اصعب سؤال اللي جوابه للاسف مثله سؤال
ماهو تفلسف الاموقف صار واسمع ثاني بيت
البارحه يومه سأل وش ذكرك ذيك الليال
كان الجواب بكل بساطه من متى اصلن نسيت
ادري بأن جمع الصعوبه والبساطه شي محال
لاكنها صارت كذا واللي اهم اني دريت
ان الحياة في بعد احبابك اذا جف الوصال
تعيشها لوتقتنع انك خلاص اصبحت ميت
ياصاحبي لو كل شي يمر بالخاطر يقال
ماكانت العبره تولجني لامنك طريت
شفني قدرت احبس دموعي بس دمع القاف سال
وياكبرها ساكت ولاكن داخل اوراقي بكيت
عمر الحكي ماكان دافي لا ابتداء بقولة تعال
لآجل اتجاهل رجفة حروفي الامني حكيت
الحال في بعدك قسم بالله ما اسميه حال
انوي على الضحكه واحس كلي خطا الاني نويت
تصور انك من رحلت اشوفك لجسمي ظلال
لاشفته امشي ببتعد واثره معي مهما مشيت
مدام يعني في بحرك لفرحتي مليون جال
وش فيه موجك ماركد قربت اموت ومارسيت
يرضيك معاد تفرق اذا جالك معي مجال
لاني اقتنعت انك نهايه واني ببطي مابديت
صرت اعقد حجاجي اذا جابوك بأطراف الجدال
وانا قبل لاقالو اسمك كني ميت ثم حييت
تعبت اعيش الدور وافتح للمعابير الخيال
اتخيل اني جيت في بالك وبأنك استحيت
تردلي كلك وله وتقول كن البعد طال
ومن الفرح ما اعاتبك واقول ياخي مابغيت
حتى وانا اتخيل حشمتك لان قلبي لايزال
يكرر اسمك داخل اعماقي بنبظه لاسهيت
قلي شسوي فيك وانت بداخلي اصدق مثال
للحب واحساس القصيد ان عانق الليل وسريت
ربي يصبرني على الفرقا مدام الحظ مال
وانت بيجيك يوم تعرف ليه في بعدك شكيت
اواذا بلاك الله وعذبك اشتياقك بس تعال
واقرى القصايد في غيابك كل ابوها بيت بيت
تبتدري ان اصعب سؤال؟؟
اللي يجي رده سؤال؟؟
لاقلت لي وش ذكرك؟؟
ثم قلت لك متى نسيت
السبت نوفمبر 15, 2008 2:43 pm![[ ڪبــَـَـآر آڷشخصيآإٺ ~ ]](https://2img.net/i/itest/ranks/default/default5.gif "[ ڪبــَـَـآر آڷشخصيآإٺ ~ ]")
