تصيح تقول يا(حرمه)،تحسب إنك تعايرنـي!!
شنبك اللي تفاخربه..ترى اللي جابته حرمـه
تصدق كذبتك دايم ،، مبـادئ حيـل تقهرنـي
(نقص عقلك مع دينك)،،ترى مليت هالكلمـه
ياجاهل فتح عيونك..ياويلك لـو تصاغرنـي
غضب،،تهديد،،وإستلمّه..وسمّه اللي تبي سمّه
أنا مليت من ظلمك يا(آدم) وش تصورنـي!!
أذا إني ناقصه بعينك،،وداعي منتهي الحكمـه
تراني ساكته بكيفـي ،، نصيحـه لاتفجرنـي
غضب شيطان ماميز ،،مابين الخال والعمـه
عيوبي طيبتي وقلبي..حنان وشوق يجبرنـي
علي عكـس تجي قاسي وكلن راضي بسلمـه
حسافه وقتي الفايت،،تذكّـر يـوم تِسهِرنـي
على قولة انا عاشق وحبك صابنـي سهمّـه
تذكّر يوم لي تركض ،، تقول يازيـن آمرنـي
على سنة رسول الله أشيـل الحمـل وآزمّـه
فرحت وقلت هذا اللي أبي في ظلّـه يسترنـي
اذا ضاقت بي الدنيا،، مسـح دمعاتـي بكمـه
أبي أنسى به الدنيا وأبي بالحـب يشعرنـي
ابيه يكون لي فرحـه إذا زاد الزمـن همـه
لكن للآسف غلطـه وهـم كـذاب ساورنـي
جزاتي والثمن عمري..وقتلت بخافقي حلمه
الأربعاء أغسطس 13, 2008 4:45 am![[ ڪبــَـَـآر آڷشخصيآإٺ ~ ]](https://2img.net/i/itest/ranks/default/default5.gif "[ ڪبــَـَـآر آڷشخصيآإٺ ~ ]")
