بسجل نفسي في هالعيد غايب

صدقيني العيد نفسه ماتغير من سنين
فرحة اطفال وتلاقي لمة أحباب وقرايب
كل حاجه مثل ماهي بس انا حالف يمين
إن لاغبتي بسجل نفسي في هالعيد غايب
وارجعي بالذاكره للخلف وانتي تعرفين
ليه أحس العيد عقبك جيته جية مصايب
ليه لاطالعت كرت العيد أكفكف دمعتين
من ذكرت أعيادنا وايام كان الوضع طايب
أذكر أني من مصلى العيد وانتي تذكرين
كنت اسابق خطوتيني متجه يمك وذايب
لجل أكون الشخص الأول لجل مني تسمعين
في صباح العيد جمله كل عام وأحنا حبايب
لجل نكتب خلف كرت العيد ذيك الكلمتين
كنت اجيك بقلب طفل وطيش شاب وثقل شايب
وأنتي في اجمل ثيابك كاشخه والزين زين
تثبتين أنك عجيبه غير عن كل العجايب
كنت اعايد معك حالي حال باقي العاشقين
جايبن روحي على كفي وأقدمها وهايب
وادري إنه مايهمك ويش أجيب من الثمين
كان همك جيتي ماكان همك ويش جايب
فرحة العيد بلقانا كانت أصلآ فرحتين
شبه ضحكات الورود وعد زخات السحايب
ماليوم طعم ومالها الذكرى حنين
وكل منا في مكان وكل واحد له طلايب
الرجا في عيد الأضحى يمكن انك ترجعين
ماأقول ألا عسى الله يجزي من كان السبايب
وإن رجعتي وشفتي أني في اعداد الميتين
ذا أنا بوصيك حاجه قبل تنحط النصايب
طالبك في كل عيد بعد موتي تكتبين
خلف كرت العيد جملة:كل عام أحنا حبايب
[b][center]

وارجعي بالذاكره للخلف وانتي تعرفين
ليه أحس العيد عقبك جيته جية مصايب



وادري إنه مايهمك ويش أجيب من الثمين
كان همك جيتي ماكان همك ويش جايب


فديت هالذوق والله