاني:تنهدت..الله يستر.
ليلى:شفيك متوتره؟؟
تهاني:زوجي عنده مهمه وخايفه عليه..
ليلى:استودعتيه الله؟؟
تهاني:لا..اللهم اني استودعتك زوجي انت خير حافظا وانت ارحم الراحمين..
ليلى:تهاني تعودي تحصنين نفسك واللي ببطنك وزوجك..
تهاني:انشاء الله..رن جوالها وابتسمت..ردت :هلا..طيب لاتزعل..ههه..خلاص اخر مره...الحين بس انتظر اختي..الله يسلمك.سكرت جوالها وطالعت بليلى..الحمدالله هو بخير
ليلى:الحمدالله..طيب انا استأذن اشوفك السبت..
تهاني:ان شاءالله..وخليكي قويه..
ليلى:تنفست بعمق..بحاول..وحطت شنطتها البربري على كتفها وطلعت..

********************





العــــصر..
بعد ماصلت العصر ..مسكت المصحف وقرت الورد اليومي..صفحه ووجهها من القران يوميا..
فصخت جلالها..وطلعت من غرفتها وهي تسمع صوت ريم تكلم بالجوال..
نزلت تحت ولقت امها توها مسكره التلفون وشكلها متنكده..
جلست جنبها..
ميساء:خير يمه؟؟
ام فهد:هذي خالتك متضايقه..تقول خايفه ان ليلى ترجع لناصر اليوم..
ميساء:لاتخاف ليلى مستحيل ترضى
ام فهد:بس جدتهم من يقنعها..الله يستر..روحي يمه البسي خلينا نروح بدري
ميساء:اوكيه..طلعت فوق..سمعت صوت ريم تبكي..خافت ودخلت عليها..ريم شفيك
ريم:مسحت دموعها وضحكت..هههه
ميساء:خافت ان البنت انهبلت..وش فيـــــه.؟؟
ريم:ياخبله مافي شيء..بس من القهر..عجزت اتحملهم ولاني قادره اخليهم مع الشغالات..شكلي بسكن عندكم على طول
ميساء:الله ياخذ عدوك خوفتيني..
ريم:اسفه ماقصدت..
ميساء:طيب قومي البسي امي تقول بنروح بدري
ريم:خلصي لبس انتي اول ..وبعدين تعالي اجلسي عندهم علشان البس
ميساء:طيب..وراحت لغرفتها..

***************





بالسيـــاره
بعد مارجعت من الجامعه اخذت شور سريع وصلت العصر وقرت اذكار المساء ووردها اليومي..لبست بنطلون اسود مع جاليه طويل اسود..ربطت شعرها ذيل حصان ووزعت الواقي على بشرتها...اخذت كريم النهار والليل وحطته مع الواقي بالشنطه..واخذت ملابس لليومين اللي بتقضيهم بالمزرعه..



ركبت مع ابوها وامها لحالهم..وخالد ومحمد لحالهم..وفيصل يجيهم بالليل او بكره
طول الطريق وابوها يسولف عن الصبر وقصص من الاولين ووشلون الوحده صبرت ونالت..وامها ساكته وباين انها موعاجبها الوضع..وهي اكتفت بالصمت..




وصلو للمزرعه..
وقف السياره بقسم الحريم..وسيارة ابوسليمان موجوده..
نزلو ..وسبقهم ابوهم بالمشي..مسكت ايد امها وكأنها تطلب تمدها بالقوه..
ردت عليها امها
ام فيصل:قولي (حسبي الله لا اله الا هو عليه توكلت وهو رب العرش العظيم )سبع مرات..
ليلى:طول الطريق وانا اقولها..وكررتها مره ثانيه قبل لاتدخل..سمت اول ماحطت رجلها على المدخل..



*********


بسيارتهم النقاش حاد..
خالد:انا نبهتك ولا ترى يمين بالله لاوريك الشغل
محمد:ياخي انا عمري تدخلت فيك..وشتبي ناشب بحلقي وبعدين انا موبزر
خالد:شافه بطرف عينه..ولانك مو بزر قاعد اكلمك رجال لرجال..انتبه لاتجلس مع هالاشكال
محمد:طيب ..
دخلوالبوابه واتجهو للمواقف.. وشافو السيارات كلها موجوده..
التفت محمد لخالد..:اقول تهقى بيغصبونها؟؟
خالد:والله جدتك تسويها..بس هذا وجهي ان رجعتها له
محمد:اقول انثبر بارضك هذا الناقص ترادد ابوي وتحداه
خالد:يعني عادي عندك انها ترجع؟؟
محمد:لا مو عادي بس كل شي بالعقل ...السالفه مو تحدي
خالد:اسمع كلامك يعجبني اشوف افعالك اتعجب..
محمد:نزل من السياره قبل لايرد على خالد وتصير هوشه..



*******


تبي تفلت من جدتها بس مو قادره..
البنات كلهم داخل..ميساء وعبير وسلمى..
وجدتها ماسكه يدها وكأنها خايفه تضيع..
ابوها وعمها يسولفون..وامها وخالتها داخل..
ابتسمت يوم شافت محمد وخالد داخلين..
الســـلام عليكم
الكل وعليكم السلام..
حبو راس جدتهم ومحمد راح يسلم على عمه..
خالد:وشعندتس ماسكتن ليلى تقل معرس بالكوشه؟؟
الجده:والله بنيتي وبكيفي..
خالد:اتقي الله هالحركات ماتصير..تبين الله يسخطبنا..وحاول يفك ايد ليلى منها
الجده:انزح وراك(ابعد).. ومدت العصا عليه
خالد:غمز لها..ترانا حلوين ونعجبك..وسحب يد ليلى غصب وقومها وجلس مكانها..وليلى على طول هربت
الجده:مدت العصا بتضربه..
خالد:ضمها علشان ماتقدر تتحرك..
الجده:فكني الله يقلع بليسك..فكني
خالد:احبــــــــك
الجده:ياولـــد ابعد فكني
خالد:مش عــــاوز..مأدرش على بعدك..ارحمي ألبي بأى..امتى حاتحسي..
الجده:انت وش تهذر؟؟خويــلد عويذت الله من شرك
ابوفيصل:ههه يمه هذا اذا لزق بواحد لزق
الجده:الينه نشبتن بالحلق..(وزقرته بعصبيه)..خويـلد
خالد:تركها..يازيــــن اللي يستحون..وقرص خدها اللي التجاعيد ماليته..اذا صرنا لحالنا بناخذ راحتنا اكثر
الجده:ضربت يدينها ببعض..ابوفيصل ولدك منتهي خالص مامن عقل..مستخف مستخف
ابوسليمان:خالد شبلاك عليها..
خالد:عمي ماعليك منها تغلى..تسوي نفسها حركتات..
الجده:وش قلت؟؟؟؟
خالد:ابد طال عمرتتس بس اقول لمحمد يجيب من السياره كتكات
الجده:حبت يدها..الحمدالله والشكر..


**********

جالسه مع عبير وسلمى..وباين ان عبير مو متقبلتها..
شافت ليلى داخله ومبين عليها التعصيب..
ميساء:عقدت حواجبها..شفيك
ليلى:رمت عبايتها وطرحتها...لا بس مت من الحر..وجلست جنبها
ميساء:همست باذنها..اكيد من الحر
ليلى:اكيد لأ..بعدين اقولك
سلمى:شفيكم تتساسرون
عبير:اوه عاد من يفككم من كونان
سلمى:عبيروه كم مره قلتلك لاتقولين كونان..
ليلى:ريم ليه ماجت؟؟
ميساء:بتجي بس فهد بيتمشى معها ويوريها المزارع..
عبير:ليلى عندي لك مفاجئه..
ليلى:ايش؟؟
عبير:اصيل جابوه امس
ليلى:قامت من مكانها..صــــدق قومو معاي خلينا نشوفه
سلمى:انتم روحو وانا بروح لجدتي..
لبسو طرحاتهم وطلعو للاسطبل..



****************

حطت ثلج على عينها المتنفخه بعد العلقه اللي خذتها امس..يمكن تقدر تفتح عينها..
ولا ليش تفتحها من بتشوف يعني..اب ظالم وام مافكرت الا بنفسها..
طلعت من غرفتها بتروح لاختها اللي صارت بالاسابيع تشوفها..
طقت الباب وماحد فتح..حاولت تفتح الباب بس مقفل..
عاليه:غريبه ..غيوض ولا مره سوتها..هالبنت حالها متغير..
رجعت لغرفتها وقبل لاتدخلها وقفها صوته..
لحضه..
عاليه:طالعته بالعين اللي سلمت..
ابوصالح:وين كنتي؟؟
عاليه:طفشت من اسلوبه..(قالت بعصبيه)..مد يدك مايحتاج مقدمات..
ابوصالح:انتي يبيلك قص لسان..وعطاها كف خلاها تدور على نفسها..وطلع
عاليه:حست ان فيه عرق بخدها انقطع..تماسكت وقامت لغرفتها..

************


رجع من المستشفى وهو تعبان..استغرب اخوانه كلهم فيه حتى ابوه..غريبه هم بالعاده جمعتهم الجمعه مو الاربعاء..
زياد:السلام عليكم
الكل..وعليكم السلام..
كان بيروح يريح بس ..
ابوفراس:زياد على وين؟؟
زياد:بريح تعبان شوي
ابوفراس:اجلس ابيك بموضوع
زياد:حاضر طال عمرك..جلس جنب اخوه فراس..
ابوفراس:عبد المجيد صب لاخوك قهوه..
زياد:لا مابي..وابتسم لعبدالمجيد
ابوفراس:عمك بعد اسبوعين بيرجع..
زياد:يوصل بالسلامه
ابوفراس:وجهز نفسك بعد اسبوعين ملكتك
زياد:بس انا ابي ميتين الف
ابوفراس:علشان ايش؟؟
زياد:مهري بعد..ويالله يمديني افصل فستان انا برايي اخروه شوي شرايكم بالعيد ولا
قاطعه ابوه معصب
ابوفراس:انت ماتستحي تقول هالـــكلام..استح على وجهـــك واحترم اللي جالس معهم
زياد:وقف..والله افعالك معاي تقول اني مره واني ولا شيء عندك...
فراس:زياد اجلس خلنا نتفاهم
زياد:نتفاهم على وشو؟؟؟ انا الموضوع حسمته من زمان..زواج من نوال مـــافيه وطلع لغرفته
ابوفراس:يعني يتحداني هين يازياد
فراس:يبه الله يهديك هو ماتحداك ومن حقه يرفض..واحد مايبي العرس وجربه مره وعافه
ابوفراس:الا هي عافته انت من يتقبل اخوك
فراس:يبه زياد ماهو صغير خله على راحته
ابوفراس:بخليه..بس ماياخذ الا نوال..
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 7:05 pm

الخميـــــــس..

الصبـــــاح..
مانامت بعد ماصلت الفجر..قرت اذكار الصباح واستودعت اهلها..لبست بنطلون جنز وعليه بلوزه طويله الى تحت الركبه بشوي..رفعت شعرها ذيل حصان..ونزلت للاسطبل..

جاء الفجر بعد الصلاة..ولقى الكل نايم..
لقى خالد نايم ببيت الشعر ولاهو متغطي..
ناصر:خالد..خالد
خالد:قام بسرعه لانه مو مرتاح بنومته..فرك عيونه بيده..متى جيت
ناصر:قبل شوي..صليتو الفجر ولا نايمين
خالد:لا كلنا صلينا بس بعد الصلاة جيت هنا وراحت علي نومه
ناصر:طيب قوم داخل نام..
خالد:تمغط وقام..
ناصر:مشى ورى ناصر ودخل معاه لغرفته وبيده شنطه صغيره حاط فيها ملابسه..
خالد نام على سريره على طول..وناصر بدى يرتب لبسه بالدولاب..
طلع للصاله ومالقى فيها احد..


طلعته من الاسطبل وركبت عليه..مافيه احد هنا العمال كلهم نايمين وهذا انسب وقت ..
حبته وصار يصهل وكأنه يبادلها الحب..
ليلى:ابتسمت..يلا اصيل..وصار يمشي بهدوء وبعدين بدى يجري وهي في قمة السعادة تحس نفسها بالسماء..توها تحس انها ليلى الاوليه..

دخل المطبخ وصلح له كوفي ..طلع برى عند النافوره..
جلس وصار يشرب ..وبعد اخر رشفه قرر يدور على المزرعه..



قامت على ازعاج سديم وصوت الجوال اللي ماسكت..
ردت على الجوال وصوتها مليان نوم واشرت لسديم تسكت
سلمى:هلا
سليمان:نايمه بالعسل ها؟؟
سلمى:وين العسل وبنتك صاجتني
سليمان:وانا برسلك ناصر..لحول نشب بحلقي ومحمد تعرفينه اذا عصب.. بغى يحذفه مع الدريشه
سلمى:خلاص قوم معاه
سليمان:ماشبعت نوم..انتي خلاص يكفي نوم
سلمى:حرام عليك انا تعبانه..شوف دق على امي يمكنها قامت
سليمان:والله هذي مو حاله كل ماطلعنا للمزرعه نكدو علي عيالك..تدرين من بكره بجيب عمال وابيهم يهدمون المسبح..
محمد:وهو نايم يتكلم..علشان اهدم المزرعه كلها عليك وعلى مرتك وعلى عيالك هذا الناقص مانسبح علشان هالبزران
سلمى:شيقول هذا بعد
سليمان:اتركك منه يحلم..
سلمى:خلاص سليمان الحين اجي واخذه..الشكوى لله بخليهم مع جوني مع اني مااقدر اامنها عليهم تقعد تسولف وتنساهم
سليمان:عاد انتي الام وتصرفي..
سلمى:وانت وشو؟؟
سليمان:انا مادري..يلا مع السلامه..



***********





تفاجأت...نــــــــــاصر!!!
كان لابس بنطلون جنز وتيشرت ابيض وشعره الاسود الكثيف صار يغطي رقبته..نحفان مره بس وسامته زي ماهي..عيونه الحاده اللي تعشقها فيها نظرة حزن وتحتها هالات سوداء..
وقف قدام الحصان ومسك الجام بيده وصار يمسح بيده الثانيه وجه الحصان وكأنه يهديه..

ليلى تنفست بعمق وبقلبها تستغفر تحاول تهدي نفسها)..ممكـــن تتركه..
ناصر:طالع بوجهها اللي حافظه.. يبي يشبع من شوفها..وهمس بحب وبصوت مبحوح..
اشتقتـــلك..
ليلى:ناظرته من فوق لتحت باستحقار...سخيــف..
ناصر:تنهد..ليلى ماشتقتيلي؟؟
ليلى:هزت راسها وقالتها بمسخره..مـــره فوق ماتتصور..
ناصر:نزلها من الحصان بخفه ومهاره..(صارت قباله انفاسها تحرق وجهه)..
احس نفسي بحلم..
ليلى:بعدت يدينه اللي ماسكه كتوفها بقرف...وانت قلتها حلـــم..
ناصر:مافهمت؟؟
ليلى:قربت منه مره..وابتسمت بمكر..مدت يدها لخده ..لوت فمها وهي تشوف عيونه الولهانه..همست بدلع..تدري حبيبي لك عندي امانه..
فجــــأة

ناصر:تحسس مكان يدها ..خده احتر من ضربتها..مافي رجال يقبل مره تضربه..لوى يدها ورى ظهرها..خلاص سويتي اللي تبينه..الليله ترجعين معي..
ليلى:فكنــي..ورجعه مو راجعه الا اذا ناوي على عمرك..
ناصر:ضغط على ايدها..اي عمــررر..اي عمررر تتكلمين عنه..انتي من يوم تركتيني وانا ميت ميــــت ..صرخ..ليه ماتحسين ليـــــه
ليلى:انا اللي تركتك والا انت؟؟
ناصر:تركها..ولفها قبالها..غصب غصب غصب ماكنت بوعيي ليلى انتي تدرين اني احبك واغار عليك بجنون..ليلى سامحيــــني انا ناصر نسيتي..

ليلى:ههههههههه...رفعت حاجب تغار علي ولا تشك فيني؟؟ اقول ناصر انت ليش طلقتني؟؟
ناصر:انتي تدرين..
ليلى:ابي اسمعها منك ليه طلقتني؟؟
ناصر:ــــ
ليلى:ماتقدر تقولها!!! مفتشل من نفسك..تصدق انت انسان واطي وغبي وحقير..وانا رجال زيك مايلزمني..
ناصر:صر على سنونه..يعني بتتزوجين غيري..
ليلى:لا ماتوقع..مين بيقبل وحده تطلع مع شباب..هزت براسها لألأ
ناصر:لاتقولين عن نفسك كذا..
ليلى:ليه انت وولد عمك خليتو لي مجال اتكلم مشاء الله ماقصرتو سويتو اللي عليكم..حتى عمتك فضه ماقصرت..الله يخليكم لبعض..
ناصر:طيب انا شعلي هم السبب حرام تظلميني علشانهم..
ليلى:لا انت ماسويت شيء..انت بس اثبت الكلام اللي يقولونه بطلاقك حتى ماصبرت لين تجي من السفر..
ناصر:طيب ارجعيلي علشان الناس تسكت..
ليلى:انت ماتفهم عقلك صغـــير..زفرت..اتركني
ناصر:هز براسه لأ..مو تاركك..
ليلى:حطت يدينها على صدره تبعده..ناصر ان مابعدت ترى والله مايصير طيب
ناصر:خلينا نتفاهم
ليلى:حطت يدينها على اذنها..مـــــــــابي اسمع شــيء
انت مجنون..اكررررررهك..
ناصر:سحب يدينها بقوه علشان ماتروح وتتركه
ناصر:وانا اعشقك..
ليلى:غمضت عيونها..ماتبيه ماتبيه
ناصر:ليلى سامحيني..ليلى طالعي فيني..
ليلى طالعت فيه وباصرار قالت)..قلتلك ماابيك انت ليش ماتفهم..خلاص انت طلقتني
ناصر:ليلى افهميني طالعي فيني ..عاجبك حالي..انا مااقدر اعيش من دونك..
ليلى:ركزت على عيونه..بس انا اكرهك..احقد عليك..ماادانيك..انت ذليتني انت شمت الناس فيني..تحديـــت فيك وخذلـــــتني..انت طلقتني من دون حتى ماتسمعني..تبيني اذكرك شقلت..
ناصر:اكرهيني ولا تحبيني بس ارجعيلي انا ابيك انا احـــبك
ليلى:ابتسمت ..علشان تطلقني للمره الثانيه؟؟
ناصر:انتي ليه ماتحسين فيــــني ارحميـــني ارحميني انا اتعذب
ليلى:كل اللي انت فيه منك..بس اللي انا فيه منكم..النار اللي بداخلي منكم..
ناصر:ليلى والله ماادري شلون تصرفت..ادري اني غلطان ومستعد اعوضك عن كل شيء..انتي سامحيني بس..
ليلى:انفجرت بوجهه...تعوض ايش والا ايش..تعوض سمعتي اللي صارت بكل لسان بسبتك انت وولد عمك..تعوض ولدي اللي طاح بسببك..تعوض قلبي اللي حبك وجرحته وكسرته..تعوض ايـــــش..
ناصر:ايه كل شيء بيتعوض والله بيرزقنا بدال الواحد عشر..وانا متأكد انك بترجعين تحبيني بس ارجعيلي..

ليلى:ناصر رجعه مو راجعه لو تنطبق السماءعلى الارض..
ناصر:صر على اسنانه وضغط على ايده بقوه..لاتحديـــني ارجعك غصب
ليلى:تقدر ترجعني بس بدون روح ســــامع..
ناصر:انتي ليه تعذبيني
ليلى:ابتسمت..احس بسعاده ماتنوصف وانت تتعذب..
ناصر:بصوت مكسور..سامحيني وصدقيني بعوضك عن كل شيء

عذرك خله معك ..
يمكن في يوم ينفعك
عذري انا...
ياللاسف ..اني فهمتك في الاخير
يومي عرفتك..
اكتشفت حبك ..
مثل شمس الهجير..
وكل الحقايق..
لي بدت تنكشف..
عذرك خله معك..لا تعتذر
عذرك وهم.. فيه الدعاوي تحتضر
حبك ظما..
وظامي السراب..
يغريه لامر السحاب..
وجرحـــــك عذاب..
ودربـــــك عنــا..
ولو قـلت ذاتك هي انـا..ماصدقــــــك
ابـــشرك
كـــاس العنا..مامــل مــني
بــــس انا مليت..مليتــــك انا
عـــذرك خله معك
لاتعتــــذر...
(منقـــول)


ليلى:انا اكرهك اكرهــــك فك ايدي
ناصر:الليله برجعك..
ليلى:وهي تحرر يدها منه..تحلم..مستحيل ارجع للجحيم...وهربت منه
ناصر:مستحيل ياليلى تتركيني..مستحيــــــل..

*******


دخلت للصاله ووجها احمر تكررهه وتحقد عليه ودها تقطعه
..لقت جدتها وعمها يفطرون
سلمت عليهم ومسكتها جدتها..
ليلى:جدتي افطرت
الجده:اجلسي ابيتس عقب الفطور بسالفه
ليلى:انا اجيتس بس الحين بدخل اريح..توي كنت مع اصيل
الجده:لا ريحي هنا..
ليلى:جدتي بتروش مت من الحر..
سمعو صوت تنحنح..
ناصر:يــاولد
الجده:حياك
ليلى:وش حياك انا ماعلي شيء..لحـــضه لاتدخل..قامت بس الجده مصره تمسكها
الجده:هذا رجلتس مو غريب
ليلى:جدتي كــــان كان..
الجده:ولحد الحين هو رجلتس توتس ماخلصتي العده
ليلى:تعرف جدتها عنيده..لفت لعمها..عمي داخلتن على الله ثم عليك
ابوسليمان:يمه خليها على راحتها..يمكن مستحيه
ليلى بقلبها:كملت خلوني مستحيه منه)
الجده:ماله داعي هالحياء..اقلط ياناصر
سمعت اصوات خطواته تقرب..تنفست بعمق تحاول تكون هاديه..

خالد:ناصر انتظر....ليلى البسي شيء ولاقومي داخل سليمان الحين بيدخل
الجده:لا ماعليها اذا جاء سليمان يطلع برى شيدخله عند الحريم
خالد:هز راسه من عناد جدته..قرب منها وضمها..صبحتتس بالخير ياعجوزي
ليلى:ابتسمت ابتسامة شكر لخالد بعد ماحمدت ربها انه جاء بالوقت المناسب..خالد امسك ايدها
خالد:عجوزي علامه متجودتن بليلى(متمسكه)
الجده:انقلع من وجهي وخل ناصر يدخل
خالد:همس باذن جدته..ترى ماعندي مانع يدخل بس ترى ليلى ماهي سامحه وترى مايجوز وتتعذبين يوم القيامه على شيء تافه الواحد يفكر باخرته والا الدنيا موليه..
الجده:فلتت ليلى واعجبها الحديث..يعني شلون؟؟

خالد:لحضه..ناصر اقلط
الجده:ضربته بالعصا..الا يملعون ابو التسديد تلعب علي..خليت ليلى تهج(تهرب)
ناصر:حب راس جدته وجلس جنبها..شبلاتس عليه
خالد:هي بس اليوم كل يوم وهي علي..بس على قلبي مثل العسل..ويغمز لها.. ياعسل..
الجده:هههه
ناصر:اشوف عجبتس الحتسي؟؟
خالد:ياشين العذال..وراح للسفره يفطر
الجده:قبل شوي هي هنا بس البنيه مستحيتن منك
ناصر:ابتسم لفكره براسه..معقول هي تتدلع علي ؟؟...ابتسم لجدته..طيب قلتي لعمي
الجده:ايه وماعنده مانع ويقول لو يبي اليوم ياخذها عادي
ناصر:ايه ابيها اليوم
خالد والزيتونه بفمه)عجوزي تلعب بذيله من وراي..وش تقولين له
الجده:صك افمك وانت تاكل..وين عمك
خالد:يسلم عليتس ..يصوتلتس من اليوم يبيتس تمشين معه بس انتي سرحانتن بي..
الجده:ناصر ياولدي زوجوه هالولد مو صاحي
ناصر:من يقبل فيه
خالد:والله لو ااشر باصبعي هذا(ويهز اصبعه الخنصر) تشوف البنات يتناقزن عندي ..
ناصر:ياللا اشر..
خالد:ليه عايفن عمري انا...انا عجوزي مكفيتن ..ويرسل لها بوسه
الجده:لا انت ان شاء الله بدورلك مره وعرسك مع فيصل..
خالد:ماعندي مانع..دوريلي وانا موافق..
ناصر:لا فيه تطور؟؟وين كلامك اول عن الزواج؟؟
خالد:دوام الحال من المحال..وبعدين انا ماقصدي شيء ان تزوجت بس علشان هالعجيز..
الجده:عصبت..عجز عدوك ان شاء الله
خالد:افا ياذا العلم عصبتي
الجده:لا تحتسيني..ناصر قوم مشني على المزرعه شوي
خالد:قام ومسك ايدها..لا انا اللي بمشيتس ناصر تعبان ومانام..
الجده:التفتت على ناصر..ياوليدي لاتعب عمرك اللي تبيه يصير..
ناصر:متـــى؟؟
خالد:لحووول الحين انا بسالفتك والا بسالفتي ..قومي قومي..ساعد جدته على الوقفه..
وطلعو وهم يتناقرون
ناصر:فرك عيونه وطلع لغرفته ينام..




**********








العـــصر..


لبسو طرحاتهم وطلعو يتمشون بالمزرعه..
جلست تحت نخله وقالت بصوت مبحوح..
شفته..
ميساء عقدت حواجبها)..شفتي مين؟؟
ليلى:ناصر
ميساء:جلست جنبها..وش قلتيله
ليلى:عطيته كف..
ميساء:شهقت..كف مره وحده!!!
ليلى:كنت مقهوره منه..(التفتت عليها..ورفعت حاجب..) ..تخيلي بكل بساطه يجي ويقول اشتقتلك..صدق ماعنده دم ولا يستحي..
ميساء:سكت لما عطيتيه كف؟؟
ليلى:اكيد لأ...ولا يقول بعد انه بيرجعني لو غصب عني..مسكين يحسبني لعبه..مايدري منهي ليلى..
ميساء:انا اللي اعرفك..
لحظة صمت..
ميساء:ا..اقول ليلى
ليلى:نعم
ميساء:عبير شفيها علي؟؟
ليلى:اكيد علشان فيصل تسوين نفسك ماتدرين؟؟
ميساء:وانا شدخلني..لايكون تغار!!!
ليلى:اكيد..
ميساء:ماعندها سالفه..اللي بيني وبينه انتهى..
ليلى:طالعت فيها بعيون مشككه..اكيد انتهى؟؟؟
ميساء:عصبت..ليلى
ليلى:ماقلت شيء..اقول شرايك نروح للاسطبل..
ميساء:آآآآف اكره الخيول..خلينا نتمشى بالمزرعه احسن..
سمعو صوت يناديهم..
عبير:بنــاااات وينكم
ليلى:قامت..هنـــا هنا..
عبير:خذت نفس..شفيكم ابعدتم..
ميساء:نمشي ونسولف ومادرينا
عبير:اها..طيب خالتي تقول تعالو..
ليلى:اصلا مابقى شيء على المغرب..
ورجعو..

******

وقف سيارته الرنج بعد مااخذ جوله على المزارع القريبه..
لابس ثوب ابيض ومفسر اكمامه ومسوي حمدانيه وشعره مغطي رقبته..لابس نظارته الشمسيه الكلاسيك من ارماني..نزل من السياره وراح للباب الخلفي وفتحه..فتح حزام الامان..وفتح يدينه لها..
ضمته بسرعه..قفل الباب..ومشى لقسم الجريم..
سألها..استانستي؟؟
سديم وهي متعلقه برقبته)ايوه..بث ناثر ذعلان(بس ناصر اخوها زعلان)
فيصل:ياروحي انتي مايكفي انه زعلك وشايله همه..وباسها..بكره الصبح ان شاء الله بخليك تركبين معي الحصان..
سديم:ايوه ابي اركب بث ماما وبابا عيون(يعيون)
فيصل:محد له شغل فيك..انتي بنتي انا..اي احد يزعلك قوليلي اتفقنا..
سديم:اتفننا(اتفقنا)
فيصل:باسها مره ثانيه..يازينو ياناس..
وقف عند المدخل..
فيصل:سلمــــى..سلمــــــى..

كانو وراه توهم واصلين..
ليلى:مشاء الله رايح تمشيها وتاركني لحالي؟؟
التفت على صوتها ولا درى ان معها احد..
ناصر:ههههه..اختفت ابتسامته وهو يشوفها..طالع بليلى..ا انتي وينك ارسلت لك سديم وقالت انك مو موجوده..واشر بيده للبنات..كيف حالكم..
ميساء وعبير:بخير...ودخلو..
ليلى:مو عذر كان دورت علي..
فيصل:خلاص المره الثانيه تروحين معي..سمع صوت اذان المغرب..
ليلى:عطني سدومه وانت روح..
فيصل:باس سديم وعطاها ليلى..وراح يلحق عيال عمه للصلاة..

***************



طلعت من غرفتها وهي تدندن باغنية اصاله

لو مارجعتش ليا بقلبك تاني هنا
لو ماحلفتش ان السانيه في بعدي سنه
مبقااااااش انا..

قاطعها صوت امها اللي لابسه عبايتها..
على وين؟؟
نوال:وين انتي؟؟
ام شيخه:مسكتها مع كتفها وهزتها..انتي متى بتتركين الوقاحه؟؟
نوال:اذا مت ..
ام شيخه:الله ياخذك وافتك منك ومن فضايحك
نوال:ايوه نسيــت انك مع خالتي امس واكيد اشتكتلك..
ام شيخه:شمتي الناس فينا..كل الناس تقول انك داعيه عليه علشان كذا ماتوفق بزواجه..
نوال:هههه والله حاله حتى لساني يبوني اربطه...ايه دعيت عليه وبظل ادعي عليه..وبعديـــن انا بنتك المفروض توقفين معي مو معه..
ام شيخه:اوقف معك!!!
نوال:لا توقفين معي خلاص..ونزلت..
ام شيخه:ياربي من هالبنت ماادري متى بتعقل..رن جوالها وردت..الوو...عند الباب..خلاص دقايق ونازله..

*******
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 7:06 pm


دخلت بيت عمها بدون عبايه او حتى طرحه..
لابسه بنطلون جنز ضيق وتيشرت وردي مقلم بازرق ..وتاركه شعرها القصير مفلول..حاطه ماسكارا وقلوس وردي وبلاشر وردي ..
سلمت بفرح لجمعتهم..
هــــــــــاي
الكل..
هااااايين يالقاطعه..
مدت يدها وصافحتهم كلهم بدون استثناء..
وباست بنت عمها ومرت عمها..
نوال:يووووه مره مغبرين وينكم من زمان..
عبدالمجيد:يازين القصير علينا..متى قصيتيه
نوال:من زمااااااااان ببداية العطله
فراس:تبين الصراحه ..الطويل احسن..
نوال:بالله اسكت ماخذت الاذوقك..
ام فراس:امك وينهي؟؟
نوال:طالعه اكيد..
عبد المجيد:شيخه شلونها
نوال:ماباركت لها
عبد المجيد:على ايش؟؟
نوال:طلعت حامل..
فراس:مبرووك واخيرا بتصيرين خاله..
نوال:الله يبارك فيك..اقول حريمكم وين؟؟ولا مايجون الا الجمعه بس
شموخ:لا خميس ولا جمعه..من متى يجون هم..
فراس:شموخ
نوال:وهي صادقه يافراس..ترى حريمكم يجيبون المرض يكفي اساميهم..وووع..الله يهدي خالتي مادري شلون اخترتيهم
ام فراس:وانا شيدريني عن اطباعهم..وبعدين هذا انا زوجتك زياد وتطلقتي منه شنفعتيني فيه..
نوال:خااالتي
ام فراس:وانا عند ربي صادقه انا ابيك بس انتي اللي ماتبينا..حتى شيخه الله يهديها..كنت اتمنى فراس ياخذها..بس شنسوي بالنصيب..
نوال:باست راس ام فراس..خلاص كل شيء بيتصلح..لا تزعلين
شموخ:من جد نوال..
نوال:هزت راسها بايه
ام فراس:ضمتها..ايه هذا الكلام السنع..
فراس :رن جواله..رد..هلا زياد..لاتونا..خلاص اعتذر لهم..طيب سلام
عبد المجيد:مورايح؟؟
فراس:يقول عنده شغل وبيتأخر..
نزل ابو فراس..
ابو فراس:يلا مشينا..
نوال:هلا عمي
ابوفراس:هلا نوال وسلم عليها...وينك امس ماجيتينا..
نوال:كنت مشغوله..وبعدين هذا انا جيت..
ابوفراس:لا انا مارتاح..الا اذا سكنتي عندي..
فراس:يبه نمشي..ترى تاخرنا
ابوفراس:يلا..اخوك وينه
عبدالمجيد:يقول بيتأخر..اذا جاء بدري لحقنا..
وطلعو للعزيمه..


********


نزلت بعد مانادوها للعشى..
لابسه قميص صيفي نص كم وجامعه شعرها بشباصه..
السلام عليكم..
الكل..وعليكم السلام..
سحبت الكرسي وجلست..اخذت الملعقه بيدها وهي تدور بعيونها على الاطباق..
ام عهود:شتبين احطلك..
ابوعهود:خليها تذوق الشوربه اول
صبت لها شوربه..
ابو عهود:وبيده الخبز..حبيبتي ترى دخلت المهر بحسابك..
عهود:شرقت ..كح كح كح
ام عهود:بسم الله عليك
عهود:نزلت الملعقه..الحمدالله
ابوعهود:ماشربتي شيء..
عهود:مومشتهيه..نزلت دموعها غصب عنها وطلعت لغرفتها
ام عهود:عاجبك حالها هذا اللي تبيه
ابوعهود:انا اسوي اللي بمصلحتها..وسالم مافي منه..
ام عهود:الله يهديك بس..


رمت نفسها على السرير..
خلاص انتهيــت ..انا اخذ سالم..والله يذبحني..ليه يايبه ليييه سويت كيذا..
اكيد ابوي غصبه علي ..مافي رجال يرضى ياخذني بعد اللي سويته فيه..
ابوي مايدري انه يزفني لقبري..اااااه ...
تذكرت الموقف اللي صار يوم كانت تدرس بالثانويه..


تو الناس بدري عليها ياعمي..
ابوعهود:يامؤيد انا اقول ملكه والزواج اذا تخرجت..
مؤيد:بس هي ماتبيه
ابوعهود:هي ماتعرف مصلحتها..انت اقنعها وبتوافق
مؤيد:مااقدر..
ابوعهود:خلاص بس لا تتدخل...
دخلت عليهم..
هلا يبه ناديتني
ابوعهود:اشر لها تجلس جنبه..
عهود:جلست جنبه
ابو عهود:اسمعي ..اليوم كلمني ولد عمك..سالم تعرفينه اكيد..جاني يخطبك..شررايك
عهود:اكيد لا..انا اخذ سويلم..
ابوعهود:ليه؟؟
عهود:كيذا مزاج مو عاجبني
مؤيد:عهود عيب
ابوعهود:طيب انتي وافقي الحين وتعرفي عليه ومتأكد انه بيعجبك
عهود:لا وععع..اناابي واحد مزيــون..
مؤيد:عهـــــود
ابوعهود:مؤيد اطلع وخلني مع هالدلوعه انت بتتنرفز وتخرب كل شيء
مؤيد طلع
ابوعهود:يابنتي اسمعيني زين..انا ابوك وادرى بمصلحتك..انا مارح ازوجك اي واحد..انا بزوجك رجال يقدرك ويصونك..وسالم والنعم فيه..والولد عاجبني..اذا تبيني ماازعل عليك وافقي
عهود:نو نو..مستحيييل اخذه
ابوعهود:لا بتاخذينه وبكره ملكتك
عهود:تمــــزح
ابوعهود:لا ماامزح...شقلتي موافقه
عهود:يعني بتغصبني عليه
ابوعهود:لا مابي اغصبك..قولي انك موافقه..
عهود:زمت شفايفها وقالت بقهر..موافقه
******

يوم الملكه..
الكل مجتمع بالمجلس..كل اهلها..عيال عمها وابو سليمان وسليمان وناصر ..
جاء المملك..
طلب يسمع موافقتها..
كانت بزر تدرس بالثانويه ومدلعه وحب ناصر متمكن منها..لبست عبايتها وتغطت وفتحت باب المجلس ووقفت عنده وقالت بصوت عالي..
ياشيخ تراهم غاصبيني على اللي اسمه سالم وانا مو موافقه
ابوعهود:عهــــــــود
عهود:ليه تبيني اسكت...عاد لوانك غاصبني على واحد يسوى كان قلت معليش..بس سالم ووع
نفضت ذكرياتها على صوت امها..
فتحت الباب..
ام عهود:كنتي تبكين
عهود:ويهمكم..
ام عهود:يابنتي لاتقطعين قلبي اللي فيني مكفيني..
عهود:خلاص يمه اللي تبونه بيصير..
ام عهود:الله يهداك ان شاء الله..وراحت لغرفتها
عهود:سكرت الباب...انا شلون نسيت..مافي غيره..
مسكت جوالها ودقت عليه..
جاها صوت غريب..الوو
عهود:السلام عليكم..عفوا هذا مو جوال مؤيد..
:نصير لك مؤيد ولا يهمك..
عهود:قلة ادب..وسكرت بوجهه..آآآف مغير جواله..رن جوالها وكان رقم مؤيد..ياربي الحين بيلصق فيني صدق ناس ماعندها ذوق..سكرت بوجهه وقفلت جوالها...ياربي شلون اجيب رقمه؟؟؟...مافي غير ساره..ياربي اشوفها السبت علشان اخذ رقمه..

************


يوم جديد..


قام من نومه اللي ماتهنى فيه..اخذ شور علشان يتجهز لصلاة الجمعه..
فتح الدش..وهو يفكر بايش يقنع ابوه..مهما كان هذا ابوه وطاعته واجبه..
هو تربى على هالشيء..بس هو الوحيد اللي يحس باختناق..يمكن الحظ مقاطعه..
اكيد..هذا اخوه فراس تزوج بالغصب بس مستانس وحياته عاجبته..لانه توفق بزوجته..
حتى اخوي عبدالمجيد تزوج بنفس الطريقه صحيح مو مغصوب بس بعد ماختار البنت يعني زواج تقليدي..ونجح وهذا هو مبسوط..انا مغصوب وشايفها من قبل ولا توفقت..افف لو عبد المجيد اللي ماخذها هو اكبر منها بسنتين مو مثلي جيل كامل..
سكر الدوش..ولف الروب عليه وشده..طلع لغرفة الملابس وفتح دولاب الثياب..
طلع ثوب ابيض وغتره ..



جالسين يفطرون..والصمت يعم المكان الا من اصوات الصحون
ابو فراس:شموخ روحي شوفي اخوك وينه
شموخ:بصوت ناعم..اوكيه بابا..
جلسها صوته اللي تحبه..
مايحتاج قايم..
مال على ابوه وحب راسه..
زياد:صباح الخير..وراح لامه وحبها
ام فراس:صباح الورد..
زياد:جلس جنب شموخ..
شموخ:بدلع..زياد مانسيت احد
زياد:لا مانسيت..
شموخ:مدت بوزها..وكملت فطورها
زياد: سحب خصله من شعرها..مولايق الزعل ..وحبها على خدها
ابوفراس:شموخ عزمتي نوال على الغدى
زياد يالله صباح خير)
شموخ:لا..اصلا هي ماتحب تطلع الظهر..
ام فراس:ماطلعت على امها
ابو فراس:ام فراس
ام فراس:ماقلنا شيء..
ابوفراس:لا انتي ماتقولين شيء..وانت اخلص الخطبه بتبدى
زياد:بلع قطعة جبنه..وطالع بساعته رولكس ..باقي يبه فيه وقت
ام فراس:خل الولد يفطر..شمستعجل عليه
شموخ:ماما عطيني خبز
زياد:الحمد الله..
ام فراس:ماكلت شيء
ابو فراس: امش اخلص تأخرنا
زياد:ابوي صادق تأخرنا...
وطلعو
ام فراس: شموخه دقي على حريم اخوانك قوليلهم الغدى عندنا
شموخ:ماما يدرون..بس هم مايحبون يجون عندنا
ام فراس:وانا مابي يكون لهم حجه..قومي بسرعه
شموخ:اها خلاص الحين بدق..قامت من السفره وهي لابسه بجامه برموده وبدي وردي..
وشعرها لاكتافها ناعم..
ضغطت على الاتصال السريع لبيت فراس..
ماحد رد..
ضغطت على بيت عبد المجيد..
ماحد رد..
رمت السماعه بقوه وراحت لامها..
ماما ماحد يرد
ام فراس:متعمدين مايردون..مادري شمسوين لهم بس هين اوريهم الشغل..
روحي جيبي جوالي بدق على اخوانك اخليهم يجيبونهم غصبا عنهم..
شموخ:ماما بقلعتهم اهم شيء اخواني من زين الجلسه مع زهوه..والا مع الصديقه نوف..
ام فراس:لا بس ابي اقهرهم..بسرعه روحي جيبي الجوال
شموخ":طيران...



***********

جالسين حوالين الجده..
وبيت ام فهد رجعو للرياض..

ليلى:كلمه وقلتها رجعه انســـووووو
ام فيصل:ليلى لا ترفعين صوتك عيب
الجده:ماهو على كيفك انتي عاجبك قعدتك مطلقه..تبين الناس تاكل وجيهنا
ليلى:بقهر..الناس كلت وجهي انا ..
الجده:هو رجلتس ومالتس حق ماترجعين معه
ليلى:ليه لعبه متى مابغاني خذاني ومتى ماعافني رماني...رجعـــه للزفت نويصر مو راجعه..
عبير:ليلى..
ليلى:بلا ليلى بلا بطيخ..ايه اخوك زفتيــــن
الجده:ليلى اعقلي شهالكلم استحي..
ام فيصل:خلاص ليلى اسكتي
ليلى:بسكت يمه بس ورب البيت ان رجعتله يااذبحه يااذبح نفسي
دخلو على كلمتها..
ابوفيصل:بكيفك تذبحينه او ماتذبحينه بس بترجعيله
ليلى:غرقت عيونها..بس ماتبي تبكي...مو راجعه
ابو فيصل:لا بترجعين الليله
ليلى:ب
قاطعها
ابوفيصل:ليـــلى
ابو سليمان:يابو فيصل شوي شوي على البنت..هي بترجعله انا متأكد..صح ليلى
ليلى:زمت شفايفها بقهر..مو راجعه وقامت قبل لاينفجر فيها ابوها..
دموعها ماتخليها تشوف طريقها زين..وفكرها مشغول بهالمصيبه..ليه يبون يصلحون غلط بغلط..ليه دايما انا اللي انذل ليه انا غلط وهو صح ليه مايعقبونه بدل مايرجعوني له ..ليه ترخص فيني يبه ليييييــ..طررررراخ

ماتشـــوفين

رفعت عيونها وغمضت ونزلت دموعها..ثواني وهي بحضنه..شهقت..
مسح على راسها..
همس:شفيك يابعد الدنيا..من مضايقك
ليلى:ضمته اكثر..كلهم كلهم..كانت مثل الطفله بحضنه..
فيصل:رفع راسها ومسح دموعها باصابع يده..وانا منهم؟؟
ليلى:انت الوحيد اللي معي..
فيصل:يبون يرجعونك لناصر
ليلى:ايه
فيصل:طيب روحي البسي عباتك وخلينا نرجع
ليلى:ياليت حاسه نفسي مخنوقه
فيصل:ضمها..لاتختنقين طول ماانا عايش ورجعه له مو راجعه الا اذا انتي بغيتي..
كانت بتتكلم..حط يده على شفايفها المرتجفه..خلاص روحي البسي عباتك..
ليلى:تعال معاي..
فيصل:طيب...وطلع معها لغرفتها..
لبست عباتها...
وطلعو للرياض..
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 7:08 pm



بعد ماخلصو غدى جالسين بالصاله ويتناقشون بأمور الشركه..
شموخ:همست لزياد..افف هذولا مايملون
زياد:ماظن..قوليلي شمسويه بالجامعه
شموخ:يعني..مو مثل ماتوقعت..
زياد:طيب قسمك مرتاحه فيه..
شموخ:ايوه..اقول زيود شوف وجه امي كيف
زياد:ضربها بخفه..استحي هذي امك
شموخ:ههه ادري ..مسكينه ماتوفقت بحريم عيال سنعين..
زياد:مادري شفيهم انقلبو فجأه..
شموخ:انت السبب
زياد:انا؟؟
شموخ:ايه..كل وحده متأمله تاخذ اختها بس بالاخير خذت نوال
زياد:الله والاخذه عاد..
شموخ:حرام عليك والله نوال مافي مثلها
زياد:ادري بس ماتناسبني...تنهد..اللي تناسبني غير غير
شموخ:زيود لايكون تحب من وراي
زياد:وين عايشه بامريكا..
قاطعهم صوت ابو فراس..
ابوفراس:زياد شصار على موضوعك؟؟
زياد:ان شاء الله قريب بتزوج..
ابو فراس:هذا الكلام ..
زياد:بس مو نوال
ابو فراس:اجل مين؟؟؟
زياد:مادري..
فراس:يعني اسمها مادري..والله حلو طيب شاسم ابوها
عبدالمجيد:اسمه ماعرفش
هههههههههه هههههههههههههههه
ابوفراس:عصب..بـــــــس
عبد المجيد:لا الوالد عصب..
فراس:حتى الوالده..اسأل اللي ساكنين معهم تراهم هم السبب
شموخ:والله ماعمري زعلت امي ولا ابوي
زياد:حتى انا..شوفو انتو شمسوين
ام فراس: لاتسألونهم يمكن مايقدرون يجاوبون ماخذو الاذن من حريمهم..
فراس:يمه الله يهداك..والله تعبانه
شموخ:والجمعه اللي فاتت واللي قبلها...
ابوفراس:شموخ يكفي..عيب تكلمين اخوك بهالطريقه
شموخ:سوري فراس..قامت وعدلت بلوزتها الكت الطويله على جنز برموده..عن اذنكم وراي بحث..
زياد:يبه الله يطولي بعمرك بكلمك بموضوع
ابوفراس:قوم معي للمكتب..
طلع مع ابوه..
عبدالمجيد:قرب من امه وحب راسها..زعلانه مني
ام فراس:ليه يهمك زعلي..
فراس:افا يمه تشكين بهذي..
ام فراس:هذا اللي فالحين فيه..كلام وبس..طيب ورى ماجبتو العيال
عبدالمجيد:يمه توه عمره شهرين مااقدر اجيبه
فراس:بجيبهم لك بكره ولاتزعلين..
ام فراس:نشوف..

**********

الليل..

قفلت غرفتها زين..فتحت دولابها وطلعت علبه فاخره..
بعدت خصله وحطتها ورى اذنها..
فتحت العلبه ..اخذت سيجاره من النوع الفاخر..سيجاره غيـــر..
سيجاره تخليها تطير وتطير..
حطتها بفمها وولعتها..استنشقت اكبر قدر ممكن..
وطلعته بمهاره من خشمها...
ضحكت لنفسها..
ههههه..هذي السيجاره مو اللي يبيعونها..
سمعت طق الباب..
غيوووض غيووض افتحي..
غيوض:يووه مو وقته...كملت نفخ وطنشت عاليه..


*******


الصبـــــــاح..
يافتاح ياعليم..يارزاق ياكريم..



طالعت بالساعه..تونا 6
سكرت المصحف من ايدها بعد ماخلصت قراءة سورة البقره..
تعودت على هالشيء..بعد ماتصلي الفجر وتخلص من اذكار الصباح تقرى سورة البقره..
دخلت تاخذ شور سريع ..
طلعت وهي شاده الروب عليها وشعرها تاركته مبلول..فتحت دولابها..
شلبس؟؟فتشت بين البلايز..اووه هذي حلوه
طلعت قميص مقلم من فـندي وانيق جدا..
راحت للتسريحه وشغلت الاستشوار على شعرها واستشورته..
خلصت بعد ربع ساعه..
فتحت الدرج وطلعت علب المكياج ..
وزعت الواقي على بشرتها الثلجيه والنقيه..
مسكت الكحل وخططت عيونها من فوق بس..عيونها اساسا مو محتاجه..
اخذت البلاشر الوردي ووزعته على خدودها وانهت الميك اب بقلوس فوشي..
طالعت بساعتها نينا رتشي الذهبيه..الساعه سبع الا ربع..
اخذت القميص وتنورتها السوداء ولبستهم بسرعه..
طالعت شكلها بالمرايه..واااو ..اهبـــل..الله يعيني على البنات..
لبست صندل زحف من ديور ..
اخذت عبايتها وشنطتها بيدها ونزلت تفطر..
سكرت غرفتها وكان طالع من جناحه..
صباح الخير
ليلى:ابتسمت صباح النور..
خالد:محاضرتك بدري
ليلى:ايه..
نزلو الدرج..
ام فيصل:زين انك قمتي كنت بروح اقومك
ليلى:صباح الخير وحبت راسها..
خالد:يلا مع السلامه
ام فيصل:الله يسلمك انتبه للطريق..
جلست جنب بنتها اللي تفطر..
ام فيصل:حصنتي نفسك.
ليلى:ايه..مسكت قطعة توست واخذت شريحة جبنه
ام فيصل:عطيني انا بسويها لك..
ليلى:مدتها لامها..
ام فيصل:ابوك مامرك امس..
ليلى:لا ماشفته
ام فيصل:عطتها السندويتش..طيب اذا كلمك اليوم لاتزعلين..طنشي
ليلى:ليه صاير شيء بعد
ام فيصل:لا ماصار..
ليلى:ابوي ليه يسوي فيني كيذا
ام فيصل:ابوك خايف عليك..بعدين سكري على الموضوع وافطري وروحي لجامعتك تأخرتي
ليلى:بكمل السندويتش واروح
ام فيصل:انا بروح اكمل نومي..تبين شيء
ليلى:سلامتك..
*********


دخلت البوابه وهي تدعي انها تشوف ساره اليوم..ضروري ..
طالعت بالبنات اللي جالسين بالكراسي وماشافتها..دخلت عبايتها بالشنطه..وبخت من عطرها المفضل نينا رتشي..مالبست نظارتها تخاف ساره ماتعرفها..
طلعت من البوابه واتجهت لمبناها وعيونها تدور على ساره..



دخلو ورى بعض وهم يضحكون..
تهاني:نزلت طرحتها على كتفها..صدق انك رايقه..
ليلى:بقوه بعد..نفضت شعرها الحرير بيدها ورتبته..
تهاني:لاااااا انتي ناويه علينا..كم مره قلتلك انتي بدون شيء عذاب شلون وانتي حاطه مكياج..
ليلى:شكرا على المجامله..طلعت نظارتها قوتشي من العلبه ولبستها ..اخذت عطرها المفضل الين وبخت منه..ورجعته للشنطه..شعري مضبوط..
تهاني:دخلت عبايتها..ايه مضبوط..تدرين ليلى مالوم ناصر اذا انجن على فراقك..
ليلى:ههههه
تهاني:شفيك؟؟ وحطت شنطتها على كتفها ولبست نظارتها..
ليلى:ترى انتي ماشفتي ناصر..لو ماحذفت صوره كان وريتك اياه..واخليك تحكمين
تهاني:لايكون مزيون؟؟
ليلى:الزين ياخذ منه..مشاء الله عليه
طلعو من البوابه..واتجهو لمبناهم..
تهاني:وهذا انتي ماتحبينه تمدحينه
ليلى:انا اقول الصدق هو مزيون بس اكرهه..
تهاني:مااصدق..
ليلى:ابتسمت..بوريك صورته وبتصدقيني...
كانت ملفته للانظار..الكل يطالع بابتسامتها..
دخلت مبنى 12 ورفعت نظارتها على شعرها..
كل اللي بالمبنى كان منتظر يشوفها..جمالها حاد شرس..اللي يطالعها مايقدر ينزل عينه..
ابتسمت وهي تشوف بنات تعرفهم وتسلم عليهم بيدها من بعيد..
سمعت احد يناديها..
ليـــــلى..
التفتت على مصدر الصوت..
عهود!!!
عهود:قربت منها وابتسمت..نورت الجامعه مادريت انك رجعتي
ليلى:منوره بوجودك ..كيف خالتي
عهود:استغربت من برود ليلى..بخير..
ليلى:طيب عن اذنك تأخرت على محاضرتي..
عهود:وهي تشوف ليلى ترقى الدرج..شفيها علي؟؟

*******


لبست فستان حمل وماحطت شيء بوجهها..
جالسه على الكرسي تستغفر على بال مايطلع..
سلمى:سليمـــان يلا تأخرت على دوامك
سليمان:طلع من غرفة الملابس ويعدل شماغه..خلصت..مد يده وساعدها توقف..الحمل ثقيل عليها..نزلو..ولقو سديم جالسه تنتظرهم..
سديم:يلا اخترنوني(اخرتوني)
سليمان:طالع بسلمى..هالبنت قاضيه يبيلها تربيه..
سديم:انت تبريه
سليمان:شالها بيدينه..وش تقولين يالنتفه..
سديم:ادوووول بثررعه
سليمان:قولي بسررعه مو بثررعه
سديم:ضربته كف على خفيف..تذحك علي
سليمان:الا ياللي ماتستحين تضربين ابوووك..عيييييب
سديم:هزت راسها.انت عيب
سلمى:هههه شيفكك الحين من لسانها..لبست عبايتها ..انا بنتظركم بالسياره
سليمان:ماما راحت وتركتنا..
سديم:بثرعه الحقها لاتروح..
سليمان:حاضر عمتي...

وصلو لبيت ابو سليمان..
سليمان:امرك عقب ماارجع من الشغل..اذا احتجتي شيء دقي علي
سلمى:ان شاء الله..مسكت ايد بنتها ودخلو للبيت..


*************




رافعه شعرها ذيل حصان وسرحانه..عيونها ذبلانه..والسواد كاسيها..
انتبهت الدكتوره لسرحانها...قومي جاوبي على المسأله..
غيوض:ماعرف احلها..
الدكتوره:ليش؟؟
غيوض:تعبانه وماركزت معك..
الدكتوره:اذا تعبانه معليش...بس احب انبهك ان الماده يبغالها تركيز والسرحان مو نافعك...
انتهت المحاضره بعد نص ساعه..
طلعو البنات وهي لازالت بمكانها..
سألتها زميلتها..
جمانه:غيوض شفيك..من يوم ماداومتي وانتي حالك متغير..فيه شيء..
غيوض:لا مافي بس تعبانه..ونومي ماتعدل..دايم اجي وانا مواصله..
جمانه:اليوم حاولي ماتنامين اذا رجعتي..علشان يتعدل نومك
غيوض:بحاول..
طلعو من الكلاس..وبنفس الوقت طلعت ليلى من محاضرتها..
جمانه:يااااربي اسم الله عليها هالبنت تجنننن..جمالها مو طبيعي
غيوض:اي والله صادقه..تلقين امها اجنبيه
جمانه:اقول انقلعي..اي اجنبيه وملامحها عربيه الا بدويه..عليها خشم..
غيوض:عيونها تكفي..يووه تذكرين يوم شعرها طويل..صدق عذاب هالبنت..اقول امشي للكافتريا ابي بايسن يمكن اصحصح شوي..
جمانه:تصدقين انا افكر باللي يحضرون معاها احس ماينتبهون للمحاضره بس مركزين عليها..
غيوض:تلومينهم..امشي امشي..
*****
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 7:10 pm


الجزء الخامس طعش


(أنا.....والحـــظ)


اسف ماعاد لك في خفاقي اماكن..
راحت مع دموع العين يامبكيني..
الجرح يمكن يداويه الزمن...لـــكن..
شلي يرجعك لامن طحت من ...عيــــــني..


فـــــي جامعة الملك سعود..




حاطه جوالها على الصامت..وودها ترد على ناصر اللي ازعجها..بس مافي امل ..الدكتوره عصبيه ويمكن تطردها وتفشلها قدام البنات اذا انتبهت انها تكلم..
عبير:افف باقي ساعه ونص على ماتخلص المحاضره..احسن شيء ارسله مسج..
حطت الجوال بحضنها وبدت تكتب المسج ..



جالس مع عمه بالمكتب وفرحان..واخيرا حلمي بيتحقق..
رن تلفون ناصر ورد..
ناصر:الوو
السواق:انا اجي..فيه باركنج
ناصر:خلاص انتظر لين اجيك..سكر التلفون..
ابوفيصل:جاء السواق؟؟
ناصر:ايه وهو تحت..بس عبير ماردت..
ابوفيصل:يمكن مشغوله..
ثواني وجاه مسج..
(خير صاير شيء انا بالمحاضره..
عبير..)
ناصر:ارسل لها مسج....خلاص عمي علمتها..وانا بنزل اتفاهم مع السواق..
قام من مكانه وحب راس عمه..
ناصر:تأكد ياعمي اني بحطها بعيوني..
ابوفيصل:انا متأكد ياناصر..
*******




حست بأحد يتحسس وجهها..قلبت للجهه الثانيه..
انفاس ساخنه تحرق خدها..فتحت عينها السليمه بتثاقل..
شهقت..هيييييييييييييييئ..
تمسكت بلحافها..
عاليه:شتسوي يالحقـــــير..برررررررررررى
سلطان خال غيوض)..ماسوي شيء..تدرين شكلك يخبل وانتي نايمه..
عاليه:اقـــول انقلع قبل لا اصرخ وافضحك قدام اختك..
سلطان:لا تخافين مافيه احد هنا..انا اخاف على سمعتك اكثر منك..عاليه انا شاريك..
عاليه:وانـــا بايعه..ضف وجهك احسن لك..
سلطان:عاليه الى متى وانتي تتجاهلين احساسي ناحيتك..عاليه انا احبك ..
عاليه:حبـــك برص يالحقير..انت صر رجال بالاول بعدين تكلم يالوصخ..هذي سواة تسويها تتهجم على وحده لحالها بالبيت صدق مافيك مروه ..بررررى بررررررررى
سلطان:عاليه لا تظلميني انا عجزت معاك كل مااكلمك تصديني..عاليه انا طالع وصدقيني ماكنت ناوي اسويلك شيء بس اشتقتلك وهالشيء غصب عني..
وطلع..
عاليه:الحمد الله ماسوالي شيء...تنفست بارتياح..(قامت من سريرها وراحت للباب تقفله..)..طير النوم مني حسبي الله عليك ياسليطين..انا لو اعرف بس شناوي عليه..الله يستر منه..



***************



دخل مكتبه وبيده ملف لاحد المرضى..
تفاجأ بوجوده..
فيصل:وانا ادورك اثريك هنا..جلس على كرسي مكتبه..شفيك مكشر..
زياد حط ايده على خده وتركى عليها)..من وجهك كشرت..ياخي كل مااشوفك اكتئب..
المهم ماعلينا ترى اخوي فراس وافق على المشروع..
فيصل:والله..زين يارجال..انا كلمت سليمان وقالي بيدرس المشروع وبيردلي خبر..بدق عليه اليوم واشوف شصار..
زياد:فراس يقول اذا سليمان مو داخل شريك بيدخل اخوي عبدالمجيد معاه..
فيصل:اوكيه مافي مانع..فتح الملف وصار يقرى فيه..
زياد:صار يدقق بملامح فيصل وكأنه اول مره يشوفه..اقول فيصل..
فيصل:همم..
زياد:غريبه خالد ماطلع عليك؟؟اقصد مايشبهلك ابدا..يعني ماكأنكم اخوان..
فيصل:خالد طالع على جدي ابو امي..وحنا كلنا طلعنا على عمامي..شعندك تسأل ؟؟
زياد:لا بس كيذا..اقول شصار على عرسك ترى تأخرت..
فيصل سكر الملف)...بيني وبينك ودي انه مايتم..تحسفت اني خطبتها..
زياد:افــا..ليه..اقصد ماعجبتك..
فيصل:لا عجبتني..بس مابيها
زياد:علشان سالفة ناصر يعني؟؟
فيصل:طبعا لأ..اصلا حنا اهل مهما صار..
زياد:الا شصار على موضوعه..رجع اختك؟؟
فيصل:هو يبي اليوم قبل بكره..بس هي رافضه..بصراحه مايستاهلها..
زياد:طيب ليه ماتبيها؟؟
فيصل:قلبي للحين معلق ببنت خالتي..
زياد:انت ماقلت خلاص نسيتها وماادري وشو
فيصل:كنت اكذب على نفسي..تدري ابرجع اخطبها
زياد:حط رجل على رجل..الااااا ياموافقه عليك..استريح بس
فيصل:هي تحبني وانا متأكد انها بتوافق..بس المشكله بنت عمي شلون افتك منها..
زياد:طيب تزوجهم ثنتينهم..
فيصل:جبتها
زياد:يالخبل امزح معك..مجنون انت تتزوج ثنتين..
فيصل:مافي غير هالحل..
زياد:طيب يابو الحل ..وطلع من مكتب فيصل..
************



جالسين حوالين القهوه ومشغلين التلفزيون على سبيس تون..
سلمى:سديم حبيبتي ابعدي عن التلفزيون
سديم منسدحه تحت التلفزيون)..ماااابي..
سلمى:قومي
سديم:مااااابي
الجده:خليها ماهي سامعتن حتسيتس(كلامك)..اقول كم باقي على شهرتس؟؟
سلمى:ثلاث شهور تقريبا..
الجده:زين الله يسهل عليتس يابنيتي..شلون سليمان معتس؟؟
سلمى:الحمد الله زين..سليمان مايقصر معي..
الجده:وانا اشهد انه رجال..الله يهدي اختتس وترجع لناصر..والله مافي منه..ليه ماتنصحينها؟؟
سلمى:جدتي مااحب اتدخل..
الجده:بس اختتس ماتدري عن كلام الناس للمطلقه..هي توها بزر وماتفهم وامتس الله يهديها ساكته..
سلمى:بصراحه ماالومها اللي صارلها موشوي..جدتي نسيتي الكلام اللي طلع عنها..
الجده:هي شعليها من الناس..محدن بيرضي الناس كله..
سلمى:انا مالي دخل...
رن تلفون البيت وركضت سديم ترد..
سلمى:يمه منها ماتصبر عن التلفون..
سديم:الووو مين
ابوفيصل:هلا بحبية جدو..شلونك
سديم:ذينه انت وينك
ابوفيصل:انا بالشغل..واذا جيت بجيبلك حلاوه
سديم:جيب كثييييير..
ابوفيصل:ان شاءالله..ماما وين؟؟
سديم:هنا...ماااااماماااااما
سلمى:جيبي التلفوون هنا..بسرعه سدوومه
سديم:اخذت التلفون وعطته امها ورجعت للتلفزيون
سلمى:الوو
ابوفيصل:السلام عليكم
سلمى:وعليكم السلام هلا يبه شلونك
ابوفيصل:الحمدالله بخير..امي صاحيه
سلمى:ايه هذي هي بجنبي تبي تكلمها
ابوفيصل:ايه عطيني اياها
سلمى:لحظه...جدتي ابوي بيكلمك...مدت لها التلفون..
الجده:هلاا ابوفيصل..
*********



بعد صلاة الظهر..

كانت طالعه بالبلكونه وتنتظرها..شافت البوابه تنفتح وتدخل سيارتها..
طلعت من غرفتها..وانتظرتها بالصاله الفوقيه..

نزلت من السياره وهي تحس جسمها هلكان وممكن تطيح بأي لحظه..
دخلت البيت بهدؤ..ركبت المصعد وطلعت لغرفتها..
انفتح المصعد وطلعت بوجهها..
عاليه:اخيييرا جيتي..ومسكت ايد اختها البارده وسحبتها لغرفتها..
جلستها على الكنب ..
غيوض:عاليه تراني تعبانه ومالي خلق سواليف ..اذا قمت من النوم قولي اللي عندك
عاليه:السالفه ماتتأجل..تخيلي الحقير سليطين جاء هنا..
غيوض:خالي
عاليه:ايوه
غيوض:طيب خير ياطير..واذا جاء
عاليه:جاء هنا...بغرفتي وانا نايييييمه
غيوض:ايييش!!
عاليه:لاتخافين ماسوالي شيء..خالك ناوي على شيء..
غيوض:هو قالي انك عاجبته..ووده يخطبك
عاليه:يماما اسأليني انا عن الرجال..هذا نظرته لي نظرة انتقام حقد كره..احسه بيوصل لشيء من خلالي..غيوض ترى حتى نظراته لك مو مريحتني
غيوض:هههه..عاليه شفيك هذا خااااااالي
عاليه:واذا خالك...انا سبب عذابي بهالدنيا ابوووي..جت على خالك يعني..غيوض انتبهي منه..
غيوض:اوكي ..فيه شيء ثاني بروح انام..
عاليه:صلي الظهر قبل لاتنامين..تراني ملاحظتك مهمله صلاتك..
غيوض:طيب طيب...طلعت و
دخلت غرفتها وانسدحت على السرير وراحت بنوم عمييييق..ونست او تناست صلاتها الواجبه..

************
**** في هذا المقطع رح تتكلم الشخصيات عن نفسها{{








الساعه 2 ظهرا..
اتصلت عليها بنت عمها وقالت لها انها عازمتها على المطعم الايطالي وبيطلعون مع بعض..


ليــــــلى:
طلعت من محاضرتي وتهاني تمشي معي ببطئ شديد..صدري ضايق مادري ليه..
نزلنا مع الدرج والمبنى شبه فاضي..لان محاضرتنا متأخره..طلعت جوالي من شنطتي ودقيت على عبير..ومن اول رنه ردت علي..
عبير:هلا ليلى خلصتي؟؟
ليلى:ايه خلصت..انتي وينك..
عبير:انا..انا ببوابه 6..
ليلى:تنهدت بتعب..ااه..خلاص الحين بجيك..
عبير:لا لا خلاص انتي روحي لبوابه 2 وانا ارسلك السواق وبعدين مريني..
ليلى:اوكيه بعد احسن اصلا انا تعبانه..طيب ماعرف رقمه
عبير:شوفي انتي اذا لبستي عباتك وخلصتي ..دقي علي وانا ادق عليه..
ليلى:خلاص..
سكرت الجوال وهو لازال بيدي..واستغربت من عبير صوتها فيه ربكه..
قطع تفكيري صوت تهاني..
تهاني:وهي حاطه يدها ورى ظهرها..متى يمديك تذاكرين..ليلى ترى حنا اخر سنه..
ليلى:شتبيني اسوي لمحتلها بس هي مو راضيه تفهم..وبعدين انا حاسه انها زعلانه مني وخصوصا بعد سالفتي بالمزرعه..

دخلنا البوابه..
حطينا شنطنا على الكراسي وطلعنا عباياتنا مع بعض..
تهاني:الحمدالله بغيت انسى..امسكي الملزمه ومشكوره..
ليلى:اخذت الملزمه..لاشكر على واجب..
لبست عباتي ولفيت طرحتي..
وتهاني كانت اسرع مني لان اليوم زوجها اللي بيجيبها..
تهاني:بعد ماخلصت لبس عبايتها جلست وحطت جوالها بحضنها علشان اذا دق تطلع بسرعه..
ليلى:شفيك؟؟
تهاني:اقول ليلى..غدير ليش انقطعت فجأه..
ليلى:مادري..يمكن مثلك..
تهاني:مثلي!!
ليلى:نسيتي انك انقطعتي فجأه..وندق عليك وجوالك مو موجود بالخدمه..
تهاني:شسوي بالمعقد اللي عندي..يوم مابقى الا المستوى الاخير رفض اكمل..حتى الانسحاب عملته لي اختي..وجوالي انسرق..
ليلى:تدرين احسن...لو مانسحبتي كان الحين انا لحالي ادرس..
رن جوال تهاني وردت بسرعه..
تهاني:هلا..الحين طالعه..سكرت..قامت ومعها الشنطه..يلا مع السلامه
ليلى:الله يسلمك وسلمي على زوجي..
تهاني:يوصل..
دقيت على عبير وقلتلها اني خلصت..وقالتلي اطلع..
شفت سيارة عبير BMW العنابي..توجهت لها ودق جوالي..فتحت الباب..ورديت وانا احسب انها
عبير..
ليلى:الوووو
سكرت الباب..وفيه ريحه ماهي غريبه علي..بس ماطولت بتفكيري لان اللي على الخط رد..
معاذ:الوووو(ولد تهاني الصغير)
ليلى:هــــلا والله بهالصووووت ..كيفك حبيبي..
معاذ:انا بخير..وانتي
ليلى:بخير يابعد قلبي..وينك لاتسأل عني ومطنشني..
معاذ استحى منها)..مادري..اقول
ليلى:نزلت الملزمه من حظني وحطيتها بجنبي ورديت عليه..قول آآمر وتدلل
معاذ:بتروحين للمطعم..
ليلى:ضحكت من قلب..هههه..امداها تقولك(تقصد تهاني)..ايه بروح للمطعم
معاذ:مسوي نفسه معصب..وليه ماقلتيلي؟؟
ليلى كنت اسمع صوت تهاني وهي تحرضه)..اسفه حبيبي اخر مره..مره ثانيه مااطلع الا لما اقولك..رضيت علي
معاذ:لأ
ليلى:طيب شسوي علشان ترضى..
معاذ:تجينا بكره للبيت
ليلى:ههه بس كيذا..ولا يهمك بكره اجيك بس بشرط..ابيك انت اللي تطبخلي..ابي اذوق طبخك حبيبي..

نــــاصر:
كنت طاير من الوناسه..اليوم بترجعلي ليلى..حجزت المطعم كله علشانها وحاجز لنا سويت بفندق الفورسيزون..ومجهزه بالكامل..كنت ابي اسويلها مفاجئه..
اتفقت مع عبير انها تكلم ليلى وتعزمها على المطعم..وانا اخذت سيارة السواق ..خفت اذا شافت سيارتي ترفض تطلع..وبعدين احسن علشان تصيرلها مفاجئه..
شفتها وهي تطلع من البوابه كان الجوال بيدها اليمين وملزمه بيدها اليسار..كان قلبي يدق بسرعه..انفتح الباب وركبت وانا اسمع صوتها وهي تقول الوو..حركت السياره وانا اطالعها من المرايه..كان منشغله بالمكالمه ولاانتبهت علي..
شدني لمكالمتها كلمة حبيبي..ركزت معها..توقعت انها تكلم احد اخوانها..مع اني اعرف زين انها ماعمرها قالتها لهم..كنت اصبر نفسي بهالتوقع..مادري شصارلي يوم سمعتها تقول..
ههه بس كيذا..ولا يهمك بكره اجيك بس بشرط..ابيك انت اللي تطبخلي..ابي اذوق طبخك حبيبي..
سحبت بريك قوي والحمدالله ان الشارع فاضي..التفت عليها وانا اشوف عيونها المرتجفه..صرخت..
ناصر:عطــــــــــــيني الجوااااال..
ليلى:نااااصر!!!
ماعطيتها مجال سحبت الجوال بالقوه منها ورديت وانا من كثر ماني معصب احس موقادر امسكه..
ناصر:الووووو ..رد يالحيوووووان
معاذ:انت مين؟؟
ناصر:ولك عين ترد يابن ـــ يا ـــ
معاذ:ماااما ماااااما فيه رجال يزاعق علي(يصرخ علي)
تهاني بعد مااخذت الجوال )الوو ليلى
ناصر:ــــ
تهاني:الووو ليلى ردي..الووووو
ناصر:سكرت الجوال..وضغطت عليه بيدي..كانت تكلم بزر..هذا هو حبيبها..بزر..
قطع تفكيري صوتها..
ليلى:عاجبتك الوقفه بنص الشارع..مانت سامع الازعاج اللي وراك..ولا شارع ابوك هو..
ناصر:شغلت السياره وحركت والجوال بحضني..كنت مو قادر اتكلم..اكيد جرحتها..انا عارفها حساسه..شلون اعتذر منها..ليه سويت كيذا..انا جاي اراضيها رحت زعلتها..
وقفت عند الاشاره..
ليلى:عطني الجوال..
ناصر:مديت يدي لورى وعطيتها الجوال من غير مالتفت..فاجئني سؤالها..
ليلى:انت متفق مع عبير صح؟؟
ناصر:ايه..
ليلى:وطبعا قايل لابوي صح؟؟
ناصر:ايه..
ليلى:وفيصل مايدري صح؟؟
ناصر:ايه..
سمعتها تنهدت..جوالها رن وسكرت بوجهه..كنت اراقبها مع المرايه..
فتحت الاشاره وحركت..
ليلى:لوسمحت روح لبنده او التميمي..(سوبر ماركت)
ناصر:استغربت طلبها..ليه
ليلى:مالك دخل..ياتودي يا لأ..
ناصر:ان شاء الله..
رن جوالي وكانت عبير رديت عليها..
ناصر:نعم
عبير:الله ينعم عليك..اقول ليلى معك؟؟
ناصر:ايه..
عبير:اوكيه سلام والله يهنيكم..
سكرت منها وانا اضحك بنفسي..تحسبني بقمة السعاده الحين..ماتدري اني اتعس رجل بهاللحظه..
وقفت عند التميمي..
وقبل لاتنزل
ليلى:نص ساعه وراجعه..ونزلت..
ناصر:حسيت باختناق وانا اشوف زولها بعبايتها اللي على الراس..فتحت الباب ميلت جسمي حطيت رجل على الباب ورجل على الارض..وقعدت افكر ..نروح للمطعم ولا الفندق ولا بترفض وترجع للبيت..

بعد نص ساعه..
شفت الهندي يجر عربيه مليانه..وهي وراه بمسافه..وانا على نفس وضعيتي ضغطت الزر علشان تنفتح الشنطه ..

ليــــــلي:

بعد اللي سواه معي هالحقير قررت احط حد للي يصير..
رحت للتميمي وتقضيت..وتعمدت اتأخر علشان يموت بالحر هالزفت..اكرررهه كلمه قليله عليه..احس بقهر مو منه لا من ابوي..ليه سوى كيذا..احيانا اشك اني بنته..
طلعت من السوبر ماركت وانا اشوفه ..كاشخ مع هالوجه..(لابس ثوب ابيض وشماغ احمر واحد اطرافه متعلق بالعقال والطرف الثاني نازل عادي على كتفه..لابس نظارته الكلاسيكيه السوداء)..ملامحه واضحه..محد ينكر انه جميل ومو بس جميل الا ملك جمال..بس من برى الله الله ومن جوى يعلم الله..ركبت السياره وهو نزل منها وترك الباب مفتوح..
سمعت اصوات بنات..
:ياااااي يجننن شوفيه يالخبله
:يكفي زوووله واااااااي واااي كشخخه

شفته ركب السياره وعليه شبح ابتسامه..وماسكر الباب وكأنه قاصد يسمًعني..
لين تجرأت وحده من البنات وبكل وقاحه قالت..
:ممكن نتعرف يالطيب..
ناصر:قلللة ادب..صدق انكم ماتستحون انا خابر الرجال يغازلون..شكل الايه انقلبت..ضفي وجهك يــــلا..سكر الباب والتفت علي..
ترى انا مالي دخل هم اللي تلزقو فيني..
ليلى كنت ادري شيبي يوصله..يحسبني اغار..مسكين..رديت عليه بصوت راكز)..لو يعرفونك على حقيقتك صدقني بيتفلون بوجهك..
ناصر:أ ..انا..انا ادري اني غلطان..اسف..
ليلى:بلا كثرة حكي واسفك خله لك مااحتاجه لانك اساسا ماتهمننننني فاهم..
ناصر:حرك السياره ومارد..
ليلى:كنت سرحانه ومو مركزه بالطريق..كنت افكر بأهلي وتحديدا افكر بأبوي..
رن جوالي وانتبهت..سكرت بوجه المتصل وقفلت الجهاز..استغربت وقلت بصوت مسموع..
ليلى:وين موديني انت؟؟
ناصر:مفاجئه..
ليلى:تستهبل انت ولا تخفف دم..رجعني البيت
ناصر:لا مافي رجعه..ليلى
قاطعته
ليلى:انت من ايش مخلوووووق ابي افهم ماتحس انت جددددااار..اقوووولك اكرررهك ماادانيك مااواطنك بعيشة الله..رجعني البيت ولا ترى والله لادق على فيصل ويتفاهم معك..
ناصر:مايهمني احد..وانت تعرفيني زين..





******************************





هنا ماقدرت امسك نفسي..انفجرت كنت مقهوره من اسلوبه..فعلا شممكن اسوي وابوي بصفه..كان يتكلم وهو واثق من نفسه..بكييت وبكيييت..وكنت اشاهق..واتكلم..
ليلى:ان..انت شتبي..ا..اق..اقولك ماببيييك..ت تحسبني لعبه..زي ما.. زي ماتبي ترميني..وز..وزي ماتبي ترجعني..انت..انت اللي تغلط وانا..المفروض اسامحك وارجعلك..لليش..ماعندي..احساس..شا ..شايفني بلا كرامه...اكرررهك اكرررهك..
الله ياخذك..ويريحني منك..الله ينتقم منك..اكرررهك ...تسوي نفسك مظلووم وانت ظالم..اول مره وقلنا مالك دخل عهود هي السبب وثاني مره وقلنا ماعليه محمد السبب والحييييين من السبب ها؟؟؟ميـــــــــــن؟؟ وحطت راسها على التكايه وهي تبكي

ناصر:
ماتحملت بكاها وصياحها..هي معها حق..انا دايما اخذلها من يوم ماخذتها وهي مو متهنيه معي..الظاهر صادقه جدتي بيننا نفس..
..قررت ارجعها للبيت..
على الاقل تهدى..وانا بعد اهدى..كلامها مو سهل..اصعب شيء علي ان الانسانه اللي اموت فيها تقول اكرهك..وتبكي بسببي..ادري اني غلطان..بس الواحد شيسوي اذا الحظ معانده..


********** الحين نرجع للحوار العادي{



جالسين مع ابوهم ومعصبين..
وام فيصل ساكته..ملت من نقاشهم وطلعت لغرفتها تريح..
خالد:يبه ليه رجعتها؟؟
ابوفيصل:بنتي وانا حرره..
محمد:بنتك ماقلنا شيء..بس هييي ماتبيييه ..الغصيبه ماهي زينه الله يطولي بعمرك..
والله ان درى فيصل لا يقوم الدنيا علينا
ابوفيصل:بسسس ولا كلمه زياده..ان سمعت انكم متكلمين بهالموضوع مايصيرلكم خير..
خالد:حنا مو متكلمين بس تفاهم مع ولدك..
ابوفيصل:فيصل عاقل وماهو مسوي شيء..وبعدين خلاص هي راضيه والدليل انها ماراحت للمطعم اللي ولد عمك متكلف وحاجزه كله علشانها وراحو للفندق..
محمد:ولووو المفروض يتأدب..يايبه والله مو زينه بحقنا..وانا اعرف ليلى تلقاها سكتت علشانك..
ابوفيصل:وانت ليه ماتسكت علشاني..
خالد:عن اذنكم..
انفتح الباب..
دخلت وهي تنادي على الشغاله..
ليلى:سنتيااااا سنتيااااااا
الشغاله:يس
ليلى:روحي برى تلقين اغراض طلعيها لغرفتي..
الشغاله:اوكي..
فصخت عبايتها ودخلت للصاله..تفاجأو فيها..
ليلى:السلام عليكم
الكل وعليكم السلام
ابوفيصل:ليلى؟؟ من جابك؟؟
ليلى:جابني ناصر..
ابوفيصل:ابتسم..وارتاح قلبه..وينه ناصر
ليلى:نزلني وراااح..
ابوفيصل:بيرجعلك يعني ولا ايش..
ليلى:ابتسمت..طلعت بوكها وفتحته اخذت البطاقات الاتمانيه اللي فيها ونزلتها على الطاوله الزجاجيه القريبه منها
طالعت بابوها..
ناصر خلاني..يقول شيبي بوحده ارخص ابوها فيها..طحت من عينه..ورجعني..
شكلي ثقلت عليك بعيشتي..على العموم انا تقضيت من مكافئة الجامعه وشريت اكل لي وشموع علشان مااخسرك بالكهرب والماء فاتورته علي..وهذي البطاقات رجعتها لك ومشكوووور على اللي سويته معاي..عن اذنكم..
لفت بتطلع لغرفتها بس وقفها صوته
لحــــــظه..
ليلى:وقفت
ابوفيصل:تقدم لها..صار وراها بالضبط..طالعي فيني
ليلى:لفت عليه...
طررررررراخ
بعدت شعرها عن وجهها..خدها توهج من حرارة الكف..بس دموعها مارضت تنزل
ابوفيصل:انتي ماتربيتي ويبيلك تربيه من جديد..هذا جزاي يابنت ابوووك
خالد:مسك ابوه المعصب..يبه تعوذ من ابليس هي ماتقصد
محمد:ليلى حبي راس ابوي واعتذري منه..
ابوفيصل:مابيلها اعتذاااار خلها تنقلللللع عن وجهي لارتكب فيها جريمه
محمد:سحب ليلى وطلعها لغرفتها..
***********


ركن السياره بالمواقف واخذ جيبه اللاندكروزر وطلع يتمشى برى الرياض..
يبي يبعد ويبي يرتاح..كل شيء ضده..كل مايبي يقرب منها ..يبعد اكثر واكثر..
دق على ابوه علشان مايقلق عليه..
ابوسليمان:هلا ناصر على البركه
ناصر:هلا يبه..اقول تراني طالع برى الرياض ويمكن مايكون فيه ارسال لاتخافون علي
ابوسليمان:ليه؟؟
ناصر:ضايق خلقي..يبه اسمحلي بسكر
ابوسليمان:على راحتك بس انتبه لنفسك..
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 7:11 pm




نزلت الدرجات بخفه وبمرح..
وشعرها يتمايل مع حركتها..
قالتها بفــرح..
اشتقتــــــــــلك
ضمتها بقوه..
شيخه:ههههه خلاص كسرتيني خفي علي
نوال:ضربتها بخفه..يالحماره هذا جزاي؟؟
شيخه:اسفه حقك علي..تعالي اجلسي وسولفيلي اشتقتلك مرره وحشتيني
نوال:جلست جنبها ويدينهم متشابكه..باين وحشتك..
نازله مع الدرج والخدامه ماسكه شنطتها وعبايتها..
ابتسمت..
ام شيخه:اهلين شوشو متى جيتي
شيخه:سلمت على امها سلام بارد..توي ماصارلي دقيقه..
ام شيخه:اوكيه انا طالعه معزومه ..كان ودي اجلس معك..
شيخه:اغتصبت ابتسامه(هذا حال ام ماشافت بنتها شهرين)..عادي خذي راحتك
ام شيخه:انتي الله يهديك ماقلتيلي انك جايه
نوال:يعني شبتفرق؟؟ انتي كذا ولا كذا مايهمك الا نفسك..
ام شيخه:طالعتها بنظرات..عن اذنكم..
جلست شيخه..
نوال:انتي قلتيلها انك حامل
شيخه:علشان تذبحني..تدرين انها ماتبي احد يقولها انها كبرت..
نوال:مشكله المراهقين
شيخه:ههه نوال عييب
نوال:وانا صادقه..ابو من ديره لديره وام من بيت لقاعه لمادري ايش..عايشين حياتهم
شيخه:وانتي عايشه حياتك
نوال:مرره عايشتها..اقول نسيتي انه هو اللي غصبني على زياد وحرمني من حسين
شيخه:الا على الطاري سمعت انه طلق
نوال:ايه من زمااااان ماقعدت معاه الا اسبوع بس..
شيخه:ياحرام..طيب ليه مايرجع يخطبك
نوال:هذا الناقص بعد..حبيبتي اللي يبيعني ابيعه..وبعدين انا خلاص ابي ارجع لزياد..
شيخه:لا في تطورات بغيابي..احكيلي احكيلي
نوال:حمرت خدودها..شوشو ترى انحرج
شيخه:هيييئ نوال تحبيييينه؟؟؟
نوال:هزت راسها بإيه..
شيخه:ضربتها بخفه..من ورااااي..هييين..
*********




جالسين بحديقة البيت ..
عبير:لابسه جلابيه ناعمه وتاكل من الحلا اللي سوته سلمى..
الجده:وش يبي منك اخوك
ابوسليمان:لا بس يقول ان ناصر مارجع ليلى ومايدري ليه..
عبير:فتحت فمها..يبه تقول مارجعها؟؟
سليمان:سكري فمك
عبير:ياويلي..اكيد بتلعن ابوجدفي
سلمى:همست باذنها..تستاهلين ليه تتدخلين بينهم
عبير:يعني تبيني اشوف ناصر يتعذب واسكت..لو انه اخوك ماقلتي هالكلام..
سليمان:عبـــــير شهالكلام؟؟استحي على وجهتس
عبير:اسفه سلمى
سلمى:لا تعتذرين..حنا خوات
الجده:طيب ليه ماينشد ليلى كود انها تعرف..هالبنت مادري متى بتعقل..اكيد غثته بكلامها
سلمى:كتمت بقلبها..هي تعرف ان جدتها تموت على ناصر..
ابوسليمان:يقول انه الله يهديه ضاربها..ومقفله على نفسها وماترد على احد..
عبير:عمــي يضرب!!!اول مره ادري
الجده:هي بنته وهو حر فيها والضرب ينفع
ابوسليمان:ولو انا مابي اظلم البنت ومالومها..بس الولد متعلق فيها
الجده:لاتخاف بيرجعلها غصبن عليها..هو وينه؟؟
ابوسليمان:طلع يتمشى..يقول ضايق خلقه
الجده:يابعد عيني..
سليمان عرف ان سلمى متضايقه)...يـلا انا بروح للبيت ابي اريح
الجده:تعشى معنا
سليمان:مره ثانيه..يـلا سلمى..
سلمى:مع السلامه..ودخلت للبيت تنادي عيالها وتاخذ عبايتها..

****************





قامت على صوت المنبه..مددت يدينها
وسكرت المنبه..انتبهت انها نامت بملابس الجامعه..
قامت من سريرها وهي تدلك راسها تبي تبعد الصداع..
دخلت تاخذ شور..
طلعت وهي ترجف..راسها بينفجر..افتحت الدولاب وطلعت العلبه واخذت سيجاره
ولعتها بسرعه وصارت تاخذ نفس بسرعه ..جلست على الكرسي..طلعت دخان ودخلت دخان..حست براحه..
غيوض:اخخخ غريبه هالسيجاره مااهدى الا عليها...بس مفعولها يجنن..فرق عن السجاير العاديه..هههه صدق من قال كل رخيص مخيس..
نزلتها على الطفايه وتركتها..
طالعت بالساعه 5 ونص...يووه تأخرت على جدي..
طلعت من دولابها برموده جنز ازرق ولبست بدي اخضر غامق بدون اكمام..تركت شعرها على طبيعته اخذت عبايتها وطلعت..

**************





قررو يروحون لبيت عمهم وخصوصا ان شيخه اشتاقتلهم..
جالسين بالصاله
ام فراس:مابقى شيء على جية زياد..عز الله بيستانس
شموخ:لو درى عبدالمجيد انك هنا وماقلناله بيذبحنا
شيخه:والله انا اشتقتلهم..الا شلون زهوه ونوف
ام فراس:ماعليهم طيبين..
شيخه:والله ليتني لحقت على عمي قبل لايسافر
شموخ:بيرجع بكره لاتخافين..تعالي وسلمي عليه..
قطع حديثهم صوته الجهوري..
الســــــلام عليكم
كان لابس بنطلون اسود وقميص ابيض ومفسر الاكمام والجاكيت ماسكه بيد واليد الثانيه بجيبه..داخل وهو مبتسم ..
نوال:رفعت عينها عليه..(بقلبها:الله يقلع بليسك يازياد اثريك مزيون..اخخ وين كانت عيوني قبل)
الكل وعليكم السلاااام
زياد:طلعت عيونه قدااام...وقال بصوت عالي..شــــوشــــو!!!
شيخه:قامت..شرااايك بالمفاجئه؟؟
زياد:احـــــــلى مفااجئه..وتقدم وصافحها بحراره..يالدبا لا تزورينا ولا تكلمين على الاقل..ومبرووووووك على الحمل
شيخه:الله يبارك فيك..من قالك
شموخ:انا قلتله..
جلس بجنب امه وهي جلست بمكانها..
زياد:شوفي اذا ولد ترى على اسمي مالي دخل
شيخه:لاوالله انا احمل واتعب وانت تسمي..
نوال:احمدي ربك ان طلع مثل زياد..نزلت عيونها من الاحراج..
زياد:مانتبه لاحراجها..اي والله..تدرين شلون ياويلك ان سميتيه زياد..
شيخه:من غير ماتقول..
ام فراس:شموخ حبيبتي دقي على المطبخ خليهم يجيبون عصير لاخوك..
اذن صلاة المغرب..
الله اكبر الله اكبر
الله اكبر الله اكبر
اشهد ان لا اله الا الله
اشهد ان لا اله الا الله
اشهد ان محمد رسول الله
اشهد ان محمد رسول الله
حي على الصلاة
حي على الصلاة
حي على الفلاح
حي على الفلاح
الله اكبر الله اكبر
لا اله الا الله..
ردد بنفسه(اللهم رب هذه الدعوة التامه والصلاة القائمه ات محمد الوسيلة والفضيله وابعثه اللهم مقاما محمودا اللذي وعدته انك لاتخلف الميعاد)
جت الشغاله وحطت العصير..
زياد:ابوي وينه؟؟ وشرب العصير
ام فراس:ابوك سافر..
زياد:يرجع بالسلامه..نزل الكوب..شوشو الليله بتنامين عندنا(يقصد ببيت عمه بس لانهم ساكنين جنب بعض وحوشهم تقريبا مشترك)
شيخه:لا مااقدر..بكره معزومه على زواج لاهل رجلي
زياد:طيب عازمك الليله على عشاء..وانا برجعك لبيتك شرايك
شيخه:مادري بدق على عزام(زوجها) واساله
زياد:ماهو قايل شيء انتي قولي زياد ملزم..
شيخه:ان شاء الله يوافق
نوال:غصبن عليه يوافق..والله من زمان ماطلعنا مع بعض
زياد:لا بيوافق..انا بروح للمسجد وانتم تجهزو..
شموخ:وين بدري على العشاء
زياد:نتمشى على الرياض وبعدين نتعشى..وطلع
ام فراس:يلا شموخ روحي البسي وانتم يابنات جيبو عباياتكم بسرعه ترى تعرفون طبع زياد مايحب اللي يتأخر عليه..

**********





دخلت القصر وهي ترجف..توقفت شوي عند الباب الخشبي الكبير وصوت النافوره يتغلغل بروحها..تخاف تدخل ويقولون مات..
انفتح الباب وتفاجأ فيها..
غيـوض!!
غيوض:هلا خالي..تنفست بعمق..(الحمدالله ماصار شيء)
سلطان:شفيك واقفه مادخلتي؟؟ صارلك وقت هنا
غيوض:هزت راسها بلا..مرت من عنده تبي تدخل..
مسكها مع ايدها..
سلطان:لحظه
غيوض:طالعت فيه بعيونها الذبلانه..خير؟؟
سلطان:ابيك تعتذرين لي من عاليه..
غيوض:اوكيه..بس نصيحه مني ابعد عنها هي ماتفكر بالزواج..
سلطان:انتي اعتذريلها وماعليك..
غيوض:صح نسيت..ترى السجاير اللي عطيتني اياها بقى ثنتين منها..
سلطان:عجبتك؟؟
غيوض:مره..بس راسي صار يصدع ومايهدى الا عليها.ههه تصدق لو يستخدمونها بدل البنادول احسن..
سلطان:اها..ابتسم..طيب اذا خلصت دقي علي..وانا بجيبلك..
غيوض:خلاص صار..ودخلت
سلطان:غيووض
غيوض:وقفت ولفت عليه..نعم
سلطان:عيسى فيه؟؟
غيوض:من عيسى؟؟هههه قصدك ابوي..مادري يمكن
سلطان:اوكيه روحي..
***********





دقت عليه بعد ماخذت رقمه من اخته من الرضاع وبنت عمته ساره..
عهود:الووو
مؤيد:هلا..
عهود:كيفك مؤيد شخبارك..
مؤيد:مين..عهووود!!!..امي فيها شيء؟؟
عهود:لا لا مافيها الا العافيه
مؤيد:اجل من اللي فيه؟؟
عهود:كلللنا بخير..ترددت..مستغرب من اتصالي..
مؤيد:ـــ
عهود:ادري..وبصوت مكسور..مؤيد ترى انا محتاجتلك..لاتخليني ..وبكت..
مؤيد:تنهد..لاتبكين ياعهود..الدنيا ماتسوى..
عهود:انت ماتدري ماتدري...مسحت دموعها..ابي اشوفك ضروري..
مؤيد:خلاص بكره اجي للجامعه واخذك..الحين ارتاحي ولاتفكرين بشيء..صلي ركعتين ونامي..
عهود:ارتاحت من كلامه..طيب..تصبح على خير
مؤيد:وانتي من اهله.. حط راسه على المخده وهو يفكر بكل شيء..شلون عهود بتتقبل الصدمه..شلون بتتقبل ان ابوها مريض بمرض خطير ..اااه ياعمي الله يشفيك.. وبدى يتذكر مقابلته له..




مؤيد:السلام عليكم
ابوعهود:رفع راسه من الاوراق...مؤييد اخيرا جيت..وراح له وضمه..ضم ولده اللي رباه..
مؤيد:شد على ابو عهود..وحب راسه..راضي عني؟؟
ابوعهود:طول عمري راضي..بس انا عنيد..اجلس اجلس..
جلسو قبال بعض بالمكتب..
ابوعهود:مؤيد..انت تدري انك مثل ولدي..واللي صار بينا من القهر..ماكنت ابي ابوك يتدخل فيك..كنت ابيك لي انا وبس..ونسيت ان ابوك طاعته واجبه..واني انا رحت ولا جيت زوج امك
قاطعه
مؤيد:لاتقول هالكلام..عمري ماحسيت انك زوج ام ..عمي انا يوم مااطيعك واطيع ابوي..مابي اخسر ابوي..مابيه يتكلم عن امي ويقول ماعرفت تربيه ومابي الناس تتكلم وتقول ان امي نستني ابوي..
ابوعهود:وهذا اللي فهمته بالاخير..وكبرت بعيني..مؤيد مسامحني
مؤيد:قام وحب راسه..اكيييد..بس ان شاء الله انت سامحتني
ابوعهود:الابو عمره مايزعل من ولده..مؤيد اجلس جنبي ابي اتكلم معاك بموضوع..
مؤيد:جلس جنبه..اسمعك
ابوعهود:بدون مقدمات..انا..انا عندي ورم بالراس
مؤيد:ايـــــــش؟؟؟
ابوعهود:مؤيد خلني اكمل...ايه انا عندي ورم خبيث..وانتشر بكل مكان..ولا له علاج الا الكيماوي ..وانا مابي استخدمه لاني بتعذب بدون فايده..
مؤيد:من متى هالكلام
ابوعهود:من زمااان...وهذا الشيء سر..ومابي احد يدري وخصوصا عهود..مؤيد انا مادري متى اموت وابي اتطمن على عهود..ادري انك مو مقصر..بس انا ابي اشوف عيالها واتطمن..وعلشان كذا ملكتلها على سالم لاني ادري انه مايصونها غيره..وابيك تقنعها..
دفن راسه بالوساده ونزلت دموعه غصب..

******************







الصبـــــــــاح..

بعد ماصلت الفجر وقرت الاذكار وسورة البقره ماقدرت ترجع تنام ..
تمدد على سريرها وارخت راسها على الوساده..تحسست خدها..ونزلت دموعها..
ليلى:مسحت دموعها اللي تحسها تحرق..حاولت تفكر بشيء ثاني..وين اروح؟؟ ..حتى اختباري ماذاكرته..شكلي اغيب احسن..اصلا مالي وجه اروح ووجهي ازرق..اه يايبه تذلني علشان ولد اخوك..واذا صرت مطلقه..يعني انا اللي طلقت عمري..هو طلقني انا مااالي دخل ..غطت وجهها بيدينها ورجعت تبكي..


مادرى باللي صار..محد قاله خوفا من المشاكل..بعد مارجع من المسجد جلس بالكرسي اللي قدام جناحها ينتظرها علشان يستشيرها بموضوعه..يبي يعرف رايها.. شاف الساعه اللي معلقه 6 ونص..تأخرت وهي بالعاده تقوم بدري..دق الباب..وماسمع جواب..دق مرتين ولافتحت..نادى عليها..ليلى..ليــــلى..

مسحت دموعها بعد ماسمعت صوته..شالت اللحاف ورمته بالارض وراحت تفتح له الباب..
فيصل:صباح ال؟؟؟؟ليلى شفيك
ليلى:دخلت لغرفتها وارتمت على السرير تبكي..
فيصل:لحقها وحط يده على ظهرها..ليلى خرعتيني قولي شفيك؟؟
ليلى:وهي على نفس وضعيتها....ابوي ضربــــني
فيصل:ابوي يضرب!!!
ليلى:عدلت جلستها..ايه شوف وجهي..وورته خدها..
فيصل:حط يده على خدها وباصبعه يمسح دموعها..شاللي يخلي ابوي يسوي كذا؟؟
ليلى:وفكها يرجف من القهر..علشان الزفت الحقير..تخيل امس خذاني من الجامعه لو ماتهاوشت معاه كان الحين انا عنده..
فيصل:طيب اهدي..انا بحاول اكلم ابوي..واذا مارضى بتفاهم مع ناصر..الحين روحي غسلي وجهك بمويه بارده وانزلي افطري معاي
ليلى:لا ابيك توديني لميساء
فيصل:الحين!!!
ليلى:ايه الحين..
فيصل:خلاص بروح البس والقاك جاهزه..طلع من غرفتها وهو يفكر بحل لمشكلة اخته..

بعد ربع ساعه طلعو من البيت واتجهو لبيت خالتهم..
بعد ماقالت للخدامات يجهزون الفطور ويودونه للحديقه..
..لابسه جلابية بيت ناعمه وجامعه شعرها بشباصه..
ولافه على نفسها شال ..
طلعت تنتظرها عند باب الحريم(الداخلي)..كانت سرحانه..
انتبهت على صوت السياره وتغطت بسرعه..ووقفت.. شافت ليلى تنزل..راحت لها وضمتها..
ميساء:الله واخيرا بنفطر مع بعض..
ليلى:ابتسمت من تحت النقاب..انا وين وانتي وين..
قطعهم صوت فيصل..
فيصل:صباح الخير ميسو..
ميساء:فتحت فمها من تحت الغطاء..ميسو؟؟
ليلى:ميساء فيصل يقول صباح الخير
ميساء:صباح النور..
فيصل:ابتسم..تراني ماافطرت..وليلى تقول انك عازمتنا على الفطور..
ميساء:حياك الله..الحين اقولهم يحطونه..
فيصل:خليهم يحطونه بالحديقه..نبي نفطر سوا..
ميساء:من غير ماتقول..اقصد انا كنت احسب ليلى لحالها و..
ليلى:شالت نقابها..خلاص فهمنا..
ميساء:عصبت من ليلى..وش فهمتي
فيصل:وين نجلس؟؟
ميساء:اشرت على الطاوله البعيده..هناك احسن..
راحت ليلى وفيصل للمكان وميساء دخلت تجيب الفطور..
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 7:11 pm


قام من النوم بعد ماارهقته الكوابيس..
خايف من كل شيء..ابوه عصبي بس ماتوصل لدرجة الضرب..ومن يضرب ..يضرب ليلى..
اجل لو درى عني شيبي يسوي فيني..والله لايقطعني..
لبس ثوبه وشماغه حطه على كتفه واخذ شنطته ونزل..
لقى خالد وامه يتناقشون..
محمد:صباح الخير..وحب راس امه
ام فيصل:صباح النور..روح افطر بسرعه تراك تأخرت على المدرسه..
خالد:تعال حب راسي ولا بس امي..
محمد:تبطي..وسحب الكرسي وجلس..ونزل شنطته على الارض..
خالد:جلس جنبه..اقول عمي محمد متى نايم امس؟؟
محمد:ارتبك واندفق شوي من الشاهي على يده من الربكه..الله ياخذ بليسك مافيه اسلوب على طول تخرعني..
خالد:ابتسم بخبث..خرعتك..اسف ماقصدت..بس انا صوتي كان عادي واعتقد انك منتبه اني جلست جنبك..فاترك عنك هالحركات
ام فيصل:خالد مو وقتك خل اخوك يفطر ويروح مدرسته..
خالد:تامرين ياطويلة العمر..قام وحط طاقيته العسكريه على راسه..سي يو ماذر وارسل لها بوسه بالهواء..
ام فيصل: بحفظ الله..يمه محمد افطر زين..وطلعت تكمل نومها..
محمد:الواحد يقدر يفطر عند ابو خشم..اخذ شنطته وراح لمدرسته..


**********






مدت له كوب الحليب بالنسكافيه..
فيصل:مشكووره..اخذ رشفه..الله تسلم يد سوته
ليلى:اختصر وقول تسلم يد الطباخه
ميساء:هههه..لازم الاحراج يعني
فيصل:خلاص تسلم يدين مدتلي الكوب..كيذا زين؟؟
ميساء: ايه زين..والتفتت على صوت فهد..
فهد:يامـــــــرحبا يامـــرحبا..طفو نور الكهرباء..
فيصل:قام من الكرسي وسلم على فهد..والله عجزت المحلك ابيك تعزمني بس مافي امل..ورحمتني ميسو وعزمتني
ميساء:رجعت تفتح فمها..
فهد:لاتفرق بيني وبين اختي..هلا ليلى
ليلى:بعد ماتغطت..هلافهد شخبارك
فهد:بخير الله يسلمك..
ليلى:اجل حنا بندخل وانتو خذو راحتكم
فيصل:مرتاحين حنا
فهد:ههه يعني لازم يقولولك انهم هم اللي متضايقين..خلهم براحتهم..
ليلى وميساء راحو وناداهم فهد بصوت عالي..
فهد:اقــــول دامكم صاحين وشبعانين نوم روحو خوذو عيالي وخلو ريم ترتاح..وافطر ولا انتظر ردهم..
دخلو للبيت وعلى طول ميساء سحبت ليلى من يدها وجلسو على الكنب..
ميساء:اخوك شسالفته
ليلى:فكت نقابها وبملل..هذا هو ماتغير..موشيء جديد عليه
ميساء:قلدت صوتها..موشيء جديد..اقول فارقي مناك من يوم ماخطب عبير ماكلمني بهاطريقه اصلا ماكلمني من الاساس..هيييئ ليلى خدك مورم(متنفخ)..
ليلى:من كف ابوي..ميساء امشي لغرفتك ابي انام تعبانه..يووه وارسلي مسج لتهاني قوليلها اني مو مداومه
ميساء:طيب..


************






العصـــــــر..

تحس راسها بينفجر والسقاير خلصت..اخذت حبت بندول ولا فاد..ضربت راسها بالجدار علشان يوقف الالم بس مافاد..دقت على جواله ولا رد..
غيوض:اااااخ ياراااااسي وصارت تدور بالغرفه وهي ضاغطه على راسها بيدها..
رجعت تدق على جوال سلطان مره رابعه..ولا رد..اخذت عبايتها بسرعه وطلعت وهي لابسه بيجامتها الشورت ..


سمعت صوت خطوات سريعه وصوت شيء انكسر..استغربت طلعت من غرفتها ودار نظرها بالمكان..مالقت احد وغرفة غيوض مفتوحه..دخلتها ولا لقتها..طلعت من الغرفه وهي رافعه حاجب...
عاليه:الله يستر لايكون جدها فيه شيء..والله تروح فيها..
ابوصالح:كان حاط شماغه على كتفه..اووه انسه عاليه من زمان عنك..
عاليه:كشرت بوجهه..وراحت تدخل غرفتها..
ابوصالح:مسكها مع ايدها..على وين ماشبعت منك..
عاليه:تنفست بعمق..تهدي نفسها..غمضت عيونها..ماتبي تشوف وجهه..
ابوصالح:صار يمرر اصابعه على وجهها..بدت يده ترتجف..ماتحمل..دفها بعيد وركلها برجله مع بطنها..اكررهك اكرررهك..ورجع يركلها ويردد اكرررهك..


دخلت القصر وهي ترجف..بسرعه دخلت جناحه..مالقته..راسها ماهي متحملته..راحت تفتش بجناحه ..ترمي الاغراض بشكل هستيري..وتكسر اي شيء قدامها..
دخل عليها وهو مبتسم..متوقع انها بتجي..وهذا اللي يبيه..
سلطان:تصنع الغضب..شتسووووين؟؟
غيوض:بلمح البصر صارت قدامه...الله يخلييك بموووت الحقني بسررعه..بسررعه
سلطان:شتبين؟؟
غيوض:وهي ترجف وكل شيء فيها يرجف والعرق يتصبب منها..ابي سيجاره بسررعه..
سلطان:طيب طيب..شوفي الدرج هذاك(وأشر على مكانه)..تلقين فيه وحده..
غيوض:ركضت وفتحت الدرج وطلعت السيجاره وصارت تحوس تدور ولاعه..
سلطان:تعالي..وجلس على السرير وطلع الولاعه من جيبه..وولعها
غيوض:جلست جنبه وحطت السيجاره بفمها اللي يرجف ..وولعها .



قامت من مكانها وهي تحس بشيء غريب..فيه شيء انكسر احس ان عظامي تغيرت اماكنها..احس اني تفككت..حاولت تقوم ماقدرت ..صارت تسحب نفسها بيدينها على الرخام وتجر نفسها جر..ووصلت لغرفتها..وسكرت الباب..حاولت ترفع نفسها على السرير ماقدرت..
تكورت على نفسها والرخام البارد مااثر فيها..
سمعت طق على الباب..ردت..
عاليه:مين؟؟
نوال:فتحت الباب..ها؟؟؟عاليه!!..وبسرعه جلست جنبها على الارض..الله يكسر يده الله ياخذه جعله للموت المجرم...يعورك شيء قوليلي..
عاليه:اخخخ يانوال بطني بطني..وعظامي..اخخ..
نوال:امشي بوديك للمستشفى..
عاليه:لا لا..مابي..انا مادري شفيه تغير..اول يضربني بالاسبوع مره وان كثرت مرتين..الحين كل يومين يضرب..ماعدت اتحمل كل شيء فيني يعورني..ونزلت دموعها..
نوال:ضمتها..خلاص لاتبكين..بلقالك حل..انتي اصبري علي والله لاخليه يندم..
عاليه:اااه نوال بطني مره يعور..عطيني اي مسكن بسرعه
نوال:لا اسمعي بدق على زياد ووديك له..شرايك؟؟
عاليه:مااقدر امشي وهو مستحيل يجي هنا
نوال:اشيلك بيديني لاتخافين..طلعت جوالها ودقت عليه..




جالس بمكتبه بعد ماكشف على المريض..
زياد:لا الحمدالله صحتك عال العال..والحين بنبدا نقلل الجرعات لين نستغني عن العلاج نهائيا..ويكتب بالملف اللي قدامه..
المريض:مشكور يادكتور..والله يجزاك خير..اقدر استأذن
زياد:مد له وصفة العلاج..مع السلامه..
رن جواله واستغرب..رد
زياد:الوو
نوال:هلا زياد لايكون ازعجتك
زياد:لا مافي ازعاج..خير فيه شيء
نوال:ابي اطلب منك طلب ممكن
زياد:آمري
نوال حمرت خدودها) مايامر عليك عدو..تذكر بنت جيراننا بنت ابوصالح
زياد:قصدك عاليه؟؟لايكون فيها شيء
نوال:استغربت اهتمامه..ها..ايه مره تعبانه ولاهي راضيه تروح للمستشفى اصلا ماتقدر تمشي..تقدر تجي لبيتنا الحين وانا بجيبها هناك..
زياد:اكييد ..مسافة الطريق وانا هناك..بس هي شفيها بالضبط..
نوال:مادري بس بطنها يعورها ورجولها تحسها متفككه..واحتمال تكون متكسره
زياد:خلاص وديها للبيت وانا جاي..






ارخت جسمها على السرير..تحس براحه عجيييبه..ماتدري ليه حست بحاجتها للضحك..
غيوض:ههههههههه ههههههههه
سلطان:ارتحتي..
غيوض:مرررره فوووق ماتتصور..تدري احس نفسي فوووووووق طااايره ولي جنحاان
سلطان:ان شاء الله دوم تنبسطين...بس ترى المره الجايه مااقدر اعطيك الا بعد ماتنفذين طلبي..
غيوض:اي شيء تبيه انا حاضره..كم تبي؟؟
سلطان:لا لا مافهمتي قصدي..انتي ناسيه انا ولد ميين...انا اغرق منطقه كامله بالفلوس..
غيوض:اجل شتبي..
سلطان:انتي روقي الحين وبعدين افهمك..





نزل من السياره وبيده الشنطه..كان يمشي بسرعه..
دخل البيت ونادى بصوت عالي..
زياد:نواااال نوااال
نوال:مافصخت عبايتها..هنا هنا زياد..
زياد:راح لمصدر الصوت ولقى بنت متمدده على الكنب..
نزل شنطته على الطاوله اللي بجنبها وهو جلس على ركبته..
شتحسين فيه وين الوجع..
عاليه:كانت معقده حواجبها من الالم..كللي..
نوال:هنا زياد..(واشرت على بطنها)
زياد:شصار بالضبط؟؟وفتح شنطته وبدى يطلع ادواته ونوال تسولفله باللي صار..


**************





رجع للبيت وهو مستغرب من زياد اول مره يسويها..اكيد احد اهله تعبان..
شاف خالد جالس بالصاله ويقرى جريده..
فيصل:السلام عليكم وجلس بالكنبه اللي جنبه وهو مريح جسمه
خالد:وعليكم السلام..وكمل قراية الجريده
فيصل:امي وينهي؟؟
خالد:عند سلمى..
فيصل:اها..طيب غريبه ماطلعت
خالد:مالي مزاج..يمكن عقب المغرب اروح لجدتي..
فيصل:اقول..شصار امس؟؟
خالد:قصدك سالفة ابوي وليلى..ورمى الجريده على الطاوله..تستاهل صايرة قليلة ادب..انت لو شايفها شلون تتكلم على ابوي..تستاهل الكف..
فيصل:خالد شهالكلام..يعني عاجبك انها بترجع لناصر؟؟
خالد:تدري ..ايه عاجبني..ياخي احسن من تبقى كيذا طول عمرها..
فيصل:وشو تبقى كيذا..ليه مضيقه عليك بعيشتك..حسن الفاظك واعرف عن مين تتكلم..
خالد:فيصل بلا مثاليات..انا اقتنعت براي ابوي..ولقيت انه على حق..يعني عقب اللي صار ماظن احد بيتزوجها..اصلا لمجرد انها صارت مطلقه حط عليها اكس..وشلون مطلقه وسمعه مشوهه..خلك منطقي واترك العواطف
فيصل:والله انا واثق بليلى واللي يبي يتكلم اقص لسانه ودام انها ماتبي ترجع يعني مارح ترجع وانا راسي حي..فاااهم..وبعدين خير ياطير تصير مطلقه احسن من عيشه مع واحد شكاك..
خالد:والله كل واحد حر برايه..انت موديها لخالتي
فيصل:ايه وافطرنا عندهم..تدري خالد
خالد:وشو
فيصل:قررت اخطب ميساء..اقصد ارجعها..انا ابيها وهي تبيني
خالد:لا والله تعرف تنكت..تستهبل وعبير؟؟
فيصل:انا اعرف ميساء بتوافق انها تصير زوجه ثانيه
خالد:وعبير مو موافقه..ولاتحسبها لعبه قدامك..فيصل ترى مااسمحلك
فيصل:لا تخاف..بكلمها واتفاهم معها..اصلا انا حاس انها وافقت بس كيذا..
خالد:على كيفك..اصلا هي تموت فيك(كان يكذب)
فيصل:وشو؟؟هههههه عبير مستحيل مااصدق
خالد:لا صدق..بس انت ماعندك احساس...وطلع.
فيصل:معقووله..لا انا عارف عبير..


**********





بعد جلسة عتاب ..وتراضو وتصافت الانفس..

جالس معها بالبيت وتحديدا بغرفته..اللي مادخلتها الا مره او مرتين..
ضغط على جبهته باصابعه..اخذ نفس وتكلم..
مؤيد:عهود..انتي تدرين اني احبك ومستحيل اتخلى عنك..صح؟؟
عهود:ادري..اجل ليش لجأتلك..مو انت اخوي الوحيد..المفروض توقف معي
مؤيد:بس بالصح بوقف..اسمعيني زين وافهميني..سالم مافي منه..وعمي معه حق..انت توك صغيره ولا فاهمه شيء..اذا تبين مصلحتك وافقي
عهود:ابوي ماشاورني ابوي عطاني خبر بموعد الزواج..
مؤيد:انا فاهم عمي زين..وادري انه مايحب بهالدنيا كثرك..عهود ابي اسألك سؤال..عمره قصر معك او حتى هاوشك
عهود:لأ ..وهذا اللي قاهرني ليه الحين يغصبني
مؤيد:اتركي اسبابه..وافضل ماتنبشين عنها..نفذي شيء يبيه ويحبه..خليه يستانس
عهود:كنت بوافق على اي احد الا سالم...مؤيد نسيت انا شسويت فيه..
مؤيد:مانسيت..بس انتي تقدرين تنسينه..عهود اللي بأبوك وبأمي يكفيهم لاتزيدين عليهم..وسالم طيب ويسامح وانا متأكد انك بتعيشين معه مستانسه..صدقيني..
عهود:خافت من كلامه..مؤيد ابوي فيه شيء؟؟
مؤيد:لا مافيه..خلاص عهود انسي الماضي..ابدي حياتك من جديد..وحاولي تصالحين سالم..من يوم ماملكتي عليه كلمتيه؟؟
عهود:لأ..هو ماكلم
مؤيد:على الاقل ارسلي له مسج..عهود انتي مو بزر علشان اعلمك باللي المفروض تسوينه..وصدقيني بيرضى..مو شرط الحين..يمكن بعد سنه سنتين بس بالاخير بيرضى..
عهود:ارتاحت من كلامه..وضمته..الله لايحرمني منك..رن جوالها وطالعت فيه..مؤيد هذا ابوي
مؤيد:سحب الجوال منها ورد..هلا عمي
ابو عهود:مؤيد!! هلا شلونك وشلون الوالد
مؤيد:الحمدالله كلنا بخير
ابوعهود:عهود عندك اجل..ولا قالتلي..طيب دامك عندها تعال انت وياها وخلينا نسويها مفاجئه لامك..
مؤيد:لا الله يخليك امي ماتتحمل مفاجئات..انت علمها وحنا بالطريق..
سكر الجوال وعيون عهود طالعه..
مؤيد:بروح اغير لبسي وارجعك للبيت..ولا عطاها فرصه تسأله



*********





سكر الشنطه..
زياد:انتي لو تسمعين الكلام وتخليني اوديك للمستشفى
عاليه:لا ماابي
نوال:خلاص زياد خلها على راحتها..الحمدالله ان ماطلع عندها كسر
زياد:ولو مو متطمن..اخاف متضرر وانا ماعرف الا اذا سويت اشاعه
عاليه:لا خلاص انا طبت..مشكور تعبتك معاي
زياد:تعبك راحه..وراح يغسل يده
نوال:يلا تبين نرجع للبيت..
عاليه:ايه..
نوال:نادت الخدامات يساعدونها..
زياد:كان يمسح يده بالمناديل..بتروحين
عاليه:ايه تأخرت..
زياد:اوكيه بس انتبهي لاتتحركين واجد..نوال خوذي الكريم والحبوب اللي على الطاوله..
ورجع يكلم عاليه..تاخذين الحبوب عند الالم والكريم تدهنين فيه كل 6 ساعات..اوكيه وابتسم
عاليه:ابتسمت من تحت نقابها..اوكيه..
وطلعت بمساعدة نوال والخدامات وعيونه تراقبهم..



****************




الساعه تسعه بالليل..
جالسه معها بالغرفه ويسولفون ويضحكون..رن جوالها وردت
ليلى:هلا فيصل
فيصل:هلا بهالصوت..اشوف النفسيه ارتاحت
ليلى:ومن يكون عند ميساء ومايستانس
فيصل:وانا اشهد
ليلى:هاه فيصل شعندك..ترى بعلم عبير
ميساء:سمعت طاري عبير وتنكدت
فيصل:لا تخافين..اقول ..ليلى ابيك تسألين ميسو عن..عن
ليلى:عن ايش..وحطت السبيكر
فيصل:ابيك تسألينها اذا رجعت اخطبها توافق علي..
ميساء:حطت يدها على فمها..
ليلى:وشووو؟؟وعبير
فيصل:انا اتكلم عن ميسو مو عن عبير..اسأليها الحين وردي علي..
ليلى:الحيين الحين!!
فيصل:ادري انها تحبني وانا والله اموت عليها..بس شسوي انقهرت وخطبت عبير..قوليلها تسامحني..
ميساء:نزلت دموعها..ومنعت صوتها يطلع..
ليلى:اول قولي شسالفتكم وليه تركتو بعض
فيصل:مالك دخل..ليلى انتي اسأليها وبس..
والحين بمرك وابي الجواب معك..مع السلامه
ميساء:مسحت دموعها..يابعد قلبي
ليلى:رمت الجوال...خيرررر وشو بعد يابعد قلبي..
ميساء:قوليله اني موافقه ان شاء الله ياخذني انا وعبير ماعندي مانع..
ليلى:هيييئ صاحيه انتي؟؟؟وش اللي غيرك
ميساء:غيرني اعتذاره..انا اللي غلطت بحق نفسي قبل مااغلط عليه..ومع ذالك اعتذر..انا اللي حطيت نفسي بهالموقف..غدير انصحتني بس انا ماطعت..على بالي اتحدى الناس واوريهم اني مو شرط اكون قليلة ادب اذا كنت امشي مع وحده قليلة ادب..ونسيت ان الناس مالها الا الظاهر والقرين بالقرين يهتدي..ومهما حافظتي على نفسك الا يرميك بوصخه..
ليلى:شسالفه؟؟انا مو فاهمه شيء
ميساء:مو ضروري..انتي بس قوليله اني موافقه


*********





رجع البيت مع ابوه وابتسامة شاقه حلقه..واخيرا حقق اللي يبيه..
ابوفيصل:اخوك تأخر..
خالد:محمد؟؟؟؟
ابوفيصل:لا اقصد فيصل..وبعدين ابي اقولك لا تتدخل بمحمد ترى امك بدت تشكيلي من سوالفك معه
خالد:والله ماسويتله شيء..بس هين اوريه..
ابوفيصل:خالد انا شقاعد اقول؟؟؟

دخل البيت وهو طاير من الفرح..وماسك بيد ليلى..
السلاااام عليكم
الكل ..وعليكم السلام
فيصل:ضغط على يد ليلى ..وراح لجهة ابوه وميل نفسه وحب راسه..
ابوفيصل:الله يرضى عليك
فيصل:وهذي ليلى بتراضيك
ابوفيصل:اشر بيده..لا..اجلس انت وياها ابيكم بموضوع..
فيصل:جلس وجلست جنبه ليلى
خالد:يطالعهم وهو مبتسم
ابوفيصل:ترى عرسك بثاني العيد رحت لعمك اليوم ودفعت لهم المهر واتفقنا على كل شيء والملكه قبل العرس بيوم..وليلى بكره بيدي بوديها لبيتها ..
ليلى:قلت موووو راجعه
خالد:ليـــــلى
ليلى:اسكت انت..يبه قلت مووووراجعه ولا ترى بهج واخليكم تدورون علي
خالد:علشان احش رجلينتس حش..ورجعه بترجعين
ليلى:مووووعلى كيفك تبي ترجع انت ارجع انا لأ
ابوفيصل:بسسسس..ولا كلمه زياده..انا مااشاور انا آآآمر..وان ماطعتيني ياليلى بيصير لتس شيء ماشفتيه..ارجعي برضاتس احسن لتس..
الكل سكت بعد كلمة ابوهم..
ابوفيصل:ايه ونسيت اقولكم الاسبوع الجاي او اللي عقبه بنخطب ميساء لخالد..
شخصت عيونهم..ابوهم يتكلم من جد ولا يمزح..
فيصل:يبه شقلت؟؟
خالد:وهو مبتسم..اقول يالطيب ابي اخطب ميساااء وانت عرسك بثاني العيد سمعت ولا اعيد؟؟؟
ليلى:معقوووله..ليه لييييه
فيصل:فهم على خالد..طالعه باستحقار..وكلم ابوه...اوكيه..يبه تبيني اتزوج عبير ماعندي مانع بس بشرط..ليلى ماترجع لناصر..
ابوفيصل:وشوو
فيصل:هي كلمه ومو متراجع عنها..تبوني لعبير اوكيه بس ناصر مايرجع لليلى..وانا عند كلمتي والظاهر انكم تعرفوني زين..اسويها..
خالد:دامك ماتبيها ليه تخطبها؟؟
فيصل:انت انطم ولا تكلم معي يالخسيس..انا كلامي مع ابوي..شقلت يبه؟؟
ليلى:فيصل
فيصل:ليلى مابي اسمع شيء..انتظر ردك يبه
ابوفيصل(بقلبه..اعرفك يافيصل تسوي اي شيء علشان ليلى..)تنهد..خلني افكر بالموضوع
فيصل:ماعندي مانع..اشر لليلى تقوم معه وطلعو
خالد:يبه انت قوله انك موافق ..وعقب ماياخذها نرجع ناصر لليلى..
ابوفيصل:يصير خير يصير خير..
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 7:14 pm


(
الجزء السادس عشر
..)




(
ليـــــــلة القرش
...)


قادر الله يشفي كل ..جرح خطير
لو جروح الليالي.. تتعب اصحابها
ايه لي قلب عانا منك ..شيء كثير
ولك بحقي خطايا.. تهت بحسابها
..






ماقدرت تنام عقب اللي صار..تحس نفسها تايهه..راحت تاخذ شور بارد يروق اعصابها..
وصلت ركعتين تطلب ربها يستر عليها ويعينها..
تمددت على السرير وحطت يدها بين الوساده وخدها..
ليلى:معقوله خالد ياخذ ميساء؟؟اصلا هم دايما يتناقرون..وميساء مستحيل توافق..بس ليه اليوم بالذات..خالد يدري انهم يحبون بعض..شيقصد بهالحركه..رن جوالها فجأه ونقزت
حطت يدها على صدرها وسمت..بسم الله الرحمن الرحيم..اخذت الجوال واستغربت..هذا مايتووووب...قررت ترد..
ليلى:خيـــــر؟؟
ناصر بصوت مبحوح) ليلى سامحيني..
ليلى:انت شتبي مني؟؟ماتفهم ماتحس..
ناصر:ليلى خلاص يكفففي يكففي واللي يرحم والديك اللي فيني مكفيني..
ليلى خافت عليه من نبرة صوته)..انت وينك؟؟
ناصر:استغرب سؤالها..ليه؟؟
ليلى:انت بالبيت؟؟
ناصر:لأ برى..طالع للبر..ابي اتنفس بس مو قادر
ليلى:ناصر بر الحين انت صاحي..معك احد؟؟
ناصر:كان ماسك صورتها بيده..انتي معي.
ليلى:ومن غيري؟؟
ناصر:محد..
ليلى:طيب ارجع للبيت
ناصر:عقد حواجبه مستغرب من طلبها..ليه
ليلى:قلتلك ارررجع وبس..ولا تدري انا شدخلني فيك
ناصر:لا لالا..خلاص برجع لا تزعلين علي..
ليلى:الحين ارجع وسوق على مهلك..اذا وصلت البيت دق علي
ناصر:صـــــــدق..الحين ثواني وانا بالبيت
ليلى:انا شقاعده اقوووول لك..سوووق على مهلك..يلا بسكر
ناصر:مع السلامه
************

تنهد..جالس على الكرسي بالبرنده..ماتوقع هالحركه ابدا..
ارخى راسه على طرف الكرسي..حس بيد تربت على كتفه..
تمنى يكون هو ..بس خاب ظنه لماشاف محمد جالس قدامه..
محمد:ضايق صدرك..
فيصل:مادري..متضايق ومقهور حزين منكسر..مااادري
محمد:انسى كل شيء..وان شاء الله تتهنى مع عبير
فيصل:محمد ليه سوى فيني كيذا..انا اليوم جيته بنفسي وقلتله اني ابي ارجعها..واليوم هي قالت انها موافقه ترجع لي..وصدقني ماكنت بظلم عبير..هي مهما صار بنت عمي..عبير ماتحبني واحسها وافقت كذا..وكانت بتتركني وهي راضيه انا وااثق..بس اخووك غدر فيني..
لعبها صح..ضغط على راسه بيدينه..
محمد:خالد طول عمره مايفكر الا بنفسه..
فيصل:لاتظلمه..
محمد:مشكلتك انك على نياتك..انت تدري انه هو الي اقنع ابوي يدفع المهر اليوم..وهو بنفسه اللي جاب الفلوس..يبي عبير تلزق فيك غصب...
فيصل:انا مالومه يمكن من حبه لعبير..
محمد:خالد يحب مصلحته..اصلا لو يحب عبير كان قالها انك تحب ميساء بس هو انكر هالشيء..والدليل ان علاقته بعبير مو لهذاك..لان عبير درت انك تحب ميساء ..
فيصل:انت شدرااك؟؟
محمد:اسرااار..ولعلمك ادري بكل شيء..وخالد يحب ميساء
فيصل:بعد ماتركت ميساء..انتبهت عليه وجاني احساس انه يبيها..بس متى امداه يحبها؟؟
انا حسبته يغيضني ..
محمد:بس مارح توافق عليه..اذا درت بحركته بترفضه..
فيصل:مارح تدري..انا مونذل..وهي ..(غمض عيونه)..انا متأكد انها بتوافق..بتنتقم مني..بتفهمني غلط..بس معليش..يكفي اني انا تعيس..خل خالد يستانس..ويشوف حياته..دامه يحبها..والله يوفقهم..
محمد:شوف فيصل انا ادري انك تحب ميساء وتموت عليها..بس الحب مو كااافي..انتم مولابقين على بعض..
فيصل:لاتحاول يامحمد..ماتقدر تكرهني فيها..
محمد:انا ماقلت اكرها..بس حاول تقنع نفسك بعبير..على الاقل تذكر انها بتصير مرت اخوك..
فيصل:انا قلتله قبل اني احبها وهو داري..خله يتحمل..انا مااقدر اكرهها..مااقدر اعتبرها اختي..وهو يدري..
محمد:اقنع نفسك وبتقدر..
فيصل:تنهد..خلاص بقنع نفسي..
محمد:وليلى؟؟
فيصل:مايقدرون يسوون لها شيء..
محمد:على بالك انهم بينفذون تهديدك؟؟
فيصل:اصلا من قال اني بنفذ تهديدي..انا قلت هالكلام ابي خالد يحتر..انا مستحيل عقب ماعطو عبير المهر اجرحها..وليلى بدون ماهدد مايسوون لها شيء..
محمد:حب راس فيصل...بتظل طول عمرك كبير..تشيل همومنا لو على حسابك..

***************


بالغرفه..خلص من قراية الورد اليومي..جلس قبالها..
ومسح على راسها..ابتسمت له..
ام مؤيد:مبسووط انها وافقت..
ابوعهود:وانتي؟؟
ام مؤيد:مبسوووووطه..علشان تصالحت مع مؤيد ورجعتو زي قبل..ومبسووطه ان عهود ريحت بالك..
ابوعهود:الحين بس اقدر اتطمن عليكم..
ام مؤيد:رجف قلبها من كلمته..الله يخليك لنا فووق روسنا ويحفظك يارب..
ابوعهود:ماحد مخلد ..كلنا بنموت..
ام مؤيد:دموعها نزلت غصبا عنها...ابوعهود انا حاسه ان فيك شيء..انت مرييض؟؟
ابوعهود:ليه ؟؟شخلاك تقولين هالكلام؟؟
ام مؤيد:سفرياتك اللي كثرت..النوبات اللي تجيك..انا موووومتطمنه..مسكت يدينه بيدينها اللي ترتجف..صارحني قوولي..
ابوعهود:ماتحمل لازم يعلمها...ايه انا مريض..
ام مؤيد:بقت عيونها معلقه بعيونه..تنتظره يتكلم..
ابوعهود:والمرض..خطيير
ام مؤيد:و..وش..وشوو؟؟
ابوعهود:ورم بالراس..
ام مؤيد:جف حلقها..مو قادره تتكلم..
ابوعهود:رحمها..ولاهو قادر يتحمل صدمتها..حرر يدينه منها..وطلع برى الغرفه..
ام مؤيد:غطت وجهها بيدينها ..بكت..بكت زوجها اللي عوضها عن كل شيء..بكت زوجها اللي عمره ماقصر مع ولدها واعتبره وولده..بكت ابو بنتها وحيدته..بكت الابو والاخو والصديق والحبيب..
***********





الصبـــــــــــاح..


مانام من امس يدق ولاحد يرد عليه..انا متأكد انها قالت دق علي..معقوله اتخيل..
ناصر:مرر اصابعه على شعره ..ايه ياناصر تهلوس..ليلى ترد عليك عقب اللي سويته..مستحيل..فتح جواله اللي بيده على المكالمات الصادره..شاف اسم روحي وفيها مده يعني ماقفلت بوجهي..ليه تسوي كيذا فيني ليــه..سمع دق على الباب..
ادخــل..
عبير:صباح الخير..قالتها وهي مبتسمه
ناصر:هلا..صباح النور..اشوفك لابسه عباتك..
عبير:ايه بروح للجامعه..وغمزتله..ماودك تخاويني..والله لاينهبلون عليك البنات..
ناصر:تنهد..وليلى مو من البنات؟؟..(رفع حاجبه..وكأنه تذكر شيء)..صح ليلى غيــــر..اصلا بظلمها اذا شبهتها بالبنات..هي فووق فوووق..
عبير يابعد قلبي ياخوي)..احم ..طيب جدتي تبيك تفطر معها..
ناصر:طالع ببجامته..طيب بغير واجيها..
عبير:مع السلامه..وطلعت..وتركت وراها بقايا انسان..



طلع من غرفته بسرعه..مايبي يشوفه..خصوصا بهالوقت..
سمع ضحكه..التفت..
خالد:هذا انت ياوجه البومه من وجهك
محمد:علامك تتسحب تقل حرامي..او تقل عاملك عمله وخايف؟؟
خالد:تقدم وصار قباله..اقول يابزير اعقل وخل عنك هالتلميحات..انت تعرفني زين..
محمد:انا اللي اعرفك وفاهمك..انت ..ولاتدري بلاش اجرح مشاعرك على هالصبح
خالد:لاتكفى اجرح..اقوول تلايط لاالخبط وجهك..محمد احترم نفسك..
محمد:انا محترم نفسي وماصغرتها قدام اخواني..يامحتررررم
خالد:قرب منه لدرجة انفاسهم اختلطت..تبي تسكت ولاشلوووووون
سمعو تصفيــق..
براااافو براااااافو
خالد:فيصل!!
محمد:ابتسم بخبث..فيصل!!
فيصل:خوووش اخوان..تخانقون على الصبح..(تتهاوشون)..الواحد يقوم يقول يالله صباح خير وانتم خششكم لازقه ببعض..
محمد:اسف
خالد:هوقليل ادب..
محمد:وانت قليل حيا
فيصل:لا كبـــار ..استحو على وجيهكم شيبان شيبـــان وتتناقرون..
محمد روح افطر بسرعه وانت اتوقع انك ماتفطر فروح لدوامك احسن..
خالد:عن اذنكم
محمد:بهمس..عن خشمكم احسن
خالد:طالع بمحمد نظرات..وطلع
فيصل:وانت شتنتظر روح لمدرستك..ودخل لغرفته
**********


لبس ثوب عادي وشماغه نسفه باهمال..طلع من غرفته والجوال بيده يحاول..
شافته وبدت تهلي فيه..
يالله ان تحييه..يالله ان تخلليييه..هلا هلا بولدي..
ناصر:دخل الجوال بجيبه..وحب راس جدته..صبحتس بالخير
الجده:يصبحك بالنوور والسرور..تعال اجلس هنا
ناصر:جلس جنبها..قايمتن بدري اليوم
الجده:والله ماقدرت انام عقب الفجر..اصبلك حليب
ناصر:خلي عنتس..انا اصب لروحي
سمعو صوته الجهوووري
يالربـــــــــع..يااااولد...طررريق طرييق..
ناصر:نزل البريق..شرف..الظاهر جالسين بقهوه وانا مادري..
خالد:والابتسامه شاقه حلقه..هلااااا بنوووور عيني..والله ان عندي احساس انتس قايمه..
وصار يغني ويؤشر على قلبه..انـــا ألبي دليلي ..
الجده:تعااال تعال..انت قااااضي قاضي
خالد:وهو يضمها..يالبى قلبتس كم مره اقوولتس انا موو قاضي انا ضاااابط ..شوفي النجوم اللي على كتفي..
الجده:لحووول..ناصر فكني منه
خالد:خلاص دام السالفه فيها ناصر..ابعد احسن..هذا ماينقرب صاير كبريت والعياذ بالله
ناصر:خويلد عويذة الله من شرك ..ابي افطر وانا مروق
خالد:انت من كلمك..اقول يارووحي شرايتس تجين معي للبيت
الجده:ياوليدي انا مااقدر اخلي بيت عمك..والله ان غلاكم واحد..بس انتم عندكم مره تسنعكم الله يخليها لكم..وهذولا يتمان..
خالد:اخذ الدله وصب لنفسه فنجال..يعني انتي جالستن عندهم شفقه..وكتم ضحكته
ناصر:طووول عمرك بتبقى بزززر..ها ينعاف مجلسن انت فيه
خالد:مسك يد ناصر..نصووور بلاسخافه انثبر لاتوطى ببطنك..
ناصر:عصب
خالد:اسففين انثبر عاد
ناصر:اعوذ بالله منك يابليس
خالد:اشوا حسبته انا
ناصر:رمى يد خالد وطلع
خالد:ول ول ول كبريت ماينقرب ابد
الجده:بلاه اختك..
خالد:اووه حبيبتي كم مره قلتلتس لاتدخلين امور العايله بينا
الجده:رفعت يدينها وصارت تدعي...يااااارب يتزوج خالد ويفكن من شره..
خالد:اميــــــــــــن..
***********



جامعة الملك سعود..

رافعه شعرها ذيل حصان..والارهاق باين عليها..الشحوب كاسيها..
وعيونها ذبلانه وصفرا..متربعه على الكرسي برى المبنى تنتظر صديقاتها..

كانت متمسكه بيدينها..حررتها بسرعه لماشافتها..وهمست..روح حبيبي الحين..
راح(ت) وهو مكشر..

عدلت تيشرتها وراحت لها..
شموخ:واخيــرا شفتك..
غيوض:رفعت راسها ببطئ..والتقت نظراتهم..انتي شموخ؟؟
شموخ:لا ياشيخه تستهبلين...وسلمت عليها..كيفك
غيوض:زينه
شموخ:يووه ياغيوض عسى ماشر..تعبانه
غيوض:لا مافيني شيء..بس مانمت زين..
شموخ:هههه شكلك مو متعوده على السهر..طيب انا عندي محاضره..ولاتنسين تزوريني..
غيوض:ان شاء الله..


*******************


تكلم وهي تطالع بشكلها بالمرايه..
ليلى:لا ماقدر..خدي مورم
تهاني:حشى ماصارت..حطيتي ثلج طيب
ليلى:ايه..هو مابقى الا اثار..بس ولو مااقدر اروح
تهاني:خلاص حتى انا مو رايحه..
ليلى:ليش؟؟
تهاني:اتريح شوي..ولاتنسين بعد بكره علينا اختبار
ليلى:مو ناسيه..اصلا انا من القهر ذاكرته..الله يعين بقول لفيصل يجيبلي عذر علشان الاختبار اللي فاتني..
تهاني:قوليله يجيبلي عذر بعد انا..بليييييز
ليلى:كله بحسابه
تهاني:هين بخلي معاذ يكلمك..ههههه اجل ناصر يحسبك تكلمين شاب..
ليلى:والله والله والله لوريه نجوم القايله..اخخخخ من القهر لو بيدي قطعته..حقييير وواطي..
تهاني:تكذبيييين..ليلووه ادري انك تحبينه..الوووو الوووووو...ههههههه سكرت بوجهي..

ليلى:رمت الجوال بقهر..افف نرفزتني..طلعت من غرفتها ونزلت تفطر..الساعه تسعه والكل رايح لشغله..
راحت للمطبخ وسوتلها كابتشينو..طلعت للصاله وتلفون البيت يرن..
ليلى:هلا
سلمى:اهلين شخبارك
ليلى:بخير وانتي والعيال والبيبي اللي جاي
سلمى:كلهم بخير..انتي شلون خدك
ليلى:ان شاء الله احسن
سلمى:طيب وراك جامعه اليوم؟؟
ليلى:ايه وراي بس مو رايحه..تبين اروح وخدي كيذا..(وصارت ترشف من الكابتشينو)
سلمى:طيب تعالي عندي..بعد مالك عذر تستحين مني
ليلى:لا اصلا انا ضايق خلقي..كنت بكلم ميساء اجيها ..
سلمى:افطرتي
ليلى:قلبي حس انك بتفطريني..
سلمى:يلا معك خمس دقايق مو من بعد البيت
ليلى:والله لو فيني حيل مشيت مشي..
سلمى:لحووول ترى ابطيتي تهذرين..يلا بسرعه تعالي
ليلى:يلا يلا..
************





ماداومت اليوم لان اخوها نايم عندهم..وودها ترجع ايام زمان..
جهزت الفطور..هي مسويته على حسابه..
عهود:الحين كل شيء جاهز مو باقي الا اقومهم..طلعت لغرفته..دقت الباب ثلاث مرات..
حسام:ادخل..(كان جالس على سريره)
عهود:صباااح الخيرر
حسام:مسح وجهه بيدينه..صباح النور..كم الساعه
عهود:الساعه 9..
حسام:اف راحت علي نومه..(وقام من سريره)
عهود:ليه بتروح للمستشفى؟؟
حسام:ايه ضروري وراي مواعيد مرضى..
عهود:طيب استعجل بلبسك..وترى الفطور جاهز نبي نفطر جميع..
حسام:لا مايمدي(قالها وهو يدخل غرفة الملابس)
عهود:بصوت عالي..يمدي اذا استعجلت..وسكرت الباب..
راحت لجناح امها ودقت الباب..
انفتح الباب
ام مؤيد:عهود ماداومتي!!
عهود:صبااح الخير
ام مؤيد:صباح النور..قوليلي ليه ماداومتي
عهود:يعني اذا ماداومت شيبي يصير..عاادي..ابوي قام
ام مؤيد:ايه يلبس..جهزو الفطور
عهود:انا جهزته..
ام مؤيد:مسكت يد بنتها ونزلو..بشوف فطورك قبل لاتفشليني عند ابوك..
عهود:ههه ابوي لو احطله علقم من ايدي بيقول حلوو..
ام مؤيد:انتي ماخربك الا ابوك...تعلمي الطبخ علشان زوجك
عهود:يمممه لاتسدين نفسي على هالصبح
ام مؤيد:عهود شقلنا
عهود:اسفه..
*********

نادت على الشغاله علشان تروح معها..
ركبت السياره وراحت لبيت اختها..


رافعه شعرها بكلبس ولابسه روب حمل..
سلمى:سديم يكفي صجيتيني
سديم:لا ماابي اثمعيني..
سلمى:يالله قوولي
سديم:اخاثمك اه اثيبك اه ودوى الرووووز
سلمى:ماشاء الله ومن علمك هالخرابيط؟؟؟
سديم:خالي محمد
سلمى:اوريه هالدب بيخربك علي..تعالي بجنبي ياماما
سديم:جلست جنبها..
سلمى:حبيبتي اي شيء يقولك اياه محمد لا تقولينه
سديم:حطت اصبعها الصغير بفمها..مين محمد؟؟
سلمى:خالك محمد..ماتعرفينه بعد
سديم:ايييه تيب دولي خالي محمد..
سلمى:طيب خالي محمد..المهم سمعتي كلامي
سديم:لأ
سلمى:ليش؟؟
سديم:لان خالي فيثل يدول اللي ما ابيه ماسويه..
سلمى:لا والله..بتسوينه غصبا عليك..
سديم:لألألأ..
سلمى:لوا يلوي حنوك العدو..وشوو لأ..عيب استحي انا ماما
سديم:تيب بثري امكي..(طيب بشري امك)
سلمى:سديمووووه منين جايبه هالالفااظ..
سديم:ايش الفاذ
سلمى:الحين تعرفين بشري امك وماتعرفين الفاظ..سمعت طق الباب..روحي افتحي لخالتك
سديم:نقزت بسرعه..فتحت الباب..
ليلى:ياااااااااهلا والله بحبيبة قلبي..وشالتها..يازينوووو
سلمى:ههه طيب تعالي ادخلي اول ولا عاجبتك الوقفه عند الباب..
ليلى:وهي حاضنه سديم..سلمت على اختها..ها وين فطورك قبل كل شيء تراني فاطسه جووع
سلمى:السفره جاهزه..وراحو يفطرون..



*********


ماااااااااااااات!!!!!
السكرتير:بلغني ابو عبدالعزيز..وبيصلون عليه الظهر
ابوصالح:الله يرحمه ويحسن اليه.اريحله ..مسكين تعذب بمرضه..بلغ كل الموضفين يصلون عليه
السكرتير:تامر طال عمرك..
جلس على كرسيه الجلدي الفخم..
ابوصالح:الحين شيماء(ام صالح) بتورث ملاااين..لازم اعدل اسلوبي معها..




******************

قامت من نومها على صوت تلفون غرفتها المزعج..
رفعت السماعه وعيونها مغمضه..
نوال:الوووو
عاليه:نايمه
نوال:ايه
عاليه:طيب اسكر ولا تستوعبين
نوال:اوووه عاليه اخلصي علي
عاليه:جد غيوض توفى اليوم
نوال:الله يرحمه شسويله يعني
عاليه:شكلك نايمه..وسكرت
نوال:رمت السماعه..ورجعت لنومها..



***********

الشــــركه..


سليمان:انا دق علي ولده عبدالعزيز
ابوفيصل:الله يرحمه..والله قصرنا بحقه بالايام اللي فاتت..ومتى الصلاة
سليمان:مع صلاة الظهر..
ابوسليمان:الله يرحمه..خلاص نطلع جميع من هنا..وبلغ ناصر خله يصلي معنا
سليمان:الحين اقوله..عن اذنكم..
دخل مكتبه ولقاه يحوس بالملفات..
سليمان:شتسوي؟؟
ناصر:ابي الملف اللي عطيتك اياه وينه مو لاقيه
سليمان:الله يلعن الشيطان..نسيييته بالبيت
ناصر:لحووول كم مره قلتلك لاتدرس الملفات برى الشركه
سليمان:مو شسوي كنت بخلص شغلي ..المشكله سلمى ماتعرفه ولاكان ترسله مع السواق
ناصر:ماتعرفه من كثر الملفات والله..
سليمان:طيب روح جبه دامك مستعجل
ناصر:طيب بروح..هي بالبيت
سليمان:حتى لو مو بالبيت اكيد وحده من الشغالات بتكون موجوده..خلها تدخلك للمكتب وانت تلقاه بواحد من الدروج..
ناصر:طيب سلام
سليمان:لحظه
ناصر:التفت عليه..خير
سليمان:ترى اليوم بنصلي على فرحان ال---..
ناصر:الله يرحمه..متى مات
سليمان:اليوم الصبح
ناصر:بأي مسجد بيصلون عليه
سليمان:مسجد الراجحي..
ناصر:خلاص القاكم هناك...




************
دقت على السواق يجي ياخذها..تحس بتعب ورجفه..
غيوض:لبست عبايتها وتحجبت وطلعت..ركبت السياره..
سعيد السواق) وين نروح عمتي؟؟
غيوض:وين يعني للبيت ..
سعيد:عظم الله اجرك عمتي
غيوض:راسها بينفجر ولا سمعته شيقول..همست..سلطاان..
رفعت راسها..روح لبيت جدي بسرررعه..طلعت جوالها ودقت على سلطان..

كان جالس جنب اخوانه بالمسجد..ماقدر يحضر تغسيل ابوه..
رن جواله ورد
سلطان وخانقته العبره) نعم
غيوض:انا رايحه البيت انت وييينك رااااسي بينفجر
سلطان:اقول فارقي عن وجهي ..شايفه الوقت مناسب لخرابيطك
غيوض:خاااالي والله مووووقادره
سلطان:سكر بوجهها
غيوض:رجعت تدق عليه...
سلطان:زفر لما شاف الرقم..
ابوعبد العزيز اخوه الكبير) رد شفيك
سلطان:هذي غيوض..شكلها مادرت عن ابوي
ابوعبدالعزيز:الله يرحمه كان يموت عليها..رد عليها وقولها
سلطان:طيب..الووو
غيوض:انت مااااتفهم
سلطان:غيوض اسمعيني زين..وقصر صوته..روحي لغرفتي وافتحي الدرج اللي جنب السرير وبتلقينه..وانا اكلمك اوكيه
غيوض:اوكيه...
..
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 7:15 pm



كانت جالسه بالصاله مع سديم وبيدها كاميرا فيديو..تشوف اول يوم دراسي
لناصر..وسديم كل شوي تمد يدها تبي تاخذ الكاميرا ..فمسكتها بيد واليد الثانيه للكاميرا..وسلمى بالمطبخ تجهز الغدى وتسوي عصير..
سمعو جرس البيت..
فتحت الشغاله..
الشغاله:يس..هلو مستر ناسر..
ناصر:هلوو جوني..سلمى هنا
الشغاله:يس..ان كتشن..كمن كمن..
ناصر:دخل مع الشغاله ووصل للصاله ووقف مبلم...معقوله؟؟؟ليــــلى..
ليلى:مالتفتت تشوف مين..والشغاله مستحيل تدخل احد انا اتغطى عنه..كملت تشوف الكاميرا ..
سديم:ماااااااابي ابي اسوووووف
ليلى:بعدييييين
سديم:موعلى كيفك الكمره حقت بابا
ليلى:شششش
سديم:بس انتي يعني..مااابي جيبيها والله اقول لفيثل
ليلى:سديم ممكن تسكتين ابي اسممممع
سديم:مااابي..والتفتت شافت عمها واقف...عمممممممي
وحررت نفسها من ليلى ونقزت
ليلى:ماركزت معها..سمعتها تقول عمي..بس طنشت..
ناصر:نزل لمستوى سديم وفتح يدينه لسديم اللي تركض باتجاهه..وبثواني شالها..هلا بروح وقلب عممو..
سديم:عمي قول لولي تعتيني الكمره
ناصر:وشي الكمره
سديم:الكمره الكمره (وتأشر على اللي مع ليلى)
ناصر:اها..اسمها كاميرا..مساء الخير لاحلى وارق انسانه شفتها بحياتي..
ليلى بقلبها:يؤيؤ مالقيت اجي سلمى الا اليوم..)وهي تناظر بالكاميرا..اهلين..
ناصر:مشى الى ان جلس جنبها وبحضنه سديم..كيفك؟؟
ليلى:من الله بخير ونعمه
ناصر:غثتك سديم
ليلى:لأ..غاثيني ناس ثانين..
ناصر:نزل سديم بالارض..وسحب الكاميرا وقفلها وعطاها سديم..
سديم:هربت قبل لاتمسكها ليلى..
ناصر:ممكن تشوفيني وانا اتكلم..
ليلى:اللي منزله راسها..لأ..ماتبي تعرف ليش؟؟
ناصر:رفع وجهه بيدينه..وخدها المورم باين..لمسه بيده..وهمس من سوى كيذا؟؟
ليلى:التقت عيونها بعيونه..وفكها بدى يرجف..ابوي..
ناصر:عمي!!مستحيل
ليلى:بعدت يده بقرف..نسيت انك ماتصدقني..
ناصر:صرخ..ليــــــلى...
ليلى:تزعل من الحقيقه!!
ناصر:ياقلبي انا مو مو مصدقك ..انا اقصد ماعمري سمعت ان عمي ضرب وخصوصا انتي وسلمى..
ليلى:ابتسمت بخبث..لا يضرب اذا سوينا الشينه..
ناصر:مسك يدها..انتي مستحيل تسوين الشينه
ليلى:والله العظيييم..تصدق ضربني علشان ركبت مع واحد غريب..مادري شفيه ابوي مخه مقفل..
ناصر:مهما قلتي مارح اصدق..لاني اعرفك..
ليلى:ههههه ورجعت جسمها لورى وهي تضحك
ناصر:ان شاء الله دوم..هالضحكه الله لايحرمني من راعيتها
ليلى:الحين شيء غريب..تصدق الناس وتكذب حبيبتك..
ناصر:ياليلى خلاص انسي انا تأدبت..سامحيني..
ليلى:ناااصر(قالتها بدلع)
ناصر:ياعيون ناصر..
ليلى:تحبني؟؟
ناصر:تسألين ياروحي..انتي شوفي شسوى فراقك فيني وبتعرفين
ليلى:ماسوى شيء..نفسك ماتغيرت..بعد احسك احلوييت
ناصر:لانك تحبيني ياقلبي تقولين هالكلام..ليلى انتي سكنتي هنا ومارح تطلعين الا اذا طلعت الروح..
ليلى:طيب اي شيء اطلبه بتوافق عليه؟؟
ناصر:اطلبي عيوني ومارح ابخل عليك
ليلى:لا خل عيونك..انا ابي شيء صغيروووون وبيخليني اسعد انسانه
ناصر:قولي..
ليلى:ابي ..فراااقك..ابيك تنقلع من وجهي الحين لان وجودك ينرفزني..ويقرفني..قامت ومسك يدها جلسها غصب..
ناصر:بصوت مكسور...لولي الى متى ؟؟؟؟
الى متى ببقى كذا وانته بتبقى هاكذاك؟
والى متى وانا اتعثر فـ الوصل واحاوله
والى متى وانا امدحك بحروف شعري واهجاك
والى متى وانا ارسمك على محيط الطاوله
والى متى وانا اتضموامن خطاك اليا خطاك
والى متى واقرب نهر تبخل علي جداوله
والى متى والى متى والى متى والا متاك
بتقهوي اللي خاوي لمواصلك وتفاوله
اموت فيك ومايكثر من غلاك الا حلاك
ياتحفة ماهيب فـ يدين البشر متداوله..
سلهامة عيونك متاهة وادي..وعضة شفاك
صفة قطع سكر تعضبها على فراوله
الله يجيرك من صدوف الوقت وعيون الهلاك
والله يحفظك من سخافة الالسن المتطاوله
والله يخليك لخفوق عاش يتنفس هواك
يمرر اسمك في عروقه والضلوع تناوله
عيد بعيني جعل من ذمك من العالم فداك
واعطف على من صكته بقعا فراقك واوله
اللي ليا منه تذكر حلو وصلك عن جفاك؟
بكى بدمعة من يكابر ..والحزن متحاوله
..




ليلى:انا والا انت؟؟؟انت ليه ماتصدق اني اكرهك..ياخي ترضى تاخذ وحده ماتدانيك..
افف اترك ايدي..
ناصر:انتي ليه ماتصدقين اني انتهي اذا تركتيني لييه؟؟
ليلى:لانك كذااااب..تقول تثق فيني وشوف شسوت ثقتك؟؟..ناصر افهم ماااقدر ارجع لك ماااقدر..
ناصر:مو على كيفك ولاتنسين انك بالعده يعني مرتي ومن حقي ارجعك..
ليلى:والله اذا انا موافقه بترجع لي..وخررر.. وفكت يدها ..بدل ماتضيع وقتك فيني روح دورلك على مره غيري..وبليز اذا تبي تكلمني كلمني وجها لوجه مو تقول لابوي..وتسببلي مشاكل..اخذت عبايتها وطلعت..
ناصر:ضغط على راسه باصابع يدينه..ليلى انتي لي..

دخلت سلمى وهي متغطيه..
سلمى:ناصر لاتزعل..
ناصر:رفع راسه..ازعل!!..عمي ضربها على شاني؟؟
سلمى:ايه
ناصر:هم ليه يبون يكرهونها فيني مايكفي اللي جاها مني يروحون يضربونها..وطلع من البيت..




*********


العــــــصر..

دخل عليها بجناحه بعد ماطلب ان محد يدخل عليهم..لسببين..حتى ماتنكشف انها تتعاطى حشيش وخصوصا اذا لقو اثار للزقاير..والسبب الثاني حتى يفهمها على رواق..
جلس جنبها على السرير..ومسح على راسها بهدوء ونادى عليها بصوت مسموع..
غيووض غيوووض
غيوض:انقلبت للجهه الثانيه..
سلطان:صار يضرب خدها بخفه..غيوووض غيوووض
غيوض:فتحت عيونها بكسل..همم شتبي؟؟
سلطان:ماشبعتي نوم يكفي..
غيوض:اتركني ابي ارتاح
سلطان:لقيتي اللي تبين
غيوض:ايه
سلطان:اجل وشو اللي متعبك؟؟
غيوض:وبصوت مليان نوم..ماادري..يوووه شلون نسيت جدي اكيد فقدني..ساعدني اقوم
سلطان:مد يده لها والعبره خانقته..وصلها لدورة المياه وجلس على الكرسي اللي بالغرفه ونزلت دموعه غصب..
غيوض:ووجهها فيه قطرات مويه مانشفتها..اخخ ياز..انتبهت لخالها.خالي شفيك؟؟؟؟
سلطان:مافيني شيء بس عيوني جافه واضطريت ابكي..المهم تعالي جايب لك غدى مسويه الطباخ الفرنسي الجديد تاكلي صوابعك وراه
غيوض:لا خلنا ناكل عند جدي
سلطان:جدك عنده ضيووف واجد..اجلسي كولي وبعدين نروح له
غيوض:طيب..بس بشرط تاكل معي
سلطان:لا انا مالي نفس..بروح اتروش واذا خلصت ننزل لابوي..بس ها لاتفتحين لحد..ولاتدرين اناباخذ المفتاح معي..راح للباب وسحب المفتاح..
غيوض:بسرعه تروش ..
سلطان:وانتي ابي اطلع مالقى شيء بالصحون..
غيوض:اصلا انا ميته جوع لاتوصي..وبدت تاكل..
سلطان:طالع فيها وهي تاكل..عوره قلبه ...دخل للحمام..وفتح الدش ونزل تحته بملابسه ..دموعه اختلطت بالمويه..كاتم صوته مايبي يعذب ابوه بقبره..

بعد نص ساعه..
غيوض:افف مليت شفيه تأخر..راحت تطق عليه بس هو طلع..ساعه؟؟
سلطان:كان صوته مبحوح من كثر البكي..اسف
غيوض:خالي شفيك..عيونك حمرى وصوتك باين عليه التعب..
سلطان:دخل فيني الشامبو..وصوتي من وقفتي معك ذبحني البرد..اطلعي للغرفه ابي البس..
غيوض:ههه سوري ..وطلعت..فتحت الستاير وشافت سيارات في المواقف وسيارات برى البيت..استغربت..يمكن هذولا الضيوف اللي يقول عنهم..بس مره كثيرين..رن تلفون الغرفه وراحت ترد..الو
صفوق يشتغل عندهم) عمي سلطان موجود؟؟
غيوض:ايه..بس الحين مشغول
صفوق:طيب عمي ابوعبدالعزيز يبيه ينزل الحين..
غيوض:ان شاء الله..سكرت
طلع وهو لابس ثوب ابيض وغتره بيضاء بدون عقال..
سلطان:شيبي صفوق
غيوض:يمه منك شدراك انه صفوق
سلطان:لانه مايدق علي الا هو..شيبي
غيوض:يقول ان خالي يبيك..الحين شلون انزل لجدي شكله فيه ناس واجد
سلطان:جلس على السرير..تعالي جنبي..ابيك بكلمة راس..
غيوض:جلسة جنبه..خير؟؟




*********

كلمها مؤيد وطلب منها ترسل مسج لسالم..
طالعت بأمها تستشيرها..
عهود:شرايك؟؟
ام مؤيد:يابنتي هذا زوجك ومافيها شيء اذا حببتيه فيك..
عهود:احس اني قاطه نفسي عليه..مايكفي انه مغصوب علي
ام مؤيد:ماحد غصبه..هو شاريك
عهود:متأكده يمه
ام مؤيد:متأكده..ارسليله وفكيني
عهود:امري لله برسله..

***************




مجتمعين بالصاله الارضيه
ابوسليمان:هالولد تعبني ..
الجده:لاتلومه ياوليدي..
ابوسليمان:ليه مالومه..خلاص دام البنت ماتبيه يدور غيرها
الجده:والبنت من بياخذها..ياوليدي البنت سمعتها الله يجازي من كان السبب مهي زينه وان ماخذاها ناصر محدن ماخذها..علشان خاطر اوخيك لازم يرجعها
ابوسليمان:بس البنت ماتبيه..
الجده:البنت صغيره وماتفهم..لاتحتسي(لاتتكلم) هالسالفه عند ابوفيصل بعدين يزعل عليك..
ابوسليمان:لاتخافين..
السلام علـــيكم..
حبة راس ابوها وجدتها وجلست..
عبير:هايبه اشوفك ماداومت اليوم؟؟
ابوسليمان:حط يده على كتفها..داومت الصبح وبعدين رحت اصلي على واحدن اعرفه الله يرحمه وبعدين مالي خلق للدوام ورجعت
الجده:وانتي شعليتس انا امه ماسألته
عبير:ياربييه من الغيره..جدتي تغارين مني واخزياه بس
ابوسليمان:ههه عبير لاتطولين لسانتس على امي ترى ماارضى
عبير:يعني هي تطول عادي..
ابوسليمان:ضرب راسها بخفه..هذي امي
عبير:وانا بنتك يعني اقربلك منها..
الجده:ثووري ثوري(قومي) للمطبخ جيبي لابوتس عصير
عبير:غمزت عينها لجدتها..دام فيها عصير يعني فيه سالفتن ماتبيني اسمعه(اسمعها؟)
الجده:خلاص اجلسي واسمعي..اقول ماقصيتو بطاقات العرس
عبير:بفرحه..من عرسه
الجده:استحي على وجهتس زايغتن (طايره)من الفرحه..الله يرحم ايام اول اللي البنت تهج يوم يجيبون طاري العرس..
ابوسليمان:يمه ماتدري ..
عبير:لحوول تكلمو بالالغاز..من عرسه جاوبوني
الجده:عرستس ياملا الغنيمه
عبير:وجهها صار الوان..وهربت
ابوسليمان:يمه الله يهداتس ليه احرجتيه(تنطق بفتح الياء وهي للمؤنث بمعنى احرجتيها)
الجده:تستاهل صايرتن مليقيفه..المهم ماقالولك متى العرس
ابوسليمان:ابوفيصل يقول بثاني العيد ان شاءالله ..
الجده:ايه علمونا انا بجهز لبنيتي ويالله يمدينا
ابوسليمان:ان شاء الله يمديكم..
السلام عليــــــكم..
الكل وعليكم السلام..
ابوسليمان:انت وينك؟؟
ناصر:جلس جنب جدته..بالشركه..كان عندي شغل واضطريت اجلس
ابوسليمان:وماصليت على فرحان طبعا..
ناصر:لا صليت..بس ماقدرت اعزي عياله بالمقبره الناس زحمه قلت باتسر اعزيهم..
ابوسليمان:اي والله واجد اللي صلو عليه الله يرحمه..
الجده:ياوليدي احطلك غدى
ناصر:لا مو مشتهي..بنام وقعدوني لصلاة المغرب
الجده:لا مافيه نومه هالحزه..نومة العصر مهي زينه
ناصر:بس شسوي دايخ..قام..لاتنسون تقوموني...وراح لغرفته
الجده:ان شاء الله مايجي رمضان الا ومرته معه
ابوسليمان:امين..
***************



بعـــــــــد مرور اسبوع..
غدا رمضـــــان
..



الاربعاء

في جامعة الملك سعود..


طلعو من قاعة الاختبار ..
ليلى:يجننن ماتوقعت الاسئله كيذا..الله يوفقها يااارب
تهاني:الا الله ياخذها الحقييره هذي اسئله
ليلى:حرااام والله سهله
تهاني:والله صعبه..
ليلى:ماعندك سالفه..امشي امشي
تهاني:لا مارح احضر المحاضره بطلع
ليلى:ليش ؟؟خلاص مابقى شيء
تهاني:بروح الحق على السوبر ماركت بشتري اغراض رمضان
ليلى:ياحليلك توك تشترين ..حنا صارلنا اسبوعيين
تهاني:شسوي مانزلت الرواتب الا توها..يالله واذا قدرتي تحضريني معك اكون شاكره
ليلى:لا مااقدر هذي تنادي بالاسماء واخاف اتوهق
تهاني:خلاص..مع السلامه..
ليلى:الله يسلمك..واتجهت لمبناها..كانت الساعه وحده الظهر..والجامعه تقريبا فاضيه..
وهي بالطريق تمشي..شافت بنات قليلات ادب ضامين بعض بطريقه استفزازيه ونظراتهم مو صاحيه..كانت البويه(تانيث البوي) تطالع ليلى بنظرات تفحصيه..
ليلى:كشرت بوجهها ودخلت المبنى..استغفر الله استغفرالله الله لايبلانا..بعذر الله يوم يقطع عنا المطر من هالاشكال..والله حاله فاضين يفتشون على اللبس وتاركين هالاشكال بالهواء الطلق(تقصد الامن)..


بشتاقلك حمد
هيفاء(حمد):بالها مع ليلى..اخخ لو اقدر اجيب راسها..صاااروخ هالبنت
شموخ:هيفاء اكلمك انا
هيفاء:كم مره قلتلك اسمي حمد
شموخ:زعلت
هيفاء:وخري عن وجهي..وراحت
شموخ:ياربي..شسوي الحين لازم ارجع البيت الحين..بكيفها اراضيها السبت..

**********


في غرفة امها..
ميساء:يممه الله يخليك خلينا نروح لهم
ام فهد:ما نقدر..عشى عمامك مستحيل نتركه..وبعدين ماشتقتي لهم
ميساء:الا..بس شلون يعني نفوت ليلة القرش..
ام فهد:يعني ماتصير هالليله الامع ليلى
ميساء:يمه بنات عمي كلهم كبار..وهناك مو بس فيه ليلى ..عهود وعبير وبنات جماعتهم كثار وخفيفين دم..يمه الله يعافيك
ام فهد:انسسي ..وبعدين اخاف مرت عمك تزعل وتحسبنا مو فرحانين لجية ولدها وبنتها..قولي امين عقبال ماافرح بشهادتك الدكتوراه يااارب
ميساء:اميين..




************


في الصاله الارضيه ماسكه التلفون وبجنبها نوت الارقام..
تسكر من البيت الفلاني وتدق على البيت الفلاني..
الجده:ها لزمتي عليهم..
عبير:ايه ..الوو..اهلين ..الحمدالله وانتي كيفك..ههه ..طيب اسمعي ترى القرش عندنا اليله..ايه جدتي هنا..الله يحييكم...سكرت وطالعت بجدتها..خلصنا
الجده:متأكده مانسيتي احد
عبير:لا مانسيت..اوووه جدتي ترى ماعزمت بيت عمي استحيت
الجده:ايه انا كلمت ام فيصل ..روحي للمطبخ شوفي شسوو الطباخات
عبير:ان شاء الله..وقبل لاتقوم رن تلفون البيت
الوو
سلمى:مبارك عليك الشهر
عبير:علينا وعليك يتبارك..
سلمى:جدتي صاحيه
عبير:لا مجنونه
سلمى:عبيرووه اعقلي
عبير:شيدريني عنك قولي قايمه مو صاحيه..امسكي هذي هي..




******************
ليلة القرش:هي ليلة رمضان..يجتمع فيها الناس في استراحه او منزل احدهم..هي بالعاده تكون نسائيه اي لايلتزم بها الرجال ولكن لامانع من ذلك..تحضر كل عائله طبق ويسهرون في هذه الليله ويتناقلون اخبار الاولين..تلبس النساء اللباس التقليدي..احيانا اذا كانت هذه اليله في منزل احدهم فأنهم يقومون بالعشاء ولا احد يحضر طبق..
يقال سميت بالقرش..لان الناس تقرش الاكل قبل الصيام
..
********************



قامت على صوت ناعم ومبحوح..فتحت عيونها ببطئ لان الاضاءه قويه..
غيوض:حطت يدها على عيونها..نعم؟؟
عاليه:ينعم عليك..قوومي جبتلك غدى وبتاكلينه غصب عنك..
غيوض:مالي نفس..بعدت يدينها لانها تعودت على الاضاءه..
عاليه:لاوالله بتاكلينه غصب عنك ..قوومي يالله
غيوض:قلتلك ماااااااابي ...ماااابي
عاليه:طيب خلاص لاتصارخين..اوووف منك..
غيوض:عاليه صدق جدي ماات
عاليه:رحمتها..لا حول ولاقوة الا بالله..غيوض اللي تسوينه حراااااام انتي قاعده تعذبينه بالقبر لوانك صدق تحبينه روحي تصدقيله وادعيله بصلاتك مو جالسه تبكين وعايشه على هالزفت السقاير..اللي تسوينه موت بطئ..غيوووض اصحي على نفسك..انتي تعذبين نفسك وتعذبينا..
غيوض:تكومت على نفسها وصارت تنزل دموعها بلا صوت..
عاليه:انتي مامنك فايده..وطلعت
نادت الشغاله تاخذ الصينيه منها..
اخذت تلفون الصاله ودقت على جوال نوال..
عاليه:الوو
نوال:اهلين
عاليه:وينك؟؟
نوال:بالبيت
عاليه:تعالي عندنا..
نوال:مالي خلق
عاليه:يووه نوال تعالي غيوض رفعت ضغطي احسها بتموت علي بأي لحضه..
نوال:تدرين احسن شيء نوديها للمستشفى يحطونلها مغذي..
عاليه:حاولت فيها بس رفضت وخصوصا خالها سليطين النحيس
نوال:اجل مافي غير زياد(قالتها بلهجه خبيثه)
عاليه:لا مايحتاج..انتي تعالي وحنا بنغصبها على الاكل..سمعتالشغاله تناديها..لحضه نوال..
الشغاله:مستر سلتان موجود
عاليه:طيب بعد 10 دقايق خليه يدخل لغيوض اوكي
الشغاله:اوكي
عاليه:الو نوال تعالي بسرعه سليطين جاء
نوال:روحي لغرفتك قفلي على نفسك وانا الحين جايتك..انا بس اللي مستغربه منه العقرب ليه سافرمع ام صالح..اللي خابرته انه مايدانيها
عاليه:نسيتي انها ورثت ملايين ..يبي يلعبها صح..
نوال:يلا روحي وانا جايتك..سكرت منها وتقلبت على سريرها..
الحين تأكدت ياعاليه انك تحبين زياد..هذا جزاي تغدرين فيني وانا متعبه نفسي وجايبه لك حل يفكك من ابوك..بس زياد يحبها ولا لأ؟؟
نفضت هالافكار من راسها وقامت لصديقتها..

..
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 7:16 pm



دخل على بنت اخته..
ونادى باسمها..
سلطان:غيووووض غيووووض
غيوض:مسحت دموعها..هلا
سلطان:جلس جنبها..شلونك؟؟
غيوض:مو بخير..
سلطان:محتاجه زقاره
غيوض:لأ..ابي جـــــــدي..وانفجرت صياح
سلطان:لحوووول غيوض خلاص يكفي ترى مصختيها..انتي تبين تعذبينه قومي غسلي وجهك اشوف
قووومــــــــــي
غيوض:هدت بعد تعصيبته..وقامت وهي تجر رجولها تحس ان اللي حولها يرقص..الاشياء تروح يمين ويسار..وفجأه
سلطان:غيــــــــــــوض


كانو جالسين بالغرفه..
نظرات غريبه يتبادلونها ولاحد راضي يتكلم..
سمعو صرخه ونقزو..


كان شايلها بيدينه بيحطها على السرير
دخلو كلهم.. عاليه متلثمه ونوال كاشفه..
عاليه:شفيها
سلطان:نزلها على السرير..والتفت عليها..وتاهت عيونه باحسن وجه شافه بهالدنيا..وقف مبلم..
عاليه:شفيــــها؟؟
سلطان:ها..داخت ومافيها الا العافيه..قولي للشغاله تجيب لها اكل شكلها من زمان ماكلت
نوال:وهي لاويه فمها وعاقده حواجبها..انت متأكد انك ماسويت لها شيء؟؟؟
سلطان:شتقصدين؟؟
نوال:مادري عنك..اطلع اطلع برى جيتك مثل وجهك خليت البنت تطيح علينا شكلك ناوي تذبحها..تقدمت للسرير وصارت تضرب بخفه على وجه غيوض ومالقت اي تجاوب..التفتت لعاليه..قولي للسواق يجهز السياره بوديها للمستشفى
سلطان:مايحتاج
نوال:والله انا اللي اقرر..ولو سمحت الزياره انتهت..ورنا مقفاك..
سلطان:دينه ودين اللي يتحداه..اتوقع انك مو من اهل البيت والمفروض اني اقولك انتي الزياره انتهت
نوال:ههه تعرف تنكت..وبدت تحرك اصبعها الخنصر فوق تحت عليه..انت تطردني..والله حاله..
عاليه روووحي نادي الشغالات يساعدوني بشيل غيوض..وطالعت فيه باحتقار..واللي يبي يعترض او عنده مانع..فيه اربع حيطان غير الارض والسقف يختار ايهما افضل ويصقع راسه فيه
سلطان:جلس على السرير..بشوف شلون تاخذينها يا..ورفع حاجب ماتعرفنا
نوال:سوري اسمي غالي علي ماينطقه حثاااله
عاليه:شافت الوضع متأزم والبنت مغمى عليها...الحـــــــين شلووون غيوض بتموت
نوال:اي والله ضيعت وقتي على الفاضي..وراحت تشيل غيوض بس ماقدرت نادت على عاليه..
سلطان:وقف يمنع عاليه..لا تبين تودينها وديها لحالك..وريني قوتك ؟؟
نوال:عناااد مارح اوريك..هذا الناقص
عاليه:لحوووول سلطان الله يخليك والله مو وقته
سلطان:انتي ماعليك روحي جيبي لها اكل وبتقوم
عاليه:هي ماتبي تاكل
سلطان:لا بتاكل غصب عنها..
عاليه:الله يستر...وراحت تجيب اكل
نوال:الحين انت ليش خايف؟؟
سلطان:رجاء لاتكلميني
نوال:عشتوووو احمد ربك اني كلمتك..هي انت اعرف مين تحكي معه..لما اسألك تجاوبني فاهم
سلطان:مو مظطر اجاوبك..وبعدين ليه اتنازل وارد عليك ..بريستيجي مايسمح..
رن جوالها وكان عبدالمجيد ولد عمها..ردت..
هلا عبود
عبدالمجيد:هلا وينك مريت البيت مالقيتك
نوال:انا عند الجيران..غريبه شجايبك عندنا
عبدالمجيد:كلنا مجتمعين وجبت البيبي
نوال:من جدك
عبدالمجيد:لا من عمي
نوال:يوووه مو وقتك..خلاص انا شوي واجيكم
عبدالمجيد:لا تتأخرين لايجيك فراس ويتوطى ببطنك
نوال:ماعوزه ..
عبدالمجيد:ايوه ياقويه..يلا ننتظرك
نوال:اوكيه..سكرت ..ولاانتبهت للشخص القريب مره..انتفضت..خيــــــــــــر؟؟
سلطان:تراجع خطوتين ورى وهو يضحك..هههه..خفتي؟؟
نوال:مااخاف من اشكالك يالحقير
سلطان:بس تدرين..انتي حلوه من بعيد ومن قريب..فيكي جاذبيه غير..انا شفت بنات كثير بس زيك ماشفت..
نوال:ههه من ناحية جمالي انا واثقه فيه ولا احتاج شهادتك..اصلا شهادتك فيها تنقييييص من قدري..واسلوبك المعفن القديم ترى مكشوف وغبي..
سلطان بقلبه..والله لاجيب راسك)..حرام عليك ماقصدت شيء..
عاليه:دخلت والصينيه بيدها..نزلتها على السرير..يلا سلطان..
سلطان:ابتسم لعاليه..مشكوره..وراح للسرير وجلس جنب غيوض حط يد ورى ظهرها ورفعها..مسك كوب العصير باليد الثانيه وبدى يشربها بشويش..



*******************



الليــــــــــــــــــل..



لبست جلابيه بناتيه فخمه من اليشمك..كانت عباره عن قطعتين..متداخل فيها الالوان الناريه مع الالوان البرونزيه..كان معطيها منظر خيالي..اكتفت بكحل اسود وروج احمر ثقيل..برزت شراسة جمالها..فلت شعرها الحرير والكثيف اللي سواده من سواد الليل..
ورفعت غرتها بكلبس كرستال احمر..
سمعت طق الباب..عرفتها..
ليلى:حياااك يمه
ام فيصل:فتحت الباب وبنفي الوقت نزلت الجوال من يدها..ها خلصتي
ليلى:شرايك يمه حلوو
ام فيصل:والله اللي محليه انتي..قريتي على نفسك
ليلى:لاتخافين انا ماانسى اقرى الاذكار ابد..بس روجي يمه
ام فيصل:شفيه؟؟
ليلى:مادري احسه قوي
ام فيصل:قوي بس حلو ويناسب المناسبه ولاتنسين انها اول طلعه لك للناس عقب طلاقك..
ليلى:والله خايفه يمه
ام فيصل:لاتخافين..واللي يتكلم ردي عليه..يالله محمد ينتظرنا..
ليلى:يمه ترى قلت لفيصل يرجعنا..
ام فيصل:كل هذا خوف
ليلى:والله ابوي وجدتي ماينضمنون..
وطلعو..



******

لابسه جلابيه حمل من تصاميم كبرى القصير..كانت قطعه وحده باللون النيلي..
ورافعه بس شعرها من قدام بشباصه فضيه..ومسويه نقش بيدينها..
مكياجها وردي خفيف..
واقفه تحيي بالضيوف ..
عبير لابسه بنجابي من تصاميم انسام الخلف)..سلمى الله يهداك اجلسي
سلمى:لا ماتعبت..وراحت تستقبل اللي عند الباب
ام فيصل:مبارك عليك الشهر
سلمى:وهي تحب راس امها..علينا وعليك يتبارك...
تركت امها وراحت تسلم على ليلى..


********

جالسه متململه ..كلهم كبار..وماعزمو احد غريب..
طلعت منها اف بصوت عالي وانتبهو عليها
لجين بنت عمها وتوها ماخذه الدكتوراه من برى والعزيمه لها ولاخوها)..اشفيك
ميساء:انحرجت..لاتذكرت شيء ماسويته..سوري
لجين:ههه..اقول ميساء كيف تأقلمتي هنا؟؟
ميساء:عادي..
لجين:انا درست برى اربع سنين ويوم رجعت جاني اكتئاب..
ميساء:غريبه انا طول عمري برى يعني ماجيت للسعوديه الا علشان ادرس الجامعه ولا جاني اكتئاب بالعكس مرره مبسوطه..الواحد ماله الا ديرته..
لجين:وهي رافعه خشمها..كل واحد له وجة نظر..
ميساء اف ليتك مارجعتي)..وش ناويه تسوين لحين
لجين:بقدم على الجامعه وبدرس فيها..
ميساء:ايه بس ترى بنات الجامعه مايحبون الاستاذه اللي تقلل من قيمة بلدهم او تنتقده بأي شكل من الاشكال..انتبهي
لجين:لانهم مايبغو اللي يكشف عيوبهم..
ميساء:طيب عن اذنك بروح اكلم..
لجين:خذي راحتك..

************


تحس ان الكل مايبي يسلم عليها..كأنها شيء نجس او قذر..ماتدري هو مجرد احساس ولا هم صدق مايبون يسلمون..
قبل لا تطلع من المجلس سمعت..
(قوية وجه هال...)
(شين وقواية عين..لواني داريه انها بتجي ماجبت بناتي..)
(الله يستر بس ماتخربهم,,,هالاشكال ماتخاف الله)
حبست دموعها..وقلبها مثل النار..طلعت من المجلس بس صوت جدتها وقفها..
الجده:ليلى وين رايحه
ليلى:بروح اسلم على البنات..بغيتي شيء
الجده:لا سلامتك
طلعت وهي تحس ان الكل يطالعها..وبنظرات احتقار..سبت نفسها بداخلها هي تستاهل المفروض ماجيت..
دخلت على مجلس البنات..
السلاام عليكم..
الكل وعليكم..
سحبت نفس..وبدت تسلم على كل وحده..
ونفس الشيء ..كلهم يحتقرونها..
الا وحده..ضمتها وقالت بصوت مسموع..
روان:ياااارضي احفظي ماااعليييك...
ليلى:ابتسمت من قلب..للحين على حركاتك..
روان:شسوووي كل يوم تزينين..ابفهم منين تجيبينه..سلفينا ترانا محتاجين
ليلى:مشاءالله عليك مو محتاجه..وجلست جنبها..
موضي:بصوت مسموع..من برى الله الله ومن جوى يعلم الله..
هيا:ياما تحت السواهي دواهي..ههههه
موضي:هههههههه
روان:الله يشفيكم صدق مهابيل شدخل اللي تقولونه الحين بكلامي..ولاتتكلمون من دون مناسبه..
جميله:والله اللبيب يفهم بالاشاره..
موضي:ههه الله يهداك ياجميله اي لبيب وهو صايدينها..لو هي ذكيه كان ماقدرو يمسكونها..
روان:اقول انتي وياها ياتكلمو زي الناس ولا انطمو..خلو شغل الغيره بعدين..وهمست لليلى..لاتسمتين لهم ترى يغارون منك
ليلى:همست لها..عادي ماهموني(على مين تلعبين ياليلى وانتي قلبك يعتصر)
دخلت عبير ووراها القهوجيه..
عبير:حيالله من جانا..
موضي:الله يحييك..نسينا نباركلك..
عبير:جلست جنبها..على ايش؟؟
موضي:سمعنا ان زواجك قريب
عبير:حمر وجهها..مادري..المهم انتي شسويتي عقب التخرج مابغيتي تفارقين الجامعه
روان:هههه تلقين الجامعه نجحتها تبي فراقها
موضي:بايخه..
عبير:ههههه بالعكس حلوه...امززح لاتزعلين..والتفتت لباقي البنات..وانتم شخباركم شمسوين من زمان عنكم
روان:والله انتي ام العلوم اهذري علينا..
ليلى:بصوت مخنوق..عن اذنكم
روان:بروح معك ابيك بسالفه..

طلعو للصاله..
جلسو جنب بعض..
ليلى:امري..
روان:ليلوه شهالرسميه؟؟شفيك؟؟
ليلى:تنهدت..مافيني شيء..
روان:ليلى لاتخلين هالغيورات يأثرون عليك..
ليلى:روان انتي مو مصدقه الكلام اللي انقال عني صح؟؟
روان:اكيد..ليلى الكل مو مصدق حتى موضي وهيا بقرارة انفسهم مو مصدقين..بس يتكلمون لانهم منقهرين منك..
ليلى:عادي اصلا ماهموني..
قطعت حديثهم سلمى..
سلمى:شتسوون ياحلوين
روان:موخابره الا حلوه وحده..وانا الله يخلف علي
ليلى:قولي مشاء الله لاتصكيني عين واتحول لقرد..
روان:لا اله الا الله...تبارك الله عليك استانستي..
سلمى:روان صدق اللي سمعته؟؟
روان:وش سمعتي
سلمى:انك ملكتي قبل اسبوعين
روان:ايه صدق..
ليلى:مبرووووك والله يوفقك ان شاء الله..من اخذتي
روان:واحد من معارفنا وماتعرفونهم..
سلمى:الله يلعن الشيطان..ليلى جدتي تبيك
ليلى:وين...عند الحريم؟؟؟
سلمى:ايه
ليلى:لا مو رايحه
سلمى:اقول روحي لاتفشلك..
روان:ليلى شفيك من متى الحياء قوومي
ليلى:خلاص بقوم..
رتبت جلابيتها ومشت بهدوء..هي كارهه الجيه اساسا لولا حلفان جدتها كان ماجت..
دخلت والكل طالع فيها..منزله عيونها بالارض..مشت بخطوات سريعه ووصلت لجدتها..نزلت لمستواها..
ليلى:امري جدتي..
الجده:تعالي اجلسي جنبي علشان احاتيتس
ليلى:ان شاء الله..جلست جنبها وهمسات الحريم تنخر باذنها..ماعاد تحتمل ماكانت تسمع اي شيء من جدتها..يتكلمون عنها وهي بينهم موجوده..بغيابها شيبيسوون..حست دموعها تجتمع بعيونها..قامت ولاتدري اذا جدتها انهت حديثها او..لأ...
ماكانت تشوف الارض..وقفتها عبير وبجنبها هيا ..
عبير:على وين؟؟
ليلى:كانت تحاول ماتناظرهم..ب..بروح
عبير:سحبتها من يدها..امشي نبي نلعب..
دخلت المجلس..
عبير:لقييتها..
روان:وين لقيتيها؟؟؟
عبير:والله ليه اقولك وانتي عييتي تعلميني وينهي
روان:ليلى ترى بنت عمك نشبتلي هنا..وتأشر على بلعومها..بس ماعلمتها انتي وين ان شاء الله ماكشفتك
موضي:وين بتكون يعني..اقول هيا شفتي جميله تتلزق ببعض الناس وترمي حالها عليهم
هيا:جلست وحطت رجل على رجل..اكيد تحاول فيه عقب ماعافها..بس تراه غلطان هو ولد عمها والمفروض ساتر عليها..
جميله:طيب شسوي..من بياخذني؟؟..اقول ترى الجوال بيدي لايكون كلمت حبيبي وانا مو داريه
عبير:اللي مافهمت نغزاتهم..جميله شسالفة ولد عمك
الكل انفجر من الضحك..
ههههههههههه
ههههههههههههههههههههههههه
هههههههههههههههههههههههههههههههه
التفتت حوالينها مقهوره تبي اي شيء يكسر سنونهم..
صرخت..
روان:بـــــــــــــــــــــس..
صدق انكم قليلات حيا وماتربيتو..الحسد والغيره ملو قلوبكم..كلكم تدرون انها اشرف من الشرف بس شنقول بالغيره..تخيلو انكم مكانها..ماتستحوون هذي صديقتكم تسوون فيها كذا بدل ماتوقفون معها..ماقول الا مااااالت عليكم يالتافهات..


كانت تبي اي مكان تفضي فيه شحنة القهر والكبت..
فوق ماتقدر تطلع..مستحيل..
والحديقه مليانه بزارين..
راحت لجهه في القصر ماتنسكن الا اذا جاها ضيوف..
دخلت وحده من الغرف وقفلت الباب على نفسها..
مسكت جوالها وضغطت على رقم ميساء..وطلع مقفل..
زاد قهرها..دقت على تهاني وماردت..
رمت الجوال على السرير وهي جلست على ركبتها بالارض وراسها على السرير وطلعت كل شيء بقلبها..
كانت تتنهد وتتألم ودموعها يحرقونها..
تحس انها موقادره تتكلم..صارت تلعن الكل..وتسب نفسها..
رن جوالها رفعت راسها ووجها احمر ومغطى بالدموع..ردت
بصوت جريح..
الووو
تهاني:بسم الله ليلى شفي صووتك تبكين!!!
ليلى:ته..تهاا..تهاااني قه..قهروووني ياتهاني قهرووني
تهاني:مين؟؟ليلى اهدي وخوذي نفس وكلميني
ليلى:رحت للعزيمه وياليتني مارحت..انتم اللي قلتولي اطلع واني حساسه..شستفدت..صرخت..شستفــــــــــــدت..ورجعت تبكي
تهاني:فهميني شصار؟؟
ليلى:تخيلي يطقونها بالوجه..اللي تقول اني---- واللي تقول اني قوية وجه واني مااستحي واللي انا وجهي مغسول بمرق والمفروض مااطلع للناس عقب اللي سويته..واللي تقول اني ابوي دافع دم قلبه علشان ناصر يرجعني ويستر علي واللي تقول اني اتلزق فيهم وا..ماقدرت تكمل حست بنااااااار تسري بكل جسمها رمت الجوال باقوى ماعندها على الجدار ودفنت راسها بالسرير ورجعت تبكي بصوت عالي تبي تطلع كل شيء بداخلها..


كان جالس بمكتبه يصلح بعض الاوراق..
سمع صوت تقفيل الباب وخاف ان عبير تحسبه مو موجود وقفلت الباب عليه..
طلع من المكتب وانصدم باللي يشوفه..
ليلى!!!
سمع كل شيء..رجع لمكتبه وقلبه ينزف..صوت بكاها يعذبه يزيده الم..
ماقدر يستحمل..قام لها..دخل الغرفه ..وهو واقف مسح على راسها..
ليلى:ارتجفت من هالحركه..ماتبي احد يشوف ضعفها..رفعت راسها والتقت عيونها بعيونه..
وبصوت يرجف..شجايبك هنا؟؟
ناصر:جلس على ركبته..وبصوت مكسور..لاتبكين والله مايسوون دمعه من عيونك
ليلى:تضحك ودموعها اربع اربع..ههههه..ههههههههه...وانت ماتدري من سبب هالدموووع..ورجعت تدفن راسها بالسرير..
ناصر:ليلى..ليلى....
كان بكاها يزيد..شالها بخفه وجلسها على السرير ورفع وجهها بيدينه..
ناصر:ادري اني مااستاهلك..ومعك حق تكرهيني..مثل مانظلمتي انا انظلمت بعد..
وانا مستعد اسوي اي شيء تبينه بس ارجعيلي..ليلى انتي تدرين اني احبك..اتركي كلام الناس ولا يهمونك..اهم شيء انا..ماعليك منهم..
ليلى:ووجهها مليان دموع..صعب ارجعلك..ناصر انت خذلتني..انت حطمت شيء كبير فيني..
انت كسرت قلبي..وصرخت عليه..انت قهرتـــــــــــني خليتني اكلم نفسي واقول شسويت له ليه طلقني..كل شيء توقعته منك الا انك تطلقني..انت وعدتني ماتتخلى عني..تذكر قبل ماتسافر شقلتلي..وماوفيت بوعدك..ناصر انا اكرهك صدقني اكرهك..
ناصر:اللي كل كلمه من كلماتها يجرحه..طيب لاترجعين علشاني..ارجعي علشان الناس تسكت..
ليلى:وعلشان الناس مو راجعتلك..الظاهر انت ماتسمع الكلام اللي انقال..اذا رجعتلك الكلام بيثبت علي..
ناصر:ليلى حرام عليك تعذبيني..والله حرام..
ليلى:مسكت يده وشدت عليها..ناصر انت بس قلبك اللي يعورك..والكل معك..انت عند الناس مثل الثوب الابيض..ونزلت راسها..اما انا قلبي ينزف ومو راضي يطيب..والكل ضدي..ابوي اللي الى يومك مايكلمني..تحسبها سهله علي يمر رمضان وهو مو راضي يقول لي مبارك عليك الشهر ..واخوي خالد اللي صار مع ابوي وتخلى عني..وجدتي اللي ماهمها الا انت والناس وانا ولاشيء..وانا بنظر كل الناس شيء نجس عار المفروض محد يجلس معي..خايفين اخربهم..كلكم تفكرون بأنفسكم وبالناس..ولا احد سأل عني او قال شتبين..
رفعت راسها..الوحيد اللي وقف معي هو فيصل..ومارح انسى وقفته طول عمري..
ناصر:خلينا ننسى كل شيء..ليلى انتي مستحيل تكرهيني انا متأكد..اللي يحب مستحيل يكره..
ليلى:ناصر..صدقني اكرهك..ناصر اذا انت تحبني صدق خلنا نفترق بهدوء..انا مااصلحلك ولا انت تصلحلي..هذا قدرنا..ناصر الله يوفقك ببنت الحلال..صدقني انا مااتمنالك الا كل خير..
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 7:17 pm

كانك على قولك تمنى لي الخير
ساعدني انسى حبك اللي خذاني
خلي حياتي تنقلب كلها غير
وانسى الحبايب والزمن والمكاني
حبي لك ابلغ من كل الاساطير
مالها بقاموس الهوى وصف ثاني
لاشك انا اشعر بالنهايه وش تصير
واحسب حساب فراقنا بالثواني
بيني وبينك واقع الحال تحذير
وعند الموادع ماتفيد الاماني
كرهني بنفسك ولو بذنب صغير
القى به اعذاري واعود لزماني
المشكل انه مابدى منك تقصير
وهذا يزود واقعك في كياني
...


ناصر:ليلى مايسكن القلب غيرك..والحريم حرامن علي عقبك..انا شاريك لاخر لحظه بحياتي وتأكدي اني ببقى لك طول عمري..لولي شقلتي؟؟
ليلى:الفراق..
ناصر:مارح اضغط عليك..وبيبقى عندي امل ..
ليلى:صدت للجهه الثانيه..لاتتعلق بالامل...
ناصر:الامل هو اللي مخليني اعيش..ومخلي لحياتي طعم..تصدقين اني مادخلت جناحنا من يوم ماجيت من السفر..ماقدرت ادخلها وانتي مو فيها
ليلى:تنام هنا..
ناصر:ايه..
ليلى:مسحت دموعها براحة يدها..ناصر ابيك ترجعني للبيت..ضاق صدري هنا..
ناصر:من عيوني..ثواني بس اجيب مفتاح السياره ..
ليلى:طيب وعباتي؟؟
ناصر:وين حطيتيها؟؟
ليلى:عند المدخل..من بيجيبها
ناصر:طيب شرايك تنامين هنا؟؟
ليلى:نااااصر
ناصر:ياقلب ناصر
ليلى:لحووول
ناصر:خلاص انا الحين اقول لعبير تجيبها
ليلى:لا قول للشغاله هي تعرفها..
ناصر:طيب تعالي لمكتبي ودقي من التلفون وكلمي الشغاله
ليلى:التلفون داخل؟؟
ناصر:تلقينه على مكتبي ..
*****************

ماراحو لبيت ابو سليمان والسبب ان ابوعهود عازم عيال اخوه بالبيت ويبي سالم يجلس مع عهود...


دخلت وبيدها صينية فيها قهوه وحلا..كارهه نفسها بهاللحظه بس ابوها غصبها..
حطتهم على الطاوله..
ابوعهود:خوذو راحتكم..انا طالع
سالم:وين ياعمي اجلس مابعد شبعت من شوفتك..
ابوعهود:لا عندي شغيلات..وطلع
سالم:مد يده واخذ قطعه من الحلا وصب قهوه لنفسه..
عهود:تشجعت وجلست جنبه..
سالم:نزل الفنجان بعد ماشرب طالع بساعته..عن اذنك تأخرت
عهود:وهي تتذكر كلام مؤيد..حاولي تكسبينه..انا غلطت عليه...قامت معه..بس انا ماسولفت معك..
سالم:مابينا سواليف..
عهود:وقفت قباله..وقالت بدلع..متأكد..
سالم:رفع حاجب..عندك شك..
عهود:ايه..تدري اني جلست علشانك ..
سالم:مافهمت شتقصدين؟؟
عهود:اقصد فيه اشياء كثيره ماتفقنا عليها..والمفروض تشاورني فيها
سالم:تكتف..مثل؟؟
عهود:مثل وين بنسكن؟؟
سالم:عندي بيت..وجاهز
عهود:لاوالله يعني اثثته بالكامل..كله ذوقك بس
سالم:اوو نسيت ان ذوقي مايعجبك..
عهود:ماقلت كيذا..اوكيه راضيه بذوقك..ماقلتلي شيء عن الزفه
سالم:اي زفه..انا مو مسوي عرس..
عهود:وشووو..ليييه؟؟
سالم:تذكر انها ماتعرف شيء عن مرض ابوها..بسوي عائلي..
عهود:سالم انت مغصوب علي؟؟؟
سالم:خاف تفضحه عند عمه..لا..
عهود:بصدقك..ومدت له ورقه مكتوب فيها رقمها..شكلك ماتعرف رقمي..لاني ارسلك مسجات وماترد علي..
سالم:مااهتم كثير بالمسجات..ومااعرف رقمك..
عهود:اذا بغيت شيء اتصل علي
سالم:اكيد...طلع..


ركب سيارته والرقم بيده..قطع الورقه ورماها بالشارع..
وهمس...ماشفتي شيء ياعهود انا ترفضيني..هين..

************




مو منتبهه لسواليفهم وضحكهم..تفكر باللي صار..
نوال:معقووله عاليه تكذب؟؟مستحيل..ياربي تصرفه مع غيوض وشكله لما اكلها..كل هالشيء يدل على انه حنون..غيوض وتعلقه فيه..ااخخ بس عليه وسامه على غرور يذبحون..
شموخ:وهي تلوح بيدها..هااااي وين وصلتي
نوال:ااااف خير شتبين؟؟؟
شموخ:ابد بس قاعده اسألك وانتي مطنشه..
نوال:عن ايش؟؟
شموخ:عمي ماقالك متى يجي؟؟؟
نوال:متى كلم اصلا..بس ليه تسألين
شموخ:مليت انا وامي متى ترجعين لزياد..حتى ابوي ماصار يفتح الموضوع ابدا
نوال:وزياد شرايه بالموضوع
شموخ:زياد واقع على شوشته...باين عليه الحب..والله وبدى يحبك زياد يانوال
نوال:ومن قالك ؟؟؟
شموخ:اخوي واعرفه..ميه بالميه يحبك..بس يتغلى عليك..
نوال:حقه يتغلى..مسكت عبايتها بيدها ..يالله تصبحين على خير..


********************


وصلها للبيت وقبل لاتنزل..
ليلى:ناصر قول لابوي يسامحني..
ناصر:اكيد بقوله..لولي لاتخافين مو راجعتلي الا برضاك..مارح اسمح احد يتدخل فينا..بس انتي اوعديني تفكرين..
ليلى:نااصر انساني..ونزلت..
ناصر:وهويشوفها تسكر الباب..انسى نفسي ولا انساك..وحرك السياره..


***********************



جالسين بالصاله..
مستانسين برجعة ليلى..كانو يدورن على ليلى والشغاله قالت لهم انها راحت مع ناصر..
دق فيصل على امه وقال انه بيدخل علشان يسلم على جدته..
ابوفيصل وابوسليمان والجده وخالد وسليمان ومحمد وسلمى وعبير وام فيصل..
دخل وبصوت جهوري ..
السلام عليكم..
الكل وعليكم السلام..
راح لجدته وسلم عليها وباركلها بدخلة رمضان..
الجده:وينك انت ماشوفك الا مره بالشهر
سليمان:جدتي البدر مايطلع الا مره..
فيصل:ابتسم لسليمان..يالاخو تراك مضيع سلمى هناك..
سلمى:هذا جزاه يمدحك..
خالد:تكلم المدافع..
فيصل:ليلى وينهي مااشوفها
سلمى:هذي هي..وأشرت على عبير
فيصل:لا..هذي عبير..
سلمى:وشدراك انها عبير وهي متغطيه..
فيصل:صار يسب سلمى بداخله..هذا وقتك ياكونان...ابتسم لها..لانها متغطيه يالذكيه..
سليمان:يالغبي انت ناسي اني موجود يعني اكيد ليلى بتتغطى..دورلك عذر ثاني..
ورجع يكمل نقاش مع ابوه وعمه بأمور الشغل..
فيصل:يمه منه قاط اذنه معنا..المهم وين ليلى؟؟
خالد:رجعت مع ناصر..مبرووك
فيصل:وش قلــــــــــــــــت؟؟؟؟؟؟
الكل سكت..
فيصل:ليــــلى وين؟؟؟
سليمان:فيصل اعصابك..قلنالك ليلى رجعت
فيصل:ومن قالكم ترجعونها..وينهي هي؟؟
خالد:ماندري طلعو..
فيصل:عصب وقام على خالد ومسكه مع ياقة ثوبه..قوووولي وينهي لاكسر وجهك..
سليمان:قام يفكهم..فيصل تعوذ من ابليس..
فيصل:سليمان ابعدددد..خوييلد انطق وينـــــــــــهي؟؟؟
ابوفيصل:فيــــــــــــــــصل..
فيصل:مارد على ابوه..لانه معصب وخايف يغلط..
ابوفيصل:فيـــــــــــصل اترك اخوك..
فيصل:رمى خالد بعيد..والتفت على ابوه..وينهي؟؟وين وداها؟؟
ابوفيصل:اختك رجعت بكيفها محد غصبها..هي خذت عبايتها وطلعت
فيصل:انتم مالكم شغل فيني جاوبوني وبس..ولاترى والله العظيم لاذبح ناصر وافتك من شره..
ابوفيصل:عصب..اعقل لااعقلك انا..بزران يوم تصارخ علينا..انت شعليك مره ورجلها بكيفهم تتدخل ليه
فيصل:طلع جواله ودق على ليلى..عصب اكثر لما شافه مقفول..صرخ عليهم..
ورب البيـــــــــــــت ان سوى فيها شيء لاخليكم تصلووون عليه بكره..والتفت على امه..هذي وصاتي ..ماقلتلك اذا صار شيء دقي علي..
ام فيصل:ياوليدي مادريت عنها الا قبل نص ساعه وسألت الشغاله وقالتلي انها هي اللي راحت معه
فيصل:مو على كيـــــــفها ترجعله..اكيد رجعتله علشان ابوي..انا عارفها..

ناصر: قاطعهم..ليلى بالبيت..مارجعتلي
فيصل:راح له..وصار قباله بالضبط...زم شفايفه...سويت لها شيء
ناصر:لا تخاف..بس هي طلبت مني اوصلها لانها متضايقه..واذا مو متأكد رح لبيتكم تأكد..
فيصل:بروح..وياويلك مني ان دريت انك مسويلها شيء..طلع
الجده:صدز الحتسي..مارجعتها
ناصر:صدز..وبصوته الجهوري...رجاااااء مابي اي احد يتدخل بينا..تقدم لعمه وحب راسه..عمي الله يخليك سامحها...تراها متضايقه انك مارضيت تبارك لها بهالشهر ولاراضي انك تكلمها..عمي طلبتك سامحها
ابوفيصل:مسامحها ياناصر..
ابوسليمان:استريح يابوفيصل..واشر للعيال يجلسون..
عبير روحي حطي السحور نبي نتسحر مع بعض..
الرجوع الى أعلى الصفحة اذهب الى الأسفل
.. DARK ..
مـشـرفــہ سَــآبـقــہ متـألقــہ ~


عدد الرسائل : 1508
العمر : 29
الموقع : ...

الاوســمــه :
نقاط : 118
تاريخ التسجيل : 18/12/2007

مُساهمةموضوع: رد: انكســـــاااري....}لـــ { دلوعــ ــ ــ ـة اهلها }..((كامله)   الأحد مارس 30, 2008 7:19 pm

هلا هلا ياحلوين اذا الخط بايخ حبتين واشياء مالها داعي


وتبون اغير اللون


وتبون الخط في الوسط قولو لي
الرجوع الى أعلى الصفحة اذهب الى الأسفل
 
انكســـــاااري....}لـــ { دلوعــ ــ ــ ـة اهلها }..((كامله)
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 7انتقل الى الصفحة : الصفحة السابقة  1, 2, 3, 4, 5, 6, 7  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
my coffee :: . :: يـפــَـڪْى أَنـْ ~!-
انتقل الى: