هذيـان التنكـْ

موضوع: هذيـان التنكـْ السبت يناير 30, 2010 8:31 pm

قصيدهـ للشاع‘ــر المبدع
"ســالم السيــار"
هذيــانْ التنكـْ

كل ماطار الفراش أع‘ـرف إن أمي طفت
يمه ويني ؟؟.. يمه .. يمه ويني
نامت سنيني علي تلتحف من برد ع‘ـمري
مامعي إلا ع‘ـيونك .. تقطر الدمعه في بالي
تطفي البرد ويجيني زولك بداخل ع‘ـيوني
أح‘ـضن عيوني وأنام :(
تهزهزي البرواز أدري
صح يمهـ ؟؟
مثل ماكنت اتهزهز باغ‘ـنياتك
يمه نامي تمشط الصوره عيونك
مجدلهـ شيبك تقولي آآآآآه يانثر نتثرته
تفتح‘ـين كروت عرس وترسمين بشوت عرسي
ألبس الاسود في بالك
ألبس البني في بالك
ألبس الابيض ترفضين
الكفن يطري في بالك
صح يمه ..؟؟
يمه أدري همك هو وج‘ـودي
هو زواجي
تشوفي ع‘ـيالي وتموتي
غربيني لالمحتي شروق ربعي
تلملميني من زوايا البيت ح‘ـتى
تتجه للقبله روحك
تلتقي وياها روح‘ـي
بكل صلاه
واعرف انك بآخر ايام الضوى
طافي فيك الفراش
كل ماطار الفراش اع‘ـرف ان امي طفت
ضايقه من التنكـ يومه
ايه انا ادري ضايقه من التنكـ يمه
كحتك كنها بصدري
آه لو اني ع‘ـنك شلته في ضلوعي
وجيت اسيل
صدق تعالي
موع‘ـدك عند الطبيب
اذكر إني مسجله في شهر تسعه
رحتي يمه ولا طاف ؟؟
لايطوووف
أدري ماع‘ـندك يايمه
غيري أحد ياخذ الكرت ويجدد كل مواعيد الطبيب
يمه نامي .. يمه .. يمه نامي
الأسر هو نام فيني
والله مايقوى يزعزع شخص رابع من ح‘ـليبك
او يمس يايمه شعره
شعره من ونات شيبك
قولي أقدار وخ‘ـذتنا رحنا أسرى
ويعني أسرى
ماهو لازم مثل هذا اليوم نعرف
من ع‘ـدوك من صديقك
يعني أسرى
يعني جوع ماأجوع
وانتي اصلا تذكرين
عزة النفس ويميني
ماوصلت أكل ٍ ولو هي
نفسي تدفـع‘ـني عليه
يعني حريه يايمه
اجمل الحريات والله
إني اغيث كل ع‘ـمري
ولايتضايق صدر شارع
من رئة خطوات شارع
طاته مسلم مانطق الا الشهاده
باصبع‘ـه ووقف فجر
لاغسلك الدمع يمه قولي فدوه
فدوه لعيون الشواطي لاغسلها المد قامت
توقظ الناس الناس بفرح‘ـها
بعد ماكانت حزينه
ادري همك هو زواجي هو وجودي
بتشوفي ع‘ـيالي وتموتي
مثل همي إني اشوفك قبل مايطير الفراش
خلي همك إني طالب يد بلادي
ومهرها أبقى أسير
ح‘ـتى لو طار الفراش
....
انت وينك ؟؟ انت وينك
من زمان كنت أدور في وجيه الناس عنك وجهي
ولالقيتك
في زوايا البيت أدور
في الشوارع في الصباح الي تشرب غ‘ـترتك
بالمكان الي فرشته بالجريده
لما تقراها وتشرب كل صباحي قهوتك
آخذ الفنجان حتى تقرى حظك لي عجوز
ترفع البسمه تقول فيها لك شي يتح‘ـقق
وفيها له شي ثمين
ليه ماقلتي فيها لي شي بيتهدم
وفيها له شي حزين
أدري كنتي تكفرين
إنت وينك تسأل الأشجار عنك
لما ترمي فوق ظلها كل ظلك
لما تسقيها بدمك هي تبلك
تنح‘ـني لك
تدري إنك لو تغيب ينكسر طير
وتموت
إسأل الأيام عني
اسأل شفاهن هجرها
من بعادك ماي بارد
ليه تتركني أتوسل
واتسول في عيون الناس
اطلب منهم حفنة حنان
انت وينك ماتركت إلا بعباتي
ع‘ـطر جسمك من صلاتك
شعرتين بكف مشطك
صافني وسط بالي
واتذكر .. يالله يمه .. يالله يمه اخطبيلي
والا يعني ماني رجال بعيونك
شفتي شعرك الا افله الا افله في زواجي
انت وينك هذي دارك ماتغير شي فيها
هذا بوكك هذا عطرك هذا مشطك
الا ساعه يوم طاحت من يديني اتكسرت
لاتخاف جبت ساعه تشبه الي تكسرت
انت وينك ماتركت الا عيونك داخل البرواز
تتبع وجهتي من وين أروح
ماتركت إلا عيونك داخل البرواز تسأل
يمه ويني
إنت وينك ؟؟
هذيـان التنكـْ 668198

اعجبتني فحبيت انقلها لكم
محبتكم
طعومه
لارواحكم
هذيـان التنكـْ 225335

اااااااااااااه فضيعه

احسااااااااااااااااسها قوووي ...

بقوه دخلني جو مع القصيده ...

يكفي انها لسالم السيار...

سفير الاحساس الراقي هذا الانسان فضييييييييييع بمعنى الكلمه ...

هذيـان التنكـْ 901209

الله يحفظ امهاتنا كلنا يارب

طعومه دوم ابدعيلنا ياذووق

مع ودي :
فلسفه رووح