اسعد الله اوقاتكم بكل خير ومحبه ..
سوف يكون لنا مع البوح كلمه رقيقه تحمل في انفاسها شذى ورونق رائعين ..
يسطر لنا الشاعر قايد الشريف هذه الفاتنه العذبه ..
فأهلا بكم مع غزل الحروف وحكايتها المتقنه ..
*
الجرح ينزف بس حاضر ولبيـــه
لبى نزيف الجرح والجرح وانتي
مادام جرحي مايجي غير بيديك
لبـــى الجروح وطعنتك لاطعنتي
مادامــها مــنك ومنـك وحواليك
يالبـــى قلبك كيف ماكان كنتي
تصدقين البارحه حالم(ن) فــيك
حلمت مدري شلون في الحلم خنتي
وصحيت ودي ادفنك ودي اجيك
وجيت ودفنتك داخلي واندفنتي
كنتي حبيبة خافقي نفسها ذيك
نفس الملامح نفسها بس زنتي
شفتك بقلبي والملا من حواليك
ماكنك الا الحلم من يوم بنتي ..!
كنك مابين النادلات وجواريك ..!!
حورية(ن) في عرش قلبي سكنتي
تصدقين احس من كثر مغليك ..!؟
انك حبيبه وام او مثل بنتي..!!
تكفين ريحي قلب مغليك..!
تربعي في الخافق اللي سكنتي ..!
" مناك منيا .. هنيا وهونيك ..""
القلب هذا مسجله "بإسمك انتي"
مع حبي ~
فلسفـه روووح
الإثنين يناير 18, 2010 2:34 pm