تبي تعرف من أنا ؟
أنا اللي ضيعت الهنا
أنا اللي خاويت العنا
وتبي تعرف من أنا ؟
انسان عادي ...ايه عادي
مثل أحمد مثل فادي
عشت بالدنيا بليا عتادي
وتبي تعرف من أنا ؟
أنا اللي حبيتك كثير
كثر مامر الهجير
وكثر ونات الضرير
وتبي تعرف من أنا ؟
أنا ضلك لامن مشيت
أنا ضحكتك لامن بكيت
أنا مجلسك في كل بيت
وتبي تعرف من أنا ؟
انسااااان ماهمه أحد
من الأحد لين الأحد
ما يخلف ابدن لو وعد
وتبي تعرف من أنا ؟
أنا شخص يبكي من القهر
على قلب أمه من صخر
تشوف المذله كل شهر
وتبي تعرف من أنا ؟
أنا اللي أردد ولائي للوطن
يحيا الوطن يحيا البطن
زيدي خُطن زيدي خَطن
وتبي تعرف من أنا ؟
أنا اللي في صدري أقوله
وكل مافي البال اطوله
وكل شخص وله ميوله
وتبي تعرف من أنا ؟
أنا الشخص المسافر لسراب
ويا الفرح قصدي العذاب
شيبت في عمر الشباب
وتبي تعرف من أنا ؟
شاعر كتب له خاطره
أو ما يجول بخاطره
دايم موسع خاطره
وتبي تعرف من أنا ؟
انسان رايح للفنا
يزرع ولكن ما جنا
مع كل هذا ما انحنا
الحين عارف من أنا ؟؟؟؟
![[ ڪبــَـَـآر آڷشخصيآإٺ ~ ]](https://2img.net/i/itest/ranks/default/default5.gif "[ ڪبــَـَـآر آڷشخصيآإٺ ~ ]")
الخميس سبتمبر 04, 2008 5:24 pm
