تعبت أشكي روايه سعوديه جناان والله ماراح تندم إنك قرأتها

تعبت أشكي (قصة سعودية)
للكاتبة: وصيت قلبي عليك

الجزء الأول أم حنين\تكفين حنين خلا ص لاتصيحين أنت الكبيره لازم تصيرينقويهحنين وهي تصيح\يمه خلاص اناتعبتمانيقادره استحملتعبتمنكل شيتعبتمن ابوي اللي مايدري وين الله حاطه فيه ومنعمامياللي مش راضين يعترفون فينا اه اه يمه كل شي فوق راسي فواتيرالماي والتليفون والكهرب انا اللي ادفعهم حتى الماجله (اغراض المطبخ)انااللياشتريهاوبعدين فلوس الدروس الخصوصيه ماتكفي الا حق اكلناوشربناليش احنا من بد خلق الله مكتوب لنا الشقه والمذله ليه؟؟أمحنين\خلاص يمه قطعتي قلبي هذا اللي الله كاتبه لنا واحنا مانقدرنعترض علىمشيئة الله الحمد لله على كل حال ياحنين يا حبيبتي في ناساقل منا لا بيتيضفهم ولا احد حاميهم غير الله سبحانه والحمد الله عايشين على الله… قوميحبيتي غسلي وجهك وصليلك ركعتين وذكري الله الا بذكر اللهتطمئنالقلوب......

وقامت حنين وسوت عالى اللي قالته لها امها وارتاحت نفسيا وحستانحمل كبير انزاح منها.....

وهذا حال عايلة حنين اللي كانت كل يومتعيش مـــأساه جديده....

وبقولكم نبذه عن كيف بدت هذهالمأساه:

يوم جاء يخطب (سعد )ابوحنين(حصه ) ام حنينكانت حصه معارضهالفكره اولا لأنها كانت صغيره على الزواج وثانيا لأنهاكانت عارفه بأخلاقوطبايع ولد عمهاالشينه هذا غير ان في وحدهمنبنات عمها حاطه عينها عليه بسأمها أصرت انها تتزوج لأنها دائماكانت تقول:لا غمضت عيوني من الدنيابتصيرين وحيده لأنه كلن بيكون لاهيمع عياله وماكان عند حصه الا أخواواحدواسمه عادل توه متزوجوفعلا تزوجت حصه سعد وبدت المأساه وعاشت طولعمرها بمذلهواهانات مالها اول ولا اخر وكانت كل يوم يصبح عليها بضرب ويمسيعليها بضرب علشان أسباب تافهه جدا وكانت ماتشوفه الا تالي الليلحتى شغله فنشوه لأنهم دروا بأنه يشرب الخمر في الفتره الأخيرهوطبعا انتوا بتسألون كيف عايشين بدون دخل مادي؟؟؟كانت ام حنينعايشه على الله ثم الورث اللي من امها...... وبعد كمشهر حملت حصه وفرحتكثيير لأنها حست ان الله بيعوضها بطفل يمليعليها دنيتها بدال زوجهاوبعدشهور ولدت حصه وجابت حنين اللي كانتبمنتهى الجمال والنعومه كانت تشبه أمهاكثيير خصوصا في عيونهاالسود وبياض بشرتها وشعرها اللي يشبه سواد الليل ....وكانت تتوقعحصه ان الطفل بيقرب زوجها منها بس طلع العكس تماماحتى لحدالحينماتنسى يوم دخل عليها زوجهاعشان يزورهافي المتشفى لأنها ولدتوكان مره معصب والشرار يطلع من عيونه....

ام حنين تبي تلين قلبه: سعد ماقلت لي الحمد لله على السلامه؟تبيتشوف البنت؟ابو حنين:وليهاتحمدلك بالسلامه وبعدين من حلات الليجبتيهاعادعلشان اشوفها ؟امحنين :خاف ربك هذه ضناك!!!!

ابو حنين:اقول بس اسكتي لابارك الله فيك انت معاهالبنت سودتيوجهي قدام الناس

تركها وطلع وهي في غمرة احزانها مصدومه مشمصدقه ان في قلب يكرهه عياله ومايعترف فيهم بس ماكانت تقدر تقولالاحسبـي اللــه ونعـم الوكيـل

يتبع في الجزء الثاني

الجزء الثاني
ومرت الأيام والسنين وصار عندهم بنتين الي هي (حنين)عمرها 24سنه مأخذه بكالوريوس رياضيات وتدرس دروس خصوصيه
و(العنود)وعمرها18 سنه ثالث ثنوي علمي
(عمر)وعمره 17سنه ثاني ثانوي علمي
(سمر)اخر العنقودعمرها 5سنين......
الأحد السادسه والنصف صباحا
العنود\يمــه يمـــه
دخلت حنين الغرفه\وشفيك تصارخين كأنك ضاربك بليس؟؟؟
العنود\مـالك شغل ليه أصارخ.. انا ناديت امي ماقلت حنين..
حنين\طيب يالعنود انا اراويك وبعدين لا تجين وتقولين لي حنين حبيتي عطيني مكياجك ولا حنين عمري عطيني استشوارك
وطلعت حنين من الغرفه وهي معصبه وبعدها على طول اطلعت وراها
العنود ونقزت في ظهرهاوقالت \حنونه لاتزعلين مني والله اسفه انا كنت معصبه لأن مريولي مالقيته وبس وحطيت حرتي فيك تكفين لاتزعلين انا بدونك ماسوى نص ريال في سوق الحراج و..
حنين تقاطعها\خلاص حبيبتي لاتذلين نفسك أكثر من كذه واذا تبين مريولك تراه هوفي الصاله لأني كنت أكويه لك ياغبيه
العنود\ اذا كل يوم بتكوين مريولي اصير غبيه واللي تبينه بعد وتسلمين يابعدطوايف وقلب وروح وجدة وخالة......
حنين تقاطعها \ بس بسس اذتينا على الصبح يالله صباح كريم .... اقول عنوده تسمعين اللي اسمعه؟؟هذاصوت امي تصحي عمر؟؟
العنودبأبتسامه خبيثه\يالله حان وقت العمل...فيني حره وودي اطلعها فيه
دخلوا غرفة عمر وهم حاملين بأيديهم سطل ماي بارد(الله يعينك عمر)
ام حنين\يمه عمر قوم يالله صل الفجر علشان تروح المدرسه
العنود وحنين\يمه عنك احنا بنقومه روحي خذي الدوا و جهزي الفطور
ام حنين\بسم الله الر حمن الرحيم من وين انتوا دخلتوا؟
العنود\ من وين يعني يمه من الباب
ام حنين\طيب صحوا أخوكم بس و بلا دفاشه زايده عن اللزوم
حنين\انشاء الله انت تأمرين امر يالغاليه
طلعت ام حنين من الدار وعلى طول عدوا 1\2\3وكبوا الماي في وجهه
عمروهو يصرخ\الله يأخذكم يالحميرليه تسون كذه؟؟؟؟؟
العنود\بس علشان مره ثانيه تصحى بسرعه o.k my brother…
عمر\هين والله لراويكم الشغل عدل وحده بوحده واللي بادي أظلم ياللي ماتستحون................................
حنين\يمـــه خرعتني اقول بس قم بسرعه تأخرت على الصلاه والمدرسه
عمر\زين زين فكوني من حشرتكم طلعوا بره
وبعدها راح كل واحد منهم لدربه

وصحت سمر من النوم وطلعت من الغرفه وراحت الصاله وشافت هناك امها وحنين............................................. .....................................
واللي يشوف شكلهايموووت من الضحك لأن طالعه زي المهرجان الكشه ناطه والعيون والخشم منتفخين
سمر\ماماتي وين عنوده وعمر؟؟؟
ام حنين \حبيبتي راحوا المدرسه
حنين\سموره تعالي
وعلى طول ماصدقت خبر سمر طارت لحظنها
سمر\حنين انا احبك
حنين\وانا بعد يالله عطيني بوسه
وعلى طول حبت سمر حنين بقوه وبعدين عظتها
حنين\اي حرام عليك ليش تعظيني؟
سمر \عنوده تقول كذه
حنين\لا والله
سمر\اي والله
حنين\يمه شوفي بنتك فشلتنا كل تعظظ البزارين اللي في حارتنا علشان الانسه عنود معلمتها هالحركه
ام حنين\لا عاقله سمر ماتسوي هالحركات صح سمر؟؟

سمر\صح ام حنين\ يالله حبيبتي روحي شوفي MBC3جابوا الكارتون اللي تحبينه
سمر\طيب ماما
حنين\اقول يمه وش قلت نروح بيت عمي والا لا؟
ام حنين\والله مدري انت شرايك؟؟
حنين\انت قلت لأبوي ؟؟؟
ام حنين\ايه قلت له وهو بيروح
حنين\طيب انا لازم اخذ اخواني واروح السوق عشان نشتري للعزيمه
ام حنين\ليه ياحنين؟؟ ماله داعي تشترون ملابس جديده وانت تدرين بالحال...
حنين\ ولو يمه مافي أحد أحسن من أحدوبعدين مابي أخواني يحسون

ان هم احسن منا انا على الاقل انا فاهمه بس اخواني صغار ومايفهمون وأكيد بيحسون بالنقص
حنين\يمه تصدقين انا اصلا مستغربه بالعزيمه المفاجئه ....غريبه هم
أصلا مقاطعينا من زمان ولايعترفون فينا ولا في ابوي كيف يعزمونا الحين؟؟؟؟
ام حنين\ والله مدري يابنتي اكيدالله هداهم واعترفوا بغلطهم ويبون يصلون الرحم بعد القطيعه
حنين\كل شي جايز اقول يمه انا بروح انام شويه واذا جاوا البنات صحيني علشان ادرسهم
ام حنين\انشاء الله
حنين\يمه شفيك تعبانه خذت دواك
ام حنين\ أي حبيبتي خذته روحي ارتاحي
حنين\ اكيد مافيك شي؟؟
ام حنين\ايه اكيد
حنين\طيب انا بروح الحين
دخلت حنين غرفتها وسكرت الباب وراها وهي مره حزينه لأنها تذكرت ذاك اليوم وعمرها مابتنساه طول العمر يوم ابوها
طرشها بيت عمتهاالظالمه علشان تطلب منها فلوس ليشتري فيه السم
الملعون (الخمر)اللي ضيع حلال ابوها كله تذكر ذاك اليوم وكأن صار امس
تذكر ذاك اليوم اللي سمعت فيه انواع الأهانات والتجريح تذكر قسوة
الدنيا عليها وعلى أخوانها بس دائما كانت تقول الدنيا دواره والله على الظالم..........."

الجزء الثالث

استأجرت ذاك اليوم تاكسي علشان يوديها بيت عمتهاوكانت الساعه8

بالليل وهي مره خايفه لأنها أول مره تطلع بدون أهلها بس ايش

تسوي؟؟

حكم القوي على الضعيف المهم دخلت حي الحزام الذهبي وكان هذا

الحي جدا راقي واعطت التاكسي وصف البيت والشارع اللي ساكنه فيه

عمتها ووصلت أخيرا ذاك القصر اللي ماتوقعته يكون بهذا الشكل والحجم

البوابه كانت مره كبيره وكان لون البوابه زيتي على ذهبي غامق ولون

البيت ايضا زيتي على ذهبي غامق ...

امها كانت دائما تقول لها ان بيوت

عمامك قصور كبيره بس هي الحين تعجز عن وصف القصر لأنها تحس

انها عايشه في دنيا ثانيه وفي مكان ثاني مش مصدقه ان هذا بيت

عمتها....

وحمدت ربها حنين ان كانت البوابه مفتوحه لأن عمتها كان عازمه ذيك

الليله سيدات أعمال..

المهم قالت لراعي التاكسي:

حنين\ادخل من هذه البوابه

ونزلت حنين من التاكسي وعطته اجر التوصيله

ومشت في حديقة البيت الكبيره عشان توصل للمدخل وكانت تحس

باحاسيس ممزوجه بالرهبه والخـــوف والفضول انها تدخل هالعالم

الغريب...سمت بسم الله وفتحت باب المدخل وأول مادخلت شافت جموع

من أزواج العيون متجهه صوبها

استحت"خافت"ارتبكت"افكارها متشتته" ماتدري ايش تسوي

ودها رجعت البيت ولا شافت اللي شافته اتحس انها متهمه والقاضي

بيرصد عليها الحكم سمعت اصوات ناس كثيرة اللي يقول مين هذه؟

واللي يقول ليه جايه ؟واللي يقول كأني اعرفها !اصوات كثييره وبعدها

بلحظه عم السكوت المكان............................................ .............

لأن:

جات صاحبة البيت جات العمه اللي ذبحت حنين بنظراتها قبل ماتتكلم

وترمي القنبله الكبيره في وجهها

العمه\حنين هلا والله بـ حنين

حنين بصوت مبحوح ويالله ينسمع \هلا عمه نوره شلونك أبوي يسلم

عليك.......

الموجدين استغربوا عمه ؟؟؟؟ أي عمه وفي وحده تجرأت من الموجدين

وقالت:ماعرفتينا يانوره على بنت أخوك!!

لحظة صمت استمرت دقايق.....

العمه\هاهاهاهاها لامين قال هذه بنت أخوي هذه بنت مسكينه جايه

تطلب فلوس

لأني انا شهريا اتصـــدق على الفقراء اللي في حي(...)والله حالتهم

صعبه يكسرون الخاطر وخصوصا هالعايله اتعاطف معاهم كثيير لأن

طيبين ويدخلون القلب بسرعه....

وبعدين تدرين الواحد يأخذ الأجر والثواب عند رب العالمين

العمه\صح يـــا حنين؟؟؟؟

حنين شقولكم عن حالة حنين حالتها لا تسر لا عدو ولا صديق تمنت تصيح

بس اخنقتها العبره.....

تمنت الأرض تنشق وتبلعها....

تمنت ترجع بس اتحس ان الكون وقف معاها ماهي قادره لا تتحرك

ولاتمشي ولا ترد على سؤال عمتهااللي جرحها وقلل من شأنها....

بس اللي ذبحهازود ان يوم حسوا الحريم ان طال سكوت حنين

قربت العمه وخافت انها تنفضح فقررت انها تقضي على حنين كليا لأنها

تدري ان الكلام اللي قالته مش سهل خصوصا عند حنين اللي اهم شي

عندها عزة النفس فمسكت يدهاوحطت مبلغ محترم فيه واتصلت على

السواق علشان يوصلها البيت...........................

طبعا العمه متعمده تسوي هالحركه علشان تحرج حنين ولا تجي تطلب

فلوس مره ثانيه......

وكل هذا يصير وحنين تحس انها متخدره كليا ماتدري هي متخدره من

كلام عمتها ولا متخدره لأنها تحس انها في حلم ومش قادره تصحى

منه..

ماصحت من غفوتها الا لمن جات حرمه كبيره وقالت :خذي بعد هالفلوس

يمكن ماتكفي الفلوس اللي عندك...

رمت حنين الفلوس في الأرض وصرخت بأعلى صوتها لدرجه ان صدى

الصوت كان واضح جدا

يتبع الجزء الثالث

حنين\اشوف فيك يوم يانوره الله على الظالم وترى دعوة المظلوم

مستجابه ...

وطلعت من المكان بسرعه وركبت سيارة عمتها لأنها كانت هي

مظطره تركبها

واول ماسكرت باب السياره

بكـــت وبكت علشان تفرغ الهم اللي في قلبها تحس انها منبوذه بسبب

الكلام اللي سمعته تحس انها مظلومه واللي ظلمها ابوها اللي جابها

لحد هنا وعمتها اللي اهانتها وجرحت كبريائها كرهت الدنيا وكرهت اللي

فيها

وماحست الا هي وصلت عند باب بيتهم فتحت باب السياره بس قبل ما

تطلع

نادهاالسواق اللي كان سعودي وقال لها بابتسامه خبيثه :أي مساعده

حنا حاضرين بس تكفين هالدموع مابي اشوفها على هالوجه السموح

خلاص الدنيا مافيها امان حتى السواق يفكرها لعبه ويبي يلعب عليها بكم

كلمه

حنين\ حقيرواللي خلاك تسوق هم حقير(طبعا تقصد عمتها حقيره لأن

هي راعية السياره والسواق سواقها)

ونزلت من السياره.......,

ومن بعد هالمعاناه اللي واجهتها تعلمت انها لازم تصير قويه لأن اذاتموا اهلها على هذا الحال بتدوس عليهم الدنيا من جميع النواحي ومش رحمتهم وبعد هذا صارت هي اللي مسئوله عن البيت لأنها ماتنتظر رجا من أحد ولا تبي نظرة شفقه من أي شخص مهما كان.....

وان شاء الله عجبكم الجزء

والجزء الراابع

الجزء الرابع

:انا جيــــــــت

عمر\لا والله الأميره ديانا جايه على غفله وانا مدري

حنين\اي والله صادق ياخوي متاخره وتبينا نرحب فيها

العنود\وش فيها لو رحبتوا فيني اصلا انتوا منقهرين من جمالي الذباح

دخلت ام حنين الصاله

ام حنين\ليش يالعنود تأخرتي قمنا نحاتيك

جات العنود وحبت راس امها

العنود\يمه حبيبتي انا كل مره أقولك ان كل يوم أحد عندنا نشاط حصتين بس انتي الله يهداك تنسين كثيير

ام حنين \طيب كان ذكرتيني عشان مااقعد احاتيك الله يسامحك

عمر وهو زعلان\ ايش عليك يالعنود لو انا متأخركان سوت لي امي

سالفه كبيره وين رحتوا و ايش سوتوا وليش تأخرت ومع مين جالس

وكيف جيت ؟؟ الى مالا نهايه………,

ام حنين\هذا جزاي ياولدي والله اني اخاف عليكم حتى من الهواء اللي

تتنفسونه

العنود\ عاد خلاص يالغلا لاتزعلين منا لله يخليك لنا ياأروع وأغلى أم في

الدنيا

ام حنين\ويخليكم لي ياعيالي جعل عيني ماتبكيكم طول العمر انشاء

الله..

(على طاولة الطعام)

حنين بصوت جدي\يمه ابوي رجع امس؟؟؟

ارتسم الحزن على كل اللي القاعدين وبان عليهم القهر والألم والمأساه

اللي عايشينها من زمان بسبب هالأب الظالم اللي مايخاف من ربه

وتمنوا انهم ماسمعوا السؤال اللي انطرح…

ام حنين بألم\لا لسه مارجع

وتكلمت سمر اللي من اول ماجلست على الطاوله وهي ساكته

سمر\ليه ماما؟ بابا وين يروح كل يوم؟؟؟انا مااشوفه كثيير

سؤال بريء!ينبع من عيون طفله بريئه! اللي ماكانت تدري بالهموم اللي

صارت جزء من حياتهم……….. ايش تبون تقول ام حنين؟؟تبون تقول ان

من كثر مايبات زوجها بره البيت مايشوفنه الامرتين بالشهر هذا اذا جاء

بعد مايدري عن عياله ولا زوجته اللي لهم حقوق عليه؟ مايدري اذا هم

ميتين والا عايشين ... مايدري ان في رب يحاسبه على ذنوبه

وسيئاته.همه الاول والاخير نفسه وملذاته في

الدنيا

بس اللهم يجي يأخذ فلوس من هالعايله الفقيره اللي يالله يالله يجمعون

اللي يقدرون عليه تالي الشهر عشان أغراضهم واحتياجاتهم الشخصيه

ويغطها بسهوله وبكل بساطه على هالخمر الملعون

مش حرام اللي يسويه فيهم ؟؟
الدنيا ظالمه وقاسيه عليهم مايدرون متى أخرمره عاشوا فيها بسلام

لازم يجي شي يكدر عليهم صفوا حياتهم

ام حنين تتكلم وهي تحس ان سكين ينطعن داخل صدرها\ حبيبتي

سموره بابا عنده شغل

سمر \هو كل يوم عنده شغل ؟؟؟

حنين بألم\ايه حبيبتي كل يوم عنده شغل

الجميع سكت ماعاد لهم نفس انهم يتكلمون في الموضوع ولا حتى في

مواضيع ثانيه يكفي هالكلام اللي سمعوه عشان ينكد عليهم اليوم كله

وبعد دقايق صمت:

عمر وهو يبي يغير الحزن اللي طغى على جو المكان\ايه صح سمعت

ان اليوم حبيب القلب بيجي مع أهله …

كانت العنود تاكل بس يوم سمعت ان حبيب القلب بيجي اليوم غصت

بالأكل(مسكينه)

العنو\كح كح كحكح كح

ام حنين بخوف\شفيك؟ بسم عليك الرحمن الرحيم شربي مااي

عمر\ اكيد لازم تغص وتشرق بعد لأنها اليوم بتشوف حبيب القلب!

ام حنين\ حبيب القلب!

مين حبيب القلب؟؟؟

العنود بخاطرها ويه اننكشفنا الله يأخذك ياعمر ياراعي المصايب الله

يأخذك

بس الحمد الله حنين رقعت السالفه وقالت

حنين\مين بعد يمه خالي عادل وعياله

ام حنين\ ذكرتيني الله يذكرك بالشهاده يارب

تراهم بيجون المغرب وبيتعشون عندنا

العنود\احم الحمد الله

ام حنين\وين حبيبتي ماكملتي غداك

عمر\ هي لازم تقوم أصلا علشان تستعد لحبيب القلب

العنود\ايه لازم اتعدل أذا ماتعدلت لـ عمي وحبيب قلبي عـــادل اتعدل لك

انت مثلا

ام حنين \ قولي امين

العنود\اميـن

ام حنين\انشاء يالعنود يابنت حصه اشوف ذاك اليوم اللي تتعدلين فيه

لزوجك

العنود\اميـــن

وعلى طول طلعت لغرفتها

عمر \والله بنتكم يايمه لا فيها لا حياء ولامستحى انا اعرف البنات اذا

دعولهم عن هالأشياء يستحون مش يقولون اميــن مثل بنتك مسودة

الويه… هزلت والله خلاص انا ماني متزوج اذاكانوا البنات مثل عنيد

حنين\ لا لا تخاف اللي بالي بالك بنات حشيم ويعرفون السنع

يتبع

عمر في خاطره ادري من زمان ولا ماكان اهتميت فيها هالكثرعمر\ ومين اللي في بالك ياعبقرية زمانك؟؟حنين\ايه سو نفسك مؤدب وتغيبى علي تراني أختك وعارفتك عدل انا

مايخفى علي شي انت فاهم ؟؟

عمر\ فاهم بس بلا فضايح الله يخليكام حنين\ياحليلك ياولدي تحب وانا مدري مين هذه اللي سلبة عقلك؟

توك صغير على هالسوالف؟

حنين \اقول؟؟؟

عمر\ لالالالالاتقوليـــنام حنين\ليه؟انت من متى تخبي علي اسرارك؟ ليه ماتبين اعرف؟؟

قام عمرمن الكرسي ومشى لغرفته بس قبل مايطلع قال

عمر\لأني أستحي انا مش مثل بنتك الهبلهوطلع من الغرفه…..

الحمد لله والشكر هالأيام انعكست الايه البنت جريئه والولد يستحي….

دخلت العنود غرفتها وهي تحس بحراره في وجهها والله أني قوية عينكيف قلت لأمي هالكلام؟؟؟استغفر الله العظيم..

بس والله مش ذنبي انا يوم سمعت ان حبيب القلب بيجي ارتبكت

ماعرفت ايش اسوي اطلعت مني الكلمه بعفويه بدون مقدمات...

ياويلي !!صج ماستحي على وجهي...

بس والله ماني مصدقه (لافي )بيجي عندنا اليوم ياحظي وناسه...

شغلت المسجل على اغنيةعبد الكريم عبد القادر الحب لك وحدك
:

وقامت الحبيبه تنطنط فوق السريرمن الفرحه وتغني مع الاغنيهمن عيوني لو تطلب عيوني..
حبيبي وحبك في قلبي جنوني..
وعيون الناس تسأل ليه أحبك..
وأنا ماهمني لويسألوني..
(حبيب القلب) من غيرك يصوني..
ومن يفهم كلامك من عيونك..
تخيل تبتعد عني يا غالي..
حياتي مالها معنى بدونك..
وحبيب الروح ياحلو ابتسامتك..
وياماحلى الليالي في غرامك..
يشوفوني معك أسهر ليالي..
يغاروا من كلامي ومن كلامك

**بيت بو لافي**

:يمه ..يمه.. ريم .. وينكم؟؟؟

ريم :وشفيك يالأخو تصارخ؟؟

لافي\ يعني ماتدرين ليه أصارخ؟؟

ريم\ لا والله!

لافي\حرام عليكم والله تأخرنا على بيت خالتي وأنتوا تمشون على ثلج

وانا على نار

ياناس حسوا فيني عااد

ريم\اهــا الحين فهمت كل الصراخ وهالحشره لأن السالفه فيها بيت

خالتي؟؟

لافي\ ايه عندك مانع؟؟ريم \لا عندي لافي الله يخليه لبعض الناس........

انا ابي اعرف شي واحد بس ممكن؟

لافي \تفضلي بس بسرعه

ريم\مادام انتوا تحبون بعض هالكثر ليه كل واحد فيكم يبين العكس

للثاني؟؟

في البدايه ابتسم لأخته لأنه تذكر المواقف اللي تصير له مع العنود بسبعدين حاول انه يخفي هالأبتسامه ويبدلها بوجه عصبي لأنها أحرجتهبالسؤال اللي يعرف فيه الجوابلافي\ياشيــن اللقافه انت على مين طالعه ياحبك لـهالسوالف لا واللييشوفك يحسبك شريفة مكه مالت على هالويه..صج مصخره صحيح بزر

وتبيني أعلمها على هالشغلات ياماما روحي خذي الرضاعه حقتك

وتركها لوحدها ومشى.
.
ريم\بل بل بل هذا أنا ماقلت له شي بس سؤال صغيرون يمه منه كلنيالأخ بثيابي.. (كل هذا ولا قالت شي)

بقولكم نبذه عن أفراد عايلة بولافي (عادل)

بولافي : الأخ الوحيد والصغير لأم حنين طيب وحنون على عيال أخته واي

شي يبونه يلبيه لهم على طول

أم لافي سعاد:تعلمت الطيبه من زوجها وتحب الخير والصلاح لعيالهالافي \الولد الوحيد وعمره 23سنه يدرس في جامعة الملك فهد للبترولوالمعادن وهو أخر سنه ومعروف كثيير في الجامعه بسبب أسلوبهووسامته اللي تجذب الناس له ..

ريم\أخر العنقودعمرها17 سنه ثاني ثانوي

الجزء الخامس
لافي\اشوه عرفت اصرفها أوف منها ياأخي مدري هالأخت تستهبل

والا تتغيبى علي يعني ماتدري اني احب العنودمن زمان ودائما أتهاوش

معها علشان مابي الناس

يطلعون عليها كلام حتى لو كانوا هالناس أهلي وأعز البشر عندي

العنود اه يالعنود يا حب الطفوله و الصبا ياعمري اللي راح واللي

باقي وحشتيني وحشتيني كثيير احبك أحب كل شي فيك حتى طوالة

لسانك احبها وابيك أنت من بد الناس كلهم ماابي أحد غيرك بس

ياليتك تفهمين وتحسين فيني مش كل مره خناق وهواش كل واحد فينا

مايصدق على الله تطلع منه كلمه غلط أو زلة لسان ويروح يستقلها

علشان يقهر الثاني ويخليه يكره حياته وعيشته بس والله عسل عسل

كلامها هالادميه على قلبي ياربي أحبها بس فيه سؤال يطرح نفسه

ياترى هي تحبني مثل ماأنا أحبها؟؟ والا تحبني كثير؟؟والا تحبني

شوي؟؟والاما تحبني خلقه؟؟

وبعد طول تفكير:

لا يكون هي تغايظني لأنها تكرهني وأنا الحبيب أفكرها تغايظني لأنها

تحبني

اوه والله أني زهقت أفتر راسي من كثر ماأنا أفكر فيها وهي أصلا

ماتدري عن هوى داري صج ماعندي سالفه وغبي بعد لأني أفكر فيها .....

بس أيش أسوي والله أحبها !!وأموووت فيها!!

أحسن لي أروح أستعجل امي بدال عوار الراس هذا

بخرت البيت وعطرته ونظفت الصاله والمجلس والغرف كلها أبي كل شي

مرتب وعدل وحلو سويت للعشاء السلطه اللي يحبها لافي

صح انها سلطه بس على الأقل شي يمدحوني فيه قدام لافي أما الأخت

حنين اللي كانت ماشاء الله عليها طباخه ماهره كل شي تكفلت فيه

حتى العصير هي اللي سوته يحليلها أختي ..يارب الله يوفقها بولد

الحلال اللي يسعدها ويمللي عليها دنيتها مسكينه والله ماتستاهل

أختي كل شي فوق راسها

انا لواعد اللي تقدموا لخطبة أختي ماخلص من كثرهم كل واحد أحسن

وأحلى من الثاني ومناصبهم قويه بعد بس هي كل ترفضهم رفضا قاطع

لارجوع له .......

تدرون ليه؟؟ اه ياقلبي! لأنها تخاف اذا تزوجت ننشتت عقبها ولا أحد

يصرف علينا غيرها

صح أن أمي تبيع بضاعه خالي اللي يجيبها لها من الأمارات وهذا البضاعه

عباره عن دخون ودهن العود وحنا...يعني شغلات حريم

بس ولو هذه البضاعه ماتسد أحتياجاتناكلها بس الحمد الله مستوره و الله

كريم

بعدها راحت العنود تساعد أختها لأن امها تعبت شوي ولا قدرت تدخل

المطبخ حتى أذان المغرب بعدين راحت غرفتها علشان تتسبح وتغسل

شعرها من حمام الزيت اللي حطته على راسهاوبعد السبوح مابقى شي

في الكبت من الملابس ماطلعته لأنها الحبيبه محتاره وش تلبس البدله

السماويه والا البدله الورديه وبعدين استقرت على بدله روعه عباره عن

بلوزه بيضاء فيها ورود ورديه ناعمه جدا وتنوره جينز ورديه وطبعا شعرها

مايبيله استشوار بس نشفته عن الماي وحطت كحل على عيونها

ومرطب على شفايفها...

يالله صج البنات ياخذون وقت في اللبس لازم يتكشخون ويتزينون

ويطلعون جمالهم اللي على قولت العنود الذباح............

مدري ليه أسال عليك وأنسى كل عمري وأجيك
مدري ليه تبكي عيوني كل ما أناظر اليك
اعترف أني هويتك وأني بعيوني فديتك
وأعترف لك ياحياتي غيرك أنت ما أبي

وأخيــرا وصلت العايله الكريمه بيت الخاله أم حنين ودخلوا الصاله

مباشره لأنهم متعودين على هذا الشي وبعد السلام

أم حنين\ حيا الله حرمة أخوي القاطعه اللي ماشفناها من زمان ..

ام لافي\ياهلا فيك حبيبتي.. والله الشغل ماخذ وقتي وتدرين انت بعد

الشغاله راحت وتونا مقدمين على وحده ثانيه

أم حنين\يالله معليش هالمره سماح بس المره الثانيه لا تعيدينها

وشلونك ياأخوي عساك بخير؟؟

بو لافي\الحمدالله بخير أنا دام أنت بخير..طمنينا عن أحوالك؟؟عساكم

مرتاحين ؟؟ محتاجين شي؟؟

أم حنين\لا ياخوي والله ماتقصر مستوره والحمد لله..شخباركم عيالي

انشاء الله بخير؟؟؟

طبعا ريم هي اللي جاوبت لأن لافي كان سرحان ومشغول باله على

العنود اللي ماطلعت من الغرفه بس مسكينه هي ماتدري أنهم جاوا

لأنها جالسه تفكر بأحلامها الورديه ولاحنين لأنها كانت تتسبح

ريم بصوت واطي علشان ماحد يسمعها\لافي لافي لافي .....

ياربي توهقت مايسمع شكله سرحان ...مافي الا اني اضربه على ظهره

يمكن يحس أوف بلشه وفعلا ضربته على ظهره وأخيرا حس الأخ

لافي\شفيك تضربين عمى بشكلك عورتيني!!

ريم\أحسن تستاهل لأني أنادي عليك من زمان بس أنت ماتحس

خالتي تسأل عنك وأنت في وادي وأحنا في وادي ثاني!!

أكيد تفكر في الحبيبه اللي في الغرفه؟؟

لافي \اه ياريم اشفيها مادخلت تسلم علينا ؟؟وين أول اذا درت أن حنا

بنجي تتصنم عند مدخل البيت!!!أكيد فيها شي!!

ريم تكفين أسألي خالتي عن البنات؟؟

ريم\ماابي

لافي\تكفيــن

ريم\ماابـي ماابـي ماابـي

لافي\واللي يسلمك حبيبتي ريم أوديك أي مكان تبينه بس تكفين

سأليها..

ريم\زين زيـن ذبحتنا

لافي\عفيه على الشاطره

ريم\صج أنك بياع حكي..ياشين المصالح

أقول خالتي؟

أم حنين\ها بنتي امري

ريم\وين البنات مااسمع لهم حس؟؟

ام حنين\والله حنين تتسبح والعنودجالسه في غرفتها الحين بتجي

لافي بصوت واطي\طيـب طيـب يالعنود انا هنيه جالس أحاتيك ونار

الشوق ذابحتني وأنت جالسة في الغرفه مدري شتسوين هين والله لـ

راويك

الشرهه مو عليك علي أنا اللي أحاتيك

أم حنين\سمر روحي استعجلي لـخواتك قولي لهم خالك وعياله وصلوا

سمر\طيب ماما

راحت سمرلـ غرفة خواتها وطقت عليهم الباب

(في غرفة البنات)

سمر\العنود حنين فتحوا الباب

راحت حنين تفتح الباب

حنين\شفيك حبيبتي؟

سمر\ماما تقول لكم خالي عادل وصل

العنود\حلفــي

سمر\والله العظيم

العنود\من متى وصلوا

سمر \من زمان

ياويلي من فتره واصلين وأنا الغبيه منحبسه في غرفتي الله يعيني على

ريم بتذبحني ويعيني على لافي

حنين\يالله منتي بطالعه عشان تسلمين عليهم ترى تأخرنا عليهم؟؟

العنود\طيب بجي أسبقيني وأنا بلحقك

حنين\أوكـي

طلعت حنين من الغرفه وبعدها على طول العنود وسبقتها بعد لأنها

ماقدرت تجلس أكثر من كذه مشتاقه له كثيير

لافي\أخيرا شرفت ست الحسن والجمال......................... والله أني

تولهت عليها الحماره

ياربي بمـووت الوردي عليها جنـان

بس بجننها السخيفه مثل ماجننتني

لافي\هـلا واللـه وغـلا ببنت خالتي

طبعا الخبله العنود تفكر ان الترحيب موجه لها بس الحقيقه أن لحنين

اللي كانت وراها

العنود بحياء وهي منزله راسها\هـ ـلا فـ يـ ك

لافي بسخريه\أحد كلـمك أنـتي؟؟؟؟

قويـه كلمته الصراحه فشلهـا وفي نفس الوقت أحرجها تحس أن وجهها

مغطوط وتبي تلقطه

بس على مين تتقوى يا لافي على العنود اللي تحبها وتمووت فيها تراك

تخدع نفسك قبل ماتخدعها لأن نظرات الشوق والوله واضحه جدا في

عيونك اللي فاضحتك

رفعت العنود راسها وقامت تطالع لافي بنظرات ناريه وقالت\مشكـور

وماقصرت ياولد الخاله يجي منك أكثر..

بولافي\افا ماعاش مين يزعل دلوعتي العنود..

ماعليكم منه هالولد مب صاحي اليوم المهم أنتوا شعلومكم وشخباركم

يابناتي؟؟

العنود وحنين\الحمد الله ياخالي أحنا بخير وصحه وسلامه

أما لافي فكان ميت قهرلأن أبوه دافع عن العنود وفشله قدامها وطبعا

هذه النقطه بصالح العنود..اللي كانت فرحانه كثيير بسبب فشيلة لافي

لكن في النفس الوقت الأثنين مشاعرهم متضاربه :

مايدرون هل يفرحون عشان أنهم ماشفوا بعض من زمان.......... والا

ينقهرون لأن كل واحد قدر يقهر الثاني بطريقته الخاصه....

والا يضحكون على نفسهم لأنهم ماتوقعوا أبدا أن تكون الزياره بهذه

الصوره......

بس أهم شي كان عند هالثنائي الغبي أنهم شافوا بعض وطفى لهيب

الشوق اللي كان بقلبهم حتى لو كانت المقابله بدت بالخناق والهواش

اللي صار شي أساسي عند ألأثنين........................

وبعدها أذن أذان العشاء وقاموا الشباب يصلون في المسجد القريب من

البيت..

والحمد لله كان طلوع الشباب للصلاه قدر يهدي الوضع بين العنود ولافي

وخذت العنود ريم لغرفتها بزعم أنهم يصلون لكن السبب الرئيسي كان

شي ثاني

(غرفة البنات)

العنود\ياربي والله لأذبح أخوك شفتيه كيف يبي يستفزني بتصرفاته

كأني ماكله حلاله...

ريم\أوهوووا عليكم شتبين يعني أسويلكم كل واحد يبي يبين

للثاني أن هو الأقوى والأحسن علشان مايطيح قناع الحب اللي في

وجيهكم...

العنودتقول بخاطرها(ول عليها صج جنيه هالبنت كيف قدرت تقراء

أفكاري والله ينخاف منها)

العنود\ومين قالك أني أحبه أصلا أنا أكرهه مدري ليه كل مايشوفني كأنه

شايف الشيطان بوجهه يحاول قد مايقدر أنه يذبحني ويحطمني

بكلامه.......

ريم\ايه ايه تكريهينه واضــح

اصلا ياحبيتي أنت شفتي كيف كان شكل وجهك يوم جيتي تسلمين علينا

كان مره أحمر ةيبن علي الوله والشوق والحنين

العنودبخاطرها(الله يقطع بليس هالبنت كل شي تدقق فيه حتى في

صغائر الأمور بس والله أنها صادقه انا مو بس أحبه أن أتنفس هواه بس

ياليته يدري)

العنود\أقول بس فكينا واللي يرحم والديك وعن هالكلام الماصخ خلينا

نطلع الصاله أكيد جـاو من الصلاه

ريم \لا وتقول أنامااحبه علينا هالكلام ؟؟

العنود\ياربي أنا اذا جلست معاك أكثر من كذه بستخف وأنا في عز

شبابي يالله أمشي جدامي....

طلعت من المسجد وانا شوي مرتاح ماأقول أني مرتاح راحه كليه بس

على الأقل أحسن من لاشيء بعدها دق جوالي وكان المتصل صديق

عمري فهد كأنه حاس فيني والله

فهد\مرحبـا

لافي\.......

فهد\لافي

لافي\...................

فهد بخوف\الو لافي لافي وينك؟؟ليش ماترد

لافي\.......

لافي\أحبـها أحبـها يافهد

فهد معصب\حبتك القراده انشاء الله يااخي خرعتني فكرت صار لك شي

مالت عليك

لافي وهو مصدوم\هذا جزاني يافهد أقولك كل أسراري الشخصيه والله

أن ماأحد حاس فيني غير قلبي اللي يشتكي من الفرقا مع السلامه

وسكر الخط في وجهه.....

فهد\ياربي انا ايش سويت أكيد زعل مني !!خليني أدق عليه

وكان لافي حاط نغمة جواله أغنية أريده لـحسن عبد الله

أريده أريـده أريـده أحبس الأنفاس والأشواق فيني وأستحي من قلبي أن

كثر سؤاله أخنق الاهات وأصبر حنيني ياحبيـب الروح قرب تعالا...

لافي\الــو

فهد\أعذرني ياخوك والله ماكان قصدي أضايقك أوأزعلك

لافي\لا عادي بس أنا مضايق شوي

فهد\طيب قولي شسالفه؟؟يمكن أقدر أساعدك؟؟

وقاله لافي له السالفه كلها...
فهد\ها ها هاها ها ها ها ها ها
لافي\ ليش تضحك ماأتوقع أني قلت نكته علشان تضحك يالمـاصخ

فهد\والله أنتوا الأثنين أكبر نكته في العالم ياأخي بين لها انك تحبها أو

على الأقل مشتاق مو على طول تفشلها

لافي\زين حتى هي فشلتني

فهد\معذوره أنها تفشلك أجل تبيها تسكت لك

أقول بس أدخل البيت وكلمها وحاول أنك تبين لها أنك مهتم فيها

ولاتقول لي ليه هي ماتبين؟؟؟ أنت الرجال وهي الحرمه صح؟؟

لافي\صح ..أوكي مشكور حبيبي تعبتك معاي

فهد\لاعادي تعال كل يوم

لافي \أقول بس ضف وجهك عطيتك وجهه زياده عن اللزوم

وقفل السماعه في وجهه

فهد\شف السخيف قفل السماعه في وجهي مره ثانيه

أروايك في الجامعه وين بتروح مني...

عذبتني في أسباب فرقاك
ظالم وأنا في الحب مظلوم
قلبي جبرني أمشي وياك
وش حيليتي والقلب مغروم

(بيت بو متعب)

هيفاء\متعب متعب يالله قوم بسك نوم

متعب\..................لاجواب

هيفاء\متعــب

متعب\هاه شفيك ياهيفاء

هيفاء\مين قال أن اليوم بروح السوق

متعب\اوه والله نسيت حبيبتي الحين بأخذ شاور وبنروح السوق أوكـي....

هيفاء\أوكي

تركت هيفاء متعب وطلعت للصاله

الله يخليك لنا يامتعب ولا يحرمنا منك يارب

متعب هذا الله يسلمكم بطل من أبطال القصه

شاب خلوق طموح رومانسي جدا عمره 27 سنه يحب الخير لأهله

خصوصالخواته وأمه جميل جدا بنات العايله يحبونه كثيير متخرج من

جامعة الملك سعود اللي في الرياض تخصص طب عام عنده

أخو اسمه فهد وعمره 23 سنه وهو صديق لافي الروح بالروح يدرس في

جامعة الملك فهد للبترول والمعادن تخصص هندسه كهربائيه و

أخت اسمهاروابي متزوجه من واحد يقرب لهم من بعيد اسمه نايف

عندها ولدين تؤام اسمهم عمار وياسرأعمارهم 5سنوات

وأخت ثانيه أسمها هيفاء تدرس في جامعة الملك فيصل تخصص حاسب

الي

( وأم متعب تصير خالة أم حنين)

(بيت بو حنين)

ريم\ياربي وينها هالخبله أختفت مش موجوده لا في الصاله ولا في

المطبخ خليني أروح المجلس يمكن أشوفها وتوها بتفتح باب المجلس الا

يجي عمر ويخبطها على الباب وتطيح على الأرض

ريم\وعمى انشاء الله ماتشوف قبل ما...... وسكتت

لحظة صمت............................................... ....

ريم وهي ميته احراج\أوه اسفه عمر ماكنت أدري أنك أنت اللي فتحت

الباب

عمر\ لا انا اللي اسف لأني ضربتك بس والله ماأقصد

ريم\لا مالا داعي أنك تتأسف

عمر\له داعي

ريم\لا مالاداعي

عمر\تدرين؟؟؟؟؟؟؟؟

ريم\ايش

عمر\لا ولاشي

ريم بدلع\عمر عاااد

عمر فيه الضحكه بس ماسكها

عمر\ماتزعلين اذا قلت لك

ريم\لا ماأزعل يالله قول

عمر\ أكيد

ريم\أكيدين

عمر\روحي شوفي وجهك بالمنظره

وطلع عنها وراح الصاله

أما هي على طول راحت للمنظره اللي كانت جنب حمام المجلس

ريم بخوف\يمـه بسم الله الرحمن الرحيم شكلي يخرع بها الفلعه اللي

على جبهتي ياربي انا الغبيه الحمد لله والشكر امشي ولا اشوف اللي

قدامي الحين كيف أروح الصاله أكيد بيضحكون علي

(الصـاله )

كانت الأجواء في الصاله متوتره شوي

لافي ساعه يطالع العنود بنظرات حيره وشكوك وساعه يطالعها بنظرات

شوق ووله

أما العنود ماتدري شتسوي ودها تكلم لافي بس ماتدري كيف تبدىء

أما عمر فينتظر ريم تدخل الصاله مايدري ليه يمكن علشان يضحك على

الفلعه اللي في جبهتها ويمكن علشان يبي يسمع سوالفها اللي

ماتخلص دائما يقول في نفسه غريبه هالبنت أحسها أنها غامضه وفي

نفس الوقت تعرف أسرار الناس اللي حولها

أما الكبار جالسين يسولفون ولا يدرون عن السوالف اللي تصير من وراهم

فحبت حنين تكسر الجو اللي كان مخيم على المكان

حنين\أقول لافي كم بقى لك سنه وتخلص الجامعه ؟؟

لافي\خلاص انشاء هذه اخر سنه وارتاح من هم الجامعه

حنين\الله يوفقك انشاء ويرزقك ببنت الحلال اللي تسعدك

لافي بصوت عالي وكان يطالع العنود\امـين يارب العالمين

العنودبخاطرها ياربي بمووت واضح أنه يقصدني ونزلت راسها على

طول من كثر الحياء

لافي بخاطره الحمد الله أكيد انتبهت أني أقصدها ياوناستـي مشكوره

ياحنين مشكوره كثيير لولا الله ثم سؤالك كان لحد الحين الجو متوتر

أم لافي \ويه بسم الله عليك يابنتي مين اللي خبطك على جبهتك؟؟

عمر توتر وخاف أنه يتفشل قدام أهل ريم

ريم \لا عادي يمه أنا كنت مسرعه وخبطت بالباب

العنود\عميه ماتشوفين

عمرماغيرك العميه يالعنود هذا اللي ناقص تسب ريم

أم حنين\يالله يابنات خلونا نحط العشاء وقاموالبنات يحطون العشاء

(مجمع الراشد)
متعب\يالله عاد والله زهقت من كثر من لف وندور ولحد الحين ماعجبك

شي ماأصدق

هيفاء\لا والله أنا لازم أدخل المحلات كلها وشف البضاعات اللي نازله

بعدين أفكر أني اشتري

متعب \ياويلي يعني الحين بلف المحلات كلها حرام عليك

هيفاء\متعب عااد خلاص أن قلت ندخل المحلات كلها يعني ندخلها

اوكيك؟؟

متعب\طيب يالله أمشي ندخل هذا المحل أنا بشتري لي بعض البدل

منها وألا بعد ماتبين تدخلين

هيفاء \اممممم أفكر!! لا لا والله أمزح يالله ندخل

دخلوا المحل ومابقى شي المحل الا شراه متعب طالع على أخته

هيفاء\وأنا أقول على مين طالعه تراني طالعه عليك ياأخوي

متعب\أقول بس عن الكلام الزايد وشفي لي هذه التيشيرت حلو ؟؟

هيفاء\ جنان عليك بس أنا أقول لوتأخذ الأسود أحلى

متعب \طيب يالله خليني أحاسب للكاشير

وطلعوابعدهاو راحوا ستار بكس يشربون لهم كافي موكا...

هيفاء\متعب ممكن اسأل سؤال؟؟

متعب\سألي

هيفاء\أنت ليه ماتبي تتزوج عمرك صار 27 سنه وماشاء الله منصبك حلو

ومش ناقصك أي شي!!!

متعب\تبين تعرفين وش ناقصني؟؟

هيفاء\أكيـد

متعب\ناقصني هذا وأشر على قلبه ودي أتزوج بنت ولا كل البنات أبيها

غير عن اللي البنات أعرفهم أبي أنا اللي أمشي وراها وأقول لها أحبك

مأابي هي اللي تجيني عشان مظهري الخارجي ...

ابي اذا شفتها أنسى الدنيا ومافيها

أبيها اذا مشت يوقف الكون كله علشانها

أبيها تريحني من هموم الدنيا وأنا أشيل عنها همومها فوق ظهري

أبي وحده تستاهل أنها تكون حرم متعب عبدالله الـ(...)

أبي ذوق وحشمه وأخلاق وجمال وأسلوب وشخصيه

تتوقعين أن في وحده بهالمواصفات؟؟اذا في دليني عليها وأنا على طول

أتزوجها..

هيفاء\الصراحه ياأخوي ماعندي وحده تحمل كل المواصفات اللي تبغيها

وأصلا مستحيل تلقى كل هالمواصفات لأنها صارت نادره بين البنات

متعب\صدقيني بيجي يوم وبلقاها !!

هيفاء\طيب يالله خلينا ندخل المحلات اللي مادخلناها عشان مانتأخر

على البيت

(بيت بو حنين)
على طاولة الطعام

ريم\ماشاء الله عليكم يابنات خالتي أكلكم يجنن

لافي\خصوصا السلطه تسلم أيد اللي سواها

حنين\واللي سواهاالعنود

لافي بخاطره أدري ياقلبي يالعنود

بو لافي\يعلها سفره دايمه

أم حنين\بوجودكم انشاء الله

وبعد ماتعشوا جلسوا يسولفون شوي حتى الساعه 12 بالليل بعدها

راحوا بيتهم

بس تتوقعون وش علاقة متعب بالقصه؟؟

وهل بترجع المياه لمجاريها عند لافي والعنود؟؟؟

اتمنى من قارء الرواايه الرد على الأسئله في نهايه الجزء الساادس

الجزء السادس

:صبـاح الفل والنرجس والياسمين على أغلى أم بالدنيا

أم متعب\هلا والله بضناي حبيب أمه والله

متعب\شلونك يمه عساك مرتاحه؟؟

أم متعب\مرتاحه يابعد قلبي والله

وبعد هالكلمه نزل فهد مع هيفاء ودخلوا الصاله

فهد\بـس من صباح الله خير غزل ودلع وحنا حتى ابتسامه على الوجه

مافي والله ماحد فقير في هالعايله غيري أنا وهيفاء .. صح هيفاء؟؟

هيفاء\أي والله وانت الصادق ياأخوي أمي تمووت في شي أسمه متعب

وحنا ياغافلين لكم الله عيال الجيران أمش أمش بس نروح الجامعه

شكلها الوالده نستنا خير شر من أول مارجع متعب من الرياض وخذ

الدكتوراه وهي معطتنا طاف........

متعب\حشــى وقسم بالله أتوقع انك بالعه راديوا على الصبح أصبحنا

وأصبح الملك لله...

هيفاء\ قل أعوذبرب الفلق من شر ماحسد........

بسم علي لا يجيني شي الحين
متعب\ أصلا أنا عيني بارده صح يمه؟؟؟؟؟

أم متعب\ أكيد ياولدي يالله عااد كملي فطورك .علشان ماتأخرين أخوك

عن الجامعه.........

فهد\ أيه والله تأخرت على الجامعه الحين بيذبحني لافي يالله بسرعه

أنت مش لازم تفطرين........

هيفاء \حرام عليك توني حتى ماقلت بسم الله

فهد\والله ماأحد قالك تهذرين من صباح الله خير لك 5دقايق بس بعدها

أن ماطلعتي بروح عنك فهمتي؟؟؟؟؟؟؟؟

هيفاء\فهمت فكنا عااد رح شغل سياراتك بتخلص الخمس دقايق

(مدرسة البنات الثانويه الثانيه بالخبر)

العنود\هنـد هنـد اسمعي

هند\شفـيك تتكلمين كذه كأنك بتسوين جريمه؟؟

العنود بخبث\اشرايك نجنن أبلة الأنجليزي ونستعبط عليها ؟؟

هند\ليه شعندك اليوم فرحانه والمزاج رايق؟؟

العنود\الصراحه مدري شقولك أنا اليوم فيني خبال وأبي أطلعه على أحد
ومالقيت غير أبلة الأنجليزي العصبيه

هند\ أقـول لا تغيرين الموضوع وقولي أيش فيك تراني صديقتك عشرة

عمر 9سنين أوكــي

العنود\طيب الحين هي بتجي بعدين بقولك المهم اسمعي أول ماتدخل

الأبله هي طبعا بتقول good moring girlsوحنـا بنقول ايش؟؟

هند\good moring teacherبنقول (مستانسه الأ خت اللي

يشوفها يقول استكشفت نظريه والامخترعه الذره)

العنود\لايافالحه وأنا اللي فكرت بتفهميني على طول أمحق عشرة

عمر!!

هند\أجل وش تبيني أقول ؟؟؟

العنود\شوفي أول ماتدخل وتسلم نقوم نوقف ونقول وعليكم السلام

ورحمة الله وبركاته شرفتينا ونورتينا يا أبله نوره أنت العسل وأحنا

البصل أنت البخور وأحنا العطور....أوكـي عنوني

هند\هـاهـاهـاهـاهـا والله أن عليك أفكار جهنميه الصراحه أنت كذه

يبيلك تأخذين جائزة الأوسكار

العنود\أقـول بلا تطنز تراني ماأمزح يالله يالله

هذه جات

وفعلا دخلت أبلة الأنجليزي وقامت هند المسكينه الـ وحدها على

أساس

أنها مصدقه أن العنود بتقوم معها لكن الأخت العنود غدرت فيها

وهند كلت تهزيء مب صـاحي من أبله نوره.....................وهي

ميته قهروتتوعد للـ عنودبعد الحصه أنها بتذبحها....

(جامعة الملك فهد للبترول والمعادن)

لافي\يالسخيف شفيك تأخرت علي من زمان وأنا واقف بره أنتظرك

والشمس ذابحتني؟؟

فهد\أقـول بس أسكت تراني مانسيت اللي سويته أمس؟؟

لافي منحرج وهو يتذكر السالفه\وش سويت ؟؟ماأذكر أني سويت لك

شي؟؟؟

فهد\ايه سو نفسك غبي وماتذكر شي بس أنا بجاريك في الغباء وبذكرك

:تذكر أمس يوم سكرت السماعه في وجهي مرتين

المره الأولى قلت يالله سمّاح هالمره الولد مرتبك ولا يدري باللي حوله

والمره الثانيه مسكت أعصابي بس ياويلك أن ثلثتها فاهم؟؟؟

لافي\ الله الأخ حاقد وأنا مدري !!أفا عليك ياخوي لا تزعل مني تراني

شوي متهور بس أعجبك والا ماكان استمريت في صداقتي هالسنين

كلها..

فهد\ يالوثــوق أقول بس خليني نمشي تأخرنا على المحاظره

ودخلوا القاعه وحصلوا لهم كم تهزيئه محترمه من الدكتور على

التأخير (يستاهلون ماأحد قالهم يطقون سوالف ويتأخرون)

(غرفة حنين)

جالسه لحالي حزينه..كئيبه..ضايعه..تايهه..ماأعرف وش تحمل لنا

الأيام بكره؟؟

هل بنعيش بسعاده وأمـان وأمـل للأيام الجايه؟؟

والابتخيم علينا غيمة الحزن والخوف اللي تعودنا عليها وصارت شي

طبيعي بالنسبه لنا!!!

يمكن نضحك..نفرح..نتكلم..نسمع..نبكي..

بس مستحيل مستـحيل يتغير الواقـع اللي انكتب لنا.........

طلعت من غرفتي وشفت أمي جالسه تتكلم بالتيلفون وفي وجهها أحلى

ابتسامه استـغربت كل الهم اللي كان في قلـبي انزاح بسبب هذه

الأبتسامه!!!

اّأأّه ياأمي ياللي حنانك مابعده حنان أنت الدنيا والقلب والروح..

يعل هالأبتسامه دايمه ياربـي......

سكرت أم حنين السماعه وشافت حنين واقفه وسرحانه

أم حنين\حنين!!من متى أنتي هنيه؟

حنين\من شوي...يمه مين كنت تكلمين؟؟

أم حنين\هذه خالتي فاطمه (أم متعب)

حنين\خالتي فاطمه!! شخبارها من زمان عنها....

أم حنين\الحمد لله بخير وتسلم عليكم بعد

حنين\الله يسلمها من كل شر..

أم حنين\بكره عازمتنا على العشاء عشان كذه هي متصله..

حنين\شفي الناس كله عندهم عزايم من قبل كم يوم عمي عزمنا والحين

خالتك عازمتك..بتروحين؟؟

أم حنين\قولي بنروح لأنكم بتروحون معي كلكم

حنين\لا يمه ماني برايحه مالي خلق لـعزايم ووجع راس..

أم حنين\لين متى ياحنين؟؟ ليم متى بتمين منعزله عن العالم و الناس

لين متى بتمين وحيده؟؟ خلاص يايمه خلينا ننسى الهم والحزن اللي

بعيونا ..خلينا نعيش..خلينا نعيش يومنا ولا نتحرى وش بيصير باكر
..
العمـر مـره والموت مره والحياه مره وحده..

انسي حبيبتي كل اللي صار ولاتقعدين تفكرين كثيير وخليها على

الله....

حنين وهي تصيح\أنســـى!!!!!!

كلمه سهله سهل قولها على اللسان بـس بس ..صعـب صعب أن

حنا نطبقها.......

..تدرين ليه يمه أنا بالذات صعب أنسى؟؟

أنا بقولك ليه؟؟ عشان يمكن انك نسيتي أو تناسيتي..لكن أنا مستحيل

أنسى الجرح اللي انفتح من سنيـن مستحيل أنسى الجرح اللي انفتح

من أول ماوعيت على هالدنيا وعرفت الصح والخطأ..وشفت قسوة

ومرارة الدنيا علينا لا رحمتنا ولا خلتنا نتهنا عشنا في غربه وحنا في

وطنا كانت ظالمه ظالمه علي وعليك وعلى أخواني اللي تيتموا وهم

صغار أصلا ماكان عندهم أبوا ولا راح يصير ........

يكفي أن عندهم أم وحده تدفيهم من البرد اذا أعلنت الأيام رياحها

وعواصفها وتكسيهم من حنانها وحبها اذا كانوا محتاجين للدفا

وتضمهم لصدرها اذا كانوا فاقدين الأمان والراحه

يكفي أم وحده يكفي..

وعلى طول راحت حنين لـ حضن أمها لأنها كانت محتاجه للأمان اللي

يعوضها من الحرمان اللي عاشته..

.

. "ضـيـاع"

طرقت باب أمسي
كي أرتمي في أحظان الذكريات
..أستقي منها بذوري الهامي
..وأراوي بين طياتها أوهامي..
أشتم فيها عبير زهور أحلامي..
المبلله بدموعي أحزاني..
..ذكرياتي التي ذبلت فيها أنغامي..
...واضمحلت فيها أحلامي..
..أشارف معها على دخول باب النسيان....
بلا أمـل
بلا قـلـب
غـريـبـه
تـائـهـه
.. أضـعـت عـنـوانـي
.. لـكـني ودعـت أحـزانـي
.. فـجـرت بـركـانـي........
..شـدوت بـاأنـغـامـي..
.. ورددت ألـحـانـي...
!!وزرعت الأزهـار فـي أرض افـراحـي...............

(بيت بو متعب)

\وأخيـرا مابغيتي تجين من الجامعه ؟؟

هيفاء\ روابـي هلا والله بأختي حبيبتي وراحت سلمت على أختها

شلونك وشخبارك؟؟وش مسويه ؟؟وشلون عمار وياسر ؟؟ وكيف حال

زوجك؟؟والرياض وأهل الرياض؟؟

روابي\ بس كلتيني كل هالأسئله تبيني أجاوب عليها في وقت واحد

مايصير شوي شوي خلينا نبدء

لوني ابيض

وأخباري زينه

وش مسويه ماسويت شي

وعمار وياسر طيبين

حال زوجي بخير

والرياض وأهل الرياض يسلمون عليك

هيفاء\ مالت عليك تطنزين حضرتك..هذا جزاني اني ولهانه عليك

خلاص لاتكلميني الا بعد ماأنا أكلمك أوكـي؟؟

وبعد خمس دقايق

هيفاء\وش فيك ماتتكلمين؟؟أنخرستي؟؟

روابي\والله ياحبيبتي أنا أطيع شورك أنت قلتي لا تتكلمين لمن أنا أتكلم

هيفاء\ياربي على المطيع أنا ماأقدر على الأدب

روابي\أكيد ماتقدرين حبيبتي أنا غير .......

هيفاء\أقول حقوق الطبع محفوظه فقط لـ جده غير لاتصيرين حراميه

روابي بظحكة اسخفاف \ها ها ها والله انك بايخه

هيفاء\وأنت أبيخ

:لا خلاص أنا اللي بايخ

روابي\متــــعــب

متعب\هلا والله بروابي وأنا قول شفي الشرقيه منوره......

روابي\منوره بوجودك حبيبي..شخبارك ياأخوي؟؟؟

متعب\الحمدلله بخير وعافيه أجل وين حبايبي عمار وياسر؟؟؟

روابي\حبايبك فوق يلعبون بلاي ستيشن في غرفة فهد

متعب\أوكـي بروح أبدل ملابسي وأجيكم لا تتخانقون طيب بابا؟؟

هيفاء\طيب بابا بس لاتنسى تجيب لي حلاوه

متعب\انشاء بس أنت لا تصيحين طيب

هيفاء\طيب

روابي\الحمدلله والشكر صج بزره

هيفاء\تكفين يالكبيره!!!!!!!

طلع متعب الطابق الفوقي وتوه بيدخل غرفته الا يسمع صوت من غرفة

فهد على طول مشى ودخل الغرفه وفتح الباب بقوه

متعب\وش تسون حبايبي؟؟

عمار+ياسر\خالـي متـعـب

وفتح ذراعه متعب عشان يجونه على طول طاروا بحضنه

متعب\شلونكم ياعيون عمكم والله؟؟

عمار\الحمد لله بخيـ

ويقاطعه ياسر\أنت مين قالك تتكلم خالي كلمني أنا

عمار\لا كلمني أنا

ياسر\ لا أنا

متعب\يالله أن أفتك مين اللي تحت يجوني هذيلا .................

بــس تبون تروحون البقاله؟

عمار+ياسر\أيوه

متعب\طيب لاتصرخون بروح أبدل ملابسي وأجي أوكــي؟؟

عمار+ياسر\أوكـي

(بيت بو حنين)

العنود\الـو

العنود\الو منو؟؟على الخط؟؟

العنود\الــــو

العنود\ناس ماتستحي على وجهها وتصك السماعه بكل قوتها

عمر\منو على التليفون؟؟

العنود\مدري الصراحه ماسألته.......

يعني ماتشوفني جالسه ساعه على التليفون ولا أحد يرد!!!

غبي......

عمر\ول عليك مايسوى علي أني قلت منو على التليفون كلتيني...

بروح أخمد احسن لي من مقابل هالوجهه

العنود\من حلاة وجهك عااد الحين توم كروز على غفله رووح نام

احسن...

وشوي ويرن التليفون مره ثانيه

العنود\الو ماتـرد !! صج اذا قالو الفاضي يعمل قاضي

وتوها بتسكر الا تسمع صـوت ماخلاها تنام الليل

صوت(حبيب القلب) لافي

لافي بكل حب وبكل وله وبكل شوق\الـومـرحبا العنود.........

العنود بااحراج فظيع\.................هلا هلا لافي

يا حلو أسمي بصوتها كأنه نغمه موسيقيه

لافي\شخبارك؟؟

العنود\الحمد لله.............وأنت شخبارك؟؟؟

لافي\انا بخير دام أنت بخير يالعنود

لحظة صمت.........

لافي\العنـود!!

العنود البنت ذايبه\همممم

لافي كان وده يقول وحشتيني بس ماقدر يقولها الا بشكل غير مباشر

لافي\.........وحشتيني وحشتني ضرايبك وخناقك من يوم حنا صغار

طبعا العنود فهمت وش كان وده يقول بس ماقدرت تقول أي شي

لافي\العنـود!!وينـك!!أنت معي على الخط؟؟

العنود بصوت واطي\ايه معك بس

لافي\طيب ليه ماتردين؟؟

العنود\..........................لأن أحس أنه في أحد بيدخل الصاله

لافي\أوكـي طيب تامرين على شي قبل ماأسكر

العنود\لا ............... سلامتك

لافي\طيب ديري بالك على أهلك..........ووونفسك

العنود\طيب مع السلامه لافي

لافي\في حفظ الله

لا لا أنا في حلم ولا في علم لافي كلمني بالتليفون وأنا اللي رديت عليه
يـاي مين قـدي ...بروح أقول لـ هند أكيد بتفرح علشاني.....

لافي يكلم نفسه:

معقــوله كيف جتني الجرئه وكلمت العنود!!

قويه الصراحه في حقي وحقها .......

(زين أنك أعترفت)

يدي هي اللي ضربت رقم تليفونهم...

(لاتحاول يالافي التهمه لابستك......)

بس والله ماني بقادر أمسك نفسي .....

(ماأحد قالك كلمها)

وماني بقادر أتحكم بعصابي ........

(ماأحدضربك على أيدك وقالك حبها)

ياويـلي يالعنـود وش سوى فينـي حبـك!!

(تستاهل...).............................(مجنون يكلم نفسه الحمد لله والشكر الله لا يبلانا بالحــب)

ياللي ملكت القلب والقلب يهواك
خلنا نعيش الحب باحساس روحين.
تبقى معايا دوم وابقى لدنياك
حتى ولو هاالناس قلي مجانين.
الحب ما هو بقول اهواني وبهواك
الحب لو ضحيت ما تكفي قلبين.
الحب بحر الشوق قاعه سجاياك
واللي خلق هالشوق يخلقه بحرين.

(كلمات اهات ودموع)

(بيت بومتعب)

الصاله

أم متعب\ياعيالي تراني عزمت عيال أختي بكره على العشاء

هيفاء\والله وناسه يعني بشوف بكره حنين والعنود وبسولف معاهم

فهد\هذا اللي فالحين فيه سوالف وخرابيط مالها داعي...........

هيفاء\أقول بس أسكت شوفوا مين يتكلم ..........مدري مين اللي

يجلس24ساعه مع صديق العمر لافي........

فهد\منقـهره

هيفاء\على أيش أنقهر ياحسره!!!!!!

روابي\زين والله أني جيت من الرياض وألا كنت بمووت غيظ على

شوفة حنين........

هيفاء\ايه على طاري حنين هي لحد الحين تدرس دروس خصوصيه؟؟؟

أم متعب\أيه لحد الحين والله كاسره خاطري هالبنت ماأحد قايم بالبيت

الا هي...................

متعب\يمه محتاجه شي أجيبلك اياه من بره علشان العزيمه

أم متعب\لا حبيبي ماتقصر كل شي موجود.........

متعب\أوكي أن بروح الحين عندي دوام العصر تامرون على شي؟

الجميع \سلامتـك

ريم\أقول العنود وش بتلبسين بكره؟؟

العنود\والله مدري بس اتوقع أني ألبس بدله لونها أحمر ..وأنت وش

بتلبسين؟

ريم\والله لحد الحين محتاره بس لازم نكشخ لأن من زمان ماشفناهم

العنود\أي والله صادقه لازم نكشخ

ريم\وهالله هالله بالمكياج

العنودبغرور\افا عليك أعجبك أنا

(العنود رسامه ماهره وتفنن في رسم العيون )

ريم\العنود

العنود\هلا

ريم\اممممم ...........

العنود\شفيك تكلمي!!

ريم\عمر بيجي بكره

العنود بخبث\ماسمعت عيدي..

ريم\الله يأخذك لازم تذليني يعني

العنود\أنا ماقلت شي بس قلت عيدي اللي قلتيه لأنه صوتك كان واطي

ريم \خلاص قفلي الموضوع أوكي

العنود\طيب وبعد شلونك؟؟

ريم بتأفف\زينه...أوكي ماأطول عليك مع السلامه

العنود فيها الظحكه بس كتمتها\الله يسلمك..

[color=red](يـوم الـعزيـمـه)

( غرفة البنات)

العنود\يلا حنين الحين خالي بيجي وأنت لسه مالبستي!

حنين بضيق\مدري يالعنودأحس قلب منقبض

العنود\تعوذي من بليس وقولي بسم الله وان شاء الله ماهو صاير الا كل

خير...

حنين\الله يسمع منك

العنود\يالله أنابطلع وبخليك عشان تلبسين

وطلعت العنود من الغرفه وتركت حنين لوحدها علشان تبدل ملابسها

أم حنين\هايمه خلصتوا؟

العنود\أي بس بقى حنين تلبس

وشوي وطلعت حنين من الغرفه وكانت لابسه بلوزه سوده هاينك وفيها

تموجات فضيه خفيفه وتنوره سوده مقطعه من تحت مع بوت أسود

وماحطت غير كحل ومرطب شفايف

شافها عمر وقام يصفر \أوش أوش طيحتي قلبي حرام عليك تهبلين

العنود وتبي ترفع معنويات أختها\لا لا مالي شغل تغيرين البدله طالعه

أحلى مني

أم حنين \بسم الله على بنتي هي دايما حلوه ماشاء الله عليها

حنين بابتسامه باهته \مشكوريـن أخجلتوني الصراحه

وقطع كلامهم صوت جرس الباب وكان خالهم جاي

طبعا سياره وحده ما تكفيهم

أم حنين وسمر والعنود أركبوا في سيارة بو لافي

وحنين وعمروريم ركبوا في سيارة لافي

وطبعا لافي مــات قهر لأن العنود ماركبت معاه وفينفس الوقت

خاف أنها تكون زعلانه ومعصبه بسبب انه كلمها

لكن العنود ابدا ماكان تفكيرها كذه والسبب اللي خلاها ماتركب معاه

أنها مره مستحيه منه ومنحرجه بسبب المكالمه ابدا ماتوقعت لافي

يكلمها ويشتاق لها بعد ماجاء بيتهم.....

(بيت بومتعب)

أم متعب\مو كأنهم تأخرواشوي؟

روابي\أي والله صادقه تـأخروا

أم متعب\ دق عليهم فهد شوف وينهم...

فهد\لايمه توني داق على لافي وقال هم في الطريق........

أم متعب\زين أشوه

متعب\ ريحي أعصابك يالغلا مسافة الطريق وبيجون.....

شوي الا وهم واصلين طلعوا العيال من الصاله عشان يستقبلون الرجال

في المجلس

وبعد السلام والترحيب الطويل جلسوا الحريم في الصاله

هيفاء \بنات عطوني عباياتكم مااحد داخل الصاله لاتخافون..
وعطوها البنات العبايات وكلن أنهبل على شكل حنين ولبسها

أم متعب \ياحليلك ياحنين حلويتي مره

حنين\تسلمين ياخالتي عيونك الحلوه

أم متعب\روابي صبي قهوه

روابي\انشاء الله يمه

طبعا كانت الأجواء في المجلس كانت ربشه مره ووناسه كلن يسولف

من جهه ويضحك ويتذكرون مواقفهم اللي تضحك يومهما صغار

هيفاء\وينكم يالقاطعين ماتسئلون ولا شي ...

العنود\ الحين حنا صرنا قاطعين وال أنت اللي ماكلفت على عمرك حتى

تمسكين سماعة التليفون

هيفاء \عاد تكفين أنت اللي مره مقطعه التليفون من كثراتصالاتك!!

روابي\خلاص لاانتي ولا هي أنا اللي قاطعه..

هيفاء\صح يا ريم أنت أي صف؟؟

العنود\شفتــوا وتقول بعد أنا حنا مقاطعينها على الأقل ياحبيبتي حنا

نعرف أنا

أنت في الجامعه مش أنت ...عفاناالله

ريم\يمه منك خليني أتكلم كلتي البنت .....

الله يسلمك أنا في ثاني ثانوي علمي

روابي \يالله عاد شدوا حليكم علمي يبيله وحده بس تأكل الكتب أكل

ودائما تكون متابعه مع معلمتها

العنود\الله يعين

شوي ودق جوال العنودوماحست الا الدنيا تدور فيها لأن كان

المتصل...............

تتوقعون مين اللي دق على حنين؟؟
وش بيصير في بيت بو متعب منأحداث؟؟؟

/color]

الجزء السابع

يـاويلـي ياويـلـي وش أسوي؟؟ مافي الا أقول لـ حنين

العنود\حنين حنين

حنين\هلا

العنود\..........

حنين\ وش فيك يالعنود؟ليش مارديتي على التليفون

العنود بألم\تدرين مين المتصل ؟؟؟

حنين\لا طبعا

العنود\حنين أبـ ـوي اللي داق ابوي ياحنين

حنين\لا حرام عليك لاتقولين ....أكيد تضحكين

وقطع عليهم صوت رنة التليفون

في هاللحظه تأكدت حنين أنها صدق ابوها

روابي\ العنود ردي على التليفون!!

حنين\لا..........خليه أنا اللي برد.........

وقامت حنين من مكانها وراحت شوي بعيد عشان ماأحد

يسمعها..........

حنين\الـ ـو هـ ـلا يبـ ـه

بوحنين\الله يأخذك يابنت الكلب وينكم فيه؟؟

حنين بألم\حنا بيت خالتي فاطمه.......

بو حنين وباعلى صوته\الحين يازفته تجين البيت بســرعه

وقفل السماعه بوجهها................

في هذه اللحظه أخنقتني العبره......

ماني مصدقه هذاأبــوي !! معقـوله!!وين اللي يقول الأب حب

.. وين اللي يقول الأب رعايه.. وين اللي يقول الأب اهتمام

..أمـان..حنان..

وين مشاعر الأبوه الفطريه...

ياناس قولوا لي في أحد يكرهه عياله!! في أحد يتمنى الشر

لهم!! في أبو بهالدنيا وده يحول حياة عياله الى جحيم!! في أبو

يتلذذ بعذاب عياله!!

ليه كل مره نحاول ننسى الأحزان يجي أحد يكدر علينا؟؟؟

أحنا ايش سوينا؟؟ أي جرم أرتكبنا؟؟مين المظلوم ؟؟ ومين

الظالم؟؟مين اللي لازم نحاكمه؟؟ليه يادنيا ليه؟؟....

ماعلى الدنيا عتب..........
كل مافيها أمانــي..
فوق ملتاع ..الهـدب..
أكتـب أحسـاسي أغاني.....
كل ماشفتـك أحن..للصفاء وأجمل وفاء..
يامركب من سهر..يامجاديف القدر....
يابحر موجه عبوس..فيك اتبعني السفر..
كل ماترسي بمينا..أقول تاني..
وأثرها غضب علينا...لعبـه يلعبـها زمـانـي........

شسوي أروح البيت وأشوف أيش يبي والا أجلس ولا كأن شي

صار

بس أنا أعرف أبوي متهور ويسوي أي شي...

ياربــي أرحمني..

لالالالالا لازم أروح وبأسرع وقت بس منوا اللي يوديني ؟؟؟

بس بدون محد يدري... أطلع وأجر تاكسي...

لا صعبه جدا خصوصا أن كلا بيحس

طيب يوديني لافي بس أعرف لافي اذا قلت له بيعلم خالـي

وبتستوي خناقه كبيره أحنا في غنى عنها

يارب ثبتـني....وبهالحظه نزلت دمعه من عيونها خلالالاص

مش قادره أستحمل الوضع اللي أنا محطوطه فيه...

وماأحد حس فيها غير العنود وروابي وعلى طول راحوا لـحنين

روابي\حنين ايش فيه !!ليه تصيحين!!

حنين ماقدرت تغبي الموضوع أكثر من كذه لا زم أحد يساعدها

وقالت لهم كل السالفه بالتفصيل

وخلاص انفجرت من كثرالبكي

العنود\طيب ايش نسوي ؟

حنين وهي لازالت تصيح\مدري يالعنود مدري

روابي\طيب أنا عندي فكره بخلي أخوي متعب يودينا لأنه نقدر

نوثق فيه في هذه المواقف شرايك؟؟؟؟؟

حنين\لالا فشيله ماأقدر

العنود\حنين تكفين وافقي ماعندنا الا هذا الحل تكفيـن

وبعد اصرار روابي والعنود وافقت حنين

حنين\اسمعي اذا أمي سألت عني قولي لها أن في وحده جايه

تأخذ أوراق الأمتحان ومره مهمه انا ماأقدر أقول لها لأن بتشك

فيني أوكــي..

العنود\طيب يلا روحوا مافي وقت ..

روابي\يالله أن بدق على متعب انتظريني هنا

حنين\طيب يلا بسرعه

روابي\هلا متعب

متعب\هلا حبيبتي

روابي\طلبتك طلبه قول تم

متعب\تم ياقلبي قولي

روابي\أول اطلع بره المجلس

متعب\حاضرين دقايق

وفعلا طلع بره المجلس

متعب\شفيك خوفتيني!!

وقالت له روابي كل السالفه

متعب\اسغفرالله العظيم ماأني مصدق أن في أبو بهذه الوحشيه

روابي\المهم ماعلينا بسرعه خلينا نطلع قبل مايصير أي شيّ!!

متعب\طيب بستأذن منهم وأنتو جهزوا وبدق عليك أوكـي يلا

مع السلامه

روابي\مع السلامه

وراحت لـحنين عشان تطمنها

حنين\ها شقال أكيد ماوافق!!

روابي\لا حرام عليك دقايق ونروح بروح أجيب العبايات

ودق عليهم متعب وقالهم أطلعوا وركبوا السياره

أم حنين\العنود تعالي

وقامت العنود من عند البنات

العنود\هلا يمه بغيتي شي

أم حنين بصوت واطي\ وين حنين؟؟

العنودبارتباك\أممم راحت البيت علشان في بنت تبي تأخذ أوراق

الأمتحان وهذه الأوراق مره مره مهمه

أم حنين\مين اللي راحت معه

العنود\واحد من عيال خالتي فاطمه

أم حنين بعصبيه\وهذه الأوراق ماتتأجل لبكره فشلتونا قدام

الرجال الحين ايش بيقول عنا هو وخالتي حسابكم بعدين في

البيت..

المهم كلن عرف بالسالفه الوهميه وأم متعب أنتقدت كثيير حنين

لأنها طلعت من البيت عشان سبب تافه طبعا بنظرها سبب تافه

لأنها ماعاشت المأساه اللي عيشتها حنين................

مسكينه ياحنين من وين تلقينها والا من وين؟؟؟؟؟

نرجع للمهم

في سيارة متعب

طبعا ماأبي أقولكم عن احراج حنين الكبير وهي في السياره

عيونها مانزلتها من الأرض وكانـــت تصيــح بصمـــت

ماتبي أحد يسمعها

وكل مره تلفتت روابي للسيت الوراني وكل مـا تلفتت تشوف

حنين بنفس الوضعيه..........

روابي\حنين

رفعت راسها حنين كأنها تقولها نعم

روابي\فيك شي؟؟

اكتفت حنين بأنها تهز راسهالـ روابي بـ لا يعني انها مافيها

شي

كل هذا يصير ومتعب ساكت ماتكلم عشان مايبي يحسس حنين

بالأحراج

وأخيرا وصلو البيت

روابي\حنين ننتظرك في السياره طيب حبيبتي...

وعلى طول نزلت حنين من السياره متوجهه للبيت

أول ماطلعت من السياره لقيت باب بيتنا مفتوح كله.........

يعني

الحوش من بره ينشاف عاادي عند أبوي الباب مفتوح والا

مسكر حتى لو دخل حرامي البيت عااادي جدا

مشيت بخطوات سريعه للبيت وأول مادخلت سميت بسم الله

فتحت الباب الداخلي وبعدها دخلت الصاله

مالقيت أحد........................

ويــن أبوي؟؟؟

بعدها سمعت صوت في غرفة أمـي أكيد هذا أبوي ودخلت

الغرفه وأول ماشافني أبوي ....

تتوقعون أيش سوى ؟؟

عطاني طراق في وجهــي من قوته طحت على الأرض

تدرون ليه عطاني طراق ؟؟؟

بو حنين\ليه تأخرتي وأنا جالس ساعه أنطرك زي الحمار

((حمار)الأعتراف بالحق فضيله)

بدال مايسألها مع مين جايه ؟؟أو وين أخوانك وأمك سألها ليش

تأخرتي( ونعم الأب)

حنين\............

طبعا حنين متعوده على الضرب من يوم هي صغيره بس الجرح

اللي في قلبها صار ينزف أضـعاف

بو حنين\تكلمي شفيك ساكته؟؟

حنين\...........وش تبينـ ـي أقـ ـول !!

بوحنين\لاتقولين شي يالملعونه الحين بسرعه عطيني فلوس

تأخرت على ربعي.........

حنين\...........

بو حنين بصوت عالي \لا تطالعيني كذه قومـي بســـرعه

وقامت حنين ودخلت غرفتها عشان تعطي أبوها الفلوس

وشوي ودخل عليها وشافها ماسكه بأيدها فلوس

جر الفلوس منها بقوه وطلع من الغرفه ومن بره البيت بكبره ..

أول ماطلع

أنهارت حنين وطاحت على الأرض

(سيارة متعب)

روابي \كأنها تأخرت صح؟؟

متعب\اي والله صادقه تأخرت

روابي\ياويلي والله أني خايفه عليها

أبوها مجرم يمكن يسوي لها أي شي...

متعب\لهدرجه!!

روابي\وأكثر بعد

متعب\طيب شوفي اذا ماطلعت بعد 5دقايق روحي لها أوكـي

وتوها بتتكلم روابي الا طلع أبو حنين وركب سيارة اللي كان

ينتظره ومشوا

روابي\أنا بنزل أوكي

متعب\أصبري بنزل معك وبجلس في حوشهم

روابي\طيب يلا بسرعه

ونزلوا من السياره وتجهوا للبيت

يوم مادخلت الصاله ماشافت حنين وعلى طول توجهت لغرفة

البنات

وأول مادخلت الغرفه

شافت منظر يبكي القلب قبل العيون

شافت منظر يذوب الصخر

شافت اقصى أنواع العذاب

**العذاب أنك تشوف أحد يعاني من الألم اللي في داخله وماتقدر

تسويله شي**

شافت حنين جالسه على الأرض ومافي غير جسم يهتز للأسف

ماكانت حنين تقدر تبكي لأنها العبره خانقتها مش قادره تعبر

عن مشاعرها المؤلمه لأنها تحس أن في غصه بحلقها ...

جلست روابي على الأرض وخذت حنين لحضنهاوصارت تبكي

لاشعوريا لـ حال حنين وحاولت تهديها بس مامن مجيب جلست

فتره طويله تهدي حنين لمن حست فيها حنين

روابي\حبيبتي بسم الله عليك انشاء الله قومي حبيبتي قومي

حنين\مش قادره روابي مش قادره خلاص تعـبت

(بيت بو متعب)

ياربـي شفيهم تأخروا أكيد صار لهم شي الله يستر بس الله

يستر ياليتني رحت معاهم...

ريم\العنود تأخرت حنين صح؟؟

العنود بابتسامه باهته\لاعادي أصلا هذا البنت اللي جيتها تحب

السوالف والهذره أكيد تشوفينها طاقه سوالف معاهم

ريم\اهــا طيب أمشي نشوف هيفاء نساعدها بالمطبخ

العنود\ أوكي سـرينا

عند الأولاد

فهد \شعـليك مين قدك اليوم حبيبة القلب موجوده هنا مايفرق

بينك وبينها الا كم جدار

لافي \مـالت علي أصلا حظي نحس مع هالعنود نفسي أعرف

كيف تفكر ؟؟ تصدق اليوم قبل مانجي بيتكم حنا اللي وصلناهم

ورحت وديت السياره المغسله عشان يغسلونها وغير كذه

معطرها وحاط فيها بخور بعد وبكل سهوله تجي وتركب مع

أبوي وأنا الغبي مفكر أنها بتركب معي

فهد\هاهاهاهاهاهاهاهاهاهاهاهاي

لافي\أيه اضحك اضحك مش أنت اللي محترق بنار الحب

فهد\والله ماأحد قالك حبها

لافي\هو على كيفي السالفه أأحبها والا ماحبها الحب يدخل لقلبك

بدون استئذان شعرفك أنت بالحب

فهد\تكفى ياقيس زمانك تصدق عاد والله أنك كاسر خاطري

لافي\خلها على الله الله كريم

متعب\أوف شفيهم تأخروا ياربي مايصير كل هذا عشان تشوف

شفيها...مافيني صبر..

ماعندي الا أنتظرهم....

غرفة حنين

روابي\حنين حبيبتي خذي شربي المويه

حنين\مالي نفس لأي شي

روابي\على الأقل بللي ريقك

وشربة روابي حنين كأس المويه لأنها ماهي قادره تشربه

لوحدها..

روابي\انروح الحين والا ننتظر شوي لأن تأخرنا وأخاف الأهل

يحاتونا

حنين\أي صح صادقه تأخرنا كثيير

روابي\يلا قومي سمي بالرحمن وغسلي وجهك بالمويه

وأول ماقامت حنين فقدت توازنها وكانت بتطيح الا مسكتها

روابي

روابي\بسم الله عليك تسندي علي

وسندتها ومسكتها من كتفها

روابي\لا لاتروحين الحمام وأنت حالتك كذه أمشي نروح المطبخ

وراحوا المطبخ وغسلت حنين وجهها

ولبسوا عباياتهم وأول ماطلعوافي الحوش شافوا متعب واقف

ومرتبك

روابي\متعب يلا

متعب\انشاء الله

واتوجهوا للسياره وكان طول الطريق ساكتين و كلن شارد

بفكره

حنين تفكر بحظها العاثر هي مع أخوانها

وروابي مش مصدقه لحد الحين اللي صار

ومتعب يبي يعرف ايش صار لـ حنين ولا شعوريا رفع راسه

وشاف بالمنظره عيون حنين

وتمنى أن ماشاف هالعيون اللي تذبح من جمالها وتشكي من

العذاب وتدمع من الاهات..........

بس أكثر موقف أثر فيه يوم شافها تأخذ منديلها وتمشه على

عيونها اللي كانت مستلمه للدموع بغزاره

وحنين حست أن في أحد يطالعها فارفعت راسها وشافت متعب

يتأمل فيها

ارتبكـت كثيير ونزلت عيونها على طول

وهو الخبل ماحس فيها الا لمن نزلت عيونها وعظ على شفايفه

ندم لأن شافها بالمنظره

وأخيرا وصلوا البيت

وطلعوا من السياره وظل متعب في السياره عشان يدخلون

البنات قبله

وقبل ماتدخل حنين البيت مسكتها روابي

روابي\حنين تكفين هدي ولا تبينين شي

ومشي دموعك وجهك صار أحمر من كثري البكي

حنين\والله..............

ياويلـي أكيد الحين بيكشفون أني أبكي

روابي\أنت بس خليك عادي وسولفي ولا كأن شي صار طيب..

حنين\مشكـوره مشكـوره ياروابي كثيير والله بدونك ماكنت

أدري شسوي

روابي\لاياحنين حناخواتك وأكثر بعدوأنت عزيزه وغاليه اما اذا

أنت معتبرتني شي ثاني فـ..

وقاطعتها حنين وقالت\لا حرام عليك ماتتوقعين قد ايش أنا أعزك

وربي الشاهد أن معزتك مثل معزة العنود

روابي\تسلمين حبيبتي أقول مو كأن نسينا الشعب الكريم وقمنا

نهذر

حنين بابتسامه\ أي والله صادقه نسيناهم

روابي\اي كـذه ابتسمي تبتسم لك الدنيا يعل هالأبتسامه دايمه

يارب

حنين\اي واضحتبتسم لي الدنياأقول بس خلينا ندخل أكيد الحينيحاتوناروابي\ياللهودخلوا البيت وخذوا لهم كم كلمه عالطايرمن الموجودينيعني مثلتأخرتوا! وش تسون هالكثر في البيت!ليهماتصلتوا عشاننطمن عليكم!ومره ثانيه لا تطلعون الا بشورنا........يعني مثلهذا الكلامبس كان في قلب حاس من الموجودين أن السالفه كذب فيكذبوأكيد في سبب قوي يخلي حنين تروح البيت وهذا القلب كان أمحنينلأنها عارفه بنتها عدل وأكبردليل أن وجها كان متغيرمش حنين اللي كانتموجوده قبل ماتطلع من البيت أكيد فيهاشي...

وبعد ماجلسوا شوي الحريمحطوا العشاء وتعشوا وبعدها كلواحد راح بيتهياترى
ايش راح يصير لـ حنين؟؟والعنود بتحس بـ لافي؟؟؟وأم حنين بتسكت عنالموضوع؟؟ومتعـب وش سالفته ؟؟

الجزء الثامن

**سيارة لافي**

:والله لأذبحها بذبحها (ايش وراك أذبحـها لكن فيها أعدام

: خـلاص طفـح الكـيل (صحيح مادريت مسكه عاد لايطيح)

:من متى هي تتجاهلني وتـركب مـع أحد غيـري (من زمان بس

ماأنت حاس )

:شكــلي بمـوت ناقـص عمـر أنا (ماأحد يمووت ناقص عمر)

هذا الكلام كان يدور في راس لافي لأنه العنود ماركبت معه...

وركبت مع أبوه.....

يوم وصلت أم حنين البيت مع عيالها وأول شي سوته حنين دخلت

غرفتها وقفلت على روحها الباب

أم حنين\ العنودشفيها أختك

العنود\هـا .....................مـافيها شي..

أم حنين\العنود ماني بـسمر تقصين عليها بكلمتين قولي شفيها أختك

العنود\يمـه حبيبتي قلبي أنت ..........والله مافيها شي حنين..

أم حنين\متـأكده؟؟

العنود\أيه متأكده

أم حنين\طيب بروح أشوف شفيها

العنود\لالالالالا يمه مالاداعي أكيد هي تعبانه شوي وتبي ترتاح

أم حنين\لا لازم أشوف بنتي مايهدى لي بال ألا لمن أشوفها..

وفعلا طقت أم حنين الباب على حنين

حنين\منوا؟؟؟

أم حنين\أنا أمك حبيبتي فتحي الباب

حنين\انشاء الله

وفتحت الباب حنين

أم حنين\حنين شفيك تعبانه؟؟تبين تروحين الطبيب..

حنين\لا يمه بس صداع خفيف وبيروح

أم حنين\مدري ليه حاسه أنك فيك شي ثاني ...قولي لي حبيبتي أنا

أمك..

حنين\ يا يمه صدقيني لو فيني شي كان قلت لك من متى وأنا أخبي

عليك شي!! أصلا كل أسراري عندك...

أم حنين\متـــأكده...

العنود\أيه والله أنها متأكده..

أم حنين \بسم الله من وين أنت دخلتي؟؟

العنود\من أختراع سموه الباب

حنين وامها قاموا يطالعون العنود وودهم يذبحونها لأنها فاضيه جدا

العنود\شفيكــم تطالعون فيني كذه كأني ماكله حلالكم!!

طبعا حنين ماله خلق لأختها ومزحها البايخ فاتجاهلتها وماردت على

سؤالها

حنين\يمه عاد خلاص لاتحاتين صدقيني مافيني شي...روحي نامي..

أم حنين\طيب خلاص بصدقك مع أني لحد الحين مش مقتنعه بجوابك

ويالله بروح أنام ....
لاتنسون أقرو اية الكرسي قبل ماتنامون

وتصبحون على خير

حنين+العنود\وأنت من أهل الخير

حنين\ويــه الحمد لله أن المسأله عدت على خير والا لو أمي أظغطت

علي في الكلام صدقيني كنت بخورها وبقول لها
العنود\غريبــه ياحنين ليــه ماتبين تقولين لأمي ؟؟وأنت كل

أسرارك عندها!!

حنين\الصراحــه ماأبي اقـول لأمي هذه السالفه

كفايه اللي جاها من أبوي

العنود\بس ياحنين اذا أمي درت أن أبوي جاء راح تزعــل كثيير منك

حنين\لا مستحيل أمي تزعل مني!!

أنا ماقلت لأمي السالفه علشان ماتتضايق

وبعدين يكفي وحده تتضايق في هالبيت مش لازم كلن ينكد على عمره

خلينا بس ننام بلا هم بلا غم يالله تصبحين على خير

العنود\وانت من أهله

بعد مرور يومين من الأحداث

جامعة الملك فيصل

كفتيريا الجامعه

مروه\أهليـن وينك امس ادق على تليفونك وكله مغلق؟؟

هيفاء\هلا فيك متى دقيتي علي ماشفت رقمك!!!

مروه\الساعه 1بالليل دقيت

هيفاء\1 بالليل أنا بفراشي ونايمه من وقت

مروه\غريبه مش من عوايدك تنامين بدري..

هيفاء\أي والله صادقه لكن أمس أظطريت لأنه قبل أمس سهرت مع

أختي روابي لين الساعه 3 الفجر على قولتهاأنها بكره بتروح الرياض

وماتدري متى بتشوفنا مره ثانيه وتبي تعوض...

وأمس نمت على طول

بعد ماراحت لأني ميته تعب..

مروه \اها الله يخليكم لبعض.........أقول هيفاء

هيفاء\نعم

مروه\أممممم تـرى بعض الناس يسلمون علـيك كثييير

هيفاء\مين تقصدين؟

مروه\علينــا تسوين نفسك ماتدرين هـا

هيفاء باحراج\صدقينـي مدري منوا !!

مروه\خلاص مالا داعي أقول مادامك ماتعرفين..

هيفاء وشوي بتموتها\على راحتك متى مابقيتي تقولين قولي...

مروه\ طيب يلا مع السلامه السواق ناطرني بره

هيفاء \انتظري بروح معك لأن أكيد أخوي الحين وصل

لبسوا البنات عبيهم وطلعوا بره عند المواقف وشافت هيفاء أخوها فهد

وسلمت على صديقتها وركبت السياره

هيفاء\السلام عليكم

فهد\ وعليكم السلام بنت حلال والله توني بدق عليك الا وأنت طالعه

هيفاء\أيــه شفت أنا دايم أدور على راحتك قلت لازم أطلع حرام

أخوي يجلس5دقايق في الحر

مش أنت مره مش هامك الا نفسك اذا تأخرت على محاظرتك!!!

فهد\أقــول بس أكريمنا بسكوتك أنت مره مصدقه نفسك عطيناك وجه

زياده عن اللزوم

هيفاء\ياحسرتي الناس حسديني على هالــ فهد خلي يجون يشوفون

هالأخو !!

وينــك بس يامتعب ياللي مافي مثلك بهاالكون مش أنت عفانا الله !!

وظللوا كذه في خناق ومناجر لحــد ماوصلوا البيت وتفرقوا...

(بيت بو حنين)

أم حنين\أقول حنين تراني قلت لـ لافي اليوم يوديكم السوق لأنه مابقى

شي على عزيمة عمكم ...

حنين\زين قلتي له لأني كنت بقولك اليوم نبي نروح االسوق حق

العزيمه

عمر\ يمه الله يهديك بدال ماتقولين كل مره لـ لافي أو خالي يوصلنا

مكان خليني أطلع ليسن وأسوق سيارة أبوي اللي موقفه بره الشارع

أم حنين\أيــه أصلا أنت هذا اللي تبيه تطلع ليسن بس مستحيل أخليك

تطلعه وأنت بهذا العمر مجنونه أنا أخليك تسوق ...تبي تجيب لي

الجلطه!!

حنين\تصدقين يمه والله صادق في كلامه والله أني متفشله من خالي

من كثر طلباتنا اللي ماتخلص!!

أم حنين\ لا عادي خالك مايقصر معانا...

حنين\أدري يمه ..أدري أنه مايقصر بس حتى ولو ياوجه أستحه

أحراج !!والله ثقلنا عليهم!!

أم حنين \يعني ايش قصدك أنت تبيني أطلع ليسن لأخوك!!!

حنين\يعنــي !!مش الحين اذا كبر شويه ..أو على الأقل نطلع له

ليسن الحين أحتياط ماتدرين يمكن نكون محتاجين سياره لشي

ضروري ومافي أحد موجود يودينا..

أم حنين\طيب خلاص خلوني أفكر ...

عمر\ عــــاشت أختي والله أنك أروع وأحسن أخت في الدنيا من

قدي بطلع ليسن ...

» ثلاث آيات اذا قرأتها يصلي عليك سبعون الف من الملائكة
» لا تندم على حب عشتهـ يوما ....)$(
» فتاة سعوديه تنتقم من الرجال بنقل الايدز
» تعبت اكتم قهر حبي ..
» مأساة على صفحات الانترنت اقراها وما راح تندم