الا يا شعري احكـي لـه عـن اللـي ميّـت شعـوره
لقـى بالعيـد أحزانـه تشـبّ النـار فـي صــدره
أزيف الفـرح وشفآتـي علـى الضحكـآت مجبـوره
لاجل ما يُكْشفِ الخآفي وحِزنـي يبـآن لـلـ/ أُسْـرَه
ما كنِّ البسمه الا طفـل .. أعمـى ورجلـه مبتـوره
لو ان الدنيـا بـه دارت يظـل معـاق مـن صغـره
وفـرح العيـد ماهـو الا جنيـن وطالـت شـهـوره
لآ هُوْ اللي رَأَىْ الدنيـا ولآ هُـوْ اللـي نفـذ ْ صبـره
غريـب الفـرح لـو غيـري بكـل لحظاتـه يـزوره
وانـا بالعيـد خلانـي بقـمـة شـوقـي انتـظـره
ولا جآنـي وبكآنـي وخــلآ روحــي مقـهـوره
وقلبـي مـن كثـر حزنـه تزيـد بكيّـتـه جـمـره
ونظرة عينـي .. يالنآظـر بعينـي .. شفْهـآ مذعـوره
كـأن ابليـس زاورهـا و دَبِّ الرُعْـبِ فـي النظـره
ووجهي لو تشوفـه قلـت .. عنْـه ديـآر مهجـوره
رَحَلْ مِنْ كآن يسكنهـآ وماتـت مِـنْ بَعَـدْ هَجْـره
وصوتي كنّه لمـا شفـت " جـدّي الميّـت " بصـوره
وتِحَشْرَجْ صُوتي واجتـازت دموعـي حاجـز العبـره
[ ثـلاث اعيـاد ] مرّتنـي وهـي بالحـزن مغمـوره
بَهَـآ اتمنّيـت لـو إنّــي ألاقــي لفرحـتـي ذرّه
وشوف اقْطآر عيدي مَـرْ .. ولا لـي فيـه مقصـوره
وفاتت رحلة الفرحه بعيد الفطر ... / يـا حسـره .. !!
تزلزل خآفي شُوْفَـة ْ.. / وسيـم .. وبنـت مغـروره
يقول : " أحبّك " وخِجْلَتْ .. وصآب خدودهآ .. حُمْرَه
وانـا همّـي قِتَـلْ حُـبِّ الفـؤادُ وجَفَّـفِ زهـوره
وحرمنـي شـوف محبـوب ٍ تِعَطَّـرْ كُونـي ابعطـره
وصـرت افْبُعْـد ِ محبوبـي بقآيـآ اشـلآء منـثـوره
ضحيّـة حِلْـم مـا اتحقّـقْ وظنّـيْ منتهـي أمْــره
ومَـرْ اليـوم والثآنـي ينآجـي الشعـر وسـطـوره
عسآ انـه يِحَقّـقْ آمآلـي ويلقـى افرآحـي ابْشَطْـرَه
ولكـنْ خآبـت ظنونـي فخَلّـيْ الحالـه مسـتـوره
يكفّـي الحـزن بآغتنـي وطَعَـنْ أفرآحِـي ابـغـدره
ورآح العيـد وقْلُـوبِ الخلآيـق حيـل مـسـروره
وانا بـي ونّـه لـو جـدّي سمعهـآ قـآم مـن قبـره
الثلاثاء أكتوبر 14, 2008 7:49 pm![[ ڪبــَـَـآر آڷشخصيآإٺ ~ ]](https://2img.net/i/itest/ranks/default/default5.gif "[ ڪبــَـَـآر آڷشخصيآإٺ ~ ]")
