هلالي هلالي>>اشعار

ياجماعة كيف الأزرق مايفوز
والفرق من هيبته تلعب دفاع
للبطولة اصدر القاضي نشوز
لين طاعت للأوامر بانصياع
من خطبها قلنا هذا مايجوز
الهلال اولى بها وامره مطاع
صفحة التاريخ تكتب لك رموز
في سجلات الذهب قبل الضياع
المشاعر بالفرح قامت تنوز
ثم صارت بالسما مثل الشعاع
حب الازرق مانبيعه بالكنوز
من عرفته فوق راسي مايباع
الهلال للشعر يبرز بروز
يمسعه من كان في شتى البقاع
لو بغيت انظم قصايد ماتعوز
للهلال أبدعت قدر المستطاع
للشاعر / سعد نهاض ماجد العتيبي
__________________________________________________ _____
أرعدت وابرقت وارتجت الأرض
وخرج من وسط نجد سيف صقيل
الكل قالوا وش هالصارم البتار؟
طلعت الشمس وتبين انه عبدالعزيز
صدى صوته يقول ماياخذ الكاس
إلا رجال يستحقون رفعته
من يد من وصيته على حفظ البلد
وهذي وصية مني توارثوها للأبد
إنتخوا مغاوير بني هلال
وقالوا وين يروح كاس أغلى الرجال
بنحط رمز البطل بقلوبنا ونسَكِّر عليه
ونضيع المفتاح ولا عاد أحد يلتقيه
ومن بغى يشوفه بنظره عابره
بنو هلال شهامتهم حاضره
للشاعر / صالح الجوير
__________________________________________________ _____
تمتع واشعل الليتات واطرب
بناديك المخضرم والعريقي
بناديك الذي اشقى واتعب
جميع من قال أنا خصم عنيدي
تمتع يا هلالي بالهلالي
ترى ذا اليوم لك حظ سعيدي
تمتع دام هذا اليوم يومك
بفوز غالي توه جديدي
بفوز مستحق وبجدارة
وتوج بالذهب بحق وحقيقي
هلال ضم في جوفه كواكب
ونجم هاوي مثل الحريقي

للشاعر / إبراهيم بن عبدالله آل حميدان
__________________________________________________ ____
هذا الهلال اللي على الفوز معتاد
هذا الزعيم اللي يقولون وينه
له هيبة يرهب بها كل الاضداد
وارجال تصدق فعلهم خابرينه
الفرق واضح كل يوم ويزداد
بين النوادي والأسد في عرينه
الهلال ماله عن مشاهيه رداد
زعيم فوق الكل يمشجعينه
حقيقة بانت على روس الاشهاد
في ليلة تاريخها حافظينه
ليلة خميس وخير وبرق ورعاد
كأس الكؤوس اللي بقى جايبينه
اهلالها زاد المسافة والابعاد
بين الوطن واللي ترى امنافسينه
شلهوب موهوب لعب كيف ماراد
وصاه ذيب غاب يافاقدينه
نواف والجمعان للباب جلاد
له شوتةٍ حراسها خايفينه
وجمهور لون الموج ويهز الإستاد
واضعافهم في كل بر ومدينه
وابختصر قولي عن اهروج نِقاد
كبت المشاعر صعب يالايمينه
قول المثل معروف من عصر الاجداد
لعب الكعابة غلبة فيه شينه

للشاعر / فهد بن عقيل الطويان
_________________________________________________-____
ذيب على اسمك ما تهرول سماجه
تصغي لمدلول الهلال وتطيعه
الله يسمِّح غايتك بانفراجه
وتبسم لياليك باماني رفيعه
مجهود ربعك ماشكى من عواجه
ترجمته بصدق وفنون بديعه
رديت بالميدان قول السذاجة
روح احسود انهار يامن يشيعه
رسيت هداف بوجه العجاجة
واظهرتهم كل بجرم وذريعه
ذكرتنا بمحسن ومحلا انتهاجه
ليشاركه ناجي بهجمه سريعة
واعدت ابن مذكور بعز ابتهاجه
وجاسم ولد يعقوب ازهر ربيعه
جميعهم باسلوب سامي ومزاجه
اهزوجه اعجاب بالانفس وديعه

للشاعر / عبد العزيز بن احمد الفريخ
__________________________________________________ ___
تفنن ياهلال المجد وغرد بأعذب الألحان
ملايين البشر لعبك بكل جنون يهوونه
نحب مشاهد الكوره من اجلك يا ازرق الالوان
على خضر الملاعب فن غيرك ما يجيدونه
تلقب بالزعيم و بالسفير وللوطن عنوان
ولاعمرك خذلت اللي املهم فيك يرجونه
جميع الاندية تلعب ولكن رفس بالسيقان
كبير الفرق بين إمتاعك ولعب يعكونه
أنا اشهد يرتجف خصمك الى طبيت بالميدان
تحشره داخل الملعب نجومه ما يسرونه
بخطة قايد ملهم تثور وثورتك بركان
تلفت خصمك المنهك عسى الحكام ينجونه
يعيبونك عصابة جهل خاوين الفكر بهتان
بزعم افكارهم فعلك عن العالم يحجبونه
اقول معاند الواقع ومشي بالخطا خذلان
شليله بالصحافة في بلدنا ما يطيقونه
ومعهم شلة التحكيم تميل بكفة الميزان
يهينون الزعيم بصافرتهم ويتحدونه
ولكن الامل معقود في فيصل وفي سلطان
يوقف كل عابث عند حده ما يخلونه
نبي من قاضي الملعب عداله للجميع إتبان
عداله ترضي المهزوم والفايز يهنونه
ترى ترك التعصب يا جماهير الرياضة حان
سفير المملكة مفروض يخجل من يعادونه
سفير لاغزا يجلب بطولات مع الكيسان
ويرجع ذايع صيته ويسعد من يحبونه
هلابه وين ما يرحل هلابه راجع نشوان
على البث الفضائي كل خلق الله يشوفونه
يهلي به بنوا يعرب ومن في آسيا سكان
وكل عيال حام وسام هلال المجد يغلونه
تفنن ياهلال المجد وغرد بأعذب الألحان
ملايين البشر لعبك بكل جنون يهوون

للشاعر / تركي مسلم الفرج
__________________________________________________ __
هللي ياتباشير الفجر وغردي للهلال
وارفعي شجو اللحن بأحسن نشيد
للزعيم اللي لكاس فيصل شال
جابه هلالنا اللي عنده يوم عيد
صفقوا للازرق ياجماهير يارجال
وارفعوا الاعلام فوق عاليات البيد
موج ازرق يوم تحرك كالجبال
صال وجال وجاب اللي نريد
الف مبروك ياجماهير مني تقال
وللادارة والجهاز واللاعبين بهم نشيد
الله اكبر ياهلال كل ماجاء مجال
قالوا ماغير هلالها ذاك العنيد
للشاعر / زيد بن علي العيد

=======================


ما هي غريبة يا هلال البطولات
إنك تهز شباك كل النوادي
العب مثل ما تحب وقت المبارات
مضمون رفع الكأس بين الأيادي
أميرك محمد معك كل الأوقات
ولعيبتك ترفع رياضة بلادي
بكل دوري ترفع العز رايات
وغيرك بوادي وأنت بحر بوادي
ومن يقرب لموجك دخل في متاهات
ومن فكّر انه يهزمك كان غادي
لعيبتك تلعب بفن ومهارات
واللعب وقت الجد ما هو بعادي
صعب على غيرك وغيرك سهالات
وبعيون صدقي أحلمك مع رقادي
تبقي الوحيد اللي بوقت المهمات
تبقي الزعيم اللي تشرف بلادي
بلسان قلبي قلت أنا اعشقك بسكات
وجيتك على صدقي قبل ما تنادي
أنا أحبك وأعشقك عشق بالذات
لانك قيادي واميرك قيادي
واللي رفع قدرك لسبع السماوات
انك بطل وانك زعيم النوادي

==========================



جبت البطولة وانتشى الشوق يا هلال
شوق القصايد قام يرقص محله
كأس وذهب يلمع واقوال وافعال
تشفي خفوقٍ فيه ستين عله
يا هلال يا هلال الذهب دمت يا هلال
درب الذهب دايم تدله تدله
بأميرك النبراس ورجالك رجال
عالي سماك اليوم محدٍ وصله
عز وفخر انته يا عز ياعز الابطال
اسمك سما بالمجد المجد كله
انته فخر بحر انت يا هلال
زعيمهم غصبٍ على كل شله
الفال طيب وانت يا طيب الفال
نادي عريق ولا تعرف المذله
تأخذ بطولاتك انواع واشكال
تاج البطولة لابسه مستحله
اكتب قصيد فيك مسرور يا هلال
هذا قصيدي فيك يفداك كل
احبك والله يالهلال

====================

الهلال بعزيمته واصراره...

مايعرف طعم الهزيمة والمهانة...

بياسر وسامي يواصلون مشواره...

والا رئيسهم وصلهم طريق الزعامة...

واللي مايعرف الهلال زايدً هباله...

بقوته وزعامته وصل للعالمية...

زعيم الاندية وغطى عالقادسية...

والا رئيس النصر قعد يومين وقدم الاستقالة...

مانت قد الهلال في الرئاسة...

خلك بلعب الحواري وخياسه...

بلعبه وتكتيكه راح طريق الزعامه...

جعل الله يكتب في محمد موازين حسناته...

=====================

تحياتي فزوزهـ

يعطيك العافيه


قلبووووووووووووووووو

يسلمووووووووووووووو

سثيرررررررر