اعقل مجنونه
[ ڪبــَـَـآر آڷشخصيآإٺ ~ ]
![[ ڪبــَـَـآر آڷشخصيآإٺ ~ ]](https://2img.net/i/itest/ranks/default/default5.gif "[ ڪبــَـَـآر آڷشخصيآإٺ ~ ]")
عدد الرسائل : 3226
المزاج : مًزاجٍي قهوُهـ مالقتٌ من يحْليَها~ღ
نقاط : 121
تاريخ التسجيل : 21/12/2007
 | موضوع: احلا قصايد لاحلا ناس  السبت يناير 12, 2008 12:08 pm | |
| مرحبا احلا شعب بالعالم
اليوم جايبه لكم موضوووووع رايق للناس الرايقه مثلكم
ترا متعوب عليه بليز ابي ردود حلوه 
نبتدي بالشاعر الكبير
الشاعر ( سعود بن بندر ) ..
دنياك حلوه . .
لا تهمك ( ظنونك )
لاخير فيها , كان خان القدر فيك .
حرام اشوف الدمع
.. يملي عيونك !
يامالي قلبي من الحب
. . . , وشفيك ؟!
تقول حظك / ياحياتي
يخونك ..!
وش قولتي في حظي
اللي " غدر " فيك !
ترى شجوني زودتها / شجونك . .
خذ قلبي , العب به . . لعله يسليك !
______________________
حبيت قربك
, ولا ادري ليش ..!
ترتاح لمشاهدك , عيني . .
دخلت في مهجتي
. . بشويش ,
وحبيتك بكل , ( مافيني ) !
جنبك بديت استلذ / العيش
واندم , على ماضي سنيني
قبلك حياتي .. مضت
. . , في طيش !
ياليت عارفك من " حيني "
ذي قصتك :
وانت رايك ايش !
آمين ,, لك رغبه فيني .
, وعلى حرير
ومخدة ريش ,
سلمتلك , القلب بـ يديني !
******************
تخطي علي ,
واستسمحك / وترجاك !
ضعفي هواك وفطنتك ماتخونك . .
[ المشكل ]
إني كل ما جيت ابنساك .
فكرت نفسي كيف , ترتاح دونك !
وما ظن لا هـذا ولا ذا ولا ذاك
~ واللي سمعت بذكره ,/ يعوضونك
تدري إني أعشق فيك شامل سجاياك
زينك وشينك في قساك و ليونك !
وإنـي متيم في " محاسن " محياك
وتعرف علي وشلون ( سلطة ) عيونك ,
تامرعلى من موقها الموت , هـذاك
واطاوع امره قبل ترمش / جفونـك !
* رديت قلبي عنك
لاشك . . , هو جــاك !
وجيتك معه راضي بمقبـل طعونك . .
ارجع واقول
اهواك
واهواك
واهواك
وبكفيك اتعذب / ولكن بهونك ؟!
*************************
من لقيتك !
زاد حبي للحياة ,
وقبل اشوفك فاقد شي كثير ..!
هذا هو المضحك , المبكي ؟!
سبحان مغير الاحوال . .
اللي من اول
. . ~{ علي يشكي ,
اليوم اشكي عليه / الحال ..!
ويلك ارحمني
. . . . . , ولا تشق الخفوق .
( حبك ) ارغمني على غض البصر
حبك اللي تدعي
. . هو حب ذاتك .!
ومن يحب ذاته مايخلص لـ غيره ,
يسري غرامك / بالدما في الشرايين
مسرى المرض في جسم , من حس " عله "
*************************
الشـــــــــــــــــــــاعر :سالم سيار
( نعم بالظبط )
مثل ماكنت انا اتوقع
. . . . . . . . علي صرتي !!
قلبتي صفحة الجرح الاخير
وانتهى عمري !
فتحتي ستارة الإحساس
. . ومثلتي
. . وابدعتي
وشعوري كان لك جمهور : (
واسدلتي الستاره
بـ / دمع من عيني
وطفت عيني
وقبل تمشين
صفقتي
صفقتي
صفقتي
************************
خلاص الحين بس الحين
, عرفت شلون امطارك
تصب هناك لكل النـاس
وتنسى تروي ترابي
تعال وشوف برواز / العيون
وفيه انظارك !
هو التذكار مدام انت النظر
~ وتجمل اهدابـي
اشوف بس أخذ الاشواك
وغيري ياخذ ازهارك !
ياطيبي }
كنت احسب الجرح منك حيل يزهابي
************************
ليــه ..!!!
هذا هو اللي تبيه .. ؟!
اني ارحل من حياتك
واشعل عيوني بـ ليه..!!
بذمتك هذا كلام ؟!
اني ارجع من جديد
ارجع افرش كل تعب
~ عمري وانام ..
وين اروح .. ؟
شلون اجيب لـ قلبي المجروح ..
( روح .. )
هذا هو اللي تبيه ..!!
**********************
الشــــــــــــــــــــاعر : احمد الصانع
ما أبي من زود حُبي / أربكك !
لمَّا تسألني أحبك ؟! قلت " اموت " !!
إنت مثل " الحلم " ولمَّا أمسكك
أدري إنِّك واقع / وتطري البيوت
يا عيون الريم وشلون أشبكك ؟!
من يشوفك قال : ما شا الله توت ..!
إنت فكره و ماني قادر أحبكك
فوت في قلبي / بلا إستئذان فوت !
في حياتي , صرت دايم ( أدركك ) !
أشبعك وأجوع لك وأعطيك " قوت "
لو طريقك يتعِب القلب أسلكك
بعد صوتك ما يعوِّض أيّ صوت
**********************
موَّت غيابك
سوالفـ في [ حشاي ] !
كيف ترضى غيبتك تقسى علي ؟!
ماني متخيِّل أشوفك مو معاي !
ياللي تسوى في عيوني " كل شي " !
الشتا , فرقى عيونك يا دفاي !
ما يموت الحُب / ونبض القلب حي !
************************
صدقيني حيل .. [ أحبـك
. . . . . والوعـد يوم القيامه
ويل من هو كان يكْذِب
. . . . . وكانت ذنوبه جريده
إتركيني لجل عينه ..
كان لك حُبه إبتسامه
المهم إنك تكوني يا بعد ( ... ) سعيده !
إنسي اللي صار كله
وصيري له منبع هيامـه
وإن ذكرتيني بغيابي
قولي عن روحـي فقيده !
ما أبي من قلبك إلا / طول عمره والسلامه
~ خَلِّي بالك من زمانك دنيتك هذي عنيده ..
******************************
كيف أعبِّر عن شعوري
. . . . . . . . . . ( و أملكك ؟!
خايف أتكلَّم / يداهمني .. السكوت !
لو يقولو ..
[ يا أموت أو أتركك ] .؟!
والله إنِّي من غلاتك .. راح أموت !!
**************
المشاعر من غيابك يا دفا إحساسي
. . . . . . . . . . . . . . . . . , جليد !
طحت من عيني لـ / قلبي
وما قدرت إنِّي أشيلك !
يشهد الله ..
من رحلت وفي حياتي ، لا جديد ..
وكل ما ألمَح سرابك ..
,/ أرتِبِك
الله وكيلك !
*************************8
تصدق حيل انا تعبان
. . . . . . , ولكن ( ماابينلك ) !
ابيك تحس من كيفك . انا مابي المحلك ,
ترا المفروض تتكلم ؟!
,/ عن اللي فيني تسألني . .
اذا انت انسان ماتفهم , شسوي فيك علمني ؟!
بديت اخاف انا منك ,
احس انك سهل تنسى !
شقول اكثر بعد عنك / وانت من الصخر ( اقسى ) !
انا غصب علي عايش
. . . . , غصب متحمل طعونك
يجيني سهمك الطايش و اضمه لـ خاطر عيونك !
********************
حالتي صعبه / بدونك ..
وكيف حالك يا بعيد ؟!
أشتكي منِّك إليك ..
ومن جروحي , أشتكيلك !
والله ما قصرَّت فيني بس ..
,/ ودِّي لو تزيد !
يعني " إذبحني "
وكمِّل يا بعد قلبي / جميلك !
*************************
. . كِل الأغاني
وخاصةً " جُروج وسّوف "
لو نَويتْ تِنسى اللي فات
واللي كَانْ .. والذكْرَيَاتْ
وإنُّ غِيرِي خَدْ .. مكاني
وتِسْألني عَنْ حَالي !
~ أنا حالتي زفتْ
ما هو قهر عادي ولا صفقَة كفوف
شفتك مَعَ غيري / وتمنِّيت : ما شفت !
*****************************
تَعَلَّم قلبي مِنْ إيدك
على كِل ما مضى [ يندم ]
زرعتِك شُوق ..
أتحرى حضورك , وأثمر غيابك !
تِحَمَّلتِك / ولكنه ..
جُبرنـي الجـرح : أتكلم
خيانـه شِفتهـا مِنِّك ..
~ عِطِرهَا , تارس ثيابك
[ بنيتِك ] حُب في قلبي
وإنتَ .. حضرتِك / تهدم
كرهتِك حيـل صدقني !
. . وكِل هـذا مِن أسبابك
تقول : آسف ..؟! يا خلف الله !!
بقى بـ ( وجه ) التسامح / دم ...؟
أسامح كِل شي إلا الخيانـه , ونشوة إعجابك
*************************
قلتي ..
" أحبك "
من بعيد و . . . . ضعت
شوفي عاد , لو من قريب ؟!
ما تغيب أحلام قلبي في وجودك
لك أسلِّم نفسي , أربطني بقيودك
جابك الله ..؟
مدري لي جابك نصيب !
المُهم أسمع / " أحبك "
**************************8
تغيَّر وجْهَي !!
مِنْ أوَّل غيابكْ و / إبْتِدَى التأثير
حبيبي . .
مِنْ التَّعَبْ كافي !
خذيتْ اللِّي " يكفيني "
يا أغلى مِنْ رَحَل عنِّي
, / يا كِلْ الحُبْ والتقديـر
تعَالْ : إنْ كان لِي عِندِكْ مَعَزَّه
~ وكان تغلينـي !
تعَالْ : إنْ كِنتْ تعشقني
~ وإذا فِعلاً تبي لي خيـر !
تعَالْ : ومِدْ لِي كَفْ الوَصِلْ
~ وآمِدْ كَفينـي !
إذا كانْ الجِفا واجِبْ
. . ( بدى ) مِنْ قلبي التقصيـر ,
أبيكْ الحِينْ / تِرجَعْ لِي
ولا تِرجَعْ . . . تخليني !
أنا ما أقولْ اللِّي صَار فِيني
. . , ما هقيته يصير
لأنِّي كِنتْ , ( مِتأكِدْ ) : بأنْ البُعد ينهينـي !
***************************
كِذَبْ .. من قال : ما أحبك .!
, وفيني ( ما أظنَّه ) حس ..
كأنه حْبَّنا جيشٍ كبير : وحضرته / جاسوس !!
حبيبي . . .
طالبك لقِّن عذولي و حاسدي كم درس ..
أبي ترجع و تقراني من " عيوني " بلا قاموس ,
يا غالي . . .
وش تبي أكثر ؟!
يا (( سادس )) هـ الحواس الخمس !
فراقك حلم أزعجني ويجيني دوووم هـ الكابوس ,
غيابك : ليل يا وجه القمر
. . . . . . , وإلا يا طهر الشمس ..
سواد / وظلمةٍ عيَّى يفيد
. . . . . . . , ويضوي الفانوس ..
كِسَرني البُعد و أشواقي !!
~ رغم إنِّي " عزيز النفس "
حبيبي . . .
كل ما أنسى ؟! , يذكرني بك الطاووس
******************************** | |
|
! .. мaч
آڷآدرآـ? ~
عدد الرسائل : 2372
المزاج : طَيشً على ج ـدّيهَ
الاوســمــه :
نقاط : 720
تاريخ التسجيل : 07/12/2007
| | موضوع: رد: احلا قصايد لاحلا ناس السبت يناير 12, 2008 12:26 pm | |
| وااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااو :17: :17: :17: :17: :17: كل ماقلت هذا يجنن يجيني الي بعده خيااااااااااااااااااااااااااااااااااال  روعه روعه روعه اتعـــب والله وانا اقول روعه  هذا هو اللي تبيه .. ؟! اني ارحل من حياتك واشعل عيوني بـ ليه..!! بذمتك هذا كلام ؟! اني ارجع من جديد ارجع افرش كل تعب ~ عمري وانام  وربـــــــــــي ابـــدعتي ومــو جديـــد عليك الابداع انتي وشو الي فيك مو ابداااااع :17: تسلم اناملك الله لايحـــرمنا من هيك موازيع :17: تؤبري قلبي انتي الي تؤبريه مو حفار القبور   تقبلي مروري | |
|
اعقل مجنونه
[ ڪبــَـَـآر آڷشخصيآإٺ ~ ]
عدد الرسائل : 3226
المزاج : مًزاجٍي قهوُهـ مالقتٌ من يحْليَها~ღ
نقاط : 121
تاريخ التسجيل : 21/12/2007
| | موضوع: رد: احلا قصايد لاحلا ناس الأحد يناير 13, 2008 10:08 am | |
| | |
|
دكتور المجانين
مـرآقبـ? عآمــ? ~
عدد الرسائل : 776
الاوســمــه :
نقاط : 145
تاريخ التسجيل : 13/12/2007
| | موضوع: رد: احلا قصايد لاحلا ناس الثلاثاء يناير 15, 2008 1:40 am | |
| | |
|
فلسـفه رووح
مـشـرفــ? قـڛــم الشـ ﻉــــر ~
عدد الرسائل : 3816
العمر : 32
الموقع : مع انفـــآإآإسهـ
المزاج : مجنون حبكـ .. ياسبايب جنووني ...
نقاط : 1356
تاريخ التسجيل : 07/12/2007
| | موضوع: رد: احلا قصايد لاحلا ناس الخميس يناير 17, 2008 7:15 pm | |
| الللللللللللللللللللللللللللللللللللللللللللللللللللللللله >>>>>تدروخت على الكيبوورد
:17:
قـــــــــــــــــــــــــــمه
رووووووووعـــــــــــــــــــــــــــــــه
خـــــــــــــــــــــيــــــــــــــــــــــــــــــــــــــــال | |
|
اعقل مجنونه
[ ڪبــَـَـآر آڷشخصيآإٺ ~ ]
عدد الرسائل : 3226
المزاج : مًزاجٍي قهوُهـ مالقتٌ من يحْليَها~ღ
نقاط : 121
تاريخ التسجيل : 21/12/2007
| |
