اعرف انك ماتصدق ..بس والله …ثم والله…
"والله انه راح نصف عمري في غيابك"
واعرف اني شلت همي تارك(ن)حبي على الله ..
كني ابعد من {نجوم الليل} واقرب من ثيابك..
..
ياعساك وياعساني وياعسانا وياعسى الله…
ياعسى الدنيا تموت ومايعيش الا ترابك…!!
ياأحبك واعشقك والاتدري يفتح الله..
ماتعودت افتخر بإحساسي الا تحت بابك …
إيه احبك والقضية واضحه والشاهد الله..
يطرد المظلوم خصمه وانت خصمي"ياهلابك"
ياهلابك يوم تلحق غيمتي ..!!والحق سرابك..
جابك الله في حياتي …
ياحياتي جابك الله…
ليش….مدري..؟؟
وين….مدري..؟؟
كيف …مدري ..؟؟
بس جابك…!!
كل ماقلت ابتدينا في المحبه قلت:يالله..
مادريت ان النهايه بين بعدك واقترابك..!
انظلمت وما شكيت ..بس تركت الامر لله..
وكان همي ياحبيبي انتظر باقي عذابك..
الله…الله…انتبه واحذر ..وفكر ..الله ..الله..
مثل مااحسب حسابي في هواك ..احسب حسابك..
ماطلبت المستحيل ولارجيتك شي..!!
ماطلبتك ارتفع من حجرتي ..واسكن سحابك..
ويصرخ القلب المعذب ..يالمعذب [وكٌَََل الله]
شاب حبك في عيوني وانت توك في شبابك..
لين تذكرت الزمان ..ويازماني منك لله..
ليه ماغيرت شي ..يوم اني اهابك..!!
ليه مايعطف قليبك..يالغلاارجوك يالله..
ويعرفون انك سؤال ..ويعرفون اني جوابك..
ويعرفون اني حلفت ..ولااعرف اغلى من الله..
"والله انه راح مني نصف عمري في غيابك"