[ قصيده ابكت الشـآرع السعودي ]

السلام عليكم ورحمة الله وبركاته

صباحكم / مسائكم

جنه تجري من تحتهاالانهار

ماراح اوصف هالخاطره اخليكم معها وهي تتكلم عن نفسها

/

\\

/

\\

/

\\

/

\\

الطفوله ..

أحلى مافي هالحياه

مرحله من غيرهم

كنـّا دايم نبتسم

كنـّا حتى لو بكينا ... وجارت الدنياعلينا

بعد لحظـات وثواني ...

بسمه فيناترتســم

كنـّا نركض

خلف كوره ... ( لا لاأنا ماكنت معهم ) ؟؟

وحدي بس بعيدعنهم ... كنت أنا أضحك عليهم

...

جالس لحالي أهذري... جالس أحسب كم( كوبري )...

صلـّحه( أحمد ) في ( ماجد ) ؟؟

والله واجد!!

وقبل ما يحل الظلام ...

للبيوت نروح نجري... ( لا لا أنا ماكنت معهم ! )

أمشي وحدي بعيد عنهم ... أمشي وأعدد أثرهم!

وهم عني يبعدون ...

يبعدون ... يبعدون ...

إلا( ماجد )!

كان مثلي حيل ضايق ...

بس حزنـي كــان حارق

كان يسألني ببراءه : ...

ليش تعرج ؟ ... قلت مادري ! - باستياء -

ليش تبكي ؟ قلت مابكي - بكبرياء -

ضاق مني ...

ثم سألني في غباء ...

قال ( وثرايك تـثــابق )؟

وراح عنــّــي ... !!

كنت أسأل دوم نفسي ...

ليش ماأركض معاهم ؟؟

ليش دوم أمشي وراهم ؟؟

وشبلاي ؟؟ أو وش بلاهم ؟؟

ليه أنا غيرالأنام ؟؟

زاحمتني الأسئله...

كل شيٍ أجهله ؟

وإن تعبت من الإجـــابه...

أحظن الحيـــره وأنام .

مرّت سنين وكبرت ...

صارهمّي اليوم أكبر

حتى دمعي صار أكثر

للأسف توي قدرت ...

أفهم إني شخص ( عاجز )!

يعني بيني وبينكم

مليون حاجـــز !!!

صدقوني ذي حقيقه ...

لا طلعت السوق ... كل ماأمشي دقيقه

القى كل شوي أبله ! يمشي ويناظرصديقه ...

ويغمزله

يقول : ناظر...!

وش يناظر ؟؟

وتتفجّــر في خفوقي

ألف ضيقه

ووحده في وسط الزحام ....

طالعتني باهتمام ...

بنت في عمر الزهور ... أي رشاقه ... وأي أناقه ...

وأي عطـــور !!

قلت في نفسي

ياهووووووووه

هي تناظرني بغرام ؟ أو هي نظره والسلام ؟

بس أكيد إنها تعرفني ... شايفتني ؟

شايفتني في جريده ؟

واعجبتها لي قصيده ؟

إيييييه أنا توي افتكرت...

لي قصيده ...

كنت ناشر معها صوره

بس صوره ... ياسلااااام

وفاجأتني ...

لمـّا صارت لي قريبه ... كانت تـتمـتم بطيبه

( يكسرالخاطــر حـــرااااام ) !!!!!

وتركت دمعه غريبه ...

وضاعت بوسط الزحــام

دمعه كانت تحكي وضعي ... زلزلتني

ارتطم قلبي بضلعي ... دمرتني

صدقوني ...

أصعب اللحظــات وأقسى

لاغدا الرجـّــــال يكسر ... خاطرانثى

كيف ينسى ؟؟؟

جاوبوني !

وزاد همّــي ...

يوم فكــّـرت بوظيفه ... ثم زواج

أي وظيفه ... وأي زواج ؟؟

اللــي مثـلي ...

مهما طالب ... لويلف ولو يدور

زين لو حطـــّــوه كــاتب

لا ...

وعلى بنــد الأجـــــــور ....

ماهورسمي !!!

صدقوني لو تدرّج ... وصار راتبه ايتصاعد

وابتــداوضعه يزين

ما أظنه بيتزوّج ... حتى لو بعد التقاعد!

وفي النهــايه ...

يابلــدنا... مهما كانت( تسميتـنا )

عاجزين ...( معوّقين )

لك عهدنا... وذا قسمنا:

أقسم بالله العظيم ... منزل الذكرالحكيم

أن أصونــك يابلادي ... من شرور العابثين

من مطامع كل حاسد ... من نوايا كل فاســد

وإني لك حصنٍ حصين

إنتي ناديني وشوفي ... لا نويتي بالجهــاد

والله أقهر لك ظروفي ... دامك إنتي لي بــــلاد

وباسم كل العاجزين ...

دام فينا أصبع يطول الزنـــاد

لا يهمــّـك يابلادي ...

وازهليهــــــــا .

القصيده للشاعر .. محمد عويضه اليامي

لاتحرموني من ردودكم.........

مع حبي:
حنوووووووووووووووووووووووووووونه

رووووووووووووووووووعه رووووووووووعه

من قلب رووووووووعه

بس احلى بيــت

اقتباس :: أصعب اللحظــات وأقسى

لاغدا الرجـّــــال يكسر ... خاطرانثى

تعودنـــــا على روعه مواضيعك حنونه لاتحرميــنــا جديدك قلبــو

اسعدني مرووووووووووووووووووورك ياااااااااااقلب حنووونه انتي,,,,

» مكالمة ابكت السديس
» المراه التي ابكت ملك الموت
» بيت عن الف قصيده
» اقسى قصيده حب
» الجيش السعودي في الجنوب!!