هذي قصتي باقسى مشاهد عشتها في عذاب

علمته يشيل السيف ويسله في وجيـه اغـراب
واول ماقـوى شيلـه رفـع سيفـه وتحدانـي
علمتـه الرمايـه زيـن ولايتعـب ولايـرتـاب
واول ماقـوت يمـنـاه صوبـنـي ورمـانـي
علمته نظم الشعـر ولا يركـض ورى الالقـاب
واول ماكتـب بيتيـن كتـب عنـي وهجـانـي
علمته يعاف الغـدر ويوفـي بوعـده الاحبـاب
واول مافهـم قصـدي راح بعـيـد وخـلانـي
تعبت اوفي مع الخاين تعبت اصدق مع الكـذاب
تعبت ارجيه والجى له وهو مايـوم قـد جانـي
تعبت ابني صروح الحلم على شانه شقى واتعاب
ولا مـره شعـر فينـي ولا حـس باحـزانـي
غريبه كيف يتجـرأ يسـوي مارفضـه اجنـاب
وهو اقرب من النظـره لعينـي منهـا اجفانـي
انا اللي عشت له ديره عزيزه مالفاهـا اغـراب
وهـو كـان الوطـن اللـي نسانـي اوطانـي
سهرت الليل لعيونه رغم نومـي علـي غـلاب
مع هذا صبرت وقلت مـن شانـه انـا اعانـي
عيوني تنثر الدمعه وظني للاسـف قـد خـاب
وقلبي مات في سجنـه يـوم الحـب سجانـي
تموت افراح هالدنيا وانا كلـي بقايـا اسـراب
من هموما تعل القلب تشمـت فينـي عدوانـي
هناهم لا رأوا عيني تسهر في رجـى الاقـراب
وبكايا عندهـم يعنـي بقايـا عـزف الحانـي
سبب حالي خوي الدرب شمت فينـي الاغـراب
تركني بوحدتي اشقـى بصـده لـي وهجرانـي
زمن مايعتـرف بالذنـب ولايستغفـر التـواب
زمن لاجـارت ظروفـه تغربـل كـل اكوانـي
انا عمري غدى تاريـخ تضمـه دفتيـن كتـاب
على صدره كتب وافي وكـان الحـزن عنوانـي
اشرح فيـه معاناتـي عبـره ياأولـي الالبـاب
نهايتها ضياع العمـر فـي تدريـس صبيانـي
هذي قصتي باقسى مشاهد عشتها فـي عـذاب
بطلها شخـص علمتـه بعدهـا راح وخلانـي

ملطووووووووشه