ЯOoĐy ~
مـشـرفــ? آڷآقسـآمـ آڷعآمــ?
عدد الرسائل : 7565
العمر : 32
المزاج : يآ عَسَآنِيْ مَآ خَلآ فِيْ يُوْمِ . مِنِكْ :$
الاوســمــه : 
نقاط : 2496
تاريخ التسجيل : 23/02/2008
 | | موضوع: رســائل جوال ارسلت بـ الغلـط... الجمعة أغسطس 08, 2008 7:47 pm | |
|
ســـلامــــــ
--------------------------------------------------------------------------------
.........
يـــاصبـاح الفل/ مـسـاء الـخـيـر 
كيفكــم. 
 
اممم على توول بدخل ب الموضوع لاان الموضوع باين من عنوانهـ وهو ,,
((هل مره قد ارسلتي رساله لشخص وراحت لشخص ثاني بالخطــا))..؟ 
وجــايبتلكم بعض المواقف الي قد صارت للناس .. واااااي عسانا مانصير بمواقفهم 
رسائل جوال أرسلت بالغلط
(1) 
بنات كانوا في الجامعه شله وكانت وحده منهم عازمتهم وجت وحده من البنات كتبت
لصاحبة العزيمه (اذا انتي عازمه نجلاء انا ماراح اجي  ودبري لي اي عذر قوليه للبنات بصراحه انا استثقل دمها واذا ناديتيني مره ثانيه لاتنادينها واوعدك بجي اوكي) وارسلت الرساله لنجلاء :{ !! .....  <<<<أحـسن تستاهل 
(2)
وحده كانوا اهلها عازمينها وزوجها طالع استراحة مع اخوياه وما حضرالعزيمه هي بترقع له عند ابوها قالت انه معزوم على العشاء عند عمه وكتبت رسالة لزوجها ترى اهلي سألوا عنك دبرت لك عذر قلت لهم ان عمك عنده عزيمه ... وارسلت الرساله لابوها ...  <<<
(4)
مره انا كنت والده في المستشفى ووحده من صديقاتي الله يصلحها جالسه من العصر عندي يوم جت الساعه 11 مليت مره وهي ماعندها نيه جالسه تسولف مع امي وخواتي دق علي زوجي قال ابمركم شوي وهاذي ماعندها نيه تروح واقوم اكتب رساله لوحده من خواتي اقول لها
(( ترى فلان بيجي وهالنشبه مستانسه على الجلسه مليت منها الله يصلحها شكلها ودها تتسحر عندنا لاتسولفون معها عشان ماتستانس وتمل وتطلع الله ينشبها))وارسلتها لصديقتي :{ ..... :8: 
(5)
أرسلت لجارتي وقلت لها تجيني بعد المغرب تتقهوى عندي وأنا متعوده أرسل لها وخلاص تجي يعني مهوب لازم ترد علي ..وانا اللي عقب ماصليت المغرب أتجهز وأجهز قهوتي واجلس أحتري زوجي يطلع لأنه في ذا الوقت يطلع ..
والا هو جااي وجالس يالله وين القهوه ؟: أنا : أي قهوه ؟ هو : تستهبلين يا أم المفاجات الحلوه ؟ وبعدين استوعبت اني أرسلتها له بالغلط وسكت وما قلت شي  ,,:
(6)
كنت عند اهلي وقالوا لي خلي زوجك يجي  يتغدى عندنا .. رحت ارسلت له رسالة ( اهلي عازمينك على الغدا ) وراحت الرسالة.. وبعد شويه يرسل اخو زوجي رسالة مضمونها ( بأي مناسبة ؟) فشلة .  ..:
(8)
مره تخاصمت انا وزوجي  وكتبت رساله لاخوي اسب زوجي سب واعلمه اني بتثقل عليه ولاراح اعطيه وجه ..
تتتتخيلوا ...... الرساله راحت لزوجي  وزعل وارسل تهديد
وانا انطميت وسكت والله موقف لن انساه 
(9)
مره اختي مسافره برا وهي مديرة مدرسه .....
المهم جا وقت عودة المدرسات وهي كانت معطيتنا جوالها ....... فارسلت على جوالها رساله تقول لاختي الثانيه )يا فلانه ارسلي للمدرسات رسايل وقولي لهم يداومون احسن لهم ....مو اذا غاب القط العب يا فار )قامت اختي من السنع  ارسلت نفس الرساله لجميع المدرساااات ....يعني نفس النص ما غيرته وتعالوا شوفو الضحك والفشيله
(10)
انا مره اتصلت على وحده ماردت بعد شوي جاني منها مسج كاتبه
((يافلانه ترا فلانة (إللي هي أنا) ازعجتني بالاتصالات ومارديت عليها ))<<<أنـا حقدت عليها
والمشكله اني مادقيت الا مره وحده ..
عاد تحسبوني سكت ارسلت لها مسج قلت:
(( ربي باغي يفضحك ))
(11)
جتني رساله من رقم ما أعرفه بس تقول :
((مبروك ماجبتي وعساك طيبه وترانا فرحنالك ودعينا لك ولبنتك وعسى الله يخليها لك وترانا نبي نجيك بكرا))
على طول رديت قلت :
((تراااااااك غلطانه وعلمو الحرمه انكم تبي تزورونها ترى الرساله هذي ماوصلتها))
(12)
انا مره واحد ارسل لي رسالة بالغلط :
(فلان انت صاحي ولا نايم)ارسلت له : تراك غلطان رد :
( بلا استهبال جب معك فطور)
(13)
مره في العيد اخوي ما جاء هو وأهله لنا كان عنده شغل ماقدرالمهم اختكم في الله فيني رومانسيه زايده اقعد اكتب رساله كلها شوق وحب لأخوي .. وان العيد ماله طعم بدونك واشتقنا لك والمشكله ماكتبت اسمه لا .. كاتبه ابو عبدالعزيز ليتني كتبت اسمه ..واجي ارسل الرساله ورقم اخوي مميز يعني مايبيله حفظ واكتب الرقم وارسل .. يوم رحت للرسائل المرسله والقى رقم ماطلع اسم اخوي ..
يافشيلتاااااااه قلت الحين بيتصل علي ويغثني يارب مايكون واحد لعاب بس شوي واتصل نفس الرقم <<< جاك الموت ياتارك الصلاة ارد ماارد ارد ماارد .. ردي يابنت الناس واعتذري وخليك جاده ورسميه وقولي والله غلطانهيوم رديت طلعت حرمه ..السلام عليكمعليكم السلامأنتِ مرسله رساله لي ؟؟قلت لها غلطانه و اشوا انك حرمه والله اني كنت خايفه انك رجال الحمدلله طلعتي حرمه,,تتوقعون وش قالت ؟ قالت : انا كنت اتمنى انك تطلعين رجال بس للأسف طلعتي حرمه!!قلت لها ليش؟قالت انا رقمي رديف لرقم زوجي .. وزوجي اسمه ابو عبدالعزيز قلت يمكنك واحد من اصحابهمرسل له رساله وغلطان ,, لكن طلعتي حرمه والله لا يوريكم والله سوت لي تحقيق ولا المخابرات
انتِ مين ؟ انتِ تعرفينا وتسوين فيني مقلب صح؟؟قلت لها والله مااعرفك..غلطانه والله غلطانهقالت قولي الصراحه تعرفين زوجي ؟؟والله اني قعدت احلف واقسم ساعتين ماصدقتنياووووف اعوذ بالله شكلها مرررررره شكاكه حلفت لها مليون يمين اني مااعرف زوجها,,في الاخير عطيتها رقم اخوي قلت لها شوفي هذا رقم اخوي ابو عبدالعزيز اللي كنت ابرسل له نفس رقمك يا اختي لكن الاختلاف اخر رقمين بس انا عكستهم صدقيني,, اتصلي عليه واسأليهياالله بعد طلوع الروح اقتنعت وسكرت ,, لا .. ويوم اقتنعت تقعد تسولف معاي ,, تقول ارسلي رسايل حلوه ان كان عندك ,,<< في المشمش هذا اللي ناقص بعد ,,
(14)
امي ياحليل امي وخف دمه ا .. كنا عند اخوي وكان شديد علينا في الخروج لازم نستأذن منه .. المهم انه مو كل المساييير يوافق عليها
وكنا معزومين عند ناس ما يبينا نروح لهم .. عاد امي قامت تبي تدق على اخوي الثاني وتقوله بنقول لخوك انا عندك ونروح للي عازمينا قامت ودقت على اخوي الشديد تظن انه الثاني وقالت له اسمع حنا بنروح لفلانه عازمتنا ، اذا سألك اخوك قل انا عندك ..
ما درت انه هو الشديد ..
ضحك وقال ان شاء الله يمه دقت عليه مرة ثانية قالت : شف حنا بنروح لخوك فلان حتى دق عليه واسأله ..ضحك .. وقال إلعبي غيرها يا ام فلان انا اللي كلمتيه تو ..
قامت تضحك وقالت : اصلا امزح ماني رايحة لاحد <<<< ترقع
أن شاء اللـهـ مانشوف موااااقف زي كذا 
أنتظر ردودكـمـ
حـبـايـب قلبي 
عـنـوووودهـ | |
|
.×غرام اطـفـال×.
[ ڪبــَـَـآر آڷشخصيآإٺ ~ ]
![[ ڪبــَـَـآر آڷشخصيآإٺ ~ ]](https://2img.net/i/itest/ranks/default/default5.gif "[ ڪبــَـَـآر آڷشخصيآإٺ ~ ]")
عدد الرسائل : 1208
الموقع : ....
المزاج : ....
نقاط : -11
تاريخ التسجيل : 06/08/2008
| | موضوع: رد: رســائل جوال ارسلت بـ الغلـط... الجمعة أغسطس 08, 2008 10:12 pm | |
| | |
|
RoOona
عضۈٍ טּـشيط ~
عدد الرسائل : 33
المزاج : حاسس بتأنيب ضمير
نقاط : -3
تاريخ التسجيل : 02/08/2008
| | موضوع: رد: رســائل جوال ارسلت بـ الغلـط... الجمعة أغسطس 08, 2008 10:17 pm | |
| واااااااااااااااو
هههههههههههههههههههههههههههههه
فلللللللللللللللللللللللللللللله والله
وع فكره انا صار لي زي كذا وانتي عارفه الموضوع يارودي
الرساله اللي جات لخالو (ابوكي) بالغلط
مني
ومشكووووووووووره يسلمووووووووو خيتو | |
|
اعقل مجنونه
[ ڪبــَـَـآر آڷشخصيآإٺ ~ ]
عدد الرسائل : 3226
المزاج : مًزاجٍي قهوُهـ مالقتٌ من يحْليَها~ღ
نقاط : 121
تاريخ التسجيل : 21/12/2007
| | موضوع: رد: رســائل جوال ارسلت بـ الغلـط... الجمعة أغسطس 08, 2008 10:50 pm | |
| انا مره واحد ارسل لي رسالة بالغلط :
(فلان انت صاحي ولا نايم)ارسلت له : تراك غلطان رد :
( بلا استهبال جب معك فطور)
فطستني ضحك هي والام اللي دقت على ولدها
هههههههههههههههههههههههههههههههههههههههههههههههههه
يعطيييييييييييييك الف عافيه
يا كثر ما تصييير معي
قمة الاحرااااااااااااااج والله | |
|
ЯOoĐy ~
مـشـرفــ? آڷآقسـآمـ آڷعآمــ?
عدد الرسائل : 7565
العمر : 32
المزاج : يآ عَسَآنِيْ مَآ خَلآ فِيْ يُوْمِ . مِنِكْ :$
الاوســمــه :
نقاط : 2496
تاريخ التسجيل : 23/02/2008
| | موضوع: رد: رســائل جوال ارسلت بـ الغلـط... السبت أغسطس 09, 2008 11:27 am | |
| | |
|
روج احمر
[ ڪبــَـَـآر آڷشخصيآإٺ ~ ]
عدد الرسائل : 1059
العمر : 32
الموقع : ع اللاب
نقاط : 325
تاريخ التسجيل : 07/07/2008
| | موضوع: رد: رســائل جوال ارسلت بـ الغلـط... الإثنين أغسطس 11, 2008 5:31 pm | |
| هههههههههههه يسلموووووو عنووودهــ الله لا يحرج احد | |
|
ЯOoĐy ~
مـشـرفــ? آڷآقسـآمـ آڷعآمــ?
عدد الرسائل : 7565
العمر : 32
المزاج : يآ عَسَآنِيْ مَآ خَلآ فِيْ يُوْمِ . مِنِكْ :$
الاوســمــه :
نقاط : 2496
تاريخ التسجيل : 23/02/2008
| | موضوع: رد: رســائل جوال ارسلت بـ الغلـط... الإثنين أغسطس 11, 2008 8:24 pm | |
| هلا روجتي نوورتي صفحتي اللـهـ لايحرمنا من تواااااااجدكـ عـنـووووودهـ | |
|
